Tag: Ballina

Një ashensor i vendosur në njërën nga ndërtesat e Lagjes Dardania në Prishtinë, në vitin 2015, u bë shkaktar që vajza e familjes Stublla, të mbesë me aftësi të kufizuar.

“Shkaktar i amputimit të këmbës së vajzës ka qenë ky lift, në vitin 2005 vajza ka qenë me dy shokë të vogël, ka qenë 8 vjeçare, tu ardhë në lift, lifti nuk ka pasë dyer mbrojtëse, vajza si fëmijë me patika dhe dredhat e patikave ja ka nxonë lifti ja ka bartë zvarr prej katit të parë deri në katin e 6-të dhe ja ka nxonë këmbën, aty është dashtë me ia amputu këmbën për shkak që nuk ka pasë kurrfarë shprese për të”, tha Hadije Stublla.

Që nga ajo kohë ashensorët janë jashtë funksionit, e kjo gjë po ua vështirëson lëvizjen banorëve të kësaj ndërtese.

“Unë jam e diagnostikuar me kancer të gjirit ka që 9 vite, nuk po mundem me ja dal, me shku poshtë dhe mu kthy prapë lartë me shkallë. Javën tjetër e kam terminin me shku me marr terapinë për vete, nuk e di se si ko me shku deri te spitali.” , shtoi tutje ajo.

Pavarësisht kërkesave në Komunën e Prishtinës për funksionalizimin e ashensorëve, ajo thotë se nuk është ndërmarrë asgjë lidhur me këtë çështje.

Nga e premtja, televizioni ka pritur që Komuna e Prishtinës të përgjigjet në lidhje me këtë cështje, mirëpo të njëjtit kanë qenë të paqasshëm.

Derisa, në buxhetin për vitin 2024, Komuna e Prishtinës ka ndarë 150mijë euro, për rregullimin dhe ndërtimin e ashensorëve- “Qendra”, “Tophane,”Dodona”, “Bregu i Diellit”, “Ulpiana”, “Dardania”, “Lakërishta”, “Aktashi”./atvlive.tv/

Në Klinikën e Pulmologjisë të Qendrës Klinike Universitare të Kosovës (QKUK), aktualisht po trajtohen rreth 10 raste me tuberkuloz. Ndërkaq, gjatë vitit të kaluar në këtë klinikë janë mjekuar mbi 200 pacientë me këtë sëmundje, derisa kanë dominuar ata të gjinisë mashkullore.

Kështu thotë drejtori i Klinikës së Pulmologjisë, Musa Hoxha, derisa potencon se në nivel vendi, numri i të prekurve me tuberkulozë është afro 600.

Ai shton se vërehet një tendencë e rënies së numrit të rasteve me këtë sëmundje, në krahasim me vitin 2022.

“Gjatë vitit 2023 sa i përket rasteve të mjekuara nga tuberkulozi në klinikën tonë janë mjekuar diku 203 raste, nga ato kanë qenë 111 meshkuj, 92 femra. Kurse, sa i përket rasteve në nivel vendi, kam biseduar edhe me CDF-në dhe menaxherët kombëtarë dhe janë duke u grumbulluar të dhënat. Deri më tani ata më kanë thënë që janë diku rreth 550 raste, por që dy regjione ende si kanë futur në kuadër të dhënave. Mendohet se diku 600 apo më pak se 600 raste për vitin 2023, çka do të thotë se në krahasim me vitin 2022 vërehet një tendencë e lehtë e rënies së rasteve të reja me tuberkulozë…Klinika e Pulmologjisë ka katër reparte dhe njëri nga repartet është reparti B që merret me trajtimin e të sëmurëve me tuberkulozë. Aty tani kemi diku rreth 10 raste që janë duke u mjekuar nga tuberkuloza me antituberkular”, thotë Hoxha.

“Fatin” e 10 pacientëve me tuberkulozë që po trajtohen në këtë klinikë, nuk e kanë shumë të tjerë me sëmundje të ndryshme që mjekohen në Pulmologji. Kjo, për shkak se Klinika e Pulmologjisë nuk ka kapacitete të mjaftueshme për të pranuar të gjithë pacientët që kanë nevojë për hospitalizim.

Në 66 shtretërit që posedon Klinika e Pulmologjisë, janë të shtrirë 66 pacientë të cilët po marrin trajtim shëndetësor. Ndërkaq, ka edhe pacientë të tjerë që për shkak të numrit të vogël të shtretërve dhe hapësirave të pamjaftueshme, pavarësisht që kanë nevojë për hospitalizim, nuk po kanë mundësi të shtrihen.

Për këtë, drejtori i Pulmologjisë, Musa Hoxha thotë se ka raste kur pacientëve ua shtyjnë pranimin në spital për disa ditë, apo kërkojnë ndihmë nga klinikat e tjera.

“I kemi 66 shtretër, 66 të shtruar. Kemi bërë vizitën e përgjithshme, çdo të enjte e bëjë edhe vizitën e përgjithshme dhe kam liruar 9 shtretër por që janë ri mbushur menjëherë…Po, kemi raste kur kanë nevojë për hospitalizim, i shtyjmë për nesër, për ditën tjetër, por edhe duke kërkuar ndihmë edhe nga klinikat e tjera sidomos Klinika e Infektives dhe klinikat interne që të na dalin në ndihmë”, theksoi Hoxha.

Ndër të tjera, Hoxha potencon se vazhdimisht kanë probleme me hapësira dhe shtretër të mbi ngarkuar. Ai thotë se secila dhomë e ka një shtrat më shumë sesa duhet të ketë.

Përveç kësaj, Hoxha thotë se kanë mungesë të stafit të mesëm.

“Sa i përket kushteve në Klinikën tonë, e dimë se Klinika e Pulmologjisë është e vendosur në kuadër të Klinikës së Dermatovenerologjisë, në një farë mënyre jemi qiraxhinj në kuadër të klinikës së lëkurës qysh nga ardhja e Klinikës së Pulmologjisë nga Dragodani ku ka qenë më përpara…Vazhdimisht kemi probleme me hapësira. Kemi probleme me numrin e shtretërve, me nevojat të cilat paraqiten sidomos gjatë muajve të dimrit për hospitalizime, për shkak se kemi ngarkesë të madhe…Sa i përket stafit të mjekëve kemi 16 mjekë pulmologë, të cilët janë të gjithë aktivë. Kurse, sa i përket stafit të mesëm kemi 33 infermierë. Klinika e Pulmologjisë me 66 shtretër, edhe ata shtretër të mbi ngarkuar. Secila dhomë ka nga një shtrat më tepër për shkak se nevojat janë të mëdha për hospitalizim…Kemi nevojë shumë për staf të mesëm infermierë”, thotë Hoxha.

Ndërkaq, sa i përket furnizimit me barna esenciale për kurimin e tuberkulozit dhe sëmundjeve të tjera, Hoxha theksoi se qëndrojnë mirë.

Tuberkulozi është një sëmundje infektive kronike që prek kryesisht mushkëritë. Agjenti shkaktar i tij, mykobakteri i tuberkulozit, ose bacili Koh, transmetohet nga spërklat e pështymës ose të gëlbazës, kur personi i infektuar flet, teshtin ose kollitet.

Zëvendësministri i Infrastrukturës, Hysen Durmishi ka njoftuar se pavarësisht reshjeve të vazhdueshme, të gjitha rrugët në Kosovë janë të kalueshme.

Ai ka shkruar në Facebook se kompanitë e kontraktuara nga MMPHI, janë në terren për pastrimin e akseve rrugore nga bora, normalizimin e qarkullimit rrugor dhe garantimin e sigurisë për drejtuesit e automjeteve që nga orët e hershme të mëngjesit.

“U bëjmë thirrje të gjithë qytetarëve që të bëjnë kujdes gjatë vozitjes si dhe të respektojnë rregullat e qarkullimit rrugor. Jemi vazhdimisht në terren për t’u siguruar se po punohet me intensitet të shtuar për pastrimin e rrugëve, duke u kujdesur për të lehtësuar lëvizjen e qytetarëve nëpër rrugët e Kosovës”, ka shkruar ai.

Reshjet e borës, Rama: Po pastrojmë rrugët e kryeqytetit që qarkullimi të mos jetë i vështirësuar

Një foshnjë e cila ka qenë duke u trajtuar në Qendrën Klinike Universitare të Kosovës, ka vdekur të premtë në rrethana të panjohura.

Sipas raportit 24 orësh të Policisë së Koosvës, me vendim të prokurorit, trupi i pajetë është dërguar në Institutin e Mjekësisë Ligjore.

“Viktima foshnje e cila ishte duke u trajtuar në QKUK, në rrethana ende të panjohura ka ndërruar jetë. Me vendim të prokurorit, trupi i pajetë është dërguar në IML”, thuhet në raport.

Të premten e 19 janarit, dhjetëra qytetarë të Kosovës, kanë pritur për orë të tëra në pikëkalimin kufitar mes Malit të Zi dhe Shqipërisë në Bozhaj, kjo për shkak se sistemi i Interpolit i ka paraqitur të gjithë kosovarët si të kërkuar prej Interpolit.

Arsyeja e këtij problemi ka rezultuar të jetë softueri i cili u rregulluar pas tri orëve.

Policia e Malit të Zi, ka konfirmuar se sistemi është rregulluar në mbrëmje, siç raporton mediumi “Vijesti”.

Sipas njoftimit, autoritetet e Malit të Zi kanë lëshuar të paktën tetë shtetas të Kosovës për të vazhduar rrugën drejt Prishtinës.

Bëhej fjalë për një grup që ishte pjesë e një projekti mediatik.

Sipas raportimit, edhe policët e kishin të qartë se ka problem me sistemin e Interpolit, por që raste të tilla sipas tyre janë të rralla.

“Kjo ndodh rrallëherë”, ka thënë policia e Malit të Zi.

Ndërsa, ndalimi i qytetarëve të Kosovës është bërë për shkak të domosdoshmërisë së kontrollit. (AP)

Qendra për Menaxhimin e Krizave (QMK) pas njoftimeve nga QRMK këtë fundjavë për reshje të dendura bore dhe mot të ftohtë me rënie të ndjeshme të temperaturave apelon tek qytetarët për menaxhim të kujdesshëm të automjeteve për shkak të pakalueshmërisë së mundshme të rrugëve në zonat më të larta.

“Qytetarët të udhëtojnë me kujdes gjatë ditës së nesërme dhe të dielën, nëse është e nevojshme, me karburant të mjaftueshëm në cisterna dhe sigurisht me pajisje dimërore të përshtatshme për automjetet në vendet më të larta dhe qafa malore, sepse mund të krijohen rrëshqitje bore dhe rrugë. itineraret duhet të jenë të pakalueshme në seksionet e larta për një periudhë të caktuar kohore”, thekson QMK.

Në të njëjtën kohë, njerëzve që jetojnë në vende më të larta u kujtohet se duhet të rezervojnë me kohë ushqimet bazë (ushqim dhe ilaçe), si dhe rekomandohet lëvizja e kujdesshme e qytetarëve në këmbë, pasi është e mundur shfaqja e etheve.

Sipas parashikimit të motit nga Administrata për Çështje Hidrometeorologjike, gjatë ditës së nesërme do të mbajë mot i vranët dhe i ftohtë me reshje kryesisht bore. Reshjet do të jenë më të shumta sidomos në pjesët perëndimore. Në male do të formohet një mbulesë e konsiderueshme dëbore mbi 30 cm, ndërsa në zonat më të ulëta nga 3 deri në 10 cm. Do të fryjë erë mesatare deri e fortë nga veriu, sidomos në afërsi të Povardarisë dhe temperaturat do të kenë rënie të ndjeshme dhe do të ketë edhe ngrica.

NP “Rruga e Maqedonisë” njoftoi sonte se komunikacioni në rrugët shtetërore aktualisht po zhvillohet në kushte dimërore, në vend të rrugëve me lagështirë. Në rrugë të caktuara rrugore që kalojnë nëpër lugina dhe prerje është e mundur shfaqja e rrëshqitjeve më të vogla, për këtë arsye apelohet për menaxhim të kujdesshëm të mjeteve, respektim i sinjalistikës së komunikacionit të vendosur, si dhe përshtatje të shpejtësisë sipas kushteve të rrugës. Ekipet kujdestare të NP MACEDONIJAPAT janë vazhdimisht në terren dhe i mbajnë të kalueshme të gjitha rrugët rrugore, thuhet në ndërmarrjen publike.