Ferizajt ka ngelur prej dekadash në gjendje të mjerë.
Qytetarët pohojnë se shtëpitë përdoren për aktivitete ilegale.
“Është nevojë të rrënohet mos me ju lon hapësirë të rinjëve të pandërgjegjshëm të krijojnë degjenerim. Duhet me rrënu se po përdoret për drogë nga ata”, thotë një qytetar.
“Këto shtëpi duhet të hiqen, më vjen keq ta them por njerëzit po përfitojnë në mënyrë ilegale duke për punë të ndryshme në këto shtëpi. Është mirë që pushteti të bëjë çmos t’i rrënojë ato”, tha një qytetar tjetër.
Hiç më larg se 200 metra, në gjendje të njëjtë është edhe një tjetër shtëpi.
Megjithatë, nga drejtoria e Urbanizmit thonë se ende nuk kanë leje për rrënimin e tyre nga pronarët e shtëpive.
“Nuk kemi pas leje nga pronarët për rrënim. Në momentin që na lejohet rrënimi do të fillojë përmes rregullave procedurale për leje rrënim në këto shtëpi të cilat janë të rrezikshme për qytetarët tanë”, tha drejtori i Urbanizmit në Ferizaj, Arbër Bytyqi.
Sipas qytetarëve, pronarët tash e 40 vjet nuk janë paraqitur për të rregulluar gjendjen e keqe të shtëpive të tyre. /atvlive.tv
Edicionin Qendror të lajmeve në ATV e gjeni në videon më poshtë:
Në Kosovë po vazhdon rritja e çmimeve të produkteve ushqimore.
Sipas qytetarëve, kjo rritje po del të jetë e papërballueshme, e që sipas tyre shtimi i inspektorëve në treg është i nëvojshëm.
“Çmimet janë të larta për pagat që janë në vend. Disi po duhet me ia dalë, sipas mundësive ashtu edhe po duhet të shpenzojmë. Qeveria të ketë pak rritje të rrogave, të pensioneve. Duhet të shtojë edhe numrin e shumë inspektorëve, sidomos në produktet e ushqimeve duhet me qenë në çdo market ta shohin çdo produkt sepse shumë keq kështu”, tha Mevlude Sylejmani, qytetare.
“Sa më shumë t’i zbresin çmimet, sepse për pensionistët është e vështirë. Por, dashtë Zoti të na zvogëlojnë çmimet, kish me qenë më së miri”, tha Ramadan Ajvazi, qytetar.
sipas ekonomistit Mustafë Kadrijaj vendimi i Qeverisë për ndalimin e transportimit të mallrave serbe në Kosovë, mund të ndikojë në rritjen e çmimit të produkteve.
“Tani kur e gjithë Kosova dhe e gjithë bota punojnë sipas ekonomisë së tregut dhe liberal dhe në të bëjmë këso hapa arbitrar, kjo do ta dëmtojë Kosovën si një shtet. Bizneset zakonisht kur ka këso spekulime ekonomike tentojnë që t’i rrisin çmimet dhe në këtë drejtim Ministria e Tregtisë përmes inspektoratit të tyre duhet të ndërmarrë hapa konform ligjit që të gjobiten bizneset që bëjnë rritje të çmimeve enorme”, tha Mustafë Kadrijaj, ekonomist.
Kryetari i Odës Ekonomike të Kosovës, Lulzim Rafuna, thotë vendimi i Qeverisë së Kosovës mund të sjellë ngritje të çmimeve, si shkak i rritjes së kostove.
“Në afatshkurtër nuk besoj se do të ketë ndonjë efekt, mirëpo nëse zgjat më shumë kjo masë ndalese, atëherë do të ketë padyshim efekt, për arsyeje se gjithë ata qe e kanë marrë lëndën e parë në Serbi dhe në qoftë se tani nuk mund ta importojnë prej aty, do të detyrohen që ta kërkojnë në një treg më të lartë që do ju kushtojë më shtrenjtë, vet distanca e transportit do ta ketë koston më të lartë dhe do të vijë deri tek shtrenjtimi i lëndës së parë që ajo me automatizëm më pas do të reflektojë në produktin final”, tha Rafuna.
Rafuna për më tepër kërkoi angazhimin e inspektorëve në tregje, derisa nga Ministria e Industrisë, Ndërmarrësisë dhe Tregtisë thonë që inspektimi i tregut bëhet në baza ditore.
“Inspektorati i Tregut, konform mandatit ligjor që ka, bën monitorim të tregut në baza ditore, për të evidentuar dhe parandaluar çdo abuzim të mundshëm me çmimet e produkteve nga tregtaret kundrejt konsumatorëve. Çështja e abuzimeve me çmime të produkteve, të drejtat ekonomike të konsumatorëve dhe penalizimet ndaj subjekteve ekonomike që abuzojnë me çmime, rregullohet Ligji Nr. 06/L-034 Për Mbrojtjen e Konsumatorit. Gjobat që shqiptohen sipas këtij ligji, janë proporcionale me shkeljet që bëhen nga subjektet ekonomike”, thuhet në përgjigjen e MINT-it.
Sipas Agjencisë së Statistikave të Kosovës, inflacioni mujor i çmimeve të konsumit ishte 0,1 % në muajin maj. Norma vjetore e inflacionit, e matur në muajin maj 2023, me muajin maj 2022, ishte 5,5 %. /atvlive.tv
Edicionin Qendror të lajmeve në ATV e gjeni në videon më poshtë:
Fillimit të muajit i gëzohet pothuajse çdo punëtor. Por jo edhe ata të sigurimit të Komunës së Mitrovicës së Veriut, të cilët nuk kanë marrë pagë tash e sa muaj.
Në fakt këta nuk janë paguar që nga koha kur serbët i braktisën institucionet në veri.
Por zgjidhje nuk u gjeti ende as qeverisja e re komunale.
Në situatë të njëjtë janë edhe 7 punëtorët e sigurimit në komunën e Zveçanit.
Kompania e kontraktuar nga Komuna, nuk i ka paguar punëtorët e saj, pasi siç thotë, komuna nuk ua ka proceduar paratë atyre.
Sidoqoftë, në këtë komunë kryetari i ri, Ilir Peci, tha se po punojnë që brenda pak ditëve të rregullohet kjo çështje.
“Është shumë e vërtetë se tash kanë hy në muajin e shtatë që s’kanë marrë pagë. Këtu janë gjithsej 7 punëtorë, mirëpo jemi në procedurë shumë të shpejtë dhe besoj që brenda pak ditëve do të përfundojë edhe pagesa e tyre se me të vërtetë ka zgjatë shumë, 7 muaj pa pagesë është jashtë mase”, tha Peci.
Por asnjëra palë nuk tregoi nëse muajt e kaluar pa paga, do t’u kompensohen punëtorëve. /atvlive.tv
Edicionin Qendror të lajmeve në ATV e gjeni në videon më poshtë:
Këta zyrtarë policorë, po presin që të vijë ndonjë mjet transportues për të shkuar në shtëpi, pasi institucioni ku punojnë nuk ua siguron transportin.
Problemi rritet kur ata janë në ndërrimin e pasdites, pasi atëherë nuk ka as linja private të transportit, andaj këta zyrtarë policorë mbesin në mëshirë të qytetarëve, që dikush t’i afrojë deri në qytetin ku jetojnë.
“Ata ose duhet të udhëtojnë me veturat e tyre private ose duhet të mbeten në mëshirën e qytetarëve, nëse dikush qëllon rastësisht udhëton në drejtim të vendbanimit të tyre dhe i merr zyrtarët policorë, prandaj kjo çështje duhet të rregullohet, ose t’iu paguhet udhëtimi ose të rregullohet në një formë tjetër me një transport zyrtar”, tha kryetari i Sindikatës së Policisë, Imer Zeqiri.
Në fakt, transporti për zyrtarët policorë kishte qenë i rregulluar më herët përmes disa autobusëve, që kanë qarkulluar kryesisht nëpër qytetet e mëdha, por për shkak të vjetërsisë së tyre, ata tashmë janë jashtë përdorimit.
Të mos harrojmë që ka shumë pjesëtarë të policisë, e sidomos ata që punojnë në divizionin e sigurisë së objekteve, që udhëtojnë nga qytete mjaft të largëta, në fakt udhëtojnë edhe nga fshatrat, të cilët udhëtojnë për shembull nga qyteti i Kamenicës, Gjilanit, Vitisë e Vushtrrisë e kështu me radhë, të cilëve u duhet të udhëtojnë bukur gjatë në mes të natës, për me ardhur në vend të punës. Besoj që është mjaft e vështirë dhe është dashur dhe duhet gjithsesi që Policia e Kosovës të gjejë një zgjidhje për ta”, tha ish-drejtori i Policisë, Rashit Qalaj.
Sipas Qalajt, i cili për një kohë e kishte drejtuar vetë institucionin e policisë, thotë se ka buxhet të mjaftueshëm për blerjen e autobusëve të rinj dhe rregullimin e transportit, por që ka
keqmenaxhim brenda.
Sidoqoftë, Policia nuk ka treguar nëse ka në plan që për punonjësit e tyre ta rregullojë çështjen e transportit. /atvlive.tv
Edicionin Qendror të lajmeve në ATV e gjeni në videon më poshtë:
Kosova nuk e ka një institucion të veçantë që do shqyrtonte shkeljet ligjore të pjesëtarëve të Forcës së Sigurisë së Kosovës: fjala është për Gjykatën Ushtarake.
Sipas ish-kryetarit të ish-Gjykatës Ushtarake të UÇK-së, Sokol Dobruna, një institucion i tillë është i nevojshëm për ushtrinë pasi do shërbente në forcimin e disiplinës së trupave të FSK-së.
“Si çdo shtet, një ushtri përpara unë e kam përfunduar ushtrinë në kohë të ish-Jugosllavisë, ka qenë gjykata ushtarake. Kjo vlen për ushtarët… Unë mendoj se pavarësisht nga numri, gjykata ushtarake mirë është të ekzistojë. Sepse ajo e luan rolin e forcimit të disiplinës. Në këtë aspekt, mirë do të ishte, por kjo është çështje e qeverisë, e organeve tjera… Në ushtri ekziston policia ushtarake, policia ushtarake më lehtë e ka për me i mbajt disiplinën kur ekziston gjykata ushtarake”, tha Dobruna.
Mirëpo, njeriu që qe në krye të FSK-së nga viti 2011 deri në vitin 2015, ndan një tjetër qëndrim sa i përket themelimit të Gjykatës Ushtarake.
“Me një numër të caktuar që Ushtria e Kosovës i ka pesë mijë (ushtarë) aktivë dhe tre mijë rezervë apo edhe numër deri në 10 mijë, Kosova është shtet i vogël dhe nuk ka nevojë që të ketë një gjykatë të posaçme ushtarake për shkak se nuk ka edhe raste shumë të theksuara që kanë shkelje ligjore apo kanë vepra penale. Dhe për mendimin tim do të ishte ngarkesë e buxhetit apo e panevojshme që Ushtria e Kosovës të ketë një gjykatë ushtarake. Ne jemi në dijeni që FSK ka nxjerrë një ligj për Ombuspersonin apo për një njeri, i cili do të merret për mbrojtjen e të drejtave të të gjithë ushtarëve, nënoficerëve dhe oficerëve dhe ai person do të jetë në një mënyrë edhe mbrojtës i atyre pjesëtarëve, por edhe urë lidhëse mes gjykatave”, tha Kadri Kastrati, gjenerallejtnant i FSK-së.
Sipas ish-gjeneralit Katrati, rastet ku pjestarët e FSK-së implikohen në vepra penale janë të minimale.
E në linjë me mendimin e ish-gjeneralit është edhe Mentor Vrajolli nga Qendra Kosovare për Studime të Sigurisë.
“Modeli i gjykatave ushtarake i përket ushtrive më të mëdha që kanë nevojë, për shembull shteteve të mëdha që kanë nevojë për të pasur një model të tillë për faktin që numri i pjesëtarëve, të cilët mbulojnë këto gjykata janë të mëdha. Në Kosovë mendoj që numri i ushtarëve është jashtëzakonisht i vogël për të krijuar kaq shumë instanca të cilat janë duke u krijuar. Mendoj që mbase mund të krijohet një dhomë pranë gjykatave aktuale, apo të caktohet një prokuror apo gjykatës që merret me këto raste. Por, nuk mendoj që ka nevojë që Kosova të ketë gjykatë ushtarake”, tha Vrajolli.
Ndërkaq, veprimtaria e Gjykatës Ushtarake të UÇK-së, ka zgjatur rreth katër muaj gjatë viteve ’98 dhe ’99. /atvlive.tv
Edicionin Qendror të lajmeve në ATV e gjeni në videon më poshtë:
Dy ditë pas shkarkimit të shefit të ekipit që udhëhiqte hetimet ndaj Martin Berishajt e Nagip Krasniqit, Partia Demokratike e Kosovës e ka quajtur ndërhyrje të pastër politike shkarkimin e Shemsi Hazirit.
Koordinatori i Departamentit për Drejtësi në kuadër të Kabinetit për Qeverisje të Mirë të PDK-së, Përparim Gruda, ka thënë se Qeveria ka për qëllim të parandaloj hetimet ndaj zyrtarëve të partisë në pushtet.
“Shkarkimi i Drejtorit të Njësisë së Veçantë të Hetimeve tregon se kjo Qeveri dëshiron të mbroj më çdo kusht njerëzit e saj që janë nën hetime për korrupsion, dhe këtë po e bënë duke ndërhyrë në mënyrë të papranueshme në procesin e hetimit ndaj tyre. Ky shkarkim shpjegon arsyen dhe motivet e vërteta pse Kryeministri Kurti dhe kjo Qeveri sulmonte prokurorin e shtetit me aq brutalitet pak ditë pas arrestimit në Nagip Krasniqit”, tha Gruda.
Derisa thotë që ky rast tregon që premtimet për luftë kundër korrupsionit kanë qenë një mashtrim, Gruda u bënë thirrje Qeverisë të heqin dorë nga ndërhyrjet politike.
“Po ashtu, i bëjmë thirrje Qeverisë së Kosovës që të heq dorë nga ndërhyrjet politike në organet që po zhvillojnë hetimet dhe t’i hap rrugë zbardhjes së kësaj afere. Më lejoni të jem i qartë për të gjithë, nuk ka forcë që mund të mbyllë dhe heshtë aferën korruptive të Martin Berishajt dhe Nagip Krasniqit. Qytetarët e Kosovës do të marrin vesh herët apo vonë të vërtetën e këtij skandali korruptiv”, tha Gruda.
Se nuk është hera e parë që partitë në pushtet tentojnë të parandalojnë hetimet ndaj zyrtarëve të tyre, e thotë edhe nga Instituti i Kosovës për Drejtësi.
“Nuk është hera e parë që Task Forca kundër Korrupsion e Policisë së Kosovës është subjekt i vendimeve politike për shkak të punës dhe performancës së tyre në luftimin e korrupsionit. Njëjtë kishte vepruar edhe LDK me përpjekjen për të shpërbërë të njëjtën në kohën e kryeministrit Hoti kur kjo Task Forcë kishte filluar me arrestime dhe hetime të zyrtarëve të lartë të LDK. Të njëjtën qasje po e zbaton edhe VV, duke shkarkuar drejtorin e kësaj Task Force kur ky mekanizëm po heton rastet e ambasadorit Martin Berishaj dhe drejtorit të KEK Nagip Krasniqi. Fatkeqësisht, politika në publik bën propagandë për luftimin e korrupsionit derisa në praktikë ushtron ndërhyrje politike për të mbrojtur të dyshuarit për korrupsion duke vazhduar kulturën e pandëshkueshmërisë”, tha Ehat Miftaraj nga IKD.
Ambasadori Martin Berishaj është nën hetime në Kosovë për mosdeklarim të pasurisë, kurse procedura ndaj tij janë paralajmëruar ose po zhvillohen edhe në vende tjera të rajonit.
Ndërkaq, ish-drejtori i KEK-ut, Nagip Krasniqi, i cili ndodhet në paraburgim, akuzohet për keqpërdorim të detyrës zyrtare dhe korrupsion. /atvlive.tv
Edicionin Qendror të lajmeve në ATV e gjeni në videon më poshtë:
Cilësimi si tigër prej letre që Ministrja e Punëve të Jashtme Donika Gërvalla, i bëri Bashkimit Evropian, kur tha se nuk janë të aftë të garantojnë paqe e siguri në rajon, mori vëmendjen e të gjithëve.
Por para këtij deklarimi në forumin e Dubrovnikut, Ministrja Gërvalla dha disa shifra që aludojnë se 84 për qind e qytetarëve janë kundër kompromiseve në dialog me Serbinë.
“Pse në 2021, 50 për qind e qytetarëve than mos bëni kompromis në dialogun e lehtësuar nga BE-ja, ndërsa në mars të këtij viti 84 për qind ishin kundër që të ketë kompromis në dialog. Kjo është një fatkeqësi për çdo ndërmjetësim që të prodhoj një dinamik të tille dhe sigurisht që ka alternativa që po themi se duhet strategji të reja”, tha Gërvalla.
Këto statistika Ministrja Gërvalla me shumë gjasë i përmendi referuar një sondazhi të bërë nga Instituti Republikan Ndërkombëtar, në periudhën shkurt – mars të këtij viti.
Por i njëjti sondazh, thotë se mbi 90 për qind e qytetarëve i besojnë Amerikës dhe Shqipërisë si partnerë kryesorë në politikë, ndonëse krerët e Qeverisë aktuale, ka kohë që nuk kanë takuar zyrtarë të lartë amerikan dhe kanë refuzuar takimet me Kryeministrin e Shqipërisë.
Sipas analistëve, diplomacia kosovare po vepron në bazë të sondazheve, pa vlerësuar si duhet peshën e veprimeve.
“Kjo tregon që me këtë politik popullsite dhe të udhëhequr nga sondazhet, në vazhdimësi qeveria Kurti dhe politika e jashtme kanë demonstruar se mund t’i sjellin Kosovës vetëm armiq dhe jo miq, dhe natyrisht kjo politikë e cila është udhëhequr vazhdimisht nga qeveria e Kosovës e dëmton skajshmërish pozicionin e Kosovës në arenën ndërkombëtare”, tha analisti politik, Arbnor Sadiku.
Sipas Sadikut, Kosova nuk është në pozicion që të veproj kësisoj pasi i nevojitet ndihma e ndërkombëtarëve.
“Udhëheqja e politikës së jashtme me popullizma të tillë dhe me një politikë e cila dihet që më shumë udhëhiqet nga shtetet e forta që kanë ekonomi, diplomaci dhe ushtri të fortë kurse politika liberale udhëhiqet nga shtetet që kanë si Kosova një politikë e cila afekton të ardhmen e saj evropiane dhe bazohet më tepër mbi vlerat e saj demokratike se sa mbi pozitën e saj me forcave të brendshme në raport me politikën e jashtme dhe arenën ndërkombëtare”, tha Sadiku.
Në sondazhin e lartcekur, SHBA-ja vlerësohet si mbështetësi kryesorë, edhe në fushat e tjera përfshirë edhe atë të ekonomisë. /atvlive.tv
Edicionin Qendror të lajmeve në ATV e gjeni në videon më poshtë:
Situata në veriun e Kosovës po shihet si shqetësuese nga kryeministri i Britanisë së Madhe Rishi Sunak.
Kurse sipas tij, dialogu Kosovë-Serbi i ndërmjetësuar nga Bashkimi Evropian është zgjidhja që ai përkrah.
Rastin e saj për t’i bërë pyetje kryeministrit Britanik, deputetja Alicia Kearns ngriti një çështje: zgjerimin e mandatit të KFOR- it në mënyrë që ata të mund të merren me armët ilegale që sillen nga Serbia në Kosovë.
“Ne gjithashtu konsiderojmë lobimin për zgjerimin e mandatit të KFOR-it në Kosovë, në mënyrë që ata të mirren me armët ilegale që sillen nga Serbia në Kosovë dhe të cilat financohen ilegalisht nga Beogradi”, tha Kearns.
Pasi morri fjalën, kryeministri britanez Rishi Sunak tha se përgjegjësia për ulejen e tensioneve në veri të vendit i takon kryeministrit të Kosovës, Albin Kurtit dhe presidentit serb, Aleksndër Vucic.
“Ne jemi veçanërisht të shqetësuar, unë jam i shqetësuar për situatën në veri të Kosovës, të cilën ju e njihni, i dënojmë fortë sulmet e paprovokuara nga protestuesit ndaj personelit të KFOR-it. Sekretari i Jashtëm i ka thënë tashmë kryeministrit të Kosovës dhe Serbisë se prijësit në Beograd dhe në Prishtinë kanë përgjegjësi për të ulur tensionin dhe për ta parandaluar dhunën e mëtejshme”, tha Sunak.
Kryetarja e Komisionit të Punëve të Jashtme të Parlamentit të Mbretërisë së Bashkuar, Alicia Kearns, tha se Qeveria britanike është informuar nga KFOR-i se këto armë mbërrijnë me ambulanca nga Serbia. /atvlive.tv
Edicionin Qendror të lajmeve në ATV e gjeni në videon më poshtë:
Një tjetër pushuese rreth moshës 40-vjeç ka rrezikuar jetën mesditën e sotme në zonën e Kune Vainit.
40-vjeçarja është dërguar menjëherë në urgjencën e spitalit të Lezhës për ndihmë mjekësore dhe po mbahet nën kontroll për shkak se kishte konsumuar shumë ujë.
Brenda kësaj jave është rasti i tretë ku pushues nga Kosova rrezikojnë të mbyten në bregdetin e Shëngjinit, raporton Top Channel.
Edhe pse deti është i trazuar dhe janë ngritur flamujt e kuq në pikat e vrojtimit ajo çka vihet re janë kullat e vrojtimit bosh.
Situata në veri të vendit, ka krijuar një pasiguri për të gjithë bashkatdhetarët që marrin rrugën në Kosovë përmes pikave kufitare të Serbisë. Të dhënat e fundit nga Qendra për Menaxhim Kufitar theksojnë se ka rënie të hyrjeve në pikat kufitare tokësore të Kosovës.
Për shkak të situatës së krijuar në veri të vendit, bashkatdhetarët tanë që jetojnë dhe veprojnë në vendet evropiane, po zgjedhin rrugë më të gjata për vizitë në vendlindje, por të sigurt.
Qendra Kombëtare për Menaxhim Kufitar, ka bërë të ditur për Radio Kosovën, përmes postë elektronike, se hyrjet për në Kosovë janë shtuar më shumë në pikëkalimin “Perëndimi” në Morinë, përderisa pikëkalimi “Veriu”, ku përfshihet pikëkalimi në Merdar, ka shënuar dukshëm rënie.
Sipas statistikave të tyre del se në nga data 01.06.2023-deri më 03.07.2023 në Kosovë kanë hyrë 591 mijë e 636 persona. Kjo është një rënie krahasuar në datat e njëjta të vitit 2022, ku përmes pikave kufitare tokësore në Kosovë kanë hyrë mbi 740 mijë persona.
Bashkatdhetari Rexhë Islamaj, jeton në Zvicër. Ai thotë se për shkak të situatës në vend dhe thirrjes së qeverisë për shmangie të pikës kufitare në Merdar, ka ardhur në Kosovë përmes rrugës Kroaci, Mal të Zi e Shqipëri.
“E kam ndërruar për shkak që qeveria ka kërkuar, dhe një shok me mua ka qenë me dokumente të Kosovës, dhe nuk kemi dashur që t’i biem andej për shumë arsye. Kam ardhur nëpër Kroaci, kemi kaluar shumë mirë. Rruga ishte shkurtuar për 100 km, dhe kemi hyrë në Mal të Zi direkt dhe pa telashe. Kemi ardhur gjithmonë për Merdar ose te Dheu i Bardhë, e tash kthimin do ta bëjë nga Durrësi për në Itali, me trajekt”, tha Islamaj.
Fatmir Syla, ka vite që jeton në Gjermani me familjen e tij. Ai thotë se nuk kalon nga Merdari asnjëherë për shkaqe sigurie.
“Nga Gjermania kam ardhur me 26, nga Kroacia-Slloveni –Kroaci, Mal të Zi, Shqipëri, e preferojë gjithmonë këtë rrugë për shkak të sigurisë. Kam pasur frikë se do të ketë më fluks për arsye se për Serbi kanë bërë thirrje me u shmang, por ka qenë gjithçka në rregull edhe pa tollovi, përveç në Mal të Zi që kemi pritur 10 minuta përndryshe udhëtimi ka qenë pa probleme dhe shumë mirë kemi kaluar. Unë për Merdar nuk udhëtoj kurrë, për shkak të sigurisë”, tha Syla.
Qeveria ditë më parë, i ka bërë thirrje diasporës kosovare që të shmangin pikëkalimin kufitar nëpërmjet Serbisë, për shkak të situatës së krijuar në veri të vendit, për të shmangur çfarëdo incidenti, dhe duke përdorur rrugë alternative për udhëtim.
