Blog

Policia e Kosovës edhe gjatë ditës së sotme është duke punën në hapësirat e Manastirit në Banjskë dhe për rreth saj, raporton gazetari i ATV-së, FATLUM Jashari, në një lidhje të drejtpërdrejtë në emisionin A LIVE në ATV, nga vendi i ngjarjes.

Informacionet jozyrtare na thonë se Policia gjatë kryerjes së hetimeve sot ka hasur sërish në një makinë me armatim, por që saktësisht nuk e dihet lokacioni i makinës që është gjetur me armatim dhe municione.

Paraprakisht, Policia e Kosovës mbrëmë deri orët e vona ka vazhduar punën për bartjen e automjeteve nga Banjska në drejtim të kampit të njësisë speciale në Mitrovicë të Jugut në kampin Belvedere, atje ku më vonë do të bëhet ekspozimi i të gjitha mjeteve të konfiskuara, të cilat janë përdorur nga grupi terrorist në sulmin ndaj Policisë së Kosovës.

Në mesin e tyre janë parë edhe në fotografi që janë shfaqur, është një autoblindë, një mjet i blinduar që është i tipit policoro-ushtarak, por në këtë rast ngjan më shumë në atë të policisë edhe për shkak të ngjyrës së kaltër që ka.

Po ashtu janë edhe një mori automjetesh të njohura si xhip, të cilat janë bartuar nga Banjksa dhe janë dërguar në bazën e njësisë speciale.

Njësoj do të bëhet prezantimi i tyre bashkë me një sasi armatimi dhe municioni të cilat janë gjetur në Manastirin e Banjskës dhe hapësirat për rreth dhe po ashtu edhe armatimi dhe municionet që janë gjetur dje në afërsi të fshatit Rudar, bashkë me radiolidhjet, me ç’rast ishin arrestuar katër persona të cilët ishin duke i bartuar ato mjete e që dyshohet se të njëjtit janë të ndërlidhur me grupin terrorist që kanë sulmuar Policinë e Kosovës. /atvlive.tv

Përfaqësuesi special i Bashkimit Evropian (BE) për dialogun ndërmjet Kosovës dhe Serbisë, Miroslav Lajçak, do të takohet gjatë ditës me këshilltarët diplomatikë të liderëve të Francës, Gjermanisë dhe Italisë, bëjnë të ditur burime nga Brukseli. Sipas këtyre burimeve, në takim do të jetë edhe i dërguari amerikan për Ballkanin Perëndimor, Gabriel Escobar.

Ky takim i jashtëzakonshëm pason një sulm ndaj pjesëtarëve të Policisë së Kosovës në fshatin Banjskë në veri të Kosovës, të dielën, më 24 shtator, ku mbeti i vrarë një polic. Sulmuesit janë të kombësisë serbe.

Policia e Kosovës ka bërë të ditur se sulmi është kryer në fshatin Banjskë të Zveçanit dhe se ka edhe të lënduar. Më vonë gjatë ditës, tre sulmues u vranë dhe gjashtë persona u arrestuan.

Kryeministri i Kosovës, Albin Kurti, ka thënë se grupi i sulmuesve është “formacion terrorist dhe kriminal”.

Presidenti i Serbisë, Aleksandar Vuçiq, i cili iu drejtua publikut të dielën në mbrëmje, i hodhi poshtë këto pretendime, duke thënë se serbët e Kosovës u rebeluan “duke mos dashur të vuajnë më terrorin e Kurtit”.

Bashkësia ndërkombëtare e dënoi këtë sulm.

Lidhur me këtë, Bashkimi Evropian doli dy herë me komunikata. Kreu i diplomacisë evropiane, Josep Borrell, e vlerësoi sulmin si agresion, dhe aktin si “terrorist”.

Kryeministri i Kosovës Albin Kurti nuk është deklaruar për medie pas takimit që ka zhvilluar me emisarin gjerman për Ballkanin Perëndimor, Manuel Sarrazin.

Kurti pas takimit është nisur për të marr pjesë në mbledhje komemorative, e cila organizohet me rastin e rënies heroike në kryerje të detyrës në veri të Republikës së Kosovës, rreshter Afrim Bunjaku.

Sarrazin është duke qëndruar në Kosovë pas sulmit të djeshëm ndaj policisë së Kosovës nga një grup terrorist serb, ku një polic është vrarë, një është plagosur si dhe një tjetër është lënduar.

Emisari i Gjermanisë, Sarrazin, e ka quajtur situatë të tmerrshme sulmin terrorist në veri të vendit.

Ai pas takimit me Kurti para mediave ka thënë se shteti i tij e dënon fuqishëm këtë sulm ndaj Policës së Kosovës, ai i ka shprehur ngushëllime familjes së policit Afrim Bujaku, i cili mbeti i vrarë nga sulmet në veri.

Madje, tha se vizita e tij ka qëllim solidarizimin dhe se do të qëndrojnë në anën e Kosovës në këtë situatë.

“Dje, ne pamë një situatë të tmerrshme, të tmerrshme dhe dua ta them në mënyrë shumë të qartë se ne fuqishëm e dënojmë sulmet kriminale dhe terroriste ndaj Policisë së Kosovës dhe jemi këtu për të shprehur solidaritetin dhe ngushëllimet tona edhe ndaj fëmijëve të shërbyesve policorë të Kosovës dhe ndaj të gjithë vendit të Kosovës. Jemi këtu në solidarizim dhe qëndrojmë në anën tuaj në këtë situatë”.

Ministri për Komunitete dhe Kthim në Qeverinë e Kosovës, Nenad Rashiq ka folur për sulmet e së dielës ndaj policisë së Kosovës, në Banjskë të Zveçanit.

Rashiq në TV Nova theksoi se nata në Banjskë ka kaluar e qetë.

“Askush nuk e di se çfarë mund të ndodhë më pas. Dje ka pasur një lloj formacioni paraushtarak që veproi në një mënyrë që, së pari, për mendimin tim është absolutisht jonormale. Është e sigurt që hetimet për autorët do të vazhdojnë, ju e dini që ishin rreth tridhjetë të tillë, gjë që më tej çon në faktin se do të ketë tension dhe se qytetarët do të jenë nën presionin jo vetëm afër Banjskës por edhe në të gjitha vendet e tjera ku jetojnë serbët”, tha Rashiq.

Rashiq theksoi se e ka ndjekur dje konferencën për shtyp të presidentit Aleksandar Vuçiq. Sipas tij, Vuçiqi nuk mund të thotë asnjë fjali pa thënë gënjeshtra, insinuata dhe manipulime.

“E pashë për herë të parë dhe u konfirmua edhe një herë që presidenti Vuçiq nuk mund të thotë asnjë fjali të zgjatur pa thënë gënjeshtra të rënda, insinuata dhe manipulime. Nuk ka thënë asgjë, e shihni vetë se çfarë do të thotë, fajëson serbët e Kosovës, distancohet prej tyre. Gjithashtu, ajo që besohet se është informacion i pakonfirmuar dhe e marr me pak kripë, besohet se prej disa muajsh ka një kamp që shërben për të rekrutuar ata të rinj, le ta quajmë, kampe ilegale afër Rashkës. Besohet se janë paguar për këtë, nuk e di kush e ka organizuar, por jam i sigurt se nëse ka një gjë të tillë, jam i sigurt se autoritetet e rendit në Serbi do ta dinin. Ndoshta nuk mund të organizoheni, sepse thuhet se në ato rekrutime, në ato trajnime të policisë ushtarake kanë qenë 300 veta, pa e ditur strukturat e sigurisë në Serbi”, tha Rashiq dhe shtoi se nëse Vuçiq dinte gjithçka, si të mos dinte për ngjarjet në fshatin Banjskë.

Në Kosovë është shpallur ditë zie, vendimi është marrë nga presidentja Vjosa Osmani në shenjë respekti për policin e vrarë në afërsi të Banjskës. Presidentja e Kosovës, në përputhje me kushtetutën, ka vendosur që e hëna e 25 shtatorit të shpallet ditë zie kombëtare për nder të policit Afrim Bunjaku, i vrarë në veri të Kosovës, njoftoi Presidenca e Kosovës.

Ministrja e Arsimit, Shkencës, Teknologjisë dhe Inovacionit, Arbërie Nagavci ka deklaruar se Ministria ka parim kyç sigurinë dhe mbrojtjen e fëmijëve ndaj çdo dukurie negative dhe ofrimin e një mjedisi të sigurt për ta, raporton Ekonomia Online.

Këtë ajo e ka thënë në ceremoninë e lansimit të pakos së moduleve për mbrojtjen e fëmijëve.

“Ministria e Arsimit e ka parim kyç sigurinë dhe mbrojtjen e fëmijëve ndaj çdo dukurie negative dhe ofrimin e një mjedisi të sigurt për ta, në këtë frymë është hartuar edhe kjo pako udhëzuese për mbrojtjen e fëmijëve dhe me anë të këtyre moduleve MAShTI synon që asnjë fëmijë të mos e braktisë shkollimin, por të krijoj mësimin e sigurt dhe me kushte sa më të mira e me kënaqësi për ta”.

Nagavci tha se kjo pako shtron rrugën për mbështetje institucionale në mbrojtjen e fëmijëve.

“Sot po e shënojmë finalizimin e një pune të madhe e cila i ka në qendër më të vegjlit dhe më të dashurit tanë. Lansimi i pakove të moduleve tematike për mbrojtjen e fëmijës, është një ngjarje më rëndësi të veçantë sepse shtron rrugën për mbështetje institucionale në mbrojtjen e secilit fëmijë”.

“Rezultatet mësimore janë qëllimi kryesor i institucioneve arsimore, por parandalimi i rreziqeve ndaj fëmijëve është përgjegjësi institucionale dhe shoqërore, është përgjegjësi e neve që kemi zgjedhur dhe vendosur të punojmë me fëmijët tanë, vetëm kështu mund te sigurojmë mbrojtjen e fëmijëve dhe zhvillimin e tyre të plotë në aspektin fizik, intelektual, social e emocional”.

Drejtori i Organizatës “SIT”, Kadri Gashi tha se projekti ka për qëllim promovimin e jetesës së shëndetshme, të barabartë te të rinjtë.

“Qëllimi i këtij programi, ka qenë programi i vitit 2007, kur është shënuar për herë të parë në Ballkan edhe ka vazhduar në Kosovë”.

“Ajo që jemi mundu me bo në bashkëpunim me të gjithë institucionet deri më tash ka qenë integrimi i edukimit për shkathtësi të jetës në korrikulat shkollore në shkollat e mesme dhe shkollat fillore, më mënyrë që të mundësojmë që të rinjtë të promovojnë stile të shëndetshme të jetës, jo të dhunshme dhe të barabarta gjinore, të cilat kontribuojnë në një shoqëri paqësore” .

Ai falënderoi grupin punues, të cilët ishin të angazhuar nga viti 2007 në këtë projekt.

“Pa këtë grup punues, i cili ka qenë një akter goxha multi-disiplinar, prej Agjensionit për Barazi Gjinore, pastaj Ministrisë së Arsimit, Drejtorive Komunale të Arsimit, koordinator të cilësive, mësimdhënës që kanë qenë prej vitit 2007 mbështetës të këtij programi”

Ceremonia filloi me një minutë heshtje, që u thirr nga Nagavci, për policin e rënë në detyrë, Afrim Bunjaku, raporton EO.

“Duke pasur parasysh që sot është një ditë zie, me lejoni që të shprehi ngulitshmet më të sinqerta në humbjen e jetës në një sulm të terroristë ndaj zyrtarit të policisë, rreshterit në detyrë, te ndjerit apo tashmë heroit me të ri të Republikës së Kosovës, Afrim Bunjaku, ju ftoi të gjithëve një minutë heshtje në nderim të jetës dhe veprës së rreshterit në detyrë” u shpreh ajo.

Emisarin për Ballkanin Perëndimor, Manuel Sarrazin, është duke qëndruar në Kosovë pas sulmit të djeshëm ndaj policisë së Kosovës nga një grup terrorist serb, ku një polic është vrarë, një është plagosur si dhe një tjetër është lënduar, raporton Ekonomia Online.

Sarrazin është në takim me kryeministrin Kurti që nga ora 10:00, dhe takimi është duke vazhduar ende në objektin e Qeverisë.

Në Kosovë është shpallur ditë zie, vendimi është marrë nga presidentja Vjosa Osmani në shenjë respekti për policin e vrarë në afërsi të Banjskës.

Presidentja Osmani, në përputhje me kushtetutën, ka vendosur që e hëna e 25 shtatorit të shpallet ditë zie kombëtare për nder të policit Afrim Bunjaku, i vrarë në veri të Kosovës.

Sot, në orën 14:00 do të bëhet prezantimi i armatimit që është sekuestruar dje në Manastirin e Banjskës.

Prezantimi i armatimit do të bëhet në Kampin “Enver Zymber” në jug të Mitrovicë.

Kështu ka bërë të ditur zëvendësdrejtori rajonal për veriun e Kosovës, Veton Elshani.

“Ne ora 14:00 do te behet prezantimi i armatimit dhe gjithçka tjetër qe u sekuestrua dje ne Manastirin e Banjskës. Prezantimi do të behet në Kampin “Enver Zymberi”, në jug të Mitrovicës.

Dje, në orët e para të mëngjesit në fshatin Banjkës të Zveçanit është sulmuar Policia e Kosovës, ku një polic është vrarë, një është plagosur si dhe një tjetër është lënduar.

Ndërsa, tre sulmues të grupit të armatosur që vranë policin e Kosovës u vranë, 2 nga ta u arrestuan dhe disa persona u ndaluan nga Policia e Kosovës, ku u sekuestruan edhe armë e pajisje të tjera ushtarake.

Polici Afrim Bunjaku u vra në orët e para të mëngjesit në rrugën Zveçan – Leposaviq nga një grup i armatosur e të uniformuar që kishin ardhë nga Serbia.

Pas reagimit të Policisë, ky grup i armatosur ishte ngujuar në Manastirin e këtij fshati ku nga aty sulmonte edhe Policinë e Kosovës.

Përleshja e Policisë së Kosovës me grupin e armatosur zgjati gjatë tërë ditës së diel, ku më pas policia arriti të marr nën kontrollon Manastrin, ku ishin ngujuar grupi i armatosur dhe Policia konfiskoi edhe disa armë e pajisje ushtarake të këtij grupi.

Në Prishtinë u mbajt mbledhja e Këshillit të Sigurisë, pas së cilës kryeministri Kurti tha se sulmi ndaj Policisë së Kosovës është bërë nga një grup profesionistë, i uniformuar dhe i armatosur rëndë. Ai e quajti sulm terrorist aktin nga ky grup.

Edhe ministri i Mbrojtjes, Xhelal Sveçla, tha se sulmi është kryer nga një grup profesionistë e i armatosur rëndë, duke e cilësuar terroristë sulmin e tyre ndaj Policisë së Kosovës. Vrasja e Policit të Kosovës u dënua  ashpër nga i gjithë faktori ndërkombëtarë.