ATV

Blog

  • Qendrim Zyba tregon befasinë që i bëri Ylli i Liverpool-it Harvey Elliot, sa ishte pjesë e Kosovës U21

    Qendrim Zyba tregon befasinë që i bëri Ylli i Liverpool-it Harvey Elliot, sa ishte pjesë e Kosovës U21

    Futbollisti i Ballkanit, Qendrim Zyba, i cili së fundmi mori ftesë edhe Kombëtarja e Kosovës, në një lidhje të drejtpërdrejt në emisionin A PLAY në ATV, tha se për të ka qenë ëndërr që të përfaqësojë shtetin.

    “Jam ndierë shumë i lumtur sepse është një krenari shumë e madhe të cilën e kam pasur ëndërr që nga fëmijëria dhe më është realizu tani. Shpresoj që në çdo moment që i nevojitet shtetit të jemi në gjendje, jo vetëm unë, por secili futbollist të përfaqësojë vendin e vet”. Tha Zyba.

    Ai, në këtë lidhje direkte tregoi një nga përvojat më interesante të tioj kur ishte pjesë e kombëtares së Kosovës U21.

    Në ndeshjen me Anglinë, pas përfundimit të lojës, Zyba ishte takuar me yllin e Liverpool-it Harvey Elliot, të cilit gjatë lojës kishte biseduar disa herë me të dhe i kishte kërkuar fanellën, por pas përfundimit të ndeshjes, nuk e kishte parë më.

    Kundër Anglisë kemi luajtur dhe kemi pasë kundërshtar, më ka ra gjatë gjithë të kem duele kundër tij, ka qenë Elliot, një super lojtar i cili dihet se luan në Liverpool. Gjatë ndeshjes kemi bisedu dhe i kam kërku fanellën. Pas ndeshjes nuk e kam parë më dhe kam ikë në zhveshtore dhe vjen Rinor Havolli nga Federata, më kërkon dhe me thotë ‘të pret futbollisti Elliot për të japë dresën’. Ne s’kishim dresë, ma kërkoi edhe ai mua që t’i ndërrojmë së bashku, por unë vetëm ia mora atij dhe nuk kisha që t’i japë edhe unë. Por ishte një ndjenjë respekti që ma bëri pas ndeshjes”, tregoi Zyba. /atvlive.tv

    Për më shumë, shikoni emisionin A PLAY në videon më poshtë:

  • OKB u kërkon palëve ta parandalojnë përshkallëzimin e tensioneve në kufirin Izrael-Liban

    OKB u kërkon palëve ta parandalojnë përshkallëzimin e tensioneve në kufirin Izrael-Liban

    Forca e Përkohshme e OKB-së në Libani (UNIFIL) të dielën u bëri thirrje palëve në konflikt të ushtrojnë përmbajtje për të parandaluar përshkallëzimin e mëtejshëm të tensioneve në kufirin Liban-Izrael.

    “Ne i nxisim të gjithëve të ushtrojnë përmbajtje dhe të përdorin mekanizmat e komunikimit dhe koordinimit të UNIFIL për të de-përshkallëzuar për të parandaluar një përkeqësim të shpejtë të situatës së sigurisë,” tha forca e OKB-së në X.

    UNIFIL tha se është në kontakt me autoritetet në të dyja palët, në të gjitha nivelet, “për të kontrolluar situatën dhe për të shmangur një përshkallëzim më serioz”.

    “Paqeruajtësit tanë mbeten në pozicionet dhe detyrat e tyre. Ata vazhdojnë të punojnë, disa nga strehimoret për shkak të sigurisë së tyre,” shtoi ai.

    Ushtria izraelite konfirmoi të dielën sulmin e saj me artileri brenda Libanit si përgjigje ndaj një incidenti të gjuajtjes me raketa.

    Izraeli bombardoi kodrat Kafar Shuba dhe qytetin al-Mari në Libanin jugor pas një sulmi me mortaja, sipas një reporteri të Anadolu.

    Hezbollahu i Libanit mori të dielën përgjegjësinë për shënjestrimin e tre posteve izraelite në zonën e Fermave Shebaa.

    Nuk ka pasur asnjë koment nga autoritetet libaneze për incidentin.

    Hamasi nisi operacionin Al-Aksa Flood të shtunën dhe tha se sulmi i befasishëm ishte në përgjigje të sulmit ndaj Xhamisë Al-Aksa dhe rritjes së dhunës.

    Të paktën 300 izraelitë u vranë dhe mbi 1500 u plagosën në sulm, ndërsa disa ushtarë dhe civilë u kapën nga Hamasi dhe u kthyen në Gaza.

    Izraeli u kundërpërgjigj me një seri sulmesh ajrore në Rripin e Gazës, të cilat lanë më shumë se 256 palestinezë të vdekur dhe mbi 1788 të plagosur, sipas Ministrisë palestineze të Shëndetësisë. (AA)

  • Kush është Hamasi?

    Kush është Hamasi?

    Grupi palestinez, Hamas, nisi më 7 tetor një sulm të befasishëm nga Gaza në Izrael.

    Ngjarja u përshkrua si një nga përshkallëzimet më serioze të konfliktit izraelito-palestinez në disa vite.

    Kur u themelua Hamasi?

    Hamasi, ose Lëvizja e Rezistencës Islamike, u themelua në vitin 1987 gjatë kryengritjes së parë palestineze. Ai mbështetet nga Irani shiit dhe ndan ideologjinë islamike të Vëllazërisë Myslimane, e cila u krijua në Egjipt në vitet 1920.

    Hamasi udhëheq Rripin e Gazës që nga viti 2007, pas një lufte të shkurtër civile me forcat besnike të lëvizjes Fatah, e cila udhëhiqet nga presidenti i Autoritetit Palestinez, Mahmoud Abbas. Ai është i vendosur në Bregun Perëndimor dhe gjithashtu kryeson Organizatën për Çlirimin e Palestinës (PLO).

    Marrja e Gazës nga Hamasi pasoi fitoren e tij në zgjedhjet parlamentare palestineze në vitin 2006 – njëherësh hera e fundit që u mbajtën. Hamasi e akuzoi Abbasin për komplot kundër tij, ndërsa Abbas e përshkroi atë që ndodhi si grushtshtet.

    Që atëherë, kishte shpërthime të shpeshta të konfliktit me Izraelin.

    Hamasi refuzon ta njohë shtetin e Izraelit dhe kundërshton dhunshëm Marrëveshjet e Oslos për Paqe, të negociuara nga Izraeli dhe PLO-ja, në mesin e viteve 1990.

    Hamasi ka një krah të armatosur, të quajtur Brigadat Izz el-Deen al-Qassam, i cili dërgon njerëz të armatosur dhe kamikazë në Izrael. Hamasi i karakterizon aktivitetet e tij të armatosura si rezistencë kundër pushtimit izraelit.

    Grupi është pjesë e një aleance rajonale, që përfshin Iranin, Sirinë dhe grupin islamik shiit, Hezbollah, në Liban. Të gjithë ata kundërshtojnë gjerësisht politikën e SHBA-së në Lindjen e Mesme dhe Izraelin.

    Derisa bazën e ka në Gazë, Hamasi ka mbështetës në të gjitha territoret palestineze dhe ka liderë të shpërndarë në të gjithë Lindjen e Mesme.

    Hamasi në tërësi – ose në disa raste krahu i tij ushtarak – cilësohet si grup terrorist nga Izraeli, Shtetet e Bashkuara, Bashkimi Evropian dhe Britania e Madhe, si dhe nga fuqi të tjera.

    Ku gjendet Rripi i Gazës?

    Rripi i Gazës është një territor prej 41 kilometrash i gjatë dhe 10 km i gjerë midis Izraelit, Egjiptit dhe Detit Mesdhe. Atje jetojnë rreth 2.3 milionë njerëz.

    Izraeli kontrollon hapësirën ajrore mbi Gazë dhe vijën e saj bregdetare, si dhe kufizon se kush dhe çfarë mallrash mund të hyjnë dhe të dalin nëpër pikat e saj kufitare. Në mënyrë të ngjashme, Egjipti kontrollon se kush hyn dhe del përmes kufirit të tij me Gazën.

    Sipas Organizatës së Kombeve të Bashkuara, rreth 80% e popullsisë së Gazës varet nga ndihma ndërkombëtare.

    Si shpërtheu dhuna e fundit?

    Mes Izraelit dhe Hamasit ka tensione të vazhdueshme, por sulmi i fundit ndodhi pa paralajmërim. Hamasi gjuajti mijëra raketa në Izrael, ndërsa dhjetëra luftëtarë të tij shkelën kufirin dhe pushtuan komunitetet izraelite, duke vrarë dhjetëra civilë dhe duke marrë robër të tjerë.

    Izraeli filloi menjëherë sulmet ajrore, duke thënë se ka në shënjestër objektet e militantëve në Gazë. Zyrtarët lokalë thanë se më shumë se 200 njerëz u vranë.

    Ku qëndron problemi?

    Bregu Perëndimor dhe Gaza, të cilat njihen si territore palestineze, si dhe Jerusalemi Lindor dhe Izraeli kanë qenë pjesë e tokës së njohur si Palestinë që nga koha romake.

    Këto ishin gjithashtu tokat e mbretërive hebraike në Bibël dhe shihen nga hebrenjtë si atdhe i tyre i lashtë.

    Izraeli u shpall shtet në vitin 1948, megjithëse toka ende quhet Palestinë nga ata që nuk e njohin të drejtën e Izraelit për të ekzistuar.

    Palestinezët përdorin gjithashtu emrin Palestinë si një term ombrellë për Bregun Perëndimor, Gazën dhe Jerusalemin Lindor. /REL

  • 25 vite nga vrasja e “Sandokanit”

    25 vite nga vrasja e “Sandokanit”

    Abedin Rexha ishte luftëtar i radhëve të para të Ushtrisë Çlirimtare të Kosovës, guximtar e sypatrembur deri në vdekje, për çka dhe bashkëluftëtarët e tij e quajtën “Sandokan”. Ai u lindi më 8 korrik 1969 në Vajnik, komuna e Skenderajt.

    Shkollën fillore e kreu në Turiçec, të mesmen në Skenderaj, kurse studimet i vazhdoi në Fakultetin Xehetar-Metalurgjik në Mitrovicë. Gjatë kohës së shkollimit të mesëm, në Skenderaj ra në kontakt me veprimtarët e ilegales. Asokohe shoqërohej me Jakup Nurën dhe Nuhi Gecin, me të cilët tashmë ishte i organizuar dhe shpeshherë shpërndante edhe trakte e afishe, ku bëhej thirrje për rezistencë kundër pushtuesit serbo-sllavë.

    Duke qenë se pushtuesi i kishte rënë në gjurmë aktivitetit të Abedinit, me 1992, ai merr rrugën e mërgimit. Në vjeshtë 1996, kthehet në Kosovë, i ngarkuar me detyra të caktuara dhe mban takim me komandantin Adem Jashari. Ai hynë e del nga Kosova shumë herë. Më 6 maj 1997, Abedini së bashku me Fehmi Lladrovcin, Xhevë Lladrovcin, Luan Haradinajn, Ilaz Kodrën, Ramiz Lladrovcin etj, i kalon Alpet Shqiptare. Në rrugë e sipër, ky grup luftëtarësh bie në pritë të forcave serbe dhe pas një luftimi të ashpër dhe rënies heroike të Luan Haradinajt, detyrohet të tërhiqet nga kufiri.

    Dy muaj më vonë, në korrik 1997, Abedin Rexha së bashku me Adrian Krasniqin, Ilaz Kodrën, Ilir Konushevcin dhe luftëtarë të tjerë të lirisë, arrin të depërtojë në Kosovë dhe punojnë pa u lodhur në zgjerimin dhe konsolidimin e radhëve e UÇK-së.

    Më 25 nëntor 1997, policia serbe shkoi në Vajnik për ta arrestuar Abedin Rexhën – Sandokanin. Abedini me dy vëllezërit, Brahimin dhe Afrimin, e me luftëtarë të tjerë u kishte dalë përballë bandave serbe dhe i kishte sulmuar. Në këtë sulm ishin likuiduar dy policë serbë, ndërsa gjatë kësaj përleshjeje, forcat serbe kishin plagosur Baki Krasniqin, 11-vjeç.

    Më 26 nëntor 1997, komandanti legjendar i UÇK-së Adem Jashari kishte urdhëruar t’u zihet pritë forcave serbe te vendi i quajtur Klisyra në Rezallë të Re. Krahas Adem Jasharit dhe Abedin Rexhës ishin rreshtuar në pozicione edhe Mujë Krasniqi, Ilaz Kodra, Nuhi Geci e shumë luftëtarë trima.

    Plani i armikut kishte filluar të vihej në veprim. Mirëpo në orët e para të ditës, forcat serbe u gjendën të rrethuar. Gjatë tërheqjes serbët kishin goditur për vdekje mësuesin Halit Geci, në oborrin e shkollës së Llaushës. Dhe, më 28 nëntor 1997, me rastin e varrimit të mësuesit Halit Geci në Llaushë, Mujë Krasniqi me shokët e tij Rexhep Selimin dhe Daut Haradinajn, duke qenë të armatosur shpallën publikisht fillimin e luftës çlirimtare në Kosovë, duke u paraqitur para masës së tubuar me uniformën e Ushtrisë Çlirimtare të Kosovës.

    Gjatë vitit 1998, Lufta Çlirimtare vijoi të zgjerohej rrufeshëm, dhe Abedin Rexha nuk e përmbante dot zemërimin kundër pushtuesit, që masakronte pamëshirshëm fëmijë, gra, burra dhe pleq dhe ua digjte shtëpitë shqiptarëve.

    Në fillim të gushtit 1998, Shtabi i Përgjithshëm i UÇK-së, Abedin Rexhën e kishte caktuar Komandant të Brigadës 112 “Arben Haliti” në Zonën Operative të Drenicës.

    Gjatë muajve gusht-shtator 1998, komandant “Sandokani” luftoi pa iu trembur syri në shumë fushëbeteja. Dhe pikërisht në kulmin e ofensivave me përmasa të gjera shfarosëse nga forcat serbe, në të gjitha zonat Operative të UÇK-së, e veçanërisht në ZO të Drenicës më 8 tetor 1998, komandanti Abedin Rexha – “Sandokani”, vritet në pyjet e fshatit Kllodernicë të Skëndarajt.

    Abedin Rexha pas vetes ka lënë bashkëshorten me dy fëmijë: Sokolin dhe Selveten. Heroizmi i tij është përjetësuar në shumë shkrime në shtypin tonë, në këngë e poezi, ndërsa shkolla e Turiçecit mban me krenari emrin e tij. /KP/

  • Narrativa ruse përfshinë mediat në Serbi, ushqen ambiciet territoriale për Kosovën

    Narrativa ruse përfshinë mediat në Serbi, ushqen ambiciet territoriale për Kosovën

    Shtetet e Bashkuara dhe NATO u lehtësuan pak këtë javë kur qeveria serbe tha se do të tërhiqte trupat pasi urdhëroi një ngritje të shpejtë ushtarake përgjatë kufirit të saj me Kosovën. SHBA i kishte cilësuar si “një zhvillim shumë destabilizues” – dhe lajmet për deeskalimin e dukshëm ishin “të mirëpritura”, tha Departamenti i Shtetit i SHBA-së.

    Por sipas zyrtarëve dhe ekspertëve në Kosovë që folën me The Daily Beast, vetëm një simptomë e problemit është zhdukur. Nën sipërfaqe, tensionet serbo-kosovare kërcënojnë të rriten ende, me Rusinë që i nxit ato në prapaskenë përmes një operacioni të gjerë dhe të rrënjosur me ndikim në Serbi.

    “Propaganda ruse është e shfrenuar në Serbi, duke përhapur gënjeshtra dhe linja pro-Kremlinit mbi ambiciet territoriale, dhunën, luftën në Ukrainë, NATO-n dhe Perëndimin. Operacioni gjithëpërfshirës i dezinformimit dhe propagandës rus ka për qëllim nxitjen e dhunës dhe pjesërisht synon të mbështesë përpjekjet e Serbisë për të kontrolluar Kosovën”, tha ambasadori i Kosovës në Shtetet e Bashkuara, Ilir Dugolli, në një intervistë për Daily Beast.

    “Ne kemi parë përpjekje të ndryshme nga Rusia… dhe i kemi nxjerrë në pah natyrisht, në Serbi, për nxitjen e dhunës, për portretizimin e kësaj… “situatë të tmerrshme të serbëve në pjesët veriore” të Kosovës në veçanti dhe gjithashtu në zona të tjera… për të nxitur sulme të dhunshme dhe jostabilitet të përgjithshëm ”, tha Dugolli për Daily Beast.

    Serbia dhe Rusia, së bashku me një pjesë të vogël të vendeve, nuk e kanë njohur pavarësinë e Kosovës. Presidenti aktual i Serbisë është zotuar se nuk do ta njohë kurrë pavarësinë e Kosovës dhe Rusia prej kohësh ka pasur shqetësime për Kosovën, duke theksuar për vite se do ta mohojë kategorikisht pavarësinë e Kosovës.

    Ditët e fundit, këto tensione të gjata janë shndërruar në dhunë.

    Ngritja e alarmit vjen pas sulmit terrorist në Banjskë ku mbeti i vrarë një polic i Kosovës dhe disa nga terroristët pas një shkëmbimi zjarri.

    Kosova akuzoi Serbinë se qëndron pas sulmit, duke pretenduar se Serbia ka kërkuar të destabilizojë Kosovën.

    Serbia krenohet me disa lidhje me Perëndimin—ajo u identifikua si një kandidate për Bashkimin Evropian në vitin 2012. Por ndikimi i fortë i Rusisë, i kombinuar me kontrollin e saj mbi median dhe mjedisin e informacionit në Serbi, ndihmon në përhapjen e narrativave që forcojnë më tej pro Rusi dhe ndjenjat antiperëndimore që e mbajnë Beogradin në orbitën e Rusisë.

    Shumë media në Serbi janë në pronësi të oligarkëve me lidhje me presidentin serb Aleksandar Vuçiq, i cili mban lidhje të ngushta me presidentin rus Vladimir Putin. Në vitin 2015, Rusia krijoi një qendër për agjencinë shtetërore ruse të lajmeve Sputnik. Aktualisht, Rusia është në procesin e thellimit të kanaleve të saj për dezinformim në Serbi: RT e financuar nga shteti rus tha vitin e kaluar se do të krijonte një version në gjuhën lokale në Serbi, që do të drejtohej nga vajza e redaktorit të Sputnik.

    Narrativat ruse që kanë përfshirë Serbinë vitet e fundit përfshijnë narrativa anti-perëndimore dhe anti-NATO që kërkojnë të forcojnë opinionin publik serb se Kosova nuk është e pavarur.

    Në Serbi, fokusi është në kujtimin e serbëve për fushatën e bombardimeve të NATO-s dhe fajësimin e Perëndimit për tërheqjen e Kosovës në thelb nga Serbia, tha Ruslan Stefanov, bashkëdrejtor dhe bashkautor i Kremlin Playbook, një projekt i përbashkët i Qendrës për Studimi i Demokracisë (CSD) dhe Qendra për Studime Strategjike dhe Ndërkombëtare.

    “Në rastin e Serbisë, narrativa nr. 1 sigurisht që është, ‘Mos harroni NATO-n… ajo e ndihmoi Kosovën të shkëputet. Është pjesë e vendit tuaj”, tha Stefanov për Daily Beast. “Kjo është pjesë e fushatës së zgjeruar të NATO-s.”

    Në muajt e fundit, disa nga narrativat më të njohura në mediat ruse dhe serbe në vend përfshijnë Kosovën, tha Goran Georgiev, një analist me CSD.

    “Tema e Kosovës është tema kryesore për Sputnik dhe RT dhe gjithashtu për mediat lokale, shumica e të cilave janë pro-ruse”, tha Georgiev për Daily Beast.

    Sipas të dhënave nga Similarëeb CSD të ndara me The Daily Beast, faqet më të njohura për nga trafiku në Serbi janë Kurir.rs—me 60.7 milionë vizita në gusht—pasuar nga Blic.rs, Novosti.rs, sd.rs dhe RTS.rs , shumë prej të cilave përhapin linja pro-ruse. Në Facebook, Sputnik dhe RT kanë grumbulluar më shumë ndërveprime në 30 ditët e fundit, sipas të dhënave nga CroëdTangle.

    Hapësira mediatike serbe është e mbushur me keqkarakterizimin e fakteve dhe propagandën, me Alo dhe Kurir.rs që përbëjnë mbi gjysmën e lajmeve që përhapin dezinformata, sipas një raporti mbikëqyrës nga CRTA, Qendra për Kërkim, Transparencë dhe Përgjegjësi. Sipas analizës, Večernje novosti dhe Informer, dy të përditshmet, janë shkelësit e radhës më të rëndë.

    Sputnik në faqen kryesore të Serbisë ka qenë një lajm i pacipë për Kosovën ditët e fundit. Një titull ankohej se “veprimet e Perëndimit nuk kanë qenë kurrë më morbide: Ata nuk e dinë se dita e zisë për serbët zgjat derisa të vijë liria në Kosovë”, duke i bërë jehonë besimit të kahershëm në Serbi se Kosova është nën një lloj “okupimi. ”

    Në artikull thuhet se sulmi vdekjeprurës në Kosovë përfaqëson një urrejtje në Kosovë ndaj jetëve të serbëve. “E keqja mbretëron në Kosovë”, thuhet në artikull.

    Faqja kryesore e Kurir.rs i ka ka bërë jehonë edhe ambicies territoriale të Serbisë në Kosovë këtë javë. Të mërkurën, një pjesë u fokusua në mohimin e pavarësisë së Kosovës, ndërsa vuri në dukje optimizmin për përpjekjet e Serbisë për të punuar me Rusinë dhe Kinën për Kosovën dhe “mbrojtjen” e territorit të Serbisë.

    Më gjerësisht, narrativat rreth ambicieve territoriale në Serbi kanë ndjekur nga afër perspektivat ruse për dhunën dhe luftën. Në rastin e luftës së Rusisë në Ukrainë, mediat ruse dhe ato serbe janë fokusuar në përhapjen e informacionit të rremë për luftën në Ukrainë. Titujt si “Ukraina filloi një luftë kundër Rusisë” ose “Trupat ukrainase bombarduan maternitetin” u shfaqën në Serbi menjëherë pasi Rusia pushtoi Ukrainën, sipas Vox Ukraine dhe Qendrës për Studime Ndërkombëtare të Krizave dhe Konflikteve (CECRI). /TheGeopost/

  • Dhunim seksual ndaj dy vajzave, arrestohen dy persona në Podujevë

    Dhunim seksual ndaj dy vajzave, arrestohen dy persona në Podujevë

    Dy persona janë arrestuar dje në Podujevë nën dyshimin se të njëjtit kanë kryer veprat dhunim dhe sulm seksual, ndaj dy viktimave femra kosovare.

    Sipas Policisë, rasti ka ndodhur në mbrëmjen e 6 tetorit në Podujevë, ku njëra nga viktimat është dërguar në ekzaminim gjinekologjik, ndërsa dy të dyshuarit me vendim të prokurorit janë dërguar në mbajtje.

  • Sulmi në Banjskë, çka thonë qytetarët, udhëheqësit e institucioneve dhe ekspertët e sigurisë

    Sulmi në Banjskë, çka thonë qytetarët, udhëheqësit e institucioneve dhe ekspertët e sigurisë

    Qytetarët e Mitrovicës kanë thënë se pas ngjarjeve të fundit në Banjskë të Zveçanit, dialogu me Serbinë nuk ka më kuptim, të paktën jo në formatin çfarë është zhvilluar deri tani.

    Ata gjatë një bashkëbisedimi për KosovaPress, potencuan se ndërmjetësuesit e deritashëm të dialogut, Borell dhe Lajçak, duhet të shkarkohen sepse kanë qenë të njëanshëm.

    Udhëheqësit e institucioneve lokale dialogun e shohin si formë të vetme të zgjidhjes së problemit në mes të Kosovës dhe Serbisë, ndërsa për ekspertët e sigurisë, asgjë më nuk do të jetë njëjtë sikur para 24 shtatorit, sepse do të ketë strategji tjetër të sigurisë dhe vigjilencë të paparë deri tani nga ana e institucioneve shtetërore.

    Sami Zeka, qytetar nga Mitrovica, thotë se dialogu mes Kosovës dhe Serbisë prej fillimit ka qenë i pakuptimtë.

    Sipas tij, avantura e Borellit dhe Lajçakut në këtë dialog është dashur të ndërpritet para shumë kohësh, për shkak të njëanshmërisë së tyre ndaj Serbisë.

    Derisa nuk ndryshojnë forcat politike në Serbi, shtoi ai, Kosova gjithnjë duhet të ndihet e rrezikuar nga ndonjë sulm i ngjashëm prej fqinjit verior.

    Nazmi Fejza, një mitrovicas tjetër, bënë të ditur se tashmë kemi një situatë të re, dhe se dialogu nuk ka më kuptim të zhvillohet sipas standardeve të deritashme.

    Ai përveç ndërmjetësuesve Borell e Lajçak, konteston edhe kredibilitetin e kryetarit serb, Vuçiq në këtë dialog.

    Fejza theksoi se Rusia së bashku me Serbinë po duan që kufiri mes shteteve të tyre dhe BE-së e SHBA-së, të jetë pikërisht ura e Ibrit në Mitrovicë, andaj ka bërë thirrje për vëmendje të shtuar në këtë drejtim.

    Ai u shpreh i bindur se Serbia do të tentojë që në forma të ndryshme ta sulmojë sërish Kosovën.

    Ndërkaq, Arian Tahiri, nënkryetar i Komunës së Mitrovicës, dialogun e sheh si formë të vetme të zgjidhjes së problemit mes Kosovës dhe Serbisë.

    Sipas tij, ngjarjet e fundit në veri të vendit, dëshmojnë më së miri politikat serbo-ruse që kanë ndaj Kosovës.

    Ai tha se Serbia do të përpiqet në çdo mënyrë që të krijojë tensione dhe ta destabilizojë, sidomos veriun e Republikës së Kosovës.

    Në anën tjetër, Arben Dashevci, njohës i çështjeve të sigurisë, ka bërë të ditur se asgjë më nuk do të jetë njëjtë sikur para 24 shtatorit, sa i përket vëmendjes së sigurisë nga ana e institucioneve shtetërore.

    Ai tha se Kosova ka mësuar shumë nga kjo ngjarje, andaj do të ketë strategji tjetër dhe vigjilencë të paparë nga ana e shtetit, përballë sulmeve të mundshme në të ardhmen.

    Ndryshe, Parlamenti Evropian ka diskutuar dy ditë më parë për sulmin terrorist të 24 shtatorit në Banjskë të Zveçanit, si dhe situatën aktuale të sigurisë në Kosovë.

    Aty pati shumë kritika për politikën e BE-së ndaj Serbisë.

    Disa deputetë bënë thirrje për sanksionim të Serbisë dhe hetime ndërkombëtare në mënyrë që përgjegjësit e sulmit ndaj Policisë së Kosovës të vihen para drejtësisë. Disa madje kërkuan që këtij shteti t’i ngrihen fondet derisa të kryhen hetimet. Një rezolutë e veçantë për situatën në Kosovë pritet të votohet në seancën e radhës që do të mbahet gjatë muajit tetor.

  • Përbën rrezik për sigurinë e Kosovës, arrestohet i dyshuari në Pejë

    Përbën rrezik për sigurinë e Kosovës, arrestohet i dyshuari në Pejë

    Një person është arrestuar në Pejë nën dyshimin se i njëjti paraqet kërcënim.

    Sipas policisë, ai është arrestuar dje në Pejë dhe dyshohet për përgatitjen e veprave penale terroriste ose veprave penale kundër rendit kushtetues dhe sigurisë së Republikës së Kosovës.

    Me vendim të prokurorit, i dyshuari është dërguar në mbajtje.

  • Reuten: Bashkimi Evropian duhet ta ndëshkojë Serbinë

    Reuten: Bashkimi Evropian duhet ta ndëshkojë Serbinë

    Eurodeputeti holandez, Thijs Reuten, duke folur për situatën në Kosovë pas sulmit terrorist në veri, tha se është e qartë cila palë po destabilizon situatën, duke kërkuar nga BE-ja që ta ndëshkojë Serbinë.

    “Pavarësisht kritikave të shumta për muaj të tërë nga ana e Parlamentit, sanksione janë vendosur vetëm ndaj Kosovës dhe jo ndaj agresorit, shkakut kryesor të destabilizimit dhe provokimeve që kemi parë prej kohësh”, deklaroi Thijs Reuten.

    Reuten ishte i qartë në kërkesën e tij, duke thënë se Bashkimi Evropian duhet ta ndëshkojë Serbinë.

    “BE duhet të braktisë politikën katastrofale të pajtimit me Vuçiqin, sepse nuk po funksionon. Sa herë Vuçiq është kthyer nga Brukseli në Beograd dhe me krenari ka treguar se nuk ka firmosur gjë, Komisioneri Varhelyi i ka shkuar në derë me 600 milionë euro! Kjo duhet të marrë fund!”, tha ai, në një intervistë me Alice Taylor në podcastin e Inside Albania.

    Për Reuten, është me rëndësi rikthimi në tryezën e dialogut, por vetëm pasi të jenë ndalur provokimet.

    “Çdo gjë që ndodhi, jo vetëm gjatë javës së shkuar por edhe në muajt pas Marrëveshjes së Ohrit, hyn në listën e gjatë të provokimeve. Duhet krijuar atmosfera e duhur që palët të ulen në një tryezë sërish dhe të punojnë për normalizimin”, nënvizoi Reuten.

    Eurodeputeti holandez kritikoi edhe marrëdhënien e afërt mes Serbisë dhe Rusisë.

    Sipas tij takimi i Vuçiqit me ambasadorin rus në Beograd, vetëm një ditë pas sulmit të Banjskës, është tregues se presidenti serb nuk e merr seriozisht Bashkimin Evropian.

  • Izraeli publikon pamjet e sulmit ajror në Rripin e Gazës

    Izraeli publikon pamjet e sulmit ajror në Rripin e Gazës

    Ministria izraelite e Mbrojtjes ka publikuar një video të një sulmi ajror në Rripin e Gazës, ku objekte të ndryshme janë goditur me raketa.

    Dyshohet se brenda objekteve të goditura nga izraelitët, ishin fshehur pjesëtarët e Hezbollahut, të cilët konsiderohen si organizatë terroriste nga Izraeli.

    Më shumë se 480 izraelitë dhe palestinezë kanë vdekur deri më tani.