ATV

Blog

  • Një rrugëtim drejt emocioneve: Interex dhe Yll Limani sjellin një eksperiencë të paharrueshme

    Një rrugëtim drejt emocioneve: Interex dhe Yll Limani sjellin një eksperiencë të paharrueshme

    Interex, në bashkëpunim me Yll Limanin, sjell një koncept që rrallë shihet. Një eksperiencë e ndërtuar si një rrugëtim i plotë, pjesë e lojës shpërblyese “Viti i ëndrrave të mëdha”, ku fituesit nuk fitojnë vetëm një natë koncerti, por një përjetim të tërë që përfshin udhëtimin, akomodimin dhe një eksperiencë VIP rreth koncertit.

    Ka përvoja që nuk janë thjesht evente, janë rrugëtime të kuruara në çdo detaj. Nga momenti i nisjes, te atmosfera e një nate të veçantë, deri te kulmi i emocioneve që vetëm muzika live mund ta sjellë.

    Kjo nuk është vetëm një mundësi për të ndjekur një koncert, por një eksperiencë e menduar në çdo hap për një përjetim maksimal, më afër muzikës dhe energjisë që krijohet në skenë.

    Në qendër të kësaj eksperience qëndron një qasje më e afërt dhe më autentike me botën e muzikës, një dimension që zakonisht mbetet i rezervuar, ku çdo moment ndjehet më personal dhe çdo detaj merr kuptim tjetër.

    E konceptuar dhe organizuar nga Interex, kjo iniciativë vendos një standard të ri për mënyrën se si përjetohen giveaway-t. Duke bashkuar udhëtimin, luksin dhe emocionin e muzikës live, Interex sjell një eksperiencë që nuk përkufizohet vetëm si shpërblim, por si një kujtim i rrallë.
    Në një kohë kur përvojat kanë më shumë vlerë se gjithçka tjetër, Interex vazhdon të krijojë momente që tejkalojnë pritshmëritë dhe e vendosin publikun në qendër të një historie që ia vlen të jetohet.

    Klikoni në link për ti pare rregullat e lojës:
    https://www.instagram.com/reel/DWy9WF-Au8C/?igsh=OWlsMWlnOXNnbjYy

  • Hoti: Besoj në lirimin e shpejtë të ish-krerëve të UÇK-së në Hagë

    Hoti: Besoj në lirimin e shpejtë të ish-krerëve të UÇK-së në Hagë

    Ministri për Punë, Familje dhe Vlerat e Luftës Çlirimtare, Andin Hoti është shprehur optimist për lirimin e ish-krerëve të UÇK-së të cilët për më shumë se pesë vjet janë duke u gjykuar në Hagë.

    Këtë deklaratë, Hoti e bëri në mbledhjen e Komisionit për të Drejtat e Njeriut, Barazi Gjinore, Punë, Familje, Vlerat e Luftës Çlirimtare dhe Peticione .

    Ai theksoi se çka do që është në kompetencë të Ministrisë që drejton, do të jetë në dispozicion.

    “Ata që janë padrejtësisht në Hagë do të dalin të lirë shumë shpejt dhe unë besoj këtë ditë. Çka do që është në kompetencë të ministrisë time, natyrisht do të jenë në dispozicion. Por departamenti që merret me Dhomat e Specializuara është në Ministrinë e Drejtësisë, megjithatë në kompetencë timen, në bashkëpunim me çdo departament natyrisht që do të jemi të gatshëm”, deklaroi ministri Hoti.

  • PDK i dërgon letër Haxhiut, kërkon emërimin e anëtarit të dytë në KQZ: Veproni siç thotë Kushtetuta

    PDK i dërgon letër Haxhiut, kërkon emërimin e anëtarit të dytë në KQZ: Veproni siç thotë Kushtetuta

    Partia Demokratike e Kosovës, i ka dërguar letër zyrtare Albulena Haxhiut për anëtarin e dytë në Komisionin Qendror të Zgjedhjeve, ku asaj i kërkohet për procedimin e emërimit të anëtarit të dytë të kësaj partie në KQZ.

    Nga PDK, thuhet se, çështja e përbërjes së KQZ-së ka mbetur e papërfunduar gjatë mandatit të ish-Presidentes Vjosa Osmani dhe se përfaqësimi i PDK-së me dy anëtarë në këtë institucion nuk është çështje interpretimi politik, por një e drejtë që rrjedh nga dispozitat kushtetuese.

    ‘’ Në letrën e PDK-së gjithashtu theksohet rëndësia e respektimit të praktikës së deritanishme institucionale, sipas së cilës PDK ka qenë e përfaqësuar me dy anëtarë në KQZ, si dhe ruajtja e parimeve të barazisë dhe balancës mes subjekteve politike’’, thuhet mes tjerash në komunikatën e PDK’së.

    Komunikata:

    (Dokument) PDK i dërgon letër zyrtare Albulena Haxhiut për anëtarin e dytë në Komisionin Qendror të Zgjedhjeve

    Partia Demokratike e Kosovës i është drejtuar edhe Ushtrueses së Detyrës së Presidentes, Albulena Haxhiu, me një kërkesë zyrtare për procedimin e emërimit të anëtarit të dytë të kësaj partie në Komisioni Qendror i Zgjedhjeve.

    Në kërkesë theksohet se çështja e përbërjes së KQZ-së ka mbetur e papërfunduar gjatë mandatit të ish-Presidentes Vjosa Osmani dhe se përfaqësimi i PDK-së me dy anëtarë në këtë institucion nuk është çështje interpretimi politik, por një e drejtë që rrjedh nga dispozitat kushtetuese.

    Në letrën e PDK-së gjithashtu theksohet rëndësia e respektimit të praktikës së deritanishme institucionale, sipas së cilës PDK ka qenë e përfaqësuar me dy anëtarë në KQZ, si dhe ruajtja e parimeve të barazisë dhe balancës mes subjekteve politike.

    Duke iu referuar nenit 139, paragrafi 4 të Kushtetutës së Kosovës, PDK argumenton se shpërndarja e vendeve në KQZ duhet të bazohet në përfaqësimin e grupeve parlamentare në Kuvend. Në kushtet aktuale me katër grupe parlamentare, PDK-ja konsideron se secili grup duhet të ketë nga një përfaqësues në raundin e parë, ndërsa vendet e mbetura duhet të ndahen sipas madhësisë së grupeve, duke siguruar kështu përfaqësim proporcional.

    Kjo është kërkesa e plotë e PDK-së drejtuar U.D. presidentes Albulena Haxhiu:

  • Specialja anulon dy seancat në rastin e Thaçit për administrim të drejtësisë, s’tregon arsyet pse

    Specialja anulon dy seancat në rastin e Thaçit për administrim të drejtësisë, s’tregon arsyet pse

    Specialja ka njoftuar se janë anuluar seanca e planifikuar për javën e ardhshme në rastin e ish-presidentit Hashim Thaçi për administrim të drejtësisë.

    Në njoftim theksohet se seancat ishin paraparë për datat 14 dhe 17 prill.

    ‘‘Thaçi dhe të tjerët (administrimi i drejtësisë): anulohen seancat e planifikuara për javën e ardhshme

    Ju njoftojmë se seancat e planifikuara për datat 14-17 prill 2026 në çështjen gjyqësore kundër Thaçit dhe të tjerëve në lidhje me akuzat për vepra penale kundër administrimit të drejtësisë, janë anuluar. Informacione të mëtejshme do të jepen sapo të jenë të disponueshme’, ka njoftuar Specialja.

  • Tahiri: Dy seanca, 7 ditë dhe 32 milionë euro dëm për Prishtinën, skandal juridik dhe vendim i papranueshëm

    Tahiri: Dy seanca, 7 ditë dhe 32 milionë euro dëm për Prishtinën, skandal juridik dhe vendim i papranueshëm

    Anëtari i Kryesisë së PDK-së, Abelard Tahiri, ka reaguar ndaj një vendimi të fundit gjyqësor që obligon Ndërmarrjen Publike Banesore të paguajë mbi 32 milionë euro në emër të “fitimit të humbur”, duke e cilësuar atë si një “rast të paprecedentë dhe tejet të dëmshëm për buxhetin e Prishtinës”.

    Sipas Tahirit, i gjithë procesi gjyqësor ka zgjatur vetëm shtatë ditë dhe është zhvilluar në vetëm dy seanca, për të përfunduar me një vendim që favorizon një konsorcium kompanish private mbi bazën e një kontrate të kundërligjshme, e cila më herët ishte rrëzuar nga Gjykata e Apelit.

    Ai thotë se pasi dështuan ta përvetësojnë pronën publike në qendër të Prishtinës “grupet në fjalë tani po tentojnë të përfitojnë mbi 32 milionë euro nga taksat e qytetarëve përmes një vendimi që, sipas tij, sfidon çdo logjikë juridike dhe ekonomike”.

    “Është hera e parë në Kosovë që një projekt që nuk ka nisur kurrë, ku nuk është vendosur asnjë tullë dhe nuk ka pasur zbatim real, shpërblehet me ‘fitim të humbur’ në këtë nivel”, ka deklaruar Tahiri.

    Ai rikujton se bëhet fjalë për një kontratë të vitit 2021, të lidhur gjatë mandatit të Lëvizjes Vetëvendosje ndërmjet Ndërmarrjes Publike Banesore dhe kompanive private, e cila kishte qenë e bllokuar për vite për shkak të paligjshmërive dhe ishte pezulluar edhe nga gjykata penale.

    Sipas tij, vendimi i fundit i Gjykatës Komerciale përbën një “aktgjykim skandaloz”, që rrezikon të gllabërojë gati një të katërtën e buxhetit të kryeqytetit, i cili kap vlerën rreth 150 milionë euro.

    Tahiri ngriti shqetësime edhe për mënyrën se si është zhvilluar procesi, duke përmendur një urgjencë të pashpjegueshme dhe një ekspertizë joprofesionale, ndërsa barra financiare i është lënë NPB-së, pavarësisht se ajo kishte detyrim të respektonte vendimet e mëhershme gjyqësore.

    Ai kërkoi që ky vendim të rrëzohet nga Gjykata e Apelit, duke theksuar se çështja nuk është vetëm juridike, por lidhet drejtpërdrejt me mbrojtjen e parasë publike dhe interesin e qytetarëve të Prishtinës.

    Në reagimin e tij, Tahiri akuzoi gjithashtu për ndikime të grupeve të interesit brenda Gjykatës Komerciale, të lidhura, sipas tij, me “oligarkë të pushtetit”, por shtoi se beson se në këtë institucion ka edhe gjyqtarë të ndershëm që do të mbrojnë drejtësinë.

    Në fund, ai bëri të ditur se vendimi tashmë është kundërshtuar me ankesë nga zyra e avokatit Faton Fetahu, i cili ka punuar pro bono gjatë gjithë procesit, duke paralajmëruar se beteja ligjore do të vazhdojë deri në rikthimin e ligjshmërisë.

  • TikTok do të ndërtojë një qendër të dytë të dhënash prej 1 miliard euro në Finlandë

    TikTok do të ndërtojë një qendër të dytë të dhënash prej 1 miliard euro në Finlandë

    TikTok planifikon të investojë 1 miliard euro (1.16 miliardë dollarë) për të ndërtuar një qendër të dytë të dhënash në Finlandë në më pak se një vit, ndërsa zhvendos ruajtjen e të dhënave për përdoruesit evropianë në kontinent, thanë zyrtarët e kompanisë të mërkurën.

    Njoftimi vjen ndërsa kompania kineze që ka në pronësi TikTok, ByteDance, në janar shmangu një ndalim të SHBA-së për shkak të shqetësimeve për mbrojtjen e të dhënave dhe ndërsa kombet evropiane shtojnë presionin mbi kompanitë e mediave sociale për të mbrojtur fëmijët nga algoritmet e tyre që krijojnë varësi.

    TikTok tha se po bënte një investim të ri prej 1 miliard eurosh në një qendër të dhënash me një kapacitet fillestar prej 50 megavatësh (MW) dhe një kapacitet total potencial prej 128 MW në Lahti, të vendosur në Finlandën jugore.

    Investimi është pjesë e “iniciativës evropiane të sovranitetit të të dhënave prej 12 miliardë eurosh (euro) të kompanisë që ofron mbrojtje kryesore në industri për të dhënat e mbi 200 milionë përdoruesve evropianë”, tha ajo për Reuters.

    Finlanda është bërë një “magnet” për qendrat e të dhënave, pasi kompani, përfshirë Microsoft dhe Google, kërkojnë të ulin kostot e energjisë dhe të përmbushin objektivat klimatike, të tërhequra nga klima e ftohtë e vendit, energjia elektrike me kosto të ulët dhe me karbon të ulët, si dhe një mjedis rregullator i qëndrueshëm dhe miqësor ndaj biznesit brenda Bashkimit Evropian.

  • Policia jep detaje për kamionin e përfshirë nga zjarri në autostradën Suharekë–Duhël

    Policia jep detaje për kamionin e përfshirë nga zjarri në autostradën Suharekë–Duhël

    Policia e Kosovës ka dhënë detaje shtesë lidhur me incidentin e ndodhur sot në autostradën Suharekë–Duhël, ku një kamion është përfshirë nga flakët.

    Zëdhënësi i Policisë për rajonin e Prizrenit, Shaqir Bytyqi, ka bërë të ditur se rasti është raportuar rreth orës 12:25.

    “Me datën 08.04.2026, rreth orës 12:25, Policia ka pranuar informatën se një kamion është përfshirë nga zjarri në relacionin Suharekë–Duhël në autostradë”, ka deklaruar Bytyqi.

    Sipas tij, menjëherë pas pranimit të informacionit, janë njoftuar njësitë përkatëse për ndërhyrje në vendin e ngjarjes.

    “Radiobaza ka njoftuar Stacionin Policor në Suharekë për të dërguar zjarrfikësit, si dhe një patrullë policore në vendin e ngjarjes. Për incidentin është informuar edhe njësiti patrullues i autostradës”, ka shtuar ai.

    Po ashtu, Bytyqi ka bërë të ditur se është kërkuar edhe ndihma mjekësore për personat e përfshirë në rast.

    “Një qytetare ka kërkuar edhe ndihmën e Ekipit të Urgjencës, pasi ngasësi i kamionit dhe një pasagjer, megjithëse nuk kanë pësuar lëndime, janë në gjendje të shqetësuar. Stacioni Policor është njoftuar që të orientojë Ekipin e Urgjencës drejt vendngjarjes”, ka theksuar ai.

    Autoritetet kompetente janë duke trajtuar rastin, ndërsa nuk raportohet për persona të lënduar.

  • “Kam qenë aty punëtor”- Ish-militanti i VV’së pyet Bajqinovcin nëse iu ka treguar votuesve për shtëpinë e tij luksoze në Mal të Zi

    “Kam qenë aty punëtor”- Ish-militanti i VV’së pyet Bajqinovcin nëse iu ka treguar votuesve për shtëpinë e tij luksoze në Mal të Zi

    Albert Shabani, dikur mbështetës i madh i partisë në pushtet Lëvizja Vetëvendosje, ka filluar t’i kundërvihet këtij subjekti politik pas pakënaqësive me të.

    Shabani me anë të një postimi në ‘Facebook’ ka sfiduar deputetin e Lëvizjes Vetëvendosje, Mefail Bajqinovcin, që të tregojë për shtëpinë luksoze, për të cilën Shabani pretendon se deputeti e ka në Mal të Zi.

    “Mefail, a ju ke tregu votuesve, si arrite me ndertu shtepi luksoze në Mal të Zi, apo, nësë do, unë shkoj një dite te shtepia jote atje, dhe e beje një video direkt nga shtepia! Ti e di mirë kush ti ka vendos dyert e dritaret, edhe une kam qenë aty puntor! Shihemi këto ditë”, ka shkruar ish-përkrahësi i LVV’së.

    Reagimi i Shabanit vjen pas reagimit të Bajqinovcit ndaj ish-presidentes Vjosa Osmani, e cila mori meritat për heqjen e plotë të masave të BE’së ndaj Kosovës.

    Bajqinovci pretendoi se Osmani s’kishte kurrfarë merite për këtë, vetëm se ishte në një linjë me ish-emisarin e posaçëm të BE’së për dialogun Kosovë-Serbi, Miroslav Lajçak. Madje, sipas tij, Osmani sikurse Lajçaku kërkonte që Kosova të tërhiqej nga veriu i vendit.

  • Projektligji për masat në produktet bazë, Kusari-Lila: Garanton mbrojtje të konsumatorit

    Projektligji për masat në produktet bazë, Kusari-Lila: Garanton mbrojtje të konsumatorit

    Projekligji për masat e përkohshme të produkteve themelore në raste të veçanta të destabilizimit në treg është shqyrtuar në komisionin për Ekonomi.

    Atë e ka prezantuar ministrja e Industrisë, Ndërmarrësisë, Tregtisë dhe Inovacionit, Mimoza Kusari-Lila.

    Ajo ka thënë se gjatë hartimit janë marrë në konsideratë edhe rekomandimet e dhëna në aktgjykimin e Gjykatës Kushtetuese të Republikës së Kosovës në lidhje me ligjin paraprak, i cili ishte rrëzuar.

    “Ky projektligj merr në konsideratë këto rekomandime dhe përcakton dy lloje të masave të përkohshme Caktimin e marzhës tregtare për shitjen me shumicë dhe pakicë dhe caktimin e çmimit maksimal të lejuar nga operatorët ekonomikë.”, ka thënë Kusari-Lila.

    Gjithashtu ajo ka thënë se nga Kuvendi i Kosovës do të themelohet një bord i pavarur për masat e përkohshme për kufizim të çmimeve.

    “Në projektligj janë përcaktuar edhe kushtet për emërimin e anëtarëve të bordit, kompetencat si dhe procesi i vendimmarrjes. Projektligji lidhet ngushtë me prioritetet e qeverisë së Republikës duke kontribuar në mbrojtjen e konsumatorit.”, ka thënë ajo.

    Ajo ka shtuar se gjatë procesit të hartimit, ka mbajtur edhe tryeza konsultative me përfaqësues nga odat ekonomike, shoqatat përkatëse që përfaqësojnë operatorët ekonomikë të lidhur me produktet themelore.

  • Kë e sheh fitues mes Vjosa Osmanit e Albin Kurtit? Flet ish-kryeministri Mustafa

    Kë e sheh fitues mes Vjosa Osmanit e Albin Kurtit? Flet ish-kryeministri Mustafa

    Kryeministri Albin Kurti, dhe, ish-presidentja, Vjosa Osmani, që dikur kishin raporte të mira mes vete, sot, janë në rrethana të tjera.

    Për Osmanin, mendohet edhe se e njëjta do të jetë pjesë e garës zgjedhore në rast të zgjedhjeve, si kundërshtare e Kurtit.

    Se cili do të ishte fitues mes Osmanit e Kurtit, për Demos është deklaruar shkurtimisht ish-kryeministri i Kosovës, Isa Mustafa.

    Ky i fundit tha se: “Se di që janë në garë. Nuk e di”,