Ka nisur takimi i anëtarëve të Komisionit për Punë të Jashtme dhe Diasporë me shefin e Zyrës së Bashkimit Evropian në Kosovë, Tomas Szunyog.
Mediat janë lejuar të marrin pamje ne fillim të takimit.
Nuk dihet nëse do të ketë deklaratë për media.
Blog
-
“Sa plakemi aq ma dreq po bohemi”, thotë një qytetar i Prizrenit derisa i përgjigjet pyetjes për kuptimin e fjalës ”xhixhivalle”
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten, prej orës 21:10.
Një ndër rubrikat që e përcjellin këtë emision është edhe rubrika “Shqipnisht”, përmes së cilës mësohen fjalë dhe shprehje të ndryshme, që përdoren në regjione të rajonit.
Në kuadër të kësaj rubrike, gazetarja e ATV-së i ka pyetur qytetarët e Prizrenit se a e dinë ata kuptimin e fjalës “xhixhivalle”, e cila përdoret në Vlorë.
Shumë nga qytetarët e Prizrenit nuk e kanë ditur kuptimin e kësaj fjale, por disa nga ta thanë se e kanë dëgjuar këtë shprehje.
Por, krahas pyetjes dhe përpjekjes së tyre për të gjetur përgjigjen, shumë qytetarë lëshuan deklarata interesante para kamerës së ATV-së.
Një qytetar i Prizrenit derisa u përgjigj në pyetje e gazetares tha se “sa po plakemi aq ma dreq po bohemi”.
Për më shumë ndiqni videon e mëposhtme:
-
‘Përpara vishin me na vizitu krejt, tash s’ia nin kërkujt për neve’ – Mërgimtari flet për kohën kur i madh e i vogël vinin t’i shihnin sa herë që vinin nga mërgimi
Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.
Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.
Në emisionin e mbrëmshëm, ekipi i ATV-së bëri një vizitë në fshatin Kuqishtë të komunës së Pejës.
Mërgimtari Ali Dreshaj, sa herë vjen në Kosovë, pjesën më të madhe e kalon në fshatin Kuqishtë.
Ai, në një bisedë për ATV-në, tregon se vite më parë, kur mërgimtarët vinin në vendlindje, të gjithë i vizitonin, ndërsa tani sipas tij, kohët kanë ndryshuar.
“Përpara kur ke ardh, kanë ardh me të vizitu kojshia, njerëzit e afërt, e tash nuk i intereson kujt a erdhe a shkove”, tregon Aliu.
Reportazhin e plotë të ATV-së në fshatin Kuqishtë, si dhe bisedën më mërgimtarin Ali Dreshaj, e gjeni në videon më poshtë:
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
-
Eurobasket 2025, Kosova përballet sot me Danimarkën
Kombëtarja e Kosovës në basketboll i kthehet sot parketit, ku do të përballet me Danimarkën në kuadër të raundit të tretë parakualifikues të Eurobasket 2025.
“Dardanët” i nisën në mënyrën më të mirë kualifikimet në Eurobasket 2025, ku nën drejtimin e trajnerit të ri, Rami Hadar e mposhtën Zvicrën me rezultat bindës 76:49, raporton KosovaPress.
Ndërkaq, ndeshjen e sotme kundër Danimarkës basketbollistët kosovarë do ta luajnë si mysafirë në “Arena Naestved” me fillim nga ora 18:00.
Për dallim nga ndeshja kundër Zvicrës, Kosova sot mund të llogarisë në shërbimet e basketbollistit, Erjon Kastrati, i cili është rikthyer në grumbullim pas lëndimit.
Pas Danimarkës, Kosova ndeshjen e radhës do ta ketë si mysafire e Zvicrës më 29 korrik, kurse më 5 gusht e pret në shtëpi Danimarkën.
18:00 Danimarka – Kosova (Palestra e Sporteve Arena Naestved)
-
Kuqishta, fshati i qetësisë dhe mikpritjes rugovase
Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.
Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.
Në emisionin e mbrëmshëm, ekipi i ATV-së bëri një vizitë në fshatin Kuqishtë të komunës së Pejës.
Gërshetimi i bukurive natyrore e ajrit të pastër e bën Grykën e Rugovës një nga zonat ideale dhe më të veçanta të turzimit malor në Kosovë, në çdo stinë të vitit.
Me një gjatësi prej 25 kilometrash dhe një thellësi prej 1000 metrash, Rugova njihet edhe si një nga grykat më të gjata dhe më të thella në Evropë, e cila përbëhet prej më shumë se 10 fshatrave.
Reportazhin e plotë të ATV-së në fshatin Kuqishtë e gjeni në videon më poshtë:
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
-
“Kosova është vend i rrezikshëm, atje të vjedhin e të vrajnë” – tiktokeri kosovar ia heqë paragjykimet qytetarit nga Portugalia
Edhe pas përfundimit të luftës në Kosovë, marrëdhëniet mes Kosovës dhe Serbisë kanë mbetur të tensionuara.
Mediat serbe për situata të ndryshme në Kosovë, kanë bërë edhe propagandë me raportimet e lajmeve, duke ndikuar kështu në imazhin negativ të Kosovës.
Tiktokeri kosovar, Ariot Myftaj në një postim në rrjetin e tij social “Tiktok” e ka postuar një video me një qytetar nga Portugalia, për të cilin tha se ai kishte një perceptim të tmerrshëm për Kosovën.
“…Ma s’pari ju thojnë mos shko në Kosovë se është vend i rrezikshëm, atje të vjedhin, të vrajnë… Bile tash e kam taku një shok të Portugalisë, edhe ky para se me ardhë në Kosovë, edhe kur ka qenë në Serbi (Beograd) para disa muaje i kanë thanë “Mos shko në Kosovë”…”, theksoi Myftaj.
Ndërsa, qytetari nga Portugalia në pyetjen e drejtuar nga Myftaj për Kosovën, tha se pavarësisht se serbët i kanë folur gjëra negative, me ardhjen e tij këtu i ka ndryshuar përshtypja e tij për Kosovën.
Në emisionin “n’malAn’det”, në mesin e shumë mysafirëve të tjerë ishte i ftuar edhe Ariot Myftaj, dhe foli ekskluzivisht për këtë çështje, duke potencuar se çka duhet të bëj Kosova për t’i hequr paragjykimet që e kanë të huajt në lidhje me vendin.
“…Për t’i hequr paragjykimet duhet krijuar sa më shumë kontent (përmbajtje) për Kosovën, sa më shumë të tregojmë na për vendin tonë…”, theksoi ai.
Vlen të përmendet se në imazhin negativ të Kosovës, ka ndikuar edhe raportimi i mediave ndërkombëtare për ish-krerët e UÇK-së, të cilët akuzohen për krime lufte.
Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:
-
Serbët mirëpresin punën e policëve të rinj të këtij komuniteti në komunat veriore
Ende pa u bërë një vit nga dorëheqja e organizuar e policëve serbë në komunat veriore, rreth 46 serbë kanë filluar punën në Policinë e Kosovës. Nisjen e punës së policëve serbë e ka konfirmuar edhe Veton Elshani nga Policia e Kosovës.
Në rrjete sociale të medieve serbe, serbët kanë mirëpritur dhe u kanë uruar suksese policëve të Policisë së Kosovës, gjersa dje Kosovapress kishte raportuar për kërcënime në kanalin rus telegram.
Natasha Pavloviq nga Beogradi shpreson që policët e rinj do të punojnë drejtë, e jo sikurse paraardhësit e tyre.
“Urime rini, jam e sigurt që do ta bëjnë punën e tyre me ndershmëri, ndryshe nga ata që u pasuruan në ca plantacione e laboratorë dhe tani e bëjnë patriotin me bater, i me xhepa plot!” ka komentuar Pavloviq.
Njëjtë pothuajse është shprehur edhe edhe Milan Milovanoviq nga Kraleva.
“Njerëzit le të punojnë, kur nuk iu kishte penguar që intelektualët e Listës Serbe të ishin në qeveritë e tyre, jahte dhe gjëra të tjera, pse kjo do të duhet t’ju pengojë… më mirë sesa me pagë të njëjtë të mbajnë pankarta në mitingjet të Vuçiqit, protestat dhe barrikada për interesa të individëve të pushtetit dhe Listës Serbe” ka shkruar Milovanoviq.
Ndërsa, Dushan Milenkoviq ka uruar policët e rijnë duke u dëshiruar të gjitha të mirat në punën e tyre.
Kryeministri i Kosovës, Albin Kurti ka shkruar mbrëmë në Twitter se zyrtarët nga komunitetet joshumicë kanë filluar punën këtë javë në veri të vendit.
“I falënderojmë për shërbimin e tyre dhe i urojmë suksese”, ka shkruar Kurti.
Newly graduated @Kosovo_Police officers from non-majority communities have started working this week in the north of the country. 45 of the officers are Serbs, 16 Bosnian, 8 Roma, Ashkali and Egyptian & 3 Turks. We thank them for their service and wish them success.
— Albin Kurti (@albinkurti) July 25, 2023
Veton Elshani zëvendëskomandant i PK për Rajonin e Veriut ka bërë të ditur policët e rinj serbë në PK janë nga pjesë të ndryshme të Kosovës, përfshirë edhe komunat veriore – Mitrovica, Leposaviqi dhe Zubin Potoku.
“46 nga oficerët janë serbë, 17 boshnjakë, 8 romë, ashkalinj dhe egjiptianë dhe 3 turq. Të hënën kanë filluar. Tashmë përmes punës praktike aftësohen shtesë për të punuar në patrulla dhe detyra të tjera të nevojshme. Ata do të trajnohen në faza të ndryshme”, ka thënë Elshani për KosovaPress.
Publikimi e emrave të policëve të rijnë serb është bërë nga kanali serb t.me/BunkerSrb në platformën ruse telegram, të cilat në mbrëmje i dënoi edhe shefi i EULEX-it, Giovanni Pietro Barbano.
-
Pesë vjet pa Adem Demaçin, Konujufca dhe Kurti lartësojnë figurën e tij
Kryeministri Albin Kurti bashkë me kryeparlamentarin, Glauk Konjufca kanë bërë homazhë pranë varrit të Adem Demaçit.
Në pesëvjetorin e vdekjes së tij, Kurti tha se kanë krenari dhe mirënjohje për jetën dhe veprën e tij.
“Kemi pikëllim dhe mallëngjim por kemi edhe krenari dhe mirënjohje që e patëm dhe e njohëm, që punuam dhe mësuam prej tij. Jeta dhe vepra e bacës Adem, na mbushin me përgjegjësi dhe vetëbesim”, ka thënë Kurti.
Edhe kryeparlamentari Glauk Konjufca tha se është me rëndësi që të kujtohet figura e Adem Demaçit.
“Adem Demaçi për shqiptarët mendoj qe ka qenë njëra nga figurat më të rëndësishme. Gjithmonë i ka frymëzuar brezat me veprimtarinë e tij, e cila është e rëndësishme edhe për ne që vazhdojmë të përfaqësojmë institucionet”, tha ai.
-
‘5000 euro me m’i dhanë, s’jetoj n’Kosovë’ – Mërgimtarja thotë se s’ka shanca të jetojë në Kosovë – ‘kur t’shkoj n’Norvegji m’u çelen dyrtë’
Emisioni veror i ATV-së, “n’mal An’det”, që nisi transmetimin javën e kalaur, vazhdon të sjellë për shikuesit argëtim, intervista dhe eksplorim kulturor.
Në emisionin e mbrëmshëm, pyetja për mërgimtarët nga gazetarja e ATV-së ishte: Për çfarë page do të vinin të jetonin sërish në Kosovë?
Përgjigjet e mërgimtarëve ishin të shumta, ku shumica u shprehen se do të ktheheshin me kënaqësi të jetonin në Kosovë për një pagë solide.
Por jo të gjithë menduan kështu. Një mërgimtare e cila thotë se është rritur në Norvegji, kishte një përgjigje më ndryshe.
“5000 euro me mi dhanë, nuk kthehna me jetu në Kosovë. Unë jam rritë atje, jam me mentalitet tjetër. Kur shkoj në Norvegji, mu çelen dyert”, thotë ajo para kamerës së ATV-së.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
-
Struga vazhdon sot ëndrrën evropiane në Ligën e Konferencës
Pas Ballkanit, radhën sot që të paraqitet në garat evropiane, përkatësisht në kualifikimet e Ligës së Konferencës e ka skuadra shqiptare nga Maqedonia e Veriut, Struga.
Me fillim nga ora 17:00 stadiumi “Gradski” do të jetë nikoqir i ndeshjes mes Strugës dhe Buducnost, raporton KosovaPress.
Të dyja skuadrat e nisën me kualifikimet e Ligës së Kampionëve, por që të dyja u eliminuan nga Breidablik, respektivisht nga Zalgiris.
Struga u mposht me rezultat të përgjithshëm 2:1 nga Zalgiris, ndërsa Buducnost u eliminua nga Breidablik me rezultat të thellë 5:0.
17:00 Struga – Buducnost (Stadiumi Gradski)