ATV

Blog

  • 27 mijë gjoba trafiku për dy javë, ligji i ri synon uljen e shkeljeve

    27 mijë gjoba trafiku për dy javë, ligji i ri synon uljen e shkeljeve

    Përgatiti: Armand Hoti

    Me njërën dorë, po e nget veturën, e me tjetër po e përdor telefonin. Në raste tjera nëpër kryeqytet, shihen vozitës që nuk e kanë vendosur rripin e sigurisë.

    Këto janë disa nga shkeljet e rregullave të trafikut, për të cilat, policia në dy javët e fundit shqiptoi mbi 27 mijë gjoba në gjithë Kosovën.

    Eksperti i komunikacionit, Nol Dedaj, thotë se ngasësit e automjeteve nuk janë vetëdijesuar fare ndër vite.

    “Nuk është ndonjë ndryshim i madh për shkak se ne llogarisim që çdo ditë në Kosovë ipen rreth 1000 apo 1500 gjoba, kjo nuk po ndryshon për vite të tëra pra dhjet apo 15 vite është thuajse një mesatare e njëjta”, tha Dedaj.

    Madje, pak ditë më parë dikush u dërgua edhe në paraburgim pasi me veturë, goditi për vdekje një të ri në Prishtinë. Kurse deri më tash, gjatë këtij viti, ka ndodhur tetë aksidente me fatalitet.

    Me projektligjin e ri për rregullat e trafikut rrugor, që u miratua javën e kaluar, do të ashpërsohen gjobat për shkelësit e rregullave.

    Mosvendosja e rripit do jetë e dënueshme me gjobë prej 150 eurosh. Kurse për ata që përdorin telefonin gjatë vozitjes, do shqiptohet gjoba prej 100 eurosh, nëse kjo ndodhë për herë të parë.

    Krahas dënimeve, Dedaj propozon të punohet më shumë në edukimin e vozitësve.

    “Së pari, askund në botë nuk ke ligj për rregullat e komunikacionit, sepse rregullat vendosen në bazë të ligjeve. Kjo varret më shumë nga menaxhimi i trafikut, dhe nga masat edukative dhe jo ndëshkuese, tek atëherë do shihnim rezultate më të mira”, tha Dedaj.

    Sipas të dhënave zyrtare, 88 raste të vdekjes si pasojë e aksidenteve në trafik u shënuan në vitin 2023.

    Më shumë detaje i gjeni në Edicionin Qendror të lajmeve në videon më poshtë:

  • Sulmuesi Miris Hoti tregon se si një lëndim i rëndë ia pamundësoi transferimin te Fenerbahce

    Sulmuesi Miris Hoti tregon se si një lëndim i rëndë ia pamundësoi transferimin te Fenerbahce

    Futbollist i cili luan si sulmues Miris Hoti ka qenë i ftuar në emisionin ‘A PLAY’ në ATV.

    Lojtari i cili në të kaluarën ka qenë pjesë e disa skuadrave në Kosovë dhe Shqipëri, përfshirë edhe Kukësin, ka treguar se si lëndimi i rëndë që e kishte pësuar ia kishte pamundësuar transferimin te Fenerbahçe.

    Përndryshe Hoti tani është 24 vjeçar dhe aktivizohet te skuadra e divizionit të ulët FC Lussane në Zvicër.

    Për më shumë ndiqeni intervistën e tij.

  • Ish-futbollisti i Dritës, Genc Sermaxhaj: Askush nuk mund të krahasohet me Ballkanin

    Ish-futbollisti i Dritës, Genc Sermaxhaj: Askush nuk mund të krahasohet me Ballkanin

    Ish- futbollsiti i shumë skuadrave në Kosovës  së fundmi trajneri i skuadrës U21 te Gjilanit ka qenë i ftuar në emisionin ‘A PLAY’ në ATV.

    Sermaxhaj duke i komentuar ndeshjet e fundit te Ballkanit, ka deklaruar që ekipi i cili drejtohet nga Ballkani është bindshëm më i miri në Kosovë.

    ‘Ekipi i Ballkanit është bindshëm, bindshëm më i miri në Kosovë, ka një trajner shumë të mirë. Unë i jap përparësi në garën për titull’ tha Sermaxhaj.

    Intervistën e plotë te Genc Sermaxhaj, mund të shikoni më poshtë.

  • Nderim Nexhipi ia mbyll derën rivalit te Ballkanit

    Nderim Nexhipi ia mbyll derën rivalit te Ballkanit

    Ish- drejtori sportiv i Ballkanit dhe së fundmi Manisës në Turqi, Nderim Nexhipi ka qenë i ftuar në emisionin ‘A PLAY’ në ATV.

    Në ATV, Nexhipi është pyetur edhe për mundësinë e rikthimit të tij në futbollin e Kosovës  dhe nëse mund ta shohim te skuadra FC Suhareka.

    Megjithatë ish-drejtori i Ballkanit e ka mohuar mundësinë që të merr pozitën e drejtorit te klubi rival i Ballkanit.

    ‘Me një nga investitorët gjatë kohës sa isha te Ballkani isha shumë i afert, me bëhet qejfi që kanë filluar një projekt të mirë dhe që pretendojnë Superligën, por nuk kam fol dhe nuk kam pasur kontakte’ tha Nexhipi.

    Më poshtë mund të shihni intervistën e plotë të Nderim Nexhipit.

  • Zhegrova ka kualitet për të luajtur te Barcelona, vlera e tij duhet të jetë 30 milionë euro, thotë Nderim Nexhipi

    Zhegrova ka kualitet për të luajtur te Barcelona, vlera e tij duhet të jetë 30 milionë euro, thotë Nderim Nexhipi

    Ish- drejtori sportiv i Ballkanit dhe së fundmi Manisës në Turqi, Nderim Nexhipi ka qenë i ftuar në emisionin ‘A PLAY’ në ATV.

    Nexhipi duke folur për vlerën e futbollistëve shqiptar në treg ka thënë që futbollisti i kombëtares së Kosovës, Edon Zhegrova duhet të këtë vlerë rreth 30 milionë euro në ‘Transfermarkt’.

    ‘Unë mendoj që Zhegrova në këtë moment duhet të këtë vlerë 30 milionë euro, sepse është një lojtar i jashtëzakonshëm, ai po luan në një nga ligat më të fuqishme në botë dhe fizikisht liga e Francës është shumë vështirë. Ai ka kualitet edhe për të luajtur për Barcelonën’ tha Nexhipi.

    Kujtojmë që vlera aktuale e Zhegrovës sipas ‘Transfermarkt’ është 10 milionë euro.

    Përndryshe në këtë intervistë Nexhipi po ashtu ka treguar edhe për disa futbollistë tjerë shqiptarë që pritet të ndryshojnë skuadër gjatë verës.

  • ‘Trafiku Urban’ del me sqarim lidhur me rastin e gruas që vdiq pas alivanosjes në autobus

    ‘Trafiku Urban’ del me sqarim lidhur me rastin e gruas që vdiq pas alivanosjes në autobus

    Ndërmarrja publike lokale ‘Trafiku Urban’ ka dalë me një sqarim lidhur me rastin e një gruaje, që vdiq pas alivanosjes në një autobus urban në Prishtinë mesditën e së shtunë.

    Nga kjo ndërmarrje përmes një komunikate për media kanë bërë me dije se tashmë të ndjerës i është ofruar ndihma e parë dhe se janë njoftuar menjëherë ekipet emergjente.

    “Me datën 02.03.2024 në autobusin e linjës 3C, rreth orës 12:13, stafi i autobusit ka njoftuar se ka ndodhur një rast në autobus ku është alivanosur një qytetare. Në bazë të videoincizimeve të nxjerra nga kamerat e autobusit dhe raportit të punëtorëve që ishin në autobus, vërehet se qytetarja në fjalë ka hyrë në autobus së bashku me një qytetare tjetër nga dera e parë dhe është ulur në karrigen e parë në anën e djathtë të autobusit në krah me derën e hyrjes”, thuhet në njoftimin e ndërmarrjes.

    “Pasi që është ulur, qytetarja alivanoset dhe konduktori reagon menjëherë, duke ofruar ndihmë dhe njoftuar shërbimin e ndihmës së shpejtë, të cilët kanë arritur për 4 minuta në vendngjarje”.

    “Vlen të theksohet se në kohën e ndodhjes së ngjarjes, autobusi ka qenë i ndalur në stacion, në të cilin kanë qenë prezentë rreth 17 qytetarë!”, thuhet ndër të tjera në njoftim.

    Policia e Kosovës përmes raportit 24-orësh ka njoftuar se një grua ka vdekur mesditën e së shtunës pas alivanosjes në një autobus urban të Prishtinës.

    Në njoftim thuhet se mjeku në QKUK ka konstatuar vdekjen e viktimës.

    “Prishtinë / 02.03.2024 – 12:26. Viktima femër kosovare është dërguar në QKUK pasi që, ishte alivanosur në një autobus urban dhe më pas mjeku ka konstatuar vdekjen e viktimës”, thuhet në njoftim.

    Trupi i viktimës është dërguar për obduksion në Institutin e Mjekësisë Ligjore.

  • ShBA goditet nga stuhia masive, era arrin shpejtësinë deri në 305km/h

    ShBA goditet nga stuhia masive, era arrin shpejtësinë deri në 305km/h

    Një stuhi masive po godet disa pjesë të Kalifornisë dhe Nevadës në Shtetet e Bashkuara perëndimore.

    Stuhia e borës ka mbyllur rrugët kryesore, ka mbyllur vendpushimet e skive dhe ka lënë dhjetëra mijëra shtëpi pa energji elektrike, shkruan BBC, transmeton KosovaPress.

    Stuhia ishte veçanërisht e rëndë në rajonin malor të Sierra Nevada, ku era thuhet se arriti shpejtësinë 305 km/h (190 mph).

    Njerëzit janë paralajmëruar për një “rrezik të lartë deri në ekstrem orteku” atje, duke përfshirë zonën më të madhe të Liqenit Tahoe.

    Një hartë e ndërprerjeve të energjisë elektrike tregon më shumë se 33.000 njerëz në Nevada dhe gati 24.000 në Kaliforni pa energji elektrike.

    Zonat malore u goditën më keq nga stuhia.

    Deri në 3 metra borë pritej në lartësi më të larta, tha të shtunën një meteorolog i Shërbimit Kombëtar të Motit të SHBA-së, gje qe mund të krijojë “shqetësim kërcënues për jetën” për njerëzit që jetojnë pranë liqenit Tahoe.

    Parku Kombëtar Yosemite u mbyll të premten dhe vizitorëve iu kërkua të largoheshin deri në mesditë. Parku do të qëndrojë I mbyllur të paktën deri të dielën pasdite, dhe mundësisht edhe më gjatë në varësi të kushteve të motit.

    Ndersa disa pjesë të tjera të Shteteve të Bashkuara vazhdojnë të përjetojnë mot ekstrem. Zjarret po shpërthejnë në Teksas, ku zjarrfikësit po përpiqen të frenojnë flakët masive mes kushteve të vështira atmosferike.

  • Liberalizimi i vizave, ja sa nxënës dhe mësimdhënës u larguan nga vendi

    Liberalizimi i vizave, ja sa nxënës dhe mësimdhënës u larguan nga vendi

    Numri i nxnësve që kanë kërkuar dokumentet për të migruar jashtë vendit në gjysmë vjetorin e parë të këtij viti shkollor dhe vetëm dy muaj pas liberalizimit të vizave, ka arritur në 267. Megjithatë, numri më i madh raportohet se është i mësimdhënsve.

    Janë afër 600 mësimdhënës të cilët janë larguar jashtë vendit, e ku ka nga ata që dalin edhe pa e lajmëruar largimin nga puna. Ndërsa, nxënsit po kërkojnë flet kalimet me arsyen për bashkimi familjar dhe shkollim në një shtet tjetër.

    Nga drejtuesit e Sindikatës së Arsimit dhe disa drejtor të shkollave, kjo gjendje nëpër shkolla po konsiderohet shqetësuese, madje ata theksojnë se nëse vazhdon ky fluks i largimit të nxënësve dhe mësimdhënësve, shkolla në vend do të mbesin të zbrazura.

    Vetëm në shkollën fillore “Mihal Grameno”, në Fushë-Kosovë, kanë kërkuar flet-lëshim 75 nxënës dhe një mësuese.

    Drejtori i kësaj shkolle, Ismet Gashi tha se këto fletë-lëshime për të lënë shkollën, nuk janë të fundit.

    Sipas tij, edhe një numër tjetër i nxënësve janë në pritje të dokumenteve për t’u larguar nga shkolla.

    Po ashtu, edhe drejtoresha e shkollës fillore “Gjergj Fishta”, Supije Zhitia ka treguar se numri i nxënësve ka rënë dhe se kanë pasur disa kërkesat për fletë-kalime me arsyetimet për bashkim familjarë jashtë vendit.

    Ndërkaq, se shkollat do të mbesin edhe pa mësimdhënës e thotë nënkryetarja e Sindikatës së Arsimit, Vjollca Shala.

    Shala tha se liberalizimi i vizave është një rrugë e hapur për të ikur mësimdhënësit.

    E Ministria e Arsimit, Shkencës dhe Teknologjisë, në një përgjigje me shkrim, kanë treguar se numri i nxënësve të cilat kanë kërkuar dokumentet e tyre për t’u larguar nga shkolla është 267.

    “Numri i nxënësve të larguar nga institucionet para universitare (publike dhe private) në gjysmë vjetorin e parë të këtij viti shkollor ishte 267. Kurse, në vitin shkollor 2022/2023, ky numër ishte 388”, kanë shkruar MASHT-i./kp

  • Shkruhet historia: Hendbollistet U-18 të Kosovës kualifikohen në Kampionatin Botëror

    Shkruhet historia: Hendbollistet U-18 të Kosovës kualifikohen në Kampionatin Botëror

    Kombëtarja e Kosovës në hendboll U-18, konkurrenca e vajzave, kanë shkruar historinë, duke u kualifikuar për herë të parë në Kampionatin Botëror U-18.

    Vajzat u bënë kampione të garës “IHF Trophy Intercontinental”, të mbajtur në Tashkent të Uzbekistanit.

    Kosova mundi në finale Nigerinë, 22:16.

    Ndryshe, kjo është hera e dytë që një kombëtare e sporteve ekipore siguron pjesëmarrjen në Botëror, pas djemëve, Po ashtu të Hendbollit U-21.

  • Qeveria prezanton logon e shënimit të 26 vjetorit të Epopesë së UÇK-së

    Qeveria prezanton logon e shënimit të 26 vjetorit të Epopesë së UÇK-së

    Qeveria e Kosovës e ka prezantuar logon për shënimin e 26 vjetorit të Epopesë së UÇK’së.

    Më 5, 6 dhe 7 mars të vitit 1998 në Prekaz të Skenderajt forcat serbe sulmuan shtëpitë e familjes Jashari, duke vrarë 55 anëtarë të familjes Jashari.

    Këtij sulmi i kishte mbijetuar Bashkimi, djali i Rifatit, i cili ia kishte dalë që mes datës 5-6 mars të largohej nga rrethina dhe Besarta, vajza e Hamzës, e cila e kishte përjetuar tmerrin.