ATV

Blog

  • Ky truk i thjeshtë do ta përshpejtojë ndjeshëm shkrirjen e frigoriferit tuaj

    Ky truk i thjeshtë do ta përshpejtojë ndjeshëm shkrirjen e frigoriferit tuaj

    Nëse ka shumë akull në frigoriferin tuaj, shkrirja është e pashmangshme. Por nuk ka nevojë të prisni gjatë pa nevojë. Një truk i thjeshtë mund ta përshpejtojë procesin.

    Së pari, hiqni të gjitha ushqimet, shkëputeni ngrirësin nga priza dhe hapni derën. Vendosni peshqirë ose lecka të tjera thithëse përpara pajisjes, pasi do të formohet shumë ujë gjatë shkrirjes.

    Pastaj vendosni një enë të qëndrueshme me ujë të nxehtë brenda. Nxehtësia dhe avulli do të ndihmojnë në zbutjen e akullit të grumbulluar, kështu që akulli do të fillojë të ndahet nga muret më shpejt.

    Siç këshillohet nga revista britanike Ideal Home, mund ta zëvendësoni ujin e nxehtë sipas nevojës kur ftohet. Është e rëndësishme të mos derdhni ujë të nxehtë direkt mbi depozitat e akullit.

    Truku është i thjeshtë, por mos prisni që një shtresë e trashë akulli të zhduket brenda pak minutash. Uji i nxehtë ka për qëllim kryesisht të përshpejtojë procesin dhe të zbutë akullin në mënyrë që të jetë më i lehtë për t’u hequr më vonë.

    Shkrirja shpesh prodhon më shumë ujë nga sa prisni, kështu që është mirë të keni shumë peshqirë dhe, nëse është e mundur, një enë të cekët për të mbledhur ujin.

    Ndërkohë, ruajeni ushqimin në një qese frigoriferike ose në një vend tjetër të përshtatshëm të freskët.

  • Rrobat prej liri rrudhen sapo i vishni? Ky truk e zgjidh problemin pa hekur

    Rrobat prej liri rrudhen sapo i vishni? Ky truk e zgjidh problemin pa hekur

    Rrobat prej liri rrudhen shpejt? Zbuloni si t’i hiqni rrudhat pa hekur dhe pa dërrasë hekurosjeje, vetëm me një truk të thjeshtë me ujë

    Liri është një nga materialet pa të cilat është e vështirë të imagjinohet vera. Është i ajrosshëm, i lehtë, i këndshëm në lëkurë dhe ka një pamje elegante pa u dukur i tepruar. Megjithatë, ka një veçori që shumë njerëzve u shkakton shqetësim – rrudhet pothuajse sapo e vishni.

    Këmishat, fustanet dhe pantallonat prej liri, pas vetëm disa orësh në dollap ose në valixhe, shpesh duken sikur kanë nevojë urgjente për hekurosje. Megjithatë, ndoshta nuk keni fare nevojë ta ndizni hekurin.

    Ekziston një truk i thjeshtë për të hequr rrudhat nga rrobat prej liri pa hekur dhe pa dërrasë hekurosjeje, madje nuk ju nevojitet as avulluesi. Gjithçka që ju duhet është ujë dhe një shishe e zakonshme me spërkatës, ndërsa i gjithë procesi zgjat vetëm disa minuta.

    Si t’i hiqni rrudhat nga rrobat prej liri pa hekur?

    Truku është shumë i thjeshtë dhe veçanërisht praktik kur jeni në udhëtim dhe nuk keni hekur pranë.

    Ju nevojiten:

    Vishni rrobën prej liri.
    Hidhni ujë të zakonshëm në një shishe me spërkatës.
    Spërkatni lehtë pjesët e rrudhura të pëlhurës.
    Lëreni rrobën të thahet natyrshëm ndërsa e mbani veshur.
    Ndërsa pëlhura thahet, rrudhat bëhen më pak të dukshme dhe rroba duket dukshëm më e rregullt.

    Këtë truk e përdori edhe influencuesja e modës Jean Wang gjatë një udhëtimi në Japoni. Mënyra e saj tërhoqi vëmendjen në rrjetet sociale. Në vend që të kërkonte hekur ose avullues, ajo e spërkati lehtë rrobën me ujë ndërsa e kishte veshur dhe më pas vazhdoi të përgatitej.

    Pikërisht kjo e bën metodën veçanërisht praktike në hotel, gjatë pushimeve ose kudo tjetër ku nuk keni mundësi të hekurosni në mënyrën tradicionale.

    Pse uji ndihmon në drejtimin e pëlhurës së lirit?

    Parimi është shumë i thjeshtë. Kur fijet e lirit lagen, ato çlirohen dhe relaksohen. Ndërsa pëlhura thahet, rrudhat bëhen më pak të dukshme dhe rroba fiton një pamje më të rregullt.

    Nuk është e nevojshme ta lagni rrobën shumë. Mjaftojnë disa spërkatje të lehta në pjesët ku rrudhat janë më të theksuara.

    Nëse nuk keni shishe me spërkatës, mund t’i lagni duart me ujë dhe t’i kaloni butësisht mbi pjesët e rrudhura të pëlhurës.

    Truku nuk vlen vetëm për lirin

    Sipas përvojave të përdoruesve që kanë komentuar këtë mënyrë të heqjes së rrudhave, metoda mund të jetë e dobishme edhe për materiale të tjera.

    Uji përdoret për zbutjen e shpejtë të rrudhave edhe te pambuku, viskoza dhe disa pëlhura të tjera. Megjithatë, para se ta provoni këtë truk në një veshje, është mirë të kontrolloni etiketën dhe udhëzimet e prodhuesit për mirëmbajtjen.

    Truk ideal për udhëtime

    Kjo mënyrë e heqjes së rrudhave është veçanërisht praktike kur paketoni rrobat në valixhe. Rrobat prej liri mund të rrudhen brenda vetëm disa orësh në bagazh, ndërsa në hotel nuk është gjithmonë i disponueshëm një hekur.

    Në vend të një pajisjeje të veçantë, mjafton një shishe e vogël me spërkatës, të cilën mund ta mbani në çantën e tualetit ose në bagazh.

    Një tjetër avantazh është se nuk keni nevojë të ndani kohë për hekurosje. Mund ta spërkatni lehtë rrobën, ta lini të thahet dhe ndërkohë të vazhdoni të përgatiteni.

    Sigurisht, uji nuk do t’i heqë plotësisht rrudhat e thella dhe të forta në çdo rast. Për rrobat prej liri shumë të rrudhura, hekuri ose avulluesi mbeten zgjidhje më efikase. Por kur dëshironi ta freskoni shpejt një rrobë dhe t’i jepni një pamje më të rregullt, ky truk i thjeshtë ia vlen të provohet.

  • Jashari: Rezultatet e Kosovës në PISA janë alarmante, Ministria duhet të veprojë

    Jashari: Rezultatet e Kosovës në PISA janë alarmante, Ministria duhet të veprojë

    eputetja e PDK-së, Sala Jashari ka reaguar për rezultatet e nxënësve të Kosovës në testin ndërkombëtar PISA, duke i cilësuar alarmante të dhënat për rënien e performancës në arsim.

    Jashari ka thënë se është e papranueshme që rezultatet e nxënësve të Kosovës të vazhdojnë të përkeqësohen, ndërsa arsimi, sipas saj, ende nuk po trajtohet me seriozitetin e duhur.

    “Është e papranueshme që rezultatet e nxënësve të Kosovës në PISA të vazhdojnë të bien, ndërsa arsimi ende pret të trajtohet me seriozitetin që meriton”, ka shkruar Jashari.

    Ajo ka krahasuar rezultatet me vitin 2015, duke theksuar rritjen e përqindjes së nxënësve që mbeten nën nivelin bazë të aftësive.

    “Krahasuar me vitin 2015, përqindja e nxënësve që mbeten nën nivelin bazë të aftësive është rritur me 7 pikë përqindjeje në matematikë, 7 në lexim dhe 11 në shkencë”, ka deklaruar ajo.

    Sipas Jasharit, këto shifra janë shqetësuese pasi pas tyre qëndrojnë nxënës që, pavarësisht viteve të kaluara në shkollë, nuk po marrin përgatitjen e nevojshme për jetën.

    “Këto shifra janë alarmante, sepse pas tyre janë fëmijë që po kalojnë vite në shkollë pa marrë përgatitjen që u duhet për jetën”, ka shkruar deputetja.

    Jashari ka kërkuar nga institucionet që të ndërmarrin masa konkrete për përmirësimin e gjendjes në arsim.

    “Ministria duhet të dalë me masa konkrete, afate dhe përgjegjësi të qarta”, ka theksuar ajo, duke kërkuar bashkëpunim me komunat, mësimdhënësit dhe prindërit.

    Deputetja ka thënë se rënia e rezultateve nuk duhet të pranohet si një realitet me të cilin shoqëria duhet të mësohet.

    Në fund, ajo ka paralajmëruar për pasojat që mund të ketë neglizhimi i problemeve në arsim.

    “Çdo vit i humbur në arsim ua ngushton mundësitë një brezi të tërë. Fëmijët tanë meritojnë veprim tani”, ka përfunduar Jashari.

  • Hapet hapësira e re për inovacion dhe startup-e në Pallatin e Rinisë në Prishtinë

    Hapet hapësira e re për inovacion dhe startup-e në Pallatin e Rinisë në Prishtinë

    Kryeqyteti, në bashkëpunim me ICK-në, ka hapur hapësirën e re të inovacionit në Pallatin e Rinisë në Prishtinë.

    Sipas Komunës, kjo hapësirë synon të shërbejë si pikëtakim për të rinjtë, startup-et dhe idetë kreative, me fokus në zhvillimin e ndërmarrësisë dhe krijimin e vendeve të reja të punës.

    Komuna e Prishtinës e ka cilësuar hapjen e kësaj hapësire si një hap të ri në mbështetjen e inovacionit dhe ndërmarrësisë në kryeqytet.

  • Nis Liga e Kampionëve, nata e parë sjell përballje të mëdha

    Nis Liga e Kampionëve, nata e parë sjell përballje të mëdha

    Janë bërë të ditur pesë klubet që do të garojnë për çmimin prestigjioz “Klubi i Vitit për Meshkuj 2026”, një nga kategoritë e rëndësishme të ceremonisë së organizuar nga France Football.

    Në listën e të nominuarve janë Arsenali, Bayern Munich, Bodo/Glimt, Flamengo dhe Paris Saint-Germain, skuadra që lanë gjurmë gjatë sezonit të kaluar, secila me paraqitje dhe rezultate të veçanta.

    Arsenali riktheu titullin e Ligës Premier në vitrinën e klubit pas një pritjeje prej 22 vitesh. Skuadra londineze ishte shumë pranë edhe triumfit në Ligën e Kampionëve, por në finale u mposht nga PSG-ja pas ekzekutimit të penalltive.

    Bayern Munich pati një sezon të jashtëzakonshëm në Gjermani nën drejtimin e Vincent Kompany. Bavarezët humbën vetëm një ndeshje në Bundesligë dhe dhuruan disa përballje spektakolare në Evropë, përfshirë sfidat ndaj PSG-së, Real Madridit dhe Atalantës.

    Surprizën më të madhe e përfaqëson Bodo/Glimt. Klubi norvegjez befasoi Evropën duke triumfuar ndaj emrave të mëdhenj si Atletico Madrid, Manchester City dhe Inter, duke siguruar një vend në fazën e eliminimit direkt.

    Në anën tjetër, Flamengo pati një sezon të suksesshëm në Amerikën e Jugut, duke fituar dy trofe të rëndësishëm nën drejtimin e Filipe Luis, përfshirë Copa Libertadores dhe kampionatin brazilian.

    Në garë është edhe Paris Saint-Germain. Kampionët francezë dominuan në Ligue 1 dhe arritën suksesin më të madh në Evropë, duke fituar Ligën e Kampionëve pas fitores ndaj Arsenalit në finale.

    Fituesi i çmimit do të mësohet më 26 tetor 2026, gjatë ceremonisë së “Ballon d’Or”, e cila do të mbahet në Londër të Anglisë.

  • Superliga vazhdon sot me dy ndeshje, Drenica pret Prishtinën, Llapi përballet me Vushtrrinë

    Superliga vazhdon sot me dy ndeshje, Drenica pret Prishtinën, Llapi përballet me Vushtrrinë

    Java e pestë e Albi Mall Superligës së Kosovës sjell sot, të martën, dy përballje që pritet të prodhojnë emocione dhe pikë të rëndësishme për skuadrat. Të dy takimet janë në program nga ora 16:00.

    Në Skenderaj, në stadiumin “Bajram Aliu”, Drenica do të përballet me Prishtinën në një duel ku vendasit kërkojnë fitoren e parë të sezonit, ndërsa mysafirët synojnë të vazhdojnë serinë pozitive.

    Prishtina e ka nisur kampionatin në mënyrën më të mirë të mundshme, duke regjistruar tri fitore në tri ndeshjet e para. Skuadra kryeqytetase do të kërkojë të ruajë ritmin edhe në Skenderaj, por përballë do të ketë një Drenicë që llogarit fuqishëm në mbështetjen e tifozëve dhe faktorin e fushës.

    Në të njëjtën kohë, në stadiumin “Liman Gegaj” në Malishevë, Vushtrria do të përballet me Llapin.

    Kjo sfidë është veçanërisht e rëndësishme për të dyja skuadrat, pasi fillimi i sezonit ka qenë shumë i vështirë. Si Vushtrria, ashtu edhe Llapi kanë pësuar nga katër humbje në katër ndeshjet e para, ndaj përballja e sotme është një mundësi për të ndryshuar situatën dhe për të regjistruar pikët e para.

    Dy ndeshje, katër skuadra dhe një objektiv i përbashkët: të dalin nga fusha me pikë dhe të kthejnë sezonin në rrugën e duhur.

  • Gjykata del me njoftim pasi e dënoi Xhelal Sveçlën: Dënimi me burg nuk i ekzekutohet nëse s’kryen vepra brenda një viti

    Gjykata del me njoftim pasi e dënoi Xhelal Sveçlën: Dënimi me burg nuk i ekzekutohet nëse s’kryen vepra brenda një viti

    Gjykata Themelore në Prishtinë, Departamenti i Përgjithshëm – Divizioni Penal, ka dalë me një komunikatë për media pasi ka shpallur aktgjykimin në çështjen penale ndaj ministrit në detyrë Xhelal Sveçlës për veprën penale Përdorimi i armës apo mjetit të rrezikshëm, nga neni 375 paragrafi 2 në nenin 375 paragrafi 1 të Kodit Penal të Republikës së Kosovës.

    “I akuzuari Xh.S. është shpallur fajtor dhe është dënuar me dënim me burgim me kusht në kohëzgjatje prej 1 (një) viti, i cili dënim nuk do të ekzekutohet nëse i akuzuari nuk do të kryej vepër penale brenda një viti”, njofton Gjykata.

    “I akuzuari Xh.S. është shpallur fajtor, pasi më datë 21.03.2018, në periudhën kohore nga ora 12:10 deri në ora 15:40, në Prishtinë, në sallën e seancave plenare të Kuvendit të Republikës së Kosovës, gjatë mbajtjes së seancës së jashtëzakonshme plenare, kishte përdor bombolë me gaz lotsjellës me përmbajtje të agjentit kimik CS ndaj deputetëve dhe personave të tjerë të pranishëm në sallë. I njëjti, në disa raste gjatë seancës, kishte aktivizuar bombolën dhe kishte hedhur brenda sallës plenare, pa paralajmërim paraprak dhe pa u lënë personave të pranishëm mundësi largimi, duke shkaktuar përhapjen e gazit irritues në hapësirën e mbyllur. Si pasojë, personat e pranishëm ishin detyruar të largohen nga salla dhe seanca plenare ishte ndërprerë.

    Obligohet i akuzuari që në emër të paushallit gjyqësor të paguaj shumën prej 50 euro si dhe në emër të kompensimit të viktimave të krimit shumën prej 20 euro, të gjitha këto pas plotfuqishmërisë së aktgjykimit.Pala e dëmtuar, për realizimin e kërkesës pasurore juridike udhëzohet në kontekst të rregullt juridiko-civil.Kundër këtij aktgjykimi, palët kanë të drejtë ankese në Gjykatën e Apelit të Kosovës, brenda afatit prej 30 (tridhjetë) ditësh nga dita e pranimit të aktgjykimit” përfundon njoftimi./Express/

  • Austria nis zbatimin e ndalimit të shamisë për vajzat nën 14 vjeç

    Austria nis zbatimin e ndalimit të shamisë për vajzat nën 14 vjeç

    Ndalimi i shamisë së kokës për vajzat nën 14 vjeç ka nisur të zbatohet me fillimin e vitit të ri shkollor në Austri, ndërsa komuniteti mysliman dhe organizata të tjera e kundërshtojnë masën.

    Me rikthimin e nxënësve në shkolla, Austria ka nisur zbatimin e ligjit që ndalon mbajtjen e shamisë së kokës për vajzat nën moshën 14-vjeçare. Masa është kundërshtuar nga organizata myslimane dhe grupe të tjera, të cilat e konsiderojnë atë diskriminuese, transmeton albinfo.ch.

    Viti i ri shkollor ka nisur të hënën në Vjenë, Austrinë e Poshtme dhe Burgenland, ndërsa në pjesën tjetër të vendit shkollat do të rihapen javën e ardhshme.

    Ligji është propozuar nga koalicioni qeverisës i përbërë nga tri parti të qendrës, i cili e ka arsyetuar masën me mbrojtjen e lirisë së vajzave. Legjislacioni u miratua në parlament në dhjetor, me mbështetjen edhe të Partisë së Lirisë, ndërsa kundër tij votuan vetëm të Gjelbrit.

    Kundërshtimi nga komuniteti mysliman

    Komuniteti Fetar Islamik në Austri (IGGO), organizata që përfaqëson zyrtarisht myslimanët në vend, e ka cilësuar ndalimin si shkelje të të drejtave themelore dhe ka paralajmëruar se do ta kundërshtojë ligjin në Gjykatën Kushtetuese.

    Gjykata Kushtetuese kishte hedhur poshtë në korrik disa kundërshtime, duke argumentuar se ligji ende nuk kishte hyrë në fuqi.

    Në vitin 2020, e njëjta gjykatë kishte shpallur të paligjshëm një ndalim të mëparshëm të shamisë, i cili zbatohej për fëmijët nën 10 vjeç. Sipas gjykatës, masa diskriminonte myslimanët dhe cenonte parimin e neutralitetit fetar të shtetit.

    Gjobat mund të arrijnë deri në 800 euro

    Legjislacioni i ri parashikon që shkolla të zhvillojë fillimisht një bisedë me çdo nxënëse që shkel ndalimin. Pas kësaj procedure, mund të vendoset një gjobë prej 150 deri në 800 euro.

    Ministri i Arsimit, Christoph Wiederkehr, ka thënë se ende nuk është e sigurt se si do të vlerësohet ligji nga Gjykata Kushtetuese.

    “Ne në qeveri zhvilluam konsultime shumë intensive dhe në Ministrinë e Arsimit u përpoqëm shumë të hartonim një ligj që të ishte në përputhje me kushtetutën”, ka deklaruar Wiederkehr për transmetuesin publik ORF./Albinfo.at

  • France Football zbulon finalistët për “Klubin e Vitit 2026”

    France Football zbulon finalistët për “Klubin e Vitit 2026”

    Janë bërë të ditur pesë klubet që do të garojnë për çmimin prestigjioz “Klubi i Vitit për Meshkuj 2026”, një nga kategoritë e rëndësishme të ceremonisë së organizuar nga France Football.

    Në listën e të nominuarve janë Arsenali, Bayern Munich, Bodo/Glimt, Flamengo dhe Paris Saint-Germain, skuadra që lanë gjurmë gjatë sezonit të kaluar, secila me paraqitje dhe rezultate të veçanta.

    Arsenali riktheu titullin e Ligës Premier në vitrinën e klubit pas një pritjeje prej 22 vitesh. Skuadra londineze ishte shumë pranë edhe triumfit në Ligën e Kampionëve, por në finale u mposht nga PSG-ja pas ekzekutimit të penalltive.

    Bayern Munich pati një sezon të jashtëzakonshëm në Gjermani nën drejtimin e Vincent Kompany. Bavarezët humbën vetëm një ndeshje në Bundesligë dhe dhuruan disa përballje spektakolare në Evropë, përfshirë sfidat ndaj PSG-së, Real Madridit dhe Atalantës.

    Surprizën më të madhe e përfaqëson Bodo/Glimt. Klubi norvegjez befasoi Evropën duke triumfuar ndaj emrave të mëdhenj si Atletico Madrid, Manchester City dhe Inter, duke siguruar një vend në fazën e eliminimit direkt.

    Në anën tjetër, Flamengo pati një sezon të suksesshëm në Amerikën e Jugut, duke fituar dy trofe të rëndësishëm nën drejtimin e Filipe Luis, përfshirë Copa Libertadores dhe kampionatin brazilian.

    Në garë është edhe Paris Saint-Germain. Kampionët francezë dominuan në Ligue 1 dhe arritën suksesin më të madh në Evropë, duke fituar Ligën e Kampionëve pas fitores ndaj Arsenalit në finale.

    Fituesi i çmimit do të mësohet më 26 tetor 2026, gjatë ceremonisë së “Ballon d’Or”, e cila do të mbahet në Londër të Anglisë.

  • E rëndë në Gjermani: Lojtari dyshohet se helmoi për vdekje shokun e skuadrës për një arsye tronditëse

    E rëndë në Gjermani: Lojtari dyshohet se helmoi për vdekje shokun e skuadrës për një arsye tronditëse

    Një futbollist 35-vjeçar në Gjermani, i identifikuar si Marius, është arrestuar nën dyshimin se ka helmuar në mënyrë fatale një shok skuadre gjatë një udhëtimi në fund të sezonit.

    Futbollisti, i cili luan për klubin amator TuS Rockenberg, dyshohet se helmoi fshehurazi një bashkëlojtar gjatë një udhëtimi të ekipit në Dresden, ku futbollistët kishin shkuar për të festuar përfundimin e sezonit.

    Gjatë udhëtimit, njëri prej lojtarëve, Philipp, papritmas filloi të ndihej keq. Pasi u kthye në shtëpi, gjendja e tij u përkeqësua dhe familja e tij thirri ambulancën.

    Philipp u dërgua në spital, por fatkeqësisht ndërroi jetë të nesërmen, më 16 qershor 2025, në moshën 30-vjeçare, pavarësisht përpjekjeve të mjekëve për ta reanimuar.

    Fillimisht, familja e viktimës besonte se ai ishte prekur nga një helmim i rëndë ushqimor, pasi gjatë udhëtimit ekipi kishte konsumuar peshk.

    Megjithatë, hetimet e mëvonshme zbuluan se shkaku i vdekjes së Philippit ishte dështimi i shumëfishtë i organeve, i shkaktuar nga helmimi.

    Gjatë hetimit, Marius u identifikua si i dyshuari kryesor.

    “Ne supozojmë se bëhet fjalë për një akt hakmarrjeje”, deklaroi prokurori i lartë Thomas Hauburger për mediat lokale, duke shtuar se dyshohet që motivi i hakmarrjes lidhej me një vajzë.

    “Jemi të gjithë të befasuar dhe të tronditur. Askush nuk e priste këtë. Shpresojmë që policia të jetë në gjendje të zbardhë plotësisht atë që ka ndodhur”, tha Manuel Barufe, drejtuesi i departamentit të futbollit të TuS Rockenberg, në një deklaratë për mediat lokale.