Republika Çeke ka shpallur të shtunën ditë zie kombëtare pasi një person i armatosur vrau 14 persona dhe plagosi 25 në një universitet në Pragë.
Presidenti Petr Pavel shprehu “trishtimin e tij të madh” dhe “zemërimin për humbjen krejtësisht të panevojshme” të jetëve, shkruan BBC, transmeton Klan Kosova.
Personi i armatosur, për të cilin policia tha se ishte “eliminuar”, besohet të ketë vrarë edhe babanë e tij dhe mund të jetë i lidhur me vdekjen e dy personave javën e kaluar.
Është një nga të shtënat masive më të këqija në historinë e fundit evropiane.
Të shtënat filluan rreth orës 15:00 me orën lokale (14:00 GMT) të enjten në ndërtesën e Fakultetit të Arteve të Universitetit Charles në qendër të kryeqytetit çek.
Personi i armatosur hapi zjarr në korridoret dhe klasat e ndërtesës, ndërsa stafi dhe studentët përdorën orendi për të barrikaduar veten në dhoma.
Qeveria e Kosovës ka zhvilluar sonte mbledhje elektronike në cilën ka marrë një sërë vendimesh.
Kabineti qeveritar ka plotësuar dhe ndryshuar vendimin e Qeverisë numër 05/128 të datës 16 shkurt 2023, vendimin numër 02/157 të datës 30 gusht 2023 dhe atë me numër 05/169 të datës 27 tetor 2023.
Po ashtu, është miratuar vendimi për kursime dhe ndarje buxhetore, si dhe janë ndarë mjetet për shtesat e njëhershme prej 100 eurove për fëmijët nën 16-vjeç dhe pensionistët.
Qeveria ka miratuar edhe vendimin e Ministrisë së Mbrojtjes për dërgimin e Kontingjentit të FSK-së në operacionin humanitar, sipas kërkesës së Republikës së Shqipërisë, me qëllim të dhënies së ndihmës në kërkim-shpëtim.
Po ashtu, u aprovua nisma për lidhjen e marrëveshjes për bashkëpunim në fushën e sigurisë ndërmjet Qeverisë së Kosovës dhe asaj të Turqisë, si dhe nisma për lidhjen e marrëveshjes për bashkëpunimin policor ndërmjet Qeverisë së Kosovës dhe asaj Çeke.
Kryetari i Komunës së Vushtrrisë, Ferit Idrizi, në emisionin CONTEXT në ATV, tregoi se dje ishte në takim të kryeministrit me kryetar të komunave, por në këtë takim, ai thotë se nuk ka parë kryetarë të komunave të tjera, me përjashtim të dy kryetarëve ku qeverisë Lëvizja Vetëvendosje.
Ai thotë se ka raporte te mira si me ministrat ashtu edhe me kryeministrin.
“Kur është fjala te bashkëpunimi, unë kur e kanë vizituar komunën e Vushtrrisë, i kam pritur në mënyrën më të mirë edhe ministrit edhe kryeministri kur ka qenë vitin e kaluar në përvjetorin e Masakrës së Studimës, edhe nuk kam hezituar asnjë moment as nuk hezitoj me bashkëpunu me ministra, kam komunikimin e tillë, komunikim qysh po kërkojnë nuk kam pasur edhe nevojë me e pas me kryeministrin, asnjëherë nuk kam pasur nevojë as me ministrin e Financave. Kur ka qenë për me e kritiku, unë kam kritiku. Nuk e bëj për me perfitu, por e bëj për hir të institucionit qysh duhet me funksionu në një shtet demokratik”, tha Idrizi. /atvlive.tv
Intervistën e tij të plotë në CONTEXT e gjeni në videon më poshtë:
Presidentja e Kosovës, Vjosa Osmani, ka thënë se është me familjet e viktimave që të enjten u vranë nga një sulm me armë në qendër të Pragës.
Ajo ka shkruar në rrjetin social X se në këto momente të vështira, Kosova solidarizohet me qytetarët e Çekisë.
“Jemi me familjet e viktimave dhe me të gjithë ata që u përfshinë nga sulmi i tmerrshëm masiv në Pragë sot. Në këto momente pikëlluese, Kosova solidarizohet me qytetarët e Pragës dhe me miqtë e aleatët tanë çekë”, ka thënë Osmani.
Në qendër të Pragës u vranë të paktën 15 persona e disa të tjerë të plagosur nga një sulm me armë nga një i person i armatosur. Sulmuesi është vrarë nga autoritetet në vendin e krimit.
Presidentja e KE-së Ursula von der Leyen ka reaguar për ngjarjen e rëndë të ndodhur në një universitet në Pragë, ku një person qëlloi me armë zjarri duke lënë të vdekur të paktën 11 persona, ndërsa u plagosën dhjetëra të tjerë.
Ursula von der Leyen ka theksuar se është e tronditur nga ngjarja e rëndë, ndërsa ka shprehur ngushëllimet familjeve të viktimave.
“Të tronditur nga dhuna dhe të shtënat me armë që morën disa jetë njerëzish sot në Pragë. Unë shpreh ngushëllimet e mia më të thella për familjet e viktimave dhe për popullin çek. Ne qëndrojmë me ju”, ka thënë presidentja e KE-së.
Gati dy javë nga nënshkrimi, kontrata komerciale ndërmjet Elektroseverit dhe KEDS-it, e cila i hap rrugë faturimit të energjisë elektrike në Mitrovicë të Veriut, Zveçan, Leposaviq dhe Zubin Potok, vazhdon të mbahet sekrete.
Pos njoftimit për nënshkrim, dy kompanitë, por as Rregullatori i Energjisë, Qeveria dhe BE-ja, nuk kanë treguar asgjë nga përmbajtja.
Megjithatë, ATV-ja kuptoi se në disa ndërtesa kolektive kanë nisur përgatitjet që lidhen me njehsorët. Teksa priten veprime, informacione zyrtare nuk ka.
“Ata së pari duhet të dalin në terren me regjistrua dhe të shohin ku do t’i vendosin sahatet për regjistrim të harxhimit të rrymës. Po presim, sipas bisedimeve me punëtorë që punojnë në këtë kompaninë Elektrosever, që shumë shpejt do të nisë procesi i zbatimit të marrëveshjes”, tha kryesuesi i kuvendit komunal në Mitrovicë të Veriut, Nedzad Ugljanin.
Pasi tha se Elektroseveri nënshkroi kontratën vetëm pas pranimit nga Beogradi, gazetari dhe opinionisti Branislav Krstic, i cili jeton në Mitrovicë të Veriut, theksoi se regjistri i konsumatorëve është kryer.
“Në muajt e parë të vitit të ardhshëm do t’i kemi disa fatura paushall në bazë mujore, derisa KEDS-i t’i ndërrojë sahatet që e matin rrymën”, tha Branislav Krstic, opinionist nga Mitrovica e Veriut.
Ai nuk pret kundërshtime nga banorët.
“Të gjithë janë të gatshëm dhe e kanë kuptuar që rryma nuk vjen prej Zotit. D.m.th. janë të gatshëm për pagesë. A do të kemi ndonjë lloj rezistence? Jam i sigurt që jo… Jam brenda komunitetit, kam biseduar me njerëz, janë gati të hyjnë në rrugën e pagesave mujore”, tha Krstic.
Dëmi i përgjithshëm buxhetor nga mospagesa e energjisë elektrike në katër komunat në veri, nga viti 1999 llogaritet të jetë rreth 350 milionë euro.
Lidhur me të shtënat me armë zjarri në Pragë, në Fakultetin e Filozofisë, Universitetin e Karlit, ka reaguar Ambasada e Kosovës në Pragë.
Përmes një njoftimi, kjo ambasadë u ka bërë thirrje të gjithë qytetarëve të Kosovës që të ndjekin udhëzimet e autoriteteve lokale.
“Pas raportimeve për një sulm të armatosur në qendër të Pragës, përkatësisht në Fakultetin e Filozofisë, Universitetin e Karlit. Ambasada e Republikës së Kosovës në Pragë ju bënë thirrje të gjithë qytetarëve të Kosovës që të ndjekin udhëzimet e autoriteteve lokale”, thuhet në njoftim.
Policia çeke ka njoftuar se ka pasur të shtëna me armë zjarri në qendër të Pragës, nga të cilat raportohet se janë vrarë një numër i paspecifikuar njerëzish dhe janë plagosur të tjerë.
Policia nuk ka dhënë detaje rreth viktimave apo rrethanave të të shtënave me armë zjarri të së enjtes në kryeqytetin e Republikës Çeke.
Shërbimet e shpëtimit mjekësor të Pragës ndanë informacione të reja për numrin e të vdekurve dhe të plagosurve:
“11 të vdekur përfshirë sulmuesin, 9 të plagosur rëndë, 5-6 të plagosur mesatarisht të rëndë, deri në 10 të plagosur lehtë. Numrat mund të ndryshojnë ende.”
Bujar Fandaj, 41-vjeçar me prejardhje nga Kosova është arrestuar në Itali pasi dyshohet se ka vrarë në banesën e saj 27-vjeçaren, Vanessa Ballan. Sipas mediave në Itali, e reja dyshohet se u godit të paktën shtatë herë me thikë, në kraharor dhe në duar.
Lidhur me këtë ngjarje, ka folur nga Roma gazetarja shqiptare, Alba Alimehmeti-Kepi, për emisionin “A LIVE” në ATV.
Ajo ka dhënë detaje, duke treguar se pas arrestimit, i dyshuari për vrasjen, Bujar Fandaj, nuk ka deklaruar asgjë, as për prokurorët dhe as për avokatët.
“Sapo kanë folur dy avokatet të cilat kanë marrë përsipër mbrojtjen e Bujar 41-vjeçarit nga Kosova. Ato kanë thënë se ai është i lodhur, konfuz dhe nuk ka deklaruar asgjë as përpara prokurorëve as për avokatët, se çfarë ka ndodhur. Pra që nga nga momenti i arrestimit e deri më tani, ai nuk ka dhënë asnjë detaje lidhur me këtë vrasje, motiv apo edhe gjithçka tjetër se çfarë ka ndodhur. Nesër nga ora 09:00, do të nisë autopsia mbi trupin e viktimës 27-vjeçarës italiane e cila punonte si kasiere në një supermarket”, deklaroi gazetarja shqiptare.
Tutje, ajo tregoi se viktima përderisa ishte e martuar ajo ishte në lidhje me të dyshuarin, Bujar Fandaj.
“Këtu flitet se ajo ka qenë në një lidhje paralele, pra derisa ka qenw e martuar ka pasur një lidhje edhe me të dyshuarin, dhe kur ajo dhe Bujari ishin ndarë në muajin gusht të këtij viti, ai nuk e ka pranuar ndarjen dhe e ka përcjellë atë kudo, për çka ajo e kishte denoncuar Bujarin në Polici”, tha ajo.
Alba përmendi se 41-vjeçari kosovar akuzohet për vrasje me paramendim, duke shtuar se Bujar Fandaj po ashtu e kishte dhunuar fizikisht 27-vjeçaren para se ta vriste atë, duke e goditur me grushte./atvlive.tv/
Gjatë periudhës janar-tetor, mbi 80 për qind të viktimave të dhunës kanë qenë gra. E sipas presidentes, Vjosa Osmani, këto vrasje kanë mundur të parandaloheshin nëse institucionet do të vepronin shpejt.
Kështu deklaroi e para e vendit në takimin e radhës të Këshillit për Demokraci dhe të Drejta të Njeriut, teksa foli për barazinë gjinore.
Siç tha ajo, institucionet përgjegjëse duhet të punojnë më shumë në këtë drejtim.
“Në takimin e fundit të këtij këshilli tema themelore ka qenë dhuna mbi bazë gjinore, që për fat të keq edhe në fund të vitit të kaluar kishe përfunduar me vrasje të grave. Njësoj ka ndodhur edhe këtë vit ku humbëm jetë të çmuara dhe kjo tregon se dhuna mbi bazë gjinore vazhdon të jetë një këmbanë alarmuese për të gjithë ne, si për institucionet ashtu edhe për shoqërinë tonë. Kishim rastin e Liridona Ademajt dhe raste tjera që janë shndërruar në tragjedi të ditëve tona, dhe ky ballafaqim me femicid që përsëri ndodhi gjatë 16 ditëve të aktivizimit kundër dhunës mbi baza gjinore tregon se ka rritje të dhunës në këtë aspekt. Është alarmuese kur kuptojmë se nga viti 2019 e tutje kemi pasur vazhdimisht rritje te rasteve të dhunës të raportuara në polici, ende nuk janë statistikat finale për vitin 2023, besoj se shumë shpejtë do dalin. Por, megjithatë siç shihet gjatë periudhës janar-tetor, mbi 80 për qind e viktimave të dhunës kanë qenë gra. Përgjegjësia padyshim se bie mbi kryerësin e veprës, por duhet të sigurohemi që të fuqizohen gjithë mekanizmat përgjegjës. Shumica dërmuese e vrasjeve që kanë ndodhur në Kosovë, ku gratë ishin viktima të bashkëshortëve ose partnerëve të tyre kanë mundur të parandalohen nëse do të kishte veprime të menjëhershme të institucioneve përgjegjëse”, tha Osmani.
Ajo apeloi përfshirjen e grave edhe në listat zgjedhore, por edhe në institucione publike.
“Dua të shpreh pakënaqësinë time që Ligji për zgjedhjet e përgjithshme i amandamentuar në Republikën e Kosovës nuk mori parasysh rekomandimet e këtij grupi, në mënyrë që edhe në lista por edhe në Kuvendin e Kosovës të ketë gra aq sa parashihet me ligjin për barazinë gjinore dhe këtu edhe njëherë për gjithë burrat e partive politike një inkurajim që kjo çështje të rregullohet sa më parë që të jetë e mundur”, shtoi Osmani.
