Një tërmet me magnitudë 3.6 ka ndodhur pak pas orës 1:30 të mëngjesit të së hënës në Follorinë.
Sipas Institutit Gjeodinamik, epiqendra e lëkundjes ndodhej 18 kilometra në veri-veriperëndim të Krystallopigi, ndërsa thellësia fokale u vlerësua në 10 kilometra.
Instituti Euro-Mesdhetar i dha të dhënat e tërmetit me magnitudë 4 ballë, ndërsa raportohet se lëkundjet janë ndjerë si në Shqipëri ashtu edhe në Shkup.
Koha në të cilën bie zilja e thirrjes së ndihmës e deri në momentet e fundit kur ndërmarrën të gjitha veprimet e një zjarrfikësi është punë minutash e presion i madh.
Të shërbyerit në këtë profesion është sfidë, rreziqet e shumta të cilat mund të vijnë nga çasti në çast nuk zbehin asnjëherë misionin për të cilin janë betuar.
Për Malë Gashin i cili është pjesë e zjarrfikësve, thotë se intervenimet në rastet më të rënda, kur arrijnë të shpëtojnë jetë njerëzish janë momente krenarie që na bëjnë t’i përkushtohemi me shumë kujdese punës dhe misionit.
Me shumë vështirësi, një lloje si në intervenime, ashtu edhe me kushtet jo të mira të punës, përballet jo vetëm Malë Gashi por edhe të gjitha kolegët me ndihmën e të cilëve arrihen shpëtimit e ndryshme.
Një profesion i tillë ndonëse ka krejt këto sakrifica, është i dashur për Malë Gashin për shkak të misionit që ka, ndihmën për njerëzit kur janë në rrezik dhe kjo ka ndikuar që ai të mos mendojë të tërhiqet ndonjëherë.
Përgjatë orarit të tij, thirrjet e rasteve për të intervenuar janë të shumta por edhe gatishmëria për të shërbyer është gjithnjë aty./ATVLIVE.TV/
Për më shumë ndiqni videon e mëposhtme:
Bujaria, mbështetja për atë që ka nevojë, si dhe mikpritjen kanë qenë gjithmonë virtyt i shqiptarëve.
Sondazhi i fundit i “Gallup”, i kryer në funksion të indeksit të lumturisë 2023, tregon se Shqipëria renditet ndër të fundit në Evropë, sa i takon treguesve të bujarisë dhe mbështetjes sociale.
Ndryshe është situata për shtetasit e Kosovës, që vazhdojnë t’í ruajnë e zbatojnë këto tradita, duke u renditur ndër të parët në botë sa i përket bujarisë.
Mbështetja sociale është një tregues që sipas metodologjisë së raportit lidhet me pasjen e dikujt ku të mbështetesh në kohë telashesh, transmeton atvlive.tv.
Shqipëria në këtë tregues renditet e fundit në Evropë dhe e 29-a nga fundi në botë.
Mbështetja sociale e shqiptarëve është njëlloj me atë të shteteve si Congo, Zimbabëe, Kenya, Honduras etj.
Në rajon, pas Shqipërisë, mbështetje më të ulët sociale ka në Maqedoninë e Veriut.
Kosova renditet ndër 40 vendet në botë që mbështesin njëri-tjetrin, ndërsa nuk ka të dhëna për Serbinë e Malin e Zi.
Shtetet me mbështetjen sociale më të lartë në botë janë Zelanda e Re, Danimarka, Finlanda, Islanda.
Edhe në indikatorin tjetër, atë të bujarisë, Shqipëria renditet ndër të fundit në Evropë.
Hulumtimet tregojnë se në të gjitha kulturat, duke filluar nga fëmijëria e hershme, njerëzit tërhiqen nga sjelljet nga të cilat përfitojnë njerëzit e tjerë.
Shqipëria është ndër vendet më pak bujare të Evropës, por rekordin negativ e mban Greqia, së bashku me Bullgarisë, Rumaninë, Portugalinë.
Shtetasit e Kosovës sërish renditen shumë më mirë sesa ne, ndër 25 shtetet më bujare në botë.
Mbështetja e ulët e pritshme nga miqtë e të afërmit, së bashku me të ardhurat e ulëta për frymë, e perceptimin e lartë të korrupsionit janë disa nga faktorët që e rendisin Shqipërinë ndër shtetet më të palumtura të Evropës.
Ndonëse të ardhurat për frymë të Kosovës janë më të ulëta sesa të Shqipërisë, sërish shtetasit e Kosovës renditen shumë më mirë se Shqipëria në indeksin e lumturisë, pasi fitojnë pikë nga mbështetja e lartë, që kanë për njëri-tjetrin./atvlive.tv/
Për më shumë ndiqni videon e mëposhtme:
Sekretari amerikan i Shtetit, Antony Blinken tha se forcat e armatosura sudaneze dhe Forcat rivale të Mbështetjes së Shpejtë kishin rënë dakord të respektonin një armëpushim mbarëkombëtar për 72 orë duke filluar nga mesnata.
“Gjeneralët ndërluftues të Sudanit kanë rënë dakord të mbajnë një armëpushim tre-ditor për të ndaluar përshkallëzimin e dhunës në vendin e Afrikës Lindore”, ka thwnw Blinken.
Blinken tha se “negociatat intensive” çuan në marrëveshjen midis Forcave të Armatosura Sudaneze (SAF), të udhëhequra nga gjenerali Abdel-Fattah Burhan, dhe gjeneralit të Forcave të Mbështetjes së Shpejtë paraushtarake (RSF) Mohammed Hamdan Dagalo, i cili zakonisht njihet si Hemedti.
“Gjatë kësaj periudhe, Shtetet e Bashkuara i bëjnë thirrje SAF dhe RSF që të respektojnë menjëherë dhe plotësisht armëpushimin”, tha Blinken në një deklaratë, shkruan AA.
“Për të mbështetur një përfundim të qëndrueshëm të luftimeve, Shtetet e Bashkuara do të koordinohen me partnerët rajonalë dhe ndërkombëtarë, dhe palët civile sudaneze, për të ndihmuar në krijimin e një komiteti për të mbikëqyrur negociatat, përfundimin dhe zbatimin e një ndërprerjeje të përhershme të armiqësive dhe marrëveshjet humanitare në Sudan”, shtoi ai.
SHBA gjatë fundjavës mbylli ambasadën e saj në Khartoum dhe evakuoi stafin e saj nga vendi ndërsa dhuna vazhdonte. Uashingtoni po shqyrton aktualisht opsionet për rifillimin e aktivitetit të tij diplomatik në vend, potencialisht me një prani të re me bazë në qytetin e Port Sudanit në Detin e Kuq, tha të hënën Departamenti i Shtetit.
Të paktën 413 persona janë vrarë dhe 3,551 të tjerë janë plagosur që nga 15 prilli kur shpërtheu konflikti në kryeqytetin Khartoum dhe qytete të tjera midis Forcave të Armatosura sudaneze dhe RSF-së, të cilën ushtria e kishte shpallur një grup rebel.
Mosmarrëveshjet ishin nxitur në muajt e fundit midis ushtrisë dhe RSF-së mbi reformën e sigurisë ushtarake. Reforma parashikon pjesëmarrjen e plotë të RSF-së në ushtri, një nga çështjet kryesore në procesin e negociatave të kryera nga palët ndërkombëtare dhe rajonale për kalimin në sundimin civil dhe demokratik në Sudan.
Kryetari i Odës Ekonomike të Kosovës (OEK), Lulzim Rafuna tha se shumë biznese prodhuese në vend kanë qenë të detyruara që të blejnë pajisje të automatizuara.
Rafuna i tha Ekonomia Online, se kjo ka ndodhur për shkak të mungesë së fuqisë punëtore. Madje ai ka përmendur shembullin që një kompani e prodhimit të karrigeve ka blerë 3 robotë për t’i zëvendësuar ata me katër punëtorë që kishte.
“Shumica e bizneseve për shkak të fuqisë punëtore, janë detyruar të riorganizohen. Kur them riorganizim e kam fjalën se kanë qenë të detyruar të blejnë pajisje të cilat janë të automatizuara, që të mos varen shumë nga fuqia punëtore”.
“Kjo ka ardhur edhe si rezultat e ngritjes së cilësisë së prodhimit, ngritjes së standardit, por ka ardhur më shumë si rezultat i mungesës së fuqisë punëtore. E vizitova një prodhues tonin të karrigeve. Ai më tregoi se ka pasur katër punëtorë fizikë që kanë ngjyrosur në mënyre mekanike ndërsa tani ka sjellë tre robotë që e bëjnë ngjyrosjen e karrigeve”.
“Domethënës ai më nuk është i varur prej fuqisë punëtore fizike se atë punë ia kryejnë robotët. Kështu që kjo i ka shtyrë bizneset që të riorganizohen dhe sa më lehtë ta kalojnë mungesën e fuqisë punëtore”.
Ai shtrenjtimin e energjisë elektrike e ka parë si sfidën kryesore me të cilën po përballen bizneset, bashkë me mungesën e fuqisë punëtore.
“Frika ka qenë gjatë periudhës së dimrit se a do të ketë energji elektrike dhe se a do të rritet çmimi. Askush nuk e ka pritur që në pranverë, kur pritet ngritja e temperaturave dhe rënia e konsumit, të rritet çmimi i energjisë elektrike. Sfida e dyta për prodhuesin është mungesa e fuqisë punëtore, e kualifikuar dhe e pakualifikuar. Sfida e tretë, duhet më shumë subvencionime nga ana e Qeverisë”.
Rafuna tha se bizneset e kanë pritur me shumë shqetësim rritjen e çmimit të energjisë elektrike, sepse kjo rritje reflektohet në koston e tyre e pastaj edhe te qytetarët përmes rritjes së çmimit të produktit final.
“Rritjen e çmimit të energjisë elektrike, bizneset e kanë pritur me shumë shqetësim. Si një kosto shtesë, kjo në fund i faturohet qytetarit përmes produktit final. Do të shohim se a do të ketë ndonjë ndihmë prej Qeverisë, së paku ta mbulojë këtë dallimin e energjisë elektrike. Kur ju ndihmon bizneseve, ju ndihmon edhe qytetarëve”.
Shpërthimet në depon pakistaneze të municioneve kundër terrorizmit vranë të paktën 13 persona dhe plagosën mbi 50 të tjerë të hënën.
Shefi i policisë provinciale Akhtar Hayat tha se shpërthimet tronditën zyrën kundër terrorizmit në luginën veriperëndimore Swat, e cila më parë ishte e kontrolluar prej kohësh nga militantët islamikë përpara se ata të dëboheshin në një operacion ushtarak në 2009, shkruajnë mediat e huaja.
Zëdhënësi i tij tha në një deklaratë të lëshuar më vonë se municionet morën zjarr, “me shumë gjasa për shkak të një qarku të shkurtër elektrik. Asnjë dëshmi e një sulmi nga jashtë nuk është gjetur deri më tani”.
Policia dhe ushtria pakistaneze kanë një prani të konsiderueshme të stafit të tyre kundër terrorizmit në luginë, e cila ka qenë e prirë ndaj kryengritjes.
Shumica e të vrarëve në shpërthimet e sotme ishin oficerë të policisë kundër terrorizmit, tha Hayat, duke shtuar se një grua dhe fëmija i saj që po kalonin pranë ndërtesës u vranë gjithashtu.
Shefi rajonal i departamentit të kundër terrorizmit, Sohail Khalid, u tha gazetarëve se shpërthimet nuk dukeshin të ishin një sulm vetëvrasës apo akt tjetër terrorizmi.
“Kishte një dyqan ku kishim një sasi të madhe armësh dhe deri më tani besojmë se mund të ketë ndonjë shpërthim në të për shkak të një pakujdesie. Ne po i mbajmë të gjitha opsionet tona të hapura”, tha ai.
Shqiptarët gjenden anekënd botës, thuajse në çdo sferë të jetës.
Emra eminentë kanë pushtuar skenat muzikore, fushat sportive, botën biznesore e ku jo tjetër.
E tani vjen edhe një sukses i një shqiptari nga Kosova.
Ai është Edmond Smajli, një pilot ushtarak i ushtrisë së Shteteve të Bashkuara të Amerikës.
Rreth sukseseve të tij kanë folur familjarët e tij.
“Të premten Edmondi arriti në pikën kthesë të jetës së tij profesionale si pilot luftarak në Forcat Luftarake Amerikane (US Air Force), duke zbuluar se është i bekuar me mundësinë për të vazhduar karrierën e tij duke fluturuar aeroplanin luftarak A-10 Warthog”, njoftojnë familjarët.
Presidenti serb kritikoi ashpër të hënën zyrtarët perëndimorë që ndërmjetësojnë bisedimet për normalizimin e marrëdhënieve me Kosovën, duke i quajtur ata gënjeshtarë dhe mashtrues dhe tha se pakica serbe në Kosovë nuk do të tolerojë më “pushtimin” e huaj.
Aleksandar Vuçiç foli një ditë pas zgjedhjeve lokale në veriun e Kosovës të banuar me shumicë serbe, të cilat u bojkotuan nga votuesit serbë. Si rezultat, në postet e kryetareve të katër komunave në zonë, u zgjodhën kandidatët shqiptarë.
Presidenti Vuçiç vlerësoi bojkotin e votimeve nga serbët e Kosovës, duke thënë se ai përfaqësonte “një kryengritje politike paqësore” kundër “pushtuesve” të tyre. Serbët pretendojnë për keqtrajtime nga autoritetet e Prishtinës dhe kërkojnë autonomi për rajonet ku përbëjnë shumicën.
“Njerëzit tanë në Kosovë kanë treguar se në cilin vend duan të jetojnë”, tha Vuçiç, udhëheqësi populist i cili njihet për shpërthimet e tij të shpeshta antiperëndimore. Ai me sa duket është i zemëruar me Bashkimin Evropian dhe Shtetet e Bashkuara për lejimin e Prishtinës që të mbajë zgjedhje në veri kur kur pritej bojkotimi nga serbët i kërkuar nga Beogradi.
Bashkimi Evropian tha të hënën se zgjedhjet janë mbajtur në përputhje me kuadrin ligjor të Kosovës dhe se janë bërë përpjekje që ato të zhvillohen në mënyrë të qetë dhe të rregullt.
“Në të njëjtën kohë, BE-ja shpreh keqardhjen që jo të gjitha partitë dhe komunitetet e shfrytëzuan të drejtën e tyre demokratike për të marrë pjesë dhe votuar në zgjedhje”, thuhet në deklaratën e BE-së. “Pjesëmarrja shumë e ulët, veçanërisht në mesin e qytetarëve serbë të Kosovës, tregon se ky proces nuk është dhe nuk mund të konsiderohet si i zakonshëm”.
Kosova është një ish provincë me shumicë shqiptare etnike që ishte nën administrimin serb. Lufta e viteve 1998-1999 shpërtheu kur shqiptarët etnikë separatistë ngritën krye kundër sundimit të Serbisë dhe Beogradi u përgjigj me një shtypje. Rreth 13,000 njerëz u vranë, kryesisht shqiptarë etnikë. Në vitin 1999, një ndërhyrje ushtarake e NATO-s e detyroi Serbinë të tërhiqej nga territori. Kosova shpalli pavarësinë në vitin 2008.
Tensionet kanë vluar që atëherë. Pavarësia e Kosovës njihet nga shumë vende perëndimore, por kundërshtohet nga Beogradi me mbështetjen e Rusisë dhe Kinës. Bisedimet e ndërmjetësuara nga BE-ja kanë bërë pak përparim në vitet e fundit, megjithëse udhëheqësit e Kosovës dhe Serbisë muajin e kaluar u pajtuan të zbatojnë një plan evropian për të normalizuar marrëdhëniet pas dekadash me tensione.
Presidenti serb Vuçiç tha se ai “ndoshta” do të marrë pjesë në raundin tjetër të bisedimeve të ndërmjetësuara nga BE-ja me kryeministrin e Kosovës Albin Kurti, të planifikuar për t’u mbajtur në Bruksel më 2 maj, pavarësisht se “nuk priste asgjë” nga ai takim.
“Kam frikë se kjo është hyrje në një krize shumë më të thellë”, tha ai./VOA
Normalizimi i marrëdhënieve në mes Kosovës dhe Serbisë, hapat e ardhshëm dhe roli i zgjerimit të Bashkimit Evropian, ishin temat që u diskutuan sonte në një panel në Vjenë.
Kështu njoftoi emisari i BE-së, Miroslav Lajçak në një shkrim në Twitter. Ai tregoi se pjesë e panelit ishte edhe ish-i dërguar i BE-së për Kosovën, Wolfang Petrisch, për të cilin e falënderoi për diskutimin.
Ky diskutim ndodhi para se kryeministri i Kosovës, Albin Kurti dhe presidenti i Serbisë, Aleksandar Vuçiq, të takohen në Bruksel. Takimi i tyre është paraparë të mbahet më 2 maj.
Agjenda e takimit të nivelit të lartë do të përfshijë miratimin zyrtar të Deklaratës për Personat e Zhdukur dhe prezantimin e draft-statutit të parë të Asociacionit të Komunave me Shumicë serb.
“Shkëmbim i mirë për normalizimin e marrëdhënieve ndërmjet Kosovës dhe Serbisë, hapat e ardhshëm dhe rolin e zgjerimit të BE-së, në Vjenë sonte. Faleminderit @WebsterVienna për organizimin dhe kolegët e mi bashkëpanelistët Wolfgang Petritsch dhe Stephanie Fenkart për diskutimin!”, shkroi diplomati sllovak në Twitter.
Good exchange on the normalisation of relations between Kosovo and Serbia, the next steps and the role of 🇪🇺 enlargement in Vienna tonight. Thanks to @WebsterVienna for organizing and my fellow co-panelists Wolfgang Petritsch and Stephanie Fenkart for the discussion! pic.twitter.com/JKvKSP264n
— Miroslav Lajčák (@MiroslavLajcak) April 24, 2023
Ministri i Punëve të Jashtme të Finlandës, Pekka Haavisto, ka uruar Republikën e Kosovës për atë që e ka konsideruar si një hap të rëndësishëm drejt anëtarësimit në Këshillin e Evropës.
Sipas njoftimit, Finlanda e mbështet fuqishëm anëtarësimin e Kosovës në KiE.
“Finlanda mbështet me vendosmëri anëtarësimin, i cili do të ndihmojë në mbrojtjen e të drejtave të njeriut në Kosovës dhe integrimin evropian”, thuhet në cicërimën e ministrisë së Jashtme finlandeze.
Këtë deklaratë e ka shpërndarë në Facebook edhe ambasada e Finlandës në Kosovë.
Komiteti Ministror i Këshillit të Evropës vendosi dje që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës.