ATV

Blog

  • Trajnimi i mbi 300 rekrutëve të FSK-së është shtyrë për gati 3 javë

    Trajnimi i mbi 300 rekrutëve të FSK-së është shtyrë për gati 3 javë

    Përgatiti: Arian Hajdaraj

    Aplikimet iu pranuan, e testet fizike e psikike i kaluan me kohë. Megjithatë, mbi 300 të rinj nga grupi i dytë i rekrutëve të Forcës së Sigurisë, nuk e kanë filluar trajnimin më 2 tetor siç ishte planifikuar.

    Nga Ministria e Mbrojtjes, vonesa pohojnë se është shkaktuar nga angazhimi në ushtrimin “Defender Europe 2023.

    “FSK nuk ka filluar Stërvitjen bazë për Gjeneratën e dytë si rezultat Ushtrimit “Defender Europe 2023 i cili ka afektuar ne fillimin e stërvitjes për Gjeneratën e parë 2023 për dy muaj vonesë. Në këtë mënyrë për arsye ty përgatitjeve administrative të Komandës së Stërvitjes dhe Doktrinës kërkohet kohë shtesë për fillimin e Gjeneratës së dytë”, thotë gjeneral Ilir Qiriqi, shefi i stafit të ministrit.

    Mirëpo, burime të ATV-së bëjnë të ditur se arsye tjetër për shtyrjen e trajnimit të rekrutëve është edhe mungesa e veshmbathjeve. Këto pohime fuqizohen nëse shikohen të dhënat e tenderit për veshmbathje, kontrata për të cilin është nënshkruar para më pak se tri javëve.

    Marrë parasysh edhe problemet e mëhershme gjatë tenderimit, njohës të fushës së sigurisë sugjerojnë të ketë lehtësime të këtyre procedurave për këtë ministri.

    “Konsideroj se duhet të thjeshtohen procedurat e tenderimit në furnizimin e FSK-së…”, tha profesori i shkencave të sigurisë, Rrahman Sylejmani.

    Sidoqoftë, vonesa nuk besohet të ketë ndikim tek zhvillimi i ushtarëve potencialë.

    “Nëse shtyhet trajnimi për 2-3 javë nuk shkakton ndonjë pengesë të madhe. Më problem do ishte nëse pas nisjes së trajminit do kishte pauzë për ndonjë arsye”, tha njohësi i çështjeve të sigurisë, Nuredin Ibishi.

    Më 19 shtator, Ministria e Mbrojtjes nënshkroi kontratë me vlerë prej 537 mijë euro, për furnizim me uniforma dhe atlete sportive komplet për nevojat e FSK-së.

    Forca e Sigurisë së Kosovës që është në procesin 10 vjeçar të transformimit në ushtri, që nga viti 2018, planifikohet t’i ketë maksimalisht 5000 ushtarë aktivë dhe 3000 rezervë.

  • Sërish të marten përpjekje për konstituimin e komisionit hetimor parlamentar për rezervat shtetërore

    Sërish të marten përpjekje për konstituimin e komisionit hetimor parlamentar për rezervat shtetërore

    Përgatiti: Krenare Mulliqi

    Mbledhja e radhës në të cilën pritet konstituimi i komisionit hetimor parlamentar për keqpërdorime me rezerva shtetërore pritet të mbahet të martën. Fillimi i punës i këtij komisioni i kërkuar nga opozita tashmë ka dështuar dy herë për shkak të mungesës së anëtarëve nga partia në pushtet.

    Por sipas deputetit të PDK-së dhe anëtarit të këtij komisioni, Ferat Shala mungesa e deputetëve të pushtetit është ikje.

    Partitë opozitare dhe partia në pushtet kanë shprehur deri tash qëndrime të kundërta lidhur me punën e këtij komisioni.

    Sipas opozitës nevoja për themelimin e këtij komisioni është e domosdoshme ndërkaq në Vetëvendosje konsiderojnë se mund të paraqet ndërhyrje në sistemin e drejtësisë, pasi prokuroria është duke hetuar këtë rast.

    Kuvendi në seancën e 21 shtatorit me 69 vota për votoi themelimin e Komisionin hetimor parlamentar për rezervat shtetërore.

  • Sylvinho flet para ndeshjeve me Çekinë e Bullgarinë

    Sylvinho flet para ndeshjeve me Çekinë e Bullgarinë

    Trajneri i Kombëtares së Shqipërisë, Sylvinho ka folur sot në një konferencë për media për ndeshjet e ardhshme ndaj Çekisë dhe Bullgarisë.

    Shqipëria do të luaj fillimisht kundër Çekisë në kuadër të kualifikueseve drejt Kampionatit Evropian “Gjermania 2024”, ndërsa më pas do ta zhvillojë miqësoren ndaj Bullgarisë, raporton KosovaPress.

    Sylvinho fillimisht foli për objektivin ndaj Çekisë, ku tha se në fushë mund të ndodhë gjithçka pasi që ka kampionë në të dyja kombëtaret.

    “Siç e kam thënë që në fillim, që në muajin mars, llogaritë tona duhet t’i bëjmë në nëntorë dhe jo tani. E kemi thënë gjithmonë që është një grup shumë i fortë, jemi në një grup shumë të fortë, ka shumë ekuilibër, dhe nuk jemi në gjendje të bëjmë llogaritë tani sepse kemi përpara një sfidë shumë të rëndësishme dhe të vështirë. Sigurisht luajmë në shtëpinë tonë, atmosfera do të jetë shumë e bukur, kemi mbështetjen e tifozëve tanë dhe gjithçka mund të ndodhë, por ne do të kemi në fushën tonë kampionë në të dyja anët”, tha Sylvinho.

    Më tej, Sylvinho treoi edhe për strategjinë që do ta përdorë në ndeshjen ndaj çekëve.

    “E kemi thënë shpesh që kemi përballë një rival të vështirë dhe normalisht që nuk është e lehtë që të kuptosh se çfarë strategjie ka menduar një rival në një ndeshje të tillë. Por sigurisht që është një histori tjetër, është një ndeshje tjetër, do të jemi dy ekipe që kemi pikat tona të forta dhe të dobta dhe sigurisht secili do të bëjë strategjinë e vet, është krejt normale. Por dua të theksoj që do të jetë një ndeshje shumë e bukur, ashtu si edhe në Pragë do të jetë një ndeshje ku do të ketë shumë vlera teknike dhe fizike. Do të jetë një ndeshje e shpejtë me tranzicione, ku do të ketë shumë energji të shpenzuara në fushën e lojës. E njëjta gjë ndodhi edhe në ndeshjen e parë në Pragë, pak a shumë e njëjta histori në këtë sens, pra figura e përmbledhur është e njëjta. Ne e kemi parë dhe riparë sigurisht ndeshjen, Çekia është një kundërshtar shumë i fortë, vjen me katër, pesë lojtarë në zonë me krosime dhe lojtarët janë shumë të gjatë, gjë që e kemi thënë edhe në të kaluarën. Sigurisht do të jetë një ndeshje krejt ndryshe për t’u parë”, tha Sylvinho.

    Ndërkaq, për miqësoren ndaj Bullgarisë, Sylvinho zbuloi nëse do të ketë emra të ri në grumbullim.

    “Ne nisim tani përgatitjet për ndeshjen me Çekinë. E kemi thënë që kemi tre finale. Është një ndeshje shumë, shumë e rëndësishme, pastaj kemi miqësoren me Bullgarinë. Sigurisht që nuk më pëlqen të flas tani për miqësoren me Bullgarinë. Normalisht e kam mendjen vetëm te Çekia, pastaj mund të diskutojmë për ndeshjen me Bullgarinë. Sa u takon emrave konkretë që më pyetët, Muçolli është një lojtar që më pëlqen shumë, një mëngjërash, e kam ndjekur që prej gjashtë muajsh. Është një lojtar në formë, që po paraqitet shumë mirë në Suedi, po shënon gola. Në këtë moment që flasim kemi 25 lojtarë, madje kemi dy lojtarë më shumë se sa na duhen, pasi 23-shi është standard. Unë nuk mund të grumbulloj dot 30 apo 32 lojtarë, nuk është momenti. Unë mendjen e kam vetëm te ndeshja me Çekinë, se si ta përgatitim sa më mirë. Pas asaj ndeshje mund të flasim edhe për sfidën me Bullgarinë. Ka shumë lojtarë të tjerë rrotull nëpër Europë, shqiptarë që po luajnë mirë, që unë i ndjek dhe i shoh. Në të ardhmen mund të jenë me Kombëtaren. Në momentin që flasim nuk është koha për të bërë eksperimente, ndryshime. I vetmi ndryshim në listë është Roshi që mungon dhe ka ardhur Broja. Në të ardhmen do të flasim sërish”, tha Sylvinho.

    Më 12 tetor Shqipëria e pret në “Air Albania” Republikën e Çekisë, kurse më 17 tetor “kuqezinjtë” luajnë sërish si vendas në miqësoren ndaj Bullgarisë.

  • Sulmi i Hamasit në Izrael, Ambasada e Kosovës në Jerusalem del me njoftim

    Sulmi i Hamasit në Izrael, Ambasada e Kosovës në Jerusalem del me njoftim

    Ambasada e Kosovës në Izrael ka publikuar numrin emergjent për të gjithë shtetasit e Republikës së Kosovës që aktualisht janë në Shtetin e Izraelit.

    Izraeli është zgjuar mëngjesin e sotëm nën sulmin masiv të Hamasit. Së paku 22 persona raportohet të kenë vdekur deri më tani nga ky sulm dhe mbi 500 të plagosur.

    “Të gjithë shtetasit e Republikës së Kosovës në Shtetin e Izraelit i udhëzojmë që të ndjekin udhëzimet e autoriteteve lokale izraelite dhe të kontaktojnë për çdo rast me Ambasadën e Republikës së Kosovës në Jerusalem në numrin e kontaktit: +9720586340450”, ka njoftuar ambasada e Kosovës në Izrael.

  • ​Inter-Bologna, formacionet zyrtare

    ​Inter-Bologna, formacionet zyrtare

    Sot me fillim nga ora 15:00 stadiumi “Giuseppe Meazza” do të jetë nikoqir i përballjes interesante mes Interit dhe Bolognas, e vlefshme kjo për xhiron e tetë të Serie A.

    Në xhiron e fundit të zhvilluar në kampionatin italian, Interi e mposhti Salernitanan 4:0, kurse Bologna fitoi 3:0 ndaj Empolit, raporton KosovaPress.

    Momentalisht, Interi zë vendin e parë me 18 pikë, aq sa ka edhe Milani në vendin e dytë, kurse Bologna renditet e teta në tabelë në kuotën e 10 pikëve.

    Takimi i fundit mes këtyre dy skuadrave daton në muajin shkurt të këtij viti, kur asokohe Bologna mposhti Interin 1:0.

    Sa i përket ndeshjes së sotme, të dy skuadrat do të kenë probleme me mungesa të lojtarëve, ku për Interin nuk do të paraqite Arnautovic, kurse te Bologna mungojnë Kristiansen, Lucumi, Posch dhe Soumaoro.

    Tanimë trajnerët kanë publikuar formacionet zyrtare, dhe ato i gjeni më poshtë.

  • Kryeministri Kurti: Duhet të kemi siguri për Kosovën dhe sanksione për Serbinë

    Kryeministri Kurti: Duhet të kemi siguri për Kosovën dhe sanksione për Serbinë

    Kryeministri i Kosovës, Albin Kurti ka deklaruar se pret nga Brukseli të emërtojë dhe dënojë çdo shkelje që Serbia ka bërë, duke u bazuar në traktatin që Kosova dhe Serbia kanë rënë dakord në shkurt të këtij viti në mënyrë që të kthehet rruga e zbatimit të njohjes reciproke ndërmjet Kosovës dhe Serbisë.

    Kurti gjatë një interviste për Sky News, është pyetur për situatën pas sulmit të 24 shtatorit nga terroristët serbë në veri të vendit, si dhe dialogun në Bruksel, ku ka thënë se nuk pas asaj që ndodhi në veri, asgjë nuk është si më parë.

    “Ne nuk mund të kthehemi si zakonisht. Pas 24 shtatorit asgjë nuk është si më parë, dhe në këtë situatë ka kontribuar edhe toleranca ndaj shkeljeve të traktatit bazë që kemi rënë dakord me Serbinë në shkurt të këtij viti. Brukseli është një arbitër, i cili duhet të reagojë sa herë ka një shkelje, shkelje të marrëveshjes. Neni 3 i traktatit bazë thotë se palët duhet të zgjidhin mosmarrëveshjet e tyre me mjete paqësore dhe të përmbahen nga kërcënimi ose përdorimi i dhunës. Pres që Brukseli të emërtojë dhe dënojë çdo shkelje të traktatit tonë bazë, në këtë mënyrë ne të mund të kthehemi në rrugën e zbatimit të njohjes reciproke ndërmjet Kosovës dhe Serbisë dhe të mundësojmë marrëdhënie të fqinjësisë së mirë demokratike evropiane”, ka thënë ai.

    Ai ka thënë se Kosova ka nevojë për sigurimin e kufijve nga KFOR-i dhe Policia e Kosovës.

    “Duhet të kemi siguri për Kosovën, dhe sanksione për Serbinë. Siguria do të thotë, para së gjithash, siguria e kufirit tonë, që është mjaft e gjatë kur bëhet fjalë për fqinjin tonë verior serb [pra ju doni më shumë paqeruajtës këtu], më shumë paqeruajtës, të cilët do të patrullojnë së bashku me policinë tonë përgjatë kufirit të gjatë në rajonet malore ndërmjet Kosovës dhe Serbisë. Ky është numri një, ne kemi nevojë për dënim për Serbinë, ata do të përsërisin krimet e tyre, nëse nuk ka dënim nga BE, NATO, SHBA, Britania e Madhe… Dhe çfarë tjetër na duhet është që këto organizata terroriste që ne i shpallim kështu tre muaj më parë, “brigada e veriut” dhe “mbrojtja civile”, duhet të shpallen terroriste edhe nga miqtë, aleatët dhe partnerët tanë”, tha ai, derisa shtoi se përreth kufirit të Kosovës janë 48 baza operative, 28 ushtarake, 20 janë xhandarmeri, që janë si patkua rreth vendit tonë të cilat duhet të hiqen prej andej.

    “Ne ende nuk kemi prova se ata i kanë hequr ato siç u kanë premtuar me sa duket aleatëve tanë perëndimorë, megjithatë, nga 50 deri në 150 njerëz të armatosur janë në secilën prej këtyre bazave operative. Baza e operimit duhet të hiqet prej andej. Numri një, statusi i tyre është i gabuar. Numri dy, prania e tyre është frikësuese”, tha ai.

    Ai ka shtuar se tani është koha për të filluar një kapitull të ri, ku perëndimi demokratik do t’i thotë Serbisë se ky lloj i veprimeve të librit të Putinit në Kosovë duhet të ndërpritet njëherë e përgjithmonë.

  • Krasniqi: I shokuar nga sulmi i tmerrshëm kundër shtetit të Izraelit

    Krasniqi: I shokuar nga sulmi i tmerrshëm kundër shtetit të Izraelit

    Kryetari i Partisë Demokratike të Kosovës, Memli Krasniqi, ka reaguar pas sulmeve në Izrael. Krasniqi ka thënë se dhuna nuk është kurrë një zgjidhje dhe shpreson për një fund të menjëhershëm të armiqësive.

    “I shokuar nga sulmi i tmerrshëm kundër shtetit të Izraelit. Ne qëndrojmë në solidaritet me viktimat, familjet e tyre dhe të gjithë të prekurit. Dhuna nuk është kurrë një zgjidhje dhe ne shpresojmë për një fund të menjëhershëm të armiqësive”, ka shkruar Krasniqi në platformën “X”.

  • ‘’Plisat’’ premtojnë spektakël në ndeshjen Prishtina-Ballkani

    ‘’Plisat’’ premtojnë spektakël në ndeshjen Prishtina-Ballkani

    Këtë fundjavë pritet të zhvillohen ndeshjet e xhiros së tetë, në Albi Mall Superliga e Kosovës.

    Pa dyshim që fokusi kryesor këtë javë do të jetë në kryeqytet në stadiumin ‘’Fadil Vokrri’’, aty ku do të luhet derbi mes Prishtinës dhe Ballkanit, me fillim nga ora 20:00.

    Gjatë ditës së shtunë, klubi bardh e kaltër njoftoj se biletat do të dalin në shitje ditën e ndeshjes, derisa tifo grupi I kryeqytetit ‘’Plisat’’ pasi përfunduan protestat ndaj kryesisë së klubit si dhe me largimin e Remzi Ejupit, organizimi për këtë përballje do të jetë për tu mbajtur mend.

    Në postimin e tifozëve të Prishtinës, grumbullimi I anëtarëve do të nisë qysh në orët e hershme të ditës së diel, ndërsa pritet që udhëtim të ketë edhe nga tifozët mysafir.

    Kujtojmë se në ndeshjet mes Prishtinës dhe Ballkanit, në këto vitet e fundit, stadiumi në kryeqytet ka qenë i stërmbushur./atvlive.tv/

     

  • Haradinaj për sulmet në Izrael: Terrorizmi s’do të fitojë

    Haradinaj për sulmet në Izrael: Terrorizmi s’do të fitojë

    Kryetari i Aleancës për Ardhmërinë e Kosovës, Ramush Haradinaj, i ka dënuar sulmet kundër shtetit të Izraelit.

    Në platformën X, ai ka shkruar se terrorizmi nuk do të fitojë.

    “Ne dënojmë sulmin e tmerrshëm kundër shtetit të Izraelit. Terrorizmi nuk do të fitojë, si sot, si kurrë. Ne qëndrojmë me Izraelin dhe popullin e tij”, ka shkruar ai.

    Shkon në 22 numri i të vrarëve nga raketat e lëshuara nga Gaza në Izrael

  • Të gjithë të helmuarit në Mitrovicë janë në gjendje të mirë dhe janë liruar në shtëpi

    Të gjithë të helmuarit në Mitrovicë janë në gjendje të mirë dhe janë liruar në shtëpi

    Drejtori i Drejtorisë së Shëndetësisë në Mitrovicë, Fahri Shabani, ka thënë për KosovaPress, se 26 nxënësit e helmuar nga ushqimi, të cilët kanë kërkuar ndihmë mjekësore, janë në gjendje të mirë shëndetësore dhe pas trajtimit janë liruar në shtëpi.

    Sipas tij, në bazë të deklaratave të nxënësve, dyshohet se ata janë ushqyer në një lokal afër shkollave të mesme dhe dy shkollave tjera fillore në Mitrovicë.

    Prej dje pasdite kanë filluar të vijnë raste… me shqetësime shëndetësore të cilat janë karakteristike për intoksikacione alimentare apo helmime në ushqim që kanë qenë me temperaturë, plogështi, vjellje etj. Dje pasdite janë paraqitur shtatë raste në QKMF dhe pastaj gjatë orëve të mbrëmjes dhe natën ky numër ka arritur në 26. Prej tyre 21 kanë marrë terapinë mjekësore dhe janë liruar në gjendje të përmirësuar shëndetësore në shtëpi, ndërsa pesë raste janë referuar në spitalin e përgjithshëm të Mitrovicës ku edhe ata pasi kanë marrë terapinë janë liruar në shtëpi dhe nuk ka asnjë nxënës të hospitalizuar. Të gjithë janë në gjendje të përmirësuar shëndetësore… Shumica e tyre deklarojnë se janë ushqyer në një lokal afër shkollave të mesme dhe dy shkollave fillore të Mitrovicës’, ka thënë Shabani.

    Agjencia e Ushqimit dhe Veterinës ka inspektuar këtë lokal, me ç’rast njoftojnë se higjiena sanitare nuk ka qenë në gjendje të mirë dhe se e kanë mbyllur lokalin përkohësisht.

    Në njoftimin e AUV thuhet se parregullsi kanë hasur më së shumti në pjesën ku përgatitet doneri, derisa shtojnë se lokali nuk ka ofruar dëshmi për pajisjen e stafit me libreza sanitare.

    “Hapi i parë është ndaluar puna dhe ka nisur kontrolli i detajuar i të gjitha hapësirave dhe mjeteve të kuzhinës. Janë evidentuar të gjitha informata mbi procesin e punës dhe gatimit. Kryesisht ushqimet e gatuara kanë qen: Hamburger, doner, tost etj. Përgatitja e mishit shkrirja në vaskë, deri të gatimi i final është bërë aty për disa produkte, disa të tjera janë furnizim nga mishtorja. Gjendja higjienike- sanitare në momentin e inspektimit nuk ka qen e mirë. Sidomos në hapësirën e përgatitjes se mishit për doner. Nuk ka ofruar dëshmi për pajisjen e stafit me libreza sanitare dhe nuk është kryer DDD”, thuhet në njoftim.

    Nga kjo agjenci potencuan se operatorit ekonomik do të ndërmerren të gjitha masat ligjore nga të gjeturat përfundimtare, derisa treguan se pacientët kanë marrë trajtim mjekësor dhe janë liruar në shtëpi.

    “Janë marrë strishot nga mjetet e punës, tavolinat e shërbimit, pjata e servimit dhe duart e kuzhinierit. Janë marrë mostra të produkteve ushqime: doner, pleskavicë, sallatë majoneza dhe sosa. Të gjitha mostrat janë përgatitur sipas procedurës standarde për dërgim në laborator. Lokali është mbyllur përkohësisht deri në nxjerrje të rezultateve të analizave laboratorike. Janë vizituar përsëri pacientet për të parë gjendjen shëndetësore. Të gjithë pacientet deri me tani (30) qe kanë marrë trajtim mjekësorë janë liruar për shtëpi. Jemi duke monitoruar situatën mbi gjendjen e shëndetësore të pacienteve. Ndaj operatorit ekonomik do të ndërmerren të gjitha masat ligjore konform të gjeturave përfundimtare raporteve të analizave laboratorike. Jemi ende në teren bashkë me mekanizmat tjerë shtetërorë, për të marrë veprimet të nevojshme për mbrojtjeje të shëndetit të qytetareve”, potencohet nga AUV.

    AUV njofton se më të marrë lajmërimin për këtë situatë, kanë vizituar pacientët dhe më pas kanë vazhduar inspektimin në lokalin “On Top Food”.

    “Pas lajmërimit nga IKSHPK zyra në Mitrovicë se disa paciente kanë kërkuar ndihmë mjekësore nën dyshimin për helmim me ushqim. Inspektorët Sanitarë të AUV-së në Mitrovicë menjëherë kanë dalë në raste bashkë me Policinë. Fillimisht janë vizituar pacientet në Emergjencën e spitalit në Mitrovicë. Nga pacientet e shtrirë është marrë informata për emrin dhe adresën lokalit gastronomik ku janë shërbyer me ushqime. Ndërsa nga ekipi mjekësore janë marrë të dhënat mbi anamnezën e të shtrirëve, shenjat klinike për dyshimet në helmim. Inspektorët bashkë me Policë kanë nisur inspektimin në lokalin gastronomik të ushqimeve të shpejta ‘’ On Top Food’’ Rr. Skënderbeu Mitrovicë”, thonë ata.