ATV

Blog

  • Kurti: Qeveri po punon për krijimin e mundësive të barabarta, me fokus punësimin e shkollimin

    Kurti: Qeveri po punon për krijimin e mundësive të barabarta, me fokus punësimin e shkollimin

    Zyra për Çështje të Komuniteteve, në kuadër të Zyrës së Kryeministrit, ka organizuar tryezë ku do të diskutohet për sfidat dhe mundësitë për komunitetin ashkali, raporton Ekonomia Online.

    Kurti, ka thënë se si Qeveri janë të përqendruar që të krijojnë një shoqëri me mundësi të barabartë. Ai shtoi se Qeveri po punon për krijimin e mundësive të barabarta, me fokus punësimin e shkollimin.

    “Është kënaqësi që jemi së bashku e të flasim për mundësitë e komuniteti ashkali për sfidat dhe bashkëpunimit. Për të përparua si shoqëri është e domosdoshme që përparimi të jetë për të gjithë qytetarët pa dallim. Me pakon për ringjallje ekonomi kemi ndihmuar mbi 800 mijë qytetarë. Qeveri po punon për krijimin e mundësive të barabarta, me fokus punësimin e shkollimin”.

    “Arsimin e lartë e kemi pa pagesë për të gjithë që t’i inkurajojmë që të mos ndalen tek shkolla e mesëm. Për t’i ndihmuar studentët rom ashkali dhe egjiptian kemi ndarë bursa 300 mijë euro, me bursa po i mbështesin studentë ashkali në Fakultetin e Edukimit. Zyra për çështje të komunitete ka mbështetur organizata dhe mediat e komuniteteve”.

    “Nga kjo zyre kemi thirrje të hapur për grande 300 mijë euro për organizata dhe 100 mijë për media, bëjë thirrje që sa më shumë të aplikojnë. Gjatë këtyre muajve të fundit kam pasur takime të veçanta me komunitetin ashkali. Kemi shumë të arritura dhe na duhen më shumë rezultate. Do të kemi vështirësi e sfida, por me qëllim të mirë e më vullnet bashkë i’a dalim”, tha ai.

    Deputeti nga radhët e komunitetit shakli, Bekim Arifi, tha se kryeministri po e dëshmon që ky komunitet është i rëndësishëm për Kosovën, raporton EO.

    “Falënderoj organizata që na kanë mundësuar këtë takim. Kryeministri vazhdimisht po e dëshminë që komuniteti ashakli është i rëndësishme për Kosovën me prezencën e tij në çdo event të organizuar”.

    “Sot jemi ardhur këtu më shumë të dëgjojmë nga ju ide se çka do të mund të bëjmë së bashku”, tha ai.

  • Sërish gjuajtje me shok-bombë në Zveçan, nuk raportohet për të lënduar

    Sërish gjuajtje me shok-bombë në Zveçan, nuk raportohet për të lënduar

    Policia e Kosovës ka njoftuar se mbrëmë në Zveçan persona të dyshuar kanë hedhur një mjet shpërthyes, që dyshohet të jetë shok-bombë.

    Rasti sipas policisë ka ndodhur rreth orës 19:50.

    “Raportohet se person/a të dyshuar të panjohur kanë hedhur një mjet shpërthyes, që dyshohet të jetë shok bombë. Nuk raportohet për të lënduar e as dëme materiale”, thuhet në raportin 24 orësh të PK-së.

    Policia ka shtuar se lidhur me rastin janë angazhuar njësitë kompetente policore për procedura të mëtejme hetimore.

    Kujtojmë se tensionet në veri të Kosovës janë rritur qysh më 26 maj, kur kryetarët e rinj shqiptarë të komunave në veri, me asistimin e Policisë së Kosovës, kanë hyrë në ndërtesat komunale.

    Tensionet kulmuan më 29 maj, kur protestuesit serbë u përleshën me pjesëtarë e KFOR-it në Zveçan. Nga përleshjet mbetën të plagosur dhjetëra persona nga të dyja palët.

  • Shqipëri, 30 mijë maturantë zhvillojnë sot provimin e fundit

    Shqipëri, 30 mijë maturantë zhvillojnë sot provimin e fundit

    Sot do të zhvillohet provimi i fundit nga Matura Shtetërore 2023 në Shqipëri, atë të lëndëve me zgjedhje.

    30 mijë maturantë do bëjnë testin i cili është caktuar në nisë në orën 10 dhe do zgjasë 2 orë e 30 minuta.

    Ditën e djeshme kanë dalë dhe rezultatet e maturantëve në provimin Gjuhë Shqipe dhe Letërsi.

    Këtë vit ata që kanë shkëlqyer me rezultate të larta, janë më shumë se vitin e kaluar. Kalueshmëria është 98.38% dhe me notën 10 janë vlerësuar rreth 5.73% e maturantëve.

    Konkretisht, janë 1591 nxënës që janë vlerësuar me notën 10 e nga këta, vetëm 15 kanë arritur të marrin 10 absolute. Nga ana tjetër, janë 1602 maturantë mbetës, të vlerësuar me notën 4.

  • Këshilla për femra se si të vishemi në një darkë romantike?

    Këshilla për femra se si të vishemi në një darkë romantike?

    Nëse jeni duke planifikuar një darkë romantike me partnerin tuaj ose dëshironi të shfaqni stilin, është e rëndësishme të gjeni veshjen e duhur që të reflektojë dhe të krijojë një pamje mahnitëse.

    Disa ide dhe këshilla për të përshtatur stilin e veshjes për një darkë romantike mund të jetë p.sh. veshje elegante.

    Një darkë romantike kërkon një veshje të thjeshte dhe elegante që të shfaqë një pamje të butë dhe tërheqëse.

    Zgjidhni një fustan me ngjyra të buta dhe materiale të buta si mëndafshi.
    Për tu përshtatur me atmosferën romantike, zgjidhni ngjyra të buta dhe romantike si roze,

    vjollcë, e bardhë.
    Këto ngjyra japin ndjenjë të mirë dhe krijojnë një atmosferë të ngrohtë dhe romantike për darkën tuaj.

    Gjithashtu mund të përdorni rroba me detaje të veçanta. Për të plotësuar dukjen tuaj , mos harroni të përdorni aksesorë, p.sh., një çantë e bukur e dorës ose bizhuteri të hollë të argjendta.

    Manikyri dhe pedikyri, flokët me ndonjë stil të veçantë, jo të tepruar dhe një grim i butë mund të japin përfundim perfekt.

    Ndërsa zgjidhni veshjen e duhur për një darkë romantike, është gjithashtu e rëndësishme të ndjeheni rehat dhe të jeni vetvetja.

    Në fund të fundit, veshja më e rëndësishme është vetëbesimi dhe ndjenja e përshtatjes me veten./atvlive.tv/

    Për më shumë ndiqni videon e mëposhtme:

  • Kështu s’e keni parë asnjëherë: Macron pi një shishe birrë “eks”

    Kështu s’e keni parë asnjëherë: Macron pi një shishe birrë “eks”

    Një anë të tij që nuk e kishim parë më parë e prezantoi të shtunën presidenti i Francës, Emmanuel Macron.

    Ai ndoqi finalen e ligës së ragbit midis Toulouse dhe La Rochelle dhe pas ndeshjes vizitoi dhomën e zhveshjes së kampionëve, skuadrën e Toulouse, për t’i uruar ata.

    Atje me duartrokitje nga lojtarët, presidenti piu një shishe të tërë birrë Corona me një gllënkë.

  • Fundi i epokës së kuzhinierit “Salt bae”?

    Fundi i epokës së kuzhinierit “Salt bae”?

    I bërë i famshëm nga rrjetet sociale për mënyrën e hedhjes së kripës në mish, Nusret Gökçe pati shumë sukses duke shtuar numrin e restoranteve të tij, ndërsa faturat super të shtrenjta bënin herë pas here xhiron e rrjeteve sociale.

    Por duket se periudha e artë po mbaron për shefin e njohur si Salt Bae. Kasapi turk, u bë një sensacion në rrjet dhe lëvizja e tij e famshme i siguroi 52 milionë ndjekës në Instagram, por duket se në një nga tregjet më konkurruese të restoranteve në botë – New York City, nuk e pranoi. Atje ai nuk mundi ta mbante të hapur zinxhirin e restorantëve të tij.

    Nusret Gökçe lindi në Paşalı, një fshat në provincën Erzurum të Turqisë, në vitin 1983, ku u detyrua të linte shkollën në moshën 12-vjeçare për të filluar të ndihmonte babain e tij, i cili punonte si minator. Pas një udhëtimi pune në Argjentinë, ai hapi restorantin e tij të parë në Stamboll në moshën 27-vjeçare, në të cilin ai pretendon se bëri 4,500 £ që në ditën e parë.

    Me investime nga biznesmeni turk Ferit Sahenk, ai u zgjerua në Ankara, Dubai dhe Doha, duke krijuar zinxhirin e steakhouse-ve luksoze Nusr-Et. Gökçe, megjithatë, u bë i famshëm pasi një video e tij duke spërkatur kripë në mënyrë të veçantë u bë virale në janar 2017. Ishte kjo video që i dha kasapit turk pseudonimin Salt Bae, e me hashtagun e ti #SaltBae u bë trend në Twitter.

    Sensacioni i ri i internetit tërhoqi vëmendjen e shumë të famshmëve, të cilët u mahnitën nga video dhe vendosën ta shihnin Gökçen në veprim. Leonardo Di Caprio vizitoi restorantin e tij në Dubai një muaj më vonë në shkurt 2017 dhe shefi i kuzhinës shpejtoi ta dokumentonte atë në mediat sociale. Një vit më pas ai hapi restorantin e tij të parë në SHBA. Në vitin 2022, ai kishte 22 restorante në vende të ndryshme nëpër botë, nga Nju Jorku në Londër, Dubai dhe vende të tjera ekzotike.

    Shumë, në intervale, panë të vërtetën pas reputacionit të shefit të kuzhinës dhe stilit të gjallë të jetesës që ai shfaqte. Salt Bae Burger, i quajtur dikur restoranti më i keq në qytetin e Nju Jorkut, u mbyll disa ditë më parë dhe la pas një tabelë që thoshte se po zhvendoset në një vend të ri. Mbyllja e Salt Bae Burger është rezultat i ecurisë së vështirë të restorantit në New York City gjatë tre viteve të fundit.

    Shumë kritikë po parashikojnë se Salt Bae do të zhduket nga skena e restoranteve./atvlive.tv/

  • Bebe Rexha goditet me telefon në fytyrë derisa ishte duke kënduar në skenë

    Bebe Rexha goditet me telefon në fytyrë derisa ishte duke kënduar në skenë

    Këngëtarja shqiptare, Bebe Rexha, është goditur në fytyrë nga një telefon teksa ishte në një koncert në New York të dielën, pasi dikush nga publiku e gjuajti telefonin drejt skenës.

    33-vjeçarja e pati një koncert në “The Rooftop në Pier 17” në kuadër të turneut të saj “Best F’n Night Of My Life”.

    Siç shihet në një video në Twitter, artistja e “Back to You” ishte duke kënduar në mes të skenës kur dikush e goditi me telefon nga publiku.

    Pas kësaj këngëtarja u ul në gjunjë menjëherë pasi dukej se kishte dhimbje. Adhuruesit e saj të gjithë reaguan në mbështetje të saj në rrjete sociale duke e dënuar këtë veprim të personit që e hodhi telefonin drejt Rexhës, shkruan Dailymail.

  • Mesa: Qyteti i parë miqësor ndaj autizmit në ShBA

    Mesa: Qyteti i parë miqësor ndaj autizmit në ShBA

    Udhëtimi mund të jetë aq stresues për njerëzit me neurodiversitet, sa 87% e familjeve autike nuk bëjnë pushime, sipas një sondazhi nga qendra “Autism Travel”.

    Mbingarkesa e përfshirë në udhëtim si zhurmat e larta, ndryshimet në dietë dhe një ndërprerje në rutinë – mund të shkaktojë shqetësim dhe shpërthime nëse nuk menaxhohet dhe trajtohet me dhembshuri.
    Por qytete si Mesa në Arizona të SHBA-së, po vendosin më në fund mjetet e trajnimit dhe aksesit në mënyrë që të gjithë të mund të shijojnë përfitimet e udhëtimit.

    Në një festë familjare në vitin 2018, presidenti i zyrës së turizmit Visit Mesa në Arizonën jug-qendrore, Marc Garcia, u trondit nga shikimet e çuditshme dhe mungesën e durimit që stafi i mikpritjes kishte për djalin e tij autik.
    Ai u zotua në kthimin e tij për të siguruar që udhëtarët neurodivers që vizituan qytetin e tij do të kishin një përvojë më të mirë në udhëtimin e tyre sesa pati vetë ai.

    Si pikënisje, Garcia punoi për të trajnuar dhe certifikuar të gjithë byronë e turizmit me guidën IBCCES, e cila punon për të ofruar trajnime dhe certifikim të çrregullimeve njohëse për profesionistët, në mënyrë që ata të mund të pajisen më mirë për të ndërvepruar me njerëz neurodivers në mjedise të ndryshme.

    Për bizneset si hotelet, restorantet dhe atraksionet, kjo do të thotë se stafi me publikun është i trajnuar për të kuptuar se çfarë është autizmi, si të ndjejnë empati me mënyrën se si individët autikë e përjetojnë botën dhe ndjeshmëritë e mundshme të përbashkëta dhe si të komunikojnë në mënyrë më efektive me ta.

    Në vitin 2020, një në 36 fëmijë u diagnostikua me autizëm në SHBA, sipas Qendrave për Kontrollin e Sëmundjeve, dhe Organizata Botërore e Shëndetësisë vlerëson se një në 100 fëmijë ka autizëm në mbarë botën, një numër që vazhdon të rritet nga viti në vit, duke e bërë atë çrregullim zhvillimor në rritje në botë.

    Visit Mesa ishte qyteti i parë në SHBA që miratoi programin “Hidden Disabilities Sunflower” në 2021, i prezantuar për herë të parë në Mbretërinë e Bashkuar, me zyrën e turizmit dhe atraksione të tjera që ofrojnë litarë dhe byzylykë falas me temë luledielli për vizitorët.

    Simboli me diell paralajmëron punonjësit e mikpritjes dhe anëtarët e tjerë të informuar të komunitetit se ky person ose familje mund të ketë nevojë për ndihmë për të arritur në një destinacion.

    Në nëntor 2019, qyteti u bë qyteti i parë i certifikuar për autizmin në botë, dhe zyrat dhe qytetet e tjera turistike kanë filluar të ndjekin shembullin.

    Në këtë qytet më shumë se 60 biznese dhe organizata të ndryshme kanë përfunduar trajnimin, mirëpo programi kërkon trajnim vjetor dhe riçertifikim për të siguruar që punonjësit të qëndrojnë të përditësuar mbi praktikat dhe mjetet më të fundit neuro-përfshirëse.

    Vizitorët mund të shohin rezultatin e kësaj në vende si Muzeu i Historisë Natyrore të Arizonës, i cili ofron një udhëzues të dobishëm të ndikimit shqisor të galerive të ndryshme, të cilat mund të aksesohen ose në internet ose të shihen në çdo hyrje galerie.
    Qendra ofron akomodime si batanije të peshuara dhe kufje për anulimin e zhurmës që mund të ndihmojnë gjatë një shfaqjeje, si dhe hapësira të qeta me ndjeshmëri të ulët në rast se dikush ka nevojë për pak kohë.
    Edhe pse ka bërë përparime të mëdha në aksesueshmëri, Mesa nuk do e ngadalësojë hapin për t’u bërë qyteti më i aksesueshëm në SHBA./ATVLIVE.TV/

    Për më shumë ndiqni videon e mëposhtme:

  • Arrestohet edhe një person për sulmin ndaj gazetarëve më 16 qershor në veri

    Arrestohet edhe një person për sulmin ndaj gazetarëve më 16 qershor në veri

    Policia e Kosovës sot në orët e hershme të mëngjesit e ka arrestuar edhe një serb tjetër, U.V. si të dyshuar për sulmet ndaj gazetarëve më 16 qershor në Leposaviq.

    “Arrestimi i tij dhe shoqërimi në stacion policor është kryer si rezultat i hetimeve intensive dhe i sigurimit të dëshmive, se i njëjti është përfshirë në sulm ndaj mediave/gazetarëve me datë 16 qershor 2023. Të gjitha veprimet e mëtejme do të ndërmerren në bashkëpunim dhe koordinim me organet e drejtësisë”, thuhet në njoftimin e PK-së.

    Tutje, theksohet se angazhimi dhe përkushtimi i Policisë së Kosovës, do të vazhdojë për ruajtje të rendit dhe sigurisë publike, për sundim të ligjit dhe sjelljen para organeve të drejtësisë së personave të dyshuar që bien në kundërshtim me rendin dhe ligjin.

    Ky është i arrestuari i tretë për sulmet ndaj gazetarëve që janë bërë në veri të vendit.

  • Kush është grupi “Kobra” në Serbi që thuhet se kidnapoi tre policët e Kosovës në veri

    Kush është grupi “Kobra” në Serbi që thuhet se kidnapoi tre policët e Kosovës në veri

    Ish-zëvendëskomandanti i Flotës Detare, Artur Meçollari tha se KFOR e ka të qartë se çfarë ka ndodhur me tre policët e Kosovës në kufirin mes Kosovës dhe Serbisë.

    Meçollari në Euronews Albania, tregoi se tre policët janë arrestuar nga grupi i ashtuquajtur Kobra i Serbisë, që nuk janë më shumë se 100 trupa dhe veprojnë vetëm me urdhër të komandantit të përgjithshëm të Forcave të Armatosura.

    “Jam i bindur që KFOR ka vajtur në Beograd ka bërë hetimet e nevojshme, sepse kuptohet se forcat Kobra që i kanë rrëmbyer janë marrë në hetim, janë marrë në pyetje, por duket se ka një heshtje që mos të agravohet situata politike. Forcat 100 Kobra janë 100 në gjithë Serbinë, jo më shumë”, tha Meçollari.

    Ai shtoi se ata janë vendosur në policinë ushtarake, por nga pikëpamja operacionale varen nga Shefi i shtabit të përgjithshëm të ushtrisë serbe.

    “Ata janë lëvizur nga Beogradi, ku qëndrojnë, me një urdhër të posaçëm dhe kanë hyrë 5 km larg territorit të Kosovës. Marrëveshja e Kumanovës nuk i lejon forcat ushtarake serbe t’i afrohen 5 km kufirit. Jemi në një situatë delikate; situata politike e bën më shumë evazive pasi palët s’po deklarohen saktësisht çfarë ka ndodhur”, tha Meçollari.