ATV

Blog

  • Tragjedia e Gërdecit me 26 të vrarë, SPAK kërkon djalin e Sali Berishës

    Tragjedia e Gërdecit me 26 të vrarë, SPAK kërkon djalin e Sali Berishës

    Gjykata e Posaçme e Apelit për Korrupsionin dhe Krimin e Organizuar nw Shqiperi pritet që këtë të mërkurë të caktojë se cilët dëshmitarë do të dëgjohen në gjyqin për ish-ministrin e Mbrojtjes, Fatmir Mediu, në lidhje me tragjedinë e Gërdecit.

    Ai akuzohet për shpërdorim detyre në kuadër të zinxhirit komandues ushtarak në lidhje me çmontimin e municioneve në punishten e Gërdecit.

    Ndërkohë, familjarët e viktimave të Gërdecit kanë kërkuar që në gjyqin për Fatmir Mediun të merret edhe dëshmia e 12 personave të tjerë. Mes listës, dallohen dy emra të rëndësishëm, ish-drejtuesit e kompanisë amerikane “AEY”, Efraim Diveroli dhe David Packouz.

    Sakaq, dëshmia e tyre mund të jetë shumë e vlefshme për gjykatën, pasi ata mund tregojnë rolin e djalit të ish-kryeministrit Sali Berisha, Shkëlzen Berishës , në atë krim, i cili vrau 26 persona të pafajshëm.

    Ish-ministri i Mbrojtjes në qeverinë Berisha kërkon të pyeten 90 dëshmitarë. Mes tyre, figuron ish-zëvendës sekretari amerikan i Mbrojtjes në periudhën 2006-2009 Gordon England, apo dhe ish ministrat e Mbrojtjes së Gjermanisë dhe Italisë.

    SPAK ndërkohë ka kërkuar nga Gjykata të marrë në pyetje edhe 71 dëshmitarë të tjerë, mes të cilëve kërkohet dëshmia e Shkëlzen Berishës, në atë tragjedi që la shumë familje me lot sy pasi humbën të afërmit e tyre.

  • Nobeli i këtij viti në Fizikë shpërblen eksperimentet me dritën

    Nobeli i këtij viti në Fizikë shpërblen eksperimentet me dritën

    Çmimi Nobel i këtij viti në Fizikë shpërblen eksperimentet me dritën që kapin “momentet më të shkurtra” dhe hapin një dritare në botën e elektroneve.

    Çmimi shkon për Pierre Agostini, Ferenc Krausz dhe Anne L’Huillier.

    Tre laureatët e Nobelit kanë “demonstruar një mënyrë për të krijuar pulsime jashtëzakonisht të shkurtra drite që mund të përdoren për të matur proceset e shpejta në të cilat elektronet lëvizin ose ndryshojnë energjinë”, tha Akademia Mbretërore Suedeze e Shkencave teksa shpalli çmimin të mërkurën.

  • Auditori: 129 punonjës të komunitetit serbë marrin paga pa shkuar në punë fare

    Auditori: 129 punonjës të komunitetit serbë marrin paga pa shkuar në punë fare

    Në Komisionin për Mbikëqyrjen e Financave Publike po shqyrtohet raporti vjetor i auditimit të Buxhetit të Kosovës për vitin fiskal 2022.

    Auditorja e përgjithshme, Vlora Spanca tha se ky raport ka opinion të kualifikuar, meqë vlera e gabimeve të identifikuara në pasqyra financiare ka qenë materiale.

    “Shpenzimet në vlerë rreth 10,400,000€ janë klasifikuar në kategori jo adekuate. Prej tyre, si rezultat i buxhetimit jo adekuat janë keq klasifikuar 5,600,000€, për shkak të vendimeve gjyqësore afër 3,800,000€, ndërsa si të ndikuara nga vetë Organizatat Buxhetore vlera e keq klasifikimeve është afër 1,000,000€; Megjithatë, në raport me vitin paraprak kishte përmirësime në vlerë prej 3 milion euro; Po ashtu, në pasqyrën e shpalosjeve, në shtojcat lidhur me pasuritë kapitale, llogaritë e arkëtueshme, detyrimet kontingjente dhe detyrimeve të papaguara të Raportit Financiar vjetor të buxhetit të shtetit kishte shpalosje të vlerave të gabuara në vlerë materiale. Nënvlerësimi i pasurisë është evidentuar në vlerë rreth 55,900,000€, nënvlerësim i llogarive të arkëtueshme afër 1,900,000€ si dhe mbivlerësim i detyrimeve kontingjente për 16,100,000€”, tha ajo.

    Në Komisionin për Mbikëqyrjen e Financave Publike, Spanca shtoi se janë 129 punonjës të komunitetit serbë të cilët janë paguar vitin e kaluar edhe pa u evidentuar në punë.

    “Kryerja e pagesave në vlerë prej afër 800,000€, për punonjës të komunitetit serb të angazhuar në bazë të Marrëveshjes se Brukselit pa u evidentuar vijueshmëria e tyre në punë; Në krahasim më vitin e kaluar janë ndërmarrë disa masa. (Nga 199 sa ishin në vitin e kaluar, këtë vit kanë mbetur 129 punonjës të shpërndarë në 4 ministri”, shtoi ajo.

    Auditorja e përgjithshme theksoi se borxhi shtetëror në fund të vitit të kaluar ka shënuar rritje për 4 për qind.

    “Borxhi shtetëror në fund të vitit 2022, kishte arritur në vlerë 1,753,200,000€ apo rreth 20% e BPV-së (40% është e lejuar me ligj). Borxhi i brendshëm ishte 1,112,000,000€, ndërsa borxhi ndërkombëtar ishte 641,200,000€. Në raport me vitin e kaluar borxhi i përgjithshëm ka shënuar rritje për 4%. Sfidë mbetet mos efikasiteti në shfrytëzimin e fondeve të marra si hua të jashtme i shkaktuar kryesisht nga problemet me menaxhimin e projekteve infrastrukturore. Niveli i shpenzimit të këtyre fondeve nga borxhi ndërkombëtar mbetet i ulët (për shtatë (7) projekte/kredi në vlerë prej 177,900,000€ të ratifikuara përgjatë viteve 2017 deri 2022, nuk janë tërhequr fare mjetet financiare). Në këtë nivel të ulët të shpenzimit ka ndikuar planifikimi jo i mirë i projekteve, vonesat në procesin e shpronësimeve si dhe mangësi tjera”, tha ajo para anëtarëve të këtij komisioni.

    Spanca tha se shpenzimet për vitin 2022 ishin në vlerë prej më shumë se dy miliardë, ku ka pasur rritje prej 10 për qind.

  • Kosova siguron tri vaksina të reja

    Kosova siguron tri vaksina të reja

    Ministri i Shëndetësisë, Arben Vitia ka bërë të ditur se në Kosovë kanë arritur tri vaksina të reja.

    “Janë siguruar tre vaksina, kundër rotavirusit, pneumokokut e meningjitit dhe vaksinën HPV, kundër kancerit të qafës së mitrës”, ka njoftuar ministri Vitia.

    Vitia shtoi se gjithashtu është gjashtëfishuar buxheti për vaksina dhe është shtuar buxheti për mbrojtje dhe parandalim.

  • Hendboll/ Istogu mëson rivalin e radhës në Kupën Evropiane

    Hendboll/ Istogu mëson rivalin e radhës në Kupën Evropiane

    KHF Istogu ka mësuar të martën kundërshtarin e raundit të tretë të Kupës Evropiane për hendbolliste. Shorti i tërhequr në Vjenë ka përcaktuar që Istogu të përballet me skuadrën e njohur sllovake, Iuventa Michalovce. Ndeshja e parë luhet në Sllovaki, ndërsa e kthimit në Kosovë.

    Ndeshjet e raundit të tretë të Kupës Evropiane zhvillohet më 11/12 dhe 18/19 nëntor.

    Në raundin e dytë të Kupës Evropiane, kampioni i Kosovës e eliminoi skuadrën portugeze, 1Maio/Ada.

    Iuventa Michalovce ka në përbërje shumë lojtare të huaja dhe lojtare cilësore sllovake. Është skuadër e nivelit të lartë, ndërsa edicionin e kaluar arriti deri në gjysmëfinale të Kupës Evropiane.

  • Tërmeti i ri rrit frikën në zonën vullkanike Campi Flegrei

    Tërmeti i ri rrit frikën në zonën vullkanike Campi Flegrei

    Një tërmet me magnitudë 4.0 të hënën vonë në Campi Flegrei (Fushat e Phlegraean) ka rritur shqetësimin tek njerëzit që jetojnë në zonën vullkanike pranë Napolit për një valë të aktivitetit sizmik.

    Tërmeti i ri vjen pasi zona u godit nga tërmeti me magnitudë 4.2 javën e kaluar, më i madhi në këtë zonë në 40 vjet.

    Tërmeti i së hënës tronditi gjithashtu Napolin dhe shumë njerëz fjetën jashtë gjatë natës nga frika e shembjes së ndërtesave.

    Autoritetet kryen kontrolle si në ndërtesa private ashtu edhe në ato publike gjatë gjithë natës. Nuk pati raportime për dëme të mëdha.

    “Mos lejoni që frika t’ju pushtojë,” tha Josi Gerardo Della Ragione, kryebashkiaku i qytetit Bacoli.

    Ministri i Mbrojtjes Civile dhe Politikës Detare Nello Musumeci tha javën e kaluar se një plan evakuimi ishte duke u hartuar për Campi Flegrei në rast se do të ishte i nevojshëm.

    “Duhet të fillojmë punën menjëherë”, tha Musumeci, duke theksuar se në këtë zonë jetojnë rreth gjysmë milioni njerëz.

    Fushat e Phlegraean janë një kalderë e shembur, një zonë vullkanike e formuar nga disa ndërtesa vullkanike. /ANSA/

  • Duka: Kurrë nuk ka ndodhur e as që do të ndodh ndonjëherë të ketë krisje me FFK-në

    Duka: Kurrë nuk ka ndodhur e as që do të ndodh ndonjëherë të ketë krisje me FFK-në

    Presidenti i FSHF-së, Armand Duka, ditë më parë ka marrë postin e zv.presidentit të UEFA-s, duke u bërë i pari shqiptar që arrin në një pozicion kaq të lartë në hierarkinë e futbollit evropian.

    Në një lidhje të drejtpërdrejt në emisionin STUDIO A në ATV, Duka foli për rolin e tij të ri në UEFA, pagën, pozicionin e federatave shqiptare në futbollin evropian, di dhe marrëdhëniet që Federata Shqiptare e Futbollit ka me Federatën e Futbollit të Kosovës.

    Ndonëse kishte zëra për krisje të raporteve mes dy federatave, Duka tha se kjo nuk ka ndodhur kurrë dhe as që ka për të ndodhur ndonjëherë.

    “Kjo as nuk ka ndodhur e as nuk do të ndodh kurrë mes federatave tona. Marrëdhëniet duhet dhe janë shumë të mira. Pa dyshim që ndihmojmë njëri tjetrin në çdo situatë për zhvillimin e futbollit, shkëmbejmë eksperienca, mbështesim njëri-tjetrin, dhe vazhdojmë të jem kështu”, tha Duka.

    Ai tregoi se zgjedhja e tij si i dyti në hierarkinë e futbollit evropian, erdhi sepse ka marrëdhënie të mira me kryesinë e UEFA-s, po ashtu edhe me shumicën nga federatat anëtare.

    “Kam marrëdhënie të mira me presidentin e UEFA-s, kam marrëdhënie të mira me të gjithë homologët, presidentët e federatave nacionale, gjithashtu marrëdhënie shumë të mira edhe me presidentin e Federatës së Kosovës, Agim Ademin, me presidentin e Federatës së Maqedonisë së Veriut, Muhamet Sejdiun, pra të gjitha këto marrëdhënie të mira kanë bërë që edhe në vendet tona të ketë më shumë mendje në kohët e fundit”, tha Duka.

    Ai foli edhe për pagën e tij, e cila ishte përmendur në media se kapë shifrën 250 mijë euro në vit, që i bie rreth 21 mijë euro në muaj.

    Duka tha se nuk e ka nënshkruar kontratën e punës dhe se ende nuk i ka parë këto shifra.

    “Nuk kam firmosë akoma një kontratë për këtë që t’i shoh këto shifra dhe nuk është ky qëllimi apo objektivi i im për të qenë zv.president i UEFA-s dhe anëtar i Komiteti Ekzekutiv apo president i federatës. Pa dyshim se kjo është e rëndësishme, mirëpo objektivi i im është për të ndihmuar sa më shumë futbollin, kryesisht futbollin e vendit tonë, të rajonit dhe pse jo edhe atë evropian”, u shpreh Duka. /atvlive.tv

  • Policia vazhdon hetimet në Banjskë

    Policia vazhdon hetimet në Banjskë

    Policia e Kosovës është ende duke kryer hetime në zonën malore të Banjskës, ku më 24 shtator janë sulmuar pjesëtarë të këtij institucioni.

    Si pasojë e sulmeve është vrarë rreshteri i Policisë së Kosovës, Afrim Bunjaku.

    Gjatë përleshjeve me policinë janë vrarë edhe tre sulmues.

    Zëvendësdrejtori i Policisë së Kosovës, Veton Elshani, ka thënë për Radion Evropa e Lirë se në operacionin e së martës, Policia, përfshirë njësitin special, është në kërkim të armëve.

    Megjithatë, ai ka njoftuar se kontrollet e shtëpive në atë zonë nuk janë pjesë e operacionit.

    “Sapo i kemi tërhequr njësitet speciale nga Banjska, do të thotë niveli i rrezikut ulet, por na duheshin më shumë njerëz. Nuk është e pazakontë. Po mundohemi ta çojmë aksionin deri në fund, por varet nëse do të gjendet diçka”, ka thënë Elshani për Radion Evropa e Lirë.

    Policia e Kosovës ka gjetur sasi të konsiderueshme të armatimit në këtë zonë edhe më 30 shtator.

    Në mesin e pajisjeve të gjetura janë përmendur: raketahedhës (zolla), armë të gjata dhe pajisje të tjera ushtarake, si jelekë anti-plumb.

    Pas sulmit të 24 shtatorit, zyrtarët policorë kanë ekspozuar edhe granatahedhës, pushkë të shumta automatike, pushkë snajper, automjete ushtarake, eksplozivë, detonatorë, të cilat i kanë gjetur në operacionet e kërkimit në këtë fshat në veri të Kosovës.

    Përgjegjësinë për sulmet në Banjskë e ka marrë Millan Radoiçiq, ish-nënkryetar i Listës Serbe.

    Vendndodhja e të cilit nuk dihet, mirëpo Presidenti i Serbisë, Aleksandar Vuçiq ka thënë se ai gjendet në “Serbinë qendrore” dhe autoritetet atje e kanë marrë në pyetje “në cilësinë e qytetarit”.

    Autoritetet e Kosovës e kanë fajësuar Serbinë për sulmin, mirëpo autoritetet në Beograd e kanë hedhur poshtë këtë akuzë.

    Sulmi ndaj Policisë në Banjskë është dënuar ashpër nga Shtetet e Bashkuara dhe Bashkimi Evropian dhe është bërë thirrje për përballjen e sulmuesve me drejtësinë./REL/

  • AAK-ja insiston në hetim ndërkombëtar për sulmin në veri – Çeku kërkon ngritjen e kapaciteteve ushtarake e policore

    AAK-ja insiston në hetim ndërkombëtar për sulmin në veri – Çeku kërkon ngritjen e kapaciteteve ushtarake e policore

    Grupi Parlamentar i AAK-së, ka organizuar të martën tryezë diskutimi në lidhje me situatën e sigurisë pas sulmeve terroriste në veri të vendit, raporton Ekonomia Online. Në këtë tryezë kanë marr pjesë ish-kryeministri i Kosovës Agim Çeku, ish-ministra të Sigurisë, ish-drejtor të Policisë së Kosovës, ekspert  të çështjeve të sigurisë në vend si dhe deputet të Kuvendit të Kosovës.

    Para diskutimit të pjesëmarrësve është mbajtur edhe një minutë heshtje në nderim të rreshterit të vrarë, Afrim Bunjaku.

    Kryetari i AAK-së, Ramush Haradinaj, tha se ndodhia e 24 shtatorit është sulm terrorist dhe se sponsor i këtij terrorizmi është Serbia.

    Ai kërkoj që në lidhje me këtë sulm dihet që të ketë hetim ndërkombëtar.

    “Një mundësi e mirë për një diskutim sa më të kujdesshëm që përputhet me situatën e sigurisë që është e ndjeshme. Unë kam tri momente që i kish prezantuar e para është ajo që ka ndodh me 24 shtator është terrorizëm, edhe po ashtu edhe Serbia në bazë të gjitha të gjeturave e kualifikimeve si sponsor i terrorizimit. Është interes i paqes në rajon që bashkësia ndërkombëtare të merr një pozicion të qartë që të ndëshkohet Serbia për sponsorizoi sulmin terrorist. Për këtë duhet një hetim ndërkombëtar. Pjesa tjetër është që Kosova nuk bënë asnjë herë me humb fokusimin nga obligimet e marra pra nga plani franko-gjerman. Nuk duhet me heq dorë nga qëllimi ynë i arritjes së paqes në Kosovë dhe rajon. I përgëzoj institucionet e vendit për punë ë që e kanë bërë në ditën kritike”, tha ai.

    Agim Ceku, ish-kryeministër i Kosovës, tha se sulmi që ka ndodhur me 24 shtator është sulm terrorist i mbështetur nga Serbia.

    Sipas tij, Kosova duhet që të fokusohet në politikën të jashtme si dhe e rëndësishme sipas tij, është ndërtimi i kapaciteteve ushtarake e policore në vend.

    “Ajo çka është deri më tani kemi të bëjmë fjalë me terrorizëm dhe me Serbin si sponsor të terrorizimit. Unë mendoj se sot situatë e sigurisë sot është stabile por na ka ardhur edhe një mundësi që këtë stablitite të shfrytëzojmë. Është më se e qartë se Serbia si sponsor tani është në një pozicion sa ka qenë të dielën, para kësaj ka qenë me e favorshme se sa Kosova. Tani ajo është në fazën defanzive për t’u shfajësuar nga ky veprim terrorist. Ka humbu fuqia e tyre. Mendoj se në anë tjetër ne kemi dalë faqe bardhë fitues, reagimi ka qenë bindës i suksesshëm, fatkeqësisht e kemi humb një policë. Ajo pozitive është se Policia jonë gjatë ballafaqimit pati një veprim ku u përcjell edhe me taktikë edhe veprime reale. Këtë test e dha me shumë sukses është pritur kjo që do të ndodh një ditë. Nga kjo dolëm fitimtar u rrit edhe besimi i PK. U pa që Kosova ka kapacitet dhe potencial për ta mbrojtur vetën. U pa së sa është e rëndësishme bashkëveprimi më NATO-n, ShBA, BE-së, shihet sa i vlefshëm është kjo”.

    “Gjithë e dimë se siguria kombëtare mbështet në pesë shtylla, e para dhe më shumë rëndësi është politika e jashtme. Apeloj që diplomacia jonë të jetë bindës dhe shumë aktive. E dyta është ndërtimi i kapaciteteve, e treta është Policia, e katërta është inteligjenca që është kyçe në paralajmërimin e hershëm. E pesta është plani kombëtar i reagimit në çfarëdo lloj emergjence, çfarë do lloj emergjence. Këto janë pesë shtyllat që duhet të fuqizohen”, tha ai.

    Sheremet Ahmeti ish-drejtor i Policisë së Kosovës, tha se në këtë rast është shumë e nevojshme mbështetja materiale e PK, raporton EO.

    “Njësia Speciale i ka ë dhënë kapacitetet e veta të nevojshëm për të ndal atë sulm terrorist. PK ka mjete për t’u ballafaquar por jo mjaftueshëm. Për këto 24 vite ne nuk kemi helikopter. Kujdesi duhet që të jetë në nivelin e duhur. Në këtë kohë e dini që PK duhet mbështetur materialisht, sepse nuk i ka të rregulluar statusin, që 25 vite nuk ka sigurim, nuk ka shtesa, nevoja e pensionimit të parakohshme është e nevojshme”, tha ai.

    Profesori i çështjeve të sigurisë Avni Islami, tha se duke parë rrezikun në veriun e vendit do të duhet që të shikohet edhe një herë marrëveshja e ish-kryeministrit Thaçi, që e ndalon FSK-në që të patrullojë në veri.

    Sipas tij, kjo duhet që të diskutohet dhe FSK të lejohet në atë pjesë.

    “Ngjarja e fundit ka vënë në pah institucionet e Kosovës dhe ka vënë në provë institucionet e sigurisë. Kur një shtet është pjesëmarrës ky është një terrorizëm shtetëror i Serbisë i kryer në një vend tjetër, kjo e bënë drejtpërdrejt shtetin Serb fajtor. Institucionet e Kosovë s’duhet ta shikoj ë marrëveshjen e ish-peridentit Thaçi në atë kohë, që FSK të jetë në atë pjesë”, tha ai.

    Eksperti i sigurisë Nuredin Ibishi, tha se në këtë çështje duhet që të diskutohet edhe përfshirja e Rusisë, sipas tij, “Serbia është dorë e zgajtur e Rusisë”.

    Ai tha se gjendja e sigurisë në vend e mirë dhe se i gjithë suksesi për neutralizimin e sulmit terrorist i atribuohet Policisë së Kosovës.

    Drizan Shala, ekspert i sigurisë, tha se pas këtij sulmit duhet që të rritet vigjilenca dhe të analizohet çdo i huaj që hynë në Kosovë, pasi sipas tij, mund të ketë persona që mund të hyjnë që të marrin informacione.

  • PDK-ja e LKD-ja e kritikojnë Muratin – kundërshton deputetja e VV-së, prezanton projektet e Qeverisë

    PDK-ja e LKD-ja e kritikojnë Muratin – kundërshton deputetja e VV-së, prezanton projektet e Qeverisë

    Deputetja e Lidhjes Demokratike të Kosovës, Hykmete Bajrami, ka adresuar një varg kritikash në adresë të ministrit të Financave, Punës dhe Transfereve, Hekuran Murati, raporton Ekonomia Online.

    Bajrami tha se të hyrat financiare janë rritur për shkak të inflacionit.

    “Nëse një produkt ka kushtuar një euro dhe TVSh-ja është 18 për qind, atëherë shteti i inkasuar 18 cent dhe nëse produkti është rritur në 1.50, atëherë i keni inkasuar 27 cent dhe arsyeja e rritjes së të hyrave është inflacioni dhe kjo i bie që në kurriz të qytetarëve”.

    E pas kritikave të Bajramit, reagoi deputetja e Lëvizjes Vetëvendosje, Mirlinda Tishukaj-Sadriu.

    Ajo tha se për shkak të neglizhencës, Vitia është lënë pa u kyçur në autostradë. Dhe sipas saj, kyçjen po e bën kjo Qeveri.

    “Kyçja e Vitisë në autostradë nuk është bërë për 12 vite dhe është lënë për shkak të 2 milionë eurove anash. Është pikërisht LDK që Ligjin për Çmimin për Tavan e ka dërguar në Kushtetuese dhe pikërisht një kryetar komune nga PDK e ka dërguar në Gjykatë Kushtetuese Ligjin për Tatimin në Pronë”, tha ajo.

    E deputeti i Partisë Demokratike të Kosovës, Hajdar Beqa, tha se gjetjet e vitit 2021 me atë të vitit 2022 janë të njëjta. Ai si shembull e mori pagesat e qytetarëve serbë të punësuar në bazë të Marrëveshjes së Brukselit, të cilët paguhen pa shkuar në punë.