Komisioni i Garave brenda Federatës së Futbollit të Kosovës ka njoftuar klubet pjesëmarrëse të çerekfinales së Kupës së Kosovës se shorti për këtë fazë të garave do të tërhiqet, të mërkurën (më 14 shkurt), në orën 12:00, në selinë e FFK-së.
Pjesë e shortit do të jenë tetë skuadra: Prishtina, Malisheva, Suhareka 23, Vjosa, Ballkani, Drita, Dukagjini dhe Trepça’89.
Kupa e Kosovës është trofeu i dytë më i rëndësishëm në futbollin kosovar dhe fitimi i saj siguron pjesëmarrjen në garat evropiane edicionin e ardhshëm.
Gjyqi i ish-presidentit të Republikës Federative të Jugosllavisë, Sllobodan Millosheviq kishte filluar më 12 shkurt 2002, në Gjykatën e krimeve të luftës të Kombeve të Bashkuara në Hagë të Holandës, nën akuzat për gjenocid dhe krime lufte në Bosnje, Kroaci dhe Kosovë.
Millosheviq ka shërbyer si avokat i tij për pjesën më të madhe të gjykimit të gjatë, i cili përfundoi pa një vendim.
“Kasapi i Ballkanit”, u gjet i vdekur në moshën 64-vjeçare nga një sulm në zemër në qelinë e tij, më 11 mars 2006.
Sot prej orës 11:00, pritet të mblidhet kryesia e Kuvendit.
Ky është rendi i ditës:
I. Miratimi i procesverbalit të mbledhjes së mëparshme të Kryesisë së Kuvendit,
II. Procedimi i tri (3) Propozim-amendamenteve Kushtetuese, me nr.28, 29 dhe 30
III. Pikat e papërfunduara nga Seanca plenare, e mbajtur më 8 shkurt 2024:
Votimi për emërimin e 3 (tre) anëtarëve vendorë të Këshillit Shtetëror të Cilësisë të Agjencisë së Kosovës për Akreditim,
Propozimi për përzgjedhjen e një (1) kandidati për gjyqtar në Gjykatën Kushtetuese të Republikës së Kosovës,
Zgjedhja e Komisionerit Parlamentar për Forcën e Sigurisë së Kosovës,
Zgjedhja e një (1) anëtari të Këshillit Prokurorial të Kosovës nga radhët e fakulteteve juridike të Republikës se Kosovës,
Shqyrtimi i Projekt-rezolutës për adresimin e çështjes së emigrimit të qytetarëve nga Republika e Kosovës,
Votimi në lexim të dytë i Projekt Kodit doganor dhe të akcizave, nr. 08/L-247,
Votimi në lexim të dytë i Projektligjit nr. 08/L-211 për Verëra,
Shqyrtimi i dytë i Projektligjit nr.08/L-243 për ndryshimin dhe plotësimin e Ligjit nr.06/L–037 për metrologji,
Shqyrtimi i dytë i Projektligjit nr.08/L-186 për rregullat e trafikut rrugor,
Shqyrtimi i dytë i Projektligjit nr.08/L-212 për shëndetin riprodhues dhe fertilizim të asistuar mjekësor,
Votimi në parim i Projektligjit nr.08/L-207 për tekstet shkollore,
Shqyrtimi i parë i Projektligjit nr.08/L-262 për ndryshimin dhe plotësimin e ligjeve që përmbajnë procedura të veçanta administrative dhe harmonizimin e tyre me Ligjin nr.05/L-031 për procedurën e përgjithshme administrative faza e dytë,
Shqyrtimi i parë i Projektligjit nr.08/L-265 për regjistrin e pronarëve përfitues,
Shqyrtimi i parë i Projektligjit nr.08/L-264 për rininë,
Shqyrtimi i parë i Projektligjit nr.08/L-268 për shpronësimin e pronës së paluajtshme,
Shqyrtimi i parë Projektligjit nr.08/L-272 për ndryshimin dhe plotësimin e Ligjit nr.06/L-010 për Noterinë, i ndryshuar dhe plotësuar me Ligjin nr.08/L-149,
Shqyrtimi i parë i Projektligjit nr.08/L-266 për gjendjen civile,
Shqyrtimi i parë i Projektligjit nr.08/L-267 për letërnjoftimin,
Shqyrtimi i parë i Projektligjit nr.08/L-269 për kontrollin e kufirit shtetëror,
Shqyrtimi i parë i Projektligjit nr.08/L-274 për Shërbimet Private të Sigurisë,
Shqyrtimi i parë i Projektligjit nr.08/L-282 për statusin, qëndrimin e përkohshëm dhe kalimin transit të forcave të huaja të armatosura në territorin e Republikës së Kosovës,
Shqyrtimi i parë i Projektligjit nr.08/L-286 për shtetësinë e Kosovës,
Shqyrtimi i parë i Projektligjit nr.08/L-287 për Këshillin e Sigurisë së Kosovës,
Shqyrtimi i parë i Projektligjit nr.08/L-275 për rrugët,
Shqyrtimi i parë i Projektligjit nr.08/L-278 për faturat e kulturave bujqësore dhe fletëmagazinave,
Votimi i Programit Kombëtar të Shkencës 2023/2028,
Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës,
Shqyrtimi i Raportit vjetor të Fondit të Kursimeve Pensionale të Kosovës për vitin 2022,
Shqyrtimi i Raportit vjetor për gjendjen e mjedisit në Kosovë për vitin 2022,
Shqyrtimi i Projektrezolutës për vlerësimin e punës së Zyrës së Rregullatorit të Energjisë për vitin 2022,
Shqyrtimi i Raportit me rekomandime nga mbikëqyrja e zbatimit të Ligjit nr.02/L-65 Civil Kundër Shpifjes dhe Fyerjes,
Shqyrtimi i Rekomandimeve nga mbikëqyrja e zbatimit të Ligjit nr.2003/5 për farërat,
Shqyrtimi i Rekomandimeve nga mbikëqyrja e zbatimit të Ligjit nr.04/L-114 për pasurimin e miellit,
Shqyrtimi i Rekomandimeve për Raportin e auditimit të performancës “Të hyrat nga qiraja në Agjencinë Kosovare të Privatizimit për periudhën 2012 – 2021”.
IV. Propozimi i rendit të ditës për Seancën plenare të radhës:
Miratimi i procesverbalit nga seanca e mëparshme,
Deklarimet jashtë rendit të ditës,
Pyetjet parlamentare,
Votimi i Projektligjit nr.08/L-234 për ratifikimin e Marrëveshjes së kredisë për programin e financave publike dhe rritjes ekonomike ndërmjet Republikës së Kosovës dhe Fondit OPEC për Zhvillim Ndërkombëtar,
Votimi i Projektligjit nr.08/L-236 për ratifikimin e Traktatit ndërmjet Republikës së Kosovës dhe Mbretërisë së Danimarkës për shfrytëzimin e institucionit korrektues në Gjilan me qëllim të ekzekutimit të dënimeve daneze,
Votimi i Projektligjit nr.08/L-253 për Aderimin e Republikës së Kosovës në Konventën për Importin e Përkohshëm,
Votimi i Projektligjit nr.08/L-254 për ratifikimin e Marrëveshjes ndërkombëtare ndërmjet Kosovës nga njëra anë dhe Bashkimit Evropian nga ana tjetër për pjesëmarrjen e Kosovës në Programin e bashkimit programi i tregut të vetëm,
Votimi i Projektligjit nr. 08/L-259 për Ratifikimin e Marrëveshjes së Financimit ndërmjet Republikës së Kosovës, e përfaqësuar nga Ministria e Financave, Punës dhe Transfereve, dhe Asociacionit Ndërkombëtar për Zhvillim për projektin “Projekti për forcimin e qeverisjes digjitale për ofrimin e shërbimeve”,
Votimi i Projektligjit nr.08/L-263 për ratifikimin e Marrëveshjes për sigurime sociale ndërmjet Republikës së Kosovës dhe Mbretërisë së Holandës,
Votimi i Projektligjit nr.08/L-271 për ratifikimin e Marrëveshjes ndërkombëtare ndërmjet Qeverisë së Kosovës, të përfaqësuar nga Ministria e Financave, Punës dhe Transfereve dhe Qeverisë së Konfederatës Zvicerane, të përfaqësuar nga Sekretariati shtetëror për çështje ekonomike për Projektin e “qëndrueshmërisë klimatike në sektorin e ujërave në Kosovë”,
Votimi i Projektligjit nr.08/L-273 për ratifikimin e Marrëveshjes së financimit në mes të Republikës së Kosovës, përfaqësuar nga Ministria e Financave, Punës dhe Transfereve, Korporata Energjetike e Kosovës (KEK), dhe KFW, Frankfurt Am Main, për Programin e energjisë solare I (solar4kosovo I) Fotovoltaik,
Votimi i Projektligjit nr.08/L-281 për ratifikimin e Marrëveshjes ndërkombëtare, për pjesëmarrjen e Kosovës në programin e Bashkimit Evropian “Evropa digjitale për periudhën 2021-2027” ndërmjet Republikës së Kosovës dhe Bashkimit Evropian,
Votimi për themelimin e Komisionit Hetimor Parlamentar lidhur me nivelin e menaxhimit të marrëdhënies së punës të anëtarëve të Shërbimit të Jashtëm dhe zyrtarëve të Ministrisë së Punëve të Jashtme dhe Diasporës,
Votimi për themelimin e Komisionit Hetimor Parlamentar mbi përgjegjësitë ekzekutive të Ministrisë së Drejtësisë në raport me zjarret e dyshimta në Institutin e Mjekësisë Ligjore, zhdukjen e mostrave në rastin e Astrit Deharit dhe çdo veprimi e mosveprimi të kësaj ministrie që ka cenuar pavarësinë dhe përgjegjësitë ligjore të këtij instituti,
Shqyrtimi i parë i Projektligjit nr.08/L-249 për ndryshimin dhe plotësimin e Ligjit nr.06/L-056 për Këshillin Prokurorial të Kosovës,
Shqyrtimi i parë i Projektligjit nr.08/L-289 për Komisionin e Pavarur të Mediave,
Shqyrtimi i parë i Projektligjit nr.08/L-277 për sport,
Zgjedhja e një (1) anëtari të Këshillit Prokurorial të Kosovës, përfaqësues nga shoqëria civile.
Sot në ora 12:00 në Mitrovicën e Veriut është paralajmëruar se do mbahet një protestë nga pensionistët e komunitetit serb. Kjo thirrje është bërë nga Lista Serbe përmes rrjetit social Facebook.
Protesta sipas tyre, vjen për të kundërshtuar vendimin e Bankës Qendrore të Kosovës për të ndaluar përdorimin e dinarit si mjet pagese.
Zëvendësdrejtori i policisë në Mitrovicën e veriut Veton Elshani për rtv21.tv tha se Policia ka pranuar informatat se për këtë protestë.
Në katër komunat veriore të Kosovës, me shumicë serbe, janë parë të dielën disa grafite të reja me mesazhet “Kur të kthehet ushtria në Kosovë, Brigada e Veriut jeton”.
Kryeministri i Kosovës, Albin Kurti, i është drejtuar të dielën komunitetit serb në Kosovë, duke i thënë se rregullorja e Bankës Qendrore të Kosovës (BQK) nuk ia ndalon Serbisë që t’iu ndihmojë atyre dhe Kosova nuk e ka ndaluar dinarin, ashtu sikurse asnjë valutë tjetër.
Ai i është referuar rregullores së BQK-së – që ka hyrë në fuqi më 1 shkurt – e cila parasheh që valuta e vetme për kryerje të transaksioneve me para të gatshme është euroja.
Sot mbushen 12 vjet nga tragjedia e Restelicës, fshat ky në komunën e Dragashit ku si pasojë e rënies së ortekut të borës kanë humbur jetën 10 banorë të këtij fshati, të gjithë të një familje.
Nga kjo fatkeqësi natyrore u shkatërruan dhjetëra shtëpi, ndërsa fatkeqësisë i mbijetoi vetëm në atë kohë 7-vjeçarja, Amsera Reka, e cila tashmë jeton te të afërmit e saj. Asaj i vdiqën babai, nëna, vëllai dhe gjyshërit.
Aksioni i shpëtimit ishte organizuar nga Forca e Sigurisë së Kosovës, por arritja deri te vendi i tragjedisë ishte i vështirë, për shkak kushteve atmosferike dhe borës së madhe.
Muret e objektit të Shoqatës së të Verbërve në Prishtinë, janë qarë në shumë vende. Kurse nga brenda, i ka mbuluar edhe myku.
Kjo ndërtesë nuk është rinovuar asnjëherë, që nga vitet e 60-ta.
Kreu i Shoqatës, Behxhet Gashi, thotë se intervenimi në të është urgjencë.
“Në të tëra anët ka myk, dhomat e vogla leje më se pak dhoma…”, tha Gashi.
Gashi thotë se të njëjtat probleme i ka adresuar tek të gjitha pushtetet në Prishtinë, por që është zhgënjyer. Veç ndërtimit të vrazhdë, ky shpreh nevojën edhe për mjete të duhura.
“Pe shihni vet në çfarë gjendje të mjerueshme jemi…”, tha Gashi.
Gjendjen mund ta ndërrojë paria aktuale e komunës, nëse e mban premtimin se do ta gëzojë shoqatën rinovim të objektit.
“Kemi qenë dhe kemi pa situatën atje, së shpejti do tua mundësojmë që të kenë një objekt të ri…”, tha drejtoresha për Mirëqenie Sociale në Prishtinë, Adelina Sahiti.
Aktualisht, shoqata ka 630 anëtarë, për të cilët kushtet që ofron ky objekt janë të pamjaftueshme.
Më shumë detaje i gjeni në Edicionin Qendror të lajmeve në videon më poshtë:
Dërrasën e zezë e ndajnë në mes, e po ashtu edhe klasën.
Në këtë mënyrë nxënësit e klasave 3 dhe 5, të shkollës fillore “Fan Noli”, në Broliq të Pejës, zhvillojnë procesin mësimor.
Pavarësisht dallimit në gjeneratë, këta kanë të njëjtën mësuese, për shkak të numrit të vogël të fatosëve. Gjithsej në këtë fshat janë 30 nxënës.
“Në këtë klasë i kam dy paralele, klasën e tretë dhe të pestë. Është shumë e vështirë ta menaxhoj, se i kam dy klasë me kombinim. Kështu me kombinim punoj që 13 vjet, mundohem ta ndaj orën, janë shumë pak por nuk iu mbesim borxh”, tha Ardiana Gashi, mësimdhënëse.
Drejtori i shkollës, Canë Gashi, thotë se të njëjtin problem e kanë edhe në paralelen e ndarë në fshatit Rashiq.
“Në dy paralelet kemi mësimin e kombinuar, klasat 2-4 dhe 3-5, mësojnë me një klasë. Jemi në diskutim me DKA-në për t’i mbyllur e për t’ua siguruar transportin deri tek shkolla amë në Kryshec. Shkolla i plotëson kushtet dhe është ndërtuar para dy vjetëve objekti i ri”, tha Gashi.
Për shkak të numrit të vogël të nxënësve, nga drejtoria e Arsimit në Pejë, thonë se po planifikojnë mbylljen e dy shkollave.
“Disa shkolla nëpër fshatrat e Pejës planifikohet të mbyllen, përfshirë edhe këto dy paralele të ndara të shkollës “Fan Noli”, në Broliq e Rashiq. Ne si Drejtori e Arsimit, do ua sigurojmë transportin nxënësve të këtyre dy paraleleve deri në shkollën amë në Kryshec të Pejës”, thuhet në përgjigjen e Naser Gegës nga DKA e Pejës.
Shkolla “Fan Noli”, është e ndarë në tri paralele, në fshatin Broliq, Rashiq dhe Kryshec. Ky i fundit nuk rrezikon të mbyllet, pasi ka mjaft nxënës.
Më shumë detaje i gjeni në Edicionin Qendror të lajmeve në videon më poshtë:
E panjohur është lënë vlera monetare e burimeve për jetësimin e Strategjisë së Punësimit 2023-2027 në Kosovë.
Veç kësaj, hartuesja, Ministria e Financave, Punës dhe Transfereve po kritikohet se në dokument ka lënë edhe paqartësi të tjera në qëllimet katërvjeçare.
Dardan Abazi nga Instituti për Politika Zhvillimore thotë se strategjia përfshin analizë të mirë të gjendjes aktuale, por çalon në konkretizim të objektivave.
“Te rezultatet është i mangët sepse nuk jepen shifra, as shpenzimet…”, tha Abazi.
Abazi vlerëson se, në tërësi, strategjitë qeveritare nuk përputhen mes vete. Prandaj kanë dërguar komente me vërejtjet se në këtë të Punësimit, nuk është përfshirë fare sektori i energjisë së gjelbër.
“Nuk janë përfshirë vendet që do të hapen në këtë sektor, izolimi, instalimet e paneleve…”, tha Abazi.
Strategjia katërvjeçare e punësimit përthekohet në tri objektiva. Zhvillimin e aftësive të fuqisë punëtore, rritjen e pjesëmarrjes në treg të punës të grave, të rinjve dhe grupeve në rrezik përjashtimi dhe përmirësimi i kushteve të punës.
Deri më 2027, mëtohet të ketë sigurim të detyrueshëm për të gjithë punëtorët. Ndërsa pritet të ulet në 10% informaliteti.
Qeveria, gjithashtu, synon që paga minimale të jetë sa gjysma e pagës mesatare të po atij viti.
Tashmë ka përfunduar periudha e konsultimit publik për këtë strategji, e cila pritet të miratohet në qeveri.
Më shumë detaje i gjeni në Edicionin Qendror të lajmeve në videon më poshtë:
Qentë në veri të Mitrovicës po ngordhin nga ajo që ja kanë nevojën më së shumti. Dikush po u servon atyre ushqim me helm.
Gjatë javës së kaluar, ngordhën 10 kafshë endacake nga helmimi, kurse vetëm të shtunën dy. Tre qenë tjerë u shpëtuan me intervenim.
Shoqata për Mbrojtjen e Kafshëve është alarmuar me këto veprime anonime.
“Ne kemi dërguar mostra të atij mishi në disa institucione dhe e dimë se është një helm i rëndë edhe për ta marrë sepse është i ndaluar. Helmi është pa ngjyrë dhe kur e shpërndajnë atë mbi mish ne nuk mundë ta shohim atë dhe qentë e hanë shumë shpejt dhe vdesin me vuajtje të shumta”, tha Dajana Gocmanac nga asociacioni i mbrojtjes së kafshëve “Putra”.
Të shqetësuar janë edhe zyrtarët e komunës. Nënkryetari i asamblesë, Skënder Sadiku, e adresoi këtë rast në polici, këtë të diel.
“Inspektorati është i njoftuar po edhe unë në kuadër të asamblesë komunale e kam për detyrë ta përcjelli çështjen e qenve endacak, ekziston një strategji kombëtare, ekzistojnë edhe motive që mendohet të ndihmohet mirëpo kjo vepër e shëmtuar vazhdon dhe është shumë shenj e keqe”, tha nënkryetari i Kuvendit Komunal në Mitrovicë të Veriut, Skënder Sadiku.
Zëdhënësi policor për veri, Veton Elshani, konfirmoi se rasti është në fazën e mbledhjes së informacioneve.
Helmimi i qenve në veri nuk është veprim vetëm i ditëve të fundit. Gjatë vitit të kaluar, veterinari Labinot Nimani thotë se ka shpëtuar mbi 100 sosh.
“Helmi që u përdor për të vrarë qentë ishte aq toksike saqë një sasi shumë e vogël bëri që qentë të ngordhnin ne mënyrë mizore brenda pak minutash, por gjithashtu shkaktoi helmim te aktivistët që u përpoqën t’i shpëtonin ose t’i sillnin në Klinikë për trajtim. Vetëm në vitin 2023, ne shpëtuam mbi 100 qen të helmuar në gjendje të rënd shëndetësore, dhjetëra të tjerë u gjetën në rrugë pa jetë. Në veri të Mitrovicës, qentë helmohen sistematikisht. Është vala e tretë e helmimeve masive që nga viti i kaluar”, tha Nimani.
Që të mos përkeqësohet gjendja, aktivistët kërkojnë që autoritetet përkatëse të jenë më efikase në mbrojtjen e jetëve të kafshëve.
Më shumë detaje i gjeni në Edicionin Qendror të lajmeve në videon më poshtë:
Ende nuk ka siguri rreth objektit të komunës së re në Prishtinë, ku 3 javë më parë ra një pjesë e çatisë, duke lënë të lënduar një vajzë 23 vjeçare.
Që të mos përsëritet një situatë e tillë, këtë të diele, komuna e Prishtinës lokalizoi hapësirën përreth saj, pasi erërat arritën shpejtësinë deri në 80 km/h.
Drejtori për siguri dhe emergjenca në komunë e Prishtinës, Lulzim Fushtica u ka bërë thirrje qytetarëve që t’i reduktojnë daljet kur ka erëra të forta.
Ndër tjera, Fushtica përmendi zonat të cilat u desh të intervenohej qysh në orët e mëngjesit.
Era të fuqishme pati edhe në fshatin Prugovc.
Përveç dëmeve materiale, erërat kishin bërë shpërndarjen e mbeturinave në shumë të kryeqytetit.
Më shumë detaje i gjeni në Edicionin Qendror të lajmeve në videon më poshtë:
