ATV

Blog

  • Shtatë orë e gjysmë bisedime, për çfarë u dakordua Blinken me homologun kinez?

    Shtatë orë e gjysmë bisedime, për çfarë u dakordua Blinken me homologun kinez?

    Sekretari amerikan i Shtetit Antony Blinken dhe ministri i jashtëm kinez Qin Gang zhvilluan bisedime “të sinqerta” dhe “të drejtpërdrejta” në Pekin të dielën, tha Departamenti i Shtetit, ndërsa Shtetet e Bashkuara dhe Kina kërkojnë të stabilizojnë marrëdhëniet dypalëshe mes tensioneve në rritje.

    Gjatë takimit shtatë orë e gjysmë në vilën qeveritare Diaoyutai, në Pekin, zoti Qin pranoi ftesën për të vizituar Shtetet e Bashkuara.

    Po ashtu u ra dakord për më shumë vizita të përfaqësuesve të dy vendeve.

    Përveç kësaj, të dyja palët do të vazhdojnë të punojnë për disa çështje “në nivel grupi pune”, tha një zyrtar i lartë i Departamentit të Shtetit.

    Pas takimeve kokë më kokë të zotit Blinken me zotin Qin, ata patën një darkë pune të dielën në vilën qeveritare Diaoyutai.

    “Sekretari e bëri të qartë se Shtetet e Bashkuara gjithmonë do të mbrojnë interesat dhe vlerat e popullit amerikan dhe do të punojnë me aleatët dhe partnerët për të çuar përpara vizionin tonë për një botë që është e lirë, e hapur dhe që mbështet zbatimin e rregullave të pranuara ndërkombëtarisht”, tha zëdhënësi i Departamentit të Shtetit, Matthew Miller në një deklaratë.

    Sekretari amerikan i Shtetit Antony Blinken është kryediplomati i parë amerikan që viziton Kinën që nga viti 2018, për takime me ministrin e jashtëm kinez Qin Gang, kryediplomatin kinez Wang Yi, dhe ndoshta edhe me Presidentin kinez Xi Jinping.

    Zyrtarë amerikanë, duke folur me gazetarët amerikanë pas takimeve të së dielës, nuk pranuan të thoshin nëse përfundimisht do të kishte takim të zotit Blinken me presidentin Xi apo se kur pritet të vijë në Uashington ministri Qin.

    Në shkurt, zoti Blinken anuloi udhëtimin e tij në Pekin pasi një balonë spiune kineze hyri në hapësirën ajrore të SHBA-së.

    Ndihmës ministri i jashtëm kinez, i cili mori pjesë në takim, ndërsa postoi në Twitter një foto të takimit të dy zyrtarëve shkruajti se shpresonte që ky takim t’i rikthente marrëdhëniet mes dy vendeve në pikën që ranë dakord dy presidentët kur u takuan në Bali.

    Zëdhënësi i DASH tha se “Sekretari amerikan nënvizoi rëndësinë e diplomacisë për mbajtjen hapur të kanaleve të komunikimit për të reduktuar rrezikun për keqkuptime dhe gjykime të gabuara”.

    Sipas zyrtarëve të lartë amerikanë, çështjet kryesore në agjendë gjatë takimeve të zotit Blinken në Pekin të dielën dhe të hënën përfshijnë sigurinë rajonale, luftën ndaj përdorimit dhe trafikut të drogës, ndryshimet klimatike, stabilitetin makroekonomik global, amerikanët e arrestuar në mënyrë të paligjshme në Kinë, si dhe shkëmbimet midis popullit amerikan dhe kinez. /VOA

  • Spanja kampione e Ligës së Kombeve, Kroacia nuk ia del në finale

    Spanja kampione e Ligës së Kombeve, Kroacia nuk ia del në finale

    Spanja shpallet kampione e Nations League 2023 pasi fitoi me penallti ndaj Kroacisë (rezultati i pergjithshem 4-3)!

    Si të gjitha finalet, Kroaci – Spanjë nisi dhe vijoi te ishte si një lojë shahu, pa shumë argëtim, emocione dhe raste. Ndeshje e mbyllur edhe per shkak se tashme Kroacia e Dalic eshte bere specialiste per te mbajtur nje menaxhim te mire te topit dhe ekuilibrit…

    Nga njëra anë Perisic e nga ana tjetër tjetër Gavi u përpoqen të ndryshonin rrjedhën e lojës, por pa mundur të shënojnë gjatë pjesës së parë. Kramaric do ta gjente veten përballë Unai Simon, pas një vrapimi në kufirin e pozicionit jashtë loje, por gabon përballë portierit kundërshtar.

    Kroacia, në fakt, gjatë fraksionit hapës ishte më dominuese në lojë dhe pati më shumë goditje në portë. Kështu pjesa e parë, që ishte më shumë taktike, u mbyll me rrjeta të paprekura.

    Edhe pjesa e dytë nis më mirë për Kroacinë, që nuk arrin të shfrytëzojë si duhet një gabim në dalje të Unai Simon në të 51-tën. Asensio u kundërpërgjigj me kokë në të 57-tën, me topin që shkoi paksa mbi tra. Rastin më ideal në pjesën e dytë e pati Ansu Fati, në minutën e 84-t, me Perisicin që bën shpëtimtarin mbi vijën fatale.

    Pak sekonda para se të mbyllej koha e rregullt, Asensio shkakton drithërima në portën e Livakovic, por topi shkon jashtë. Ne shtesat 15 minuteshe nuk ndodhi shume edhe pse ishte Olmo dhe Asensio ata qe iu afruan golit dhe me ne krahun tjeter Kroacia shperdoroi me Petkovic.

    Te goditja e penalltive, vendimtar ishte Unai Simon me dy superpritje ndaj Majer dhe Petkovic, teksa per Spanjen gaboi Laporte, qe e dergoi topin ne traversen e portierit Livakovic. Penalltia qe vulosi triufmin ne Holande per iberiket ishte e Carvajal qe nuk gaboi dhe me penallti alla Panenka i dha trofeun “Furive te Kuqe”.

  • Presidentja Osmani shpreh ngushëllime për humbjen e jetës së tre anëtarëve të familjeve Pacolli e Visoka

    Presidentja Osmani shpreh ngushëllime për humbjen e jetës së tre anëtarëve të familjeve Pacolli e Visoka

    Presidentja e Republikës së Kosovës, Vjosa Osmani, pas nxjerrjes nga lumi Lepenc të tre trupave të pajetë, ka ngushëlluar familjet Pacolli e Visoka, të cilat pësuan nga aksidenti tragjik.

    “Me dhimbje të thellë pranova lajmin për vdekjen tragjike të tre anëtarëve të familjeve tuaja. Në këto çaste të rënda për familjet tuaja, bashkëndjej me ju dhe ju inkurajoj që të gjeni forcë për përballimin e dhimbjes. I përhershëm qoftë kujtimi për ta!”, thuhet në mesazhin ngushëllues të Presidentes Osmani.

    Presidentja Osmani, gjithashtu i ka uruar shërim të shpejtë, Shkëlqimit, të vetmit të mbijetuar nga ky aksident dhe ka falënderuar ekipet e Forcës së Sigurisë së Kosovës, Policisë së Kosovës, Shoqatës së Kosovës për Kërkim-Shpëtim, si dhe ekipin e kërkim-shpëtimit nga Maqedonia e Veriut për angazhimin e tyre.

  • “Tollovi” në ambulancat Specialistike të QKUK-së

    “Tollovi” në ambulancat Specialistike të QKUK-së

    Pacientët që dëshirojnë të kryejnë kontrolle më të thella në QKUK, fillimisht duhet t’u drejtohen ambulancave specialistike për termine. Si rrjedhojë kjo po shkakton tollovi.

    Fatmire Sadriaj nga Prishtina, e cila kishte ardhur për të caktuar një kontroll për nënën e saj, tha se për të pestën herë me radhë nuk u mor parasysh nga stafi mjekësor.

    “Me të gjitha letrat që i pata rend për disa muaj me ardhë që vij këtu është e njëjta gjendje, edhe sot na neglizhuan”, tha vajza e pacientes, Fatmire Sadriaj.

    Pacientët thonë se shpesh terminet edhe nuk respektohen, derisa ankohen edhe për numër të vogël të stafit që punon aty.

    “Shumë herë po shkon edhe me njoftësi, e na me dokumente po mbesim duke pritur”, tha ajo.

    Ndërkohë, lidhur me këtë situatë, Drejtoria e ShSKUK-së nëpërmes një përgjigje me shkrim, i ka thënë ATV-së se kërkesat për të marrë shërbime mjekësore janë të mëdha.

    “Qendra Klinike Universitare e Kosovës, si qendra e vetme terciare në vend, është e mbingarkuar sa u përket kërkesave për të marrë shërbime ambulantore specialistike mjekësore, dhe jo për nga numri i vogël i stafit. Në të gjitha ambulancat specialistike, përjashtuar ato të Klinikës së Ortopedisë, vizitat kryhen me termine, për shkak të specifikave. Në ambulancat e ortopedisë merret shërbim i rregullt në baza ditore dhe ka listë (histori) të pacientit, sikur në të gjitha ambulancat e tjera”, thuhet në përgjigjen e SHSKUK.

    Ambulancat specialistike kanë ofruar mundësinë që terminet të caktohen edhe përmes telefonit, por, sipas pacientëve, kjo metodë nuk ka qenë efikase. /atvlive.tv

    Edicionin Qendror të lajmeve në ATV e gjeni në videon më poshtë:

  • Shtyllat e vjetruara elektrike, rrezik për banorët e “Vranjevcit”

    Shtyllat e vjetruara elektrike, rrezik për banorët e “Vranjevcit”

    Këto shtylla elektrike, të vendosura përgjatë rrugës në Vranjevc, janë gati për t’u rrëzuar.

    Tash e një kohë, ato janë kthyer në rrezik për nxënësit që ndjekin mësimin në shkollën “Zenel Hajdini”.

    Banorët e lagjes kritikojnë institucionet se nuk po ndërmarrin asnjë hap për rregullimin e tyre.

    “Është shumë shqetësuese, shkolla është afër. Institucionet me ndërmarrë masa, kjo gjendje është që nga paralufta”, tha Agim Abazi, banor.

    “Këtu kalojnë nxënësit, është shumë rrezik. Duhet që institucionet t’i largojnë këto rreziqe”, tha Hamide Sinanaj, banore.

    Megjithatë, KEDS-i në një përgjigje me shkrim i ka thënë ATV-së, se po presin që Komuna e Prishtinës t’i largojë kabllot e ndriçimit nga këto shtylla elektrike.

    “U kemi dhënë edhe pak kohë operatorëve kabllorë e të internetit, si dhe komunës që të bëjë zhvendosjen e kabllove të saj, respektivisht ndriçimit, në mënyrë që pastaj të bëjmë eliminimin e shtyllave të vjetra”, thuhet në përgjigjen e KEDS-it.

    Për këtë është në dijeni edhe Komuna e Prishtinës.

    “Ne si komunë vendosim ndriçim në shtylla që investon KEDS-i. Jemi në koordinim me ata, por për shkak se Komuna e ka në plan vendosjen e ndriçimit në shtylla, pas investimit tonë, atëherë KEDS-i do t’i largojë shtyllat ekzistuese të drurit”, tha Bashkim Sadiku, zyrtar në drejtorinë e shërbimeve publike në Komunën e Prishtinës.

    Ndryshe, KEDS-i tash e disa vite është duke bërë zëvendësim të shtyllave të vjetra, me shtylla betoni. /atvlive.tv

    Edicionin Qendror të lajmeve në ATV e gjeni në videon më poshtë:

  • Nisin punimet për shtrirjen e rrjetit të ngrohjes në Obiliq

    Nisin punimet për shtrirjen e rrjetit të ngrohjes në Obiliq

    Qytetarët e Obiliqit, nga ky vit nuk do të kenë nevojë që të mendojnë për sigurimin e lëndëve djegëse për t’u ngrohur.

    Komuna e Obiliqit nga një projekt i vetëfinancuar do ta shtrijë rrjetin e ngrohjes në gjithë qytetin.

    Komuna jonë në vitin e kaluar ka nënshkruar kontratë trevjeçare në vlerë prej 11,849.65 eurosh. Në këtë kontratë do të instalohen rreth 27.5 km gyp të paraizoluar të dimensioneve të ndryshme. Ky projekt është investim direkt i komunës së Obiliqit. Projekti në përgjithësi që të funksionalizohet do t’i ketë edhe fazat e tjera ku vlera totale për tri fazat do të jetë rreth 39 milionë euro”, tha drejtori i Urbanizmit në Komunën e Obiliqit, Fatmir Bërbatovci.

    Zbatimin e projektit po e mirëpresin edhe qytetarët.

    “Është më lehtë për neve, ma mirë me u ngroh me nxemje qendrore. Dimrit jemi ngrohë me dru, me rrymë, e me ngrohje është ma lirë”, thotë një qytetar.

    “Është një gjë shumë e mirë, se më herët jemi ngrohë me dru, rrymë e me çka kemi mujt”, tha një qytetar tjetër.

    Të tjerë mendojnë se kjo do ta rritë edhe cilësinë e ajrit.

    “Kjo është shpëtim, me qymyr, me dru, me tonat, ide shumë e mirë se krejt këtë avull pse me harxhu palidhje, pse mos me ja dhanë 500 euro shtetit n’vend që me ble dru. Ajri ka me kanë ma i pastër se nuk djegim qymyr”, tha një qytetar.

    Ndërkaq, komuna e Obiliqit qëkur e ka nënshkruar kontratën me operatorin ekonomik, e deri më tani, ka realizuar rreth 20% të punimeve të parapara në fazën e parë. /atvlive.tv

    Edicionin Qendror të lajmeve në ATV e gjeni në videon më poshtë:

  • Përmbytjet e janarit, qytetarët në pritje të kompensimit të dëmeve

    Përmbytjet e janarit, qytetarët në pritje të kompensimit të dëmeve

    Kanë kaluar 6 muaj prej kur përmbytjet i shkatërruan gjithçka Shefik Mehmetit nga Mitrovica.

    Ani pse komuna i premtoi se dëmi do t’i kompensohet, një gjë të tillë është duke e pritur ende, edhe pse dokumentacionet e nevojshme i kishte dërguar muaj më parë.

    “E kam dërguar gjithë dokumentacionin e nevojshëm në komunë. Kanë ardhë e kanë bërë vlerësimin e dëmeve, mirëpo ende nuk ka asnjë kompensim, jemi në pritje. Situatë e tillë pritet me ndodhë prapë fatkeqësisht, edhe pse portat e liqenit janë po nuk po dinë mi shfrytëzu për me i parandalu vërshimet”, tha Shefik Mehmeti, banor i Mitrovicës.

    Me vërshime gati si të janarit është përballur ditë më parë, Arben Haziri nga Drenasi.

    “……më janë shkatërruar 50 ha tokë me të mbjella, vlerësimet e dëmeve i kanë bërë, mirëpo deri tash s’ka asnjë kompensim”, tha Arben Haziri, banor i Drenasit.

    Por pritjeve të tyre nuk dihet se kur do t’iu vijë fundi, sepse sipas drejtorit të Shërbimeve Publike në Drenas, Nexhmedin Gruda, procesi ka ngecur te Qeveria.

    “Më 22 maj ne iu kemi dërguar letër me shkrim MAPL-së edhe për vërshimet e janarit edhe për tash, sepse qytetarët po vazhdojnë me i kërku kompensimet, por ende nuk kemi marrë ndonjë përgjigje, por të shohim tash edhe me vërshimet e tjera si do të rrjedhë situata”, tha drejtori i Shërbimeve Publike në Drenas, Nexhmedin Gruda.

    Ndryshe, lidhur me këtë situatë, Ministria e Financave nuk ka dhënë asnjë përgjigje. Kompensim të dëmeve presin edhe në Klinë, Istog e Skenderaj. /atvlive.tv

    Edicionin Qendror të lajmeve në ATV e gjeni në videon më poshtë:

  • Dëmtohen varrezat e dëshmorëve në Fushë Kosovë

    Dëmtohen varrezat e dëshmorëve në Fushë Kosovë

    Uji i grumbulluar, nga reshjet e mëdha të shiut, në varrezat e dëshmorëve, në lagjen Nakaradë, në Fushë Kosovë është larguar tashmë, por dëmet që lanë janë të mëdha. Pllakat e mermerit ku janë të vendosura emrat dhe mbiemrat e dëshmoreve kanë përfunduar jashtë varreve.

    Por jo rrallë herë varrezat e dëshmorëve në këtë lagje ndodh të përmbyten nga uji. Sipas banorëve një gjendje të njëjtë përfundojnë, sa herë që ka reshje të shiut.

    “Sa herë ka reshje të shiut, gjithë bohet kështu, shkaku I një kanalizimi e me të veç balta. Veç toka kur te pinë ujin uji largohet, por kështu s’vijnë kurrë me I këqyr”, tha Alor Tafi, banor.

    Përveç kësaj sipas tij, komuna kujdeset për varrezat vetëm kur afron data e përvjetorit të dëshmorëve.

    Edhe pse nuk pranuan të flasin para kamerave, familjarë të dëshmorëve shprehën pakënaqësinë e tyre me mungesën e intervenimit dhe reagimit të organeve komunale, të cilat sot ishin të pa qasshme për ATV-në. /atvlive.tv

    Edicionin Qendror të lajmeve në ATV e gjeni në videon më poshtë:

  • Kriminelët serbë po lartësohen në Serbi, shkollat e rrugët po emërohen me emra të kriminelëve

    Kriminelët serbë po lartësohen në Serbi, shkollat e rrugët po emërohen me emra të kriminelëve

    Nebojsha Pavkovic, ish gjeneral i Ushtrisë Jugosllave, i dënuar me për krime lufte në Hagë, ka mbajtur në një shkollë fillore në një fshat të vogël në Vojvodinë, para dy muajve. Kjo ngjarje ka provokuar reagim të nismave rajonale për të drejtat e njeriut.

    “Ai me 20 prill të këtij viti në një shkollë në Kaç është thirrur për një ligjëratë, ku është glorifikuar dhe cilësuar si hero. Në këtë ligjëratë është mbajtur me emrin “Koshare, me tregime të heronjve”. Në atë ligjëratë, në atë sallë të asaj shkolle ka pasur edhe shumë nxënës, të ri e të reja edhe gjithashtu ka qenë edhe kryetari i Komunës së Novi Sadit. Zyra në Serbi e ka cilësuar këtë gjest si skandaloz, sepse edhe prezenca e kryetarit të Novi Sadit është alarm për shoqërinë, pasi që ai me atë akt e ka mbështetur Nebojsha Pavkoviqin dhe prezencën e atij aty”, tha Bjeshkë Guri nga Nisma e të Rinjve për të Drejtat e Njeriut.

    Komisioni Evropian përmes një non-paper, i cili përfshin përmbushjet e kritereve nga Serbia për kapituj 23 dhe 24 të negociatave për anëtarësim, ka theksuar se Serbia po vazhdon lartësimin e kriminelëve të dënuar të luftës, të cilëve po u jepet hapësirë në sferat politike e publike.

    Profesori universitar, Rrahman Paçarizi, thotë se Serbia ka tendencë t’i lartësojë kriminelët e luftës.

    “Tendenca në Serbi për t’i lartësuar kriminelët e luftës, për t’u vënë rrugëve e shkollave emrat e kriminelëve të luftës, tregon që kjo shoqëri nuk është vetëdijesuar ende nga krimet që i ka kryer në të gjithë ish-Jugosllavinë, e pastaj në Kosovë, por përkundrazi janë të bindur se kanë bërë punë të mira. Kjo shoqëri nuk ka arritur të çlirohet nga ideja e përgjithshme e krimit dhe gjenocidit, nga ideja e zbrazët e madhështisë serbe, duke i ruajtur ndjenjat nacionaliste, të cilat në Serbi janë ushqyer gjithmonë edhe gjatë kohës së ish-Jugosllavisë”, tha profesori universitar, Rrahman Paçarizi.

    Ndërkaq, sipas profesorit Bardh Rugova, kjo gjë nuk po shpërfaqet në sytë e ndërkombëtarëve.

    “Është e çuditshme që ne nuk po gjejmë një mënyrë që në sytë e bashkësisë ndërkombëtare të shpërfaqim dhe ta paraqesim këtë element. Nuk është një konflikt doemos mesi i dy palëve, në luftën në Rusi dhe Ukrainë, nuk i kemi dy palë fajtorë, është një palë fajtore. Kur njëra palë gjendet fajtore, mandej është përgjegjëse për veprimet e veta. Nuk mundet që t’i lëvdojë aksionet të cilët i ka bërë, jetët të cilët janë marrë”, tha profesori universitar, Bardh Rugova.

    Sfidë e veçantë, në anën tjetër, është arsimimi i serbëve të Kosovës, sipas kurrikulave serbe, që sipas njohëseve kanë shumë pasaktësi dhe propagandë në vend të historisë. /atvlive.tv

    Edicionin Qendror të lajmeve në ATV e gjeni në videon më poshtë:

  • Presidenti i Serbisë pohon se “dialogu me Kurtin është i inekzistent”

    Presidenti i Serbisë pohon se “dialogu me Kurtin është i inekzistent”

    Në ngjarjen për media që zgjati rreth një orë, Presidenti i Serbisë bëri një deklaratë hyrëse mbi 40 minuta të gjatë dhe pranoi pyetje nga dy gazetarë.

    Vuçiq edhe një herë pohoi se tre policët kosovarë, të cilët janë në paraburgim në Serbi janë arrestuar në territorin e Serbisë dhe pohoi se policët serbë që kanë bërë arrestimin janë të gatshëm të dëshmojnë para EULEX-it edhe me poligraf.

    Edhe në këtë paraqitje publike ai EULEX-in i quajti “rrencë” dhe njerëz që vetëm përcjellin se si serbët në Kosovë rrihen dhe matarohen.
    Lidhur me takimin e javë së ardhshme në Bruksel, dy ditë pasi Kryeministri Kurti pohoi se nuk e di a do të shkojë në atë takim, Vuçiq u përgjigj ngjashëm me Kurtin.

    “Ajo bisedë është pakuptimë. Teknikisht a do të vendosi të shfaqen aty, ose jo, do të vendosi ndërkohë dhe kudo të jetë vendim i yni taktik. Por dialogu me Kurtin është dialog inekzistent. Ai njeri dëshiron luftë. Ai dëshiron luftë më çdo kusht dhe vetëm mendon se si të bëjë ndonjë provokim të ri”, tha Vuçiq.

    Vuçiq në këtë konferencë përmendi edhe një incident në veriun e Kosovës, ku sipas mediave të atjeshme d të rinj, vëlla e motër janë rrahur nga Policia e Kosovës dhe janë trajtuar në repartin e kirurgjisë në Spitalin e Mitrovicës së Veriut për lëndime.

    Policia e Kosovës në një komunikatë ka bërë të ditur se personat që po lëviznin me motoçikletë nuk kanë respektuar sinjalizimin e Policisë për tu ndalur, por kanë tentuar të ikin nëpër rrugë malore.

    Sipas Policisë Njëri motor me dy persona ka vazhduar duke u shmangur sinjalizimit policor për tu ndalur dhe ka ikur në një rrugë mali, kurse tjetri ka vazhduar shmangien në drejtim tjetër në një teren të pa përshtatshëm, por zyrtarët policorë janë vënë në përcjellje këmbë, pasi që ka qenë tereni i pa përshtatshëm për të ikur larg, dhe diku rreth 150 metra nga rruga kryesore kanë hasur motorin në fjalë dhe dy personat.

    Pas kontrollimit të personave dhe të mjetit (motorit), si dhe pas realizimit të procedurave policore, të tre personat janë liruar.

    Deklarimet e ndryshme se kinse policia i ka rrahur dy prej këtyre personave nuk qëndrojnë dhe janë të pavërteta. /atvlive.tv

    Edicionin Qendror të lajmeve në ATV e gjeni në videon më poshtë: