Blog

Bashkimi Evropian ka dhënë miratimin përfundimtar për kredinë prej 90 miliardë eurosh për Ukrainën, pasi Hungaria hoqi veton e saj.

Procedura e brendshme u nis nga ambasadorët të mërkurën dhe u finalizua të enjten.

Nuk u ngritën kundërshtime dhe rregullorja e fundit në pritje, e cila kërkon unanimitet për të ndryshuar buxhetin e BE-së, u miratua.

Përparimi i shumëpritur erdhi dy ditë pasi presidenti ukrainas Volodymyr Zelensky njoftoi se tubacioni Druzhba , i cili transporton naftë të lirë ruse në Hungari dhe Sllovaki, ishte riparuar dhe mund të rifillonte operacionet.

Bëhet e ditur se ndërprerja e rrjedhave të naftës përmes Druzhbës ishte në thelb të vendimit të Orban për të vënë veton ndaj kredisë prej 90 miliardë eurosh në shkurt.

Bllokimi i minutës së fundit zemëroi udhëheqësit e tjerë të BE-së, të cilët e dënuan atë si një përpjekje “të papranueshme” për të “shantazhuar”.

Fakti që Orban e kishte miratuar kredinë në dhjetor dhe kishte siguruar një mundësi për t’u tërhequr nga BE-ja ishte veçanërisht shqetësues për shtetet e tjera anëtare.

Një diplomat i lartë e përshkroi veton si një “pikë kthese” në marrëdhëniet midis Brukselit dhe Budapestit.

Ndryshe, Komisioni Evropian, i cili do të menaxhojë skemën financiare, thotë se pagesa e parë për Kievin do të bëhet “sa më shpejt të jetë e mundur” sapo të jenë gati të gjitha dokumentet ligjore dhe teknike.

Për vitin 2026, Brukseli synon të transferojë gradualisht 45 miliardë euro, ku 16.7 miliardë euro do të ndahen për mbështetje financiare dhe 28.3 miliardë euro për mbështetje ushtarake.

Pagesat do të bëhen me kusht që të miratohen reformat nga Kievi.

Çdo ndryshim në luftën kundër korrupsionit mund të shkaktojë një pezullim të përkohshëm të ndihmës.

Veçanërisht, pjesa ushtarake e kredisë do të ketë dispozita “Made in Europe” për të siguruar që sa më shumë fonde të shkojë te prodhuesit vendas.

45 miliardë eurot e mbetura do të mbahen për vitin 2027 dhe do të mbulojnë dy të tretat e nevojave të financimit të Ukrainës.

Aleatët perëndimorë pritet të mbulojnë një të tretën e fundit.

Huamarrja e përbashkët do të përjashtojë Hungarinë, Sllovakinë dhe Republikën Çeke. Si rezultat, 24 shtetet e tjera anëtare do të paguajnë rreth 3 miliardë euro në norma interesi vjetore .

Ukrainës do t’i kërkohet të kthejë kredinë prej 90 miliardë eurosh vetëm nëse Rusia pranon ndonjëherë dëmshpërblimet e luftës, diçka që Moska e ka përjashtuar kategorikisht. /Telegrafi/

Kryetari i Partisë Demokratike të Kosovës, Bedri Hamza, ka dërguar telegram ngushëllimi me rastin e vdekjes së akademikut Rexhep Qosja.

Hamza ka thënë se vdekja e Qosjes është e madhe jo vetëm për familjen e tij, por edhe për Kosovën dhe mbarë kombin shqiptar.

“Si akademik i shquar, ai dha kontribut të jashtëzakonshëm në mendimin shkencor dhe kulturor shqiptar, duke lënë pas një trashëgimi të çmuar dhe të pazëvendësueshme për brezat që vijnë. Si mendimtar i angazhuar në çështjet politike, akademik Rexhep Qosja kontribuoi edhe në rritjen e ndërgjegjes kombëtare dhe në përpjekjet për liri e barazi të popullit tonë. Në këto momente të rënda për ju, ju lutem pranoni ngushëllimet e mia më të sinqerta.”, ka thënë Hamza.

Ai ka shtuar se kujtimi dhe vepra e akademikut Rexhep Qosja do të mbeten të përhershme.

Ministri i Punëve të Jashtme, Glauk Konjufca, njëherësh zëvendëskryeministër i Kosovës, është shprehur i pikëlluar për vdekjen e akademikut Rexhep Qosja.

Përmes një postimi në Facebook, Konjufca tha se kolosi i fundit intelektual e la sot popullin kosovar.

“Për më shumë se gjysmë shekulli Rexhep Qosja ishte zëri i artikuluar me konsistencë i ndergjegjes sonë kombëtare. Shkencëtar, shkrimtar, akademik, profesor, veprimtar dhe kritik – kontributi i tij për studimin e letërsisë shqipe si dhe pasurimi i saj me vepra letrare si autor do të jetojnë gjithmonë. Ai kurrë nuk u mjaftua vetëm me punën shkencore të kabinetit. Gjatë viteve ’80, në atë kohë kur ne ishim “popull i ndaluar”, profesor Qosja u shqua me guximin e tij të palëkundur për demaskimin e hapur të shtypjes së Serbisë mbi popullin shqiptar”.

“Kur erdhi koha e domosdoshmërisë së luftës së armatosur kundër okupimit Rexhep Qosja e kishte të qartë: vetëm mbështetja e UÇK-së na rreshton në anën e duhur të historisë. Progresiv me bindje, egalitar në qëndrime, gjithnjë kombëtar në veprime dhe humanist në vlera – Rexhep Qosja ka zënë vend si një nga figurat më të rëndësishme të kombit tonë. I tillë do të kujtohet gjithnjë për veprën dhe veprimtarinë e tij e cila prej sot do te studiohet me përqendrim edhe më të madh. U prehtë në paqe!”, ka shkruar ministri.

Presidenti i Shqipërisë, Bajram Begaj ka shprehur ngushëllime për ndarjen nga jeta të akademikut të shquar, Rexhep Qosja.

Përmes një postimi në Facebook, Begaj tha Qosja ishte një nga mendjet më të bukura të kulturës dhe mendimit shqiptar.

“Një akademik i rrallë iku nga Panteoni… Rexhep Qosja ishte një nga mendjet më të bukura të kulturës dhe mendimit shqiptar. Ngushëllimet më të sinqerta familjes së tij, të afërmve dhe miqve. Pusho në paqe, Profesor”, ka shkruar ai.

Mesazhet mashtruese përmes SMS-ve, të cilat pretendojnë se dërgohen në emër të bankave, po vazhdojnë të shfaqen, duke rritur shqetësimin për sigurinë e të dhënave personale të qytetarëve.

Së fundmi, Raiffaisen Bank ka njoftuar klientët për një SMS të tillë mashtrues, i cili synon të mashtrojë përmes kërkesave për ndarjen e informacioneve të ndjeshme.

Sipas njoftimit, këto mesazhe paraqiten si komunikime zyrtare dhe shpesh kërkojnë veprime urgjente nga pranuesit, duke pretenduar se ekziston një problem me llogarinë bankare apo duke ofruar shpërblime të rreme.

Banka u ka bërë thirrje klientëve që të mos ndajnë asnjë të dhënë personale apo bankare me faqe dhe burime që nuk janë kanale zyrtare, duke theksuar se mashtrime të tilla synojnë vjedhjen e të dhënave dhe keqpërdorimin e tyre.

“Mesazhet telefonike që pretendojnë se dërgohen nga kompani legjitime janë një metodë e shpeshtë mashtrimi dhe kanë për qëllim t’i nxisin qytetarët të klikojnë në lidhje të rrezikshme ose të japin informacione të ndjeshme”, thuhet në njoftim.

Ky fenomen nuk është i ri, pasi më herët janë raportuar edhe raste të SMS-ve mashtruese në emër të Postës, çka tregon për një trend në rritje të tentativave për mashtrim përmes komunikimeve elektronike.

Autoritetet dhe institucionet financiare u bëjnë thirrje qytetarëve që të tregojnë kujdes të shtuar dhe të verifikojnë çdo mesazh të dyshimtë përmes kanaleve zyrtare, në mënyrë që të shmangen rastet e mashtrimit dhe humbjet financiare.

Të dhënat nga tregtia e jashtme e mallrave në Kosovë tregojnë se në mars 2026 deficiti tregtar arriti në 563,5 milionë euro, që është rritje prej 5,2 % krahasuar me marsin 2025. Eksporti në këtë muaj ishte 88,4 milionë euro, ndërsa importi 651,8 milionë euro

Kosova vazhdon të mbushet çdo ditë e më shumë me mallra të huaja, ndërsa prodhimi dhe eksporti vendor mbeten shumë prapa në raport me kërkesën e brendshme dhe importet në rritje.

Të dhënat tregojnë se vendi vazhdon të importojë shumë më tepër sesa eksporton, duke ndikuar drejtpërdrejt në rritjen e deficitit tregtar. Megjithatë, gjatë kësaj periudhe është shënuar edhe rritje e eksporteve.

Sipas të dhënave zyrtare, deficiti tregtar në muajin mars 2026 arriti në 563,5 milionë euro, që paraqet rritje prej 5,2 % krahasuar me periudhën e njëjtë të vitit 2025, kur kishte qenë 535,7 milionë euro.

Eksporti mbulon importin me vetëm 13,6 %, duke treguar se raporti ndërmjet mallrave që shiten jashtë vendit dhe atyre që importohen mbetet i ulët.

Eksporti i mallrave gjatë muajit mars 2026 kishte vlerën 88,4 milionë euro, duke shënuar rritje prej 18,2 % krahasuar me muajin mars të vitit të kaluar.

Ndërkohë, importi arriti në 651,8 milionë euro, me rritje prej 6,8 %. Kjo tregon se edhe pse eksportet janë rritur me ritëm më të shpejtë, vlera e importeve mbetet shumë më e lartë.

Sa i përket strukturës së eksporteve, pjesëmarrjen më të madhe e përbëjnë metalet bazë dhe artikujt prej tyre me 26,2 %. Pas tyre renditen plastika, goma dhe artikujt prej tyre me 12,4 %, ushqimet e përgatitura, pijet dhe duhani me 11,1 %, artikujt e ndryshëm të prodhuar me 8,3 %, si dhe tekstili dhe artikujt prej tekstili me 8,2 %.c

Në anën tjetër, importet dominohen nga produktet minerale me 14,5 %, makineritë dhe pajisjet mekanike e elektrike me 14,3 %, ushqimet e përgatitura, pijet dhe duhani me 10,6 %, mjetet e transportit me 10,6 %, si dhe metalet bazë dhe artikujt prej tyre me 10,0 %.

Eksportet e Kosovës në vendet e Bashkimit Evropian arritën në 29,3 milionë euro ose 33,2 % të eksporteve totale, me rritje prej 12,9 %. Partnerët kryesorë ishin Gjermania me 10,0 %, Italia me 3,8 % dhe Holanda me 2,9 %.

Importet nga vendet e Bashkimit Evropian arritën në 284,1 milionë euro ose 43,6 % të importeve të përgjithshme, me rritje prej 14,1 %. Pjesëmarrjen më të lartë e kishin Gjermania me 13,5 %, Italia me 4,5 % dhe Polonia me 3,4 %.

Sa i përket vendeve të CEFTA-s, eksportet arritën në 40,8 milionë euro ose 46,2 % të eksporteve totale, me rritje prej 21,8 %. Partnerët kryesorë ishin Maqedonia e Veriut me 16,2 %, Shqipëria me 14,2 %, Serbia me 8,8 % dhe Mali i Zi me 5,2 %.

Importet nga vendet e CEFTA-s arritën në 78,1 milionë euro ose 12,0 % të importeve totale, duke shënuar rënie prej 23,1 %. Pjesëmarrjen më të madhe e kishin Shqipëria me 3,8 %, Maqedonia e Veriut me 3,6 % dhe Serbia me 3,3 %.

Eksportet me vendet e tjera arritën në 18,2 milionë euro ose 20,7 % të eksporteve të përgjithshme. Partnerët kryesorë ishin Zvicra me 10,2 % dhe Turqia me 3,8 %.

Ndërkohë, importet nga vendet e tjera arritën në 289,6 milionë euro ose 44,4 % të importeve totale, ku pjesëmarrjen më të lartë e kishin Kina me 14,6 % dhe Turqia me 11,0 %.

Eksportet e Kosovës në vendet e BE-së

Eksportet e Kosovës në vendet e BE-së arritën në 29,3 milionë euro ose rreth 33,2 % e eksporteve të përgjithshme, me një rritje prej 12,9 %. Partnerët kryesorë për eksportin e mallrave në BE ishin: Gjermania (10,0 %), Italia (3,8 %), Holanda (2,9 %), etj.

Eksportet e Kosovës me vendet e CEFTA-s

Eksportet e Kosovës me vendet e CEFTA-s arritën në 40,8 milionë euro ose 46,2 % të eksporteve të përgjithshme, me një rritje prej 21,8 %. Partnerë kryesorë për eksport nga vendet e CEFTA-s ishin: Maqedonia e Veriut (16,2 %), Shqipëria (14,2 %), Serbia (8,8 %), Mali i Zi (5,2 %), etj.

Eksportet e Kosovës me vendet e tjera

Eksportet e Kosovës me vendet e tjera arritën në 18,2 milionë euro ose 20,7 %. Si partnerë më të rëndësishëm nga këto vende për eksport ishin: Zvicra (10,2 %) dhe Turqia (3,8 %).

Importet e Kosovës nga vendet e BE-së

Importet e Kosovës nga vendet e BE-së ishin rreth 284,1 milionë euro ose 43,6 % e importeve të përgjithshme, me një rritje prej 14,1 %. Importet me pjesëmarrje me të lartë ishin nga: Gjermania (13,5 %), Italia (4,5 %), Polonia (3,4 %), etj.

Importet nga vendet e CEFTA-s

Importet nga vendet e CEFTA-s arritën në 78,1 milionë euro ose 12,0 % të importeve të përgjithshme, me një rënie prej (-23,1 %). Vendet me pjesëmarrje më të lartë për import ishin: Shqipëria (3,8 %), Maqedonia e Veriut (3,6 %), Serbia (3,3 %).

Importet e Kosovës me vendet e tjera

Importet e Kosovës me vendet e tjera arritën në 289,6 milionë euro ose 44,4 %. Vendet me pjesëmarrje më të lartë për import në këtë grup ishin: Kina (14,6 %) dhe Turqia (11,0 %). /Metro

Gjykata Themelore në Prishtinë, të martën, ka shpallur aktgjykimin për rastin e vrasjes së Liridona Ademajt, duke i dënuar me burgim të përjetshëm Naim Murselin dhe Granit Plavën, ndërsa për Kushtrim Kokallën është shqiptuar dënimi me 30 vjet burgim.

Pas vendimit, avokati i Naim Murselit, Shemsedin Piraj, në një prononcim për KlanKosova ka paralajmëruar ankesë në Gjykatën e Apelit kundër vendimit me burgim të përjetshëm për klientin e tij.

“Kur të merret vendimi, gjithsesi po. Pa e marrë aktgjykimin nuk mund të them asgjë. Pa e parë aktgjykimin nuk e di saktësisht, por ankesa do të bëhet”, deklaroi ai.