Gjykata Komerciale e Kosovës ka vendosur që të ndalë punimet në “Rrugën A”, që qeverisja e Përparim Ramës e ka cilësuar si më të rëndësishmen deri tash.
Mirëpo pavarësisht kësaj, punimet në këtë rrugë po vazhdojnë. Të hënën janë parë punëtorët që kanë vazhduar punimet në “Rrugën A”, raporton ATV.
Të premten njoftimin lidhur me vendimin e Gjykatës Komerciale a ka bërë Ilir Kërçeli, shef i kabinetit i kryetarit të Kuvendit.
Por, lidhur me vendimin ka reaguar kryetari i Prishtinës, Përparim Rama, i cili ka thënë se vendim është i bazuar në interesa politike e grupe interesi duke shtuar se vendimi është marrë nga gjyqtarja Vlora Pacolli, motër e deputetes së Vetëvendosjes, Fitore Pacolli.
Nga Lëvizja Vetëvendosje në Prishtinë kanë thënë se arsye e pezullimit është dyshimi për shkelje ligjore gjatë aktivitetit të prokurimit.
Ndërsa Rama duke thënë se nuk i komenton vendimet e gjyqësorit, ka kërkuar nga Organi Shqyrtues i Prokurimit të ankohet ndaj vendimit. Ai po ashtu ka kërkuar nga Këshilli Gjyqësor që të sigurojë që “ky proces të jetë i drejtë, profesional, i paanshëm, dhe i bazuar vetëm në ligj”. /atvlive.tv
Ambasadori i Gjermanisë në Prishtinë, Jorn Rohde është shprehur i shqetësuar për mosmiratimin e marrëveshjeve ndërkombëtare në Kuvendin e Kosovës.
Rohde tha se projektet madhore Gjermani-Kosovë në energjetikë dhe bujqësi janë në rrezik.
Ambasadori gjerman ka kërkaur qasje konstruktive dhe që opozita “t’i japë fund bllokadës”.
“Të shqetësuar për mosmiratimin e vazhdueshëm të marrëveshjeve ndërkombëtare në Kuvend që mund të sjellin miliona përfitime për qytetarët e Kosovës. Vetëm dypalëshe, janë në rrezik projekte të mëdha energjetike dhe bujqësore Gjermani-Kosovë. Duhet një qasje konstruktive nga të gjithë aktorët, opozita duhet t’i japë fund bllokadës”, shkroi Rohde në “X”.
Concerned by the ongoing non-adoption of intl agreements in the Assembly that could bring millions in benefits for 🇽🇰citizens. Bilaterally alone, huge 🇩🇪-🇽🇰energy & agriculture projects are at stake. Constructive approach by all stakeholders needed, opposition should end blockade
Gazetari Edison Vatnikaj, në një lidhje të drejtpërdrejt në emisionin “A LIVE” në ATV, ka treguar detajet e fundit që lidhen me masën e ndalimit ndaj ish-kryeministrit të Shqipërisë, Sali Berisha, dhe arrestimin e dhëndrit të këtij të fundit.
Ai tregon se bëhet fjalë për veprën penale të korrupsionit pasiv, ku dyshohet se Berisha i ka lehtësuar procedurat dhëndrrit të tij që ky i fundit të marrë në pronësi një tokë e cila i përkiste Forcave të Armatosura.
“Ish kryeministri Berisha bëhet zyrtari i parë i lartë, i cili merret nën hetim dhe i vendoset një akuzë një akuzë zyrtare nga Prokuroria Speciale siç e kemi prokurorinë e SPAK-ut. Sigurisht veprën penale për të cilën dyshohet se e ka konsumuar ish-kryeministri Berisha është ajo e korrupsionit pasiv dhe pasimi i produkteve të veprës penale, kjo për shkak se dhëndri i tij, pra burri i vajzës së tij, Jamarbër Malltezi, ka përfituar një tokë, të cila ka qenë në pronsi e Forcave të Armatosura, të cilën sipas ligjit shqiptar nuk lejohet që të tjetërsohet dhe të kthehet në pronë private për shkak se i përket shtetit dhe Forcave të Armatosura, por nëpërmjet disa procedurave, ligjeve dhe akteve nën ligjore, që dyshohet se Berisha, në kohën kur ka qenë kryeministër, i ka lehtësuar punën dhëndrit të tij për ta favorizuar dhe për t’ia dhënë këtë truall dhe për ta zotëruar, ku tashmë janë ndërtuar kulla banimi, ku janë mjaft persona rezident të cilët jetojnë. Dyshohet se nëpërmjet këtyre akteve nënligjore, Berisha e ka favorizuar dhëndrin e tij, Jamarbër Malltezin”, tregoi gazetari Vatnikaj.
Ai shpjegoi se Berishës i është vendosur masa detyrimit të paraqitjes dhe ndalimit për të dalë jashtë territorit të Republikës së Shqipërisë.
“Sipas informacioneve, Berisha, duke qenë se është në moshën 72-vjeçe dhe sipas ligjit shqiptar, personave që janë në këtë moshë, nuk i vendoset masa shtrënguese e arrestit në burg, nuk arrestohen për shkak se është vetë ligji i posaçëm, i cili është rregulluar më herët në Shqipëri për këtë grup moshe, të cilët kryejnë këto vepra penale, pra bëhet fjalë vepra penale të lehta. Ndërsa, në rast se do kryhej ndonjë krim i rëndë, atëherë do kërkohej masa e arrestit në burg”, tha Vatnikaj.
Gazetari tregon se për këtë çështje, SPAK-u ka hartuar një hetim rreth 200 faqesh, i cili ka zgjatur për dy vite e gjysme.
“SPAK-u e ka hartuar një hetim rreth 200 faqesh, pasi që iu janë dashur dy vite e gjysmë për të kryer një hetim të plotë. Ka qenë kallëzimi i Taulant Ballës që sot është ministër i Brendshëm në Shqipëri, ka pasur një kallëzim dy vite e gjysmë më parë, ku ka akuzuar personat në fjalë dhe personat e tjerë, por pavarësisht që nuk janë kryer urdhër arresti, SPAK-u ka ditur ta provojë qind për qind ekzistencën tyre, por kjo nuk do të thotë SPAK e ka mbyllur hetimin vetëm më këta tre persona, pra janë Jamarbër Malltezi që është dhëndër i Berishës, Fatmir Bektashi që është ndërtuesi që ka kryer punimet e 17 kullave dhe Sali Berisha. Ka hetime të tjera të cilat gjatë ditës së sotme do të ketë edhe seancën e parë në gjykatën e posaçme kundër korrupsionit dhe krimit të organizuar ku do të jenë personat në fjalë”, tregoi gazetari Edison Vatnikaj. /atvlive.tv
Kuvendi i Kosovës këtë javë do të mbajë tri seanca, bëri të ditur shefja e Grupit Parlamentar të Lëvizjes Vetëvendosje, Mimoza Kusari.
Pas mbledhjes së Kryesisë së Kuvendit të Kosovës, Kusari tha se dy seanca do të mbahen të enjten, ndërsa tjetra të premten.
“U dakordua që këtë javë të kemi tri seanca, e para është ajo e 26 tetorit, ditën e enjte, në ora 10:00 një seancë e cila do të trajtojë pikat e papërfunduara nga dy seancat e tjera, ajo e 26 shatorit dhe 4 tetorit, ndërsa të njëjtën ditë me fillim në ora 12:00 do të fillojë një seancë tjetër, kërkesë e deputetëve të opozitës me 41 nënshkrime e cila do të trajtojë një rezolutë për koeficientin e pagave në sektorin publik, përderisa kryesia është dakorduar që seancë të mbajë edhe të premten me fillim në ora 11:00 në këtë seancë do të diskutohet dhe do t’i jepet mbështetje e mëtutjeshme rezolutës së miratuar në PE lidhur me ngjarjet e 24 shtatorit”, tha ajo.
Siç tha ajo, të gjitha këto vendime u morën në dakordim me anëtarët e Kryesisë së Kuvendit dhe shefave të grupeve parlamentare.
“Kërkojmë kthimin e lapidarit të UÇPMB-së në Preshevë”, “Presheva, Medvegja e Bujanoci, kërkon përfaqësim proporcional me numrin e banorëve”, “Reciprocitet në trajtimin e shqiptarëve të Kosovës Lindore dhe Kosovës Veriore”.
Këto janë disa nga pankartat e protestuesve, të cilët janë mbledhur përpara Teatri Kombëtar i Kosovës, për të kundërshtuar politikat agresive të Serbisë ndaj vendbanimeve shqiptare në Medvegjë, Bujanoc e Presheve, raporton ATV.
Kjo protestë ka nisur në ora 11:00 në sheshin “Zahir Pajaziti”, e organizuar Këshilli organizativ i Kuvendit Kombëtar Shqiptar për Kosovën dhe Unioni Shqiptar i Shoqërisë Civile në bashkëpunim me qytetarë nga Kosova Lindore.
Refik Hasani nga Kuvendi Kombëtar Shqiptar, në një prononcim për ATV-në, tha se tha se kjo protestë kishte disa adresime që kanë të bëjnë me diskriminimin e pandalshëm që bëhet nga Serbia ndaj Medvegjës, Bujanocit e Preshevës.
“Ishte një protestë e cila ka në vete disa adresime që kanë të bëjnë me diskriminimin e pandalshëm që bëhet nga Serbia ndaj Medvegjës, Bujanocit e Preshevës, veçmas për pasivizimin e adresave si një pastrim etnik që po bënë tanimë, por edhe dëbimin, prezencën e ushtrisë që ka shumë baza ushtararake që ka rreth e përçak Medvegjës, Bujanocit e Preshevës, në zonat kufitare që kufizohen me Republikën e Kosovës, aty pra ka të përqendruar një arsenal të madh ushtarak dhe baza ushtarake të Serbisë”, tha Hasani.
Ai thotë se njëra ndër çështjet më delikate është pasivizimi i adresave, përmes së cilës, Serbia ëhstë duke bërë pastrim etnik.
“Pasivizimi i adresave është një ndër çështjet më delikate që ka shkaktuar Serbia me një diskriminim, që është një pastrim klasik etnik, sepse përmes pasivizimit të adresave e bënë një thirrje në mënyrë institucionale që janë të linduar atje, sepse nuk i pajis me letërnjoftime, me pasaporte, me dokumente. Duke i eliminu, duke i pasivizu adresat, ne mbesim të askujt. Pra, ne nuk mund t’i dalim zot tokës, nuk mund të bëjmë transkaksione të ndryshme, nuk mund të jemi shtetas të Serbisë, edhe pse ne me akte dhe me konventa ndërkombëtare, është një akt i cili do duhej të përmirësohet”, tha Hasani.
Sipas tij, me pasivizimin e adresave je i përjashtuar prej të gjitha institucioneve, nuk ke të drejtë me u paraqitë askund, në shkollë apo askund.
“Sipas asaj që shkruhet që jemi diku 15-20 mijë banorë të Preshevës, Bujanocit e Medvegjës dhe pjesëve tjera të Serbisë dhe Vojvodinës që tani më janë të pasivizuar. Kjo vlen vetëm për shqiptarët etnik në Serbi, pra nuk vlen për komunitetet tjera që janë në Republikën e Serbisë. Paramendoni, me pasivizim të adresave, ai shtetas i Serbisë që duhet me qenë, nuk është shtetas i Serbisë, pra edhe ka vështirësi gjatë gjithë jetës edhe me u pajis me dokumente në shtetin tjetër të Republikës së Kosovës apo diku tjetër”, tha Hasani. /atvlive.tv
Kryeministri i Kosovës, Albin Kurti ka thënë se sulmin terrorist në Banjskë e ka organizuar Klani i Novi Sadit, një grup i organizuar kriminal me lidhje të forta me pushtetin e presidentit serb Aleksandar Vuçiq.
Postimi i plotë:
Sulmin paramilitar e terrorist në Banjskë të Zveçanit e ka organizuar Klani i Novi Sadit. Në krye të tij ndodhet Ministri i Mbrojtjes së Serbisë, Millosh Vuçeviq. Ai është kryetari i partisë-shtet SNS, tri herë i zgjedhur kryebashkiak i Novi Sadit me ndihmën e Zvonko Veselinoviqit, dhe miku më i afërt i vëllaut të Presidentit të Serbisë, Andrej Vuçiq.
Rreth 40 pelegrinë ortodoksë në Manastir të Banjskës me 24 shtator ishin nga Novi Sadi. Ndoshta e rastësishme, hetimet duhet ta tregojnë. Grupi terrorist në arrati i udhëhequr nga Millan Radoiçiq po qëndron në Rashkë. Atyre MUP-i famëkeq serb iu ka ndarë vetura të tipit Shkoda Oktavia me ngjyrë të bardhë dhe të zezë e me tabela regjistrimi BG dhe… NS.
Para dy dekadave në Serbi sundonte Klani i Zemunit, kurse tash vendin atij ia ka zënë Klani i Novi Sadit. Kriminelë në luftë, kriminelë në paqe; kriminelë në Serbi, kriminelë në Kosovë. Presidenti i shtetit, Aleksandar Vuçiq, porsi një capo-di-tutti-capi, ndodhet aty për të dëshmuar që ndonëse krimi e dikton shtetin, në fakt, është shteti që e dikton krimin.
Në katër komunat veriore të Kosovës po merr fund terrori, kriminaliteti dhe kultura e dhunës e paramilitarëve të Delije (tifozët e Cërvena Zvezdës) që shprehet me nofkat e ekstremistëve si: Mami, Llune, Daco, Rusi, Nemac, Gile, Drago, Aco, Comi, Belli, Micko, Prki, Mrki etj.
Mirëpo, Kosova nuk ka jurisdiksion në Serbi. A nuk do të duhej që BE-ja dhe ShBA-të ta formojnë një Gjykatë Speciale për Klanin e Novi Sadit? Mafia ballkanike do të përjetonte goditje fatale, ndërkaq rajoni i Ballkanit do të hapej i tëri për demokraci evropiane, drejtësi ligjore, paqe të qëndrueshme dhe zhvillim të përshpejtuar.
Tonino Picula nga Aleanca Progresive e Socialistëve dhe Demokratëve (S&D) në Parlamentin Evropian (PE), ka thënë se refuzimi i Serbisë për ta ekstraduar përgjegjësin për përgatitjen e kryengritjes së armatosur ndaj Policisë së Kosovës në pjesën veriore, Millan Radojçiq, mund të komplikojë edhe më tej marrëdhëniet edhe ashtu të vështira mes Kosovës dhe Serbisë.
Në një intervistë për gazetën serbe “Nova”, eurodeputeti kroat ka theksuar se reagimet e mundshme të bashkësisë ndërkombëtare mund të rezultojnë në veprime edhe më të rrepta politike dhe diplomatike ndaj Serbisë nëse refuzon të përmbushë kërkesën parësore të Bashkimit Evropian (BE) që t’i nxjerrë para drejtësisë përgjegjësit e sulmit terrorist që janë arratisur në Serbi.
Në Parlamentin Evropian është miratuar një rezolutë javën e kaluar më 19 tetor, me të cilën kërkohen sanksione për Qeverinë e Serbisë nëse konstatohet se shteti i Serbisë ka qenë i përfshirë në sulmin terrorist në Banjskë.
“Në rezolutën e miratuar nga PE-ja, masat kufizuese duhet të përfshijnë, por jo vetëm, ngrirjen e aseteve dhe ndalimin e udhëtimit ndaj aktorëve destabilizues në veri të Kosovës, sikurse Radojiçiçi, i cili ka marrë përgjegjësinë për organizimin e sulmit të përmendur terrorist”, ka theksuar Picula, i cili kishte përpiluar tekstin e Rezolutës së miratuar së fundmi në PE për konfliktin në Banjskë.
Sa i përket bashkëpunimit të Serbisë në këtë drejtim, eurodeputeti kroat ka nënvizuar se është e vështirë të konfirmohet me siguri absolute përfshirja e palës serbe në zgjidhjen e konflikteve, madje edhe atëherë dhe Serbia bashkëpunon, sipas tij, shpesh e bën këtë me një “fik në xhep”, duke ilustruar traditën e thyerjes së zotimeve nga autoritetet në Beograd.
Sot do të mblidhet Këshilli i Sigurimit i Organizatës së Kombeve të Bashkuara, ku Kosovën pritet që ta përfaqësojë presidentja e vendit, Vjosa Osmani.
Sipas njoftimit të Zyrës së Presidentes, Osmani ka udhëtuar për në New York, ku do të mbahet raportimit për zhvillimet në Kosovë.
“Në këtë takim të Këshillit të Sigurimit, Presidentja Osmani do të flasë për zhvillimet politike dhe të sigurisë në Kosovë, pas sulmit terrorist dhe aktit të agresionit të Serbisë ndaj Kosovës, më 24 shtator. Ndër të tjera, Presidentja Osmani do të flasë edhe për përkushtimin e institucioneve të Republikës për paqe, siguri dhe stabilitet afatgjatë në rajon, si dhe për bashkëpunimin e ngushtë me aleatë e partnerë të Kosovës.” – thuhet në njoftim.
Njoftimi i plotë:
Presidentja Vjosa Osmani do ta përfaqësojë Republikën e Kosovës në takimin e Këshillit të Sigurimit të Kombeve të Bashkuara për Kosovën
Presidentja e Republikës së Kosovës, Vjosa Osmani, ka udhëtuar për në Neë York, ku do ta përfaqësojë Republikën e Kosovës në Këshillin e Sigurimit të Organizatës së Kombeve të Bashkuara, lidhur me raportimin periodik për zhvillimet në Kosovë.
Në këtë takim të Këshillit të Sigurimit, Presidentja Osmani do të flasë për zhvillimet politike dhe të sigurisë në Kosovë, pas sulmit terrorist dhe aktit të agresionit të Serbisë ndaj Kosovës, më 24 shtator. Ndër të tjera, Presidentja Osmani do të flasë edhe për përkushtimin e institucioneve të Republikës për paqe, siguri dhe stabilitet afatgjatë në rajon, si dhe për bashkëpunimin e ngushtë me aleatë e partnerë të Kosovës.
Para takimit të Këshillit të Sigurimit, Presidentja pritet të takohet e koordinohet me disa nga përfaqësuesit e shteteve aleate.
Takimi i Këshillit të Sigurimit të Kombeve të Bashkuara për Kosovën do të mbahet të hënën në ora 21:00 me kohë të Kosovës ndërkaq në orën 15:00 me kohë të Neë York-ut.
Gjykata Kushtetuese e Republikës së Kosovës sot do të kremtojë përvjetorin e 14-të të vitit Gjyqësor me një ceremoni solemne, që do të organizohet në sallën “Beethoven” të “Hotel Emerald” në Prishtinë.
“Ceremonia do të fillojë në orën 17:15 dhe në të do të marrin pjesë udhëheqësit më të lartë shtetërorë, përfaqësuesit e akredituar të misioneve diplomatike dhe të organizatave ndërkombëtare në vend, si dhe delegacionet e nivelit më të lartë nga: Gjykata Kushtetuese e Austrisë, Gjykata Kushtetuese e Belgjikës, Gjykata Kushtetuese e Bosnjë dhe Hercegovinës, Gjykata Kushtetuese e Bullgarisë, Gjykata Supreme e Estonisë, Këshilli Kushtetues i Francës, Gjykata Supreme e Holandës, Gjykata Supreme e Irlandës, Gjykata Kushtetuese e Kroacisë, Gjykata Kushtetuese e Letonisë, Gjykata Kushtetuese e Lituanisë, Gjykata Kushtetuese e Maqedonisë Veriore, Gjykata Kushtetuese dhe Gjykata Supreme Administrative e Portugalisë, Gjykata Kushtetuese dhe Gjykata e Lartë e Shqipërisë, dhe Gjykata Kushtetuese e Turqisë. Pjesëmarrës në ceremoninë e Vitit të 14-të Gjyqësor do të jenë edhe përfaqësuesit nga Komisioni i Venecias dhe Gjykata Evropiane për të Drejtat e Njeriut”, thuhet në njoftim.
Me fjalim rasti, pjesëmarrësve në këtë ceremoni do t’u drejtohen kryetarja e Gjykatës Kushtetuese të Republikës së Kosovës, znj. Gresa Caka – Nimani, gjyqtari federal dhe këshilltari kryesor i Shteteve të Bashkuara në mbështetje të procesit të hartimit të Kushtetutës së Republikës së Kosovës, z. John Tunheim dhe kryetari i Këshillit Kushtetues të Francës dhe njëherësh ish-kryeministri francez, z. Laurent Fabius. Nëpërmjet një video-adresimi, pjesëmarrësve në ceremoninë solemne do t’ju drejtohet edhe presidentja e Republikës së Kosovës, znj. Vjosa Osmani – Sadriu.
Pas ceremonisë solemne, që do të përmbyllet me një koktej rasti për pjesëmarrësit, në shënim të 14-vjetorit të punës së Gjykatës Kushtetuese, të martën, më 24 tetor 2023, me fillim në orën 09:00, në sallën “Beethoven” të “Hotel Emerald” do të mbahet Konferenca ndërkombëtare në temën: “Kontributi i Gjykatave Kushtetuese në mbrojtjen dhe forcimin e vlerave themelore të demokracisë, sundimit të ligjit dhe të drejtave dhe lirive themelore të njeriut”.
Ministria e Drejtësisë thotë se procesi I ekstradimit për të kërkuarit nga INTERPOLI, do devijojë njëjtë edhe për shtetasit serbë sikurse për gjithë të tjerët. Avokat e gjyqtarë thonë se Kosova nuk duhet të bëhet strehë e kriminelëve teksa, kujtojnë se Serbia nuk ka përmbushur asnjëherë obligimet e ekstradimit të kriminelëve
Një i kërkuar nga INTERPOL-i i cili u arrestua disa ditë më parë nga njësiti FAST i Policisë së Kosovës ishte nënshtetas serb.
Strehë për të nuk u bë shumë gjatë Kosova, pasi i njëjti u kap menjëherë.
Mirëpo, edhe pse shteti i të cilit i takon i arrestuari, Serbia, ende nuk ka marrëveshje ekstradimi me Kosovën ligji e parasheh ekstradimin e tij për çka Ministrinë e Drejtësisë në Kosovë thonë se po presin kërkesat e shtetit serb.
“Të dy rastet janë në fazën fillestare.Sa i përket rastit të shtetasit serb vlen të ceket se edhe një shtetas tjetër serb është arrestuar më datë 19 shtator 2023, dhe organet gjyqësore janë në pritje të kërkesës për ekstradim brenda afatit 40 ditorë, nëse nuk pranohet, gjyqtari i procedurës paraprake sipas detyrës zyrtare e liron personin. Ngjashëm është vepruar në disa raste të viteve më parë për shkak të mos bashkëpunimit të Serbisë për personat që i ka shpall vet në kërkim ndërkombëtar”, ka deklaruar Ministria e Drejtësisë.
Në rastet kur Serbia nuk bën kërkesa për ekstradim atëherë atëherë ligjërisht mund të ndiqet procesi i dëbimit.
“Kosova nuk duhet të ndjekë shembullin e Serbisë, Kosova nuk duhet të jetë strehë e krimineklëve pavarsisht, nga cili vend kërkohen eposaqërissht kur kemi të bëjmë, me persona që dyshohet për krime të kryera, të nacionalitetit serb, shtetas të Serbisë, duhet të pritet që të realizohet baza ligjore sic përcaktohet”, ka shtuar Ylli Zekaj Avokat.
Ish-kryetari i Gjykatës Supreme, Fejzullah Hasani kujton se Serbia asnjëherë nuk ka përmbushur qoftë një kërkesë për ekstradim në Kosovë, por siç shprehet ai, kur është fjala për shtetasit e saj, ajo bën gjithçka që t’i kthejë ata në shtetin serb.
Gjatë vitit 2022 nga vendet tjera janë realizuar 31 ekstradime të personave të kërkuar nga gjykatat e Republikës së Kosovës, ndërsa nga Kosova për në shtetet tjera janë realizuar gjithsej 18 ekstradime.
