ATV

Blog

  • “Padëgjueshmëria” dhe miliardat e SHBA-së e të BE-së për Kosovën!

    “Padëgjueshmëria” dhe miliardat e SHBA-së e të BE-së për Kosovën!

    PËRGATITI: FATLUM JASHARI

    Përfaqësuesi i Posaçëm i BE-së, Miroslav Lajcak, nuk është i lumtur me rezultatet nga misioni për shtensionim në Prishtinë dhe Beograd, ndonëse pa disa sinjale pozitive. Në kohën kur përmenden, pasoja të tjera eventuale për Kosovën, në rast të pa-dëgjueshmërisë, partnerët përmendin se ato mund të jenë financiare. Krahas miliardave ndër vite, Kosova ka në proces investime e projekte qindra-milionëshe me SHBA-në e BE-në.

    “Tensionet mbeten ende të larta”, shkroi përfaqësuesi i Posaçëm i BE-së për Dialogun Kosovë-Serbi, teksa njoftoi se përkundër disa sinjaleve pozitive, priste më shumë rezultat nga vizitat në Prishtinë dhe në Beograd.

    Krahas raportimit te vendet anëtare të BE-së për vizitën e përbashkët me Zëvendës-Ndihmës Sekretarin Amerikan, Gabriel Escobar, emisari Miroslav Lajcak theksoi se po vazhdojnë përpjekjet për mundësimin e një zgjidhjeje politike për situatën e krijuar në veri të Kosovës.

    Në rast dështimi për shtensionim dhe për të lëvizur përpara në zbatimin e marrëveshjes bazë dhe shtojcës, as BE-ja e as SHBA-ja nuk kanë përjashtuar pasoja të reja për Kosovën.

    Referuar ndëshkimeve eventuale, pa dhënë detaje dhe pa përmendur projekte, të martën, Escobar theksoi se pasojat mund të jenë kryesisht financiare.

    BE-ja dhe SHBA-ja janë donatorët kryesorë të projekteve, në sektorë të ndryshëm në Kosovë.

    Sipas të dhënave të BE-së, në periudhën 2007-2020, ata kanë investuar më shumë se 1.5 miliard euro në Kosovë – në projekte të ndryshme në rindërtim, reformë të administratës publike, sundim të ligjit, ekonomi, arsim, bujqësi etj.

    Para tre javësh, në lansimin e një projekti për rritjen e kapaciteteve të Kosovës për luftimin e krimit të organizuar, Komisioneri për Zgjerim, Oliver Varhelyi, tregoi se vlera e investimeve nga viti 2021 dhe e mjeteve të mobilizuara nga BE-ja për Kosovën është afër 1 miliardë euro.

    “Që nga viti 2021, veçse kemi ndarë 312 milionë euro grante këtij vendi dhe kemi mobilizuar 635 milionë euro për investime, përmes mjeteve tona, përmes planit ekonomik-investiv në Kosovë”.

    Në mesin e këtyre mjeteve përfshihen më shumë se 62 milionë euro në kuadër të programit IPA III, të miratuara vitin e kaluar – për mjedis, energji të gjelbër, politika të përafrimit, të drejtat e njeriut, zhvillim socio-ekonomik etj.

    Përtej fondeve IPA, dimrin që shkoi BE-ja i dha Kosovës donacion në vlerë 75 milionë euro për përballimin e krizës energjetike dhe për efiçiencë të energjisë.

    Projekti më i madh me amerikanët, i nënshkruar vitin e kaluar, është ai me MCC-në në kuadër të programit “Compact”, prej nga Kosova përfiton donacionin në vlerë 202 milionë dollarë, për investime në akumulimin e energjisë elektrike.

    Projekt tjetër i rëndësishëm është ai në vlerë 75 milionë euro, për parkun solar, bashkëpunim i Qeverisë dhe agjencisë amerikane USAID.

    Pos këtyre, BE-ja dhe SHBA-ja janë të përfshirë edhe në projekte të nivelit lokal.

     

  • 4200 trupa të KFOR-it në Kosovë

    4200 trupa të KFOR-it në Kosovë

    PËRGATITI: ARMAND HOTI 

    Misionin e tij për ruajtjen e paqes në Kosovë e filloi në vitin 1999. Atë kohë, KFOR-i dislokoi 50.000 mijë trupa në Kosovë, ndërsa tani numëron mbi 4.200. Ndërkaq, vendet e vetme me mision paqeruajtës në Ballkanin Perëndimor janë Kosova dhe Bosnja. Sipas diplomatëve amerikanë, kjo ndodh pasi këto dy vende janë sfiduese në aspektin e pajtimeve etnike.

    Me mandat të qartë që buron nga Rezoluta 1244, e cila mes tjerash e obligon KFOR-in për ruajtjen e paqes dhe rendit, në vitin 1999 në tokën kosovare dislokuan 50.000 trupa të KFOR-it.

    Megjithatë, ndër vite numri i lartcekur pësoi rënie.

    Referuar të dhënave të publikuara në faqen zyrtare të NATO-s, pas ardhjes së ushtarëve nga Turqia, si rezultat i tensioneve në veri, KFOR-i tani numëron mbi 4200 trupa në Kosovë.

    Forcat e KFOR-it, me mision paqeruajtës, janë të vendosura në dy shtete në Ballkanin Perëndimor: Kosovë dhe Bosnjë e Hercegovinë.

    Zëvendës-ndihmës-sekretari i Departamentit Amerikan të Shtetit, Gabriel Escobar, jep sqarimin se pse këto dy shtete vazhdojnë të kenë misione paqeruajtëse.

    Trupat paqeruajtëse ndodhen si këtu, ashtu edhe në Bosnjë e Hercegovinë, dy vende që janë më sfidueset sa u përket pajtimeve etnike.

    Ndërkaq, zona ku KFOR-i ka qenë më aktiv së fundmi, është veriu i Kosovës.

    Gjatë protestave të fundit në tri komunat veriore të banuara me shumicë serbe, rreth 30 pjesëtarë të KFOR-it u lënduan pas përleshjeve që patën me protestues në Zveçan.

     

  • Takimi i përbashkët i Grupit punues në mes të Kosovës dhe Këshillit të Evropës zhvillohet të martën

    Takimi i përbashkët i Grupit punues në mes të Kosovës dhe Këshillit të Evropës zhvillohet të martën

    Të martën e 13 qershorit do të mbahet takimi i përbashkët i Grupit punues në mes të përfaqësuesve të institucioneve të Republikës së Kosovës dhe përfaqësuesve nga Këshilli i Evropës.

    Takimi do të mbahet në ndërtesën e Qeverisë së Kosovës, mëngjesin e së martës.

    Kështu ka bërë të ditur përmes një komunikate për media, ministria e Punëve të Jashtme.

    “Në Qeverinë e Republikës së Kosovës, nesër mbahet takimi i përbashkët i Grupit Punues në mes të përfaqësuesve të institucioneve të Republikës së Kosovës dhe përfaqësuesve nga Këshilli i Evropës”.

    Takimi do të hapet nga zëvendësministri i Punëve të Jashtme dhe Diasporës, Kreshnik Ahmeti dhe Claus Neukrich nga Këshilli i Evropës.

  • Qetë në Zubin Potok, Zveçan e Leposaviq

    Qetë në Zubin Potok, Zveçan e Leposaviq

    Protesta e të hënës ka vazhduar e qetë në tri komunat veriore ku po protestohet tash e dy javë.

    Teve1 raporton se në komunat Leposaviq, Zveçan e Zubin Potok, protestuesit të hënën kanë qenë në numër të vogël, derisa shtoi se edhe trupat e KFOR-it janë reduktuar krahasuar me ditët e para të protestës.

    Protestuesit po qëndrojnë nëpër rrugët e tri komunave, ku kanë vendosur edhe tenda të ndryshme, mirëpo që nuk kanë bërë ndonjë veprim fizik.

    Protesta ka filluar më 26 maj 2023, kur për herë të parë dolën në punë tre kryetarët shqiptarë të zgjedhur në komunat me shumicë serbe.

    Qytetarët e këtyre komunave e kundërshtuan udhëheqjen e komunave nga kryetarët shqiptarë, duke i sulmuar dhe përleshur disa ditë me radhë me pjesëtarët e KFOR-it dhe Policisë së Kosovës, në tentim për të hyrë në objektet komunale.

  • Kurti në Pediatri s’flet për politikë, përuron rezonancën – zotohet për investime të reja

    Kurti në Pediatri s’flet për politikë, përuron rezonancën – zotohet për investime të reja

    Kryeministri Albin Kurti, së bashku me ministrin e Shëndetësisë, Arben Vitia kanë përuruar rezonancën në Spitalin e Pediatrisë në QKUK, raporton Ekonomia Online.

    Kurti me këtë rast tha se kjo rezonancë është në vlerë mbi 1 milion euro dhe së është donacion i Emirateve të Bashkuara Arabe.

    Edhe pse gazetarët insistuan që të marrin një qëndrim prej tij për zhvillimet politike në vend ai nuk u përgjigje e vetëm shtoi se në vjeshtë edhe spitali i Prizrenit do të bëhet me rezonancë magnetike.

    “Pas funksionalizmit të rezonancës magnetike më spitalin e Pejës, po e bëjmë këtë edhe në spitalin Pediatrik këtu në QKUK. Ndërkaq në vjeshtë do ta kemi edhe rezonancën magnetike në spitalin e Prizrenit. Në njërën anë ne dëshirojmë që të kemi sa më shumë decentralizim të shërbimeve gjithnjë e më cilësore të ketë diagnostikim sa më të mirë për të gjithë pacientë e të ketë gjithashtu edhe lista sa më të shkurtra për pacientet”.

    “Me qenë se shërimi dhe terapia varen shumë prej diagostifikimit sa më cilësor sa më të thellë kjo në njërën anë varet nga kuadri mjekësore ndërkaq në anën tjetër edhe nga teknologjia moderne që është kjo rezonancë magnetite. Vlera e së cilës është mbi 1 milion euro dhe që është sërish donacion për çfarë ne edhe falënderoj Emiratet e Bashkuara Arabe. Ta gëzojnë edhe mjekët edhe pacientët”, tha ai.

  • ​MPB: Raportimet e qytetarëve çelësi i luftimit të krimit në veri dhe tërë Kosovën

    ​MPB: Raportimet e qytetarëve çelësi i luftimit të krimit në veri dhe tërë Kosovën

    Ministria e Punëve të Brendshme ka njoftuar se qytetarët tanë në komunat veriore po vazhdojnë bashkëpunimin me Policinë e Kosovës.

    MPB thekson se raportimet nga ana e qytetarëve janë padyshim çelësi i luftimit të përbashkët të krimit dhe çdo lloj vepre penale.

    “Deri në muajin maj të këtij viti, Stacionet Policore të komunave Mitrovicë e Veriut, Zveçan, Leposaviq dhe Zubin Potok, kanë pranuar dhe trajtuar 126 raste ndërsa bashkë me Hetimet Rajonale, 184 raste në total. I falënderojmë qytetarët për besimin në raportim si dhe i inkurajojmë për bashkëpunim të mëtutjeshëm me Policinë e Kosovës”, thuhet në njoftim.

  • Aksident trafiku te “Qafa e Duhlës”, përfshihen tri automjete

    Aksident trafiku te “Qafa e Duhlës”, përfshihen tri automjete

    Një aksident trafiku ka ndodhur para pak çastesh te vendi i quajtur ” Qafa e Duhlës”.

    Sipas burimeve të ATV-së, në këtë aksident janë përfshirë dy vetura dhe një kamion, derisa përveç dëmeve materiale nuk raportohet për të lënduar.

    Ndërkohë, sipas burimeve të ATV-së, dyshimet e para që e shkaktuan këtë aksident janë se rruga ishte me “vaj ose naftë”./atvlive.tv/

  • Orkestra Frymore e FSK-së performon për Ditën e Çlirimit

    Orkestra Frymore e FSK-së performon për Ditën e Çlirimit

    Orkestra Frymore e Forcës së Sigurisë së Kosovës (FSK) ka parakaluar dhe performuar nëpër sheshet e Prishtinës me rastin e 24-vjetorit të çlirimit të Kosovës.

    Për ta përcjellë këtë performancë kanë dalë një numër i vogël i qytetarëve, për shkak të motit me shi që po mbretëron në vendin tonë, raporton KosovaPress.

    Presidentja e Kosovës, Vjosa Osmani, kryeministri Albin Kurti dhe kryeparlamentari Glauk Konjufca gjatë ditës kanë bërë homazhe edhe pranë varrit të ish-presidentit, Ibrahim Rugova, ish-veprimtarit, Adem Demaçi, në Kompleksin Memorial “Adem Jashari” në Prekaz dhe te pllaka përkujtimore e ushtarëve të rënë të NATO-s.

    24 vjet më parë në Kosovë u vendosën 50 mijë ushtarë të NATO-s dhe bashkë me ta edhe administrata e përkohshme e Kombeve të Bashkuara.

    Më 12 qershor të vitit 1999, pas 78 ditë bombardimesh të Aleancës Ushtarake Perëndimore të udhëhequr nga Amerika kundër caqeve ushtarake serbo-malazeze në Kosovë në Serbi dhe Mal të Zi, trupat e NATO-s hynë në Kosovë në misionin paqeruajtës që do të quhej KFOR, duke i dhënë fund luftës gati dyvjeçare midis popullsisë kryengritëse shqiptare të organizuar në radhët e Ushtrisë Çlirimtare të Kosovës dhe forcave okupuese ushtarake dhe policore serbo-malazeze.

  • Lista me superyjet që Berlusconi i solli te Milani gjatë udhëheqjes së tij

    Lista me superyjet që Berlusconi i solli te Milani gjatë udhëheqjes së tij

    Gjatë periudhës së tij 31-vjeçare në krye të Milanit, Silvio Berlusconi ka sjellë numër të madh lojtarësh të klasit botëror, shumë prej të cilëve kanë qenë më meritorët për një prej periudhave më të suksesshme në historinë e Milanit.

    Nga Ruud Gullit te Kaka, ish-presidenti i klubit solli tetë fitues të Topit të Artë në Milano gjatë mbretërimit të tij, pesë prej të cilëve e fituan këtë çmim sa bartnin fanellën ku e zi.

    Lista e fituesve të Topit të Artë erdhën nën mandatin e Berlusconit përfshin gjithashtu tri herë fituesin Marco van Basten, Jean Pierre Papin një vit pasi fitoi çmimin në Marsejë, Roberto Baggio, George Ëeah, Rivaldo dhe Andriy Shevchenko. .

    Lista e lojtarëve të mëdhenj që solli Berlusconi gjatë udhëheqjes së tij është e pafund. Edhe brenda tre viteve të mbetura të viteve 1980, kur ish-kryeministri mori detyrën, kishte pasur një fluks të superyjeve, përcjellë KosovaPress.

    Brenda tre viteve të para të pronësisë së tij, Berlusconi solli gjithashtu Roberto Donadonin, Daniele Massaro, Gullit, van Basten, Frank Rijkaard dhe Carlo Ancelottin. Ky i fundit do të kthehej më vonë në klub për të fituar një titull të Serie A dhe dy tituj të Ligës së Kampionëve në mesin e viteve 2000.

    Vitet 1990 panë prurjet e Papin, Ëeah, Baggio dhe Shevchenko, si dhe fituesit e ardhshëm të Ligës së Kampionëve Marcel Desailly, Zvonimir Boban, Dejan Savicevic, Gennaro Gattuso dhe Massimo Ambrosini.

    Vitet 2000 panë gjithashtu ardhjen e një liste fenomenale të lojtarëve dhe brenda dy viteve të para të mijëvjeçarit të ri, Berlusconi kishte sjellë Didan, Alessandro Nestan, Andrea Pirlon, Clarence Seedorf, Rivaldo, Filippo Inzaghi dhe Rui Costan, mbi të cilët ai shpenzoi mbi 40 milionë euro.

    Më pas në vitin 2003 erdhën Cafu dhe Kaka, Jaap Stam në 2004, si dhe Ronaldo, Ronaldinho, David Beckham, Thiago Silva, Alexandre Pato dhe Zlatan Ibrahimovic deri në vitin 2010.

    Pati gjithashtu disa nënshkrime të profilit të lartë pasi Berlusconi mori drejtimin e Monza gjithashtu, duke sjellë lojtarë si Mario Balotelli dhe Kevin-Prince Boateng.

    Blerja më e fundit ishte nënshkrimi i Matteo Pessina, i cili u kthye në klubin e tij të fëmijërisë pas një periudhe gjashtëvjeçare larg me Milanin dhe Atalantën , një mënyrë e përshtatshme për të mbyllur biznesin e transferimeve të Berlusconit.

  • Nxënësit në Gjenevë shkelin flamurin serb si protestë ndaj masakrave në shkollat e Beogradit

    Nxënësit në Gjenevë shkelin flamurin serb si protestë ndaj masakrave në shkollat e Beogradit

    Një grup nxënësish nga kombësitë e ndryshme në një shkollë në Gjenevë të Zvicrës, raportohet se kanë poshtëruar flamurin serb si një formë proteste pas masakrës së 18 nxënësve serbë në shkollat e Beogradit, raporton gazeta zvicerane në shqip Le Canton27.ch.

    Autoritetet e shkollës ende nuk kanë konfirmuar praninë e ndonjë nxënësi shqiptar në mes të të përfshirëve. Mësohet se motivi i kësaj proteste nuk ishte vetëm vrasja e nxënësve në shkollat e Beogradit, por edhe çështja e racizmit serb ndaj shqiptarëve etnikë në Serbi, veçanërisht në Lugina e Preshevës, si dhe komentet provokuese dhe urrejtëse të Novak Djokoviqit në lidhje me Kosovën dhe shqiptarët.

    Kjo nuk është hera e parë që flamuri serb është shkelur ose djegur në Gjenevë. Sipas gazetës zvicerane Le Canton27.ch, ngjarje të tilla kanë ndodhur herë pas here si përgjigje ndaj provokimeve serbe ose deklaratave të luftës kundër Kosovës, duke përfshirë edhe dhunën ndaj forcave paqeruajtëse ndërkombëtare në Kosovë. Një ngjarje e tillë ishte në fillim të këtij muaji që shkaktoi plagosjen e mbi 30 ushtarëve të KFOR-it, duke përfshirë edhe ushtarët nga misioni zviceran “Swisscoy”.

    Mësohet se, nxënësit në trotuare kanë shkelur qëllimisht flamurin serb të hedhur në tokë, shkruan gazeta zvicerane Le Canton27.ch, e cila ka hasur edhe në një video në rrjetet sociale. Ngjarja ka ndodhur në një shkollë afër Vernies (buzë lumit Rhone) në kantonin e Gjenevës.

    Për këtë rast është njoftuar edhe drejtori i shkollës. Ata shprehën tronditjen e tyre pasi panë videon dhe deklaruan se do ta trajtojnë menjëherë këtë çështje.