Tag: Ballina

Presidentja e Komisionit Evropian, Ursula von der Leyen, i ka pritur liderët e gjashtë vendeve të Ballkanit Perëndimor, të cilët bashkërisht pritet të marrin pjesë në një drekë pune bashkë me Von der Leyen.

Gjatë këtij takimi do të flitet për Planin e Zgjerimit për Ballkanin Perëndimor. Në takim po merr pjesë edhe kryeministri i Kosovës, Albin Kurti.

Von der Leyen Von der Leyen tha se të gjashtë partnerët nga rajoni i përkasin Evropës dhe se për këtë po punohet në BE. Në të njëjtën kohë, shtoi ajo, po bëhen përpjekje për afrimin e ekonomive dhe tregjeve nga rajoni me Bashkimin me ndihmën e Planit të Rritjes për Ballkanin Perëndimor, me vlerë gjashtë miliardë euro.

“Sot prita liderët e gjashtë partnerëve nga Ballkani Perëndimor. Të gjashtë vendet i përkasin Evropës. Kjo është ajo për të cilën ne po punojmë. Në të njëjtën kohë, ne po afrojmë ekonomitë dhe tregjet e tyre me planin tonë të rritjes prej gjashtë miliardë eurosh. për rajonin”, ka deklaruar Von der Leyen në rrjetin social X.

Today I received the leaders of the six Western Balkan partners.

All six countries belong in Europe.

This is what we are working on.

In parallel, we are bringing their economies and markets closer to ours with our €6 billion Growth Plan for the region. pic.twitter.com/FDk7fPeXLc

— Ursula von der Leyen (@vonderleyen) September 19, 2024

Me 17 vota për, 12 kundër dhe 1 abstenim, Kuvendi komunal i Drenasit ka miratuar vendimin për dhënien për 99 vjet të 51 pronave publike. Kundër këtij vendimi kanë qenë asamblistët opozitarë.

Nga lista paraprake u hoqën tre prona.

Opozitarët në Drenas si kundërshtim kryesor e shohin rrënimin e objektit të komunës së vjetër, ku brenda e saj është Shtëpia e Kulturës.

Pas miratimit, i pari i Drenasit, Ramiz Lladrovci ka theksuar se shfrytëzimi i pronave publike nga investitorët apo biznesmenët është e paraparë me ligj.

“Me vjen keq komuna ka humbur gjithçka dhe ka humb qytetari i Komunës së Drenasit në mos funksionimin e kuvendit, duke përshirë grantin e performancës për 2024 që do të marrë komuna në vitin 2025.

Me urgjenca i kam çuar gjitha këto pika të rendit të ditës, pasi janë nevojë e domosdoshme e proceseve dhe procedurave të Kuvendit dhe pika e tretë ka qenë më kontestuese. Gjithmonë opozita këmbëngul të kundërtën sepse është opozitë dhe e vlerësojë. Por është një pjesë e opozitës për dijeninë tuaj sepse janë 5 anëtarë të opozitës që e kanë votuar listën paraprake. Është një listë ku i paraqitet qytetarit por edhe investitorëve që kanë interesuar me shfrytëzu pronën publike”, ka thënë Lladrovci.

Drejtoria për Hetimin e Krimit të Organizuar dhe Krimeve të Rënda, në bashkëpunim me Prokurorinë Themelore Prishtinë – Departamenti i Krimeve të Rënda, në vazhdën e luftimit të dukurisë së fajdesë, pas ndërmarrjes së veprimeve hetimore, sot, me datën 19 shtator 2024, ka realizuar operacion policor, me ç’rast ka zbatuar urdhërkontroll në 3 lokacione në Prishtinë ndaj katër personave të dyshuar për veprat penale ‘fajde’ nga neni 331 i KPRK-së dhe ‘organizimi i skemave piramidale ose bixhozit të paligjshëm’ nga neni 294 i KPRK-së.

Të dyshuarit në këtë rast, përmes formave të ndryshme të kanosjes, në vazhdimësi kanë detyruar viktimën që të veprojë kundër pasurisë së tij, duke përfituar kështu në formë të kundërligjshme shuma të ndryshme të parave si interes nga fajdeja, e po ashtu të dyshuarit kanë ushtruar edhe veprimtarinë e bixhozit të kundërligjshëm.

Gjatë zbatimit të urdhërkontrollit janë sekuestruar dëshmi të ndryshme si: shuma të konsiderueshme të parave kesh, 5 automjete, telefona celularë, pajisje të ndryshme elektronike.

Katër personave të dyshuar A. A., S. A., E. G. dhe A. G., pas intervistimit, me aktvendim të prokurorit nga Prokuroria Themelore në Prishtinë, iu caktohet masa e ndalimit për 48 orë.

Presidentja e Republikës së Kosovës, Vjosa Osmani ka udhëtuar për në New York, ku në kuadër të Javës së Nivelit të Lartë të sesionit të 79-të të Asamblesë së Kombeve të Bashkuara do të zhvillojë takime me liderë botërorë, organizata ndërkombëtare, si dhe aktivitete tjera zyrtare.

Përgjatë kësaj vizite, nw njoftim thuhet nse presidentja në takime me homologët e saj do të diskutojë për zhvillimet e fundit në Kosovë, përkushtimin e Republikës së Kosovës për ta forcuar pozitën ndërkombëtare të saj, si dhe thellimin e raporteve me shtete të tjera në përfitim të qytetarëve tanë.

Ajo poashtu do të marrë pjesë edhe në aktivitete e diskutime të shumta të organizuara nga shtetet aleate.

Në agjendën e Presidentes Osmani do të jenë edhe një sërë aktivitetesh të përbashkëta me mërgatën shqiptare në Amerikë si dhe disa nga shoqatat të cilat e zhvillojnë aktivitet në SHBA.

Pas dështimi të takimit tre palësh midis kryenegociatorëve të Kosovës dhe Serbisë të marten në Bruksel, Bashkimi Evropian ka insistuar për një tjetër mundësi për takim të shpejtë midis palëve me shpresën, siç ka thënë, emisari Miroslav Lajcak që të gjendet një zgjidhje për mos marrëveshjet midis Kosovës dhe Serbisë.

“Për keqardhje që nuk iu trajtuam çështjet më urgjente në një format trepalësh sot. Unë mbeten në dispozicion të palëve dhe do të vazhdojmë në javët në vijim”, tha Lajcak.

Por, përfaqësuesit e partisë në pushtet Vetëvendosje thonë se ka pak shpresë për një takim tjetër deri në ardhjen e strukturave të reja brenda Bashkimit Evropian. Deputeti Enver Haliti, vlerëson se Serbia po vendos kushte për takime të cilat nuk janë të përfshira në agjendë.

‘’Serbia po insiston që të imponojë tema në bisedime në Bruksel të atyre temave që i shkojnë për shtati Serbisë. Ka insistim nga BE-ja që të vazhdojnë bisedimet, por qasja e Serbisë se nuk e njohin marrëveshjen nuk dihet nëse është valide marrëveshja. Shpresojmë se me ardhjen e strukturave të reja në BE dialogu të ketë dinamikë të re”, tha Haliti për rtv21.

Pas dështimit të takimit trepalësh, kryenegociatorët e Kosovës dhe Serbisë bënë akuza të ndërjeslla dhe Besnik Bislimi tha se nuk pranuar të diskutohet në Bruksel për kërkesat e Serbisë sic ishin Asociacioni, veriu i Kosovës dhe hapja e urës. Megjithatë në margjinat e dialogut në Bruksel u diskutua për hapjen e urës edhe pse Bislimi nuk kishte treguar për një takim me zyrtarët e NATO-s. Për këtë tregoi përmes një komunikate vetë NATO.

“Në takim mori pjesë ndihmëssekretari i Përgjithshëm i NATO-s për Operacionet, Tom Goffus dhe komandanti i operacioneve civile në Shërbimin e Veprimit të Jashtëm të Bashkimit Evropian, Stefano Tomatin. Takimet u zhvillua në margjinat e dialogut të organizuar nga ndërmjetësuesi Miroslav Lajçak. Goffus theksoi nevojën për zgjidhje gjithëpërfshirëse dhe të qëndrueshme [rreth Urës së Ibrit]. Vendimet duhet të merren përmes dialogut, në koordinim në kohë dhe efektiv me komunitetin ndërkombëtar dhe në mënyrë që të mos rrezikohet siguria e komuniteteve lokale apo e trupave të NATO-s”, tha NATO.

Partitë opozitare e kanë kritiuar Qeverinë se detajet e bisedimeve në Bruksel po i mbanë të fshehta. Kryetarja e Komisionit për Integrime Evropiane nga LDK, Rrezarta Krasni, tha se janë të shqetësuar për mungesën e transparencës së Qeverisë në dialog”.

‘’Ju e dini se që nga fillimi kjo Qeveri ka qenë jo transparente në dialog. Por pres javën e ardhshme ta ftoj për raportim kryenegociatorin. Nuk ka shpresë për dialog as për marrëveshje të tjera. Jam shumë e shqetësuar sepse ata nuk din se për çka shkojnë dhe për çka flasin. Deklaratë ndryshe japin në media, ndryshe në facebook dhe ndryshe gjatë raportimit në komisione”, tha Krasniqi.

Kritikave të opozitë se Qeveria po i diskuton cështje e brendshme në dialog me Serbinë iu përgjigj deputeti i VV-së, Enver Haliti.

‘’Jo, asnjëherë Qeveria nuk ka pranuar të diskutohet për urën dhe nuk do të pranoj që të bëhet temë e dialogut në Bruksel sepse kjo temë është mbyllur vite më parë”, tha Haliti.

Kryenegociatori Besnik Bislimi tha pas takimit me Lajçakun se letra e ish-kryeministres së Serbisë, Ana Bërnabiq, e cila konteston shtetësinë e Kosovës nuk është tërhequr.

Instituti Hidrometeorologjik i Kosovës ka njoftuar se sot do të mbajë mot me diell dhe vranësira të pakta.

Vranësirat gjatë ditës vende-vende parashihen të sjellin riga shiu sipas IHMK-së.

“Temperaturat minimale do të lëvizin ndërmjet 8-11gradë Celsius, ndërsa maksimalet e ditës parashihen të lëvizin ndërmjet 17-21gradë Celsius. Do të fryjë erë kryesisht nga veriperëndimi e lehtë deri mesatare”, thuhet në njoftim.

PËRGATITI: ARTON HAMITI   

E paralajmëruar për në qershor, harta e rrezikshmërisë nga përmbytjet, nuk është publikuar akoma.

Aktualisht, projekti është në fazën e komenteve dhe,sipas zyrtarëve nga Ministria e Mjedisit, Planifikimit Hapësinor dhe Infrastrukturës, do të jetë gati kah mesi i tetorit.

“Pasi janë dorëzuar rezultatet finale, tashmë jemi në kohën e komenteve. Teksti hartat e rrezikshmërisë është përkthyer në gjuhën shqipe dhe do të jetë në linkun e Ministrisë. Po ashtu, i kemi blerë edhe dy serverë, sepse janë diku 2000 harta që do të ngarkohen.”, tha Sylejman Latifi, zyrtar për përmbytje dhe ndryshime klimatike në MMPHI.

Megjithatë, harta e rrezikshmërisë, sipas Sylejman Latifit, zyrtar për ndryshime klimatike dhe vërshime, nuk i ndalon ato. Ky projekt mund të kontribuojë vetëm që dëmet nga vërshimet të jenë më të vogla.

“Andaj edhe direktiva thotë, të adaptohemi me vërshimet këto mund të parandalohen, të zvogëlohen, por jo të ndalen. Kohëve të fundit i kemi edhe vërshimet e shpejta në zona urbane. E kemi rastin 2023 në Skenderaj, rastin tragjik në Pejë. Aty nuk ka pasur përmbytje, por ka pasur vërshim të shpejtë, diku 2-3 orë, por pasojat kanë qenë katastrofike”, shtoi tutje Latifi.

Teksa, kosovarët duhet të presin së paku edhe një muaj për t’i kuptuar zonat me potencial për vërshime, shira të fuqishme që nisën në fund të javës së kaluar, shkaktuan përmbytje në pjesë të mëdha të Evropës e dhjetëra persona vdiqën.Por vërshime në këto përmasa nuk priten edhe në Kosovë.

“Bazuar në situatën e përgjithshme hidrometeorologjike në vend, rajon dhe më gjerë, sidomos gjatë ditëve të fundit ku edhe vendi ynë është përfshirë nga reshjet e shiut, të intensitetit të ulët, të cilat kanë ndikuar pozitivisht duke e pasur parasysh periudhën paraprake e karakterizuar me thatësi jashtëzakonisht të lartë dhe temperatura ekstreme, të cilat kanë ndikuar që rrjedhat lumore të kenë nivele dhe prurje minimale për këtë periudhë, ndërsa disa edhe janë tharë plotësisht. Duke i pasur parasysh këta faktorë, nuk parashikohet të ketë vërshime/përmbytje lumore”, u përgjigj Bashkim Kastrati nga IHMK-ja.

Sidoqoftë, disa komuna të Kosovës viteve të fundit pësuan dëme të mëdha nga vërshimet, që sipas ekspertëve, kryesisht ndodhën për shkak të ndryshimeve klimatike, ndërhyrjeve në shtretër të lumenjve dhe ndërtimeve pa leje.

Për më shumë ndiqni videon e mëposhtme:

PËRGATITI: KASTRIOT TAHIRI  

Grupet punuese të shkollave në kryeqytet hartuan dhe miratuan “marrëveshjen mes Prindërve dhe Shkollës”.

Në këtë marrëveshje, ku janë të listuara rregullat e shkollës, përfshirë kodin e  sjelljes, sigurinë e ruajtjen e inventarit, u kërkua edhe pëlqimi i prindërve.

Me përmbajtjen u pajtuan prindërit, por ata kundërshtuan emërtimin që iu bë në këtë dokument.

Në vend të babait e nënës, u përdorën termet me numra, si prindi një e prindi dy.

Përcaktimi i prindërve me numra, po shihet si e jashtëligjshme nga njohësit e fushës.

“Në aspektin ligjor jemi kundër këtij termi, sepse nuk e hasim në asnjë dokument ligjor, as në ligjin e familjes, në asnjë ligj që i përket pjesës së fëmijëve, është një shkelje apo nuk kemi një mbulim ligjor për to”, u shpreh avokatja Rovena Tujani- Klinaku.

Një emërtim i tillë, sipas sociologut Jeton Brajshori, shkakton huti edhe te fëmijët.

“Familja tek ne është nukleare, e përbërë nga babai, nëna dhe fëmijët, normalisht se një emërtim itillë shkakton tension, por edhe ka ndikim te fëmijët, sepse nuk e dinë se cilit prind me iu referute njishi e cilit te dyshi, megjithatë është një vendim i ngutshëm. DKA-ja duhet ta tërheqë dokumentin nga shkollat. Le të figurojë emri i të dy prindërve, por le të jetë babai dhe nëna e jo prindi një e dy”, tha Brajshori.

Por, Drejtoria e Arsimit pati një sqarim.

Dokumenti “Marrëveshja e shkollës me prindërit”,kërkon nënshkrimin e të dy prindërve dhe ka për qëllim të forcojë bashkëpunimin ndërmjet shkollës dhe prindërve, për të siguruar angazhimin e plotë në edukimin e fëmijëve. Ka pasur keqkuptime, ku disa prindër e kanë ndërlidhur këtë marrëveshje me procese të tjera, të cilat nuk janë objekt i këtij dokumenti. Për DKA-në, është thelbësore që të dy prindërit të jenë të angazhuar dhe të kontribuojnë në mënyrë të barabartë në procesin arsimor”, deklaroi drejtorja e Arsimit në Prishtinë, Jehona Lushaku.

Emërtime të tilla si prindi një dhe prindi dy, nuk ka as në Projektligjin për kodin civil. Në të shpjegohet qartëroli i prindërve dhe përgjegjësitë, megjithatë nëpër kapituj prindërve iu referohen me emrin nëna dhe babai. Emërtime me numra për prindërit nuk ka as në Projektligjin për fekondim të asistuar.

Për më shumë ndiqni videon e mëposhtme:

PËRGATITI: BENITA ZENELI

Përfundimi i dëgjimit të dëshmitarëve të Zyrës sëProkurorit të Specializuar në Hagë, në rastin ndaj katër ish-pjesëtarëve të Ushtrisë Çlirimtare të Kosovës, ështëparaparë të përfundojë në prill të 2025-tës.

Për këtë rast gjyqësor ishte planifikuar të dëgjoheshin rreth 300 dëshmitarë.

Megjithatë, Prokuroria ka reduktuar listën.

Ndërkaq, Michael Doyle, koordinator i zyrës për informim nga Dhomat e Specializuara, është i bindur që intervistimi i dëshmitarëve do të përfundojë sipas afatit, meqë edhe vetë Gjykata ka marrë masat e nevojshme.

“Nuk do të thosha që mund të zgjasë më shumë se që ishte planifikuar por aktualisht Prokuroria po i prezanton dëshmitarët dhe intervistimi i tyre siç pritet do të përfundojë deri në prill të 2025-s. Nuk flas në emër të Prokurorisë sepse e përfaqësoj Gjykatën, por ajo çfarë mund të them është se gjykatësit kanë marrë masa për të garantuar që gjykimi të përfundojë në kohë optimale.”, tha Doyle.

Së fundi, Prokuroria e Specializuar në Hagë ka marrëvendim që nga lista e dëshmitarëve të largohen 11 persona. Kurse dëshmitë e 7 dëshmitarëve të tjerë do të pranohen me shkrim./atvlive.tv

Për më shumë ndiqni videon e mëposhtme:

PËRGATITI: KRENARE MULLIQI 

Litarë, veshje, shkopinj e pajisje të ndihmës së parë, janë disa materialet teknike për kërkim-shpëtimin malor që Ambasada e Italisë në Prishtinë ia dorëzoi Kosovës.

Përmes një marrëveshjeje të nënshkruar mes Ambasadës italiane dhe komunave Deçan, Pejë e Junik parashihet edhe ndërtimi i stacionit për shpëtim malor.

Stacionet janë pjesë e projektit NaturKosovo që ka për qëllim përmirësimin e infrastrukturës turistike.

“Projekti synon të ofrojë informacion mbi shërbimet dhe shtigjet, duke rritur ndërgjegjësimin për mbrojtjen e mjedisit dhe biodiversitetin. Për më tepër, sipërmarrësit vendas dhe shoqatat e biznesit do të marrin udhëzime nga OJQ-të italiane për të përmirësuar aftësitë e mikpritjes në aktivitetet në natyrë”, tha ambasadori i Italisë në Kosovë, Antonelo De Riu.

Falënderuese për mbështetjen ishte edhe ministrja e Industrisë, Rozeta Hajdari.

Për kryetarët e komunave me turizmin më të zhvilluar malor në vend, ndihma ishte e domosdoshme.

Projekti, ndryshe bashkëpunim mes Agjencisë italiane për Bashkëpunim Zhvillimor dhe Ministrisë së Industrisë së Kosovës do të kushtojë 1.8 milion euro./atvlive.tv/

Për më shumë ndiqni videon e mëposhtme: