ATV

Tag: #libero #atv

  • Bali Muharremaj me veprime të pazakonta: “Ulna dhe ha me punëtorët, për t’ju tregu se jam si ata”

    Bali Muharremaj me veprime të pazakonta: “Ulna dhe ha me punëtorët, për t’ju tregu se jam si ata”

    Kryetari i Komunës së Suharekës, Bali Muharremaj ishte i ftuar në emisionin “LIBERO” në një intervistë më ndryshe, ku rrëfeu shumë gjëra sa i përket punës së tij si kryetar i kësaj komune.

    Gjithashtu, ai përmendi edhe anën e tij humane që e ka ndaj punëtorëve, derisa theksoi se e konsideron vetën njësoj me ta.

    “…Unë e di ndjenjën e të qenit punëtor, shumë rrallë dal për të ngrënë dreka, por kur takoj punëtorët ulem dhe ha ushqim me ta, përmes kësaj dua t’ju tregoj që edhe unë kam qenë si ata dhe vazhdoj të punoj dhe të jem i tillë…”, deklaroi Muharremaj.

    Mes tjerash, ai tha se gjatë punimeve së bashku me punëtorët e tij, ndonjëherë edhe vishet njësoj, madje edhe ju ndihmon atyre dhe këtë veprim ai e konsideron kulturë.

    Vlen të ceket se veprimtaritë humanitare të Kryetarit të Suharekës janë të shumta. Ai bashkë me Shoqatën “Jetimat e Ballkanit”, për 4 vite kanë ndërtuar mbi 150 shtëpi për familjet skamnore.

    Gjithashtu, Muharremaj përmendi përsëri se do ta ndërtoj stadiumin e premtuar me 17 mijë ulëse, edhe nëse nuk e ka përkrahjen e Qeverisë.

    Për të ndjekur intervistën e plotë, klikoni në linkun e mëposhtëm:

  • Samir Ujkani flet ekskluzivisht pas pensionimit në futbollin aktiv, ja arsyeja e dorëheqjes

    Samir Ujkani flet ekskluzivisht pas pensionimit në futbollin aktiv, ja arsyeja e dorëheqjes

    Portieri i njohur Samir Ujkani në një intervistë ekskluzive në “LIBERO”, ka rrëfyer më tepër për sa i takon vendimit që e mori për t’i thënë lamtumirë futbollit.

    Ai tha se arsyeja kryesore e pensionimit të futbollit ishte familja.

    “…Kisha dëshirë që vajza ime t’ia fillojë shkollës në një vend dhe mos ta ndërrojë më.  Jeta ime ka qenë gjithmonë midis Italisë dhe Belgjikës, unë vendosa ta lë Italinë dhe të vendosem në Belgjikë, sepse viteve të fundit kam ndërruar shumë klube dhe kjo nuk ka qenë e lehtë për familjen time…”, tha mes tjerash Samir Ujkani.

    Futbollisti tha se qëllimi i tij ishte që të mos largohej nga futbolli pa shënuar Kosova një fitore, e pas fitores së Kosovës kundër Andorës, ai përfundimisht vendosi ta lë karrierën e tij.

    Vlen ta theksojmë se së fundmi, ai u emërua zëvendësdrejtor i Kombëtares së Futbollit të Kosovës.

    Për të ndjekur intervistën e Samir Ujkanit, klikoni në linkun e mëposhtëm:

  • “Punët e shtëpisë nuk janë veç për gratë, ato duhet të paguhen” – deklarata e fuqishme e aktivistes për të drejtat e grave

    “Punët e shtëpisë nuk janë veç për gratë, ato duhet të paguhen” – deklarata e fuqishme e aktivistes për të drejtat e grave

    Aktivistja e të drejtave të grave, njëherësh edhe sociologe dhe poete Sibel Halimi në vazhdimësi ka ngritur zërin për pozitën dhe rolin e gruas në shoqëri dhe të drejtave të saj.

    Ajo ishte e ftuar në emisionin “LIBERO” ku foli për sa i takon kësaj tematike dhe mes tjerash përmendi edhe barazinë gjinore sa i përket punëve të shtëpisë, duke potencuar se ato nuk janë vetëm të grave dhe duhet të paguhen.

    “Punët e shtëpisë  nuk janë  vetëm të  grave… Puna të cilën gratë e bëjnë në shtëpi duhet të jetë e paguar, shteti duhet të njohë punën e pa paguar të grave, sepse ekzistojnë gra të cilat e lënë pas veten dhe karrierën e tyre si pasojë e kryerjes së punëve të shtëpisë …”, shtoi ajo

    Sibeli, gjithashtu nuk la pa përmendur edhe të drejtat e grave për trashëgimi, e po ashtu ju bëri thirrje të gjitha grave të luftojnë  për të  drejtat e tyre dhe ta ngrisin zërin kundrejt çdo padrejtësie që ju bëhet.

    Vlen ta theksojmë se në Kosovë, vetëm katër për qind e grave deri me tani kanë gëzuar të drejtën për trashëgimi.

    Për të ndjekur intervistën e plotë, mund të  klikoni në  linkun e mëposhtëm:

     

  • A respektohet kodi i veshjes në vendet e punës?

    A respektohet kodi i veshjes në vendet e punës?

    Duam apo nuk duam, që nga momenti që dalim jashtë shtëpisë – krahas gjuhës së trupit, ne komunikojmë edhe me anë të veshjes. Në njëfarë forme thuhet se veshja pasqyron karakterin e një personi.

    Për të diskutuar në lidhje me këtë çështje të ftuarit në “LIBERO” dhanë opinionin e tyre në lidhje me temën.

    Njohësi i protokollit, Tomor Avdija e konsideroi veshjen si gjuhë të komunikimit. Ai tha se veshja ka të bëjë me edukatën që marrin fëmijët nga familja që në moshë të hershme.

    “…Në institucione zonjat dhe zonjushat vishen me fustane të cilat janë më të shkurtra se sa lejon kodi etik, të ngushtë dhe po ashtu veshjet e tyre nuk janë komode për të zotëruar si duhet punën që ato bëjnë…”, deklaroi ai.

    Sa i përket pasqyrimit të karakterit me anë të veshjes, aktorja, Shota Baraliu e sheh krejtësisht ndryshe. Ajo mendoi se jo domosdoshmërisht ajo që veshim tregon statusin apo pozitën që ne e kemi në vende të ndryshme.

    “…Njeriu me kalimin e kohës e ndryshon edhe stilin…I përshtatem vendit, në dasmë vishem me rroba dasme ,në emisione serioze normalisht që do vishem më serioze…”, tha ajo.

    Vlen të ceket se sipas studimit të Temple University, veshjet tona lidhen me mendimin që ne kemi për veten dhe sjelljen në punë.

    Për të ndjekur diskutimin e plotë klikoni në linkun e mëposhtëm:

  • A është reale gjithçka që shfaqet në rrjete sociale?

    A është reale gjithçka që shfaqet në rrjete sociale?

    Rrjetet sociale në mënyrë të pamatshme janë bërë pjesë  përditshmërisë për secilin prej nesh. Këtë e dëshmojnë (edhe) të dhënat e muajit të fundit (tetor 2023) që ishin 4.95 miliardë përdorues të rrjeteve sociale në mbarë botën, që barazohet me 61.4 për qind të popullsisë totale globale.

    Për të diskutuar për përdorimin e rrjeteve sociale dhe vërtetësinë e jetës së njerëzve që pasqyrohet nëpërmjet tyre, në emisionin “LIBERO” ishin të ftuar gazetarë të cilët njëkohshëm janë edhe shumë aktivë në rrjetet e tyre sociale.

    Ndër ta, prezantuesi Argjend Rraci tha se ai vetë nuk është real në rrjete sociale dhe se jeta e përditshme me atë që shfaqet në këto rrjete – dallon dukshëm.

     “…Unë nuk jam real në rrjete sociale, nuk tregoj gjithçka nga jeta ime. Njerëzit mendojnë se unë bëj një jetë luksoze, duke u bazuar në postimet që i bëj, në vendet të cilat shkoj një herë në muaj, ndërkohë në përditshmëri ushqehem si të  gjithë të tjerët edhe me një hamburger…”, shtoi Argjendi.

    Sa i përket realitetit që ofrohet në rrjete sociale, gazetarja nga Shkupi Anita Latifi tha se është reale në rrjete sociale dhe se nuk është penduar për këtë gjë, sepse sinqeriteti i ndihmon asaj në ngritjen e kauzave në të cilat beson.

    Vlen të ceket se përdorimi i rrjeteve sociale mund ketë efekte të dëmshme në shëndetin mendor.

    Shumë studiues përmendin pasojat negative që shkaktojnë rrjetet sociale në shëndetin mendor. Ata shohin një rritje të rrezikut të depresionit, vetëbesimit të ulët, ankthit dhe vetmisë.

    Për ta dëgjuar në detaje diskutimin në lidhje me këtë temë, klikoni në linkun e mëposhtëm:

  • Prezantuesja e njohur thotë se e mendoi vdekjen, kjo është sfida shëndetësore që e përjetoi

    Prezantuesja e njohur thotë se e mendoi vdekjen, kjo është sfida shëndetësore që e përjetoi

    Prezantuesja e njohur, Era Berisha ishte e ftuar në emisionin “LIBERO” në ATV dhe shpalosi shumë të pathëna përsa i takon karrierës por edhe jetës së saj personale.

    Në mes emocionesh, ajo ndau periudhën më të vështirë të jetës – me të cilën u përballë në moshë shumë të re.

     “…Ndihesha sikur nuk po marrë frymë, fillova të kem dhimbje në gjoks… Pas disa kontrollave të cilat i kam bërë, doli të jetë një infeksion shumë i thellë në mushkëri”, deklraroi Berisha, derisa theksoi se në atë kohë pinte 13 lloje të barnave.

    Tutje, ajo potencoi se kjo fazë i ndikoi (edhe) në aspektin e shëndetit mendor.

    “…Filloi të lindë një lloj ankthi brenda vetes, një lloj frike. Mendja ime brenda sekondave fluturonte në fund të botës. Fillova ta mendoj vdekjen…”, tha ajo.

    Vlen ta potencojmë se ankthi është një nga problematikat më të shprehura për sa i takon shëndetit mendor. Sipas Organizatës Botërore të Shëndetësisë (OBSH), rreth 4% e popullsisë globale aktualisht përjetojnë një çrregullim ankthi.

    Për ta dëgjuar në detaje intervistën e Era Berishës, klikoni në linkun e mëposhtëm:

  • Bashkëpunëtori i Baton Haxhiut thotë se është paditur nga deputeti i VV-së, kjo është arsyeja

    Bashkëpunëtori i Baton Haxhiut thotë se është paditur nga deputeti i VV-së, kjo është arsyeja

    Nuk është e rrallë që përdorimi i padive për shpifje të përdoret si strategji për t’i frikësuar ose ndaluar gazetarët që ta ngrisin zërin e tyre rreth padrejtësive të ndryshme.

    Kryeredaktori i gazetës online “AlbanianPost”, Lirim Mehmetaj në emisionin “LIBERO” tha se është paditur nga deputeti i Vetëvendosjes, Dimal Basha, derisa theksoi se i ka edhe 3-4 kallëzime penale nga Qeveria Kurti, përfshirë edhe nga ministrja e Industrisë, Rozeta Hajdari.

    “…Më ka paditë sepse e kam përsëritur atë që e ka thënë ai vet. Mbase tentojnë të parandalojnë diçka…”, theksoi ai.

    Sipas Mehmetaj, qeveria Kurti e ka kuptuar se njerëzit mendojnë se e dëshmojnë shpifjen në momentin që bëjnë padi për shpifje, por kjo nuk qëndron. Ai potencoi, se çdo padi kundrejt tyre e kanë fituar dhe beson se njësoj do të ndodhë edhe me tjerat.

    Për ta dëgjuar intervistën e plotë, klikoni në linkun e mëposhtëm:

  • E parandjeu se do të vdiste, i njoftoj edhe familjarët – pas aksidentit mbeti gjysmë invalide

    E parandjeu se do të vdiste, i njoftoj edhe familjarët – pas aksidentit mbeti gjysmë invalide

    Saranda Ademi e ftuar në emisionin “LIBERO”, foli për karrierën e saj, familjen si dhe rrugëtimin e saj si modele në Kosovë dhe në Zvicër. 

    Anash kësaj, Saranda rrëfeu në këtë emisionin se si për një periudhe e kishte parandjerë vdekjen, derisa përmend vetëaksidentin, për çka ajo mbeti në koma dhe pastaj për disa muaj shkaku i lëndimeve në palcën kurrizore, mbeti edhe në karrocë.

    “Unë e kam ndjerë që mua diçka do të ndodhë, një muaj rresht kisha tim atë, kisha gjyshërit që më vinin në ëndërr më thonin ‘ke kujdes’, ‘ndalu’, sepse përveç që isha nënë vetushqyese në atë kohe, unë punoja, shkollohesha, isha edhe modele, d.m.th. çdo gjë bëja dhe mundohesha ta bëjë më të mirën për fëmiun tim”, dhe një ditë isha për 15 minuta në autostradë, ka qenë një frymë dhe një moment kam qenë 80-km/h dhe bëra vetëaksident shkaku i erës së madhe sepse nuk arrita ta manovroja makinën dhe kam bërë 3 rrotullime. Fat në fatkeqësi autoambulanca ishte prapa meje, duke më ofruar pastaj ndihmën e parë etj., porse, truri im ka qëndruar 3 minuta pa oksigjen dhe për një muaj kam qenë në koma, humba peshë sa isha në koma, peshoja vetëm 48 kg., dhe mbeta në karrocë dhe gjatë gjithë kësaj kohe në Zvicër motra dhe nëna kanë qëndruar, për çka ndihem falënderuese ndaj tyre gjithmonë”, tha ajo./atvlive.tv/

    Për më shumë ndiqni videon e mëposhtme:

     

     

  • “Asnjë shok nuk m’ka mbetë i gjallë. Edhe unë mund të isha njëjtë” – Trondit me deklaratën Ferki Shala, tregon për pasojat e drogës

    “Asnjë shok nuk m’ka mbetë i gjallë. Edhe unë mund të isha njëjtë” – Trondit me deklaratën Ferki Shala, tregon për pasojat e drogës

    Pjesë e suksesit të pamatshëm të grupit ikonik TNT, ka qenë solisti kryesor i grupit, Ferki Shala.

    Pavarësisht suksesit të tij dhe dashurisë së madhe nga publiku, Shala e braktisi muzikën në një periudhë të errët të jetës së tij.

    Në një intervistë ekskluzive për “LIBERO”, pas shumë vitesh foli për largimin nga muzika dhe fokusimit të tij te feja myslimane.

    “…Isha shumë keq me shëndet dhe vendosa të bëj një pauzë…Nëse do të vazhdoja me tempon e njëjtë të jetës, nuk do të isha gjallë. Asnjë shok nuk më ka mbetë i gjallë…” theksoi ai.

    Vlen ta potencojmë se TNT është rikthyer në skenë jo më me vokalistin e mëparshëm, por me Bekim Hallaqin (Belle) në krye.

    Pavarësisht raportimit nga mediat, Ferki Shala e mohoi se është rikthyer në muzikë në formën e zakonshme si më herët. Ai tha se do të bëj këngë në një formë më jokonvencionale, qoftë këngë pa asnjë instrument muzikor apo edhe ilahi.

    Për ta dëgjuar intervistën e plotë të Ferki Shalës, klikoni në linkun e mëposhtëm:

  • A është rritur numri i incidenteve në shkolla, Policia e Kosovës flet ekskluzivisht – tregon masat e sigurisë

    A është rritur numri i incidenteve në shkolla, Policia e Kosovës flet ekskluzivisht – tregon masat e sigurisë

    Sipas Policisë së Kosovës në vitin 2022 janë evidentuar 592 incidente në shkolla dhe përreth tyre. Ndërsa, vetëm në dy muajt e parë të vitit 2023 kjo shifër ka qenë 92.

    Për emisionin “LIBERO”, ekskluzivisht kapiten Salih Dragidella nga Policia e Kosovës tregoi shifrën e këtyre incidenteve për vitin 2023 (deri tani).

    “…Në vitin 2023 deri më tani janë 382 raste të incidenteve në shkolla dhe përreth tyre…”, tha ai.

    Dragidella tregoi edhe për shkaktarët e këtyre rasteve, derisa theksoi kushtet ekonomike dhe moskujdesin e prindërve si dy nga shkaktarët kryesorë.

    Krahas sulmeve në forma të ndryshme dhe dhunës që përdoret në shkolla, disa nga problematikat e tjera me të cilat ballafaqohen nxënësit, konsiderohet se janë edhe përdorimi i drogave dhe bullizmi apo ngacmimet mes nxënësve në forma të ndryshme.

    Sipas rezultateve të planit operativ “Siguria dhe stop drogave në shkolla” të Policisë së Kosovës, përgjatë vitit 2022 ishin 183 raste të evidentuara të drogës në shkolla.

    Vlen ta potencojmë se mirëqenia e nxënësve në secilin aspekt, përfshirë sigurinë dhe mbrojtjen e shëndetit, janë detyra të Ministrisë së Arsimit në Kosovë. Madje parashihen edhe me ligj. Në nenin 2, pika 1.31 garantohet “Shërbim pedagogjik në shkollë – shërbimi arsimor dhe aftësues që ofrohet nga këshilltari, pedagogu, psikologu me qëllim të përmirësimit dhe avancimit në shkollë”

    Për të marrë më shumë informacione rreth kësaj teme, klikoni në linkun e mëposhtëm: