Tag: Ballina

KQZ mori vendim për miratimin e dizajnit dhe përmbajtjes së fletëvotimit që do të përdoret në vendvotime brenda vendit në zgjedhjet e parakohshme për Kuvendin e Republikës së Kosovës, të cilat do të mbahen 28 dhjetor 2025.

Pas vendimit, kryesuesi Radoniqi njoftoi se ndaj këtij vendimi mund të ushtrohet ankesë në Panelin Zgjedhor për Ankesa dhe Parashtresa. Vendimi i KQZ-së vjen pas tërheqjes së shortit për renditjen e subjekteve politike në këtë fletëvotim.

Fletëvotimi përmban 24 subjektet politike pjesëmarrëse në këtë proces zgjedhor, prej të cilave, 18 parti politike, 3 koalicione, 2 iniciativa qytetare dhe 1 kandidat i pavarur. Në mbledhjen e kaluar, KQZ ka miratuar fletëvotimin për votimin jashtë Kosovës, i cili është i njëjtë, si në përbajtje ashtu edhe në dizajn.

Bashkimi Evropian ka shpallur Kosovën dhe 7 vende të tjera si “të sigurta” për azil. BE ka miratuar vendet e treta të sigurta, në mesin e të cilave përfshihet edhe Kosova.

Lajmi është bërë i ditur përmes një komunikate të lëshuar nga Këshilli Evropian.

“Sot, Këshilli ka miratuar qëndrimin e tij mbi dy aktet ligjore të BE-së, të cilat do të forcojnë zbatimin praktik të koncepteve kryesore mbi vendet e sigurta në rregullat e azilit të BE-së. Këto ligje të reja për migracionin synojnë të vendosin procedura më të shpejta dhe më efektive të azilit për ata që nuk duhet të marrin mbrojtje brenda BE-së”, thuhet në komunikatë.

Kosova në listën e vendeve të sigurta të origjinës

Sipas vendimit të Këshillit, Kosova është përfshirë si vend i sigurt i origjinës. Kjo do të thotë se aplikimet për azil nga qytetarët kosovarë mund të trajtohen në mënyrë të përshpejtuar. Vendosja e Kosovës në listë bazohet në vlerësimin se vendi ofron mbrojtje të mjaftueshme kundër persekutimit dhe shkeljeve të rënda të të drejtave themelore.

Megjithatë, kjo nuk do të thotë se çdo kërkesë azili nga Kosova do të refuzohet automatikisht — çdo aplikim individual mund të shqyrtohet nëse ekzistojnë arsye specifike për mbrojtje.

Në njoftim sqarohet se rregullorja e re, që rishikon konceptin e vendit të sigurt të tretë, do të zgjerojë rrethanat në të cilat një kërkesë për azil mund të refuzohet si e papranueshme.

“Këshilli gjithashtu ka përfunduar një pjesë të rëndësishme të Pakos për Migracion dhe Azil 2024, duke miratuar për herë të parë listën e përbashkët të BE-së të vendeve të sigurta të origjinës, e cila do t’u mundësojë shteteve anëtare të përpunojnë kërkesat për mbrojtje ndërkombëtare në mënyrë të përshpejtuar”.

Pas Kosovës, si vende zyrtarisht të sigurta janë cilësuar edhe Bangladeshi, Kolumbia, Egjipti, India, Maroku dhe Tunizia.

“Për qytetarët që vijnë nga këto shtete do të aplikohen procedura të përshpejtuara, të cilat në shumicën e rasteve pritet të përfundojnë me refuzim të kërkesës për azil ose me zhvendosjen e shqyrtimit të saj në një vend të tretë të sigurt, nga i cili kanë kaluar”.

Koncepti i vendit të sigurt të tretë u mundëson shteteve anëtare të refuzojnë kërkesat për azil kur aplikantët mund të kenë kërkuar mbrojtje në një vend jo-BE të konsideruar të sigurt. Rregullorja e re zgjeron rrethanat në të cilat një kërkesë mund të refuzohet si e papranueshme dhe parashikon që shqyrtimi i kërkesave të mund të kryhet edhe në vende të treta të sigurta.

Komisioni Qendror i Zgjedhjeve sot mban mbledhjen e radhës.

Kjo mbledhje do të mbahet nga ora 13:30.

Ky është rendi i ditës:

Kostoja e produkteve të blera online jashtë Kosovës, që kushtojnë mbi 35 euro, shpesh dyfishohet ose edhe trefishohet për qytetarët.

Kjo ndodh sepse ata duhet të paguajnë taksën doganore dhe TVSH-në, e cila llogaritet edhe mbi koston e transportit, pavarësisht nëse porosia vjen me aeroplan apo me transport tokësor.

Zëdhënësi i Doganës…, Adriatik Stavileci, thotë se taksat janë të njëjta për të gjitha porositë, por, sipas tij, çmimi i taksës dallon varësisht nga kostoja e transportit.

“Fillimisht duhet të sqarojë se taksat që aplikohet në import janë të njëjta nuk kanë dallim, por nëse një produkt ka një vlerë prej 50 eurosh si produkt dhe vlera e transportit nga vendi i dërgesës është 15 apo 30 euro atëherë baza për kalkulimin e taksave bëhet vlera e produktit plus vlera e transportit. Vlera e produktit 50 euro plus vlera e transportit 10 euro si shembull mbërrin në 60 euro dhe këtu janë ato dallimet… Dogana nuk ka interes personal ka interes publik dhe aplikon taksa të njëtrajtshme, por, varësisht nga vlera e produktit apo transportit i cili kryhet për atë produkt lëvizin edhe taksat që aplikohen në vlerë të produkteve…”, tha Stavilevci për rtv21.

Porositë online u shtuan gjatë pandemisë, tregon ish-drejtori i Doganës Lulzim Rafuna, tani kryetar i Odës Ekonomike. Rafuna thotë se sasia e mallrave ndikon në shtrenjtim të çmimeve

“Sipas statistikave tona 99% e porosive online janë nga qytetarët që blejnë me pakicë dhe natyrisht se ndikon shpenzimet e transportit dhe natyrisht është ligj në ekonominë e tregut të lirë, sepse sasia ndikon në çmim”, tha Rafuna.

Nëse qytetarët nuk e marrin porosinë në ditën kur ajo arrin në Kosovë, ata duhet të paguajnë edhe tarifë për qëndrimin e produktit në terminalet doganore. Ndërkohë, nga dogana flasin për lirimet që përfitojnë qytetarët gjatë udhëtimeve të tyre nëpër Evropë apo gjetiu. Megjithatë, Dogana… arsyeton taksat aplikohen për produktet online për siç u tha mbrojtjen e tregut vendor.

“Tashti duhet të bëhet dallimi kur flasim për udhëtar, udhëtar nënkupton ai që bartë me vete mallra, ndërsa porositë online janë të natyrës komerciale dhe prape porositë nuk tatohen për mbi 35 euro, por ajo bëhet edhe për ta mbrojtur tregun vendor…”, tha Stavilevci.

Ndërkohë, vetë Bashkimi Evropian nuk ka taksë doganore për produktet që blihen brenda vendeve të BE-së, pavarësisht vlerës së tyre. Shtetet e BE-së aplikojnë vetëm TVSH, ndërsa taksa doganore për produktet që blihen jashtë BE-së aplikohen vetëm kur produkti kushton mbi 150 euro, limit ky shumë më i lartë se limiti në Kosovë.

Presidentja e Republikës së Kosovës, Vjosa Osmani sot në orën 16:00 do të pres në takim presidentin e Hungarisë, Tamás Sulyok.

Kjo u bë e ditur përmes një njoftimi për media nga presidenca e Kosovës.

Siç thuhet në njoftim mediat do të kenë mundësinë të marrin pamje nga pritja si dhe në fillim të takimit.

Ministria e Mbrojtjes ka nënshkruar një kontratë të re për furnizim me veshmbathje të specializuara kërkim–shpëtim zhytje SUFSK 1001, e cila do t’i shërbejë nevojave operacionale të Forcës së Sigurisë së Kosovës.

Kontrata, me kohëzgjatje prej 36 muajsh, është dhënë pas procedurës së ritenderimit, ndërsa synon rritjen e kapaciteteve profesionale dhe efikasitetit të FSK-së në misionet kërkim-shpëtim,

Sipas Ministrisë së Mbrojtjes, furnizimet do të realizohen nga operatori ekonomik fitues “Profitech”, i cili është vlerësuar të ketë kapacitetin e nevojshëm për realizimin teknik të pajisjeve, bazuar në kriteret dhe specifikimet e dosjes së tenderit.

Vlera e përgjithshme e kontratës arrin në 73,420.80 euro. Ky investim konsiderohet një hap tjetër i rëndësishëm në modernizimin dhe profesionalizimin e Forcës së Sigurisë së Kosovës.

Në tre vjetët e fundit, në Serbi janë arrestuar disa shtetas të Kosovës nën dyshimet se kanë kryer krime gjatë luftës në Kosovë 1998-99.

Hazir Haziri është njëri nga shtetasit e Kosovës që është arrestuar nga autoritetet serbe më 8 shtator 2025 në pikën kufitare të Merdarit, nën dyshimin për “krime lufte” gjatë viteve 1998-1999.

Tre muaj pas arrestimit, familja e tij thotë se ai po mbahet padrejtësisht dhe në kushte të rënda, ndërsa kërkojnë reagim urgjent nga institucionet e Kosovës dhe ndërkombëtarët.

“Avokati i ka kryer të gjitha procedurat ligjore dhe, megjithëse babai është i pafajshëm dhe po mbahet pa të drejtë nga autoritetet serbe, ai vazhdon të mbahet pa asnjë arsye të ligjshme. Atij vazhdimisht i është zgjatur masa e paraburgimit çdo 30 ditë dhe nuk është dhënë asnjë sqarim lidhur me shtyrjen e mëtejshme, përveç arsyetimit se po pritet një ekspertizë e telefonit, dhe për këtë arsye po mbahet i mbyllur..Gjendja e tij shëndetësore është e brishtë për shkak të moshës ai është 70-vjeçar dhe e kuptueshme që mosha nuk e përballon dot regjimin e rëndë të burgut. Ai nuk është mirë me shëndet. E ka vizituar z. Jetish Jashari të enjten, ndërsa të premten e kanë vizituar motrat”, thotë vajza e tij, Kaltrina Haziri.

Kaltrina thotë se babai i saj është vizituar disa herë nga zyrtarë të Zyrës Ndërlidhëse të Kosovës në Beograd, përfshirë kryetarin e saj, Jetish Jashari, por përgjigjja që kanë marrë është se “arrestimi i tij është çështje politike dhe se Haziri nuk ka të bëjë asgjë me aktakuzat e ngritura”. Kaltrina kërkon ndihmë nga institucionet e Kosovës

“Ne në Kosovë i kemi lajmëruar dhe kemi bërë kërkesë me shkrim, mirëpo deri më tani nuk kemi marrë asnjë përgjigje për iniciativat e tyre. Përveç faktit që Jetish e ka vizituar dhe përgjigjja që ka marrë është se kjo është një çështje politike dhe po trajtohet për drejtësi. Sa i përket institucioneve të Kosovës, deri më tani nuk kemi marrë asgjë. Nuk e dimë se çfarë iniciativash kanë marrë dhe nuk kemi informacion për ndonjë hap që ata kanë ndërmarrë deri tani”, ka thënë ajo.

Ministria e Punëve të Jashtme nuk ka kthyer përgjigje në kërkesën e Televizionit për këto raste të shtetasve të Kosovës të arrestuar nga Serbia. Dy vendet nuk kanë marrëveshje ekstradimi.

Kosova dhe Serbia kanë arritur Marrëveshje për Ndihmë të Ndërsjellë Juridike më 2013, me ndërmjetësimin e Bashkimit Evropian, por bashkëpunim për rastet e krimeve të luftës nuk ka pasur thuajse fare.

Një avion pasagjerësh i kompanisë AJet, i cili operonte fluturimin Prishtinë–Stamboll, ka dalë nga pista menjëherë pas uljes në Aeroportin Ndërkombëtar Sabiha Gökçen në Stamboll.

Avioni i tipit Boeing 737-800, që u ul në pistën e re 06R/24L, ka devijuar nga aksi i taksimit dhe ka përfunduar në një terren të butë pak çaste pas prekjes së tokës.

Si pasojë e incidentit, kompania menaxhuese e aeroportit ka lëshuar një NOTAM, duke njoftuar se pista 06R/24L mbetet e mbyllur për trafik deri në njoftimin e radhës, raporton portali airporthaber2.com.

Mbyllja e njërës prej pistave kryesore gjatë orëve të ngarkuara të operimit ka shkaktuar vonesa të konsiderueshme, ndërsa disa avionë janë detyruar të kryejnë pasim ose të përsërisin procedurat e uljes.

Ekipet emergjente dhe ato teknike të aeroportit janë dërguar menjëherë në vendngjarje.

Aktualisht po zhvillohen punimet për nxjerrjen e sigurt të avionit nga terreni ku ka mbetur i bllokuar.

Sipas informacionit të deritanishëm, nuk raportohet për persona të lënduar.

Autoritetet turke kanë njoftuar se pista do të qëndrojë e mbyllur deri në përfundimin e operacionit të shpëtimit dhe untilizimit të avionit.

Paralelisht, SHGM (Drejtoria e Aviacionit Civil e Turqisë) dhe administrata e aeroportit kanë nisur hetimet për të përcaktuar shkaqet e incidentit.

Orari sipas rajoneve me 8 Dhjetor, e Hënë:

Prishtinë:

Punime të domosdoshme për siguri të sistemit

1.

Nga TS 35/10[kV] Mazgit – (H02) do të ndërprehet:

NS 35/10[kV] Besia me kod: 100130 dhe pa tension mbesin të gjitha daljet 10[kV]

prej orës 12:00 deri ne ora 14:00.

Vendet: Prugovci-1(te Villa Natyra Verbovcët,Lupçi i Poshtëm Vranidoll Tenezhdolli, Kazerme e FSK në Vranidoll, Barilevë Lecët, Te kanali Besi, Leban te baza 1, Prugovc Extra Dragusha, Leban Dobratiqët, Besi Ambulanca 1, Rimanishta, Betonjerka private Lebanë, Objekti privat Deshishku, Zenit, Jaha Company, Prugovc Zuqollët, Besi Pompat dhe NTPM Tehnologie Mabetex Group Shpk-Rrustem Pacolli.

Arsyeja: Testimi i mbrojtjes rele.

* **

Punime nga pala e tretë

1.

NS 110/10(20)kV Prishtina 3

Nga Dalja 10[kV] Arbëria 2 (kodi: 12000012) do të ndërprehen nga 09:00 deri në ora 17:00

në TS-Fidanishta 1 me kod:12000012059.

1.NS 10/0.4[kV] N.T.Univerzal p. e benzinës (Kodi:12000012115)

2.NS 10/0.4[kV] Pompa Oti (Kodi:12000012061)

3.NS 10/0.4[kV] Fabrika e tepihave Gjini (Kodi:12000012062)

4.NS 10/0.4[kV] Titan Betoni te Oti market(Kodi:12000012124)

5.NS 10/0.4[kV] Uliksi (Kodi:12000012060)

6.NS 10/0.4[kV] TS shtyllë Arbëria(Kodi:12000012063)

7.NS 10/0.4[kV] Sylejman Islami (Kodi:12000012156)

8.NS 10/0.4[kV] Konsumatorët e Lagjes Prroni i Njelmët (Kodi:12000012174)

9.NS 10/0.4[kV] Petroll Company-Hysni Jusaj (Kodi:12000012176)

10.NS 10/0.4[kV] Besnik Isa Mustafa”MAKCAR”L.L.C (Kodi:12000012189)

11.NS 10/0.4[kV] Nasuf Zhegrova”Butrinti Building”SH.P.K.(Kodi:12000012207)

12.NS 10/0.4[kV] Llukman Selimi-NTP “Efor Luki”(Kodi:12000012217)

13.NS 10/0.4[kV] Ragip Mahmuti “Online Shpk (Kodi:12000012214)

14.NS 10/0.4[kV] Lulzim Ramadani Motel Metropol shpk. (Kodi:12000012220)

15.NS 10/0.4[kV] Albert Avdiu, Radio taxi Geti Shpk. (Kodi:12000012219)Vendet: Lagjja Arbëria (një pjesë).

Arsyeja: Punime sipas pëlqimit elektro-energjetik dhe projektit të aprovuar.

Prizren

Punime në projekte investive

1.

Nga NS 35/10[kV] Dikanca do të ndërprehet:

Dalja 10[kV] J03 Brodi (kodi: 30037003) nga ora 09:30 deri në ora 16:30

Vendet: fshati Brod dhe bizneset: N.P.T “Kuk Comerc”(Motel Argjena), TS- IPKO Brod, TS- Penda HC Dikancë.

Arsyeja: Energjizimi i linjës së re.

2.

Nga NS 110/10 [kV] Theranda do të ndërprehet:

Dalja 10[kV] J10-Shiroka (kodi: 32000019) nga ora 09:00 deri në ora 12:00

Vendet: Fshati Shirokë dhe një pjesë e rrugës 560 Brigada 123.

Arsyeja: Punime në rrjet, projekte investive.

3.

Nga NS 35/10[kV] Pirana do të ndërprehet:

Dalja 10[kV] J13 Hasi II (kodi: 30034003) nga ora 09:00 deri në ora 16:00

Vendet: Lubizhda, Bregdrini, Lukia, Romaj, Kuzhnini, Dedaj, Kabashi dhe Rizam Holding.

Arsyeja: Projekte investive, (shtrirja e kablles së tensionit të mesëm në projektin Kushnin i Hasit 1).

Ferizaj

Punime në projekte investive

1.

Nga NS 35/10[kV] Ferizaj II do të ndërprehet:

Dalja 10[kV] J15 Kosova Transi 2 (kodi:40041037) nga ora 09:00 deri në ora 18:00

Vendet:rr.Ahmet Kaçiku ( një pjesë), rr.Besim Fazliu, rr. Naim frashëri rr. Marie Shllaku nga një pjesë.

Arsyeja: Konvertimi i daljes 20kV.

2.

Nga NS 35/10[kV] Ferizaj III do të ndërprehet:

Dalja 10[kV] J13 Gjon Sereqi (kodi: 40042037 ) nga ora 09:00 deri në ora 18:00

Vendet: nga një pjesë e rrugëve – Hysen Terpeza, Remzi Hoxha, Halim Spanca, Ali Pashë Tepelena dhe Gjon Serreqi.

Arsyeja: Konvertimi i daljes 20kV.

* * *

Punime nga pala e tretë

1.

Nga NS 35/10[kV] Ferizaj III do të ndërprehet: Dalja 10[kV] J07 Gaçka (kodi: 40042002) nga ora 09:00 deri në ora 13:00.

Vendet: Greme, Gaçka, Burrnik, Izhancë, Kashtanjeva, Bajnicë, Semaj, Prushaj, Sllatina dhe bizniset private.

Arsyeja: Punët që duhen të kryhen, sipas pëlqimit elektro-energjetik dhe projektit të aprovuar.

2.

Nga NS 110/35/10 [kV] Lipjani do të ndërprehet:

Dalja 10 [kV] Zona Industriale 2 ( kodi: 41000025) nga ora 11:00 deri në ora 15:00

Vendet: Një pjesë e fshatit Konjuh dhe disa konsumatorë komercial të fshatit Livagjë,

Magjistralja Ferizaj-Prishtinë dhe Magjistralja Lipjan-Prishtinë – konsumatorët komercial.

Arsyeja: Vendosja e shtyllës kyçëse nën linjën ekzistuese sipas pëlqimit elektro-energjetik dhe projektit të aprovuar nga KEDS.

Gjakovë

Punime të domosdoshme për siguri të sistemit

1.

Nga NS 35/10 [kV] Malisheva do të ndërprehet:

Dalja 10[kV] J27 Kijeva (kodi: 82082007) nga ora 12:00 deri në ora 14:00

Vendet: Fshatrat: Balincë, Bubavec, Drenoc, Gollubovc, Kijevë, Llazicë, Lubizhdë, Mleqan, Plloçic, Polluzhë dhe Stapanicë.

Arsyeja: Ndërprerje për siguri, ndërrimi i releve në stabiliment.

2.

Nga NS 35/10[kV] Malishevë do të ndërprehet:

Dalja 10[kV] J02 Spitali (TMK) 1 (kodi: 82082003) nga ora 12:00 deri në ora 14:00

Vendet: QMF e Qytetit në rrugën 608 Hamdi Berisha

Arsyeja: Ndërprerje për siguri, Ndërrimi i Releve në Stabiliment.

* * *

Punime në projekte investive

1.

Nga NS 35/10[kV] Malishevë do të ndërprehet:

Dalja 10[kV] Banja (Kodi: 82082008 ) nga ora 09:00 deri në ora 16:00

Vendet: Rruga 602 Gjergj Kastrioti – Skënderbeu dhe fshatrat: Banjë, Bellanicë dhe Gajrak.

Arsyeja: Projekte investive: Kalimi i linjës prej 10kV ne 20kV dhe pune tjera elektrike.

Të gjitha subjektet politike të regjistruara për garën e ardhshme zgjedhore kanë dorëzuar zyrtarisht listat me emrat e kandidatëve për deputetë në Komisionin Qendror të Zgjedhjeve (KQZ).

Me këtë hap është përmbyllur afati ligjor për paraqitjen e kandidatëve, ndërsa KQZ do të fillon procesin e verifikimit dhe certifikimit, i cili u hap rrugë përgatitjeve për zgjedhjet e parakohshme për Kuvendin e Kosovës.

Sipas të dhënave të publikuara, gjithsej 24 subjekte politike kanë dorëzuar listat përkatëse, përfshirë partitë më të mëdha parlamentare dhe përfaqësues të komuniteteve jo–shumicë.

Numri i kandidatëve të paraqitur nga subjektet varion ndjeshëm, nga lista me vetëm një kandidat e deri te listat e plota me 110 kandidatë.

Ndër subjektet që kanë dorëzuar listat maksimale prej 110 kandidatësh janë:

Lëvizja Vetëvendosje!

Partia Demokratike e Kosovës (PDK)

Lidhja Demokratike e Kosovës (LDK)

Aleanca për Ardhmërinë e Kosovës (AAK)

Nisma Socialdemokrate

Në listën e subjekteve pjesëmarrëse përfshihen edhe parti të komuniteteve turke, boshnjake, rome, ashkali, egjiptiane, gorane dhe serbe, si dhe nisma qytetare të ndryshme, duke garantuar pluralizëm dhe përfaqësim të gjerë në procesin zgjedhor.

Në total, subjektet politike kanë dorëzuar 1,181 kandidatë për t’u shqyrtuar nga KQZ.

Pas verifikimit të dokumentacionit dhe kushteve ligjore, KQZ pritet të publikojë listën përfundimtare të kandidatëve të certifikuar për zgjedhjet e ardhshme.