ATV

Blog

  • Kryeministri Kurti ftohet të raportojë të premten në kuvend

    Kryeministri Kurti ftohet të raportojë të premten në kuvend

    Përgatiti: Driton Sadiku

    Hollësitë e takimit të 26 tetorit në Bruksel, me zyrtarët evropianë, në kuadër të dialogut me Serbinë, kryeministri Albin Kurti është ftuar t’i tregojë para deputetëve, në një seancë të thirrur enkas për këtë, të premten.

    Kjo u bë me kërkesë të opozitës, pasi siç thotë ajo ka shumë gjëra që duhet ditur, sidomos çështjen e Asociacionit.

    Megjithatë, pak nga dilemat e opozitës i hoqi shefja e grupit parlamentar të Vetëvendosjes, Mimoza Kusari-Lila.

    Përveç kësaj, opozita ngriti shqetësim edhe për grevën e minatorëve që po vazhdon tash e një javë.

    Megjithatë, partia në pushtet e quajti të panevojshme grevën, teksa edhe e largoi përgjegjësinë, duke ia ngarkuar atë menaxhmentit të ndërmarrjes.

    Megjithëse, është ftuar edhe të enjten një seancë për miratimin e disa projektligjeve të mbetura nga ato të kaluarat, partitë opozitare, PDK e AAK, kanë paralajmëruar që përsëri nuk do t’i votojnë ato.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Von der Leyen prezanton në Kosovë planin e ri të zgjerimit të BE-së

    Von der Leyen prezanton në Kosovë planin e ri të zgjerimit të BE-së

    Përgatiti: Fatlum Jashari

    Në ditën e dytë të turneut në Ballkanin Perëndimor, presidentja e Komisionit Evropian, Ursula Von Der Lyen, i prezantoi presidentes dhe kryeministrit të Kosovës planin e ri të zgjerimit të Bashkimit Evropian.

    Teksa prezantoi planin e ri, që përfshin edhe planin ekzistues investiv për Ballkanin Perëndimor, në vlerë 30 miliardë euro, Von Der Lyen theksoi se Kosova mund ta dyfishojë ekonominë brenda një dekade.

    “Shtylla e parë është: ne hapim tregun tonë të njësuar në disa sektorë krucialë ndaj bizneseve dhe kompanive tuaja. Në kthim, dhe kjo është shtylla e dytë: ne presim që ju t’i hapni kufijtë tuaj për Tregun e Përbashkët Rajonal të Ballkanit Perëndimor. Kjo është e rëndësishme sepse atëherë do t’i kemi tregun e njësuar dhe tregun e përbashkët rajonal, i cili ka potencial enorm, dhe mund të rrisë GDP-në e Ballkanit Perëndimor për 10% nëse kompletohet. Shtylla e tretë thotë se për këtë hapje të tregjeve duhet të bëhen disa reforma. P.sh. për Kosovën, përmirësimi i ambientit të të bërit biznes, punësimi i njerëzve me aftësitë e duhura, forcimi i sektorit të energjisë. Dhe sigurisht ka prioritete horizontale, si forcimi i drejtësisë dhe luftimi i krimit të organizuar dhe korrupsionit. Dhe shtylla e katërt, me reformën që ju bëni vijnë investimet, ky është parim i miratuar në BE”, tha Von Der Lyen.

    Krahas falënderimeve, presidentja Vjosa Osmani kërkoi që BE-ja t’ia japë Kosovës statusin e vendit kandidat për anëtarësim, para fundit të vitit.

    Presidentja përmendi edhe anëtarësimin në NATO si synim të Kosovës.

    Teksa konstatoi progres të qëndrueshëm nga Kosova, presidentja e KE-së theksoi se pa normalizimin e marrëdhënieve me Serbinë, asnjëri nga shtetet nuk mund të ecë drejt BE-së.

    Të dyja përmenden si arritje liberalizimin e vizave, përmes të cilit nga 1 Janari qytetarët e Kosovës do të mund të lëvizin lirshëm në zonën “Schengen”.

    Pas Maqedonisë së Veriut dhe Kosovës, Von Der Leyen do të vazhdojë turneun në Malin e Zi, Serbi dhe Bosnjë e Hercegovinë.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Asociacioni kusht për heqjen e masave, Serbisë i kërkohet njohja de-fakto

    Asociacioni kusht për heqjen e masave, Serbisë i kërkohet njohja de-fakto

    Përgatiti: Fatlum Jashari

    Bashkimi Evropian vlerëson se nisja e procedurave për themelimin e Asociacionit të Komunave me Shumicë Serbe nga Kosova, në barasvlerë të njohjes de-fakto nga Serbia, janë hapat vendimtarë drejt normalizimit të marrëdhënieve.

    Në vizitën në Prishtinë, presidentja e Komisionit Evropian, Ursula Von Der Leyen tha se pa normalizimin e marrëdhënieve asnjëra nga vendet nuk mund ta mendojë integrimin në BE.

    “Është absolutisht vendimtare për të dyja vendet të angazhohen, të bashkëpunojnë dhe ne kemi diskutuar së bashku temën se Kosova mund të nisë procedurën për themelimin e Asociacionit të Komunave me Shumicë Serbe, ky është drafti nga java e kaluar. Serbia duhet përmbushë njohjen de-fakto. Këtë do ta diskutojë nesër në Serbi. Dhe sigurisht, dialogu i lehtësuar nga BE-ja është vendi për t’i diskutuar këto tema. Ne jemi thellësisht të bindur se kjo është rruga e vetme përpara, jo vetëm për planin e rritjes, por edhe për një të ardhme, e cila vërtet shpresoj se do të ndodhë, Kosova është pjesë e BE-së”, tha Ursula Von Der Leyen.

    Për të arritur normalizimin, presidentja Vjosa Osmani theksoi se është e domosdoshme garancia e zbatimit në tërësi e marrëveshjes bazë dhe shtojcës.
    “Zbatim në tërësi – duhet plan se si arrihet zbatim i plotë”, tha Osmani.

    Ndryshe nga kryeparlamentari Glauk Konjufca, presidentja, e cila tha se e ka analizuar me kujdes draft-statutin e Asociacionit, theksoi se “nuk do të nxitohej” për ta shpallë atë në pajtim me Kushtetutën.

    “Nuk mendoj që është serioze që tani të shpallet, në harmoni ose jo, por si presidente do t’i dërgoj komentet në Gjykatën Kushtetuese, nëse vijmë në atë pikë”, tha Osmani.

    Hapat drejt themelimit të Asociacionit, sipas presidentes së KE-së, do të jenë vendimtare për heqjen e masave dhe qasjen e Kosovës në fondet e BE-së.
    “Ajo që unë dhe presidentja diskutuam dhe sigurisht do ta diskutoj me kryeministrin, është se çfarë duhet të bëjmë që të heqim masat dhe këtu në qendër të diskutimit është tema për draft-statutit. Është një pjesë, nuk është shumë teknike ajo që thashë, por në thelb është një hap i rëndësishëm në normalizimin e marrëdhënieve ndërmjet Kosovës dhe Serbisë”, theksoi presidentja e KE-së, Ursula Von Der Leyen.
    Pa folur për masa ndëshkuese ndaj Serbisë, Von Der Leyen, e cila të martën do ta vizitojë Beogradin, tha se do të diskutojë me presidentin serb Aleksandar Vucic për mënyrën e materializimit të njohjes de-fakto.

    Derisa presidentja e KE-së dënoi sulmin e 24 shtatorit dhe kërkoi vënien e përgjegjësve para drejtësisë, presidentja e Kosovës kërkoi ekstradimin e terroristëve.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Afera “Rruga A” në Prishtine, AVONET pretendon që Përparim Rama po bën vepër penale

    Afera “Rruga A” në Prishtine, AVONET pretendon që Përparim Rama po bën vepër penale

    Rrjeti i OJQ-ve, AVONET, që ka përcjell që nga fillimi zhvillimet në projektin e njohur si “Rruga A”, ka lëshuar një deklaratë të fundi për media ku ngre dyshime që i pari i Prishtinës po bën vepër penale. “AVONET” konsideron se duke pasur parasysh faktet, provat dhe argumentet e prezantuara se janë përmbushur të gjitha elemente e figurës së veprës penale (Mosekzekutim i vendimeve gjyqësore) nga neni 394 i Kodit Penal të Republikës së Kosovës, andaj ka pashtruar kërkesës zyrtare për inicimin e hetimeve në Prokurorinë Themelore në Prishtinë ndaj subjekteve të përfshira në këtë rast, për faktin se konsideron se janë shkelur rëndë dispozitat e lartcekura të Kodit Penal të Kosovës”, thuhet në këtë deklaratë, raporton Insajderi.

    AVONET siç deklaronte me datë 25.10.2023, informonte publikun se ka përcjellur përmes kanaleve të informimit se Aktvendimi KA.nr.181/23 i datës 17.10.2023, i nxjerrur nga znj. Vlora Pacolli Rexhepi, gjyqtare e Dhomës së Shkallës së Parë të Gjykatës Komerciale të Kosovës nuk është duke u zbatuar nga Komuna e Prishtinës, për faktin se ende nuk janë pezulluar punimet në rastin në fjalë dhe se punimet në këtë projekt janë duke u zhvilluar ende nga operatori ekonomik.

    Andaj i kjo organizate i ka bërë thirrje Komunës së Prishtinës që urgjentisht të ndërmarr të gjitha veprimet e nevojshme me qëllim të zbatimit të Aktvendimit KA.nr.181/23 të Dhomës së Shkallës së Parë të Gjykatës Komerciale të Kosovës, sepse në të kundërtën po krijohen precedentë të rrezikshme të cilat po rrezikojnë sigurinë juridike në vendin tonë.

    Njoftimi i plotë:

    Andaj, me datë 24.10.2023 ne ju jemi drejtuar Komunës së Prishtinës, me kërkesë për qasje në dokumente publike dhe informacion, kërkesë e cila derivon si e drejtë ligjore nga dispozitat e Ligjit për Qasje në Dokumente Publlike, duke i kërkuar këto informacione:

    A është duke u zbatuar në tërësi Aktvendimi KA.nr.181/23 i datës 17.10.2023, i Dhomës së Shkallës së Parë të Gjykatës Komerciale, rrjedhimisht a janë ndaluar punimet në rrugën “Xhim Xhema / Rruga A?

    A ka nxjerrë ndonjë vendim Komuna e Prishtinës, për pezullimin e punimeve në rrugën “Xhim Xhema / Rruga A”, me qēllim zbatimit të Aktvendimit KA.nr.181/23 të datës 17.10.2023, të Dhomës së Shkallës së Parë të Gjykatës Komerciale?

    |A ka dalë inspektoriati kompetent i Komunës së Prishtinës, në vendin e ngjarjes?
    M|
    e datë 27.10.2023 Komuna e Prishtinës në adresën tonë elektronike [email protected], ka dërguar përgjigjet në lidhje me informacionet që ne i kemi kërkuar. Sa i përket pyetjes së parë Komuna e Prishtinës shprehet se ende nuk e kanë pranuar zyrtarisht Aktvendimin e gjykatës, në përgjigjen e dytë ata shprehen se përderisa nuk e kanë pranuar ende Aktvendimin nuk mund të deklarohen për përmbajtjen e tij, kurse në përgjigjjen e tretë ata shprehen se kanë parashtruar kërkesë pranë gjykatës për të ndërhyrje në Konfliktin Administrativ në fjalë, që të pajisen me shkresat e lëndës, por ende nuk kanë pranuar përgjigje nga ana e gjykatës.

    Rrjeti i OJQ-ve AVONET shprehet jashtëzakonisht i shqetësuar në lidhje me këto përgjigje nga ana e Komunës së Prishtinës, për faktin se ekzistojnë fakte të pakontestueshme të cilat dëshmojnë se Komuna e Prishtinës ka qenë absolutisht në dijeni në lidhje me Aktvendim KA.nr.181/23 të Dhomës së Shkallës së Parë të Gjykatës Komerciale. Duke patur parasysh që Aktvendimi në fjalë ka qenë edhe objekt diskutimi nga shumica e medieve dhe opinionit publik në Kosovë është shumë e çuditshme dhe njëherit e papërgjegjshme nga ana e Komunës së Prishtinës të shprehen se nuk janë në dijeni për Aktvendimin, sepse të njëjtën nuk e kanë pranuar ende zyrtarisht. Për më tepër ata nuk mund të e pranoni zyrtarisht këtë Aktvendim sepse nuk ishin palë direkte në këtë procedurë, kurse si palë e interesit sipas përgjigjjes së tyre ata kërkojnë qasje në shkresat e lëndës dy ditë pasi që Aktvendimi është marrë nga Gjykata Komerciale, pra me datë 19.10.2023. Për ne kjo kërkesë e parshtruar 2 ditë pas marrjes së Aktvendimit nga ana e Gjykatës është veprim jashtëzakonisht i dyshimtë, për faktin se nëse e shohim historikun procedural të kësaj lënde të trajtuar nga Gjykata Komerciale vërejmë se ka pasur disa Aktvendime nga dy shkallët e kësaj gjykate, mirëpo deri dy ditë pas Aktvendimit të fundit të datës 17.10.2023 Komuna e Prishtinës nuk ka bërë kërkesë për qasje në shkresat e lëndës si palë e interesit në këtë konflikt administrativ. Ky veprim për ne si AVONET është një tregues jashtëzakonisht i qartë që Komuna e Prishtinës ka qenë në dijeni në lidhje me Aktvendimin e Gjykatës Komerciale.

    Si fakt i parë i cili demanton përgjigjen e Komunës së Prishtinës, është deklarimin publik i të parit të Komunës së Prishtinës z. Përparim Rama, ku me datë 20.10.2023 përmes llogaris së tij zyrtare në rrjetin social Facebook shprehet së është i njoftuar për Aktvendimin në fjalë dhe gjithashtu bënë cilësime të rrezikshme mbi përmbajtjen e Aktvendimit. Si fakt i dytë që demanton që Komuna e Prishtinës nuk ka qenë në dijeni, për Rrjetin e OJQ-ve AVONET është edhe publikimi i Aktvendimit me kohë nga ana e Gjykatës Komerciale në web faqen zyrtare të saj, ku edhe mund të kenë qasje të gjithë personat e interesuar.

    AVONET konsideron se duke pasur parsysh faktet, provat dhe argumentet e prezentuara se janë përmbushur të gjitha elemente e figurës së veprës penale (Mosekzekutim i vendimeve gjyqësore) nga neni 394 i Kodit Penal të Republikës së Kosovës, andaj ka parshtruar kërkesë zyrtare për inicimin e hetimeve në Prokurorinë Themelore në Prishtinë ndaj subjekteve të përfshira në këtë rast, për faktin se konsideron se janë shkelur rëndë dispozitat e lartëcekura të Kodit Penal të Republikës së Kosovës.

    Kjo qasje nga Komuna e Prishtinës është jashtëzakonisht e rrezikshme dhe po shkakton shumë pasoja negative në sistemin e drejtësisë, duke proklamuar dhe promovuar qasje të rrezikshme mbi sundimin e ligjit, pasi që vendimi gjyqësor nuk po ekzekutohet nga Komuna e udhëhequr nga Përparim Rama, e që këto sjellje po zvogëlojnë integritetin e sistemit të drejtësisë në Republikën e Kosovës.

  • ​SPSP me këtë datë merr vendim për grevë, kërkojnë paga 450 euro

    ​SPSP me këtë datë merr vendim për grevë, kërkojnë paga 450 euro

    Katër sindikata të punëtorëve teknik do të marrin vendim më 8 nëntor për të hyrë në grevë shkaku i mos plotësimit të kërkesave për rritjen e pagave. Kështu është vendosur të hënën në mbledhjen e mbajtur nga Sindikata e Pavarur e Sektorit Privat të Kosovës.

    Kryetari i Sindikatës së Punëtorëve të Sektorit Privat, Jusuf Azemi, tha se pas vendimit të të gjitha sindikatave, në grevë do të hyjnë punëtorët teknik të Komunës së Prishtinës, ata të QKMF-së në Prishtinë, punëtorët teknik të Universitetit të Prishtinës dhe ata të Qendrës së Studentëve.

    Azemi tha se me datën 8 nëntor do të merret vendim ose do të caktohet data e futjes në protesta dhe greva.

    “Të gjithë përfaqësuesit, janë që t’u jepet afat 10 ditë ose nuk është afat që atyre duhet t’u japim, por afat që ne të përgatitemi, dhe pas 10 ditësh të vijmë këtu dhe të marrim vendimin e protestave ose grevave. Me datën 8 nëntor do të merret vendim ose do të caktohet data e futjes në protesta dhe greva”, tha Azemi.

    Ai theksoi se nëse këto institucione nuk ofrojnë pagë këto institucione 450 euro atëherë në mënyrë të përgjithshme këta punëtorë do të lëshojnë vendet e tyre të punës.

    “Ju bëjë me dije se punëtorët (teknik) që janë këtu, marrin pagë 230 euro në komunën e Prishtinës, punëtorët e UP-së marrin pagë 270 euro, të Qendrës Studentore 290 euro. Kështu që realisht tani ne jemi ata që e përcaktojmë pagën, nëse don dikush të ketë shërbimet tona atëherë duhet të ofrojë pagë minimumi 450 euro, nëse nuk ofron pagë ekziston edhe opsioni tjetër që në mënyrë gjenerale do të lëshojnë vendet e tyre të punës duke marrë si obligim sindikata për të gjithë punëtorët, që t’i transferojmë në një kompani tjetër, të cilët unë veç kam ofertë përmbi 500 punëtorë që t’u ofrojmë këto paga,”shtoi Azemi.

    Kryetari i shoqatës sindikale të punëtorëve teknik të Universiteit të Prishtinës Arsim Gjinovci tha se ka shumë presion nga punëtorët që të mbahet greva, sepse me këto paga të ulëta në Kosovë nuk jetohet.

    Ai tha se janë dy rrugë, të rriten pagat, ose të marrin rrugën e migrimit të gjithë.

    “Siç dihet në Kosovë me këto paga të ulëta nuk jetohet, më duket se i ka ardhur fundi, nuk duam ta presim as janarin. Edhe më herët ka mundësi që të bojkotojmë punën apo ta lëmë krejt këtë punë. Me thënë të drejtën kemi presion shumë nga punëtorët, për me bërë greva apo protesta… Këtu janë dy rrugë “ose të rriten pagat , ose të marrim rrugën e migrimit të gjithë”. Kanë një javë ose 10 ditë kohë para grevës, t’i realizojnë kërkesat tona ose do të lëmë punën të gjithë punëtorët”, vijoi Gjinovci.

    Përfaqësuesja e Qendrës së Mjekësisë Familjare, Kumrije Shabani tha se janë të mllefosur për pagat që i marrin , dhe kërkon të mbahen protesta pasi që sipas se me këto paga nuk jetohet.

    Edhe përfaqësuesja e sektorit privat të komunës së Prishtinës Emrije Gashi gjithashtu pajtohet me kolegët e saj për protesta dhe greva./KP

  • ​Liga e Kombeve/ Kosova synon fitoren e dytë ndaj Maqedonisë së Veriut

    ​Liga e Kombeve/ Kosova synon fitoren e dytë ndaj Maqedonisë së Veriut

    Kombëtarja e Kosovës në konkurrencën e femrave ka zhvilluar sot stërvitjen zyrtare para ndeshjes me Maqedoninë e Veriut në kuadër të Ligës së Kombeve.

    “Dardanet” vijnë pas fitores së realizuar ditë më parë në Shkup ndaj të njëjtit kundërshtar, derisa optimizmi nuk mungon as për ndeshjen e nesërme e cila zhvillohet në stadiumin “Fadil Vokrri”, në Prishtinë, nga ora 17:00.

    Përzgjedhësja e Kosovës, Anneli Andersen, tha se Kosova pati paraqitje të mirë ndaj Maqedonisë së Veriut në udhëtim dhe gjatë këtyre ditëve përgatitjet janë bërë në mënyrën më të mirë të mundshme që një paraqitje të tillë ta bëjnë edhe si vendase.

    Në anën tjetër, Lumbardha Misini dhe Blerta Smaili treguan për motivin që fitorja e të premtes ju ka dhënë, derisa pohuan se janë përgatitur mirë gjatë këtyre ditëve. Ato e konsiderojnë të vështirë përballjen e të hënës, por po ashtu theksojnë se dëshira dhe atmosfera është tejet pozitive dhe shpresojnë në një tjetër rezultat të tillë.

    Një tjetër dëshirë e futbollisteve kosovare ishte edhe përkrahja në stadium nga ana e tifozëve “Dardanët“.

  • Çaji i rusit mundet me qenë problem në shëndetin e këtyre personave, sipas dietologes

    Çaji i rusit mundet me qenë problem në shëndetin e këtyre personave, sipas dietologes

    Në emisionin A LIVE në ATV, ishte e ftuar dietologia Vala Popovci, e cila foli për dietat më të zakonshme në shoqërinë tonë, si dhe për benifitet dhe ndikimet e tyre në organizëm.

    Gjatë emisionit, një shikues pyeti dietologën se a ka ndikim negativ në organizmin tonë çaji i rusit.

    Përgjigja e saj ishte se çaji i rusit sjellë shumë benifite në organizmin tonë, por ka edhe ndikim negativ tek disa persona.

    “Nuk është i pashëndetshëm çaji i rusit. Përmban pak kafeinë e që mundet me qenë problem për personat me hipertension ose të dikush që e ka problem pjesën e gjumit. Ne zakonisht e konsumojmë pas darkës, e mundet me na ba problem për gjumë, përndryshe nuk ka efekte negative, as çaji e as kafja, të dyja kanë anti-oksidant që janë të mira për shëndetin tonë, mirëpo varet me çka e shoqërojmë”, tregoi ai. /atvlive.tv

    Përgjigjen e plotë të saj për ndikimin që mund të ketë çaji i rusit në organizmin tonë, e gjeni në videon më poshtë:

  • ​ATK me ekspertizë ndërkombëtare në trajtimin e ekonomisë digjitale

    ​ATK me ekspertizë ndërkombëtare në trajtimin e ekonomisë digjitale

    Misioni i ekspertëve të TAIEX për furnizimin e mallrave dhe shërbimeve përmes e-tregtisë nga sot nisin takimet e niveleve të bashkëpunimit me Administratën Tatimore të Kosovës në fushën e ekonomisë digjitale.

    Sipas ATK-së, përmes kësaj punëtorie, ekspertët nga TAIEX, do të japin praktikat nga vendet të cilat kanë avancuar në trajtimin e tregtisë digjitale.

    “Aktualisht, bazuar në Legjislacionin Tatimor në Kosovë (TVSH, TAK, TAP), ekziston një bazë e mirë e dispozitave ligjore për trajtimin e transaksioneve, duke përfshirë “Shitjet online / E-commerce”, ose “Tregti Elektronike”. Nëpërmjet legjislacionit të TVSH-së, i cili në masë të madhe është i harmonizuar me direktivat e BE-së për TVSH-në, rregullohen situatat e vendit të furnizimit të mallrave dhe shërbimeve për personat e tatueshëm dhe jo të tatueshëm. Kjo punëtori vjen si rezultat i rritjes së shitjeve përmes internetit (E-Commerce), por edhe duke përdorur rrjetet sociale të komunikimit si burim kontaktesh me konsumatorin final, ku zakonisht përfshihen edhe lokacione të ndryshme ndërmjetësimi (Platforma) ndërmjet tregtarëve dhe konsumatorëve final. ATK ka nevoja të mëdha për shembuj konkretë se si zhvillohen këto transaksione dhe si trajtohen nga pikëpamja tatimore (TVSH, TAP etj.) të ardhura të tilla që realizojnë këta persona, metodat e inspektimeve (kontrollet tatimore) etj. Misioni nga TAIEX do të qëndroj në ATK për pesë ditë, në të cilat do të zhvillojnë takime me përgjegjësit tatimor të cilët mbulojnë këtë pjesë”, thuhet në komunikatë.

  • ​Skitarja austriake Sophie Sorschag merr leje që ta garojë për Kosovën

    ​Skitarja austriake Sophie Sorschag merr leje që ta garojë për Kosovën

    Skitarja e kërcimeve, Sophie Sorschag, tani e tutje mund të garojë për Kosovën.

    Sorschag, që në janar të këtij viti vendosi të lë Austrinë dhe të garojë për Kosovën në garat ndërkombëtare, është dashur të presë rreth 10 muaj për t’iu dhënë drita e gjelbër nga Federata Ndërkombëtare e Skive (FIS).

    FIS ka vendosur flamurin e Kosovës tashmë në uebfaqe, tek profili zyrtar i Sorschagut.

    Deri tek konfirmimi i FIS-it, është dashur një punë e gjatë insistimesh dhe kërkesash, të bëra nga drejtuesit e KOK-ut, presidentit Ismet Krasniqi e sekretarit të përgjithshëm, Besim Aliti, si dhe kryetari i FSK-së, Milaim Kelmendi.

    I pari i KOK-ut, Krasniqi dhe i pari i skitarisë në Kosovë, Kelmendi, falënderuan FIS-in, që përkundër vonesës, i dha lajmin e shumëpritur FSK-së.

    Kelmendi, që është edhe nënpresident i KOK-ut, shtoi se tani e tutje presin që 24-vjeçarja të përfaqësojë denjësisht Kosovën në garat e rëndësishme ndërkombëtare.

    Sophie Sorschag ka një bagazh të madh në kërcimet me ski. Ajo u shpall kampione e botës në garat ekipore me Austrinë në vitin 2021, ndërsa mori pjesë në Lojërat Olimpike Dimërore Pekini 2022.

    Karriera dhe potenciali i saj japin shpresa për medalje historike për Kosovën në sportet dimërore, pse jo edhe në Lojërat Olimpike Dimërore Milano Kortina 2026.

  • Familja financon parkun memorial “Islam Zenel Kryeziu” në Pagarushë të Malishevës

    Familja financon parkun memorial “Islam Zenel Kryeziu” në Pagarushë të Malishevës

    Është inauguruar të shtunën parku memorial, Islam Zenel Kryeziu, në Pagarushë të Malishevës, raporton ATV.

    Sipas familjarëve dhe banorëve të këtij fshati, inaugurimi i këtij parku ka rëndësi të veçantë meqë 24 vjet më parë, ky vend ka shërbyer si strehim për refugjatët e luftës.

    Ky park memorial është financuar nga familja. /atvlive.tv