ATV

Tag: Ballina

  • Stoltenberg: Putin e ka humbur përgjithmonë Ukrainën

    Stoltenberg: Putin e ka humbur përgjithmonë Ukrainën

    Sekretari i Përgjithshëm i NATO-s, Jens Stoltenberg është i mendimit, se Rusia megjithë sforcimin e madhe ushtarak nuk i arrin dot më qëllimet e saj të luftës në Ukrainë. Sipas Stoltenberg, qëllimi i pushtimit të Ukrainës nga Putini ishte të pengonte që Ukraina të lëvizte në drejtim të NATO-s dhe Bashkimit Europian, është shprehur ai në një intervistë për agjencinë gjermane të lajmeve, DPA. Por pas dy vitesh luftë, Ukraina është më pranë NATO-s dhe BE, se kurrë më parë.

    Stoltenberg bën fjalë për dështim strategjik

    Duke iu referuar qëndrimit rus, që e ka parë Ukrainën gjithmonë si pjesë të influencës strategjike të Rusisë, Stoltenberg ka thënë se, “presidenti Putin e ka humbur përgjithmonë Ukrainën”. Ky është një dështim i madh strategjik për Rusinë. Ai është shprehur shumë i sigurtë, se Ukraina do ta arrijë një ditë synimin e saj për të qenë anëtare e NATO-s.

    Sekretari i Përgjithshëm i NATO-s i është referuar edhe çmimit të lartë që ka paguar Rusia për këtë luftë. Ky vend ka humbur qindra avionë luftarakë dhe mijëra tanke, në luftë janë vrarë apo plagosur 300.000 ushtarë. Sipas shërbimeve sekrete të SHBA në luftën në Ukrainë janë vrarë apo plagosur 315.000 ushtarë rusë. (Burimi: ZDF 14.12.2023 shën. red.)Po ashtu si pasojë e luftës është rritur inflacioni dhe është ulur standardi i jetesës. Nga ana tjetër politikisht Rusia është më e izoluar, se kurrë më paë.

    Putini do të pushtojë zona të tjera

    Në të njëjtën kohë Sekretari i Përgjithshëm i NATO-s, Jens Stoltenberg paralajmëroi nga zhvillimet që kërkojnë një fund të shpejtë të luftës dhe që besojnë, se Putini pas rizgjedhjes më 17 mars do të ndërrojë kurs. “Ne nuk kemi asnjë shenjë, se Putini do të ndryshojë objektivat e politikën e tij”, është shprehur Stoltenberg. “Ai do të përpiqet të pushtojë territore të tjera.”

  • Osmani uron Krishtlindjen: Në këtë ditë kremte, le t`i kujtojmë ata që mund të përballen me sfida

    Osmani uron Krishtlindjen: Në këtë ditë kremte, le t`i kujtojmë ata që mund të përballen me sfida

    Presidentja e Kosovës, Vjosa Osmani ka uruar festën e Krishtlindjes, duke thënë se është një kohë reflektimi e solidariteti.

    Ajo është shprehur se në këtë ditë kremte, duhet kujtuar ata që mund të përballen me sfida.

    “Krishtlindja është një kohë reflektimi e solidariteti, teksa zemrat dhe shtëpitë janë të mbushura me shpresë e optimizëm. Në këtë ditë kremte, le t`i kujtojmë ata që mund të përballen me sfida dhe t’ua shtrijmë dorën e mirësisë e dhembshurisë. Qoftë kjo festë e mbushur me dashuri, paqe dhe gëzim për secilën familje”, thuhet në komunikatën e presidencës.

  • Pas deklaratave të Kurtit ushtarët amerikanë patrullojnë pranë Leposaviqit

    Pas deklaratave të Kurtit ushtarët amerikanë patrullojnë pranë Leposaviqit

    Ushtarë amerikanë që janë pjesë e misionit të KFOR-it në Kosovë kanë patrulluar bjeshkëve të Leposaviqit.

    Njoftimi është bërë përmes faqes së misionit të NATO-s në Faceboook, ku thuhet se “ushtarët amerikanë të KFOR-it nga Komanda Rajonale e Lindjes (RC-E_ kanë kryer një patrullim të sigurisë pranë Leposaviqit”.

    “KFOR është i fokusuar plotësisht në baza ditore për ta përmbushur mandatin, sipas Rezolutës 1244  të Këshillit të Sigurisë të OKB-së të vitit 1999 – për të siguruar ambient për të gjitha komunitetet që jetojnë në Kosovë si dhe lirinë e lëvizjes”, thuhet në faqen e KFOR.

    Ky njoftim vjen pas një konference të kryeministri Albin Kurti, ku u tha se në Serbi janë duke u bërë plane të tjera për ta sulmuar Kosovën.

  • Vdes ambasadori amerikan, John Kornblum, i cili bëri historinë duke hapur zyrën e parë të ShBA-së në Kosovë

    Vdes ambasadori amerikan, John Kornblum, i cili bëri historinë duke hapur zyrën e parë të ShBA-së në Kosovë

    Ambasada e Kosovës në Washington ka njoftuar për vdekjen e ambasadorit amerikan John Kornblum.

    Ai kishte bërë hapjen e parë të zyrës së SHBA-së në Kosovë më 5 qershor 1996, vendim ky historik në një moment historik në mbështetjen amerikane për Kosovën.

    Ambasada e Kosovës ka shprehur ngushëllime për vdekjen e Kornblum duke rikujtuar punën e palodhshme të tij për lirinë, demokracinë dhe raportet transatlantike.

     

  • Sveçla tregon afatin kohor të ngjarjeve në ditën e sulmit në Banjskë: Qëllimi ishte aneksimi i veriut

    Sveçla tregon afatin kohor të ngjarjeve në ditën e sulmit në Banjskë: Qëllimi ishte aneksimi i veriut

    Ministri i Punëve të Brendshme, Xhelal Sveçla ka dalë në konferencë për medie sot së bashku me kryeministrin e Kosovës, Albin Kurti.

    Sveçla ka folur për sulmin terrorist në Banjskë, i cili ndodhi më 24 shtator.

    Sipas tij, qëllimi i këtij sulmi nga Serbia ishte aneksimi i veriut.

    “Qëllimi i sulmit terrorist nga Serbia ishte të aneksohej veriu i vendit. Po ashtu sulmi është mbështetur dhe urdhëuar nga strukturat shtetërore të Serbisë.

    Më poshtë, Sveçla ka paraqitur në detaje të gjitha ngjarjet që ndodhë në atë ditë.

  • Kurti: U planifikua sulm hakmarrës ndaj Policisë në nëntor, u shtye shkaku i zgjedhjeve në Serbi

    Kurti: U planifikua sulm hakmarrës ndaj Policisë në nëntor, u shtye shkaku i zgjedhjeve në Serbi

    Kryeministri i Kosovës, Albin Kurti është duke mbajtur konferencë të jashtëzakonshme së bashku me ministrin e Punëve të Brendshme, Xhelal Sveçla. Në këtë konferencë Kurti shpalosi detaje rreth gjendjes së sigurisë në vend, ku bëri të ditur njohurit e tyre rreth planeve të Serbisë për sulme të reja në Kosovë, raporton Gazeta Sinjali.

    Siç njoftoi i pari i ekzekutivit, gjatë muajit nëntor të këtij vitit u planifikua që pas sulmit të Banjskës të kryhet një sulm tjetër në komunën e Zubin Potokut.

    “Gjatë muajit nëntor të vitit 2023 ka pasur planifikime që të kryhet një sulm të drejtim të komunës së Zubin Potokut ne qellim marrjen e viles së Radoiçiqit në brigjet e Liqenit të Ujmanit, por këto plane janë pezulluar përkohësisht për shkak të këtyre zgjedhjeve në Serbi

    “Plani paraprak për sulme hakmarrëse ndaj Policisë së Kosovës kemi marr vesh se ka ndryshuar pas intensifikimit të patrullimit të përbashkët mes Policisë se Kosovës dhe pjesëtarëve të KFOR-it rreth kufirit të Serbisë, dhe masave të tjera të marra nga ne”, tha Kurti.

  • Lëndohen tetë persona në një aksident trafiku në Malishevë, njëri prej të lënduarve në gjendje kome

    Lëndohen tetë persona në një aksident trafiku në Malishevë, njëri prej të lënduarve në gjendje kome

    Tetë persona kanë mbetur të lënduar si pasojë e një aksidenti mes dy automjeteve në fshatin Mirushë të Malishevës.

    Përmes raportit 24 orësh, Policia ka bërë me dije se njëri prej të lënduarve është në gjendje kome.

    “AKSIDENTTRAFIKU ME LËNDIME – Fsh. Mirushë, Malishevë 22.12.2023 – 00:50. Raportohet për një aksident trafiku në mes dy automjeteve. Përveç dëmeve materiale të shkaktuar lëndime trupore kanë pësuar tetë persona të cilët janë dërguar në QKUK për tretman të nevojshëm mjekësor, njëri prej tyre gjendet në gjendje kome. Rasti në procedurë hetimore”, thuhet në raport.

  • ​Dibrani: Të dyshuarit për vrasjen e Liridonës janë vendosur në katër institucione të ndryshme

    ​Dibrani: Të dyshuarit për vrasjen e Liridonës janë vendosur në katër institucione të ndryshme

    Drejtori i Shërbimit Korrektues të Kosovës, Ismail Dibrani deklaron se katër të dyshuarit për vrasjen e Liridona Ademajt po qëndrojnë në katër institucione të ndryshme korrektuese. Ai mohon se të njëjtit kanë pasur mundësi të komunikojnë mes vete gjatë qëndrimit në Burgun e Sigurisë së Lartë në Dyz të Podujevës.

    Pas caktimit të masës së paraburgimit për Naim Murselin, Granit Plavën e Kushtrim Kokallën, u raportua se të njëjtit gjatë shëtitjeve po qëndrojnë së bashku.

    Drejtori i Burgjeve të Kosovës, Ismail Dibranit bën të ditur se bashkë me Prokurorin e Shtetit, kanë vendosur që të shpërndajnë të njëjtit në institucione të ndryshme.

    “Në asnjë rrethanë, në asnjë moment, personat që janë të njëjtës vepër nuk vendosën në të njëjtën dhomë. Mund të vendosin në të njëjtin burg por natyrisht edhe rutinat edhe shëtitjes duhet të organizohen në mënyrë që ata mos të kenë kontakt njëri me tjetrin. Njëjtë për shkak të situatës së rëndë dhe debatit që është zhvilluar pothuajse në të gjitha mediat në Kosovë, ne fillimisht i kemi vendosur sepse vepra e tyre ka qenë e rëndë dhe është dashur që ata të vendosën në Burgun e Sigurisë së Lartë. Si rezultat i kësaj ata vlerësohen me rrezikshmëri shumë të lartë deri në takimin e komisionit për kategorizim, komision i cili vendos për të ardhmen se si ata do të trajtohen. Por duke marrë parasysh debatin që është zhvilluar në opinion dhe rasti tashmë kishte marrë përmasat edhe jashtë Kosovës, ne është dashur në konsultim me Prokurorin e Shtetit që t’i shpërndajmë në institucione të ndryshme”, deklaron ai.

    Edhe personi i katërt, i cili dyshohet që ka furnizuar me armën e krimit, Naim Murselin dhe Granit Plavën, Dibrani shton se është dërguar në burg tjetër.

    “Në katër institucione të ndryshme, në Burgun e Sigurisë së Lartë, në Burgun e Prishtinës, në Qendrat e Paraburgimit në Gjilan dhe në Qendrën e Paraburgimit në Pejë”, shtoi Dibrani.

    Ai thotë se personat të cilët akuzohen për të njëjtin vepër nuk kanë mundësi kontakti me njëri-tjetrin.

    “Në asnjë moment ata nuk kanë qëndruar në një dhomë, në asnjë moment ata nuk kanë pasur mundësi të zhvillojnë shëtitje të përbashkëta por për të qenë më të sigurt dhe për të pasur mundësi as stafi të përcjell ndonjë mesazh tek njëri-tjetri, edhe pse këto nuk ndodhin, por për t’u siguruar në konsultim me Prokurorin e Shtetit, ne kemi vendosur që këta persona të t’i ndajmë në institucione… Jo vetëm këta persona, por secilin person që vije në grup dhe është i së njëjtës vepër, ata shpërndahen në institucione të ndryshme apo në të njëjtën institucion por që nuk kanë mundësi kontakti me njëri-tjetrin”, përfundoi ai.

    Vrasjen e Liridona Ademajt dyshohet se e ka organizuar bashkëshorti i saj, Naim Murseli. Ajo u vra më 29 nëntor në Bërnicë të Prishtinës.

  • Auditori i Përgjithshëm ka kryer 123 auditime – Spanca Janë zbatuar 49% e rekomandimeve të dhëna

    Auditori i Përgjithshëm ka kryer 123 auditime – Spanca Janë zbatuar 49% e rekomandimeve të dhëna

    Auditori i Përgjithshëm për vitin 2023 ka përfunduar 123 auditime në institucionet publike, duke përfshirë edhe ministrinë, komunat, dhe agjencitë e pavarura dhe ndërmarrjet publike, ka konfirmuar për Ekonomia Online, Vlora Spanca, auditore e përgjithshme.

    Ajo gjithashtu tha se kanë realizuar edhe 15 raporte të performancës, duke dhënë 900 rekomandime.

    “Vitin 2023 e kemi përmbyllur më 123 auditime të cilat kanë përfshirë të gjitha institucionet publike, këtu përfshihen ministrit komunat dhe agjencitë e pavarura, si dhe ndërmarrjet publike, përveç auditimeve të detyrueshme të rregullsisë të cilat i kryejmë më baza vjetore, ne kemi kryer edhe auditime të performacës që vitin 2023 e kemi përmbyllur më 15 raporte të auditimit të perfomancës në fusha me interes publik, për këto raporte kemi dhënë 900 rekomandime prej tyre janë diku 195 rekomandime që kanë rezultuar vetëm nga auditimet e përfomancës”.

    Spanca, tha se rezultatet e auditmit tregojnë mangësi në prokurorimin publik lokal dhe sfida në disa ministri si ajo e Infrastrukturës, Arsimit dhe Kulturës. Sipas saj, fusha e prokurorimit publik mbetet kritike, me rreth 198 gjetje në institucionet publike.

    “Në bazë të rezultateve të auditimit ne kemi parë që mangësitë ato që përsëriten nga viti në vit, janë pothuajse në fushën e prokurimit publik në nivelin lokal, ka edhe ministri të cilat mirën dhe kanë një buxhet të ndarë për investimet kapitale dhe mallrat dhe shërbime të cilat procedohen nga prokurimi publik, janë edhe ministria e infrastrukturës, ministria e arsimit, ministria e kulturës rinisë dhe sportit, të cilat në fushën e prokurorimit publik kanë ende manksi, fusha e prokurorimit publik vazhdon të mbetët si një prej fushave më kritike, diku 198 gjetje të cilat kanë rezultuar nga auditimi që e kemi kryer në të gjitha institucionet publike”.

    Ndër të tjera ajo tha se zbatueshmëria e rekomandimeve edhe pse ka rezultuar me një progres të lehtë, që do të thotë se janë realizuar 49% e rekomandimeve, raporton EO.

    Ndërkaq ajo shtoi se nëse krahasojmë nivelin qendror më atë lokal, niveli lokal mbetet një prej institucioneve që zbatushmërin e rekomandimeve e ka në nivel të ulët.

    “Zatushmëria e rekomandimeve edhe pse ka rezultuar një progres i lehtë në zbatimit e rekomandimeve nga viti në vit, nëse marrim parasysh një vite paraprak është një ulje prej 1%, në total është 49% zbatushmëria e rekomandimeve të cilat i kemi dhënë, nëse e krahasojmë nivelin qendror më atë lokal, niveli lokal mbetet një prej institucioneve që zbatushmërin e rekomandimeve e kanë në nivelin më të ulët”.

  • Kryeministri Kurti së bashku me ministrin Sveçla mbajnë konferencë për media

    Kryeministri Kurti së bashku me ministrin Sveçla mbajnë konferencë për media

    Kryeministri i Kosovës, Albin Kurti do të mbajë një konferencë të përbashkët për media me ministrin e punëve të Brendshme, Xhelal Sveçla.

    Nga Kryeministria kanë njoftuar se konferenca do të mbahet në orën 12:00, ndërsa nuk është bërë publike tema e kësaj konference.

    ”Kryeministri i Republikës së Kosovës, Albin Kurti, do të mbajë një konferencë për media, së bashku me ministrin e Punëve të Brendshme, Xhelal Sveçla”, thuhet në komunikatën e Kryeministrisë dërguar mediave.