ATV

Blog

  • Rritet çmimi i naftës

    Rritet çmimi i naftës

    Çmimet e naftës u rritën të martën për shkak të pasigurisë së furnizimit, pasiguri kjo e cila u rrit për shkak të mosmarrëveshjeve midis anëtarëve të OPEC + (Organizata e Vendeve Eksportuese të Naftës) mbi kuotat e tyre të prodhimit për vitin e ardhshëm.

    Nafta e papërpunuar standarde ndërkombëtare Brent tregtohej me 80,50 dollarë për fuçi në orën 11:40 të mëngjesit me orën lokale, një rritje prej 0,79% nga çmimi i mbylljes prej 79,87 dollarë për fuçi në seancën e mëparshme tregtare të hënën.

    Standardi amerikan, West Texas Intermediate (WTI), tregtohej në të njëjtën kohë me 75,47 dollarë për fuçi, 0,81% më shumë nga mbyllja e së hënës prej 74,86 dollarë për fuçi.

    Pasiguritë e furnizimit në tregjet globale të naftës vazhdojnë të ndikojnë në çmimet e naftës. Takimi i anëtarëve të OPEC+ i planifikuar për 26 nëntor në Vjenë u shty me katër ditë për 30 nëntor, shkruan AA.

    Grupi pritet të përcaktojë kuotat e prodhimit që do të vendosen nga janari e në vazhdim.

  • Albin Kurti: Të punojmë për idealet e Skënderbeut, Ismail Qemalit dhe Adem Jasharit

    Albin Kurti: Të punojmë për idealet e Skënderbeut, Ismail Qemalit dhe Adem Jasharit

    Kryeministri i Kosovës, Albin Kurti, ndodhet në Vlorë për të festuar 111-vjetorin e Pavarësisë së Shqipërisë.

    Nga qyteti i flamurit, Kurti u shpreh se të gjithë duhet të punojnë për idealet dhe synimet e Skënderbeut nga Kruja, Ismail Qemalit nga Vlora dhe Adem Jasharit nga Prekazi.

    “Gëzuar të gjithë shqiptarëve 28 Nëntorin, këtë festë të madhe të Flamurit e të lirisë, të Pavarësisë e të bashkimit për të gjithë shqiptarët në Shqipëri, në Kosovë, kudo që janë në Ballkan e në mërgatë. Lavdi dëshmorëve të kombit, sot është ditë pushimi, feste, e çdo ditë tjetër duhet të punojmë për idealet, synimet e Skënderbeut nga Kruja, të Ismail Qemalit nga Vlora e të Adem Jasharit nga Prekazi. Ne ishim këtu për të bërë nderime në Vlorë me krerët institucional të shtetit shqiptar dhe pasdite do të jemi në Kosovë për të bërë homazh tek varrezat e Jasharajve, në krye me komandantin Adem Jashari. Dje kishim ditën e Ushtrisë së Kosovës, dhe për shkak se gjithë këto aktivitete nuk mund t’i vendosim në një ditë, do të vazhdojmë edhe nesër me ngjarje të ndryshme kulturore, artistike për nder të 28 Nëntorit, kësaj date themeltare të identitetit kombëtar”.

    Sa i përket komente politike, Kurti i shmangu duke thënë se sot nuk është dita.

    “Nuk është sot dita që të flasim për dallimet politike apo polemikat aktuale. Sot jemi bashkë, shqiptarët e kanë të përbashkët gjuhën dhe kulturën, e kanë të përbashkët historinë dhe ardhmërinë dhe e tashmja mbushet me kuptim pikërisht në këtë mënyrë. Kemi shumë ditë të tjera përgjatë vitit për temat”./tvklan.al

  • Atmosferë festive për 28 Nëntorin në sheshin “Zahir Pajaziti” në Prishtinë

    Atmosferë festive për 28 Nëntorin në sheshin “Zahir Pajaziti” në Prishtinë

    Sot për nder të festës së 28 Nëntorit, komuna e Prishtinës ka organizuar disa aktivitete, fillimisht me një seancë solemne, ku pjesëmarrës ishte edhe ambasadori i Shqipërisë në Kosovë, Petrit MALAJ, për të vazhduar me mbushjen e sheshit “Zahir Pajaziti” me flamuj kombëtarë.

    Gazetari i ATV-së, Kastriot Tahiri, ndodhet në sheshin “Zahiri Pajaziti” në Prishtinë, i cili në një lidhje të drejtpërdrejtë në emisionin A LIVE, prezantoi atmosferën festive që është duke u zhvilluar atje për nder të festës së 28 Nëntorit.

    Sot gjate ditës, po ashtu do të shpaloset edhe flamuri në sheshin e kryeqytetit e më pas do të ketë edhe performime të grupeve të ndryshme si “Çamëria”, “Labëria”, “Permeti”, etj. /atvlive.tv

    Më shumë detaje rreth festimeve që janë duke u mbajtur në sheshin “Zahir Pajaziti” në Prishtinë, i gjeni në videon më poshtë:

  • Hoti dhe Selmanaj takojnë Escobarin, diskutojnë për sfidat në dialog me Serbinë

    Hoti dhe Selmanaj takojnë Escobarin, diskutojnë për sfidat në dialog me Serbinë

    Deputetët e Lidhjes Demokratike të Kosovës, Avdullah Hoti dhe Driton Selmanaj, të martën kanë zhvilluar një takim me përfaqësuesin special të Shteteve të Bashkuara të Amerikës për Ballkanin Perëndimor, Gabriel Escobar.

    Takimi ka pasur një theks të veçantë për sfidat që Kosova po përballet gjatë procesit të dialogut me Serbinë.

    Ish-kryeministri i Kosovës, Avdullah Hoti, ka theksuar rëndësinë e bashkëpunimit të ngushtë me SHBA-të, duke e vlerësuar atë si rrugën e vetme që mund të garantojë një epilog të suksesshëm për çdo proces të Kosovës.

    “Takimin e karakterizuan biseda të hapura dhe të sinqerta me theks të veçantë për sfidat që po kalon Republika e Kosovës në procesin e dialogut me Serbinë. Bashkëpunimi shumë i ngushtë me SHBA-të, është rruga e vetme që garanton epilog të mirë të secilit proces për Kosovën.”, ka shkruar ish-kryeministri i Hoti.

    Hoti ndër të tjera ka thënë se miqësia e ndërtuar me Shtetet e Bashkuara të Amerikës është bekim për Kosovën dhe shqiptarët në përgjithësi.

  • Arrestohet një burrë në Prishtinë, i kanosi me thikë dy persona

    Arrestohet një burrë në Prishtinë, i kanosi me thikë dy persona

    Është arrestuar një burrë në Prishtinë, pasi pas një mosmarrëveshje i kishte kanosur me thikë dy persona.

    Me vendim të prokurorit, i dyshuari pas intervistimit është dërguar në mbajtje.

    “Prishtinë / 27.11.2023 – 10:50. Është arrestuar i dyshuari mashkull kosovar për shkak se pas një mosmarrëveshje kishte kanosur me thikë dy viktimat meshkuj kosovar. Me vendim të prokurorit, i dyshuari pas intervistimit është dërguar në mbajtje”, thuhet në njoftimin e policisë.

  • 10 të vdekur nga stuhitë e borës në Ukrainë

    10 të vdekur nga stuhitë e borës në Ukrainë

    Dhjetë persona kanë vdekur nga stuhitë e borës në Ukrainë, tha ministri i Brendshëm i Ukrainës, Ihor Klymenko, më 28 nëntor, pasi erërat e fuqishme dhe stuhitë po godasin këtë shtet që nga dita e diel, duke shkaktuar ndërprerje të energjisë elektrike dhe duke bllokuar rrugët.

    Jugu i Ukrainës është goditur më së keqi, veçmas rajoni i Odesës në Detin e Zi.

    “Si pasojë e përkeqësimit të kushteve të motit, dhjetë persona kanë vdekur në rajonin e Odesës, Harkivit, Mikolajivit dhe Kievit”, shkroi Klymenko në Telegram.

    “Njëzetetre persona janë lënduar, përfshirë dy fëmijë”, shtoi ai.

    Në total, 411 vendbanime në 11 rajone ukrainase kanë mbetur pa energji elektrike dhe mbi 1.500 makina janë larguar nga rrugët, pasi ishin bllokuar, tha Klymenko.

    Oleh Kiper, guvernator i rajonit të Odesës, ku pesë persona kanë vdekur si pasojë e motit të lig, tha se pothuajse 2.500 persona janë shpëtuar pasi ishin bllokuar nga bora.

  • Stoltenberg: NATO-ja do të bëjë atë që duhet për të siguruar stabilitetin në Ballkan

    Stoltenberg: NATO-ja do të bëjë atë që duhet për të siguruar stabilitetin në Ballkan

    Sekretari i Përgjithshëm i NATO-s, Jens Stoltenberg, ka shprehur shqetësimin për rritjen e tensioneve në rajonin e Ballkanit Perëndimor, teksa ka premtuar se aleanca veri-atlantike do të bëjë gjithçka në mënyrë që të ruajë stabilitetin në rajon.

    “Ajo që shohim atje është se tensionet po rriten. Po shoh rritje të tensioneve dhe retorikë nxitëse në Bosnje e Hercegovinë. Kemi parë incidente të rënda dhune në Kosovë duke përfshirë sulmin ndaj paqeruajtësve të NATO-s. Janë lënduar 93 ushtarë të NATO-s, nga të cilët disa shumë rëndë. Gjithashtu kishim sulmin në Banjskë”, ka deklaruar shefi i aleancës veri-atlantike në prag të takimit të ministrave të Jashtëm të shteteve anëtare.

    “NATO do të bëjë atë që është e nevojshme për të mbajtur ose për të siguruar stabilitetin në rajon, sepse kjo është e rëndësishme jo vetëm për Ballkanin Perëndimor, por për të tërë Evropën”, porositi Stoltenberg, shkruan Rel.

    Shefat e diplomacive të 31 shteteve anëtare të NATO-s në takimin që po mbahet në Bruksel më 28 dhe 29 nëntor, do të diskutojnë ndër tjerash edhe lidhur me situatën e sigurisë në rajon.

    Më 27 nëntor, Sekretari i Përgjithshëm i aleancës ka paralajmëruar se në takim do diskutohet mundësia e shtimit të përhershëm të numrit të ushtarëve në kuadër të misionit paqeruajtës të aleancës në Kosovë, KFOR.

    Pas sulmit në Banjskë që ndodhi më 24 shtator, NATO ka forcuar tashmë praninë e saj ushtarake në Kosovë – e krijuar pas fushatës së bombardimeve kundër Serbisë në vitin 1999 – me rreth 1.000 trupa shtesë dhe armatime më të rënda, duke e çuar trupat e saj në Kosovë në 4.500.

    Tani po shqyrtohet mundësia që numri i shtuar i ushtarëve të jetë afatgjatë, si dhe që ushtarët të kenë aftësi të shtuara ushtarake.

    Debati për rajonin do të mbahet të mërkurën pasdite, ndërsa në takim do të jetë i pranishëm edhe përfaqësuesi i lartë i Bashkimit Evropian për politikë të jashtme dhe siguri, Josep Borrell.

  • Kaos nga bora, shtyhen disa fluturime nga aeroporti i Gjermanisë

    Kaos nga bora, shtyhen disa fluturime nga aeroporti i Gjermanisë

    Fillimi i ashpër i dimrit në Gjermani tani po ndikon edhe në trafikun ajror. Disa fluturime të sotme janë anuluar ose vonuar.

    Më së shumti fluturime janë anuluar në aeroportin e Frankfurtit.

    161 ngritje dhe ulje nga gjithsej 1031 lidhje fluturimesh të planifikuara u anuluan.

    Për shkak të reshjeve të mëdha të borës, pistat në aeroportin më të madh të Gjermanisë duhej të pastroheshin.

    Sipas Fraport, të gjitha pistat do të hapen sërish këtë të martë.

  • Deponohen mbi 1 mijë euro false në një bankë në Fushë-Kosovë, policia nis hetimet

    Deponohen mbi 1 mijë euro false në një bankë në Fushë-Kosovë, policia nis hetimet

    Policia e Kosovës ka nisur hetimet lidhur me një rast të falsifikimit të parave në Fushë-Kosovë.

    Sipas policisë, një person ka njoftuar se janë deponuar mbi 1 mijë euro false në bankë.

    Policia ka nisur hetimet për rastin.

    “Fushë Kosovë / 01.05.2023 – 27.11.2023. Është raportuar se nga klient janë deponuar rreth 1060€ para të falsifikuara. Parat janë konfiskuar dhe rasti është duke u hetuar”, thuhet në njoftim.

  • 28 Nëntori: Edi Rama dhe Albin Kurti shtrëngojnë duart në Vlorë

    28 Nëntori: Edi Rama dhe Albin Kurti shtrëngojnë duart në Vlorë

    Kryeministrat Edi Rama dhe Albin Kurti kanë shtrënguar duart në Vlorë, ku të dy ndodhen në qytetin ku 111 vite më parë u ngrit flamuri shqiptar.

    Dy Kryeministrat morën pjesë së bashku në ceremoninë e ngritjes së flamurit dhe vendosën kurora me lule në varrin e Ismail Qemalit.

    Pas mosdakordësive në distancë mes dy liderëve për çështjen e raportit Kosovë-Serbi, tashmë duket se ujërat janë qetësuar. Kjo u duk edhe në deklaratën e një dite më parë të Kryeministrit Edi Rama, që vlerësoi Kryeministrin Kurti dhe Qeverinë e Kosovës që e kanë pranuar propozimin për asociacionin.