ATV

Blog

  • Ministri izraelit i mbrojtjes pretendon se kanë marrë nën kontroll qytetin perëndimor të Gazës

    Ministri izraelit i mbrojtjes pretendon se kanë marrë nën kontroll qytetin perëndimor të Gazës

    Ushtria izraelite ka pastruar zonën perëndimore të qytetit të Gazës, tha ministri i mbrojtjes i vendit, duke njoftuar fillimin e “fazës tjetër” të operacioneve tokësore, raporton Anadolu.

    Duke folur me ushtarët në qendrën komanduese të Divizionit të 36-të në Izraelin jugor, Yoav Gallant tha: “Gjatë 24 orëve të fundit, ne morëm kontrollin operacional të zonës perëndimore të qytetit të Gazës dhe faza tjetër e operacioneve tokësore ka filluar”.

    “Sa më shumë të vazhdojmë këtë operacion, aq më shumë presion do të bëjmë mbi Hamasin dhe aq më shumë do të kemi sukses në eliminimin e infrastrukturës së tij, duke përfshirë selinë dhe tunelet e tij”, shtoi ai.

    Bombardimet e Izraelit në Rripin e Gazës që nga sulmi i Hamasit më 7 tetor, të shoqëruara nga operacionet tokësore, kanë vrarë mbi 11.000 palestinezë, më shumë se gjysma e tyre gra dhe fëmijë.

    Mijëra ndërtesa, duke përfshirë spitale, xhami dhe kisha, janë dëmtuar ose janë shkatërruar plotësisht.

    Ndërkohë, numri zyrtar i të vdekurve në Izrael është 1200.

    Sipas kompanisë Paltel, e cila ofron shërbime telekomunikacioni në Rripin e Gazës, enklava përsëri është nën një ndërprerje të komunikimit për shkak të mungesës së karburantit për gjeneratorët.

  • Nis puna për hekurudhën Prishtinë – Durrës, kompania austriake shpallet fitues i projektit

    Nis puna për hekurudhën Prishtinë – Durrës, kompania austriake shpallet fitues i projektit

    Nis puna për realizimin e hekurudhës Durrës-Prishtinë, tashmë është shpallur kompania fituese e cila do të realizojë studimin e fizibilitetit për linjën hekurudhore e cila pritet te këtë ndikim të rëndësishëm në ekonominë e dy vendeve, Kosovë-Shqipëri.

    KosovaPress merr vesh se nga autoritetet në Shqipëri, mes pesë ofertave, fituese është shpallur ajo e bashkimit të dy kompanive, konzorciumi “ILF Consulting Engineers Austria GmbH” – ABKONS SH.P.K. që ofruan 168.9 milionë lekë nga 200 milionë lekë (20 milionë euro) që ishte tavani për të realizuar projektin që do të lidhë dy vendet me linjë hekurudhore, Kosovën dhe Shqipërinë.

    Drejtues të Ministrisë së Infrastrukturës në Kosovë nuk kanë qenë të qasshëm për KosovaPress lidhur me këtë projekt.

    Konzorciumi do të ketë afat 14 muaj për të bërë studimin e fizibilitetit dhe për të ndërtuar projekt idenë e hekurudhës Durrës-Prishtinë. Ndërsa, më 2025-ën projekti do të jetë gati për të nisur më pas punën në terren.

    Bashkimi i operatorëve që fitoi ishte skualifikuar herën e parë nga autoriteti kontraktor, por pas ankimimit Komisioni i Prokurimeve Publike në prill vendosi rihapjen e garës dhe në fund arritën që të fitonin.

    Megjithatë, vetëm pas përfundimit të fizibilitetit do të ketë një pasqyrë përfundimtare të kostove financiare. Gjatësia totale e linjës hekurudhore nga stacioni i Mjedës deri në kufirin me Kosovën është rreth 107 kilometra.

  • Hadërgjonaj: Ndaj Zvicrës do të jetë ndeshja më e madhe “në shtëpi”

    Hadërgjonaj: Ndaj Zvicrës do të jetë ndeshja më e madhe “në shtëpi”

    Florent Hadërgjonaj nuk ishte pjesë e Kosovës në fitoren 1-0 ndaj Izraelit pasi ishte i angazhuar me Alanyasporin në ndeshje kampionale në Turqi. Por, ai do të jetë pjesë e Dardanëve për sfidën e së shtunës kundër Zvicrës.

    Duke folur për ballafaqimin ndaj Xhakës e Shaqirit, Hadërgjonaj e ka konsideruar këtë si “ndeshje në shtëpi”, kjo pasi aty pritet të ketë shumë tifozë shqiptarë, raporton KosocvaPress.

    “Po, nga ajo që dëgjojmë, do të jetë një atmosferë e zjarrte. Për sa i përket numrit të tifozëve në stadium, ndoshta do të jetë ndeshja më e madhe në shtëpi që kemi pasur ndonjëherë si kombëtare e Kosovës.”, ka thënë Hadërgjonaj për “90min”,

    Tutje Hadërgjonaj foli edhe për dyshen shqiptare në radhët e Zvicrës, Xherdan Shaqirin dhe Granit Xhakën për të cilët ka thënë se do të japin gjithçka ndaj Kosovës,

    “Pas rezultatit në ndeshjen e parë, Xherdan Shaqiri dhe Granit Xhaka tashmë ishin të acaruar. Ky do të jetë një motiv shtesë për ta dhe ata patjetër do të duan të tregojnë veten. Sigurisht që pas rezultateve të fundit kanë presion edhe për kualifikim.”, deklaroi Hadërgjonaj.

    Lëndimi i Vedat Muriqit është një mungesë e madhe për Kosovën, por Hadërgjonaj theksoi se kushdo që merr vendin e tij do të jap maksimumin në fushë.

    “Po, një goditje e fortë. Ai i shkaktoi probleme mbrojtjes zvicerane në ndeshjen e parë. Por pavarësisht se kush luan të shtunën, lojtarët në fushë do të japim gjithçka në fushë”, ka thënë në fund mbrojtësi kosovar.

    Ndryshe, Zvicra ka 16 pikë në vendin e parë, ndërsa Kosova është e katërta me 10 pikë.

  • Shpërthim afër qendrës së kontrollit teknik të automjeteve në veri

    Shpërthim afër qendrës së kontrollit teknik të automjeteve në veri

    Një shpërthim në Mitrovicë të Veriut ka ndodhur në mbrëmjen e 15 nëntorit afër qendrës së kontrollit teknik të automjeteve në veri.

    Sipas policisë, si pasojë e shpërthimit janë dëmtuar muret e një objekti dhe dritaret e një banese.

    Policia ka dal në vendin e ngjarjes dhe hetimet po vazhdojnë

  • Kombëtarja e Shqipërisë sonte pritet ta vulosë kualifikimin në Evropian

    Kombëtarja e Shqipërisë sonte pritet ta vulosë kualifikimin në Evropian

    Kombëtarja e Shqipërisë zbret sot në fushë në Kishinjev përballë Moldavisë vendase, përballje që pritet të sjellë kualifikimin zyrtar të kuqezinjve të Sylvinhos në Euro 2024.

    Gjermania është vetëm një pikë larg, por djemtë e Kombëtares synojnë fitoren, për të vijuar me suksese dhe me kryesimin e grupit E, që e kemi dominuar me meritë.

    Mbi të gjitha me një futboll të bukur dhe gola të jashtëzakonshëm.

    Braziliani Sylvinho regjistron sot duelin e tetë në pankinën e skuadrës së shqiptarëve.

    Formacioni i shqiponjave pritet të jetë ai i fitores 3-0 kundër Çekisë, me ndryshimin e vetëm në qendër të mbrojtjes.

    Repart kur Ardian Ismajli rimerr postin e titullarit përkrah kapitenit Berat Gjimshiti, duke zëvendësuar Arlind Ajetin e dëmtuar.“Stadionul Zimbru”, me një kapacitet prej 10.500 tifozësh, do të jetë “sold-out”.

    Tifozët vendas ëndërrojnë fitoren për të mbajtur gjallë shpresat e kualifikimit.

    Ndërkohë që në stadium do të ketë rreth 1 mijë zemra shqiptare, me Tifozat Kuq e Zi që nuk e lënë kurrë vetëm Kombëtaren.

    Ndeshja Moldavi-Shqipëri zhvillohet sonte me fillim nga ora 18:00.

  • Burdushi dërgohet në vuajtje të dënimit me burg

    Burdushi dërgohet në vuajtje të dënimit me burg

    Pasi Hysri Peqanit i njohur si “Burdushi” edhe për herë të dytë i ishte refuzuar kërkesa për shtyrje e ekzekutimit të vuajtjes së dënimit me burgim (nga Gjykata Themelore dhe më pastaj edhe nga Gjykata e Apelit), Burdushi është dërguar në vuajtje të dënimit me burg.

    Këtë e ka konfirmuar për “Betimi për Drejtësi“, mbrojtësi i Burdushit, avokati Feim Alaj.

    “Përmes urdhëresës së gjykatës, Policia ka shkuar në shtëpi dhe e ka marrë të akuzuarin Burdushi për ta dërguar në vuajtje të dënimit me burgim”, tha Alaj.

    Avokati Alaj shtoi se Burdushi është marrë për t’u dërguar në burg, në gjendje të rëndë shëndetësore.

    Ndryshe, “Betimi për Drejtësi” gjatë ditës ka kontaktuar me Shaban Kamberajn nga Qendra e Paraburgimit në Prizren, i cili tha se deri në atë kohë nuk është lajmëruar aty. Kurse, nga Shërbimi Korrektues i Kosovës (ShKK) në Prishtinë nuk janë përgjigjur.

    Gjykata Themelore në Prishtinë përmes aktvendimit të 27 tetorit 2023 kishte refuzuar kërkesën e “Burdushit”, duke e obliguar të njëjtin që të paraqitet të nesërmen në Qendrën e Paraburgimit në Prishtinë për të filluar me mbajtjen e dënimit me burgim. Ndaj këtij vendimi, përmes avokatit Durim Osmani, “Burdushi” më 31 tetor 2023 kishte parashtruar ankesë për në Gjykatën e Apelit me kërkesën që të prishet vendimi i Themelores dhe çështja të kthehet në rivendosje.

    Por, Apeli e ka refuzuar si të pabazuar dhe e ka vërtetuar vendimin e Themelores me arsyetimin se nga raportet mjekësore nuk është vërtetuar se “Burdushi vuan nga ndonjë sëmundje e rëndë dhe se në rast komplikimi mund të marrë kujdesin e duhur edhe gjatë qëndrimit në burg.

    Ndaj “Burdushit” ishte refuzuar edhe kërkesa e parë për shtyrje të ekzekutimit të dënimit me burgim edhe nga Themelorja por edhe nga ajo e Apelit, duke kërkuar që i njëjti të paraqitet për vuajthe të dënimit me burgim prej 4 vite e 6 muaj. Mirëpo “Burdushi” përkundër këtyre vendimeve përmes mbrojtësve kishte paraqitur kërkesë për mbrojtje të ligjshmërisë për në Gjykatës Supreme me kërkesë për shtyrje të vuajtjes së dënimit me burgim.

    Ndërkohë, Supremja kishte konstatuar raportimet e “Betimi për Drejtësi” se nuk ka mjet të jashtëzakonshëm juridik ndaj vendimi të Apelit për shtyrje të vuajte të dënimit me burgim.

    “Burdushi” më 10 janar 2023 ishte dënuar nga Themelorja me 4 vite e 6 muaj burgim dhe me 42 mijë euro gjobë për shkak të ushtrimit të kundërligjshëm të veprimtarisë mjekësore ose farmaceutike, mashtrim, shpëlarje parash dhe armëmbajtje pa leje. Ky vendim ishte vërtetuar edhe nga Apeli, por edhe nga Supremja.

  • Branka Petriq, gruaja e Bekim Fehmiut nderohet nga Komuna e Prishtinës

    Branka Petriq, gruaja e Bekim Fehmiut nderohet nga Komuna e Prishtinës

    Komuna e Prishtinës e ka nderuar Branka Petriq, gruan e aktorit të mirënjohur Bekimit Fehmiut, me “Mirënjohjen e Kryeqytetit”.

    Kështu ka njoftuar vetë kryetari i komunës, Përparim Rama, përmes një shkrimi në Facebook.

    “Shumë i lumtur që sot në kujdesin e veçantë të Kryeqytetit, u shfaq premiera e dokumentarit ‘Bekim Fehmiu’, dokumentar i cili tregon detajet për botën e pasur të aktorit të madh shqiptar i cili ka lënë gjurmë të pashlyeshme në skenën artistike ndërkombëtare dhe ka frymëzuar brezat me talentin dhe përkushtimin e tij”, ka shkruar Rama.

    “Me këtë rast patëm kënaqësinë të kishim në Prishtinë, bashkëshorten e tij, Znj. Branka Petriç, të cilës i dorëzova “Mirënjohjen e Kryeqytetit” në shenjë vlerësimi për veprën dhe trashëgiminë që la ikona e artit dhe kinematografisë, Bekim Fehmiu”, ka shtuar Përparim Rama.

  • Lisbonë: Osmani flet në samitin më të madh në botë të teknologjisë informative

    Lisbonë: Osmani flet në samitin më të madh në botë të teknologjisë informative

    Presidentja e Republikës së Kosovës, Vjosa Osmani, e cila ka qëndruar për vizitë njëditore zyrtare në Portugali, i është adresuar pjesëmarrësve në Samitin më të madh në botë të teknologjisë informative, i cili po mbahet në Lisbonë.

    Para përfaqësuesve të më se 160 shteteve, Osmani ka folur për rëndësinë e sektorit të ICT-së, barazisë gjinore, etikës dhe gjithëpërfshirjes.

    “Po aq sa është e rëndësishme etika për sektorin e teknologjisë informative, e cila po zhvillohet me ritëm të shpejtë, ne nuk duhet t`i harrojmë paragjykimet në rritje në këtë fushë. Prandaj, diversiteti dhe gjithëpërfshirja në zhvillimin e teknologjisë informative duhet të jenë imperativ i kohës sonë”, ka theksuar Osmani.

    Sipas saj, sektori i teknologjisë informative është jo vetëm mundësi e fuqizimit ekonomik, por edhe katalizator për transformimin e shoqërisë.

    Ndryshe, Samiti i Lisbonës është më i madhi në botë në fushën e teknologjisë informative, ndërkohë që në këtë edicion ka mbledhur afro 160 shtete dhe mbi 70-mijë pjesëmarrës.

  • Lajçak flet për takimin me Bislmin e Petkoviqin: Diskutimet ishin të dobishme

    Lajçak flet për takimin me Bislmin e Petkoviqin: Diskutimet ishin të dobishme

    Ndërmjetësuesi i BE-së, për dialogun, Miroslav Lajçak, ka thënë se me kryenegociatorët e kosovare dhe asaj serbe, sot patën diskutime të dobishme për progress në shumë pika.

    Këtë, Lajçak e shkroi në një reagim të tij në platformën X, ndërsa flet për takimin si raund tjetër i bisedimeve Kosovë-Serbi.

    ”Sot prita kryenegociatorët, të Kosovës, Besnik Bislimi dhe atë të Serbisë, Petar Petkoviq, për një raund të takimeve të dialogut në Bruksel. Diskutimet tona ishin të dobishme për të bërë përparim në një sërë çështjesh në agjendën tonë”.

  • Kurti takon politikanen nga Bosnja e Hercegovina, flasin për nevojën e udhëtimit të lirë mes dy vendeve

    Kurti takon politikanen nga Bosnja e Hercegovina, flasin për nevojën e udhëtimit të lirë mes dy vendeve

    Kryeministri i Kosovës, Albin Kurti, mirëpriti sot anëtaren e Dhomës së Përfaqësuesve të Asamblesë Parlamentare të Bosnjës dhe Hercegovinës, Sabina Çudiq.

    Ata kanë diskutuar për mundësitë dhe format e bashkëpunimit ndërinstitucional dhe për potencialin e këtij bashkëpunimi për qytetarët e të dyja vendeve, si dhe për situatën në rajon në kohë të krizave të shumëfishta në Evropë dhe botë.

    “U theksua edhe nevoja e udhëtimit të lirë ndërmjet dy vendeve, e që marrëveshja për lëvizjen e lirë me letërnjoftime në kuadër të Procesit të Berlinit më së miri e adreson, si hap i rëndësishëm i përafrimit dhe rritjes së shkëmbimit ndërmjet shtetasve të Kosovës dhe Bonjës dhe Hercegovinës. Kryeministri Kurti e përgëzoi deputeten Ćudić për qëndrimet e saj, e falënderoi për vizitën, dhe i ofroi asaj bashkëpunim të mëtejmë”, thuhet në komunikatën e dorëzuar nga Zyra e Kryeministrit.