ATV

Tag: Ballina

  • Blinken për 16-vjetorin e Pavarësisë: Urime mikut, partnerit dhe aleatit tonë

    Blinken për 16-vjetorin e Pavarësisë: Urime mikut, partnerit dhe aleatit tonë

    Sekretari Amerikan i Shtetit, Antony Blinken, ka uruar Republikën e Kosovës në 16-vjetorin e shpalljes së Pavarësisë, duke thënë se e ardhmja e Kosovës është në Evropë dhe në institucionet euroatlantike.

    Ai ka theksuar se e ardhmja e Kosovës është në Evropë dhe në institucionet euroatlantike.

    “Shtetet e Bashkuara besojnë se e ardhmja e Kosovës është në Evropë dhe në institucionet euroatlantike. Ne mbështesim aspiratat e përcaktuara në deklaratën tuaj të pavarësisë dhe kushtetutës për të ‘kontribuuar në stabilitetin e rajonit dhe të gjithë Evropës duke krijuar marrëdhënie të fqinjësisë së mirë dhe bashkëpunimi’. Ne mirëpresim mbështetjen e palëkundur të Kosovës për Ukrainën kundër luftës brutale dhe të padrejtë të Rusisë dhe jemi mirënjohës për ndihmën bujare të Kosovës për gazetarët dhe të tjerët që kërkuan strehim në vendin tuaj. Mezi pres të thellojmë partneritetin tonë në forcimin e demokracisë dhe krijimin e kushteve që Kosova dhe të gjithë qytetarët e saj të lulëzojnë në një botë më të sigurt, më stabile dhe më të begatë”, ka thënë ai.

    Blinken ka shtuar se Shtetet e Bashkuara inkurajojnë Kosovën që të zbatojë zotimet e saj dhe të ecë përpara përmes dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë, në rrugën drejt njohjes së ndërsjellë eventuale.

    “Në emër të Shteteve të Bashkuara të Amerikës, përgëzoj popullin e Kosovës kur ju festoni përvjetorin e gjashtëmbëdhjetë si shtet sovran dhe i pavarur. Shtetet e Bashkuara vlerësojnë partneritetin tonë të qëndrueshëm, të rrënjosur në mirëkuptimin reciprok, vlerat e përbashkëta dhe miqësinë mes njerëzve tanë. Ndërsa vazhdoni të bëni përparim në forcimin e institucioneve demokratike dhe promovimin e sundimit të ligjit, ne do të vazhdojmë të mbështesim një Kosovë multietnike që avancon një rajon më të sigurt, më të sigurt dhe më të begatë. Shtetet e Bashkuara inkurajojnë Kosovën që të zbatojë zotimet e saj dhe të ecë përpara përmes dialogut të lehtësuar nga BE-ja për të arritur një marrëveshje gjithëpërfshirëse të normalizimit me Serbinë, në rrugën drejt njohjes së ndërsjellë eventuale”, thuhet në urimin e Blinken.

    Për fund, Bliken ka uruar Kosovën, me një vit të qetë dhe të begatë.

    “Urime sërish mikut, partnerit dhe aleatit tonë përvjetorin e Ditës së Pavarësisë së Kosovës. Paçi një vit të qetë dhe të begatë”.

  • Krerët institucionalë urojnë 16-vjetorin e Pavarësisë: Republikën e ndërtuam me ndihmën e aleatëve

    Krerët institucionalë urojnë 16-vjetorin e Pavarësisë: Republikën e ndërtuam me ndihmën e aleatëve

    Presidentja Vjosa Osmani, kryeministri Albin Kurti dhe kryeparlamentari Glauk Konjufca kanë uruar 16-vjetorin e Pavarësisë së Kosovës.

    Ndërsa vlerësuan përpjekjet rezistente për një Kosovë të pavarur, krerët shtetëror u shprehën falënderues edhe ndaj aleatëve ndërkombëtarë “që ndihmuan në ndërtimin e shtëpisë sonë të përbashkët – Republikë e Kosovës”.

    “Sot shënojmë të arriturën më të madhe historike të popullit tonë, shënojmë ditën kur shteti ynë u shpall i pavarur, sovran, i lirë e demokratik dhe këto 16 vite të shtetit tonë Kosova ka bërë hapa të rëndësishëm përpara dhe të vendosur natyrisht për të treguar para botës jo vetëm që e ka merituar lirinë dhe pavarësinë e saj por është edhe kontribuuese e paqes, stabilitetit dhe sigurisë edhe përtej kufirit të saj. Dua t’i kujtoj të gjithë ata që dhanë më të shtrenjtën e tyre që ne sot jetojmë të lirë, të gjithë dëshmorët e kombit të gjithë martirët e republikës sonë. Në këtë ditë sërish e kujtojmë vizionin e arkitektin e pavarësisë, presidentin Ibrahim Rugova dhe sakrificën e pashembullt, trimërinë dhe guximin e familjes Jashari dhe gjithë ushtarëve të UÇK-së në krye me kryekomandantin legjendar Adem Jashari”, ka thënë Osmani gjatë ngritjes së flamurit.

    Kryeministri Albin Kurti, shprehu mirënjohje të veçantë për partnerët dhe aleatët ndërkombëtarë, për të cilët tha se do t’u jenë përgjithmonë falënderues.

    “U jemi falënderues të gjithë atyre që kanë kontribuar në luftën tonë çlirimtare dhe në procesin tonë të pavarësisë. Mirënjohje e veçantë partnerëve dhe aleatëve tanë ndërkombëtarë për rrugëtimin tonë të përbashkët të konsolidimit të shtetit dhe të subjektivitetit ndërkombëtar të Republikës sonë. Gjithnjë dhe përgjithmonë u jemi falënderues”, tha Kurti.

    Urime ka pasur edhe kryetari i Kuvendit, Glauk Konjufca, i cili ka falënderuar ushtarët që dhanë jetën për lirinë e Kosovës, “veprimtarët politikë e miqtë ndërkombëtarët që dhanë gjithçka për Pavarësinë e Kosovë”.

  • Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë

    Kosova feston sot 16-vjetorin e Pavarësisë. Më 17 shkurt 2008, ditë e diel, në Kuvendin e Kosovës u lexua Deklarata e Pavarësisë dhe Kosova u shpall shtet i pavarur e demokratik.

    Ky përvjetor do të përcillet me shumë aktivitete institucionale.

    Krerët e shtetit do të bëjnë ngritjen e flamurit shtetëror në mëngjes, do të bëjnë homazhe te varri i ish-presidentit Ibrahim Rugova e ai i veprimtarit Adem Demaçi dhe në Kompleksin “Adem Jashari” në Prekaz.

    Ndërkohë, Kuvendi do të mblidhet në seancë solemne. Më vonë, krerët e shtetit do të mbajnë edhe pritjen shtetërore.

    Deri tani, pavarësinë e Kosovës e kanë njohur 117 vende. Shteti i fundit që ka njohur është Izraeli.

    Programi i plotë i manifestimeve shtetërore për shënimin e 16-vjetorit të Pavarësisë:

    Në orën 08:00, Qeveria e Kosovës do të mbajë Mbledhje Festive. Në orën 08:20, do të bëhet ngritja e Flamurit të Republikës së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

    Më pas do të bëhen nderime te Monumenti i të Pagjeturve, nga ora 08:30. Në 08:45, do të bëhen homazhe te varri i ish-Presidentit Dr.Ibrahim Rugova, e më pas te varri i veprimtarit Adem Demaçi.

    Në 09:50, do të bëhen homazhe në Kompleksin Memorial “Adem Jashari” në Prekaz.

    Do të bëhen edhe nderime te Monumenti “Heroinat”, te Monumenti i Policëve të rënë në detyrë, si dhe te pllaka e fëmijëve të vrarë gjatë luftës, që ndodhet në oborrin e Kuvendit.

    Ndërkohë, seanca solemne e Kuvendit do të mbahet me fillim nga ora 12:00. Nga ora 17:00, mbahet pritja shtetërore nga Presidentja Vjosa Osmani, Kryeparlamentari Glauk Konjufca dhe Kryeministri Albin Kurti.

    Dy aktivitetet e fundit të kësaj dite janë Koncerti i Pavarësisë që do të mbahet në orën 18:00 në shesh, si dhe Koncerti solem i Filharmonisë së Kosovës.

  • Kosova shënon 16-vjetorin e Pavarësisë, Begaj uron Osmanin: Shqipëria do të jetë gjithmonë krah Kosovës

    Kosova shënon 16-vjetorin e Pavarësisë, Begaj uron Osmanin: Shqipëria do të jetë gjithmonë krah Kosovës

    Presidenti i Shqipërisë, Bajram Begaj, e ka uruar Kosovën për 16 vjetorin e Pavarësisë së saj përmes një telegrami, dërguar presidentes së vendit, Vjosa Osmani.

    Begaj tha se Kosova sot është jo vetëm realitet i pakundërshtueshëm por edhe një shembull se si shqiptarët janë kontribuues aktivë për paqen dhe sigurinë në rajon e më gjerë.

    “E vlerësoj intensifikimin dhe zgjerimin e marrëdhënieve tona, sidomos në kuadër të bashkëpunimit të natyrshëm strategjik, si dy republika të një kombi, fatet e të cilit janë të lidhura pashmangshmërit me qytetërimin euroatlantik”, tha Begaj në letrën e tij.

    Më tej, presidenti shqiptar tha se Shqipëria do të jetë gjithmonë krah Kosovës, në çdo hap të saj, për përballimin e çdo kërcënimi a sfide si dhe për anëtarësimet e reja në organizata ndërkombëtare dhe rajonale.

  • Sot emërohet trajneri i ri i Kosovës

    Sot emërohet trajneri i ri i Kosovës

    Federata e Futbollit të Kosovës (FFK) e ka konfirmuar se sot do të bëhet emërimi i trajnerit të ri të Kosovës.

    Burime brenda FFK-së konfirmuan dje se trajneri i ri i “Dardanëve” veçse ka arritur në Kosovë, dhe gjendet në Prishtinë.

    “ Ju njoftojmë se nesër, Federata e Futbollit e Kosovës do të bëjë prezantimin e përzgjedhësit të ri të Kombëtares”, shkruhej në njoftimin e FFK-së.

    Prezantimi i trajnerit të ri do të bëhet me fillim nga ora 14:00 në hotel “Emerald”.

  • Pesë muaj nga sulmi në Banjskë, Prokuroria ende po heton e disa prova po ekzaminohen jashtë vendit

    Pesë muaj nga sulmi në Banjskë, Prokuroria ende po heton e disa prova po ekzaminohen jashtë vendit

    Përgatiti: Arian Hajdaraj

    Ankesa në Organin Shqyrtues të Prokurimit, lidhur me projektin e master-planit për kompleksin Adem Jashari, iu refuzua si e pabazuar. Kështu, Instituti për Shkencë dhe Teknologji që nuk u zgjodh fitues, ka dorëzuar padi në Gjykatën Komerciale ndaj Ministrisë së Kulturës dhe OSHP-së.

    “Ka pasur parregullsi dhe ndërhyrje nga palët e treta…”, tha Qëndrim Arifi, avokat i INSI Sh.P.K.

    Shkeljet gjatë procedurës të cilat u hodhën poshtë nga OSHP-ja, sipas avokatit të kompanisë dhe pronarit ishin disa.

    “Instituti nuk është pajtuar me vlerësimin për dy arsye kryesore…”, tha Arifi.

    Po ashtu me refuzimin e ankesës, OSHP sipas ligjit, kompanisë ankuese ia ka konfiskuar taksën prej 5 mijë euro. Projekti për kompleksin memorial ‘Adem Jashari’, udhëhiqet nga komiteti ndërministror në udhëheqje të së cilit është kryeministri Albin Kurti.

    Vetëm tenderi për master-planin i shpallur në muajin maj të 2023-të, kapte vlerën prej 3 milionë euro.

  • Deputetët LV-së insistojnë në shkarkimin e Bordit të KPM-së, shkak kthimi i “Arena sport”

    Deputetët LV-së insistojnë në shkarkimin e Bordit të KPM-së, shkak kthimi i “Arena sport”

    Përgatiti: Arian Hajdaraj

    Për më shumë se tri orë anëtarë të Komisionit të Pavarur të Mediave sërish raportuan para komisionit parlamentar për Administratë Publike dhe Media.

    Që në nisje të debatit, deputetë të Lëvizjes Vetëvendosje përmendën shkarkimin e bordit për shkak të kthimit të disa kanaleve në platforma kabllore.

    “Askund nuk kam parë një afat se kur duhet shfuqizuar ky vendim. Askush nuk pash në dispozitiv të vendimi që ky vendim është pezullim i përkohshëm. Të gjithë vendi e di se më 3 tetor është atakuar siguria nacionale. Vendimi është asisoj i 3 tetorit, çka ndryshoi? Në vendim nuk ka as afat, as pezullim”, tha deputeti i LV-së, Nijazi Isaku.

    Por, kryetari i Bordit të Komisionit të Pavarur për Media, argumentoi duke lexuar rregulloren e cila ua mundëson ndryshimin e vendimit kur ndryshojnë rrethanat.

    “KPM më 6 shkurt ka bërë shfuqizim të vendimit të tij të parë, ka pezulluar vendimin e parë. Tani fjala pezullim është nen nga sanksionet që ligji për KPM i jep të drejtë këtij organi që ta vendosë aty ku e sheh të nevojshme. KPM mund të kërkoj pezullimin e një pjese ose gjithë programit e të licencuarit për një periudhë kohore”, tha kryetari i bordit të KPM-së, Jeton Mehmeti.

    Përveç deputetëve të partisë në Qeveri, edhe vet anëtarja e KPM-së e kërkoi hetim të kolegëve të saj për t’u vërtetuar nëse janë ndikuar në vendim.

    “Edhe unë do të doja ta di prej dy kolegëve të mi, të nderuarit kryetar edhe kryeshefit se më kë saktësisht janë takuar edhe çka kanë diskutuar. Për këtë arsye edhe kam kërkuar i nderuar kryetar që kur të bëhen takimet me palë të treta, të jemi edhe ne, dikush prej neve bordit dhe jo të jeni vetëm ju sepse kështu ndodhë pastaj. Unë nuk po them që ju keni bërë ndonjë shkelje, kjo duhet të vërtetohet. Mirëpo nëse ka pasur tentativa prej jashtë që ju të ndikoheni në vendimet në të cilat na keni përfshirë edhe neve, atëherë ju e meritoni me të vërtetë që të hetoheni”, deklaroi Luljeta Aliu, anëtare e KPM-së.

    Në fund, anëtarë të komisionit parlamentar kërkuan edhe hetim nga prokuroria.
    Reagimi i Komisionit parlamentar erdhi pas vendimit të KPS-së që të kthejë në transmetim kanalet e Arena Sport të cilët u ndërprenë meqë në këto kanale ishte glorifikuar sulmi i 24 shtatorit në Banjskë.

    E lidhur me raportimin e së premtes të KPS-së reagoi edhe juristja e së drejtës së medias, Flutura Kusari, duke akuzuar anëtarët e Komisionit për sulm brutal ndaj pavarësisë së KPM-së.

  • Banorët e fshatrave të banuara me shqiptarë matanë lumit Ibër, kërkojnë të trajtohen njëjtë si serbë

    Banorët e fshatrave të banuara me shqiptarë matanë lumit Ibër, kërkojnë të trajtohen njëjtë si serbë

    Përgatiti: Driton Sadiku

    Banorët e fshatrave të banuara me shqiptar, matanë lumit Ibër kërkojnë trajtim të barabartë me qytetarët e komunitetit serb në veri mbi çështjen e energjisë eklektike.

    Ata thonë se nuk janë kundër pagesës por duan të sigurohen që rryma do të paguhet edhe nga serbët, meqë jetojnë afër. Qëndrim të njëjtë kanë banorët e të tri fshatrave Vinarc, Gushac e Suhodoll.

    Të njëjtin kushtëzim e kanë edhe banorët shqiptarë të lagjeve tjera në Mitrovicë të Veriut, megjithëse janë pro pagesë së energjisë së shpenzuar.

    Por druajnë se çfarë do të ndodh me borxhin e akumuluar deri tash.

    Përgjigje për këtë nuk dhanë as nga Kesco ndonëse energjia u faturohet nga ta.
    Sidoqoftë edhe për këtë, banorët shqiptarw kanë të njëjtën kërkesë.

    Vinarci, Gushaci e Suhodolli, janë fshatra që gjeografikisht shtrihen në veri por që i përkasin komunës së Mitrovicës së Jugut.

  • Mbreti Charles uron Osmanin për 16-vjetorin e pavarësisë, vlerëson lidhjen midis dy kombeve

    Mbreti Charles uron Osmanin për 16-vjetorin e pavarësisë, vlerëson lidhjen midis dy kombeve

    Presidentja e Republikës së Kosovës, Vjosa Osmani në 16 vjetorin e pavarësisë së Kosovës, ka pranuar telegram urimi nga Mbreti i Mbretërisë së Bashkuar, Charles III.

    Në letrën e tij, Mbreti Charles III ka thënë se vlerëson lidhjen në mes të shteteve tona, duke theksuar se shpreson se do të vazhdojë bashkëpunimi i ngushtë në çështjet e rëndësishme globale, nga të cilat do të përfitojnë brezi ynë i ardhshëm.

    Më herët, Osmani ka pranuar një telegram urimi për 16 vjetorin e pavarësisë edhe nga Presidenti i Shteteve të Bashkuara të Amerikës, Joseph Biden.

    Në letrën e Biden thuhet se Kosova dhe Shtetet e Bashkuara ndajnë një miqësi dhe partneritet të qëndrueshëm të përforcuar nga vizioni i përbashkët për një rajon më paqësor, më të sigurt dhe më prosperues.

    Biden thotë se Kosova duhet të vazhdojë të angazhohet në dialogun me Serbinë të lehtësuar nga Bashkimi Evropian. Biden në letrën e tij potencon se ky proces është i rëndësishëm drejt arritjes së normalizimit dhe njohjes së ndërsjellë mes dyja vendeve.

  • “Ka qenë shumë dhimbshme”, Fisnik Ismaili tregon se cila temë e “NEWBORN-it” i ka bërë të qajnë derisa po kryenin punimet

    “Ka qenë shumë dhimbshme”, Fisnik Ismaili tregon se cila temë e “NEWBORN-it” i ka bërë të qajnë derisa po kryenin punimet

    Krijuesi i obeliskut “NEWBORN”, Fisnik Ismaili në një prononcim për emisionin A LIVE në ATV, tregoi se kuptimi i këtij objekti për 16-vjetorin e Pavarësisë do të lidhet me liberalizimin e vizave.

    “Po sivjet ndërlidhet me, s’po me kujtohet para sa nja 7-8 vite ka qenë, kur e patëm bërë një “NEWBORN” që e ka pasur krejt qiellin dhe ka qenë e rrethuar me tela e me gjemba, edhe jemi pas ankua që s’po na u liberalizohen vizat dhe jemi izolu. Sivjet, meqenëse na u hoq ai izolim, ia dedikuam “NEWBORN-it”, si gjithmonë, qysh “NEWBORN-i”, ia jep një mesazh botës dhe pjesëmarrjen e Kosovës në botë, sivjet ia dedikum liberalizimit të vizave, ose heqjes së qatij izolimi që kem pas deri tash, edhe quhet shtatë qiejt, janë shtatë qiej të ndryshëm, në secilën shkronjë të qyteteve ndryshme, që kanë silueta të qyteteve ndryshme të Evropës, në të cilat tash mundemi me udhëtua. Edhe, ia fillon me diellin që është në maje, domethënë në zenit, edhe është duke përendu, te shkronja B është natë, është terr, edhe mandej lind dielli te W-ja dhe prapë hipë në Zenit. Është njëfarë cikli që kemi dashtë me bo, si një ditë edhe krejt kjo po ndërlidhet me faktin që jemi liberalizu”, tha Ismaili.

    Ai tregoi se çdo vit puna e ndryshimit bëhet prej vullnetarëve, ndërsa këtë vit, i janë bashkuar edhe disa studentë të Kolegjit AAB dega Dizajn Grafik, për të cilët thotë se po bëjnë një punë të mrekullueshme.

    “Si çdo herë që asnjëherë s’kemi dështu me e kry punën edhe me e zbulu, me i jep qytetarëve “NEWBORN-in” për Ditën të Pavarësisë, këtë vit jemi organizuar më pak më mirë, se e kemi nisë punën pak më herët, se zakonisht e lëmë në moment të fundit, edhe na ka marrë koha e mirë, nëse është koha e mirë, shumë më lehtë e ke me punu. Gjithmonë puna bëhet prej vullnetarëve, prej stafit të ‘Karrotës’, të cilën e udhëheq Nita, drejtoresha e ‘Karrotës’ çdo vit, sivjet kanë ardhë edhe disa studentë të mi, unë ligjëroj në Kolegjin AAB, edhe kanë ardhë disa studentë të Dizajnit Grafik që po ndihmojnë dhe po bëjnë punë të mrekullueshme”, tregoi Ismaili.

    Ai thotë se “NEWBORN-i” i parë i cili ishte zbuluar në ditën e Pavarësisë së Kosovës ka qenë më i madh se vetë jeta, ndërsa më i veçanti për të ishte ai me flamujt e të gjitha shteteve që e kanë njohur Kosovën.

    “Çdo “NEWBORN” më ka pëlqyer shumë, e shumë dashni e kem bo, normale ai i pari ka qenë kështu për mu më i madh se vetë jeta, po prej ngjyrosjeve, për nga pamja, më i bukuri i ka qenë ai me flamujt e krejt shteteve që na kanë pranu Pavarësinë. Ka qenë një punë monumentale që është bërë për 24 orë edhe kanë punu 150 veta në të dhe ka qenë shumë e vështirë, po ka dalë tepër e bukur”, tregoi Ismaili.

    Ndërsa, në mesin e 16 temave të ndryshme, krijuesi i obeliskut “NEWBORN” thotë se më i dashuri për të ka qenë ai i vitit 2020, që për temë ka pasur gratë e dhunuara gjatë luftës në Kosovë.

    “Për nga mesazhi, “NEWBORN-i” i im më i dashtun, ka qenë ai që iu ka kushtu grave viktima të luftërave dhe konflikteve, në të cilin ka qenë kryesisht i zi veç W-ja, ka qenë me shumë lule, ato lule janë shpërndarë në shonja tjera, me jep shpresë, ‘W’ ka qenë ‘women’, ka qenë domethënë shkronja e parë për fjalën gra, edhe prej larg është dukur shumë i bukur me lule, e kur iu ke afru, mandej i ke lexu ato shkrimet që kanë qenë përjetime pa censurë të grave, të cilat janë përdhunu gjatë luftës, edhe kanë qenë shumë dhimbshme. Më kujtohet na kur i kemi shkru patën qarë tërë natën edhe kush vinte dhe e shihte, me një buzëqeshje iu afrojke, mas andej si ia niste me e lexu, ia niste me qajtë edhe qai “NEWBORN” ka kriju emocione të përzime çdoherë dhe e ka pasë efektin më të madh”, u shpreh Ismaili. /atvlive.tv

    Më shumë detaje gjeni ën videon më poshtë: