ATV

Blog

  • “Do të jetojë në Prishtinë”, Foda thotë se ishte e lehtë të pranonte ofertën e Kosovës

    “Do të jetojë në Prishtinë”, Foda thotë se ishte e lehtë të pranonte ofertën e Kosovës

    Franco Foda është përzgjedhësi i ri i Kombëtares së Kosovës.

    Trajneri gjerman është prezantuar sot nga Federata e Futbollit e Kosovës (FFK), shkruan Gazeta Express.

    Foda bëhet trajneri i pestë që do të drejtojë “Dardanët”, pas Albert Bunjakit, Bernard Challandes, Alain Giresse dhe Primoz Gliha.

    57-vjeçari gjithashtu bëhet trajneri i parë gjerman që do të jetë në krye të Kombëtares tonë.

    Foda ka nënshkruar kontratë 2-vjeçare. Ai do të ketë stafin e tij, i cili do të zbulohet më vonë.

    “Nuk ndjej presion, së bashku do t’ia dalim. Është e rëndësishme që të njoh lojtarët sa më shpejt. Kam shikuar disa ndeshje. Do përgatitemi për miqësoret e marsit dhe pastaj do të gjejmë një kundërshtar sa më të përshtatshëm”, tha ai në konferencën për media.

    Foda pastaj tregoi se si erdhi deri te vendimi për të pranuar ofertën e Kosovës.

    Ai gjithashtu tha se do të zhvendoset për të jetuar në kryeqytetin e Kosovës.

    “Së pari kontakti ishte online, pastaj kam ardhë në Kosovë për të parë kushtet. Ishte e lehtë të zgjedhja. Skuadra është shumë atraktive. Mund të kemi shumë sukses bashkë. Njoh disa lojtarë, si Rrahmani, Muriqi, Rashica, Paqarada. Jam shumë pozitiv me çfarë kam parë, stadiumin, hotelin, qendrën stërvitore, më kanë lënë shumë optimist. Kam parë disa lojë të Kosovës, kam vërejtur se luan me disa variante. Ka kohë për t’u përgatitur maksimalisht. Së pari duhet krijuar kontaktin me lojtarët. Do të jetojë në Prishtinë sepse ka lojtarë nga Superliga e Kosovës. Kryesisht do të jem këtu. Dellova i Ballkanit dhe Krasniqit i Llapit janë ndër ta. Do të shikoj lojtarët edhe jashtë, por kryesisht do të jem në Kosovë. Pasi që do të jetojë në Kosovë, do të shoh lojtarët më shpesh. Kushdo që përformon mirë, do të ketë vend te Kosova. Bashkë me ekipin tim do të përcjellim çdo javë lojë të ndryshme. Do të bëhet përzgjedhja e lojtarëve nga ta”, shtoi Foda.

    Franco Foda tregoi gjithashtu pse vendosi të pauzonte nga shtatori i vitit 2022, kur u shkarkua nga Zurichi.

    “Vendosa të pauzoja sepse isha për 15 vjet si trajner në ekipe të ndryshme. Gjatë pushimit pata më shumë kohë për familjen.

    Edhe pse kishte oferta muajve të fundit, kur mora kontaktin nga Kosova mu dok projekti interesant. Pashë që ka shumë talente në Kosovë. Ishte shumë e lehtë të pranoja”, deklaroi përzgjedhësi i ri i Kosovës.

  • Ademi: Mos prisni që unë të jap dorëheqje, vetëm nëse shkarkohem

    Ademi: Mos prisni që unë të jap dorëheqje, vetëm nëse shkarkohem

    Me rastin e prezantimit të trajnerit të ri të Kombëtares së Kosovës, presidenti i Federatës së Futbollit të Kosovës, Agim Ademi u pyet se çka do të ndodhë nëse dështon edhe zgjedhja e Franco Fodës.

    Franco Foda edhe zyrtarisht morri sot drejtimin e Kombëtares së Kosovës.

    Tekniku gjerman zëvendëson Primozh Glihën në stolin e “Dardanëve”.

    Gjatë konferencës së sotme, presidenti i FFK-së u pyet se çka do të ndodhë nëse dështon edhe zgjedhja e Franco Fodës, dhe a do të ketë dorëheqje nga posti i tij në FFK, ndërsa përgjigja e Ademit ishte e prerë.

    “Dorëheqje nuk jap kurrë, veç duhet nëse shkarkohem. Mos prisni”, tha Ademi.

     

  • Zbulohet shtatorja e Komandantit Legjendar Adem Jashari në Mitrovicë

    Zbulohet shtatorja e Komandantit Legjendar Adem Jashari në Mitrovicë

    Në mesin e qindra qytetarëve, sot në Mitrovicë në 16-vjetorin e shpalljes së Pavarësisë së Kosovës, u inaugurua shtatorja e Komandantit Legjendar, Adem Jashari.

    Në një fjalë rasti, vëllai i Komandantit të Ushtrisë Çlirimtare të Kosovës, Rifat Jashari, uroi të gjithë shqiptarët anë e kënd botës festën e Ditës së Pavarësisë, teksa uroi që “këtë shtatore dhe gjithë të tjerat t’i gëzojmë së bashku”.

    Në ceremoninë e inaugurimit, kryetari i Komunës së Mitrovicës, Bedri Hamza, tha se sakrifica e familjes Jashari e simbolizon dhe sintetizon historinë e të gjitha familjeve të Kosovës për liri.

    Ai tha se si rrallë herë në historinë e kombeve dhe njerëzimit, familja Jashari qëndruan heroikisht dhe ranë dëshmorë për lirinë e Kosovës, duke u përballur me ushtrinë dhe policinë serbe.

    Hamza shtoi kjo sakrificë u bë frymëzim dhe forcë mobilizuese për djemtë dhe vajzat e Mitrovicës që me armë në dorë luftuan denjësisht për lirinë e Kosovës.

    “Ditë kurorëzimi i një përpjekje të madhe, ajo kishte bashkuar të gjitha tokat e gjakut të dëshmorëve. Kur po shënojmë inaugurimin e shtatores, përkulemi para gjakut të dëshmorëve”, tha ai.

    Ndërkaq, lidhur me inaugurimin e shtatores së Adem Jasharit, i pari i Mitrovicës tha se kjo shtatore simbolizon realizimin e idealit tonë për liri.

    Në mesin e shumë të pranishmëve, prezent në këtë ceremoni ishte edhe djali i Hamëz Jasharit, Bekim Jashari, deputeti i PDK-së, Bekim Haxhiu dhe ish-kryetari i Mitrovicës, Agim Bahtiri.

    Shtatorja e heroit Adem Jashari u punua nga skulptori Sabri Behramaj.

  • ​Zyrtare, Franco Foda trajner i Kombëtares së Kosovës

    ​Zyrtare, Franco Foda trajner i Kombëtares së Kosovës

    Kombëtarja e Kosovës edhe zyrtarisht është bërë me trajner të ri.

    Në krye të Dardanëve është përzgjedhur Franco Foda, trajner austriak i cili ka arritur marrëveshje me drejtuesit e Federatës së Futbollit të Kosovës.

    57-vjeçari në karrierën e ka drejtuar skuadra si Baseli, Stutgarti, Arminia Bielefeld, e të tjera.

    Ai vjen në këtë pozitë për ta pasuar sllovenin Primoz Gliha.

  • Abdixhiku citon Rugovën: Shtëpia nuk mbahet pa miq, nuk mbahej dje, s’mbahet sot, s’do të mbahet as nesër

    Abdixhiku citon Rugovën: Shtëpia nuk mbahet pa miq, nuk mbahej dje, s’mbahet sot, s’do të mbahet as nesër

    Kryetari i Lidhjes Demokratike të Kosovës, në fjalën e tij në seancën solemne të Kuvendit të Kosovës, ka cituar Presidentin Historik, Ibrahim Rugovën, i cili kishte thënë se “Shtëpia nuk mbahet pa miq”.

    Abdixhiku tha aleancat nuk trashëgohen, por se fitohen, mbrohen dhe dorëzohen tek brezat e ardhshëm.

    “Shtëpia nuk mbahet pa miq, nuk mbahej dje, s’mbahet sot, s’do të mbahet as nesër”, citoi fjalët e ish-presidentit Rugova.

    “Sikurse liria, edhe aleancat tonë nuk trashëgohen, ato fitohen, mbrohen, e dorëzohen tek brezat e tjerë. Si gjeneratë politike e sotme , e kemi për obligim, jo si borxh detyrimi por si sjellje fisnike, që këto aleanca t’ua mësojmë breznive që vijnë”, tha kreu i LDK-së.

    Tutje, tha se Kosova u bë shtet i pavarur dhe sovran falë unitetit të brendshëm, lëvizjes paqësore dhe luftës çlirimtare, si dhe mbështetjes ushtarake dhe diplomatike nga jashtë

    “Republika e Kosovës, shtet i pavarur dhe sovran u bë falë unitetit tonë të brendshëm, lëvizjes paqësore dhe luftës çlirimtare, si dhe mbështetjes ushtarake dhe diplomatike nga jashtë. U bë sepse treguam dhe dëshmuam kulturë të brendshme politike, dhamë të gjithë potencialin tonë kombëtar dhe krijuam ura bashkëpunimi mes vete e aleatëve, prandaj edhe kapërcyem sfida të pakapërcyeshme më parë”, deklaroi ai.

  • Tahiri për Thaçin: Ai që e lexoi deklaratën e Pavarësisë s’e gëzon lirinë – Sot jemi mbledhur ta festojmë veprën e tij historike

    Tahiri për Thaçin: Ai që e lexoi deklaratën e Pavarësisë s’e gëzon lirinë – Sot jemi mbledhur ta festojmë veprën e tij historike

    Shefi i deputetëve të Partisë Demokratike të Kosovës, Abelard Tahiri, ka përkujtuar fjalët e ish-presidentit Hashim Thaçi gjatë shpalljes së Pavarësisë më 17 shkurt të vitit 2008.

    Në seancën solemne për nderë të Pavarësisë së Kosovës, Tahiri tha se Thaçi dhe të tjerët janë duke e vazhduar betejën e radhës për Kosovën.

    “16 vite më parë në 17 shkurt të vitit 2008, e pa përsëritur presidenti Hashim Thaçi në emër të popullit të Kosovës i prezantoi Kuvendit të Kosovës deklaratën e pavarësisë. Nëpërmjet të cilës shpallem Kosovën shtet të pavarur, sovran dhe demokratikë. Ne fjalën e tij presidenti Thaçi e përshkroi 17 shkurtin ashtu siç ishte në të vërtet. Si sublimi i përpjekje të shumta të patriotëve që asnjëherë nuk ndaluan se angazhuari për Kosovën. Si sublimim i gjakut të shumë brezave të kësaj toke. Ai që lexonte këto fjalë, këtë arritje të papërsëritshme për popullin e Kosovës, presidenti Hashim Thaçi sot nuk e gëzon lirin e Kosovës por vepra e tij jeton. Prandaj sot jemi mbledhur ta shënojmë 16-vjetorin  e kësaj vepre historike. Hashim Thaçi dhe shokët e tij bashkëluftëtarë të UCK-së, Kadri Veseli, Jakup Krasnqi, Rexhep  Selimi e shumë të tjerë janë në betejën e radhës për Kosovën duke luftuar për drejtësi dhe për ta pastruar emrin e lavdisë së madhe të UÇK-së të cilën nuk e ndoten asnjë herë”, tha ai.

  • Osmani: Prezenca ushtarake e Serbisë në Kosovë ka përfunduar një herë e përgjithmonë më 1999

    Osmani: Prezenca ushtarake e Serbisë në Kosovë ka përfunduar një herë e përgjithmonë më 1999

    Presidentja e Kosovës, Vjosa Osmani, ka thënë se prezenca ushtarake e policore e Serbisë në Kosovë ka përfunduar që nga viti 1999, ndërsa ka kërkuar që të ruhet partneriteti me bashkësinë ndërkombëtare.

    Në Seancën Solemne për nderë të 16-vjetorit të Pavarësisë së Kosovës, presidentja Osmani, tha se gjaku i dëshmorëve e martirëve është bazament i lirisë.

    “17 shkurti është arritura jonë më e madhe historike. Republike jonë po konsolidohet çdo ditë. Liria jonë nënkupton për ne vetë karakterin e ekzistencës sonë. Sot përulemi  para brezave që iu dedikuan lirisë. Kujtojmë mbi të gjitha dëshmorët dhe martirët e lirisë gjaku i të cilëve është bazamenti i lirisë. Në zemër të rrugëtimit tone qëndron edhe forca e aleancave tona. Ju ishit me ne në çdo kohë. Ju kemi pranë pa as një dyshim në mbrojtje të sovraniteti e demokracisë. Aleanca me SHBA qëndron si shtylla më e rëndësishme. Siguria dhe paqja e qëndrueshme nuk vjen vetëm por si rezultat i bashkëpunimit. Prandaj ta ruajmë më zell frymën e bashkëpunimit”, tha Osmani.

    “Lë të jetë e qartë se prezenca ushtarake e policore e Serbisë në Kosovë ka përfunduar një herë e përgjithmonë në vitin 1999. Heroi Afrim Bunjaku dha jetën e vete për t’i dhënë jehonë thënies se ‘Kosovë ne të dalim Zot’”, tha presidentja Osmani.

    Në fjalimin para deputetëve të Kuvendit, ku të pranishëm ishin edhe ambasadorë. Ajo ka falënderuar në mënyrë të veçantë këta të fundit, shtetet e të cilëve ndihmuan në çlirimin dhe shtetndërtimin e Kosovës.

    “Në mënyrë të veçantë duhet tu falënderohemi miqve tanë të lirisë. Ju ishin me ne përgjatë rrugëtimit tonë kur na mohohej çdo e drejtë, kur shtypeshim mizorisht e kur luftonim për lirinë, kur u çliruam e kur ndërtuam institucionet tona demokratike. E ju kemi pranë pa asnjë dyshim edhe sot në mbrojtje të sovranitetit, të kufijve tanë, dhe demokracisë. Aleanca jonë me SHBA-në qëndron si shtylla më e fuqishme e shtetësisë sonë”, ka thënë ajo.

  • Kurti: Serbia ka zgjedhur konfrontimin, refuzoi nënshkrimin e marrëveshjes për normalizim të marrëdhënieve me Kosovën

    Kurti: Serbia ka zgjedhur konfrontimin, refuzoi nënshkrimin e marrëveshjes për normalizim të marrëdhënieve me Kosovën

    Kryeministri i Kosovës, Albin Kurti në seancën plenare për nder të 16-vjetorit të pavarësisë së Kosovës ka folur për dialogun me Serbinë ku ka thënë se Serbia në vend të fqinjësisë së mirë ka zgjedhur konfrontimin.

    Ai tha se Serbia dështoi në sulmin terrorist në Banjskë falë profesionalizimit të policisë sonë.

    “Është për keqardhje që Serbia ka zgjedhur konfrontimin, ka refuzuar nënshkrimin e marrëveshjes bazike për normalizimin e marrëdhënieve me Kosovën që sjell fqinjësi të mirë. Në vend të saj përqafoi terrorizmin, edhe aty dështoi falë profesionalizmit të policisë sonë”, deklaroi Kurti.

    Ai përmendi edhe pasivizimin e adresave të shqiptarëve në Luginë, duke thënë se janë pakica më e diskriminuar në Evropë.

    “Kosovën e kanë pjekur para kohe qëndresa e popullit tonë. Republika e Kosovës garanton të drejta me të gjëra për pakicat në rajoni tonë posaçërisht për serbet që përfitojnë e kontribuojnë në shtetin tonë të përbashkët. Ndërsa shqiptarët e Luginës së Preshevës janë pakica më e diskriminuar në Evropë që edhe sot po i nënshtrohet spastrimit nëpërmjet të ashtuquajturit pasivizim të adresave… Bashkëpunimi me Shqipërinë do të shtohet dhe qeveri e Kosovës mbete e zotuar për t’i zbatuar marrëveshjet. Kosova është në krahë të Maqedonisë së Veriut dhe të Malit të Zi si shtet fqinjë me të cilët ndajmë vlera të njëjta”, tha ai.

    Para deputetëve, Kurti tha se nëse Serbia do të kishte ndier përgjegjësi për gjenocidin në Kosovë do ta kishte njohur Pavarësinë e Kosovës qysh më 17 shkurt 2008.

    “Edhe sot si çdo vit mblidhemi për të uruar ditëlindjen e Kosovës. Me 16 vitet e saj në supe, është shteti më i ri rajon, por me vetëdije të pjekur po aq sa shtetet më të vjetra se ajo. Pavarësia ishte realizim i një aspirate popullore. Kosovën e ka pjekur para kohe qëndresa e popullit tonë ndaj valëve të njëpasnjëshme të pushtimeve dhe gjenocideve. Kosova u bë Republikë në Kaçanik dhe u luftua me pushkë të UÇK-së. Me flijimet që bëri për idenë e Republikës, Kosova fitoi simpatinë e shteteve demokratike që i dolën në krah më 1999. Më 2008 s’kishte mbetur dilemë te ndërkombëtarët se nëse Republika e Kosovës do të vinte. Por diskutohej të vinte në një trajtë të tillë që ishte e pranueshme edhe për armikun më të madh të saj, shtetin serb, që kishte dashur ta mbyste idenë e shtetit të shqiptarëve. Të gjithë e kemi të qartë se në rast Serbia shtetërore do të ishte ndier sado pak përgjegjëse për gjenocidin në Kosovë, nëse në politikën e saj do të kishte mbizotëruar arsyeja dhe jo revanshizmi shovinist, ajo duhej ta kishte njohur Kosovën qysh më 2008. Kosova garanton të drejtat më të gjera për pakicat në rajonin tonë, posaçërisht te serbët”, tha ai.

  • Deputeti kanadez uron në shqip Pavarësinë e Kosovës

    Deputeti kanadez uron në shqip Pavarësinë e Kosovës

    Deputeti kanadez Kyle Seeback ka marrë duartrokitje të vazhdueshme teksa ka uruar në shqip Ditën e Pavarësisë së Kosovës.

    “Republika e Kosovës gjithmonë ka pasur mik në Kanada”, ka thënë ai gjatë urimit të tij.

    Derisa “Urime Dita e Pavarësisë”, ishin fjalët e tij në gjuhën shqipe.

    “Më 17 shkurt, Republika e Kosovës feston 16 vjetorin e Pavarësisë. Rruga e Kosovës drejt Pavarësisë nuk ishte e lehtë, gjatë luftës së tyre për liri në vitin 1999, dhjetëra mijëra shqiptarë të Kosovës u vranë dhe dhjetëra mijëra të tjerë u kthyen në refugjatë. Historitë e tyre të tragjedisë dhe vuajtjeve janë vërtet të vështira për t’u dëgjuar, por Republika e Kosovës gjithmonë ka pasur një mik në Kanada. Kanadaja ishte një nga vendet e para që njohu Pavarësinë e Kosovës në vitin 2008, dhe Kanadaja mirëpriti mbi 7.000 refugjatë kosovarë në Kanada, duke përfshirë të fejuarën time dhe të gjithë familjen e saj. Dhe 25 vjet më vonë, ata ish-refugjatë kanë ndërtuar jetën këtu në Kanada. Ata e kanë pasuruar Kanadanë me kulturën e tyre, punën e tyre të palodhur dhe dashurinë e tyre për Kanadanë. Të gjithë kosovaro-kanadezëve u them ‘Urime dita e Pavarësisë!’”, ka thënë deputeti kanadez në urimin e tij me rastin e 16-vjetorit të pavarësisë.

  • ​Abdixhiku bën homazhe te varri i Rugovës

    ​Abdixhiku bën homazhe te varri i Rugovës

    Kryetari i Lidhjes Demokratike të Kosovës, Lumir Abdixhiku me bashkëpunëtorë ka bërë homazhe te varri i Presidentit Historik dr. Ibrahim Rugova në 16-vjetorin e Pavarësisë së Kosovës.

    Kryetari Abdixhiku ka kujtuar e nderuar atin themeltar të shtetit tonë, Presidentin Historik Rugova i cili themeloi e udhëhoqi lëvizjen më të madhe shqiptare për liri e pavarësi dhe të gjithë burrat e gratë që kanë dhënë gjithçka për vendin tonë dhe na kanë mësuar se sa e shtrenjtë është liria e shtetësia.

    “Kryetari Abdixhiku po ashtu shprehu mirënjohje e falënderim për të gjithë miqtë dhe aleatët e Kosovës që në orët më të rënda qëndruan me ne dhe e mbështetën vendin tonë, që ta gëzojmë ditën e sotme. Gëzuar 16 vjetori i pavarësisë, Kosovë”, njofton LDK.