ATV

Tag: ALARM

  • Rikthehet “Mergata Fest & Sport”, tri ditë sporti dhe argëtimi pa kufij në sheshin “Adem Jashari” në Lipjan

    Rikthehet “Mergata Fest & Sport”, tri ditë sporti dhe argëtimi pa kufij në sheshin “Adem Jashari” në Lipjan

    Bëhuni gati për tre ditë me plotë aktivitete sportive dhe argëtimi në “Mergata Fest & Sport”, që do të mbahet në datat 27, 28 dhe 29 korrik. Ky festival i shumëpritur, tashmë tradicionoal, organizohet posaçërisht për diasporën dhe premton një përzierje të gjerë të aktiviteteve sportive dhe argëtuese.

    Naim Llugiqi dhe Alban Zejnullahu, organizatorë të festivalit, kanë ndarë më shumë detaje rreth këtij eventi në emisionin e mëngjesit ALARM në ATV.

    Një nga pikat kryesore të festivalit do të jenë koncertet e mbrëmjes me fillim nga ora 20:00, që do të mbahen nën patronatin e kryetarit Imri Ahmeti. Sheshi “Adem Jashari” në Lipjan për tri netë radhazi do të gjallërohet me performancat magjepsëse të këngëtarëve të njohur të estradës, ndër të cilët do të jenë Sabri Fejzullahu, Nora Istrefi, Alban Mehmeti, Xuxi, e shumë të tjerë.

    “Përpos aktiviteteve sportive që do të ketë, ne e kemi edhe festivalin, do të thotë koncertin prej orës 20:00, i cili organizohet nën patronazhin e kryetarit Imri Ahmeti. Deri në ora 23:00 e kemi çdo natë, për tri net radhazi, krejt këngëtarët nga estrada. Është Sabri Fejzullahu, Nora Istrefi, Alban Mehmeti, Xuxi e shumë të tjerë. Prej orës 20:00 që fillojnë, i ftojmë në sheshin “Adem Jashari” në Lipjan”, tregoi Naim Llugiqi.

    Ndërsa, Alban Zejnullahu, i cili në këtë festival do të përkujdeset për pjesën e sportit, tha se për dallim prej vitit të kaluar, këtë edicion do të ketë edhe sporte të tjera, të cilat janë mjaft atraktive për pjesëmarrësit.

    “Realisht, sivjet do të mbajmë aktivitete të ngjashme siç i kishim vitin e kaluar, por kësaj here pak më ndryshe me do sporte që nuk janë parë më herët dhe kryesisht janë sporte që janë shumë atraktive për qytetarët që do të marrin pjesë”, tha Zejnullahu.

    Bisedën e plotë të Naim Llugiqit dhe Alban Zejnullahut në ALARM e gjeni në videon më poshtë:

    Emisionin e plotë e gjeni në videon më poshtë:

  • Kylie Jenner mohon thashethemet për operacionet në fytyrë

    Kylie Jenner mohon thashethemet për operacionet në fytyrë

    Gjatë episodit të ri të The Kardashian’s , Kylie Jenner bisedoi me motrat Kourtney dhe Khloe Kardashian për presionet e standardeve të bukurisë në shoqëri.

    “Më kujtohet gjithmonë se isha fëmija më i sigurt në dhomë”, tha Kylie. “Gjithmonë e kam dashur veten – ende e dua veten – dhe një nga keqkuptimet më të mëdha për mua është se unë isha ky fëmijë i pasigurt dhe bëra kaq shumë operacione për të ndryshuar të gjithë fytyrën time, gjë që është e rreme.”

    Kylie më pas vuri në dukje se sa shumë “ndikim” dhe “fuqi” kanë ajo dhe motrat e saj dhe si ka ndikuar në standardet e bukurisë së të tjerëve në mediat sociale.

    Kylie gjithashtu u tregoi motrave të saj se një nga pasiguritë e saj vinte prej tyre.

    Ju kujtohet se si gjithmonë flisnit për veshët e mi?” Kylie pyeti.

    “Por unë nuk e prita ashtu,” E mora sikur të gjithë po talleshin me veshët e mi shpjegoi Kylie. /atvlive.tv

    Më shumë detaje i gjeni në videon më poshtë:

  • Cardi B shpenzoi 20,000 dollarë për dy fëmijët e saj

    Cardi B shpenzoi 20,000 dollarë për dy fëmijët e saj

    Cardi B ka folur për fëmijët e saj se si ajo është e lumtur që ka arritur të ketë mundësi financiare t’I blejë fëmiëjve gjëra që Cardi si kishte në fëmijërinë e saj.

    Në një intervistë të re në gazetën prestigjioze New York Times, reperja rrëfeu se ka blerë 20,000 dollarë lojëra luksoze për dy fëmijët.

    ‘’Kjo është ajo për të cilën punoj shumë, për fëmijët e mi,” shpjegoi ajo. “Shpenzimet e tepërta për fëmijët tuaj nuk do të thotë se jeni një prind i shkëlqyer, por ju bën të ndiheni mirë. Të bën të ndihesh sikur po jeton ëndrrën tënde të fëmijërisë.”

    Reperja shpesh ka thënë se mund të jetë një repere pak më e ashpër me fjalë dhe temperamenti I saj mund të dalë nga kontrolli, por sipas saj, ajo është një nënë shumë e mirë.

    “Gjatë gjithë kohës mendoj për fëmijët e mi. Kur jam në telefon me menaxherin tim i them sigurohu që një përqindje e çekut tim të shkojë për fëmijët e mi.

    Cardi përshkroi se sa mirë ndihet që tani është në gjendje t’ua kthejë të dashurve të saj gjithcka që ata kan bërë për të.

    “Kur i bleva një shtëpi nënës sime, kjo do të thoshte shumë për mua. Kur bleva shtëpinë time me burrin tim, kjo do të thoshte shumë për mua. Kur bleva një shtëpi tjetër … vazhdova të bleja më shumë shtëpi,” tha ajo.

    Cardi B ka dy fëmijë me bashkëshortin e saj Offset, reperi nga grupi Migos, i cili ka edhe tre fëmijë të tjerë nga lidhjet e mëparshme. /atvlive.tv

    Më shumë detaje i gjeni në videon më poshtë:

  • Fuqizimi i grave kosovare, organizohet panairi i tretë me produkte bujqësore dhe bimore sheshin ‘Zahir Pajaziti’

    Fuqizimi i grave kosovare, organizohet panairi i tretë me produkte bujqësore dhe bimore sheshin ‘Zahir Pajaziti’

    Panairi i tretë radhazi i organizuar nga EcoKosWomen (EKW) nisi punimet në Sheshin Zahir Pajaziti më 20 korrik, i cili ka për qëllim fuqizimin dhe mbështetjen e grave rurale në Kosovë.

    EKW, një organizatë e dedikuar për promovimin e barazisë gjinore dhe mundësive ekonomike për gratë, prezantoi 25 agrobiznese të drejtuara nga gratë kosovare gjatë ngjarjes.

    Këto gra ndërmarrëse kishin një platformë të jashtëzakonshme për të ekspozuar punën e tyre dhe për të tërhequr vëmendjen nga qytete të ndryshme të Kosovës.

    Ekipi i ATV-së ishte prezente në panair, për të vëzhguar nga afër punimet që po bëhen aty dhe duke zhvilluar edhe disa biseda me gratë sipërmarrëse.

    Për më shumë njohuri mbi panairin dhe historitë frymëzuese të grave pjesëmarrëse, shikoni videon më poshtë:

    Emisionin e plotë e gjeni në videon më poshtë:

  • Moti për sot dhe nesër

    Moti për sot dhe nesër

    Në ditën e sotme në vendin tonë do të mbizotërojë kryesisht mot i kthjellët dhe vranësira të pakta. Gjatë zonave malore, pritet të ketë edhe reshje të izoluara të shiut.

    Temperaturën minimale do ta mbajë Ferizaj me 17 gradë Celsius, ndërsa maksimalen Prizreni me 35 gradë Celsius.

    Edhe dita e nesërme në vendin tonë pritet të jetë kryesisht me mot të kthjellët.

    Temperaturën minimale do ta mbajë sërish Prishtina me 17 gradë Celsius, ndërsa maksimalen Prizreni me 37 gradë Celsius.

    Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 16 gradë Celsius, ndërsa ajo maksimale do të jetë në Gjirokastër me 41 gradë Celsius. /atvlive.tv/

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • Organizohet diskutim publik për parandalimin e martesave të hershme në Kosovë

    Organizohet diskutim publik për parandalimin e martesave të hershme në Kosovë

    Gjendja e rëndë ekonomike, braktisja e shkollës dhe dhuna në familje janë disa nga arsyet për martesat e hershme në Kosovë, e që më së shumti i prek vajzat e komuniteteve rom, ashkali dhe egjiptian.

    Për këtë temë sot në bibliotekën kombëtarë “Pjetër Bogdani” organizohet një diskutim publik me qëllim parandalimin e këtyre martesave.

    Zyrtarja për program në organizatën “Zëri i romëve, ashkalive dhe egjiptianëve”, Amandë Toska, në emisionin ALARM në ATV, tregoi se në këtë diskutim publik do të ketë panelistë, po ashtu edhe pjesëtarë të komuniteteve rom, ashkali dhe egjipta, komunitetet e tjera që jetojnë në Kosovë, si dhe të gjithë qytetarët e Republikës që kanë dëshirë me qenë pjesë e këtij diskutimi publik, ku do të trajtohet tema për parandalimin e martesave të hershme.

    Ajo tha se edhe në vendin tonë ka një numër të martesave të përkohsme, disa prej të cilave janë trajtu nga Policia e Kosovës dhe organet kompetente, ndërsa synimi i këtij aktiviteti, por edhe aktiviteteve të tjera nga kjo organizatë ka për synim që të ulën martesat e përkohshme në Kosovë.

    “Prej informatave që i kemi marrë nga Policia e Kosovës ka raste që raportohen, ka raste që janë trajtuar. Munden me pasë edhe raste aktive realisht për të cilat ata nuk janë në dijeni. Por sa është numri i saktë i rasteve në tri vitet e fundit ose edhe gjatë një periudhe më të gjatë, nuk kemi diçka konkrete ose zyrtare që kishim mujt me e potencu. Edhe ne si organizatë nuk është se kemi diçka konkrete, por nga hulumtimet në terren ose të dhënat që ne i marrim prej pjesëtarëve nga komunitetet nga takimet që kemi konstant me ta, sepse ne e mbulojmë tërë regjionin e Kosovës me programet dhe aktivitetet që i realizojmë në kuadër të projekteve tona, thuhet që ka numër të martesave të hershme, të braktisjes së shkollimit dhe për këtë arsye ne si organizatë, synimi i jonë i kësaj kampanje është që të ulën rastet e mundshme të martesave të hershme”, tha Toska. /atvlive.tv

    Emisionin e plotë e gjeni në videon më poshtë:

  • Kryetari i Shtimes njofton se dislokimi i Entit Special do të nisë brenda këtij viti

    Kryetari i Shtimes njofton se dislokimi i Entit Special do të nisë brenda këtij viti

    Kryetari i Komunës së Shtimes, Qemajl Aliu, në rubrikën “Komuna” në emisionin e mëngjesit ALARM në ATV, tregoi për projektet që janë duke u zhvilluar në komunë, që sipas tij, realizimi i tyre është një lajm i mirë jo vetëm për komunën e Shtimes por për gjithë Republikën e Kosovës.

    Ai tha se projekti më i madh që do të realizohet, punime e të cilit pritet të nisin brenda këtij viti, është dislokimi i entit special.

    “Projekti më i madh dhe më ambicioz për të cilin jemi zotu dhe që jam i kënaqur dhe krenar që kemi edhe mirëkuptimin e qeverisë se sepse është institucion shëndetësor terciar që i përket nivelit qendror, është dislokimi i entit special. Është një lajm i mirë jo vetëm për komunën e Shtimes por për gjithë republikën. Kështu që jemi duke përgatitur hapat dhe procedurat që të fillohet këtë vit, për tu shpërngulë nga vendi ku është”, tha Aliu.

    Ai përmendi edhe projekte të tjera të mëdha që janë duke u zhvilluar në këtë komunë, të cilat përfshijnë, rregullimi i unazave të qytetit, ndërtimi i QKMF-së së re të komunës, observatoriumi, biblioteka, arkiva etj.

    “Projekte të tjera të mëdha kemi ato që i quajmë unaza të qytetit, që e bëjnë më të lehtë komunikacionin. Tjetër projekt që pritet të ndodh është edhe objekti i ri i qendrës kryesore të mjekësisë familjare, QKMF-ja e re, në komunën tonë sepse ne e kemi një objekt që është jashtë pamasave për të qenë i tillë. Pastaj është observatoriumi që është duke ndodhur, pastaj biblioteka dhe arkiva që është në fazën e fundit. Është tregu i gjelbër për bujqit që tashmë e ka marrë formën e vet. Një projekt të cilin po e presim me shumë dëshirë sepse vërtetë gjendja nuk është e mirë, është rinovimi ose rindërtimi i tranzitit të Komunës së Shtimes që po i penalizon makineritë e rënda dhe ndërtuesit”, tregoi kryetari Aliu. /atvlive.tv

    Emisionin e plotë e gjeni në videon më poshtë:

  • I riu shqiptar nis peticionin për pranimin e gjuhës shqipe në Google Ads and Google Adsense

    I riu shqiptar nis peticionin për pranimin e gjuhës shqipe në Google Ads and Google Adsense

    I riu shqiptar, Elton Heta, ka nisur një peticion ndj Google për pranimin e gjuhës shqipe në Google Ads dhe Google Adsense.

    Ai, në një lidhje direktë në emisionin e mëngjesit ALARM në ATV, tregoi se deri më tani janë mbledhur rreth 5600 firma, por që ka një mbështetje të madhe dhe kjo shifër nuk është asgjë me atë që do të arrijë në përfundim ky peticion.

    “Deri më tani po arrijmë 5600 firma te platforma change.org që është goxha serioze andaj edhe e kemi nisur aty nga serioziteti që ka, por mendoj se me mbështetjen që po has çdo ditë, kjo shifër nuk është asgjë me atë që do kemi deri në përfundim të këtij peticioni”, tha Eltoni.

    Sipas tij, çështja e pranimit të gjuhës shqipe nga Google Ads dhe Google Adsense është mjaft serioze, por tha se do t’i shkojë deri në fund këtij procesi.

    “Nga eksperienca dhe nga peticionet e më parshme, Google ka marrë parasysh peticione me një numër edhe më të vogël krahasuar me popullsinë që kanë pasur shtetet e tjera, por ndoshta çështja e jonë është pak më serioze dhe ne duhet ta bindim Google që ne vërtetë po kërkojmë shumica këtë, sepse në këtë peticion kanë interes pa diskutim të gjitha bizneset dhe të gjitha mediat, gjithë individët që merren me Youtube, janë blogerë ose donin ta bënin këtë por s’e kanë bërë dot ngaqë kanë qenë penalizuar nga kjo çështje”, tha Eltoni.

    Peticionin për pranimin e gjuhës shqipe në Google Ads dhe Google Adsense e gjeni duke klikuar KËTU.

  • Gashi: Obiliqi do të bëhet komuna më e mirë në Kosovë

    Gashi: Obiliqi do të bëhet komuna më e mirë në Kosovë

    Kryetari i Komunës së Obiliqit, Xhafer Gashi, në rubrikën “Komuna” në emisionin e mëngjesit ALARM në ATV, tregoi për projektet që janë duke u zhvilluar në komunë, që sipas tij, realizimi i tyre do ta bëjë Obiliqin një ndër komunat më të mira në Kosovë.

    “Si projekte madhore që janë duke u realizuar në komunën tonë është nxemja qendrore, pastaj zgjerimi i sheshit, lidhja e sheshit “Adem Preniçi” me sheshin “Dëshmorët e Kombit”, gjithashtu dhe rivitalizimi i ndriçimit, pastaj projekt madhor janë sallat e edukatës fizike të cilat i kemi pasur shumë mungesë dhe tani kemi fillu me i kompletu edhe shkollat me projekte të tilla, pastaj ka projekte në infrastrukturë gjelbërim, është brezi i gjelbër që pretendohet të ndërtohet në hyrje të Obiliqit dhe besoj që ne nëse vazhdojmë kështu me këtë ritëm të punës, gjithherë duke iu kërkuar falje qytetarëve të Komunës së Obiliqit se me të vërtetë është duke u bërë rrëmujë, po qëllimi është i mirë. Instalimi i rrjetit të nxemjes qendrore, Obiliqi do të jetë një ndër komunat më të mira”, tha Gashi.

    Ai tha se Obiliqi ka qenë një komunë me një buxhet jashtëzakonisht të vogël, por ka arritur këtë sukses që ka tani falë bashkëpunimit me nivelin qendror.

    “Komuna e jonë ka qenë një komunë me një buxhet jashtëzakonisht të vogël. Fatmirësisht që kemi pasur bashkëpunime të jashtëzakonshme gjithherë edhe me nivelin qendror dhe ky sukses nuk kish me ndodh pa qenë në bashkëngjitje edhe niveli qendror. Pastaj, ne kemi pasur fatin që ta krijojmë një mundësi që ta kem një ligj të veçantë që na trajton në mënyrë të veçantë dhe kjo ka disa të hyra vetanake, realisht për projekte kapitale të cilat e kanë ndihmuar zhvillimin e komunës sonë”, u shpreh Gashi. /atvlive.tv

    Bisedën e plotë me kryetarin e Komunës së Obiliqit e gjeni në videon më poshtë:

  • E rritur në Kosovë, storje suksesi në Washington

    E rritur në Kosovë, storje suksesi në Washington

    Në emisionin e sotëm të mëngjesit ALARM në ATV, studentja Erblina Sejdiu, e lindur në Prekaz të Skenderatj, ka rrëfyer përvojën e saj nga ndjekja e studimeve pasuniversitare në SHBA.

    Pas përfundimit të studimeve në Kosovë, asaj iu dha bursa prestigjioze “Fulbright” dhe vendosi të vazhdojë studimet pasuniversitare në Universitetin “Georgetown” në Washington.

    Erblina ka përmendur se pas përfundimit të studimeve në Kosovë është interesuar që të sigurojë një bursë për të vazhduar shkollimin në SHBA.

    Duke pasur parasysh se kostoja e studimeve atje është mjaft e lartë, duke e bërë atë të papërballueshme për një familje mesatare kosovare, ajo nisi të interesohej për bursë, e që doli të ishte një rrugëtim i gjatë për të realizuar ëndrrën e saj.

    “Kanë qenë disa vite përpjekje për me arritë deri këtu. Menjëherë pas përfundimit të studimeve, kam fillu menjëherë me hulumtu se cilat janë bursat e mundshme për arsye se zakonisht studimet në Amerikë janë shumë të shtrenjta dhe janë të pamundshme për një familje me të ardhura mesatare të Kosovës. E kam ditur që mundësia e vetme janë bursat. Kam hulumtu për bursa për disa vite, kam pas përpjekje të cilat kanë qenë të pasuksesshme, deri sa kam arritë me marrë “Fulbright”, e cila është një bursë që mbulon të gjitha shpenzimet. E kam kuptu një vit përpara që e kam fitu këtë bursë, mandej kanë qenë edhe negociatat rreth universitetit në të cilin vendosa për me i vazhdu studimet, pas kësaj kam aplikuar në universitete, diku në 7 universitete dhe jam pranu në të gjitha. Pas asaj e kam zgjedh “Georgetown University”, duke pasur parasysh lokacionin në Washington”, tregon ajo.

    Erblina tashmë ka përfunduar studimet master dhe tani mezi pret rikthimin e saj në Kosovë. /atvlive.tv