Blog

Ndonëse nuk e kishte dëshirë të fëmijërisë, Florian Bekteshi, profesionin e përkthyesit e nisi vonë pasi kishte studiuar e ndjekur rrugë krejt tjera.

Pas përfundimit të fakultetit të ekonomisë, Floriani vendosi ta përfundonte edhe atë të gjuhës angleze kështu duke e ndërruar krejtësisht rrugën që kishte nisur.

Sfida të shumta, punë e cila nuk ishte fare e lehtë, ai gjatë këtij rrugëtimi ka pasur mbështetje të fortë nga rrethi e familja.

“Sfida të shumta, punë e cila nuk ishte fare e lehtë, ai gjatë këtij rrugëtimi ka pasur mbështetje të fortë nga rrethi e familja. Është profesion goxha sfidues ndoshta si çdo profesion tjetër, është goxha sfidues sepse ka të bëjë me lloje të ndryshme të dokumenteve apo teksteve dhe duhet pasur kujdes se çfarë është kuptimi i atij teksti, p.sh., fillimisht duhesh ta kuptosh mesazhin e tekstin në gjuhën shqipe pastaj ta transmetosh atë mesazh në gjuhën angleze”, tha ai.

Gjatë punës si përkthyes që nga viti 2015 e deri më tash ai ka pasur dosje e tekste të rëndësishme përballë por Floriani tregon se cili është përkthimi më i rëndësishëm që ka bërë./atvlive.tv/

Për më shumë ndiqni videon e mëposhtme:

Ka përfunduar takimi i Albin Kurtit me ambasadorët e vendeve të QUINT-it por që të njëjtit nuk janë prononcuar për medie.

Temë kryesore e takimit u raportuar se ishin zhvillimet në veri.

Po ashtu në takim u diskutua mundësia për gjetjen e shpejtë të një zgjidhjeje bazuar në kërkesat dhe këshillat e ambasadorëve.

Takimi ndodhi një ditë pasi ambasadorët e QUINT-it nuk shkuan në pritjen zyrtare të organizuar nga presidentja Vjosa Osmani për të festuar 12 qershorin, Ditën e Çlirimit të Kosovës.

Kryeministri Kurti do të dalë në orën 11:00 në konferencë për medie. Me ç’rast mund të bëhen të ditura detaje për takimin e sotëm i cili raportohet se u zhvillua për situatën e krijuar në veri.

Presidentja e Republikës së Kosovës, Vjosa Osmani, me ftesë të Presidentes së Parlamentit Evropian, Roberta Metsola, do t’i adresohet Parlamentit Evropian këtë të mërkurë. Kjo është hera e parë që një President i Republikës së Kosovës si shtet i pavarur, do t’i drejtohet seancës plenare të Parlamentit Evropian.

Presidentja Osmani do t’i adresohet deputetëve të Parlamentit Evropian lidhur me arritjet e Kosovës dhe rrugën e saj drejt anëtarësimit në Bashkimin Evropian. Ajo do të shprehë mirënjohjen e qytetarëve të Kosovës për përkrahjen që Parlamenti Evropian ka ofruar për Kosovën që nga vitet e 90-ta.

Sipas komunikatës së Presidencës, gjatë qëndrimit në Strasburg, ku po mbahet seanca e Parlamentit Evropian, Presidentja Osmani do të pritet fillimisht nga Presidentja e Parlamentit Evropian, Roberta Metsola në një takim për të diskutuar bashkëpunimin ndërmjet Republikës së Kosovës dhe këtij institucioni, e pastaj do të takojë edhe udhëheqësit e grupeve kryesore politike të përfaqësuara në Parlamentin Evropian.

Përveç takimeve me përfaqësues të Parlamentit Evropian, gjatë qëndrimit në Strasburg, Presidentja Osmani do të takojë edhe përfaqësues të Këshillit të Evropës.

Rusia ka goditur ndërtesat civile në Kryvyi Rih në Ukrainë, për çka presidenti ukrainas Volodymyr Zelensky ka thënë se rusët po vazhdojnë luftën kundër njerëzve të zakonshëm.

“Vrasësit rusë vazhdojnë luftën e tyre kundër ndërtesave të banimit, qyteteve të zakonshme dhe njerëzve”, ka shkruar ai në Telegram.

Duke u shprehur ngushëllime të gjithë atyre që kanë humbur të dashurit e tyre ai u shpreh se terroristët nuk do të falen kurrë.

“Ata do të mbahen përgjegjës për çdo raketë që ata lëshojnë”, ka shkruar Zelensky.

Presidenti i Serbisë, Aleksandar Vuçiq, ka thënë sonte se situata në Kosovë po komplikohet dhe se është i “shqetësuar” për këtë.

Ai shtoi se Serbia është e gatshme për kompromise, por se Kosova duhet të largojë kryetarët e rinj në veri dhe të fillojë themelimin e Asociacionit të Komunave me Shumicë serbe.

“Jemi gati për kompromise, vetëm ju kërkoj që të largoni kryetarët e rrejshëm nga ndërtesat komunale, le të japin dorëheqje. Jemi gati për kompromise, por edhe të fillojmë formimin e AKS-së”, tha Vuçiq Tv Hepa.

Ai ka raportuar se ka pasur diskutime të vështira për Kosovën.

“Me Miroslav Lajçak (emisari i BE-së), me disa përfaqësues amerikanë dhe me një nga përfaqësuesit më të lartë të BE-së, mbrëmë vonë kam pasur një bisedë jo të lehtë. Situata po ndërlikohet dhe më shqetëson shumë”, ka theksuar Vuçiq.

Ai raportoi se ushtria serbe ka kaluar nga niveli më i lartë në një nivel pak më të ulët të gatishmërisë luftarake. “Por ne kemi ende mjaft ushtarë për të ndihmuar popullin tonë”, nënvizoi ai.

Ai tha se nuk përjashton mundësinë që dikush të dëshirojë konflikte, duke shtuar se kjo dëshirë ekziston në tre apo katër vende. “Unë nuk mendoj se duhet të them se cilat vende janë”, shtoi ai.

Vuçiq theksoi se kishte biseda shumë të vështira në Kishinev të Moldavisë, veçanërisht me kancelarin gjerman Olaf Scholz dhe presidentin francez Emmanuel Macron.

“Kam respekt të madh për kancelarin Scholz, jam politikisht i afërt me presidentin Macron. Ishte një bisedë shumë e vështirë. Unë thashë në një moment që nuk mendoj se është e drejtë dhe as për ta nuk ishte e lehtë. Ne kemi për t’i kuptuar ata, ata nuk duan luftë, konflikt. E jona është të mbrojmë paqen, interesat e popullit tonë, që populli ynë të mbijetojë. Prandaj nuk është e lehtë të bisedosh as me serbët e Kosovës”, shpjegoi ai.

Vuçiq tha se duhet të kujdeset për interesat e qytetarëve në mbarë Serbinë. Ai gjithashtu theksoi se të gjithë në botë janë duke pritur për zgjedhjet presidenciale amerikane dhe se korriku dhe gushti do të jenë shumë të rëndësishëm për Serbinë, veçanërisht nëse vjen Jim O’Brien, duke thënë se ai është një njeri që i kupton gjërat dhe di të dëgjojë.

“Nuk ka mashtrim me të dhe nuk është i informuar vetëm nga sektori i OJQ-ve, por ai sheh gjithçka dhe kupton gjithçka. Ai është jashtëzakonisht inteligjent, si Christopher Hill”, tha Vuçiq.

Ai ka përsëritur se është “shumë i shqetësuar” për Kosovën, sepse nesër do të prezantohen raportet e kryediplomatit evropian Josep Borrell dhe emisarit Miroslav Lajçak e të tjerë dhe se do të ketë propozime për masa të ndryshme.