Tag: Ballina

Më shumë se 50 persona kanë vdekur dhe dhjetëra të tjerë janë lënduar pas një tërmeti të fortë në Kinë, sipas mediave shtetërore të vendit.

Shërbimi Gjeologjik i SHBA-së (USGS) tha se kishte regjistruar një tërmet me magnitudë 7.1 ballë, me qendër në rajonin e Tibetit, shkruajnë mediat e huaja.

A 6.8 Magnitude earthquake occurred in Dingri County, Xigaze City, Tibet, with a focal depth of 10 kilometers. (January 7, 2025, at 9.26 AM Shanghai Time)

[Source: CCTV News] pic.twitter.com/MW5d1lwjVU

— RenderNature (@RenderNature) January 7, 2025

Ai goditi në një zonë malore, pranë kufirit me Nepalin, pak pas orës 9:05 të mëngjesit të martën, sipas Qendrës së Rrjeteve të Tërmeteve në Kinë.

Scenes of destruction and houses collapsed in Tingri, Tibet after today's earthquake measuring 6.8 on the Richter scale.

According to media, 53 people have been killed and the number could rise.

Winter conditions exacerbate the struggle. ཨོཾ་མ་ཎི་པདྨེ་ཧཱུྃ pic.twitter.com/RLfGSkAQ8I

— Kyang Thang རྐྱང་ཐང་ (@Kyangs_Thang) January 7, 2025

Televizioni shtetëror i Kinës (CCTV) tha se epiqendra ishte në rajonin Tingri, rreth 380 km (240 milje) nga kryeqyteti i Tibetit Lhasa dhe rreth 23 km (14 milje) nga qyteti i dytë më i madh i rajonit, Shigatse – i njohur gjithashtu si Xigaz.

Shigatse është një nga qytetet më të shenjta të Tibetit. Është shtëpia e Manastirit Tashilhunpo – selia tradicionale e Panchen Lama, i cili është i dyti vetëm pas Dalai Lamës për sa i përket autoritetit shpirtëror në budizmin tibetian.

Ndërkohë janë publikuar pamje që tregojnë momentin e dridhjeve dhe pasojat e tij, përcjell Telegrafi.

དིང་རི་ལ་ས་ཡོམ་བྱུང་ནས་མི་༣༦རྐྱེན་འདས་སུ་སོང་བ།At least 35 people have been reported dead after a powerful earthquake in Tingri County of Shigatse City in Tibet. China’s central news confirmed 9 people dead, but on Weibo, several sources confirmed that 36 people have died #Tibet pic.twitter.com/YJYOzp6yDd

— Tseringkyi ཚེ་རིང་སྐྱིད། (@Tibetankyi) January 7, 2025

Është viti i katërt që presidentja Vjosa Osmani nuk është duke e shfrytëzuar të drejtën e saj kushtetuese që t’i fal të burgosurit, pavarësisht numri i kërkesave për falje në vitin 2024 ka arritur 105 kërkesa për falje.

Por, nga presidenca kanë bërë të ditur se këtë vit Komisioni për Falje ka rekomanduar për falje një të dënuar, dhe ky rekomandim është në procedurë të shqyrtimit nga Presidenca.

Ndërsa, gjithsej janë shqyrtuar tetëdhjetë e nëntë kërkesa për falje të personave të dënuar, ndërsa gjashtëmbëdhjetë prej tyre janë në pritje të shqyrtimit nga Komisioni, pas kompletimit të tyre me informata shtesë.

Përfaqësues të drejtësisë dhe organizatave për mbrojtjen e të drejtave të njeriut, thonë se pavarësisht që presidentja ka mundësi që të fal ose jo të burgosurit, mos faljen e tyre e konsiderojnë si një shkelje të të drejtave të njeriut.

Avokati Xhevdet Smakiqi, tha se mungesa e faljeve për katër vite është një keqpërdorim i diskrecionit presidencial.

Sipas tij, praktika e faljeve është një element i rëndësishëm i demokracive perëndimore, që ndihmon në rehabilitimin e të dënuarve.

“Është e çuditshme në një shtet demokratik siç pretendon dhe është Kosova me Kushtetutën e saj dhe ne duhet të zbatojmë praktikat më të mira të shteteve demokratike perëndimore. Ju e keni parë që edhe Joe Biden dhe plot shtete ku presidentët në fund të vitit, apo për ndonjë festë kombëtare zakonisht e përdorin institutin e drejtës penale që është falja, pra në mënyrë individuale të presidenteve të shteteve përfshirë edhe Vjosa Osmanin ka diskrecion. Por, nuk mund të quhet diskrecion apo keqpërdorim të diskrecionit, kemi të bëjmë me një keqpërdorim të diskrecionit të presidentes e cila për katër vite nuk e ka aprovuar as një rekomandim të Komisioneve të cilët ekzistojnë një varg kërkesash dhe kushtesh të cilat përmbushen”, ka thënë ai.

Sipas Smakiqit, për një periudhë katërvjeçare, presidentja Osmani nuk ka pranuar asnjë rekomandim për falje, duke e cilësuar këtë si një shkelje të mundshme të të drejtave të njeriut.

Ai tha se është e dhimbshme mos falja e të dënuarve duke marr parasysh që vetë Osmani është juriste.

“Unë e konsideroj këtë si pjesë të karakterit të Vjosa Osmanit dhe është e dhimbshme se ajo është edhe vetë juriste. Mbi këtë bazë çuditem se çfarë etike profesionale mund të ketë një presidente e cila për katër vite rresht nuk fal sepse falja nuk nënkupton që t’i po ndërhynë në sistemin e drejtësisë, por nënkuptim një vullnet të mirë dhe një praktikë demokratike, në një shtet ku nuk do të thotë të lirohen të burgosurit, por për shembull t’i falen disa vite, ti falen disa muaj, ata që janë në fund dënimit që kanë sjelle të mira që nuk janë në komisione disiplinore të SHKK-së. Pra’ ata të cilët në një farë mënyre janë përgatitur të kthehen shoqërisë, presidentja nuk po ja jep këtë mundësi dhe unë e konsideroj edhe shkelje të të drejtave të njeriut dhe kjo do të pasqyrohet edhe në raportin e progresit të organizatave të tjera për mbrojtjen e të drejtave të njeriut”, ka thënë ai.

Drejtori i Këshillit për Mbrojtjen e të Drejtave dhe Lirive të Njeriut (KMDLNj), Behxhet Shala, e cilësoi këtë situatë si të paprecedentë, duke e krahasuar me sisteme diktatoriale.

Shala ka theksuar se mungesa e faljeve mund të ndikojë negativisht në motivimin e të burgosurve për t’u sjellë mirë dhe ka pasur gjithashtu shqetësime se ky veprim do të ketë pasoja për reputacionin e vendit.

“Nuk ka ndodh në historinë jo vetëm të Kosovës por edhe në shtet diktatoriale fashiste që nuk ka pasur falje, i ke parë kohën e fundit para një viti sa ka përfituar Shqipëri të burgosurit, edhe Biden ka falur një numër të madh të dënuarve, në mesin e tyre edhe një shqiptar i akuzuar për trafikim me narkotik. Që tek ne nuk hynë as në listë për falje. Ne mendoj se ajo po e shpërdor një të drejtë kushtetuese sikurse që po e shpërdor sjelljen e mirë të burgosurve, sepse nuk mund të motivohen të burgosurit që të sillen mirë në qoftë se nuk ka falje. Në anën tjetër po e vënë në pozitë shumë të rëndë Shërbimin Korrektues të Kosovës që punon shumë me të burgosur. Dhe e treta nuk është normale, këtë vit janë vetëm 94 kërkesa dhe më herët kanë qenë 400-500, të mos të gjendet as një burgosur i vetëm i cili e meriton faljen”, ka thënë ai.

Shala ka thënë se është për tu çuditur edhe fakti se si vetë presidentja ka krijuar Komisionin, i cili i trajton kërkesat e të burgosurve për falje dhe se nuk i merr parasysh ato rekomandime të Komisionit.

Shala ka përmendur edhe disa raste të të burgosurve që do të duhej të liroheshin.

“Me këtë presidentja po e krijon një perceptim që Kosova është shoqëri kriminale dhe nuk mund të falet as kush, është një porosi e keqe edhe për vendim edhe për jashtë. Vetë presidentja e formon një Komision ad hoc i cili i trajton kërkesat të burgosurve, ata anëtar paguhen prej buxheti të Kosovës edhe në fund i vije puna që vetë presidentja nuk po i beson atij Komision që vetë e ka themeluar i cili ja dërgon presidentes një listë të ngushtë për ata që e meritojnë që të falen. Kjo do ta përfundoj mandatin thuaj pa falur as një të burgosur, për ne është e pa kuptueshëm. Edhe ne që punojmë gjatë me të burgosur e kemi të qartë se kush e meriton të falen. Kemi raste në mesin e femrave për shembull shtatëzëna e dënuar për trafik, e burgosur me kancer shtetase e Serbisë e dënuar në Kosovë që vetëm është barrë për burgjet dhe buxhetin e Kosovës dhe nuk e sheh as një arsye që ajo të fal. Është e pa kuptueshëm edhe ne nuk kemi përgjigje për këtë veprim të presidentes”, ka thënë ai.

BNga Shërbimi Korrektues i Kosovës përmes një përgjigje me shkrim për EO kanë thënë se gjatë vitit 2024 ka pranuar 94 kërkesa për falje, por që asnjëra nuk është miratuar nga Presidentja.

“Gjatë viti kemi pranuar gjithsej 94 kërkesa për falje nga personat e dënuar. Deri më tani, kur në pozitën e Presidentes ka qenë znj. Vjosa Osmani, nuk kemi pranuar asnjë dekret për falje nga Zyra e Presidentes”, thuhet në përgjigjen e SHKK-së.

Nga Presidenca në një përgjigje me shkrim kanë thënë se një rast janë duke e shqyrtuar.

Bekim Kupina, Këshilltar për Media në Presidencë ka thënë se deri tani janë shqyrtuar tetëdhjetë e nëntë kërkesa për falje të personave të dënuar, ndërsa gjashtëmbëdhjetë prej tyre janë në pritje të shqyrtimit nga Komisioni, pas kompletimit të tyre me informata shtesë.

“Gjatë vitit 2024 janë pranuar njëqind e pesë (105) kërkesa për falje të personave të dënuar të cilat janë duke u shqyrtuar nga Komisioni për Falje. Deri tani janë shqyrtuar tetëdhjetë e nëntë (89) kërkesa për falje të personave të dënuar, ndërsa gjashtëmbëdhjetë (16) prej tyre janë në pritje të shqyrtimit nga Komisioni, pas kompletimit të tyre me informata shtesë. Këtë vit Komisioni për Falje ka rekomanduar për falje një (1) të dënuar, dhe ky rekomandim është në procedurë të shqyrtimit nga Presidenca”, ka thënë Kupina.

Përgatiti: Fatlum Jashari

Drejt venitjes është shpresa që shtetit t’i kthehen 42 milionë euro të shpenzuara për mbulimin e humbjeve, si pasojë e mos-pagesës së energjisë elektrike në katër komunat më shumicë serbe në veri, në periudhën Tetor 2022-Dhjetor 2023.

Edhe pse i kishte kërkuar Rregullatorit për Energji që të mos ia tërheqë licencën Elektroseverit – përkundër dështimit në përmbushjen e obligimeve dhe afateve të parapara në Udhërrëfyesin për Energji – Bashkimi Evropian konsideron se nuk ka asnjë detyrim ndaj Kosovës.

“Nuk shohim asnjë bazë ligjore për këtë. Bashkimi Evropian qëndron gati të adresojë shqetësimet e ngritura nga palët në dialog gjatë takimeve të kryenegociatorëve”, thuhet në përgjigjen e BE-së.

Të hënën, qeveria nuk dha asnjë koment për këtë qëndrim të BE-së.

Në një intervistë për ATV-në vitin e kaluar, zëvendëskryeministri Besnik Bislimi kishte treguar se fjalën për kompensim të dëmit, në këmbim të mos-tërheqjes së licencës, ia kishte dhënë Përfaqësuesi i Posaçëm për Dialogun, Miroslav Lajcak.

“Që nga momenti kur Elektroseveri ka qenë i supozuar të grumbullojë tarifat, Janë 42 milionë euro, të cilat i konsiderojmë si borxh të Bashkimit Evropian, për arsye se në Tetor të vitit 2022, kur ka qenë afati për tërheqje të licencës për Elektroseverin, kërkesa për mos-tërheqje ka qenë nga Bashkimi Evropian me idenë që BE-ja, dikush nga BE-ja, të përpiqet të gjejë fonde. Kjo është bërë në zyrën e z. Lajcak”, kishte deklaruar Bislimi.

Nga 1 Janari 2024, Elektroseveri mori përgjegjësinë e plotë për furnizim, respektivisht, faturimin e energjisë elektrike në Mitrovicë të Veriut, Zveçan, Leposaviq dhe Zubin Potok.

Megjithatë, niveli i pagesës deri tani lëvizë vetëm ndërmjet 15 dhe 20%. Ndërsa matësit e mençur të konsumit kanë filluar të vendosen tek në dy muajt e fundit.

Që nga përfundimi i luftës, dëmi buxhetor si pasojë e mos-pagesës së energjisë elektrike në këtë pjesë të vendit llogaritet të jetë rreth 350 milionë euro.

Përgatiti: Kastriot Tahiri

Në fund të mandatit si Kryeministër dhe pas përfudnimit të mandatit të ndërmjetësuesve nga BE-ja në dialogun Kosovë – Serbi, Albin Kurti u deklaruar rreth sanksioneve në fuqi ndaj Kosovës. Sipas tij, tash në potez është Brukseli.

“Përfaqësuesi i Lartë i Bashkimit Evropian për politikë të jashtme dhe siguri, zëvendëspresidenti i Komisionit Evropian, Josep Borrell në mandatin e tij kur ishte i dërgoi një raport 27-ëshes së Bashkimit Evropian ku ju tha atyre hiqni masat për Kosovën, mirëpo janë disa dinamike të brendshme në Bashkimin Evropian për të cilat fatkeqësisht po e pëson Kosova. Unë punoj e uroj të hiqen sa më parë. Besoj që topi është te ndërmjetësi në këtë kuptim, sepse nuk mund të presim që Beogradi përnjëherë do të bëhet aktor konstruktiv dhe do të thotë po e nënshkruaj marrëveshjen edhe le ta zbatojmë me një plan sekuencimi”, ka thënë Kurti.

Me Josep Borrelin në krye të diplomacisë së BE-së dhe Miroslav Lajckun si përfaqësues për dialog,. Kosova dhe Serbia kanë arritur dakordim për marrëveshjen e Brukselit në shkurt 2023, dhe Aneksit të Ohrit në mars të po atij vitit, por zbatim të tyre nuk pati.

Pesë ditë para se të nisë zyrtarisht fushata zgjedhore, Kurti përsëriti qëndrimin e tij për Asociacionin e Komunave me Shumicë Serbe.

“Nuk mund të flasim për Asociacionin e komunave me shumicë serbe duke braktisur njohjen reciproke. Pra, në qendër të marrëveshjes bazike është së paku njohja reciproke defaco. Unë nuk e mohoj që pararendësit dy herë e kanë nënshkruar Asociacionin, më 2013 dhe 2015, nuk e mohoj një gjë të tillë, mirëpo në të njëjtën kohë nuk pranoj që të vendoset në qendër Asociacioni në raportet Kosovë-Serbi”, ka thënë Kurti.

Kurti, po ashtu tha se marrveshja e arritura në Bruksel dhe shtojca e saj në Ohër, u shkelën nga Serbia megjithatë nuk pati reagime nga Brukseli.

Përgatiti: Arton Hamiti

Rreth 16 mijë hektarë tokë pyje, apo deri në 3.5 hektarë në ditë, i ka humbur Kosova mes viteve 2000 dhe 2022, sipas organizatës Sustainability Leadership Kosova. (sustejn-abilliti lidership)

Por, një pasqyrë të qartë nuk e ka edhe Ministria e Bujqësisë, meqë edhe 25 vjet pas luftës nuk ka kadastër pyjor. Rrjedhimisht, institucionet përkatëse nuk kanë të dhëna të sakta se sa hektarë pyje i ka Kosova.

Sipas, ministrit Faton Peci, ky është një problem i madh, që brenda tri vjetësh do të këtë zgjidhje, meqë mjetet financiare janë ndarë.

“Buxhet për tri vite për kadastrin pyjor. Nuk ka kadastër dhe ky është një problem shumë i madh, jashtëzakonisht madje. Me kadastrin pyjor do të identifikohet pronat sepse nuk janë të identifikuara”, ka thënë Peci.

Mungesa e kadastrit pyjor ndikon që institucionet relevante, të mos kenë të dhëna të sakta për shkatërrimin që po u bëhet maleve pothuajse çdo ditë.

Megjithëse, sipas të dhënave të Agjencisë Pyjore të Kosovës, vetëm rreth 10 deri në 15 për qind e tokës pyjore në vend pritet sipas legjislacionit në fuqi.

Kurse, sipas studimeve të SLK-së, degradimi i pyjeve është në nivele më të larta, në zonat kufitare, ku monitorimi është më i vogël. Pikërisht, në fund të këtij viti, dy kosovarë nga Podujeva u arrestuan nga autoritetet serbe, pasi u kapen duke prerë dru në territorin e Serbisë.

Shkatërrimi i pyjeve, rrjedhimisht ndikon negativisht në terë ekosistemin malor që strehon specie të ndryshme, kafshë të botës së egër dhe gjithashtu luan një rol të rëndësishëm në jetën e njeriut.

“Malet janë mushkëria e botes. Dëmtimi i tyre ka efekte zingjirore negative. Padyshim që institucionet duhet ta rregullojnë edhe çështjen kadastrale pyjore në mënyrë që të dihet saktë sipërfaqja malore. Pastaj krijohen mundësit që të intervenohet më saktë pastaj edhe të studiohen në aspekte tjera si p.sh. te kuptohet sa specie jetojnë sa kafshë etj”, tha Arian Mavriqi, promovues i florës dhe faunës.

Sidoqoftë, sektori i pylltarisë, sipas ministrit Faton Peci, ka pësuar transformim përmes miratimit të Ligjit të ri për Pyjet dhe hartimit të dokumenteve strategjike si Strategjia për Zhvillimin e Pylltarisë 2022-2030 dhe Planin Kombëtar për Pyllëzimin dhe Ripyllëzimin.

Përgatiti: Driton Sadiku

Subjektet politike që do i hyjnë garës për zgjedhjet parlamentare, tashmë kanë marrë edhe numrin që do e kenë në fletëvotim.

Meqë në garë janë 28 subjekte përfshirë koalicionet e nismat qytetare, numrat qenë nga 111 në 138.

Kësisoj të parin e mori Iniciativa e Re Demokratike e Kosovës ndërkaq të fundit partia Fjala.

Partia më e madhe në vend që aktualisht udhëheq qeverinë Lëvizja Vetëvendosje, në garë do të jetë me numrin 118.

Ndërkaq Partia Demokratike e Kosovës, si partia më e madhe opozitare, do të bartë numrin 131 në fletëvotim.

124, do jetë numri që do të identifikojnë Lidhjen Demokratike të Kosovës, në ditën kur qytetarët do të iu drejtohen kutive të votimit.

Numrin e parafundit në listë 137 do ta bartë koalicioni AAK- Nisma.

Koalicioni i shkrirë në listën për familjen, do të garoj me numrin 129.

Prezent në sallë nuk qenë përfaqësuesit e partive serbe, megjithatë numrat i morën.

Partia më e madhe e serbëve, lista serbe, në zgjedhjet parlamentare do ta bartë numrin 112, ndërkaq Srpska Demokratija 116.

Fushata zgjedhore, nis nga e shtuna e 11 janarit, ndërkaq zgjedhjet parlamentare do të mbahet me 9 shkurt.

Kryeministri Albin Kurti thotë se nuk mund të flitet për Asociacionin e komunave me shumicë serbe duke “braktisur njohjen reciproke”.

Në një intervistë për KosovaPress, Kurti thotë se nuk pranon që Asociacioni të vendoset në qendër të raporteve Kosovë-Serbi.

“Ai dokument [draft-statuti i Asociacionit] ka qenë i propozuar nga ndërmjetësit, i panënshkruar, dhe si i tillë ai dokument nuk ka mundur të dërgohet në Gjykatën Kushtetuese, prandaj besoj që duhet të përqendrohemi te marrëveshja bazike, neni 7 flet për vetëmenaxhimin e komunitetit serb, le të adresohet aty dhe neni 10 flet edhe për të gjitha marrëveshjet të cilat janë realizuar në të kaluarën e të cilat janë ligjërisht të obligueshme. Tash, nuk besoj që në qendër të raporteve Kosovë-Serbi është apo duhet të jetë Asociacioni, është njohja reciproke. Nuk mund të flasim për Asociacionin e komunave me shumicë serbe duke braktisur njohjen reciproke. Pra, në qendër të marrëveshjes bazike është së paku njohja reciproke defaco. Unë nuk e mohoj që pararendësit dy herë e kanë nënshkruar Asociacionin, më 2013 dhe 2015, nuk e mohoj një gjë të tillë, mirëpo në të njëjtën kohë nuk pranoj që të vendoset në qendër Asociacioni në raportet Kosovë-Serbi”, thotë Kurti.

Kosova dhe Serbia kanë arritur dakordim për marrëveshjen e Brukselit në shkurt 2023, dhe Aneksit të Ohrit në mars të atij vitit, por nuk ka pasur zbatim.

“Besoj që nëse ka dështuar diçka atëherë ka dështuar referimi mbi shkeljet e marrëveshjes, sepse Serbia e ka shkelur marrëveshjen që e ka pranuar dhe më pastaj, gjyqtarët, referët – Brukseli nuk ka reaguar. Këtu është dështimi. Nuk mund të presim zbatim të një marrëveshjeje nëse nuk ka ndëshkim për shkeljet e saj, pra përderisa një marrëveshje nuk zbatohet, ajo nuk do të duhej të shkelet dhe kjo është toleruar nga ana e Brukselit për Serbinë. Ne jemi përtej dialogut, sepse ne kemi marrëveshje. Marrëveshja bazike i ka 11 nene e 6 fjali në preambulë dhe e ka një aneks zbatimi me 12 pika. Besoj që kur flasim për dialogun duhet t’i rikthehemi marrëveshjes dhe aty ta theksojmë që Serbia nuk guxon ta shkelë marrëveshjen, duhet ta tërheqë letrën e zonjës Bernabiq si kryeministre që tha se nuk e respekton integritetin territorial të Kosovës, besoj që edhe Shtetet e Bashkuara të Amerikës janë në kundërshtim me këtë, po ashtu edhe Bashkimi Evropian dhe përveç se ta nënshkruajmë atë marrëveshje bazike – si një siguri juridike, si një garanci për zbatim, do të duhej që sa më parë të dorëzohej Millan Radoiçiq kryekrimineli serb i cili na e vrau rreshterin policor Afrim Bunjaku, hero i Kosovës”, thotë Kurti.

Sa i përket planit të sekuencimit të zbatimit të marrëveshjes, Kurti thotë se nuk pritet që Beogradi zyrtar të tregojë konstruktivitet.

“Duhet ta presim tash përfaqësuesen e re të lartë, zëvendëspresidenten Kaja Kallas dhe iniciativën e saj për rrugën përpara. Besoj që topi është te ndërmjetësi në këtë kuptim, sepse nuk mund të presim që Beogradi përnjëherë do të bëhet aktor konstruktiv dhe do të thotë po e nënshkruaj marrëveshjen edhe le ta zbatojmë me një plan sekuencimi. Destruktiviteti i tyre ka ardhur duke u rritur, andaj ne presim nga ndërmjetësit që ta ndërpresin këtë destruktivitet të palës tjetër”, thotë ai.

Ndërkaq lidhur me masat ndëshkuese të Bahskimit Evropian ndaj Kosovës, Kurti thotë se nuk mund të jap datë se kur mund të largohen ato.

“Tash deeskalimi në veri ka ndodhur, ne urojmë që të mos ndodh rieskalimi, ka pasur përpjekje për rieskalim, këto granatat e dorës që hidhen herë në stacion të policisë e herë në ndërtesë të komunës, ose përpjekja për ta hedhur komplet në erë kanalin Ibër-Lepenc janë përpjekje për rieskalim. Mirëpo të gjithë e dinë që Qeveria e Republikës së Kosovës nuk është përgjegjëse për këtë, madje edhe përfaqësuesi i Lartë i Bashkimit Evropian për politikë të jashtme dhe siguri, zëvendëspresidenti i Komisionit Evropian, Josep Borrell në mandatin e tij kur ishte i dërgoi një raport 27-ëshes së Bashkimit Evropian ku ju tha atyre hiqni masat për Kosovën, mirëpo janë disa dinamike të brendshme në Bashkimin Evropian për të cilat fatkeqësisht po e pëson Kosova. Unë punoj e uroj të hiqen s amë parë, por nuk mund të jap një datë të caktuar për këtë gjë për shkak se nuk është se ne ja kemi vënë masat vetës, ato na janë vënë padrejtësisht neve”, thotë Kurti.

Në intervistën për KosovaPress, Kurti flet edhe për politikën e jashtme dhe mungesën e njohjeve të reja.

“Në politikën e jashtme ne kemi qenë më shumë të përqendruar tek substance t’u themi të drejtën, sepse njohjet nga jashtë nuk po varen vetëm prej neve. Ajo çka kemi arritur është që ta dyfishojmë numrin e atasheve të mbrojtjes nëpër ambasadat e Kosovës. I kemi blerë pesë ambasada dhe nuk i paguajmë qiratë e shtrenjta më aty, në proces i kemi për t’i blerë edhe pesë ambasada të tjera dhe pasaporta e Kosovës është forcuar si asnjëherë më parë…Deri më 1 janar të vitit 2024 ju e dini shumë mirë që nuk kemi mundur të shkojmë askund, shumë pak kemi mundur të lëvizim me pasaportën tonë, ndërkaq tash u bë liberalizimi i vizave dhe unë besoj që kjo është një e arritur me të cilën nuk mund të krahasohet asnjë njohje e veçantë diku në botë. Por unë insistoj, megjithatë, të mos na krahasojnë qytetarët me premtimet e opozitarëve, njohjet kanë qenë kryefjala e tyre”, thotë Kurti./KP

Rritja e rasteve me virusin metapneumovirus (HMPV) në Kinë ka ngjallur frikë për përhapjen e këtij virusi edhe në vende të tjera.

Instituti Kombëtar i Shëndetësisë Publike të Kosovës njoftoi të hënën qytetarët e vendit me informacione thelbësore lidhur me këtë, me qëllim rritjen e masave të kujdesit parandalues. Instituti nuk tregoi nëse në Kosovë ka raste me HMPV.

Metapneumovirusi njerëzor (HMPV) është virus respirator i cili shkakton simtoma të ngjashme me gripin dhe ftohjen, por ai mund ta rrisë rrezikun apo të shkaktojë më shumë komplikime, si bronkiti apo pneumonia, posaçërisht tek të moshuarit dhe fëmijët e vegjël.

Kjo sëmundje është e së njëjtës familje si virusi respirator sincicial (RSV) dhe është shfaqur që nga viti 2001, kur u identifikua për herë të parë në Holandë.

Ky virus përhapet gjatë sezoneve të ftohta.

Pse u bë lajm HMPV-ja?

Në Kinë është raportuar për rritjen e rasteve më virusin HMPV në javët e fundit.

Qendra kineze për Kontrollin dhe Parandalimin e Sëmundjeve i ka paralajmëruar qytetarët e vet të kujdesen për higjienën dhe shëndetin.

Ajo gjithashtu ka hedhur poshtë pretendime online se spitalet janë mbushur me pacientë dhe se ka frikë për një pandemi të ngjashme si ajo e COVID-19.

Kush rrezikohet nga HMPV-ja?

Simptomat e HMPV-së janë të ngjashme me ato të gripit apo ftohjes.

Rastet e rënda mund të rezultojnë me bronkit ose pneumoni veçanërisht tek foshnjat, të moshuarit dhe njerëzit me imunitet të dobësuar.

Njerëzit me kushte paraprake të mushkërive, si astma, sëmundja pulmonare obstruktive kronike (COPD) ose emfizema janë në rrezik më të shtuar për pasoja më të rënda.

Si përhapet?

HMPV-ja ka shumë mundësi të përhapet nga personi i infektuar tek të tjerët përmes kollitjes dhe teshtitjes; kontaktit të ngushtë personal, si puthja, prekja ose shtrëngimi i duarve, prekja e objekteve ose sipërfaqeve që kanë virusin mbi to dhe më pas prekja e gojës, hundës ose syve.

Si të parandalohet përhapja e HMPV-ja?

Për të parandaluar përhapjen dhe për t’i ulur rreziqet e shkaktuara nga patogjenët respiratorë, duhet të ndiqen masa të thjeshta.

Këto masa përfshijnë qëndrimin në shtëpi kur jeni të sëmurë, ndjekjen e këshillave mjekësore për kujdesin, mbajtjen e maskave në hapësira të mbushura me njerëz ose të ajrosura dobët, mbulimin e kollës dhe teshtitjes me pecetë ose bërryl të përthyer.

Gjithashtu larja e rregullt e duarve, shmangia e prekjes së syve, hundës ose gojës me duar të palara ndihmojnë në parandalimin e këtij virusi.

Aktualisht, nuk ka trajtim specifik ose vaksinë për HMPV dhe kujdesi mjekësor është kryesisht simptomatik dhe virusi zakonisht kalon vetë. /REL