Inspektorati Sanitar i Ministrisë së Shëndetësisë bashkëpunim me Policinë, mbrëmë kanë inspektuar lokalet e Prishtinës, për të mbikëqyrur respektimin e Ligjit për kontrollin e duhanit, raporton ATV.
Në këtë aksion janë shqiptuar edhe disa gjoba ndaj bizneseve të cilat nuk e kanë respektuar këtë ligj. /atvlive.tv
Ministria e Drejtësisë, Albulena Haxhiu ka deklaruar se vrasja e Liridona Ademajt është krim i rëndë dhe femicid, për të cilin kërkohet drejtësi.
Ajo në mbledhja e këshillit të përgjithshëm të organizatës Gratë për Vetëvendose.
Liridona u vra si pasojë e femicidit e cila për fat të keq është prezent në shoqërinë tonë
“Pabarazia gjinore e rrënjosur thellë në strukturën shoqërore herë pas here na shpërfaqet në mënyrën më monstrume siç ishte edhe rasti i fundit i vrasjes së Liridonës. Burrat patriarkal po i vrasin gratë, gratë po vriten nga burrat apo partnerët e tyre, ky është krim i rënd , ky është femicid, për këtë rast dhe për secilin rast kërkojmë drejtësi….kushdo që me ose pa vetëdije i hyn diskutimit pse një burrë ushtron dhunë ose pse një burrë vret një grua, është duke tentuar ta justifikoj dorasin, është duke tentuar ta normalizoj dhunën dhe të tillë që e fajësojnë viktimën janë në anën e dhunuesve”, ka thënë ajo, duke shtuar se si ministri kanë ndërmarrë shumë aktivitete kundër dhunës dhe femicidit.
Kryetari i Prishtinës, Përparim Rama ka shprehur mirënjohje të thellë për të gjitha gratë që kontribuojnë në respektimin e të drejtave të personave me aftësi të kufizuara.
“Mirënjohje e thellë për të gjitha gratë të cilat luftojnë pa ndal, çdo ditë, që të respektohen të drejtat e personave me aftësi të kufizuara, të cilët përballen me vështirësi të ndryshme por që nuk dorëzohen kurrë”, ka shkruar Rama në llogarinë e tij në Facebook.
Ai më tutje lavdëroi gratë që luftojnë çdo paragjykim dhe vazhdojnë të sfidojnë çdo ndalesë për veten e tyre dhe gratë e tjera.
“Kristalja kishte nderin të merrte pjesë në këtë ngjarje, nën organizimin e Ambasadores së Vullnetit të Mirë, Elvana Shala, ku të pandalshmet, luftëtaret tona u shpërblyen me mirënjohje për kontributin e tyre të pamohueshëm që të gjithë njerëzit të trajtohen të barabartë, zonjat të cilat me guxim, vullnet dhe zemërgjerësi kanë ndikuar pozitivisht në jetën e shumë individëve, ndonëse përballen me shumë vështirësi shëndetësore, paragjykime e barriera të cilat nuk i kanë detyruar të dorëzohen por përkundrazi, i kanë shtyrë të luftojnë jo për veten por për të gjitha gratë tjera”, ka shkruar i pari i kryeqytetit.
Ndërkohë Rama ka falënderuar edhe z.Eric Dietz, ambasadorin e Luksemburgut në Republikën e Kosovës për bashkë-organizimin e këtij eventi.
Në Klinikën e Dermatologjisë të Qendrës Klinike Universitare të Kosovës (QKUK), tash e disa vite mungojnë Patch Testet, funksioni i të cilëve është identifikimi i alergjenit të veçantë që shkakton reaksione alergjike. Nga kjo klinikë thonë se brenda këtij viti, mbi 300 pacientë kanë pasur nevojë ta bëjnë këtë test. Ndërsa, nga SHSKUK-ja theksojnë se ky lloj testi nuk bën pjesë në Listën Esenciale dhe se nuk kanë marrë ndonjë kërkesë për furnizim. Ndërkaq, në klinika private, bërja e një testi të tillë kushton nga 30 deri në 50 euro.
Në një intervistë për KosovaPress, dermatologia në Klinikën e Dermatologjisë, Fatime Kokollari tregoi se Patch Testet vendosen në shpinë ose në krahë, në formë fllasteri, të cilat kanë përmbajtje të një alergjeni të caktuar.
Ajo theksoi se seti i një Patch Testi, është i përbërë prej rreth 30 alergjenëve, i cili bëhet me qëllim të diferencimit të dermatitit në kontaktin irritativ prej atij të kontaktit alergjik.
Kokollari tha se disa nga veprimtaritë që më së shumti japin reagim të lëkurës janë, ndërtimtaria, hoteleria, shëndetësia dhe parukeria.
“Patch testet janë disa teste që vendosen në shpinë, munden edhe në krahë dhe vendosen në formë fllasteri, ku në to ka përmbajtje të një alergjeni të caktuar. Seti është i përbërë diku prej 28 alergjenëve. testi bëhet me qëllim të diferencohet dermatiti në kontaktin irritativ prej dermatitit të kontaktit alergjik. Bëhet sepse manifestimi edhe mjekimi e prognoza janë të ndryshme. Nëse kemi të bëjmë me dermatitit alergjik, fillimisht duhet të eliminohet kontakti me substancën që e shkakton…Dermatitet e kontaktit janë reagim i lëkurës ndaj kontaktit me materiale, substanca, e produkte të ndryshme. Kontaktet duhet të jenë të shpeshta dhe kohë gjatë…Janë të caktuara veprimtaritë që më së shumti japin reagim të lëkurës, veprimtari të tilla janë ndërtimtaria, hoteleria, shëndetësia, personat që punojnë me metale, çimento, parukeria, këto materiale nëse është kontakti i shpeshtë dhe i gjatë e irritojnë lëkurën”, tha Kokollari.
Ekspertja e lëkurës, Fatime Kokollari theksoi se ka mbi 4 vite prej kur ky lloj testi nuk bëhet në Klinikën e Dermatologjisë, derisa shtoi se gjatë këtij viti mbi 300 pacientëve u është rekomanduar t’i nënshtrohen Patch Testit.
Kokollari theksoi se nëse vërtetohet me Patch Test që dermatiti është i kontaktit alergjik, duhet ndërruar vendi i punës i personit sepse nuk pritet që sëmundja të rregullohet.
“Nëse vërtetohet me Patch Test që dermatiti është i kontaktit alergjik duhet ndërruar vendi i punës i personit sepse nuk pritet që sëmundja të rregullohet, automatikisht i bie të ndërrohet vendi i punës. Në shtete të ndryshme, e kanë të rregulluar me ligj që para se të pranohet në një vend punës të bëhet Patch Testi në mënyrë që pas një viti mos t’i bie që punëdhënësi me largu punëtorin nga puna…05:00 Jo nuk bëhet në Dermatologji, ka vite që nuk bëhet…Më shumë se katër vite…Është i nevojshëm, gjithçka që shkenca e ka vërtetuar është i nevojshëm…Neve i kemi nxjerr disa statistika vjeçare diku mbi 300 raste për këtë vit, që kanë pasur nevojë për një diferencim në mes të dermatitit të kontaktit irritativ nga ai alergjik”, theksoi Kokollari.
Ndërkaq, përmes emailit Shërbimi Spitalor dhe Klinik Universitar i Kosovës (ShSKUK) thonë se produkti në fjalë nuk bën pjesë në Listën Esenciale, derisa theksojnë se nuk kanë marrë ndonjë kërkesë nga Klinika e Dermatologjisë për furnizim.
Por, nga menaxhmenti i kësaj klinike thonë se tash e disa vite kanë bërë kërkesa të vazhdueshme për sigurimin e këtyre testeve.
Po ashtu, për KosovaPress një vajzë e cila ka dashur të mbetet anonim, ka treguar se për shkak të problemeve me lëkurë, është detyruar që ta bëj Patch Testin, në një klinikë private, derisa shtoi se çmimi që pagoi ishte rreth 50 euro. Ajo tha se për të si studente, kjo shifër nuk ka qenë edhe aq e vogël.
“Po, para një muaji kam pasur problem me lëkurën, më është acaruar edhe më dalshin do sikur puçrra të vogla nëpër trup, kam shkuar në Dermatologji në QKUK, mjekja më ka thënë duhet ta bësh një test për alergji, Patch Test, apo se di si i thoshin, nuk ka pasur aty me bërë veç më është dashur në privat të shkojë, ka kushtuar diku gati 50 euro, për mua si studente ishte pak shifër e madhe por më është dashur ta bëjë”, tha ajo.
“A e bëni Patch Testin, për alergji. Po, po e bën doktoresha Valbona Gashi. Sa kushton?…Atëherë është Patch Test me 30 faktorë, edhe me Patch Testi tjetër, ky me 30 faktorë, është me 30 euro, tjetri është me më shumë faktorë 50 euro”, thotë një nga klinikat private.
Po ashtu, edhe një klinikë tjetër potencon se bërja e Patch Testit, pacientit i kushton 30 euro.
“A e bëni Patch Testin që është për alergji të lëkurës? Po bëhet, 30 euro është çmimi”, potencon klinika.
Patch Test u zbulua në vitin 1895 nga profesori i Dermatologjisë në Universitetin e Ëroclaë.
Më pas, profesori në Universitetet e Bazelit dhe Cyrihut, Bruno Bloch vazhdoi dhe zgjeroi punën klinike dhe eksperimentale të Jadassohn.
Sot, testet Patch ose testet epikutane janë një metodë e standardizuar në nivel kombëtar dhe ndërkombëtar dhe kërkojnë ekspertizë specifike në leximin e rezultateve.
Adrijana Hoxhiq zyrtarisht është bërë pjesë e strukturave ilegale serbe. Ajo është punësuar në një qendër për ofrimin e shërbimeve të mbrojtjes sociale në komunitetin ”Jelena Anzhujska”, në Zubin Potok.
Kjo është bërë e ditur me rastin e vizitës në këtë qendër të kryetarit të të ashtuquajturit organ i përkohshëm i Komunës së Zubin Potokut, Srgjan Vuloviq.
Në një postim në rrjetet sociale thuhet se drejtoresha e këtij institucioni, Adrijana Hoxhiq i prezantoi Vuloviqit punën e qendrës, duke theksuar se “janë gjithmonë në shërbim të qytetarëve.”
Qendra për ofrimin e shërbimeve të mbrojtjes sociale në bashkësi “Jelena Anzhujska” me adresë fshatin Zupç në Zubin Potok, funksionon ne kuadër të Ministrisë së Punës, veteranëve dhe politikës sociale të Serbisë.
KosovaPress ka tentuar të kontaktojë Hoxhiq, por e njëjta nuk është lajmëruar.
Në sheshin “Zahir Pajaziti” në Prishtinë është demoluar sërish reklama “Vrapo Babadimër”.
Kështu ka njoftuar organizatori i maratonës “Vrapo Babadimër”, Jusuf Islami, përmes një njoftimi në ‘Facebook’.
“Mire qe po na man TOKA. Demtohet serisht reklama “VrapoBabadimër” nga njerez te pa ndergjegjshem. No Comment!”, ka shkruar Islami.
Ndryshe, kjo reklamë është vendosur në sheshin e Prishtinës para organizimit të edicionit të tetë të maratonës “Vrapo Babadimër”, të cilës do t’i bashkëngjiten 3000 babagjyshër me datën 17 dhjetor në Prishtinë, për të ndihmuar fëmijët në repartin e onkologjikut në Prishtinë. /atvlive.tv/
Negociatorët e Bashkimit Evropian arritën një marrëveshje të premten vonë mbi rregullat e para gjithëpërfshirëse të inteligjencës artificiale në botë, duke i hapur rrugën mbikëqyrjes ligjore të teknologjisë së AI që ka premtuar të transformojë jetën e përditshme dhe ka nxitur paralajmërime për rreziqe ekzistenciale për njerëzimin.
Negociatorët nga Parlamenti Evropian dhe 27 vendet anëtare të bllokut kapërcyen dallimet e mëdha në pikat e diskutueshme, duke përfshirë inteligjencën artificiale gjeneruese dhe përdorimin e policisë së mbikëqyrjes së njohjes së fytyrës për të nënshkruar një marrëveshje politike tentative për Aktin e Inteligjencës Artificiale.
“Marreveshje!” postoi në Twitter Komisioneri Evropian Thierry Breton pak para mesnatës. “BE bëhet kontinenti i parë që vendos rregulla të qarta për përdorimin e AI”, raporton AP.
Rezultati erdhi pas bisedimeve maratonë me dyer të mbyllura këtë javë, me seancën fillestare që zgjati 22 orë përpara se një raund i dytë të fillonte të premten në mëngjes.
Zyrtarët ishin në luftë me kohën për të siguruar një fitore politike për legjislacionin kryesor. Megjithatë, grupet e shoqërisë civile i bënë një pritje të ftohtë teksa presin për detaje teknike që do të duhet të sqarohen në javët në vijim. Ata thanë se marrëveshja nuk shkonte aq larg sa duhet në mbrojtjen e njerëzve nga dëmtimi i shkaktuar nga sistemet e AI.
“Marrëveshja e sotme politike shënon fillimin e punës teknike të rëndësishme dhe të nevojshme mbi detajet thelbësore të Aktit të AI, të cilat ende mungojnë”, tha Daniel Friedlaender, kreu i zyrës evropiane të Shoqatës së Industrisë së Kompjuterëve dhe Komunikimeve, një grup lobimi i industrisë së teknologjisë.
BE-ja mori një epërsi të hershme në garën globale për të hartuar parmakë mbrojtëse të AI kur zbuloi draftin e parë të rregullores së saj në 2021. Megjithatë, bumi i fundit në AI gjeneruese, i bëri zyrtarët evropianë të përpiqen të përditësojnë një propozim të gatshëm për të shërbyer si një plan për botën.
Parlamenti Evropian do të duhet ende të votojë për aktin në fillim të vitit të ardhshëm, por me marrëveshjen e arritur kjo është një formalitet, tha për Associated Press të premten vonë Brando Benifei, një ligjvënës italian që bashkëdrejton përpjekjet negociuese të trupit.
Sistemet gjeneruese të AI si ChatGPT i OpenAI kanë shpërthyer në ndërgjegjen e botës, duke mahnitur përdoruesit me aftësinë për të prodhuar tekste, foto dhe këngë të ngjashme me njeriun, por duke rritur frikën për rreziqet që teknologjia në zhvillim të shpejtë paraqet për vendet e punës, privatësinë dhe mbrojtjen e të drejtave të autorit dhe madje edhe vetë jetën e njeriut.
Tani, ShBA, Britania e Madhe, Kina dhe koalicionet globale si grupi i 7 demokracive të mëdha kanë hyrë me propozimet e tyre për të rregulluar AI.
Në fundjavë zhvillohet xhiroja e 12-të në Superligën e Kosovës në basketboll.
Ndeshja e parë e kësaj jave do të zhvillohet mes Golden Eagle Yllit dhe Vëllaznimit, ku të dy skuadrat janë në formë të lartë.
Therandasit në gjashtë ndeshjet e fundit kanë pesë fitore, kurse kuqezinjtë në shtatë ndeshjet e fundit kanë gjashtë fitore.
Tani të dy skuadrat kanë nga gjashtë fitore e pesë humbje, duke kërkuar fitoren e shtatë në këtë edicion.
Dueli i dytë i së shtunës është ndërmjet skuadrave me traditë në basketbollin e Kosovës, Bashkimit dhe Sigal Prishtinës.
Prizrenasit kanë katër fitore e shtatë humbje, kurse prishtinasit gjashtë fitore e pesë humbje.
Në Kosovë po vazhdon qarkullimi i monedhave 2 euroshe false.
Një zyrtare e bankës në Graçanicë ka njoftuar policinë se nga klientë të ndryshëm janë deponuar 245 monedha metalike nga 2 euro, të cilat dyshohet se ishin të falsifikuara.
“Monedhat janë konfiskuar dhe rasti është duke u hetuar”, thuhet në raportin 24 orësh të policisë.
Kryetari i Sindikatës së Bashkuar të Arsimit, Shkencës dhe Kulturës (SBAShK), Rrahman Jasharaj, ka thënë për Ekonomia Online se rezultatet në testin PISA, janë shqetësuese dhe se fajtor për këtë janë vendimet e Qeverisë.
Shkaktar sipas Jasharajt janë vendimet që janë marrë nga Ministria e Arsimit, për të cilat thotë se u dëmtuan nxënësit. Faj tjetër sipas tij është mungesa e digjitalizimit nëpër shkolla. Thotë se ende mësimdhënësit punojnë me shkrumbs e tabela.
Jasharaj ka kërkuar që të gjitha palët që janë të përfshira në arsim duhet të ulen të diskutojnë dhe të gjejnë problemin se çfarë po ndodhë.
“Dita që ministrja para medieve i shpalli rezultatet ishte një lajm shumë i keq dhe unë nuk besoj që dikush në Kosovë është njëri i lumtur, por jemi ndier të pikëlluar të gjithë nga se është hera e tretë që Kosova po del shumë keq në testin PISA, që është njëri prej instrumenteve matëse ndërkombëtare. Nagavci ishte shumë e matur kësaj radhe dhe tha se mund të ketë ndikim koha e pandemisë, që mund të jetë njëri prej faktorëve. Kosova nuk ishte fortë e përgatitur sidomos shkollat dhe kjo me fajin e institucioneve, nuk ishin përgatitur tërësisht me mjete të teknologjisë bashkëkohore për të bërë mësimin në nivel të lartë, por mund të jete ky vetëm një element”, u shpreh Jasharaj.
Gishtin për rezultate të dobëta në testin PISA, Jasharaj e drejton kah institucionet gjegjëse, pasi siç thotë “Shkollat e Kosovës nuk i ngjasojnë shekullit 21”. Ai ka kërkuar digjitalizim të shkollave në vend.
“Ajo që duhet ta thotë Nagavci në qeveri është një element tjetër. Shkollat e Kosovës nuk i ngjasojnë shekullit 21, e kam thënë disa herë por me jepet mundësi vetëm në media, sepse komunikimi MASHT-SBASHK është i bllokuar disi me fajin e Nagavcit. Tani që nga greva unë konsideroj që qeveria Kurti në vend të fjalëve të mëdha ti zëvendësoj me vepra konkrete, për këtë duhet që zërin ta grisë në qeveri Nagavci që shkollat të zëvendësojnë shkumësin e shpuza, tekste që më zi i bëmë deri në fund të tetorit ti zëvendësoj me mjete bashkëhore të punës. Të digjitalizohen shkollat, të ketë llaptop e projektor në mënyrë që shkollat të jetë ambient shumë më i dashur për fëmijët”, u shpreh Jasharaj për EO.
Kryesindikalisti ka kërkuar më shumë bashkëpunim me Ministrinë e Arsimit pasi thotë se rrezikojmë që rezultate të njëjtë viteve të ardhshme. Ai ka kërkuar nga ministrja Arbërie Nagavci që t’i lë inatet me Sindikatën.
“Konsideroj që Nagavci duhet t’i leje inatet, t’i thërras përfaqësuesit e Akademisë së Shkencave e Artëve sepse konsideroj se janë kokat më të mençura të këtij vendi. Ta thërras SBASHK-un, t’i thotë prindërve t’i dërgojnë përfaqësuesit e vetë që konsiderojnë që janë më të merituarit, ne do ti dërgonim ekspertët që i kemi nga fusha e arsimit. Të jenë aty edhe përfaqësuesit e Fakultetit të Edukimit sepse ai është prodhuesi i kuadrove. Dhe bashkarish të shohim ku e kemi punë me kurrikulen, a është më i qëlluari, si i kemi punët me tekste shkollore që shumë nga njerëzit që e njohin këtë lami i kanë kritikuar vazhdimisht, si i kemi kushtet e punës dhe nëse ndodhë sikur dy herëve të kaluara që për një javë rresht të behët me gisht herë andej e këndej dhe të kërkohet fajtori e të lejohet që të fyhet më shumë figura e mësuesit, dhe prapë PISA e ardhshme do të na gjejë në këtë situatë tepër të keqe”, thotë Jasharaj.
Jasharaj e ka bërë fajtor kryeministrin Albin Kurti për nënçmimin ndaj mësimdhënësve. Thotë se ishte nismëtar i fyerjeve publike ndaj mësimdhënësve.
“Unë jam i bindur pa dashur ti mbrojë mësimdhënësit ata bëjnë angazhime një pjesë e madhe e tyre, por duhet të shohim edhe disiplinën në shkollë, edhe kushtet e punës. Unë po them shtetet e tjera kanë bërë shumë në këtë aspekt, por fjalët Kurti i ka pasur tmerrësisht të mëdha, do ta bëjmë këtë, do të ndërtojmë qindra çerdhe, do t’i kemi shkollat ashtu e kështu, mirëpo ndodhi e kundërta, ai ishte nismëtar shpesh edhe për fyerjen publike të figurës së mësuesit. Nuk e mbrojti figurën e mësuesit dhe mësuesit në Kosovë nuk po i krijon kushtet për punë të shekullit 21”, thotë Jasharaj.