ATV

Blog

  • “Edhe nën breshërinë e plumbave, mësimi duhet me u mbajtë”, historia e mësuesit Halit Geci

    “Edhe nën breshërinë e plumbave, mësimi duhet me u mbajtë”, historia e mësuesit Halit Geci

    Përgatiti: Jeta Selmanaj

    26 vjet më parë, nxënësit e kësaj shkolle në fshatin Llaushë të Skenderajt, mësimet e gjuhës shqipe i merrnin nga mësuesi Halit Geci.

    Por, breshëria e plumbave nga forcat serbe më 26 nëntor të vitit 1997, i ndau përgjithmonë. Pas plagëve të marra, në shkollën që sot mban emrin e tij, mësuesi Halit Geci vdiq.

    Shaban Rreci, koleg i tij atëkohë, tregon se në ato momente kuptoi se ishte plagosur edhe vetë, por mban mend fjalët e fundit të Halitit.

    Geci u varros me nderime më të larta në Llaushë, më 28 nëntor 1997. Në varrimin e tij ku morën pjesë qindra persona, për herë të parë publikisht u paraqit edhe Ushtria Çlirimtare e Kosovës.

    Gjatë fjalimit në ceremoninë e varrimit, ish-komandanti Rexhep Selimi tha se kjo ushtri lufton për Lirinë e Atdheut. (REXHA EFEKT). Pjesë e grupit të ushtarëve ishte edhe deputeti Daut Haradinaj.

    Pas kësaj ngjarjeje, Ushtrisë Çlirimtare të Kosovës iu bashkuan mijëra persona të tjerë.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Çlirimi, me uniformën e të atit dëshmor viziton vendin ku nisi liria

    Çlirimi, me uniformën e të atit dëshmor viziton vendin ku nisi liria

    Përgatiti: Krenare Mulliqi

    Babanë nuk e takoi kurrë. Por, uniformën e dëshmorit, Shaban Berisha, e ruan me xhelozi. Çlirim Berisha, 24 vjeç, me uniformën e babait të tij këtë të martë qëndroi në Prekaz.

    Krenaria që ndien për babanë është e madhe, andaj edhe vizitat në kullën e Jasharëve i ndien obligim.

    Ditëlindja e komandantit Adem Jashari, përpos Çlirimit, solli në Prekaz edhe qindra qytetarë të tjerë.

    Disa prej tyre, madje, e njihnin komandantin për së afërmi.

    28 Nëntori, pos që shënon ditën e pavarësisë së Shqipërisë dhe ditëlindjen e Komandantit Adem Jashari, është edhe datë e daljes së parë publike të UÇK-së.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Udhëheqës institucionesh e zyrtarë vizituan prekazin

    Udhëheqës institucionesh e zyrtarë vizituan prekazin

    Përgatiti: Benita Zeneli

    68 vjetori i lindjes së komandantit, Adem Jashari, 26 vjetori i paraqitjes publike të Ushtrisë Çlirimtare e 111 vjetori i Pavarësisë së Shqipërisë, bëri bashkë në Prekaz udhëheqës të institucioneve por edhe qytetarë.

    Mbi 59 varrë në kompleksin memorial u vendosën lule e ditët si këto, sipas presidentes Vjosa Osmani kujtojnë çmimin e lartë të lirisë dhe sakrificat që janë bërë ndër shekuj.

    E për kryetarin e Kuvendit, Glauk Konjufca, 28 Nëntori gjithmonë fillon në Prekaz.

    Prekazin e vizituan edhe liderë të partive politike e kryetarë komunash.

    Prekazin e vizituan edhe mijëra qytetarë e qiellin mbi Prekaz e vërshuan parashutistët.

    Më shumë detaje i gjeni në Edicionin Qendror të lajmeve në ATV, në videon më poshtë:

  • “Thyhet akulli”, Kurti e Rama shtrëngojnë duart në Vlorë

    “Thyhet akulli”, Kurti e Rama shtrëngojnë duart në Vlorë

    Përgatiti: Donisa Fazliu

    Inatet politike i lanë anash. Për nder të 28 Nëntorit, kryeministri Albin Kurti dhe kryeministri i Shqipërisë, Edi Rama, ia shtrënguan dorën njëri-tjetrit.

    Të dy liderët shqiptarë, morën pjesë në aktivitetet që u organizuan për 111-vjetorin e Pavarësisë së Shqipërisë.

    “Këtë festë të madhe të flamurit dhe lirisë së Pavarësisë dhe bashkimit për të gjithë shqiptarët në Shqipëri, në Kosovë, kudo që janë në Ballkan dhe në botë. Lavdi dëshmorëve të kombit, sot është ditë pushimi dhe feste dhe çdo ditë tjetër duhet të punojmë për idealet dhe synimet e Skënderbeut nga Kruja, e Ismail Qemalit nga Vlora dhe të Adem Jasharit nga Prekazi”, tha Kurti.

    Ndryshe nga Kurti, liderët e Shqipërisë nuk janë deklaruar për media.

    Urimet për 28 Nëntorin, ata zgjodhën t’i bëjnë nëpërmjet rrjeteve sociale.

    Presidenti i Shqipërisë, Bajram Begaj, dhe kryeministri Edi Rama, kanë thënë se modeli frymëzues i etërve themelues të shtetit, duhet të shërbejë si udhërrëfyes në çdo punë që shqiptarët bënë për vendin.

    Në kuadër të aktiviteteve për Pavarësi, për herë të parë në Tiranë është mbajtur edhe Parada e Shqiptarëve.

    Kremtja në kryeqytetin e Shqipërisë është përcjellë edhe me aktivitete të ndryshme, edhe në orët e mbrëmjes.

    Më shumë detaje i gjeni në Edicionin Qendror të lajmeve në ATV, në videon më poshtë:

  • Poeti i njohur ndërkombëtar thotë se meshkujt shqiptarë janë të ngutshëm në dashuri, tregon se a dinë të dashurojnë

    Poeti i njohur ndërkombëtar thotë se meshkujt shqiptarë janë të ngutshëm në dashuri, tregon se a dinë të dashurojnë

    Poeti dhe shkrimtari i njohur shqiptar, Skënder Sherifi ishte i ftuar në emisionin “LIBERO”, ku foli për shumë aspekte sa i përket letërsisë dhe inspirimit për të shkruar.

    Mes tjerash, ai tha se dashuria dhe eksperiencat e tij me vajzat e kanë inspiruar atë për të shkruar.

    “…Mua më kanë inspiruar dashuritë me femrat… Lidhja dhe ndarja me to më ka inspiruar të shkruaj. Po ashtu kam dedikuar poezi për femrat të cilat kam qenë i dashuruar në to dhe më kanë bërë që të vuaj…”,shtoi ai.

    Gjithashtu ai ndau tri karakteristika që sipas tij e përbejnë gruan – të cilat i ka mësuar gjatë njohjes me to.

    “…Femrat janë qenie tokësore dhe kanë rrënjë të thella, ato janë misterioze dhe duhet një alfabet për ta dekoduar botën e tyre. Femrat universin e tyre të brendshëm nuk e zbulojnë me lehtësi gjithashtu janë  enigmatike…”, theksoi ai.

    Gjithashtu, poeti i njohur foli edhe për dashurinë e burrave ndaj grave. Në këtë rast, ai përmendi edhe burrat shqiptarë në aspektin e dashurisë.

    Prandaj, për më shumë informacione rreth intervistës së Skënder Sherifit, klikoni në linkun e mëposhtëm:

  • E njohim si mjeshtri i “Marshit të UÇK-së”, Arif Vladi publikon këngën e re për 28 Nëntor

    E njohim si mjeshtri i “Marshit të UÇK-së”, Arif Vladi publikon këngën e re për 28 Nëntor

    Këngët e tij patriotike dedikuar atdheut dhe ushtarëve të UÇK-së zënë vend në zemrat e të gjithë shqiptarëve.

    Arif Vladi, së bashku me kolegun e tij Fadil Llugaxhiun, ishin të ftuar në emisionin “LIBERO”, të cilët promovuan këngën e tyre “Besa Besë Bashkim Kombëtar”.

    Arif Vladi tha se këngët e tij janë me program dhe kanë përmbajtje atdhetare, ndërkaq përmes tyre mundohet të përçojë mesazhe të ndryshme për atdheun.

    ”…Pse të mos ja themi brezit të ri se kush është dinjiteti shqiptar. Artisti duhet të shprehet se çfarë ka në shpirtin e tij. Tema që realisht ka kënga jonë është se kemi humb më shumë se gjysmën e Shqipërisë…”, tha ai.

    Vlen të ceket se Arif Vladin e përkujtojmë përjetësisht përmes “Marshit të UÇK-së”, këngë e cila ka qenë frymëzim dhe motivim për ushtarët e Ushtrisë Çlirimtare të Kosovës, e që prej vitesh vazhdon të jetë frymëzim për të gjithë shqiptarët, ku edhe sot e kësaj dite vazhdon të ngjallë po të njëjtat emocione.

    Për të ndjekur intervistën e plotë, mund të klikoni në linkun e mëposhtëm:

  • U nis me vrap nga Prishtina për Tiranë, atleti Erzen Zyberaj arrin në destinacion për të festuar 28 Nëntorin

    U nis me vrap nga Prishtina për Tiranë, atleti Erzen Zyberaj arrin në destinacion për të festuar 28 Nëntorin

    Atleti Erzen Zyberaj i cili është nisur dje nga Prishtina për në Tiranë në vrap, ka arritur sot atje rreth orës 14:30. Ai ka shkuar në Tiranë për të nderuar Festën e Flamurit, 28 Nëntorin.

    Pamje nga arritja e tij në Tiranë ka publikuar faqja “Maraton Albania”. Në këto pamje, ai shihet duke vrapuar me flamurin e Republikës së Kosovës në Sheshin “Skënderbe” në Tiranë.

    “Mbërritja me suksese nga Skënderbeu i Prishtinës deri sheshin Skënderbe ne Tirane e maratonomakut Erzen Zyberaj. Jemi shume te lumtur qe morem pjese ne mbylljen e kesaj gare dhe ne si shoqata Maraton Albania i urojme Erzenit shume suksese 👏👏👏”, thuhet në postim.

  • Studiuesit bullgarë hetojnë përdorimin e mundshëm të majave të Antarktidës për trajtimin e kancerit

    Studiuesit bullgarë hetojnë përdorimin e mundshëm të majave të Antarktidës për trajtimin e kancerit

    Mikrobiologia dhe bioteknologia Dr. Snezhana Rusinova e Laboratorit të Bioteknologjive të Aplikuara në Institutin e Mikrobiologjisë Stephan Angeloff me Akademinë Bullgare të Shkencave është duke punuar në një projekt që studion mostrat e majave të mbledhura nga Antarktida.

    Ajo mori pjesë në ekspeditën e 31-të bullgare në ishullin Livingston me anijen kërkimore detare Sv. Kiril i Metodii (RSV 421), dhe që nga kthimi i saj në mars, ajo ka vazhduar punën e saj mbi majat e Antarktidës.

    “Qëllimi i projektit është të kërkojë substanca biologjikisht aktive nga majat e Antarktidës dhe të hetojë potencialin e tyre për trajtimin e kancerit. Ne ishim me fat që mundëm të merrnim mjaft mostra. Tani kemi një botim që përmbledh të dhënat nga një prej studimeve. Ne arritëm të gjejmë një përfaqësues interesant të këtyre majave të Antarktidës që sintetizon një kompleks molekulash në ekstraktin e tij dhe është citotoksik për kancerin e fshikëzës,” shpjegoi shkencëtari.

    Majatë janë mikroorganizma eukariotikë më të mëdhenj se bakteret. Ata janë pjesë e mbretërisë së kërpudhave, por për shkak se janë njëqelizore, klasifikohen si mikroorganizma, tha Rusinova. Është një fakt i rëndësishëm që majat e Antarktidës nuk janë patogjenë, pra ato mund të trajtohen lehtësisht si në mjedise laboratorike ashtu edhe në ato industriale. Përveç kësaj, ata mund të mbajnë një kulturë sterile gjatë gjithë procesit të fermentimit, sipas studiuesit.

    Majatë e Antarktidës kanë një metabolizëm që i ka përshtatur ato me kushtet e atjeshme. Shkencëtarët po kërkojnë të zbulojnë se si maja arrin të mbrojë molekulat e saj nga temperaturat jashtëzakonisht të ulëta. Ndoshta sintetizojnë substanca të panjohura deri më tani, komenton mikrobiologu.

    “Mikroorganizmat e Antarktidës, të cilët i studioj prej 15 vitesh, janë shumë interesantë nga pikëpamja bioteknologjike. Ne kemi punuar në mundësitë e tyre të ndryshme për të sintetizuar komponimet metabolike që janë të dobishme për njerëzit. Për mua ishte e rëndësishme që personalisht të shkoja të merrja mostrat, t’i merrja ato sa më sterile”, shpjegoi Rusinova.

    Sipas saj, deri më tani nuk janë studiuar të gjitha mostrat. Marrja e mostrave është bërë nga toka, nga uji i liqeneve akullnajore, madje edhe nga pendët e pinguinëve në ishullin Livingston.

    “Ka më shumë për të kërkuar. Ndoshta ka shumë maja më të ndryshme dhe ne mund të zbulojmë të reja që mbajnë kura për sëmundje të ndryshme. Mikrobiologjia është një shkencë shumë e ngadaltë. Në këtë proces, ne kemi ditë të gjata ku presim të shohim nëse ka fare maja në mostra. Duhen të paktën njëzet ditë për ta vërtetuar këtë”, shtoi mikrobiologu.

    Sipas Rusinovës, Antarktida fsheh sekrete që do të vazhdojnë të emocionojnë shkencëtarët. Ajo tha gjithashtu se udhëtimi i saj në ishullin Livingston i ka lënë një përshtypje të qëndrueshme dhe e ka frymëzuar të vazhdojë punën e saj shkencore. /BTA

  • Memli Krasniqi bën homazhe tek varri i Skënderbeut në Lezhë

    Memli Krasniqi bën homazhe tek varri i Skënderbeut në Lezhë

    Kryetari i Partisë Demokratike të Kosovës, Memli Krasniqi, ka bërë homazhe në qytetin historik të Lezhës në Shqipëri në nder të festës së 28 Nëntorit.

    I shoqëruar nga djali i tij, Krasniqi tha se është ndalur në Lezhën e historisë e të përbashkimit, te varri i kryeheroit tonë kombëtar, Gjergj Kastrioti – Skënderbeu, për të cilin tha se është pishtari më i ndritur në rrugëtimin tonë kombëtar për liri e mëvetësi.

    “Në ditën e madhe të kombit, me Malin ndalesën e dytë e bëmë në Lezhën e historisë e të përbashkimit, te varri i kryeheroit tonë kombëtar, Gjergj Kastrioti – Skënderbeu, i cili, 580 vjet më parë, më 28 nëntor të vitit 1443, ngriti në Krujë flamurin me shqiponjën dykrenare, duke e ngritur kështu edhe vetëdijen e kombit tonë e duke u bërë vet pishtari më i ndritur në rrugëtimin tonë kombëtar për liri e mëvetësi”, ka shkruar Krasniqi në Facebook.

    Para ndalesës në Lezhë, ai ishte edhe në Prizren tek Kompleksi i Lidhjes së Prizrenit, për të nderuar patriotët shqiptarë, të cilët frymëzuan luftën për liri e shtet të pavarur shqiptar.

  • Idrizi thotë se iu pamundësua t’i vizitojë ish-krerët e UÇK-së në Hagë: Vetëm Jakup Krasniqin e takova

    Idrizi thotë se iu pamundësua t’i vizitojë ish-krerët e UÇK-së në Hagë: Vetëm Jakup Krasniqin e takova

    Komuna e Vushtrrisë ka mbajtur Akademi Solemne me rastin e 28 Nëntorit, Ditës së Flamurit, raporton EO. Edhe në këtë Akademi Solemne u përmendën ish-krerët e UÇK-së që po gjykohen në Hagë.

    Kryetari i Vushtrrisë, Ferit Idrizi në fjalën e tij para të pranishmëve, tha se u pamundësua vizita te ish-krerët e UÇK-së në Hagë. Në pamundësi për t’i takuar të gjithë, Idrizi tha se arriti ta takojë vetëm Jakup Krasniqin.

    “Kjo ditë është e veçantë sepse ngërthen në vete shumë ngjarje historike që kanë koiçiduar me të njëjtën datë, është ngritja e Flamurit të Skënderbeut, e Ismail Qemalit e Isa Boletinit, është ditëlindja e komandantit legjendar, Adem Jashari, është ditëlindja e Ushtrisë Çlirimtare e Kosovës ku sot 26 vjet më parë në Llaushë të Drenicës doli UÇK-ja për ta larguar një herë e përgjithmonë armikun nga trojet tona. Por edhe pas kësaj toke, Kosova nuk është e qetë sepse ata që udhëheqen luftën e UÇK-së, sot përballën padrejtësisht me një gjykatë të padrejtë në Hagë, prandaj dua t’u sjellë përshëndetjet e tyre dhe urimin më të ngrohtë për juve qytetarë të Vushtrrisë”.

    “Unë bëra përpjekje me bashkëpunëtorë që t’i vizitoj edhe pse na u ndalua vizita me Thaçin, Veselin e Selimin, arritëm ta takojmë Jakup Krasniqin. Bacën Jakup me atë mjekër të bardhë që i ngjasonte Ismail Qemalit dhe ai u përshëndeti të gjithëve në emrin e tij por edhe në emër të shokëve të tij”, u shpreh Idrizi.