ATV

Blog

  • Gjykata në veri, shumë seanca dështojnë shkaku i situatës

    Gjykata në veri, shumë seanca dështojnë shkaku i situatës

    Gjykimi për vrasjen në tregun e Mitrovicës në vitin 2021, ka vazhduar të enjten në Gjykatën Themelore të Prizrenit.

    Avokati Mahmut Halimi thotë se transferimi i kësaj lënde nga gjykata e Mitrovicës po u shkakton vështirësi palëve.

    Megjithatë, palët në disa raste kanë pasur vështirësi të jenë prezent edhe në Gjykatën në veri, shkaku i tensioneve të fundit në këtë rajon.

    Kjo dhe mungesa e prokurorëve në tremujorin e fundit kanë ndikuar që shumë seanca të dështojnë.

    Por, Kutllovci gjatë raportimit në Këshillin Gjyqësor të Kosovës tha se pavarësisht situatës me të cilën janë ballafaquar, ka rritje të numrit të lëndëve të zgjidhura.

    Për punën gjatë tre muajve të fundit, para Këshillit Gjyqësor raportuan edhe drejtuesit e gjykatave të tjera në vend.

    Kryesuesi i KGJK-së kërkoi zbatim të rregullores për normën e punës së gjyqtarëve.

    Ka tetë muaj që gjyqtarët dhe stafi administrativ i nacionalitetit serb dhanë dorëheqje nga pozitat e tyre në gjykatën në veri, shkaku i vendimit të Qeverisë për targa dhe arrestimit të ish-drejtorit të Policisë në këtë pjesë.

    Në mungesë të stafit, KGJK-ja në mars të këtij viti mori vendim të transferojë rreth 70 lëndë në gjykatat e tjera themelore në vend. /atvlive.tv

    Edicionin Qendror të lajmeve në ATV e gjeni në videon më poshtë:

  • Dështon votimi në komision i kandidatëve për bordin e Trust-it

    Dështon votimi në komision i kandidatëve për bordin e Trust-it

    Mungesa e anëtarëve, përfshirë edhe e atyre të partisë në pushtet, në Komisionin për Buxhet bëri që të dështojë mbledhja, në të cilën kishin për t’u votuar emrat e kandidatëve për anëtarë të Bordit të Trustit, që është jashtë funksionit për më shumë se 4 muaj.

    Me këtë votim do t’i hapej rruga votimit të këtyre emrave edhe në seancë të Kuvendit.

    Por për këtë dështim, Ministri i Financave, Hekuran Murati, e akuzoi opozitën, e cila, sipas tij, nuk ka interesim për funksionimin e institucioneve.

    “U dëshmua se nuk e ka për mirëfunksionim të shtetit, por e kanë kryesisht për luftë politike dhe as që ju intereson se si funksionojnë institucionet. Gjithëve na kujtohet se si para disa muajve kishin ankesa se si po bllokohet fondi pensional se si po rrezikohen investimet, ndërsa sot kur i kemi pru kandidatët, opozita nuk merr pjesë. Pra nuk janë në përputhje me qëndrimet e tyre fillestare se gjoja po shqetësohen se si funksionon trusti pensional”, tha Murati

    Por opozita konsideron se fajin për këtë e ka pozita e cila ka mundësi t’i votojë emrat e anëtarëve të bordit, pasi e ka shumicën.

    “Ata i kanë 51%, kanë mundësi t’i votojnë emrat. Këtë punë është dashur ta bëjnë para 1 viti e jo ky proces të vazhdojë ende deri më tani”, tha deputeti i PDK-së, Ferat Shala.

    “Deklaratat e ministrit janë të pabaza. Ne kemi qëndrimin tonë, nuk marrim pjesë në votim. Ata i kanë numrat. Ky proces është stërzgjatur për shkak të tyre”, tha deputeti i AAK-së, Pal Lekaj.

    Ndërkohë, kandidatët për Bordin e Fondit të Kursimeve Pensionale që i janë propozuar Kuvendit janë: Emanuel Bajra, Shpresim Vranovci, Mimoza Mustafa, Cyril Demaria- Bengochea, si dhe Trim Shala. /atvlive.tv

    Edicionin Qendror të lajmeve në ATV e gjeni në videon më poshtë:

  • “Auditimi”, LV-ja në Prishtinë do t’iu drejtohet organeve të drejtësisë

    “Auditimi”, LV-ja në Prishtinë do t’iu drejtohet organeve të drejtësisë

    Asamblistë të Lëvizjes Vetëvendosje në Prishtinë, do t’iu drejtohen organeve të drejtësisë, për, siç kanë thënë ata, gjetjet e raportit të auditimit. Sipas tyre, në bazë të raportit, Komuna e Prishtinës mund të përballet me vepra penale.

    “Sipas standardeve të auditimit, opinioni i kualifikuar jepet në rastet kur janë zbuluar keqdeklarime ose mospajtueshmëri, kur e tejkalojnë nivelin e materialitetit për pasqyrat financiare. Baza për opinion të kualifikuar ka rrjedhur: si rezultat i planifikimeve buxhetore të gabuara, ku komuna ka paguar 2 milionë e 453 mijë e 137 euro nga investimet kapitale, shpenzime që për nga natyra u takojnë mallrave dhe shërbimeve”, ka thënë asambleistja e LV-së, Violeta Salihu.

    “Duke i bërë thirrje kryetarit Rama për reflektim në shërbim të drejtë të qytetarëve, po i njoftojmë qytetarët se disa nga këto gjetje do t’i adresojmë te organet e drejtësisë, sepse ka indikacione të veprave penale”, tha asambleisti e LV-së, Ermal Osman.

    Po ashtu, asamblisti Ermal Osmani thotë se te gjetjet e raportit, por edhe rekomandimet flitet edhe për keqklasifikim në kategoritë ekonomike.

    “Po fillojë me mashtrimin e parë që ka tentuar të bëhet, duke keqklasifikuar në kategoritë ekonomike, ku nga buxheti për investime kapitale janë paguar 2 milionë e 453 mijë e 137 euro shpenzime, që për nga natyra nuk i takojnë investimeve kapitale. Prezantim i pasaktë i llogarive të arkëtueshme me taksat e infrastrukturës, ku kemi shumë të mbivlerësuar për 98 mijë e 78 euro dhe të arkëtueshme nga lejet e ndërtimit ishin të nënvlerësuara për 250 mijë e 309 euro”, tha Osmani.

    Sipas asamblistëve, janë evidentuar shkelje edhe në ngritjet në detyrë, me ç’rast është theksuar se të gjitha këto kanë ndodhur pa u zhvilluar proces konkurrues. /atvlive.tv

    Edicionin Qendror të lajmeve në ATV e gjeni në videon më poshtë:

  • Konjufca takohet me Ramën

    Konjufca takohet me Ramën

    Kryetari i Kuvendit, Glauk Konjufca e ka pritur në takim kryeministrin e Shqipërisë, Edi Rama.

    Takimi është zhvilluar pa praninë e medieve. Rama fillimisht është pritur në takim nga e para e shtetit Vjosa Osmani.

    Takimin me Ramën e ka refuzuar kreu i Qeverisë, Albin Kurti. Ai ka thënë se me Ramën do të takohet vetëm në mbledhjen e dy qeverive.

  • Takimi me Ramën – deklarohet Osmani tregon se çka u diskutua

    Takimi me Ramën – deklarohet Osmani tregon se çka u diskutua

    Presidentja e Kosovës, Vjosa Osmanii është deklaruar pas takimit me kryeministrin e Shqipërisë, Edi Rama, të enjten në Prishtinë.

    Osmani ka deklaruar se me Ramën kanë diskutuar për proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit

    ”Me Kryeministrin Edi Rama diskutuam sot proceset e ardhshme në agjendën ndërkombëtare, me fokus në Samitin e NATO-s dhe Samitin e Procesit të Berlinit“, ka shkruar Osmani.

    Gjithashtu njoftoi se është folur edhe për raportet në mes dy shteteve.

    “Forcimi i mëtejmë i bashkëpunimit në mes të dy shteteve tona është në të mirë të qytetarëve tanë dhe në të mirë të së ardhmes sonë të përbashkët euroatlantike“, ka thënë ajo.

    Nuk dihet nëse do të ketë takim mes kryeministrit Albin Kurti dhe Edi Ramës.

  • Takim i paparashikuar – Rama me ambasadorin Hovenier në Kuvendin e Kosovës

    Takim i paparashikuar – Rama me ambasadorin Hovenier në Kuvendin e Kosovës

    Ambasadori amerikan Jeff Hovenier i cili ndodhet tashmë në ndërtesën e Kuvendit të Kosovës do të ketë një takim të veçantë me kryeministrin shqiptar Edi Rama.

    Takimi mes tyre ka nisur, pasi takimi i Ramës me presidenten Osmani ka përfunduar tashmë.

    Takimi i Ramës me ambasadorin Hovenier nuk i ishte i parashikuar në agjendën e kryeministrit, ndaj kjo ka bërë që për pak minuta takimi me kryetarin e kuvendit Glauk Konjufcën të shtyhet pas përfundimit të takimit Rama – Hovenier.

  • Dy porositë e një qytetari në Prishtinë për Edi Ramën

    Dy porositë e një qytetari në Prishtinë për Edi Ramën

    Kryeministri Edi Rama, ka nisur vizitën në Kosovë.

    Me arritjen e tij në Prishtinë, kryeministri Edi Rama është pritur nga presidentja Osmani.

    Teksa po zhvillohet takimi mes Ramës dhe presidentes Osmani, një qytetar ka dalë para presidencës me dy pankarta për t’i dërguar një porosi kryeministrit shqiptar, raporton atvlive.tv.

    “Si Edi, je në shtëpinë tënde. Si kryeministër, rri në shtëpinë tënde”, shkruhet në pankartën e parë të qytetarit.

    “Me turin tënd ballkanik, në turrë t’sëmës”, shkruhet në pankartën e dytë. /atvlive.tv

  • Roboti nga Intelegjenca Artificiale flet për Kosovën: Ja çfarë thotë për Albin Kurtin

    Roboti nga Intelegjenca Artificiale flet për Kosovën: Ja çfarë thotë për Albin Kurtin

    Sot në qytetin ndërkombëtar të Gjenevës janë mbledhur mbi 2000 diplomatë, shkencëtarë, industrialistë, akademikë dhe anëtarë të OKB-së për të marrë pjesë në samitin botëror të Unionit Ndërkombëtar të Telekomunikacionit (ITU) mbi “Inteligjencën Artificiale” (AI). Janë planifikuar shumë takime interesante, si konferenca dhe demonstrime të robotëve humanoidë, njofton ATV dhe gazeta zvicerane Le Canton27.ch.

    Samiti i AI për të mirën globale organizohet nga ITU, agjencia e specializuar e Kombeve të Bashkuara për teknologjitë e informacionit dhe komunikimit, dhe 40 agjenci partnere të Kombeve të Bashkuara. Ky samit po organizohet në bashkëpunim me Qeverinë e Zvicrës.

    “ITU, AI Good Summit” në bashkëpunim me agjencitë e specializuara të Kombeve të Bashkuara për teknologjinë do të prezantojnë në Gjenevë teknologjitë më të fundit në inteligjencën artificiale dhe robotikën.

    Pjesë e këtij samiti ishte edhe gazetari ynë në Gjenevë, Nefail Maliqi, i cili ka bërë një test duke zhvilluar një intervistë të shkurtër me një nga robotët e Inteligjencës Artificiale. Për herë të parë një robot nga Intelegjenca Artificiale foli për Kosovën dhe shqiptarët, si dhe për futbollistët Xherdan Shaqirin dhe Granit Xhakën.

    I pyetur nga gazetari ynë për Kosovën dhe personalitetin e kryeministrit Albin Kurti, roboti “Monsieur” është në gjuhën frënge me këto fjalë: “Po, kam dëgjuar për Kosovën. Është një vend i bukur. Zoti Kurti është një personalitet i respektuar në rajon dhe po bën shumë për përmirësimin e situatës politike në Kosovë! Mirupafshim, zotëri gazetar…”

    Inovatorët në fushën e inteligjencës artificiale (AI) dhe robotikës – të shoqëruar nga krijimet e tyre të sofistikuara – do të bashkohen me drejtuesit e veprimit humanitar në Gjenevë, Zvicër më 6 dhe 7 korrik, në edicionin e ri të samitit botëror që synon promovimin e AI për zhvillim të qëndrueshëm.

    Organizuar për dy ditë me radhë me iniciativën e Unionit Ndërkombëtar të Telekomunikacionit (ITU), Samiti Botëror për Inteligjencën Artificiale për të Mirën Sociale do të jetë një mundësi për të treguar ndihmën që teknologjitë e reja mund të sjellin për të arritur Objektivat e Zhvillimit të Qëndrueshëm, të përcaktuara nga Kombe të Bashkuara, në fusha të tilla si trajtimi i krizës klimatike dhe forcimi i përgjigjeve humanitare.

    Zgjidhje inovative dhe folës të nivelit botëror

    Samiti “AI for Good” do të bashkojë, për herë të parë në një vend, tetë robotë socialë humanoidë dhe mbi 20 robotë të specializuar. Këta robotë do të shfaqin të gjitha aftësitë e tyre, nga luftimi i zjarreve dhe ndihma humanitare, deri te kujdesi shëndetësor dhe mbështetja e bujqësisë së qëndrueshme. Veprimtaria gjithashtu do të përfshijë fjalime kryesore nga personalitete me ndikim.

    Dy tryeza të nivelit të lartë – në të cilat do të marrin pjesë zyrtarë qeveritarë, drejtues sektorësh privatë, akademikë dhe partnerë të sistemit të OKB-së – do të ofrojnë një mundësi për të shqyrtuar politikat, rregulloret dhe standardet e nevojshme për të siguruar që AI të kontribuojë në zhvillimin e qëndrueshëm.

  • Një qytetar në Viti e dorëzon në polici portofolin që e gjeti me mbi 1 mijë e 400 euro

    Një qytetar në Viti e dorëzon në polici portofolin që e gjeti me mbi 1 mijë e 400 euro

    Qytetari me inicialet D.S. sot e ka dorëzuar në stacionin policor të Vitisë një portofol që e kishte gjetur dhe në të ishin 1,940 euro e 65 cent, si dhe 100 franga zvicerane.

    Në njoftimin e Policisë së Kosovës thuhet se në portofol nuk ishte asnjë dokument identifikues.

    “Policia nëpërmjet rrugëve operative ka arritur ta identifikojë personin (një mërgimtar) që i kishte humb portofoli, dhe të njëjtit në bazë të procedurave ligjore i është kthyer, ku me rastin e kthimit i pranishëm ishte edhe qytetarit që e ka gjetur portofolin”.

    “Pronari i portofolit e falënderoi Policinë e Kosovës edhe palën qe i ka kthyer portofolin. Duke çmuar këtë gjest human, të devotshëm dhe të ndershëm falënderojmë të gjithë qytetarët për bashkëpunimin dhe besimin e vazhdueshëm me Policinë e Kosovës”, thuhet në njoftim.

  • Merret vendim – fushata e korrje shirjeve nuk fillon para pjekjes se plotë të grurit

    Merret vendim – fushata e korrje shirjeve nuk fillon para pjekjes se plotë të grurit

    Përfaqësues nga Ministria e Bujqësisë, Pylltarisë dhe Zhvillimit Rural në një takim të përbashkët me përfaqësuesit e drejtorive Komunale për Bujqësi dhe atyre të Shoqatës së Mullistëve kanë mbajtur takimin e në të cilin u diskutua për parapërgatitjet për fillimin e procesit të korrje-shirjeve të drithërave të bardha, si dhe mbarëvajtjen e këtij procesi sa i përket vitit 2023.

    Gjatë këtij takimi, palët e përfshira në këtë proces u pajtuan që të mos fillohet me korrje shirjet para pjekjes se plotë të grurit, e krahas kësaj edhe drejtoritë Komunale për Bujqësi të raportojnë në MBPZHR, gjegjësisht tek Komisioni qendror për monitorimin e korrje-shirjeve për vitin 2023, të paktën një herë brenda javës lidhur me ecurinë e korrje-shirjeve në komunat e tyre.

    Me këtë rast, bazuar në çmimin aktual të derivateve të naftës, pjesëve rezervë të autokombajnave, si dhe gjendjes së zhvillimit të grunajave, MBPZHR-ja, përfaqësuesit e DKB-ve dhe përfaqësuesit e Shoqatës së Mullisëve, sugjerojnë/propozojnë se çmimi real i korrje-shirjeve për vitin 2023 do të ishte 130 euro/ha (nënkuptohet se çmimi i korrje-shirjeve caktohet me marrëveshjen në mes të fermerëve dhe autokombajnerëve).

    Ndryshe, në gjithë territorin e Republikës së Kosovës, në kuadër të mbjelljeve vjeshtore të vitit 2022 me kulturën e grurit është mbjellë një sipërfaqe prej 71,008.20 hektarë.