Tash e pesë ditë Nezir Osmani nga Prishtina vazhdon të jetë i humbur dhe për të nuk dihet asgjë.
Familjarët e tij, kanë kërkuar ndihmën e qytetarëve për gjetjen e 60 vjeçarit, Nezir Osmani.
Sipas familjarëve, Nezir Osmani ka dal nga shtëpia më 5 maj, dhe nuk është kthyer më.
Qytetarët të cilët kanë informacione lidhur me vendndodhjen e tij, mund të thërrasin familjarët në këta numra 044 219 050 ose të lajmërojnë Policinë e Kosovës.
Kryeministri Albin Kurti, në konferencën e titulluar “Vienna Economic Talks – Prishtina Meeting 2023”, ka thënë se qeveria të cilën ai e drejton, parasheh zhvillimin e energjisë së ripërtërishme në 10 vitet e ardhshme.
“Kam pasur kënaqësinë të jem pjesë e vendit ku ndajmë sfidat fitoret dhe vizionet me njëri-tjetrin, ndërsa përmenda arritjet e së kaluarës, jam edhe më entuziast për ato të së ardhmes që po shikojmë në vitet ambicioze dhe të gjelbra përpara”.
Kurti përmendi edhe marrëveshjen e fundit me FMN-në, e cila do të përdoret për energjinë e riprodhueshme, raporton Ekonomia Online.
“Marrëveshja e fundit me FMN-në na jep 80 milionë euro fillestare për ndërtimin e kondensatorëve të energjisë së rinovueshme dhe diellore me mundësinë e 80 milionëve të tjerë dhe në strategjinë tonë energjetike 2022-2031 parashikojmë për më pak se 10 vjet më shumë se 1300 megabit të prodhuar nga energjitë e rinovueshme. Po krijojmë gjithashtu fondet e para sovrane të pasurisë së vendit tonë”.
Me datën 07.05.2023 rreth 15:00 Policia Rajonale e Ferizajt ka pranuar një informacion se në rrugën magjistrale Ferizaj-Prishtinë tek një qendër tregtare në Ferizaj, një person i dyshuar aty kishte blerë produkte ushqimore në vlerë rreth 740 euro, të gjitha monedha nga dy (2) euro të dyshuara si të falsifikuara dhe ishte larguar.
Policët e rendit, e më pas edhe policët hetues menjëherë i janë përgjigjur kësaj informate dhe nën autorizim të prokurorit kujdestar nga Prokuroria Themelore në Ferizaj i kanë nisur hetimet .
Pas një pune intensive hetimore, grumbullimit të informacioneve në terren, shikimit të kamerave të sigurisë, është identifikuar dhe është shoqëruar në stacionin e policisë në Ferizaj personi i dyshuar H.R ( M/K) i moshës 41 vjeçar.
Pas intervistimit të tij nga policët hetues, me vendim të prokurorit të rastit i njëjti është liruar në procedurë të rregullt hetimore , kurse monedhat në vlerë 740 euro, të gjitha monedha nga dy (2) euro janë konfiskuar, për procedura të mëtejme hetimore.
Rasti është cilësuar ‘’ Falsifikim i parasë’’.
Bashkimi Evropian e ka paralajmëruar kompaninë Apple se në rast që do të kufizojë funksionalitetet e portit të mbushësit USB-C, mund t’ia ndalojë shitjen e pajisjeve në bllok, shkruan TechoNews.
Vitin e kaluar, BE-ja miratoi një ligj që do të kërkojë që iPhone dhe shumë pajisje të tjera të karikimit të kabllove të pajisen me një port USB-C përpara se të shiten. Apple ka afat deri më 28 dhjetor 2024 për të respektuar ligjin, por kalimi nga Lightning në USB-C pritet të ndodhë me modelet iPhone 15 më vonë këtë vit.
Në shkurt, dolën informacione se Apple mund të planifikojë të kufizojë shpejtësinë e karikimit dhe funksionalitetet e tjera të kabllove USB-C që nuk janë të certifikuara sipas programit “Made for iPhone”.
Në përgjigje të këtyre spekulimeve, komisioneri evropian Thierry Breton i dërgoi Appleit një letër duke paralajmëruar kompaninë se kufizimi i funksionalitetit të kabllove USB-C nuk do të lejohet dhe do të parandalojë shitjet e iPhoneit në BE kur ligji të hyjë në fuqi, sipas deklaratës. Letra është marrë nga agjencia gjermane e lajmeve DPA, dhe raporti thotë se BE-ja e paralajmëroi Applein gjatë një takimi në mes të marsit.
Duke pasur parasysh se ka kohë deri në fund të vitit 2024 për të respektuar ligjin, Apple mund të vazhdojë ende me përfshirjen e një çipi në portin USB-C në modelet iPhone 15 më vonë këtë vit. Dhe me modelet e iPhone 16 që pritet të lansohen në shtator 2024, edhe ato pajisje do të jenë në treg përpara se ligji të hyjë në fuqi.
Megjithatë, për kufizimin e funksionalitetit të portit të mbushësit USB-C nga Apple ka pasur vetëm raporte në media. Kompania ende s’ka reaguar.
Të tjera detaje dalin në dritë nga ngjarja rrëqethëse në Itali, ku një 45-vjeçar shqiptar i identifikuar si Taulant Malaj, vrau një shtetas italian dhe të bijën 16-vjeçare, pasi kjo e fundit ndërhyri për të mbrojtur të ëmën.
Autori i vrasjes pasi kreu krimin e dyfishtë, ka filmuar ngjarjen makabre dhe pamjet së bashku me një rrëfim ua ka dërguar disa personave me mesazh në Whatsapp, shkruan Top Channel.
Në videon me pamjet e rënda, Malaj dëgjohet të thotë: “E shikoni këtë këtu, ky është italiani. Gruaja ime…Ja fala njëherë, ky është i dyti. E shikoni, e kam therur vetë. Vetë e kam therur. I vrava që të tre, edhe çupën sepse ngacmonte edhe çupën.”
Sikurse duket edhe nga pamjet, pas filmimeve jashtë, Malaj futet në banesë duke vijuar pandërprerë xhirimet e pamjeve horror. Aty shihet trupi i pajetë i të bijës i shtrirë në tokë, ndërsa i drejtohet bashkëshortes duke i thënë: “Shikoje këtu, vrasje këtu. Këta janë. Pusho o … pusho. Pusho. Boll o …Boll, boll, boll se ta fala njëherë, boll.”
Ndërsa e shoqja dëgjohet të thotë “po çfarë bëre kështu”.
“Shiko i kam therur dhe do t’i ther akoma, s’ka ardhur asnjë polici. Ku është djali? Do t’i ther tani”, thotë Malaj në video.
Mediat italiane raportojnë se Taulant Malaj, dyshonte se gruaja e tij 39-vjeçe kishte një lidhje jashtëmartesore me tregtarin italian Massimo De Santis, pronar i “Jolly”, dy lokaleve të njohura në Torremaggiore dhe njëherazi, kunati i senatorit Gisella Naturale. Në rrethana ende të paqarta, ai ka qëlluar shtetasin italian në shkallët e pallatit, aty ku duken njollat e mëdha të gjakut.
Gjatë konfliktit, Malaj ka tentuar të vrasë bashkëshorten, Tefta Malaj, por dyshohet se ka qenë vajza 16-vjeçare e çiftit, Gessica, që u qëllua për vdekje në vend të saj pasi ndërhyri për të mbrojtur nënën. Bashkëshortja e vrasësit shqiptar ka mbetur e plagosur dhe ndodhet në spitalin e Foggia në gjendje jo të rëndë shëndetësore, por e shokuar nga ngjarja.
Pas vrasjeve, Malaj u arrestua pranë pallatit. Gjatë ndalimit nga policia, ai ka rrëfyer se po kërkonte djalin e tij pesë vjeçar. Në vendngjarje u sekuestrua arma e vrasjes, një thikë kuzhine. Familja shqiptare ishte me origjina nga Selenica e Vlorës, ndërsa nuk dihet nëse mes çiftit ka pasur konflikte të mëparshme.
Elianë Blakaj, ka njoftuar se është shkarkuar nga pozita e Drejtoreshës për Kulturë, Rini dhe Sport mnë Komunën e Istogut. Sipas saj, arsyet e shkarkimit janë banale si “mosbindja ndaj urdhërave të shefit’’.
Sipas saj, shkarkimi ndodhi për shkak se “nënkryetari kishte dëshirë të ushtronte detyrën e Drejtorit të Drejtorisë të cilën e menaxhonte ajo”.
“Pres njerëz që do të kënaqen me shkarkimin tim, ngase jo çdo kujt i pëlqen korrektësia, por fatbardhësisht ka shumë njerëz që do i mërziten shkarkimit tim”, shprehet ajo.
Ajo shprehet se kryetari i degës ka vendosur për fatin e saj, dhe ka realizuar “përpjekjen e tij një vjeçare për shkarkimin e saj”.
“Paaftësia e tij për të ushtruar pozitën e lartë që mbanë brenda Komunës, pamundësia e ushtrimit të kompetencave, dëshira për me kontrollu gjithçka dhe pamundësia për me blloku punën time bëri që ai të vendos për shkarkimin tim”, është shprehur ajo.
Çmimet e derivateve janë në rënie të vazhdueshme si në Kosovë ashtu edhe në rajon. Megjithatë, çmimi i karburanteve më i lirë deri më tani është në Maqedoninë e Veriut.
Në këtë shtet fqinjë jugor, çmimi i derivateve ka rënë në 1.09 euro. Në tregun e Kosovës derivatet po tregtohen nga 1.19-1.29 euro për 1 litër, ndërsa në Shqipëri 1.50 euro dhe në Serbi 1.51 euro.
Ministri i Ekonomisë në Maqedoninë e Veriut, Kreshnik Bekteshi ka treguar arsyet përse ky shtet ka çmimet më të ulëta të derivateve në rajon.
Sipas ministrit Bekteshi, fal politikave qeveritare për menaxhim me krizën, ky shtet ka çmimet e naftës më të lira në rajon.
“Çmimi i derivateve të naftës përcaktohet në berzë, megjithatë politikat fiskale (akcizat, TVSH, etj.)kanë ndikim të konsiderueshëm në çmimin final që e paguajnë konsumatorët. Pikërisht, fal politikave qeveritare për menaxhim me krizën kemi çmimet e naftës më të lira në rajon”, ka njoftuar Ahmeti.
Ai ka treguar edhe çmimet e naftës për shtetin e tij dhe vendet e rajonit.
“Maqedonia e Veriut – 1.09 euro ose 67 den, Kosova – 1.19-1.29 euro ose 73-79 den, Shqipëria – 1.50 euro ose 93 den ose 169 lek, Serbia – 1.51 euro ose 182 din”, bën të ditur ai.
Kosova do të paraqitet me shtatë garues në Kampionatin Botëror për senior të xhudos që do të mbahet nga sot, deri më 13 maj në Doha të Katarit.
Në këtë garë, vendin do ta përfaqësojnë edhe dy xhudistet olimpike, Distria Krasniqi dhe Nora Gjakova.
Kampionati Botëror do të ketë pjesëmarrës nga 5 kontinente, 99 shtete, me 658 garues, 344 meshkuj e 314 femra.
Ekipi elitarë i xhudistët kosovarë të cilët do të marrin pjesë janë:
1.Distria Krasniqi (-52 kg);
2.Erza Muminoviq (-52 kg);
3.Nora Gjakova (-57 kg);
4.Flaka Loxha (-57 kg);
5.Akil Gjakova (-73 kg);
6.Laura Fazliu (-63 kg);
7.Loriana Kuka (-78 kg).
Kurorëzimi i Mbretit u ndoq mesatarisht nga 18 milionë shikues në Mbretërinë e Bashkuar.
Ceremonia, e cila pa kurorëzimin e Mbretit dhe Mbretëreshës Camilla, u transmetua njëkohësisht në një sërë kanalesh.
Shikimet arritën kulmin në 20.4 milionë ndërsa Mbreti u kurorëzua vetëm pas mesditës, tha grupi i matjes së audiencës Barb, raporton BBC.
Mesatarisht, 18.8 milionë njerëz u akorduan për të parë Kurorëzimin në 11 kanale dhe shërbime.
Miliona njerëz mendohet se kanë parë kurorëzimin e Mbretëreshës në televizion në vitin 1953 – por nuk ka shifra të besueshme, duke e bërë të vështirë matjen me ceremoninë e këtij viti.
Shërbimi i funeralit për ish-bashkëshorten e mbretit, Diana, Princesha e Uellsit në vitin 1997 u pa nga 31 milionë në BBC dhe ITV – duke e bërë atë audiencën më të lartë televizive në rekord.
Rita Ora ka njoftuar se ka pranuar çmimin ‘’Brit Billion’’ sepse ka grumbulluar 1 miliardë shikime.
Ajo falënderoi të gjithë ata që kanë dëgjuar muzikën e saj ndër vite dhe njoftoi se albumi i saj i ri do të publikohet më 14 korrik, duke uruar që do të ketë 1 miliardë shikime të tjera.
Rita vazhdon të komentohet për veshjen e saj në metgala 2023 që po cilësohet si një nga veshjet më të mira të ngjarjes./atvlive.tv/