ATV

Blog

  • ​Vasilev: Vendimi i Radev e bën atë si mbrojtës të Gazprom, por kjo s’do të ndalojë tarifën e re të transitit të gazit

    ​Vasilev: Vendimi i Radev e bën atë si mbrojtës të Gazprom, por kjo s’do të ndalojë tarifën e re të transitit të gazit

    Ministri bullgar i Financave Assen Vasilev u tha të enjten gazetarëve se presidenti Rumen Radev nuk do ta ndalë zbatimin e ligjit duke iu referuar Gjykatës Kushtetuese tarifën e re të vendosur për importin dhe transitin e gazit rus drejt dhe përmes Bullgarisë.

    Të gjitha vendet që përdorin rrjetin e transmetimit të gazit duhet të dëshmojnë nëse gazi natyror është rus apo jo, tha ai, duke shtuar se pagesat e para do të bëhen më 14 nëntor.

    Më herët gjatë ditës, presidenti Radev iu referua Gjykatës Kushtetuese tarifën prej 20 BGN për MWh, e cila u miratua përmes rishikimeve të Aktit për Kontrollin mbi Zbatimin e Masave Kufizuese në funksion të veprimeve të Rusisë që destabilizojnë situatën në Ukrainë, i cili hyri në fuqi në 13 tetor.

    Vassilev tha: “Presidenti nuk po mbron interesin kombëtar, të paktën jo siç e shoh unë.”

    Tarifa është në interes kombëtar të Bullgarisë, jo të Federatës Ruse dhe Gazprom. Me këtë vendim Radev u vetëdeklarua si mbrojtës i Gazpromit. Vendimi i tij është kundër politikës së Bullgarisë dhe qeverisë së saj, ky është turp për institucionin presidencial, tha ministri i Financave.

    Ai tha se tarifa nuk e bën gazin më të shtrenjtë për konsumatorët në Serbi, Maqedoninë e Veriut dhe Hungari, por e bën atë më pak fitimprurës për Gazprom.

    “Agjencia Kombëtare e të Ardhurave dhe Agjencia e Doganave mund të aplikojnë masa paraprake nëse Gazprom Export vendos të mos paguajë. Ka garanci bankare për kontratat me Gazprom Export. Bullgaria nuk mund të ndalojë transmetimin e gazit natyror,” tha Vasilev.

    Lukoil shënoi një humbje prej 1.822 miliardë leva në Bullgari për periudhën 2009-2020, një fitim prej 170 milionë leva për vitin 2021 dhe një fitim prej 404 milionë leva për vitin 2022, tha Vassilev. Deri më tani këtë vit Lukoil ka paguar taksa në vlerë 154 milionë leva.

    Kompania ka afat deri më 31 tetor për të parapaguar të gjitha kontributet e përkohshme të solidaritetit dhe për të paguar të paktën 90% të taksave. Bullgaria do të marrë nga Lukoil rreth 400 milionë levë, duke përfshirë 154 milionë levë tashmë të paguara. /BTA

  • Konjufca priti në takim ambasadorin e Belgjikës, Grégoire Cuvelier

    Konjufca priti në takim ambasadorin e Belgjikës, Grégoire Cuvelier

    Kryetari i Kuvendit të Republikës së Kosovës, Glauk Konjufca, priti sot në takim ambasadorin e ri të Belgjikës në Kosovë, Grégoire Cuvelier, me të cilin diskutoi për zhvillimet aktuale, bashkëpunimin midis dy vendeve dhe mundësitë e avancimit të mëtejmë të tij.

    Duke e uruar për detyrën e re në krye të misionit diplomatik belg në Prishtinë, kryetari Konjufca falënderoi ambasadorin Cuvelier për mbështetjen e vazhdueshme qe shteti mik i Belgjikës ia ka dhënë Kosovës në shumë fusha, duke e konsideruar të nevojshme vazhdimin e kësaj përkrahjeje edhe në proceset aktuale nëpër të cilat po kalon vendi ynë.

    Kreu i Kuvendit vuri në dukje agjendën e Republikës së Kosovës drejt integrimit euro-atlantik, sfidat e kësaj agjende dhe theksoi nevojën e përkrahjes nga vende mike, si Belgjika.

    Duke e falënderuar kryetarin Konjufca për pritjen, ambasadori Grégoire Cuvelier konfirmoi mbështetjen e Brukselit zyrtar për Kosovën edhe në të ardhmen.

    Në takim u diskutua gjithashtu për rëndësinë e thellimit të bashkëpunimit ndërparlamentar, marrëdhënieve ekonomike e diplomatike midis dy vendeve.

  • Përfundon takimi i Vuçiqit me zyrtarët evropianë

    Përfundon takimi i Vuçiqit me zyrtarët evropianë

    Pak pas orës 15:00 ka përfunduar takimi i presidentit serb Aleksandar Vuçiq me zyrtarët evropianë në Bruksel.

    Vuçiq u takua me presidentin e Këshillit Evropian Charles Michel, shefin e diplomacisë së BE-së Josep Borell, përfaqësuesin special të BE-së për dialogun Kosovë-Serbi Miroslav Lajçak, si dhe kancelarin gjerman Olaf Scholz, presidentin francez Emmanuel Macron dhe kryeministren italiane Giorgia Meloni.

    Paraprakisht, zyrtarët evropianë kanë biseduar me kryeministrin e Kosovës Albin Kurti, i cili është larguar menjëherë pas takimit, pa dhënë deklarata për gazetarët.

    Bisedimet e veçanta mes Vuçiqit dhe Kurtit me liderët evropianë zgjatën pak më shumë se një orë.

  • Kurti përfundon takimet me udhëheqësit evropianë

    Kurti përfundon takimet me udhëheqësit evropianë

    Kryeministri i Kosovës, Albin Kurti, zhvilloi takime me udhëheqësit evropianë, në margjina të një samiti të BE-së në Bruksel, por nuk ka ende informacione për rrjedhën e tyre.

    Ai nuk dha ndonjë deklaratë para gazetarëve.

    Takime të ngjashme, aktualisht, po zhvillon presidenti i Serbisë, Aleksandar Vuçiq.

    Sipas zëdhënësit të BE-së, Peter Stano, takimet janë vazhdimësi e procesit që filloi fundjavën e kaluar, kur e ashtuquajtura “pesëshe e madhe” e të dërguarve perëndimorë vizitoi Prishtinën dhe Beogradin.

    “Ideja është që këto takime të zhvillohen në margjinat e samitit të BE-së, në mbështetje të kthimit në dialog. Mesazhi i BE-së është se presim që të dyja palët, Serbia dhe Kosova, t’iu kthehen menjëherë dhe pa pengesa detyrimeve që dalin nga dialogu, të punohet menjëherë për uljen e tensioneve dhe rifillimin e dialogut”, tha Stano.

    Kurti dhe Vuçiq po priten veç e veç nga kancelari gjerman, Olaf Scholz, presidenti francez, Emmanuel Macron, dhe kryeministrja italiane, Giorgia Meloni.

    Në takime do të jetë i pranishëm edhe shefi i politikës së jashtme të BE-së, Josep Borrell, si dhe presidenti i Këshillit Evropian, Charles Michel.

    Stano tha se ndonjë takim mes Kurtit dhe Vuçiqit, tash për tash, nuk është planifikuar.

    Por, disa burime diplomatike në Bruksel thanë se takimi i tyre i përbashkët do të varet nga takimi me udhëheqësit evropianë.

    Përfaqësuesit e këtyre të fundit janë pjesë e “pesëshes së madhe” që vizitoi Prishtinën dhe Beogradin më 21 tetor dhe u paraqiti një plan për normalizimin e marrëdhënieve.

    Stano konfirmoi se plani përmban një “propozim modern evropian” për statutin e Asociacionit të komunave me shumicë serbe në Kosovë, ndërsa, sipas burimeve të BE-së, nga Serbia kërkon të konfirmojë mbështetjen e saj për zbatimin e Marrëveshjes së Ohrit për normalizimin e marrëdhënieve.

    Qeveria e Kosovës tha se Kurti është pajtuar që ky plan të jetë “korniza e vazhdimit të diskutimeve të mëtejshme me shtetet aleate”. /REL

  • Stafi i AGK-së takohet me stafin e ECPMF-së për programin “Gazetarët në Residencë”

    Stafi i AGK-së takohet me stafin e ECPMF-së për programin “Gazetarët në Residencë”

    Stafi i programit Journalists in Residence – Kosovo vizituan partnerin e programit “Gazetarët në Rezidencë ”, European Centre for Press and Media Freedom ECPMF, në Leipzig të Gjermanisë.

    Vizita e udhëhequr nga Kryetari i Bordi të Asociacionit të Gazetarëve të Kosovës, u bë me qëllimin e shkëmbimit të përvojave të implementimit të programit, i cili si i tillë ka nisur në shtetin gjerman, në vitin 2016.

    Gjatë vizitës dyditore në Leipzig, u diskutua për punën e ekipit të programit nga Kosova, si dhe atij nga Gjermania, dhe u shkëmbyen praktikat më të mira për implementimin e programit, si dhe sfidat e sukseset e arritura.

    Kryetari i AGK-së, Xhemajl Rexha dhe Zyrtarja Ligjore e ECPMF-së, Flutura Kusari, ishin të shoqëruar nga Drejtorja Ekzekutive, Getoarbë Mulliqi, Adem Sylejmani – Koordinator i Terrenit, Liridona Gërxhaliu – Financiere dhe Zyrtarja për Komunikim, Rabije Hyseni.

    Gazetarët ukrainas janë strehuar në Kosovë në kuadër të programit Journalists in Residence – Kosovo, program i iniciuar nga ECPMF, e që po implementohet nga AGK-ja, mbështetet financiarisht nga Qeveria e Republikës së Kosovës, OSCE Mission in Kosovo, si dhe iniciativa Hannah Arendt.

    Nga programi “Journalists in Residence – Kosovo”, kanë përfituar 18 gazetarë nga Ukraina, gjashtë prej të cilëve kanë përfunduar me sukses programin prej gjashtë muajve strehim në Kosovë.

  • Nisin hetime penale ndaj Lëvizjes për Braktisjen e fesë Islame

    Nisin hetime penale ndaj Lëvizjes për Braktisjen e fesë Islame

    Para disa ditësh në Deçan u tubuan rreth 70 persona me iniciativë për krijimin e Lëvizjes për Braktisjen e fesë Islame.

    Por disa ditë pas themelimit të kësaj lëvizje është iniciuar hetime lidhur veprimtarisë së saj këtë për Paparacin e ka konfirmuar zëdhënësi i Prokurorisë në Pejë, Shkodran Nikçi.

    “Ne si prokurori që nga paraqitja publike e këtyre qytetarëve dhe iniciativës së tyre, e kemi monitoruar në vazhdimësi dhe njëkohësisht sot, Prokuroria Themelore e Pejës ka hapur rast, për verifikim të asaj nëse ka elemente të veprës penale të nxitjes së urrejtjes apo mos durimit dhe varësisht nga ajo çka mund të rezultojë do të ndërmerren edhe hapat dhe veprimet e mëtutjeshme”, tha Nikçi.

    Pas nisjes së kësaj lëvizje doli me një reagim Këshilli i Bashkësisë Islame të Kosovës.

    BIK, Dega në Deçan, tha shprehu indinjatë me formimin e lëvizjes, për të cilën tha se “s’ka qëllime të mira për shoqërinë tonë”.

    “Këshilli i Bashkësisë Islame në Deçan, shpreh indinjatën e thellë lidhur me formimin e të ashtuquajturës “Lëvizje për braktisjen e fesë islame”, meqë siç u pa e u dëgjua, ajo s’ka qëllime të mira për shoqërinë tonë. Aty vërehen elemente përçarëse dhe nxitje të urrejtjes ndër-fetare, si dhe mosdurim fetar dhe njerëzor”, tha BIK.

  • ​Kurti nis takimet me udhëheqësit evropianë

    ​Kurti nis takimet me udhëheqësit evropianë

    Kryeministri i Kosovës, Albin Kurti, nisi takimet me udhëheqësit evropianë, në margjina të një samiti të BE-së në Bruksel.

    Takime të tilla pritet të zhvillojë ndaras edhe presidenti i Serbisë, Aleksandar Vuçiq.

    Sipas zëdhënësit të BE-së, Peter Stano, ato janë vazhdimësi e procesit që filloi fundjavën e kaluar, kur e ashtuquajtura “pesëshe e madhe” e të dërguarve perëndimorë vizitoi Prishtinën dhe Beogradin.

    “Ideja është që këto takime të zhvillohen në margjinat e samitit të BE-së, në mbështetje të kthimit në dialog. Mesazhi i BE-së është se presim që të dyja palët, Serbia dhe Kosova, t’iu kthehen menjëherë dhe pa pengesa detyrimeve që dalin nga dialogu, të punohet menjëherë për uljen e tensioneve dhe rifillimin e dialogut”, tha Stano.

    Kurti dhe Vuçiq po priten veç e veç nga kancelari gjerman, Olaf Scholz, presidenti francez, Emmanuel Macron, dhe kryeministrja italiane, Giorgia Meloni.

    Në takime do të jetë i pranishëm edhe shefi i politikës së jashtme të BE-së, Josep Borrell, si dhe presidenti i Këshillit Evropian, Charles Michel.

    Stano tha se ndonjë takim mes Kurtit dhe Vuçiqit, tash për tash, nuk është planifikuar.

    Por, disa burime diplomatike në Bruksel thanë se takimi i tyre i përbashkët do të varet nga takimi me udhëheqësit evropianë.

    Përfaqësuesit e këtyre të fundit janë pjesë e “pesëshes së madhe” që vizitoi Prishtinën dhe Beogradin më 21 tetor dhe u paraqiti një plan për normalizimin e marrëdhënieve.

    Stano konfirmoi se plani përmban një “propozim modern evropian” për statutin e Asociacionit të komunave me shumicë serbe në Kosovë, ndërsa, sipas burimeve të BE-së, nga Serbia kërkon të konfirmojë mbështetjen e saj për zbatimin e Marrëveshjes së Ohrit për normalizimin e marrëdhënieve.

    Qeveria e Kosovës tha se Kurti është pajtuar që ky plan të jetë “korniza e vazhdimit të diskutimeve të mëtejshme me shtetet aleate”.

    Kurti dhe Vuçiq u takuan për herë të fundit më 14 shtator, por pa ndonjë përparim.

    Dhjetë ditë më vonë ndodhi sulmi në Banjskë, ku grupe të armatosura serbësh sulmuan policinë e Kosovës, duke vrarë një zyrtar policor.

    Gjatë përleshjeve, që nxitën shqetësime për qëndrueshmërinë në rajon, u vranë edhe tre sulmues serbë.

    Duke folur për gazetën britanike, Financial Times, më 25 tetor, Kurti tha se “nëse nuk do të ketë dënime dhe sanksione ndaj Serbisë pas asaj që ka bërë, definitivisht nuk do të ketë dialog”.

    Ky proces që synon normalizimin e marrëdhënieve midis Kosovës dhe Serbisë nisi në vitin 2011 me ndërmjetësimin e BE-së dhe mbështetjen e SHBA-së.

    Palët arritën dhjetëra marrëveshje për këtë qëllim, por shumë prej tyre nuk u zbatuan kurrë.

    Një nga to është edhe ajo për themelimin e Asociacionit të komunave me shumicë serbe në Kosovë.

    Edhe pse ka marrëveshje nga viti 2013 për të, zyrtarët në Prishtinë thonë se e tillë siç është, do të ndikonte keq në funksionalitetin e shtetit dhe kanë dalë me disa propozime të tjera për rregullimin e çështjeve të komuniteteve pakicë.

    Por, si BE-ja, ashtu edhe SHBA-ja e rritën së voni trysninë mbi Kosovën për të formuar Asociacionin.

    Derisa nga SHBA-ja thonë se ai duhet të jetë plotësisht në përputhje me Kushtetutën e Kosovës, për BE-në çështja se si bëhet Asociacioni dhe si do të operojë, duhet të diskutohet në dialog. /REL

  • ​Mustafa: Qeveria “zhvillimin e hovshëm ekonomik” duhej ta ndante me shërbyesit civilë

    ​Mustafa: Qeveria “zhvillimin e hovshëm ekonomik” duhej ta ndante me shërbyesit civilë

    Deputeti i Lidhjes Demokratike e Kosovës (LDK), Besian Mustafa deklaroi se gjatë mandatit të qeverisë aktuale, investimet kapitale janë minimale.

    Sipas tij, inflacioni në produktet ushqimore gjatë këtyre tri viteve është mbi 100 për qind. Teksa komentoi deklaratat e udhëheqësve për zhvillim të hovshëm ekonomik, Mustafa në seancën e jashtëzakonshme tha se një gjë e tillë do të duhej të ndahej me shërbyesit civilë në vend.

    Në emër të Lidhjes Demokratike të Kosovës, deputeti Mustafa tha se është fatkeqësi që sa herë diskutohen tema të rëndësishme, partia në pushtet refuzon të debatojë.

    “Në këto tri vite të këtij pushteti, në mënyrë kumulative inflacioni ka kaluar shifrën mbi 20 për qind. Ndërkaq, nëse e analizojmë inflacionin te produktet esenciale në shumicën e tyre, ajo tejkalon edhe normën prej 100 për qind. Pra, inflacioni te produktet ushqimore në këto tri vite është mbi 100 për qind, tek energjia mbi 100 për qind, te derivatet gati 100 për qind shtrenjtim në këto tri vitet e kaluara. Nëse flasim pastaj për punën, ose thënë ndryshe për mos punën e qeverisë, në këto tri vite investimet kapitale ose realizimi i tyre krahas buxhetit të planifikuar është minimal. Në secilin vit është keq e më keq, realizimi i investimeve kapitale”, deklaroi Mustafa, përcjell kp.

    Tutje, Mustafa tha se skemat sociale të qeverisë nuk ofrojnë zhvillim ekonomik e as zgjidhje afatgjate.

    “Një qeveri, e cila ka deklaruar se kanë arritur një zhvillim të pashembullt, e këtu e them me cinizëm ose e vlerësoj me cinizëm deklaratën e tyre, këtë zhvillim të hovshëm në thonjëza ekonomik, janë të pa vullnetshëm ta ndajnë me qytetarët e tyre ose me shërbyesit civilë të tyre, që nëse është e vërtetë që kanë arritur përmes projekteve të kësaj qeverie, të kenë një zhvillim të pashembullt ekonomik, mos të harrojnë që këta shërbyes civilë janë ata të cilët e kanë realizuar vizionin e tyre, programin e tyre. Të paktën, do të duhej që të ndanin këtë zhvillim të hovshëm ose të pashembullt ekonomik me po këta zyrtarë që u kanë ekzekutuar këtë vizion”, shtoi ai.

    Seanca e jashtëzakonshme me debatin parlamentar të ftuar nga Aleanca për Ardhmërinë e Kosovës po vazhdon, ndërkohë që të pranishëm nuk janë edhe deputetët e Lëvizjes Vetëvendosje.

  • ​Opozita skeptike për takimin e sotëm në Bruksel

    ​Opozita skeptike për takimin e sotëm në Bruksel

    Deputetët opozitarë shprehen skeptik për takimin e sotëm të kryeministrit të vendit, Albin Kurti me liderët evropianë. Të njëjtit akuzojnë Kurtin për mostransparencë lidhur me përmbajtjen e “propozimit modern evropian” për draft-statusin e Asociacionit të komunave me shumicë serbe në Kosovë. Ata kërkojnë nga shefi i ekzekutivit të dalë me sqarime sa i përket këtij plani.

    Deputeti i PDK-së Xhavit Haliti, tha se duhet të vazhdojnë takimet në mënyrë që të ulen tensionet, porse shton se nga takimi i sotëm përveç akuzave që do të hedhin të dy palët, nuk pret diçka tjetër të mirë për vendin.

    Ai po ashtu tha se pengesë për moszbatimin e marrëveshjeve të arritura deri tani janë qëndrimet e presidentit serb, Aleksandër Vuçiq.

    “Ajo që është më rëndësi është se ka rifilluar njëfarë mënyre përafrimi ose janë rivendosur prapë kontakte mes dy vendeve. Është e domosdoshme që të bisedohet, siç thonë më mirë të bisedohet me vite se sa të luftohet veç një ditë. Sot unë besoj që të dytë në këto takime të ndara do ta akuzojnë njëri-tjetrin. Unë nuk pres diçka, pres që të vazhdojë ky dialog. Të vazhdojnë takimet, që të ulen tensionet dhe që të mos luaj asnjëri, e në veçanti Vuçiqi me të ardhmen e Kosovës. Sepse ai është mësuar çdo herë të akuzojë Kosovën e cila gjoja nuk po i zbaton marrëveshjet. E vërteta është që pengesë për moszbatimin e marrëveshje janë qëndrimet e Serbisë, qëndrimet e presidentit të Serbisë, i cili në vazhdimësi përpiqet të minojë përpjekjet e bashkësisë ndërkombëtare për të arritur tek një marrëveshje”, tha Haliti.

    Ndërkaq, deputetja nga radhët e LDK-së, Rrezarta Krasniqi tha se sipas planit, kryeministri Kurti do e pranojë themelimin e Asociacionit për komunat me shumicë serbe. E njëjta, derisa e quan “tradhtar”, shton se më e udhës do të ishte që të informoheshin nga vet kryeministri Kurti për draft-statusin.

    “Takimin që është sot e kemi parë vetëm përmes mediave dhe atë planin që kanë dorëzuar emisarët që kanë qenë të shtunën, ne nuk kemi informacione tjera. E rrugës do të ishte që kryeministri Kurti të vijë në Kuvendin e Kosovës të tregojë për atë plan. Mirëpo, ky proces i dialogut nuk ka pasur aspak transparencë, mirëpo po presim çfarë po ndodh sot. Në atë plan thuhet se ka të bëjë me mbajtjen e zgjedhjeve në vëri, gjithashtu është i përfshirë edhe Asociacioni, pra, Zajednica ku më herët kryeministri Kurti i ka quajtur tradhtar ata që janë marrë në vitin 2013 dhe 2015, mirëpo tani siç shihet në atë dokument më duket se është pranuar, sepse vet takimi që ka me ta sot, mendoj se ai do ta pranojë Asociacionin që dikur e ka quajtur Zajednicë”, thaKrasniqi.

    Se kryeministri nuk është transparent, e thotë edhe deputetja nga radhët e AAK-së, Time Kadrijaj. E njëjta kërkon nga Kurti që marrëveshja të jetë në përputhje me Kushtetutën e Republikës së Kosovës.

    “Është një proces komplet jotransparent, sepse ne nuk e kemi atë draftin që është prezantuar nga emisarët që kanë qenë në Prishtinë, nuk është bërë publik ai draft. Ne tërthorazi kemi dëgjuar nga liderët e partive në pushtet a është në përputhje me Kushtetutën e Republikës së Kosovës se çka do të pranohet. Neve nuk na befasojnë edhe ndryshimet e kryeministrit Kurti që ka thënë se ‘pa i vendosur Serbisë sanksione nuk do të dialogojmë, e po ashtu deri në daljen e raportit në ngjarjes e Banjskës’, mirëpo për ne gjitha këto ndryshimet e kryeministrit, Kurtit nuk janë rastësi, sepse e ka bërë të kundërtën, pra ka dialoguar. Të shohim çfarë po ndodh, nuk ka ardhur të raportojë në Kuvend, nuk ka thirr liderët opozitarë, gjithë ky proces është një mjegull. Ajo që kërkojmë është që marrëveshja të jetë në përputhje me Kushtetutën e Republikës së Kosovës, të respektohet sovraniteti e integriteti i Kosovës”, tha Kadriaj.

    Kryeministri i Kosovës, Albin Kurti dhe presidenti i Serbisë, Aleksandar Vuçiq do të takohen sot ndaras me liderë të caktuar të Bashkimit Evropian.

    Këtë e ka konfirmuar zëdhënësi i Bashkimit Evropian, Peter Stano, i cili ka deklaruar se të enjten në Bruksel nuk do të ketë takim mes kryeministrit të Kosovës, Albin Kurti dhe presidentit të Serbisë, Aleksandar Vuçiq.

    Ai theksoi po ashtu se presin që të dyja palët, Serbia dhe Kosova, të kthehen menjëherë dhe pa kushte në përmbushjen e detyrimeve të tyre që rrjedhin nga dialogu, të fillojnë menjëherë dhe pa kushte të punojnë për de-përshkallëzimin ose të vazhdojnë punën për de-përshkallëzim.

    Qeveria e Kosovës ka njoftuar se kryeministri Kurti në margjinat e samitit të liderëve të shteteve anëtare të BE-së, do takojë liderët e Gjermanisë, Olaf Scholz, Francës, Emmanuel Macron, e të Italisë Giorgia Meloni, si dhe presidenten e Komisionit Evropian, Ursula Von Der Leyen. /KP

  • ​Kosova me ngritje rekorde në ranglistën e FIFA-s

    ​Kosova me ngritje rekorde në ranglistën e FIFA-s

    Sikurse Shqipëria, edhe Kosova ka shënuar ngritje të ndjeshme në renditjen e re të publikuar nga FIFA.

    Kosova ka kaluar nga vendi i 111-të në pozitën e 105-të, duke pasur 1190.74 pikë pas fitores ndaj Andorrës në muajin tetor.

    Përveç Kosovës, ngritje ka shënuar edhe kombëtarja e Shqipërisë, e cila ka kaluar tri pozita në renditjen e re të FIFA-s.

    Argjentina vazhdon kryesimin, e ndjekur nga Franca e dyta, Brazili i treti, Anglia e katërta dhe Belgjika si e pesta në pesë pozitat e para të pandryshuara.