ATV

Tag: Ballina

  • Një muaj pas sulmit terrorist në Banjskë, ATV sjell të pathënat e kësaj ngjarjeje

    Një muaj pas sulmit terrorist në Banjskë, ATV sjell të pathënat e kësaj ngjarjeje

    Në njëmujorin e sulmit terrorist në Banjskë të Zveçanit, sonte në ATV do të transmetohet dokumentari “Dritëhijet e 24 shtatorit”, duke filluar nga ora 20:30.

    Në fillim të materialit 41 minutësh, për herë të parë do ta dëgjoni tregimin origjinal të Fahri Shalës, policit i cili me përvojën në UÇK mbi supe, pas rënies së rreshterit Afrim Bunjaku, udhëhoqi 7 policët patrullues e kufitarë, në ballafaqimin me terroristë që ishin superiorë në numër e armatim, duke ua pamundësuar avancimin në drejtime tjera.

    Për vazhdimin e betejës deri në largimin e sulmuesve, flet dhe drejtori i Përgjithshëm i Policisë, Gazmend Hoxha.

    Ndër të tjera:

    Si u bë tërheqja e trupit të heroit, pas shumë përpjekjesh?
    Çka vërejtën policët disa sekonda para se të shpërthente mina e llojit “Mrud”?
    Cili ishte veprimi që shënoi kthesë në dyluftimin deri në 10 metra distancë?
    Cili, sipas Policisë, ishte plani i terroristëve nëse nuk do të konfrontoheshin nga policët e patrullës?   

    Këto dhe pikëpyetje tjera, hiqen sonte nga ora 20:30 në ATV.

  • Gashi: Vetëm me trysni nga ndërkombëtarët Milan Radojiçiqi mund të gjykohet në Kosovë

    Gashi: Vetëm me trysni nga ndërkombëtarët Milan Radojiçiqi mund të gjykohet në Kosovë

    Avokati Tomë Gashi, është shprehur i bindur se pa një trysni nga ndërkombëtarët ndja Serbisë, Milan Radojiçiqi nuk mund të gjykohet në Kosovë.

    Ai i tha Ekonomia Online shtoi që është shumë e vështirë që institucionet vendës të bëjnë të mundur që ai të sillet në Kosovë, edhe pse thotë se kërkesa për flet-arrest ndërkombëtar është legjitime.

    “Pas sulmeve terroriste të 24 shatorit, institucionet tona respektivisht Prokuroria Speciale e Kosovës, duke  e ditur që Radojiçiq tani më është në Serbi me siguri që ka kërkuar apo do të kërkojë shumë shpejtë lëshimin e fletë-arrestit ndërkombëtare i cili do të kërkohet përmes Ministrisë së Drejtësisë dhe ne duhet të kërkojmë ndihmë nga institucionet ndërkombëtare, dhe besoje që duhet të bëhet vetëm një trysni ndërkombëtare që eventualisht ai të transferohet nga Serbia në Kosovë”.

    “…për t’u gjykuar këtu për krimet të cilat ai i ka bere jo vetëm me 24 shtator por sigurisht që ka edhe krime  të tjera duke e ditur invulvimin e tij edhe në vrasjen politikanit serbë Oliver Ivanoviqit, por edhe vepra të tjera kurroptive  dhe vepra tepër të renda penale, duke e  ditur që Kosova nuk ka marrëveshje me Serbinë për ekstradime të tilla atëherë do të jetë tepër vështire mos të thamë e pa mundshme që institucionet tona, t’iu dërgohet Rajdocic për tu u gjykuar në Kosovë”.

    Sipas avokatit Gashi, deklarata e kryeministrit që një Gjykatë Speciale te merret me sulmin e 24 shtatorit, është më shumë një deklaratë politike. Sipas tij, deri më tani askush nuk ka qenë kundër një hetimi ndërkombëtar, raporton EO.

    “Ne kemi par edhe deklaratën e kryeministrit tonë që kërkohet apo propozohet për një Gjykatë Speciale për t’u marruar me krime e 24 shtatorit, por ndoshta edhe krime të tjera por besojë që edhe krime të tjera por besoj që kjo është më tepër një deklaratë politike sesa që mundet realizohet, duke e ditur së bashkësia ndërkombëtare po e merr tepër me të mirë Serbinë, posaçërisht prej fillimit të luftës në Ukrainë dhe institucionet tona janë të fuqishme aq sa Serbia dëshiron të i respektojë ligjet ndërkombëtarë, neve na bëjnë të presim se a do të ketë trysni të mjaftueshme nga bashkësia ndërkombëtare, me qenë se mungon bashkëpunimi mes Kosovës dhe Serbisë për arsye politike me qenë se  Serbia nuk e pranon pavarësinë e Kosovës atëherë ekstradimi eventual i Radojiçiqit në  Kosovë mundë të behët vetëm me ndihmë të bashkësisë ndërkombëtare”.

    “Askush deri më tani nuk është shprehur qe ka kundërshtim për hetim, por të gjithë kanë kërkuar që hetohet edhe Serbia si shtet për involvimin në mënyrë shtetërorë të ngjarjeve të 24 shtatorit, ne kemi pasur fatkeqësisht edhe një polic tonë të vrarë nga ky grup”.

  • Vazhdon procesi gjyqësor ndaj Pjetër Shalës

    Vazhdon procesi gjyqësor ndaj Pjetër Shalës

    Në Dhomat e Specializuara në Hagë vazhdon sot nga ora 09:30 procesi gjyqësor ndaj ish-pjesëtarit të UÇK-së, Pjetër Shala.

    Dëshmitari i katërt i Mbrojtjes, Mark Shala, do të vazhdojë dëshminë edhe ditën e sotme, ku pyetjet pritet t’i parashtrojë Zyra e Prokurorit të Specializuar, trupi gjykues dhe mbrojtja e viktimave.

    Ndryshe dje Mark Shala, ka thënë se gjatë kohës së luftës janë takuar vetëm dy herë me Pjetër Shalën.

    “Gjatë luftës jam takuar dy herë. Hera e parë ka qenë kur kemi ardhë në Kukës dhe jemi vendos aty. Dhe aty sipas informatave që kam pas ai ka qenë në qendrën stërvitore në Burrrel. Ai ka ardhë në Kukës dhe jemi takuar aty. Unë datën nuk e di saktësisht, por mund të ketë qenë në fillim të prillit. E kam takuar konkretisht në Uzinë, për çka ai ka qenë në një objekt tjetër diku në periferi të Kukësit. Ka ardhë për t’u takuar me mua dhe kemi bisedu, e kemi pirë nga një kafe”, ka theksuar ai.

  • Përfaqësuesi i SHBA-së: Sulmi i 24 shtatorit vuri në rrezik jetën e shqiptarëve të Kosovës

    Përfaqësuesi i SHBA-së: Sulmi i 24 shtatorit vuri në rrezik jetën e shqiptarëve të Kosovës

    Përfaqësuesi i SHBA-së në Këshillin e Sigurimit të OKB-së tha se sulmi më 24 shtator rrezikoi jetën e shqiptarëve të Kosovës.

    Ai tha se SHBA mbështetë dialogun Kosovë-Serbi të lehtësuar nga BE.

    “Qeveria ime e dënon sulmin më 24 shtator në veri të Kosovës. Sulmi ishte një akt që vuri në rrezik jetën e shqiptarëve të Kosovës. Duhet të ketë përgjegjësi të plotë në pajtim me sundimin e ligjit për autorët e krimit. Individët që janë në vende tjera duhet të ekstradohen në Kosovë. SHBA punon ngushë me BE dhe NATO-n për të ndërmarrë masa deskaluese. Të dy palët të vazdojnë dialogun me hapa konkret. SHBA mbështet dialogun nga BE. Gjithashtu mirëpresim numrin e rritur të forcës së Kosovës në veri të Kosovës. Kjo prani mbahet sa të ketë nevojë. UNMIK nuk ishte i përfshirë në sulmin e 24 shtator, nuk ka më rol në siguri”, tha ai.

  • Presidentja Vjosa Osmani e përmend heroin Afrim Bunjaku në Këshillin e Sigurimit të OKB-së

    Presidentja Vjosa Osmani e përmend heroin Afrim Bunjaku në Këshillin e Sigurimit të OKB-së

    Presidentja Vjosa Osmani në mbledhjen e Këshillit të Sigurimit të OKB-së e ka përmendur vrasjen e oficerit të Policisë së Kosovës, Afrim Bunjaku, më 24 shtator nga grupi i serbëve që kryen agresion në Banjskë të Zveçanit.

    Ajo tha se i ndjeri Afrim Bunjaku e humbi jetën duke mbrojtur integritetin territorial të Kosovës.

    “Më 24 shtator qytetarët e Kosovës u zgjuan me lajmin për vrasjen e një rreshteri të Republikës nga një akt i agresionit nga Serbia dhe grupet paramilitare. Dua të falënderoj heroin e Kosovës, Afrim Bunjakun, që e humbi jetën duke e mbrojtur integritetin territorial të Kosovës”.

    “Pushoftë në paqe. Kjo duhet të na shërbejë të gjithëve si kujtim që u ngritë kundër forcave autoritare jo vetëm në Ballkanin Perëndimor, por edhe në gjithë botën”, ka thënë Osmani.

  • Diplomojnë mbi 700 studentë të Kolegjit AAB

    Diplomojnë mbi 700 studentë të Kolegjit AAB

    Në një ceremoni madhështore në sallën “1 Tetori” në Prishtinë, u mbajt ceremonia e Diplomimit të studentëve të nivelit Bachelor dhe Master të Kolegjit AAB.

    Në këtë ceremoni kanë diplomuar mbi 700 studentë që vinë nga 12 Fakultete, të cilët kanë studiuar në mbi 50 programe të përfshira të Kolegjit AAB.

    Pos drejtuesve të Kolegjit AAB, me kryetarin e Këshillit Drejtues, z.Ilir Tafa dhe rektorin z.Lulzim Tafa, në këtë ceremoni diplomimi morën pjesë edhe Rifat Jashari nga familja Jashari, filantropi Lazim Destani, e shumë personalitete të tjera.

    Prorektorja për Marrëdhënie Ndërkombëtare dhe Bashkëpunim në Kolegjin AAB, Venera Lluni, në një prononcim për ATV-në, tha se tha se studentët të cilët po diplomojnë janë nga gjenerata e vitit 2019-2020 nga 12 Fakultete, të cilët kanë studiuar në mbi 50 programe të përfshira të Kolegjit AAB.

    “Është një atmosferë e këndshme, e bukur sepse të rinjtë janë këtu. Kolegji AAB po e organizon ceremoninë e diplomimit të studentëve, janë gjenerata e vitit 2019/2020 dhe të gjithë këta studentë, të cilët janë mbi 700 të diplomuar janë nga 12 Fakultete, dhe kanë studiuar në mbi 50 programe të përfshira të Kolegjit AAB. Është një ndjenjë e jashtëzakonshme, është një kënaqësi e madhe sepse është edhe rezultat i punës së gjithë stafit akademik, profesorëve, asistentëve, por edhe kuptohet që punën kryesore e bëjnë edhe vetë studentët”, tha Llunji.

    Mesazhi i saj për studentët e diplomuar ishte që asgjë të mos i ndalë në rrugën e tyre të përparimit.

    “Nuk ka ndjenjë më të bukur se sa t’i hedhësh kapelat pasi që të diplomosh. Mesazhi i im do të ishte që asgjë të mos i ndalë në rrugën e tyre të përparimit, që të jenë gjithmonë të vetëdijshëm për atë çfarë i pret, gjithmonë të jenë të gatshëm të ecin përpara, ta sfidojnë jetën me të gjitha që munden dhe njëkohësisht ta bëjnë krenar edhe Kolegjin AAB ku kanë qenë studentë”, u shpreh Llunji. /atvlive.tv

    Ceremonia e diplomimit të studentëve të Kolegjit AAB u transmetuar drejtpërdrejt në faqen zyrtare të këtij kolegji në facebook, të cilën ta shikoni duke Klikuar KËTU.

  • Opozita s’e ndryshon mendjen, i bllokon marrëveshjet ndërkombëtare

    Opozita s’e ndryshon mendjen, i bllokon marrëveshjet ndërkombëtare

    Përgatiti: Driton Sadiku

    Mbi 400 milionë euro po i humb Kosova, sipas partisë në pushtet, shkaku i mosvotimit të disa marrëveshjeve ndërkombëtare, nga dy subjekte politike opozitare.

    Ato do të procedohen sërish këtë javë në Kuvend, pasi shefat e grupeve parlamentare u morën vesh për mbajtjen e tri seancave, dy nga to të enjten e një tjetër të premten.

    Megjithatë, Partia Demokratike e Aleanca për Ardhmërinë e Kosovës nuk e kanë ndërmend ta ndërrojnë qëndrimin, ndonëse arsyetimet për mosvotimin e tyre i kanë të ndryshme.

    “Ndryshimi i qëndrimit në votimin e këtyre marrëveshjeve do të ishte gabim fatal. Është interes nacional që sa ma pak me i dhanë kësaj qeverie mundësi me pas fonde, nëse i japim qasje në këto fonde, e rrisim borxhin publik, nuk përmirësohet jeta e qytetarëve, d.m.th. na po kontribuojmë me vetëdije në degradim”, tha shefi i GP të PDK-së, Abelard Tahiri.

    “Neglizhimi që kjo qeveri e ka bërë, sidomos në ligjin e pagave, është i papranueshëm. Nuk mundemi ne me u sjell sikur nuk ka ndodhur asgjë. Ne jemi parti që kemi qëndrime politike. Në qoftë se kërkesat tona për rritjen e koeficientit të pagave nuk do të realizohen, atëherë nuk do të ketë mbështetje”, tha tha shefi i GP të AAK-së, Abelard Tahiri.

    Por, për rezolutën e fundit që e propozoi opozita, atë për rritjen e koeficientit për paga, shumica parlamentare do të marrë pjesë, edhe pse nuk dihet nëse do ta përkrahë me votim.

    “Sa i përket pjesëmarrjes në rezolutën e ftuar nga opozita, ne do të marrim pjesë në seancën e jashtëzakonshme të enjten, dhe kjo e tregon edhe vullnetin tonë politik për t’u ulur dhe diskutuar çështje të cilat konsiderohen me rëndësi e mbi të gjitha kthimin e opozitës në votimin e marrëveshjeve ndërkombëtare”, tha shefja e GP të KV-së, Mimoza Kusari-Lila.

    E një thirrje të tillë opozitës i erdhi edhe nga jashtë.

    Ambasadori gjerman në Kosovë, Jorn Rohde, përmes një postimi në platformën X, kërkoi nga opozita që të jetë më konstruktive dhe t’i votojë marrëveshjet pasi po humben shumë para për projekte me rëndësi për qytetarët.

  • BE-ja dënon sulmin ndaj Kosovës, pret zbatim të marrëveshjeve

    BE-ja dënon sulmin ndaj Kosovës, pret zbatim të marrëveshjeve

    Përgatiti: Fatlum Jashari

    Raportet Kosovë-Serbi ishin temë në takimin e Këshillit për Punë të Jashtme të Bashkimit Evropian, krahas konfliktit Izral-Gaza dhe luftës në Ukrainë.

    Në nisje të takimit, ministri Jashtëm i Kroacicë, Gordan Grlic Radman, kërkoi përgjigje ndërkombëtare për sulmin terrorist-paramilitar ndaj Kosovës.

    “Kontakti diplomatik me partnerët tanë rajonal mbetet i rëndësishëm. Do të përmend, gjithashtu, sulmin e fundit të armatosur nga paramilitarët serbë në Kosovë, të cilin duhet ta marrim shumë seriozisht. Ky është një akt serioz i destabilizimit të rajonit dhe ne duhet të përgjigjemi”, tha Grlic Radman.

    Përfaqësuesi i Lartë për Politikë të Jashtme dhe Siguri i BE-së, Josep Borrell, nuk përmendi Kosovën, as në deklarimin e tij në mëngjes e as në konferencën gjysmë orëshe pas takimit.

    Megjithatë, Radio Evropa e Lirë raporton se Këshilli për Punë të Jashtme, përfshiu Kosovën në draftin e konkluzioneve që do t’i paraqitet liderëve në fund të javës.

    Mes tjerash, në draft dënohen sulmet e dhunshme ndaj Policisë së Kosovës, kërkohet që përgjegjësit të vihen para drejtësisë dhe që “Serbia të bashkëpunojë plotësisht”.

    Në draft-dokument kërkohet shtensionim i plotë i gjendjes në veri, organizim i zgjedhjeve të reja dhe pjesëmarrje e aktive e komunitetit serb në to – ndërsa theksohet se dështimi për diçka të tillë do të përcillet me pasoja.

    Këshilli Evropian, po ashtu, shpreh keqardhje për mungesën e vullnetit nga Serbia dhe Kosova për zbatimin e marrëveshjes së Brukselit dhe shtojcës së Ohrit.

  • Banorët e Preshevës, Medvegjës e Bujanocit protestuan në Prishtinë

    Banorët e Preshevës, Medvegjës e Bujanocit protestuan në Prishtinë

    Përgatiti: Kastriot Tahiri

    Diskriminimi gjatë shkollimit, në konkurse të punës, por edhe në marrjen e shërbimeve mjekësore, janë disa nga arsyet që bashkuan banorët e Medvegjës, Bujanocit e Preshevës, në një protestë në Prishtinë.

    “Po për shkak të pasivizimit të adresave, kemi probleme edhe në shkollim, edhe me marr shërbime mjekësore edhe krejt. Andaj u bëj thirrje Presidentes edhe Kryeministrit që të bëjnë diçka”, tha Selman Rexhepi, kryetari i shoqatës “Shqiponja”.

    Sipas përfaqësuesve të Këshillit organizativ të Kuvendit Kombëtar Shqiptar për Kosovën dhe Unionit Shqiptar të Shoqërisë Civile, për të drejtat dhe liritë themelore të shqiptarëve në Kosovën Lindore, duhet të flitet në çdo tryezë dialogu ndërmjet Kosovës dhe Serbisë.

    “Problemi kryesor qëndron te trajtimi i shqiptarëve në Serbi, në të gjitha fushat. Në sektorin e shëndetësisë situata është shumë e rëndë, në Preshevë, ku jetojnë 90% shqiptarë, drejtori i shtëpisë së shëndetit është serb, në spitalin rajonal të Vrajës ku rreth 40% të pacientëve janë shqiptarë nuk ka mjekë, motër medicinale e as mirëmbajtëse shqiptare. Në doganë janë vetëm 13 shqiptarë. Të ketë reciprocitet, nëse serbët duan asociacion, edhe ne duhet të kemi”, tha Dashamir Uruqi, kryetar i Unionit Shqiptar.

    Një protestë si kjo e të hënës do të organizohet edhe në Shqipëri.

  • Samiti i BE-së: Pritet dënimi i sulmuesve në Banjskë dhe zbatimi i pakusht i marrëveshjeve

    Samiti i BE-së: Pritet dënimi i sulmuesve në Banjskë dhe zbatimi i pakusht i marrëveshjeve

    Liderët e 27 vendeve të Bashkimit Evropian nga samiti i tyre të enjten dhe premten në Bruksel, do të shprehin shqetësimin e thellë për situatën e sigurisë në veri të Kosovës. Ata do të bëjnë ftesë që kryesit e sulmeve në Banjskë të përgjigjen para drejtësisë, por edhe që Kosova e Serbia, pa vonesa dhe pa kushte, t’i përmbushin obligimet e tyre nga procesi i dialogut.

    Këto thirrje pritet të jenë në konkluzionet që do t’i miratojnë liderët në këtë samit, ndërsa draftin e saj e ka siguruar Radio Evropa e Lirë.

    “Këshilli Evropian është thellësisht i shqetësuar për situatën e sigurisë në veri të Kosovës. Fuqishëm dënon sulmet e dhunshme ndaj policisë së Kosovës [që ndodhën] më 24 shtator të vitit 2023. Bashkimi Evropian pret që kryesit të kapen dhe të vihen shpejt para drejtësisë dhe që Serbia të bashkëpunojë plotësisht dhe të ndërmarrë të gjithë hapat e domosdoshëm”, thuhet në tekstin e draftit të konkluzioneve.

    Autoritetet në Kosovë kanë fajësuar Serbinë për sulmin ndaj policisë së Kosovës më 24 shtator në Banjskë të Zveçanit. Në sulmin nga një grup i armatosur serbësh mbeti i vrarë rreshteri Afrim Bunjaku.

    Gjatë përleshjeve që pasuan mes grupit të armatosur dhe policisë u vranë edhe tre sulmues.

    Përgjegjësinë për organizimin dhe udhëheqjen e sulmit e ka marrë Millan Radoiçiq, ish-nënkryetar i Listës Serbe, partisë kryesore të serbëve në Kosovë që gëzon mbështetjen e Beogradit zyrtar.

    Në dy pikat tjera në konkluzione, flitet për hapat për t’i ulur tensionet, si dhe për zbatimin e obligimeve që dalin nga dialogu.

    “Kosova dhe Serbia duhet të bëjnë përpjekje të qëndrueshme për shtensionim, në veçanti zhvillimin e zgjedhjeve në veri të Kosovës sa më parë që të jetë e mundshme, me pjesëmarrjen aktive të serbëve të Kosovës. Dështimi në shtensionim [të situatës] do të ketë pasoja“, thuhet në këtë tekst.

    “Këshilli Evropian shpreh keqardhje për mungesën e zbatimit nga të dyja palët të Marrëveshjes për rrugën drejt normalizimit dhe aneksit të zbatimit të saj, si dhe të marrëveshjeve të tjera të arritura në dialogun e lehtësuar nga BE-ja, nën udhëheqjen e përfaqësuesit të lartë e me ndihmën e të dërguarit të posaçëm”, thuhet më tej të tekst.