Tag: Ballina

Pesë vjet më parë, u shënua fillimi i një epoke të re, skemës mediale iu shtua ATV.

Bashkë, gazetarë, kameramanë, redaktorë, producentë e regjisorë, arritën që ATV-në, në kohë rekord, ta bëjnë pjesë të përditshmërisë së secilit qytetar në vend, përfshirë edhe diasporën.

Duke i ditur kërkesat e shikuesve në kohën që po jetojmë, vëmendje e posaçme iu kushtua pranisë online. Kjo rezultoi me qindra miliona shikime në rrjetet sociale, në të cilat ATV-ja prin bindshëm.

Gazetarët vazhdojnë të jenë kudo e kurdo, në çdo ngjarje e zhvillim, duke bërë që ata t’i sprovojnë edhe situatat ekstreme.

Veç angazhimit maksimal në vend, ATV-ja raportoi edhe nga jashtë. Në saje të profesionalizmit të lartë, pamjet e ATV-së u cituan edhe në mediat botërore.

ATV-ja u bë platformë e besueshme ku flasin të gjithë.

Gjithashtu, edhe adresë duke u bërë pjesë e çdo familjeje përmes emisioneve, kronikave e informacioneve të fundit, duke ruajtur standardet më të larta profesionale.

Për më tepër, produksioni i ATV-së veç emisioneve prodhon edhe dokumentarë e reportazhe, duke mbizotëruar edhe me serialin më të shikuar në vend, 3 Vllaznit.
Duke dashur të jemi afër shikuesve e larg konkurrencës, planet për të ardhmen janë ambicioze, po ashtu.

Live apo në xhirim, në televizor, telefon, apo pajisje të tjera. Në rrjete sociale apo në youtube, ATV do të mbetet i pari, KUDO!

Rinumërimi i votave po shkon drejt përfundimit. Deri më tani janë rinumëruar 99.18 për qind e vendvotimeve, ndërsa procesi pritet të përmbyllet gjatë mbrëmjes së sotme.

Sipas rezultateve të përpunuara nga Komisioni Qendror i Zgjedhjeve, kryetari i Lëvizjes Vetëvendosje dhe njëherit kryeministri në detyrë, Albin Kurti, është në mesin e katër kandidatëve të kësaj partie me diferencën më të madhe të votave pas rinumërimit.

Kurti nga ky proces ka rezultuar me 498 vota më pak.

Nga Lëvizja Vetëvendosje janë mbi 25 kandidatë që kanë diferencë negative mbi 100 vota pas rinumërimit.

Me humbjen më të madhe të votave prin Taulant Kelmendi me 921 vota më pak, i ndjekur nga Arbër Rexhaj me 623, Rea Krasniqi me 537, Albin Kurti me 498 dhe Dafina Alishani me 437 vota më pak.

Më poshtë është lista e disa kandidatëve të Lëvizjes Vetëvendosje që kanë mbi 100 vota minus pas rinumërimit:

Taulant Kelmendi – 921 vota

Arbër Rexhaj – 623  vota

Rea Krasniqi – 536 vota

Albin Kurti – 498 vota

Dafina Alishani – 437 vota

Valon Hoti – 422 vota

Skender Thaqi – 414 vota

Vendenis Lahu – 387 vota

Ali Dula – 361 vota

Filiz Mustafa – 348 vota

Valon Ramadani – 341 vota

Gazmend Krasniqi – 335 vota

Arsim Berisha – 310 vota

Gramos Agusholli – 297 vota

Mytaher Haskuka – 259 vota

Artan Abrashi – 248 vota

Avni Dehari – 241 vota

Gani Krasniqi – 222 vota

Adelina Stublla – 212 vota

Agon Batusha – 209 vota

Komisioni Qendror i Zgjedhjeve ka njoftuar se shpallja e rezultateve përfundimtare të zgjedhjeve të 28 dhjetorit do të bëhet nesër, duke filluar nga ora 10:00.

Një ndërhyrje urgjente policore ka zbuluar një rast tronditës në Dubravë të Istogut, ku një burrë është kapur në një objekt motelesh bashkë me një vajzë 13-vjeçare dhe tashmë dyshohet për veprën penale të dhunimit.

Pas arrestimit, të dyshuarit, siç mësoi emrin e të dyshuarit ekskluzivisht Sinjali, Tomo Prekajt i është caktuar ndalim 48 orësh me vendim të prokurorit.

Prokuroria Themelore e Pejës ka bërë të ditur se për 54-vjeçarin, prokurori i rastit është duke përgatitur kërkesën për caktimin e masës së paraburgimit.

Zëdhënësi i Prokurorisë, Shkodran Nikçi, tha se në vendin e ngjarjes janë kryer të gjitha ekzaminimet e nevojshme nga Policia e Kosovës:

“Dje Policia e Kosovës ka kapur në flagrancë një person duke kryer veprën kriminale dhunimi ndaj një të miture, me ç’rast në vendin e ngjarjes ishin edhe prokurori i shtetit, mbrojtësi i viktimave dhe të gjitha organet relevante, përfshirë edhe institucionet tjera. Personi i përfshirë është ndaluar për 48 orë me urdhër të prokurorit dhe njëkohësisht po përgatitet kërkesa për masën e paraburgimit për veprën penale dhunimi”, theksoi Nikçi.

Ushtarët gjermanë nga Komanda Rajonale Lindje (RC-E) e KFOR, po vazhdojnë patrullimet e rregullta në disa komuna në veriun e Kosovës, në kuadër të zonës së tyre të përgjegjësisë.

Përmes këtyre aktiviteteve, personeli i KFOR-it ruan vetëdijen situacionale dhe kontribuon në stabilitetin e përgjithshëm në rajon, duke reflektuar përkushtimin e vazhdueshëm të KFOR-it për garantimin e një mjedisi të sigurt dhe të qetë për të gjithë qytetarët e Kosovës.

KFOR vazhdon zbatimin e mandatit të saj, për të kontribuar në një mjedis të sigurt dhe të qetë për të gjithë njerëzit që jetojnë në Kosovë, si dhe për të garantuar lirinë e lëvizjes.

Në ushtrimin e detyrave të saj, KFOR bashkëpunon ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), secili në përputhje me rolin e tij si reagues i sigurisë./Telegrafi/

Kryetari i Komunës së Mitrovicës, Faton Peci, ka treguar se në Prokurorinë Speciale është përgjigjur në lidhje me një kallëzim penal të ngritur nga LDK-ja përmes ish-deputeti Paris Guri e që ka të bëjë me procesin e granteve të Ministrisë së Bujqësisë, pra në kohën sa ai ushtronte këtë pozitë.

Për këtë ai thotë se së shpejti do t’iu dorëzohet organeve të drejtësisë me një kallëzim penale kundër siç thotë kallëzimit të rrejshëm.

Postimi i plotë:

Të dashur qytetarë,

Permes këtij postimi, ju informoj se sot isha në Prokurori për të dhënë përgjigjet dhe sqarimet e mia në kallëzimin penal të ngritur nga LDK-ja përmes ish-deputetit të saj të zgjedhur nga votat e vjedhura të mërgatës, Paris Guri.

Në prokurori, sikur gjithmonë gjatë jetës sime, isha transparent, i qartë dhe i drejtpërdrejtë në lidhje me shpjegimet rreth çështjes dhe rolit që kam pasur si Ministër në procesin e granteve të Ministrisë së Bujqësisë, Pylltarisë dhe Zhvillimit Rural.

Shumë shpejt, do t’iu drejtohem organeve të drejtësisë me një kallëzim penal kundër kallximit të rrejshëm penal ndaj ish deputetit me vota të vjedhura të mërgatës.

Sepse ai permes orkestrimit udhëhoqi një fushate, shpifjesh e insinuatash të paqena, që çuan deri te një kallëzim i rrejshëm penal kundër meje si minister.

Për fund, dua të përsëris dhe t’ju siguroj se sulmet, akuzat e pabaza, gënjeshtrat, shpifjet, kërcënimet e përpjekja për baltosjen e emrit tim, nuk më ndalin nga punët e mira e punët e mëdha për Kosovën!

Vazhdojmë!

Kryeministri në detyrë, Albin Kurti, ka deklaruar se është i gatshëm dhe i interesuar për bashkëpunim institucional, por theksoi se mbetet të shihet në muajin shkurt nëse ekziston gatishmëri edhe nga opozita për një raport të ri Qeveri–Opozitë.

Gjatë një vizite në Odën e Mjekëve të Kosovës, Kurti tha se duhet parë në Kuvend nëse ka atmosferë për një bashkëpunim të ri politik, duke nënvizuar se kjo është e domosdoshme për çështje të rëndësishme shtetërore që kërkojnë dy të tretat e votave të deputetëve.

“Ne duhet të shohim në Kuvend se a ka atmosferë për një raport të ri Qeveri–Opozitë. Nuk mund ta them këtë paraprakisht, por muaji shkurt do të na tregojë nëse mund të hapim një kapitull të ri të raporteve tona”, tha Kurti.

Ai theksoi se populli i ka dhënë një mbështetje të madhe Lëvizjes Vetëvendosje, gjë që përbën një përgjegjësi të lartë për formimin e Qeverisë së re, por shtoi se për marrëveshjet ndërkombëtare dhe zgjedhjen e presidentit apo presidentes nevojitet bashkëpunimi i opozitës.

Kurti konfirmoi gjithashtu se ka qenë në komunikim dhe takim me presidenten Vjosa Osmani, por theksoi se ky proces vjen vetëm pasi të përmbushen disa hapa paraprakë institucionalë, përfshirë certifikimin e rezultateve zgjedhore, konstituimin e Kuvendit dhe formimin e Qeverisë.

Ai shtoi se ndër prioritetet e menjëhershme janë edhe marrëveshjet ndërkombëtare, përfshirë tri marrëveshje me Bankën Botërore dhe Planin e Rritjes së Bashkimit Evropian në vlerë prej mbi 882 milionë euro.

Në fund, Kurti përsëriti se gatishmëria për bashkëpunim nga ana e tij ekziston dhe se muaji shkurt do të jetë përcaktues për raportet e ardhshme politike në Kuvend.

Forca e Sigurisë së Kosovës sipas platformës prestigjioze online, “Globalfirepower”, për vitin 2026, nga 145 shtete të vlerësuara në botë, për nga fuqia ushtarake renditet e 138-ta. Serbia vazhdon të jetë shteti më i fuqishëm ushtarakisht në rajon, ndërkaq në botë më e fuqishmja, e pakonkurrencë, mbetet ushtria e Shteteve të Bashkuara të Amerikës.

Faza e tretë, dhe e fundit e transformimit të Forcës së Sigurisë së Kosovës në ushtri të mirëfilltë, e cila ka nisur në vitin 2025 e përfundon më 2028, me shtimin edhe të kapaciteteve ajrore, po sjellë frytet e saj edhe në raport me fuqinë ushtarake, e cila po rritet e po shtohet për çdo vit.

Platforma online “GlobalFierepoëer” e cila është e specializuar në vlerësimin e fuqisë ushtarake, në mesin e 145 shteteve, fuqinë ushtarake të Kosovës e ka renditur në vendin e 138, 3 vende më lartë sesa vitin paraprak.

Ushtria e Kosovës posedon dronët turk, “Bajraktar”, fluturaket amerikane pa pilot “Puma”, dhe planifikohet që të pajisjen edhe me helikopterët amerikan “Black Haëk”, por në data bazën e “Globalfirepoëer”, nuk vlerësohet se posedon fuqi ushtarake ajrore meqenëse aty hyjnë në llogaritje helikopterët e aeroplanët sulmues e transportues me pilotë.

Sipas “GlobalFierepoëer”, në kapacitetet maksimale mbrojtja e Kosovës mund të posedojë mbi 17500 njerëz potencialisht të gatshëm për mobilizim, dhe 9500 ushtarë të armatosur, prej tyre 4000 mijë rezervistë.

Ushtria e Republikës së Kosovës thuhet se posedon 1357 automjete, të gjitha të blinduara, prej tyre 745 janë të gatshme të përdorën në çdo momente në terren.

Për mbrojtjen e Kosovës sipas të dhënave të paraqitura nga kjo platformë online harxhohen 16 mijë barela ose fuçi nafte.

Një barel i zë 159 litra naftë, rrjedhimisht i bie që për ushtri harxhohen mbi 2.5 milionë litra naftë.

Serbia shteti që vazhdon të jetë kërcënim i vazhdueshëm për Kosovën, renditet e 63-ta, më e fuqishmja në rajon. 22.500 pjesëtarë aktivë, dhe 2000 rezervistë, dhe me rreth 600 mijë njerëz të gatshëm për mobilizim.

Edhe fuqia ajrore ushtarake e Serbisë mbetet e lartë, 115 mjete ajrore luftarake, aeroplanë e helikopterë sulmues e po ashtu transportues.

Serbia posedon 242 tanke, 145 prej tyre aktive dhe mbi 7000 mijë mjete të blinduara, mbi gjysma të gatshme për përdorim të menjëhershëm.

Buxheti për mbrojtje shkon në mbi 2.7 miliardë dollarë.

Shqipëria është ngritur për një pozitë në rankim, e 77-ta, mbi 700 milionë euro buxhet për mbrojtje, me gati tetë mijë ushtarë aktivë të armatosur, me rreth 1500 mjete të blinduara, 33 mjete ujore patrulluese, dhe me 20 mjete ajrore, shumica helikopterë.

Kroacia renditet e 73 në këtë ranglistë, ndërsa Maqedonia e Veriut në vendin 114.

SHBA pa asnjë dyshim, mbetet superfuqia e pa konkurrencë, me mbi 831 miliardë euro buxhet vjetor, duke prirë ushtarakisht në çdo aspekt, në tokë, ajër, ujë, teknologji në gjithçka. E dytat mbetet Rusia, e treta Kina, e katërta India, e pesta Korea Jugore, e gjashta Franca, e shtata Japonia, e teta Britania e Madhe, e nënta Turqia, ndërsa e top dhjetëshen e mbyllë Italia.

Komisioni Qendror i Zgjedhjeve është duke planifikuar që procesin e rinumërimit të vendvotimeve, ta përmbyllë ditën e sotme, më 30 janar.

Zëdhënësi i KQZ-së, Valmir Elezi ka bërë të ditur se kanë mbetur edhe 143 vendvotime për t’u rinumëruar.

Ai ka thënë se këto vendvotime u takojnë komunave, Prishtinë, Podujevë, Suharekë dhe Shtërpcë.

“Nga fillimi i këtij procesi (13 janar) dhe deri në përfundimin e ditës së enjte (29 janar) janë rinumëruar rreth 95% apo 2,414 nga 2,557 vendvotime. Pra, kanë mbetur për t’u rinumëruar edhe 143 vendvotime që i takojnë 4 komuave të fundit nga ky process, si Prishtinë, Podujevë, Suharekë dhe Shtërpcë. Ky proces, planifikohet të përmbyllet gjatë ditës së sotme”, ka thënë Elezi për Reporteri.net.

Shpallja e rezultateve përfundimtare pritet të bëhet në fillim të muajit shkurt, teksa pas shqyrtimit të ankesave që mund të paraqiten, pritet të procedohet me certifikimin e rezultateve.

Me kërkesën e autoriteteve të Shqipërisë, Forca e Sigurisë së Kosovës ka angazhuar një kontingjent të Kërkim-Shpëtimit për të intervenuar në operacionin e kërkimit të një personi të humbur në rrjedhën e lumit Mat.

Lidhur me këtë rast, detaje ka dhënë presidentja e vendit, Vjosa Osmani e cila përmes një postimi në Facebook, njoftoi se i zhdukuri në lumin e lartpërmendur është Jurgen Karaj, 24-vjeçar.

“Bashkë në çdo sfidë! Dje, pas propozimit të Qeverisë, kam autorizuar dërgimin e FSK-së në Klos të Shqipërisë në kërkimet për gjetjen e 24 vjeçarit Jurgen Karaj. FSK, si gjithmonë, e gatshme për ndihmë vëllazërore, kudo dhe kurdo që ka nevojë”, ka shkruar presidentja.

Postimi i plotë:

Bashkë në çdo sfidë! 🇽🇰🇦🇱

Dje, pas propozimit të Qeverisë, kam autorizuar dërgimin e FSK-së në Klos të Shqipërisë në kërkimet për gjetjen e 24 vjeçarit Jurgen Karaj.

FSK, si gjithmonë, e gatshme për ndihmë vëllazërore, kudo dhe kurdo që ka nevojë.

Forca e Sigurisë së Kosovës është duke e mbështetur Shqipërinë në një operacion kërkim-shpëtimi.

Siç bëhet e ditur në njoftimin e FSK-së, me kërkesën e Republikës së Shqipërisë është angazhuar një kontigjent i kërkim-shpëtimit për të intervenuar në operacionin e kërkimit të një personi të humbur në rrjedhën e lumit Mat, njofton Dukagjini.

“Forca e Sigurisë Kosovës mbështetë Shqipërinë në një operacion Kërkim – Shpëtimi

Me kërkesën e autoriteteve të Republikës së Shqipërisë, Forca e Sigurisë Kosovës ka angazhuar një kontingjent të Kërkim-Shpëtimit, të Regjimentit të Mbrojtjes Civile të Gardës Kombëtare të FSK-së, i cili i është bashkuar Operacionit në Kolosit, të Republikës së Shqipërisë, për të intervenuar në operacionin e kërkimit të një personi të humbur në rrjedhën e lumit Mat”, thuhet në njoftimin e FSK-së.