Tag: Ballina

Anëtarët e Kryesisë së Kuvendit të Kosovës do të mblidhen sot në një takim nga ora 11:00, ku në rend dite janë pikat e papërfunduara nga seancat e kaluara plenare, si dhe propozimi i rendit të ditës për seancën plenare të radhës.

Në mesin e pikave të rendit të ditës është edhe shqyrtimi i dytë i Projektligjit për plotësimin dhe ndryshimin e Kodit të Procedurës Penale

Rendi i ditës:

I. Pikat e papërfunduara nga seanca plenare, e mbajtur më 28 shtator dhe 4 tetor 2023:

11. Shqyrtimi i rekomandimit të Komisionit për Ekonomi, Industri, Ndërmarrësi dhe Tregti për shkarkimin e kryesueses dhe anëtarët e Bordit të Komisionit për Pavarur për Miniera dhe Minerale,
12. Shqyrtimi i dytë i Projektligjit për Pronën Publike,
13. Shqyrtimi i dytë i Projektligjit për Prokurorinë Speciale,
14. Shqyrtimi i dytë i Projektligjit për plotësimin dhe ndryshimin e Kodit Penal të Republikës së Kosovës,
15. Shqyrtimi i dytë i Projektligjit për plotësimin dhe ndryshimin e Kodit të Procedurës Penale,
16. Shqyrtimi i dytë i Projektligjit për Sistemin Qendror të Evidencës Penale të Kosovë,
17. Shqyrtimi i parë i Projektligjit për artin dhe kulturën,
18. Shqyrtimi i parë i Projektligjit për vlerësimin strategjik mjedisor,
19. Shqyrtimi i parë i Projektligjit për performancën energjetike të ndërtesave,
20. Shqyrtimi i parë i Projektligjit për administrimin e ndërtesave dhe lagjeve të banimit në bashkëpronësi,
21. Shqyrtimi i parë i Projektligjit për Agjencinë e Regjistrimit Civil.

II. Pikat e papërfunduara nga seanca plenare, e mbajtur më 5 dhe 12 tetor 2023:

3. Votimi i Projektligjit për ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve dhe Bankës Evropiane për Investime për projektin “Rehabilitimi i linjës hekurudhore 10 B”,
4. Shqyrtimi i Projektligjit për ratifikimin e Marrëveshjes në mes Republikës së Kosovës, e përfaqësuar nga Ministria e Bujqësisë, Pylltarisë dhe Zhvillimit Rural dhe Deutsche Gesellschaft für Zusammenarbeit (GIZ) GmbH, për projektin mbështetja për zhvillimin e qëndrueshëm të sektorit të bujqësisë në zonat rurale përmes diversifikimit të aktiviteteve,
5. Votimi në lexim të dytë i Projektligjit për Verëra,
6. Formimi i Komisionit Ad-Hoc për përzgjedhjen e kandidatëve për një anëtari të Komisionit të Pavarur të Mediave, nga radhët e komuniteteve jo shumicë,
7. Propozimi i grupeve parlamentare për emërimin dhe zëvendësimin e anëtarëve në Komisionin Hetimor Parlamentar në lidhje me rastet e dhunës seksuale dhe dhunës në familje në Republikën e Kosovës.

II. Pikat e papërfunduara nga seanca plenare, e mbajtur më 19 tetor 2023:

6. Votimi për emërimin e tre anëtarëve vendorë të Këshillit Shtetëror të Cilësisë të Agjencisë së Kosovës për Akreditim,
7. Votimi i Projektligjit për ratifikimin e Marrëveshjes së kredisë dhe projektit ndërmjet Republikës së Kosovës, përfaqësuar nga Ministria e Financave, Punës dhe Transfereve, KOSTT dhe KFW, Frankfurt Am Main (KFW) për Projektin -Zhvillimi i sektorit të energjisë VII – përmirësimi i rrjetit të transmetimit,
8. Votimi i Projektligjit për ratifikimin e Marrëveshjes së kredisë në mes të Republikës së Kosovës dhe Bankës Evropiane për rindërtim dhe zhvillim për Projektin “Ngrohtorja solare e Prishtinës”,
9. Votimi i Projektligjit për ratifikimin e Marrëveshjes për bashkëfinancimin e bursave të arsimit të lartë në nivelin master në mes Ministrisë së Arsimit, Shkencës, Teknologjisë dhe Inovacionit dhe Ambasadës së Francës në Prishtinë,
10. Votimi në parim i Projektligjit për tekstet shkollore,
11. Shqyrtimi i Projektligjit për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
12. Shqyrtimi i Projektligjit për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
13. Shqyrtimi i Projektligjit për Aderimin e Republikës së Kosovës në Konventën për Importin e Përkohshëm,
14. Shqyrtimi i Projektligjit për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
15. Votimi në parim i Projekt Kodit Doganor dhe i Akcizave,
16. Shqyrtimi i parë i Projektligjit për ndryshimin dhe plotësimin e Ligjit për Lirinë e Asociimit në Organizata Joqeveritare,
17. Shqyrtimi i rekomandimit të Komisionit për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit për shkarkimin e Agron Bekës nga pozita e anëtarit të Këshillit Prokurorial të Kosovës,
18. Shqyrtimi i Raportit vjetor financiar të Buxhetit të Republikës së Kosovës, për vitin 2022,
19. Formimi i Komisionit Ad-hoc për përzgjedhjen e kandidatëve për dy anëtarë të Bordit për Ankesa të Mediave.

IV. Propozimi i rendit të ditës për seancën plenare të radhës:

1. Deklarimet jashtë rendit të ditës,
2. Pyetjet parlamentare,
3. Votimi i Propozim-Rezolutës për mbështetjen urgjente financiare të Policisë së Kosovës,
4. Shqyrtimi i parë i Projektligjit për Administrimin e Procedurave Tatimore,
5. Zgjedhja e dy anëtarëve të Komisionit të Pavarur të Mediave,
6. Zgjedhja e një anëtari të Bordit të Radiotelevizionit të Kosovës, nga radha e komunitetit serb.

V. Shqyrtimi i propozimeve dhe i kërkesave.

Përgatiti: Armand Hoti

As Qeveria e Kosovës, e as Bashkimi Evropian nuk kanë dhënë detaje për planin që Emisari Special i BE-së, Miroslav Lajçak, paraqiti të shtunën para liderëve në Prishtinë dhe Beograd.

Njohës të rrethanave politike, shprehen optimistë se plani që shënon një hap tjetër të përpjekjeve të ndërkombëtarëve për normalizimin e marrëdhënieve mes Kosovës dhe Serbisë, përmban një qasje më të balancuar në raport me dy vendet.

Politologu Fidan Ukaj, beson se bëhet fjalë për një plan sekuencimi që synon të shtyjë palët drejt zbatimit të marrëveshjeve ekzistuese.

“Në diskutim me akterët e rëndësishëm me akterët evropian dhe amerikan mendoj se do ketë një plan final të sekuencimit të zbatimit të marrëveshjeve që do u prezantohet palëve dhe pastaj do jetë ajo faza merre ose lëre dhe brenda planit do jenë të gjitha marrëveshjet e arritura dhe afatet kohore të përcaktuara nga ndërkombëtarët”, tha Ukaj.

Pos themelimit të asociacionit sa më parë, që është kërkesë edhe e ndërkombëtarëve, politologu Ukaj pret që në plani i ri paralelisht të kërkoj edhe zbatimin e obligimeve të Serbisë.

“Sigurisht se aty paralel janë futur edhe obligimet e Serbisë, qoftë në zbatim të marrëveshjes për energji, targat, njohjen e dokumentacionit, vulës doganore, por sigurisht se formimi i Asociacionit sipas ndërmjetësuesit do jetë pika kyqe e këtij plani që tashmë është prezent edhe para palëve”, tha Ukaj.

Ndërkohë, profesori universitar Basri Muja, thekson se plani mund të mbahet larg syve dhe veshëve të publikut deri në një fazë të caktuar pikërisht për t’u shmangur mundësia e presionit publik ndaj pjesëmarrësve dhe ndërmjetësuesve.

Profesori Muja mbështet prioritet për Kosovën për siguri territoriale e saj. Sipas tij, kjo duhet të respektohet edhe nga ndërmjetësuesit.

“Mediatorët duhet ta marrin parasysh prioritetin e Kosovës se pse e kam që ngjarjet e shtatorit mundë ta ndryshojnë situatën jo vetëm në veri të Kosovës”, tha Muja.

Muja shprehet optimist se plani në fjalë mundë të jetë më i balancuar nga ai i paraqitur në takimin e shtatorit në Bruksel, por skeptik për arritjen e një marrëveshjeje.

“Unë shpresoj që do jetë më i ekuilibruar edhe më pro Kosovë sado që do ketë edhe pika që do duhej të jenë të pranueshme për Serbinë që të ia ‘’ruajnë fytyrën Serbisë’’, por nuk pres që dy palët janë të gatshme të arrijnë marrëveshje. Qështja është si të menaxhohet faji për dështimin e këtyre bisedimeve dhe shpresoj që Kurti të dijë që të mos jetë Kosova fajtore për dështimin e këtij rundi”, tha Muja.

Ndërkaq, sulmet e 24 shtatorit janë cilësuar nga Bashkimi Evropian si terroriste, teksa është kërkuar nga Serbia bashkëpunim i plotë dhe pakushte në zbardhjen e tyre.

Parlamenti Evropian, pak ditë më parë përmes në rezolute ka kërkuar angazhim më intensiv nga ndërmjetësuesit e BE-së për normalizimin e marrëdhënieve Kosovë-Serbi.

Më shumë detaje i gjeni në Edicionin Qendror të lajmeve në ATV, në videon më poshtë:

Përgatiti: Driton Sadiku

Lista Serbe u shpreh e gatshme që të marrë pjesë në zgjedhjet për kryetar të katër komunave veriore.

Por, deri më tani nuk ka nisur asnjë iniciativë për organizimin e peticionit për largimin e kryetarëve aktualë, sipas Ministrisë së Administrimit të Pushtetit Lokal.

Sidoqoftë, një gjë e tillë mund të ndodhë së shpejti sipas gazetarit serb, Branislav Krstic. Ai thotë se Serbia do të mundohet me çdo kusht t’iu shmanget sanksioneve, madje duke i pranuar edhe kushtet e Qeverisë së Kosovës.

Krstic thotë se qytetarët serbë këtu sërish do të jenë të detyruar të marrin pjesë në zgjedhje, pavarësisht vullnetit të tyre.

Megjithatë, kurdo që të nisë, një procedurë e tillë merr goxha kohë, kështu që zgjedhjet zor se do të mund të mbahen brenda këtij viti.

Katër komunat veriore, Mitrovicë e Veriut, Zveçan, Leposaviq e Zubin Potok, udhëhiqen për herë të parë nga kryetarë shqiptarë, ndonëse morën mandat me fare pak vota, pasi serbët e veriut bojkotuan, nuk morën pjesë në zgjedhje.

Më shumë detaje i gjeni në Edicionin Qendror të lajmeve në ATV, në videon më poshtë:

Profesori në Universitetin Johns Hopkins, Daniel Serwer, në një intervistë për Krug 99 të Sarajevës thotë së Beogradi po përpiqet të krijojë atë që tashmë është pagëzuar si “bota serbe” duke kontrolluar fatin politik të serbëve në vendet fqinje.

“Presidenti Vuçiq dëshiron të kontrollojë fatin politik të serbëve në vendet fqinje. Kjo përfshin jo vetëm Bosnjën dhe Hercegovinën, por edhe Malin e Zi dhe Kosovën. Ai po përdor forcat e tij të sigurisë dhe inteligjencës, financimin, dezinformimin dhe Kishën Ortodokse Serbe për të kapërcyer rezistencën dhe për të siguruar që demokracitë serioze, të lidhura me Perëndimin, nuk mund të shfaqen në periferi të Serbisë” thotë Serwer.

Ish-diplomati amerikan thekson se Vuçiq ka qenë më i suksesshëm në Malin e Zi, ku ai shfrytëzoi pakënaqësinë ndaj ish – Presidentit Gjukanoviq dhe DPS-it që sundonte prej kohësh.

“Kjo pakënaqësi fuqizoi një opozitë pro-evropiane, e cila po kërkon mbështetje nga Beogradi dhe përfaqësuesit e tij. Ironia është se Gjukanoviq kryesoi, me dinjitet, një tranzicion kryesisht paqësor dhe tërësisht kushtetues që po sjell kundërshtarët e tij hipokritë në pushtet” thotë tutje Serëer. Duke folur për Kosovën Serwer thotë se përpjekja e hapur politike e Vuçiqit për të kontrolluar popullsinë serbe kryhet përmes Listës Srpska.

“Por ai gjithashtu përdor shërbimet sekrete serbe dhe aleatët e tyre në krimin e organizuar për të siguruar që popullata serbe, veçanërisht në veri, t’i qëndrojë besnike Beogradit, jo Prishtinës” thotë ai.

“Ne e pamë atë kombinim në vepër më 24 shtator, kur Lista Srpska dhe shërbimet sekrete tentuan një kryengritje të armatosur. Policia e Kosovës dhe KFOR-i e penguan këtë” shton Serwer.

Sipas profesorit amerikan Vuçiç që atëherë është ka shkuar shumë në drejtim të Rusisë dhe Kinës.

“Ai pa dyshim ka frikë se SHBA dhe Evropa do të kërkojnë që ai të kërkojë falje për kryengritjen e 24 shtatorit dhe të premtojë se nuk do të ndodhë më.

Prioritet kryesor për Kosovën është sigurua e shtetit dhe e qytetarëve, është thënë në takimin që kryeministri i Kosovës, Albin Kurti, ka pasur me deputeten britanike, Alicia Kearns, që së fundmi qëndroi në Kosovë.

Për vizitën e kryetares së Komisionit për Punë të Jashtme në Parlamentin e Mbretërisë së Bashkuar nuk janë dhënë detaje. Takimet janë mbajtur pa publicitet për shkak të sigurisë së saj. Deputetja britanike ishte figura e parë ndërkombëtare që alarmoi për armatimin serb në kishat në Kosovë. Pak muaj pas alarmit të bërë nga ajo, në Zveçan një grup i armatosur serbësh vrau policin Afrim Bunjaku, e në aksionin e Policisë u kap arsenal i madh armësh. Gjatë aksionit të Policisë, sulmuesit u strehuan në Manastirin e Banjskës.

Në njoftimin e Zyrës së Kryeministrit është thënë se Kurti ka shprehur mirënjohjen për mbështetjen e madhe të Kearsnit për Kosovën.

“Në takim u theksua që prioritet kryesor për Republikën e Kosovës është siguria e shtetit dhe e qytetarëve. U tha se pas sulmit terrorist dhe kriminal të 24 shtatorit të kryer nga grupe paramilitare me sponsorim dhe pjesëmarrje të Serbisë, ndëshkimi është vendimtar për mospërsëritje. U bisedua për përkushtimin e plotë për zbatimin e Marrëveshjes Bazike (Bruksel, 27 shkurt) dhe Aneksit të Implementimit të tij (Ohër, 18 mars)”, thuhet në njoftim.

Deputetja Kearns ka pasur takime edhe me udhëheqës të tjerë institucionalë në Kosovë. Ajo ka parë nga afër edhe armët e kapura nga Policia e Kosovës.

Njohësit e çështjeve ekonomike në vend vlerësojnë se puna e Qeverisë Kurti në ekonomi ka stagnuar. Sipas tyre, premtimet kanë qenë më të mëdha sesa realizimet, ndërsa shqetësuese e shohin përqindjen e vogël të investimeve kapitale, raporton Ekonomia Online.

Krahas kësaj, njohësit e ekonomisë shqetësuese e shohin edhe mungesën e stabilitetit politik, me ç’rast thonë se ndikon në mungesë të investitorëve të huaj.

Kryetari i Lidhjes së Bizneseve të Kosovës, Besart Dreshaj, ka thënë për Ekonomia Online se Qeveria Kurti ka stagnuar sa i përket çështjeve ekonomike. Thotë se shqetësimi më i madhe i bizneseve është përqindja e ulët e investimeve kapitale.

“Nëse e përmbledhim punën e kësaj Qeverie në shumë fusha ka stagnuar, në punimet dhe në programet të cilat i ka prezantuar gjatë fushatës zgjedhore, sidomos në fushën e ekonomisë mbi të gjitha në fushën e investimeve kapitale. Në vitin 2022, por edhe 2023-ës na ka përcjellë numri jashtëzakonisht i vogël i përqindjeve të realizimit, në këtë vit është 27.8 për qind realizimi i këtyre investimeve kapitale që është shqetësuese”, u shpreh ai.

“Mjetet të cilat nuk hynë në treg dhe nuk realizohen ato projekte kapitale të cilat janë mënyrë zëngjirure ekonomia tkurret, në këtë vit është mbi 600 milionë euro, që nuk janë futur në treg, kanë qenë të planifikuara të futën në sistemin e realizmit, bizneset janë dëmtuar sepse qarkullimi i atyre mjeteve është në banke dhe nuk është në gjepat dhe në llogaritë e bizneseve”, u shpreh Dreshaj.

Shqetësuese përqindjen e investimeve kapitale e sheh edhe ish-kryetari i Odës Ekonomike të Kosovës, Safet Gërxhaliu. Ai thotë për Ekonomia Online se ekzekutivi më shumë ka premtuar në kohë fushate, sesa ka realizuar.

“Premtimet kanë qenë më të mëdha sesa realizimet, do të isha shumë i lumtur po të kisha anë pozitive sa i përket ekonomisë, sa i përket këtyre dy vite besoj që është mësuar diçka që stabiliteti politik i një shteti është parakusht i stabilitetit ekonomikë sepse pa stabilitet politike është e pamundur të kemi investitorë të huaj, grante dhe donacione, funksionimi i ndërmarrjeve publike është vërtet shqetësuese ku të gjitha janë barrë e buxhetit, ku edhe në sektorin publike edhe në atë privat kemi lëvizje të pagave është një demotivim për qytetarët. Nga Kosova po ikët me të madhe nuk po ikin vetëm të pa punët, po ikin edhe familje që nuk kanë një stabilitet ekonomik, ajo cka ndikon edhe më tepër në një dështim tjetër që e shoh është mungesa e një dialogu të mirëfilltë në mes të pozitës dhe opozitës”, thotë Gërxahliu.

Ish-kreu i OEK-ut, thotë se mosshfrytëzimi i 730 milionë euro, është dëmi më i madh që po i bëhet sektorit privat. Për këtë, ai kërkon reflektim nga institucionet qeveritare.

“Është një mungesë e një dialogu substancial mes nivelit lokal dhe qendror dhe një mungesë apo një mos ekzistencë e dialogut social që është i rëndësisë të pa kontestuar. Vetë fakti që kemi një buxhet prej afër 730 milionë euro të pa shfrytëzuara që nënkupton mungesë të projekteve apo implementim të projekteve kapitale është dënimi më i madh që po i bëhet qytetarit, në veçanti sektorit privat. Paramendoni 730 milionë euro në gjuhën ekonomike mund të duplikohën me 5 të investohen dhe kjo është një tkurrje që po e ngulfat sektorin privat po rritet interesi për të marrë kredi nëpër banka komerciale apo në institucione të ndryshme mikro-financiare kemi mbyllje të bizneseve dhe e tëra kjo është një pasqyre reale që duhet t’i prek në ndërgjegje përfaqësuesit institucional në veçanti në Parlamentin e Kosovës por edhe Qeverinë”, u shpreh Gërxhaliu.

Pas më shumë se një muaj e gjysmë nga vendimi i Ministrisë së Arsimit që tekstet shkollore të blihen e më pastaj të kompensohen, ka bërë që shumë nxënës të mbesin pa tekste shkollore. Kështu ka thënë për Ekonomia Online, kryetari i Sindikatës së Bashkuar të Arsimit, Shkencës dhe Teknologjisë, Rrahman Jasharaj.

Kreu i SBAShK-ut ka thënë për Ekonomia Online se vendimi i MASHTI-t për tekste është i gabuar, teksa dyshon se kjo po bëhet me tendencë nga Qeveria Kurti.

Duke folur për këtë vendim, Jasharaj ka deklaruar se problemi më i madh me furnizim është nga klasa gjashtë deri tek e nënta.

“Nga raportet që i kemi ne, kjo çështje nuk është përmbyllur as deri në momentin që po flas. Ka furnizim me tekste mirëpo jo në tersi të nxënësve dhe fatkeqësisht kemi nxënës ende nëpër klasa që nuk kanë fare tekste dhe një pjesë tjetër e nxënësve që i kanë pjesërisht tekstet. Problemi më i madh është krijuar veçmas me klasën 6-9 ngase tekstet e përdoruara vitin e kaluar kanë qenë të dëmtuara shumë, e një pjesë nuk janë kthyer fare nga nxënësit paraprak”, ka thënë Jasharaj për EO.

Problem me furnizim sipas kryesindikalistit po ndodh te familjet me asistencë sociale. Me këtë rast, Jasharaj ka përmendur edhe një rast kur libraritë kanë kushtëzuar qytetarët që “nëse e dëshiron fletoren e punës së re duhet ta blesh edhe librin bazik”.

“Fletoret e punës kanë qenë tepër të dëmtuara dhe nuk janë të përdorshme dhe kjo ka bërë që mësimdhënësit të ndihën keq për nxënësit të cilët fatkeqësisht na vijnë sidomos nga familjet me gjendje të rënduar ekonomike dhe prindërit e tyre nuk kanë pasur mundësi t’u blejnë fletoret e reja. Sipas informatave tona, uroj që të mos jetë e saktë, kur libraritë kanë paraqit kushte që ‘nëse e dëshiron fletoren e punës të re duhet ta blesh edhe librin bazik’. Pra uroj që ministrja Nagavci të ketë mësuar nga ky vit shkollor dhe të mos e përdor këtë vendim por të vendoset sikur herëve të kaluara madje duke ditur qe tekstet janë të dëmtuara shumë uroj që vitin e ardhshëm të kemi tekste të nga 1 deri 9 falas dhe jo në librari por të paguhen me kohë obligimet që i ka MASHT-I”, u shpreh Jasharaj.

Duke folur për kushtet që i kanë mësimdhënësit, Jasharaj dyshon se kjo po bëhet qëllimisht nga ekzekutivi. Këtë e bazon në kundërshtitë që kanë hasur kohëve të fundit, raporton EO.

“Qeveria edhe qeveritë e kaluara e kanë pasur zë të madh në fushata se arsimin e kanë prioritet, populli mbase ka pritur më shumë nga Qeveria Kurti e cila ka pasur fjalë të mëdha të ndryshimeve por e them me plotë gojën se kjo Qeveri ka dështuar në arsim. Është pritur shumë më tepër janë fol shumë çerdhe, janë përmendur fonde të caktuara që do t’i ndahen arsimit por arsimi me shkumës dhe shpuzë. Beteja nuk do të jetë shumë e suksesshme dhe pastaj sikur bëhet me qëllim kjo që të mos kemi rezultate që në PISA të dalim prapë dobët në mënyrë që të çelet atyre t’i shajnë vetëm mësuesit dhe duke i sharë mësuesit ne kemi arritur në një pozitë çfarë e kemi edhe në shkollat tona një mungesë të madhe të disiplinës dhe gradualisht shteti ka arritur ta zverdhë ta dëmtojë publikisht figurën e mësuesit që nuk ish dashur të bëhet”, u shpreh tutje Jasharaj.

Përgatiti: Arton Hamiti

Më shumë policë se zakonisht, u panë këtë të shtunë rreth ndërtesës së Qeverisë.

Edhe interesimi i mediave ishte i madh.

Me qëllim ringjalljen e dialogut mes dy vendeve, i dërguari i BE-së për dialog, Mioslav Lajçak, emisari amerikan, Gabriel Escobar, dhe këshilltarët e liderëve të Gjermanisë, Francës e Italisë, realizuan vizitën në Kosovë dhe Serbi.

Në takimin që zgjati më shumë se një orë, pesë diplomatët perëndimor ia prezantuan kryeministrit Albin Kurti një plan për rrugën përpara pas sulmit terrorist në Banjskë.

“Ne gjithmonë kemi plane. Pra kemi një plan, kemi diskutuar për të me kryeministrin Kurti, dhe do të bisedojmë për të me presidentin Vuçiq më vonë gjatë ditës. Andaj, duhet ta kuptoni se nuk do të lëshohem në detaje në këtë pikë”, tha Lajçak.

Miroslav Lajcak, i cili foli në emër të delegacionit, tha se kryeministri kosovar ka përgjegjësi në normalizimin e marrëdhënieve, nëse Kosova dëshiron që të bëjë progres drejt Bashkimit Evropian. Mes tjerash, diplomati sllovak, përmendi edhe themelimin e Asociacionit të komunave me shumicë serbe.

“Duhet të nënvizojmë rëndësinë për të lëvizur drejt themelimit të asociacionit të komunave me shumicë serbe në Kosovë, pa vonesa të mëetjshme. Pa këtë, nuk do të ketë progres në rrugëtimin e Kosovës drejt Bashkimit Evropian. Ne e vlerësojmë gatishmërinë e kryeministrit Kurti që të vazhdojmë diskutimet tona së shpejti”, tha Lajçak.

Teksa e dënoi ashpër ngjarjen në Banjskë, emisari evropian tha se hetimet për sulmin terrorist ku u vra rreshteri Afrim Bunjaku janë duke vazhduar.

“Proceset janë duke vazhduar, Bashkimi Evropian, NATO-ja, sigurisht se janë shumë të zëna duke mbledhur faktet, dhe mendoj se koha do të vijë shpejt kur do të informoheni lidhur me rezultatet”, tha Lajçak.

Për takimin me diplomatët perëndimor, Qeveria e Kosovës u mjaftua vetëm me një komunikatë.

Sipas zyrës së kryeministrit, në takim u bisedua për zbatimin e Marrëveshjes Bazike dhe Aneksit të Ohrit, derisa u theksua nevoja për një qasje të re.

Më shumë detaje i gjeni në Edicionin Qendror të lajmeve në ATV, në videon më poshtë: