ATV

Blog

  • Von der Leyen mban fjalimin e fundit në Komisionin Evropian para zgjedhjeve të qershorit

    Von der Leyen mban fjalimin e fundit në Komisionin Evropian para zgjedhjeve të qershorit

    Presidentja e Komisionit Evropian, Ursula von der Leyen, sot e ka mbajtur fjalimin e saj të fundit para se të mbahen zgjedhjet e reja në këtë institucion të Bashkimit Evropian që janë nga 6 deri më 9 qershor.

    Shefja e Komisionit në seancën e fundit para zgjedhjeve prezantoi rezultatin e diskutimeve në Këshillin e Jashtëzakonshëm Evropian të 17-18 Prillit, veçanërisht për çështjen e konkurrencës, linjën Letta-Draghi dhe Unionin e Tregjeve të Kapitalit.

    “Ne kemi dëgjuar disa ide shumë të mira nga Letta për tregun tonë të vetëm. Çështja më e ngutshme është faktorët kyç që përcaktojnë kostot, çmimet dhe produktivitetin në Evropë”, tha Von der Leyen duke shtuar se kjo ishte nga samiti i liderëve të BE-së që Komisioni mori një mandat “të qartë” për të ecur përpara në tre “çështje jetike”, shkruan Eunews.

    Presidentja ua bëri të qartë eurodeputetëve. Së pari dhe më kryesorja është harmonizimi i rregullave kombëtare “për çështje të tilla si paaftësia paguese” për t’u siguruar investitorëve “parashikueshmërinë që u nevojitet”, dizajni i “produkteve të kursimeve ndërkufitare për investitorët me pakicë” dhe forcimi i mbikëqyrjes në mbarë BE-në” nga pjesëmarrësit më të rëndësishëm të tregut.

  • Profesori amerikan: Vuçiqi bombastik u mund nga Osmani

    Profesori amerikan: Vuçiqi bombastik u mund nga Osmani

    Profesori amerikan i Universitetit Johns Hopkins, ka komentuar seancën e Këshillit të Sigurimit të Kombeve të Bashkuara, në veçanti përplasjen mes Presidentes Osmani dhe Presidentit serb Vuçiq.

    Profesori Joseph tha se Osmani e ka mundur Vuçiq-in në debat me të.

    “Surpriza më e madhe nga përballja e sotme e KS të OKB-së mes Presidentes së Kosovës, Vjosa Osmani dhe Presidentit të Serbisë Aleksandar Vuçiq: Vuçiqi bombastik u mund nga Osmani e cila ishte e përgatitur tërësisht? Jo, kjo ishte e pritshme. Osmani: “Ndërhyrja e NATO-s … shënoi një … moment historik vendimtar në historinë e njerëzimit.” Përfaqësuesi rus: “Agresioni i NATO-s kundër ish-Jugosllavisë u bë një pikë uji në historinë globale””, ka shkruar profesori Joseph në platformën “X”.

  • 25-vjeçari nga Kosova vdes në aksident trafiku në Itali, punonte si shofer kamioni

    25-vjeçari nga Kosova vdes në aksident trafiku në Itali, punonte si shofer kamioni

    25-vjeçari, Haris Shala nga Kosova ka gjetur vdekjen në një aksident në Itali.

    Mediat italiane raportojnë se ngjarja ka ndodhur në Piza në autostradën e Brenerit, ditën e djeshme.

    Shala punonte si shofer kamioni dhe momentin tragjik ai u godit nga një kamion tjetër nga prapa.

    25-vjeçari Haris Shala jetonte në Caprona dhe ishte baba i një vajze gati 2-vjeçare.

  • ​Kosova shënon sukses të madh edhe në sportin e duatlonit

    ​Kosova shënon sukses të madh edhe në sportin e duatlonit

    Kosova po shënon suksese të njëpasnjëshme në sport, madje edhe ne disiplina që janë më pak të njohura deri më tani.

    Së fundi Albion Ymeri ka shënuar ngritje të lartë në renditjen botërore të Federatës Ndërkombëtare të Triatlonit, disiplina e duatlonit.

    Triatlonisti kosovar, me medaljen e bronztë të fituar në garën ndërkombëtare “Africa Triathlon Sprint Duathlon Championships”, të mbajtur gjatë fundjavës në Hurghada të Egjiptit, ka përfunduar në vendin e gjashtë në botë. Ai ka grumbulluar 661.15 pikë në total.

    Duatloni është disiplinë që përbëhet nga vrapimi dhe çiklizmi, përcjellë KosovaPress.

    Ymeri është bursist olimpik i KOK-ut, ndërsa vlerësohet garuesi më i mirë i Federatës së Triatlonit të Kosovës, të cilët po e mbështesin për të rritur nivelin e tij në garat ndërkombëtare.

  • Raporti i DASH-it, reagon LDK: Vulë ndaj korrupsionit serioz të Qeverisë – Prokuroria të zbatojë ligjin

    Raporti i DASH-it, reagon LDK: Vulë ndaj korrupsionit serioz të Qeverisë – Prokuroria të zbatojë ligjin

    Lidhja Demokratike e Kosovës ka pranuar me shqetësim raportin e fundit të Departamentit amerikan të shtetit, për Kosovën për vitin 2023. Ky raport është konfirmim i të gjitha shqetësimeve tona të cilat janë ngritur në vazhdimësi. Raporti në fjalë i dha vulë paaftësisë së Qeverisë dhe korrupsionit, siç është cekur edhe në raport “korrupsionit serioz të Qeverisë”.

    Në njoftim thuhet se LDK në vazhdimësi ka tërhequr vëmendjen dhe ka denoncuar publikisht dyshimet për korrupsion nga Qeveria, duke përfshirë edhe qindra tenderë sekretë që kjo qeveri ka nënshkruar, në vlerë prej mbi 240 milionë euro. Pra ka propagandë dhe nuk ka luftë kundër korrupsionit siç pretendon Qeveria e Kosovës, gjë të cilën e vërtetoi dhe raporti DASH-it.

    “Lidhja Demokratike e Kosovës, fton Prokurorinë e Kosovës që të trajtojë të gjitha shqetësimet e ngritura deri më sot. Kërkojmë që prokuroria të zbatojë ligjin pa asnjë pengesë dhe të hetojë me seriozitet të gjitha dyshimet për korrupsion dhe papërgjegjshmëri qeveritare”, thuhet në komunikatë.

    Më tej thuhet se: LDK është e përkushtuar të vazhdojë të ngris zë në mbrojtje të institucioneve tona, nga korrupsioni që ka instaluar kjo Qeveri. LDK po ashtu do të shfrytëzojë të gjithë mekanizmat institucional që përgjegjësit për veprat e tyre të jenë para ligjit. Kosova meriton një qeverisje të pastër dhe të drejtë për të gjithë qytetarët e saj, dhe ne jemi të vendosur të punojmë drejt këtij qëllimi.

  • PE-ja miraton heqjen e vizave për shtetasit e Kosovës që kanë pasaporta të Serbisë

    PE-ja miraton heqjen e vizave për shtetasit e Kosovës që kanë pasaporta të Serbisë

    Parlamenti Evropian të martën ka miratuar vendimin për liberalizimin e vizave për bartësit e pasaportave të Serbisë që jetojnë në Kosovë, të cilët pajisen me dokumente nga Drejtoria koordinuese në Beograd.

    Bartësit e këtyre pasaportave nuk ishin përfshirë në liberalizimin e vizave në kohën kur Bashkimi Evropian i hoqi vizat për shtetasit e Serbisë.

    Nga Aeroporti i Prishtinës nuk është e mundur të udhëtohet me pasaportë të lëshuar nga Drejtoria Koordinuese e MPB-së së Serbisë në Beograd për qytetarët e Kosovës, sepse autoritetet e Kosovës e konsiderojnë të paligjshme. Megjithatë, poseduesit e këtyre pasaportave mund të udhëtojnë nga çdo vend i rajonit.

    Komisioni Evropian në muajin nëntor të vitit të kaluar kur rekomandoi heqjen e vizave edhe për bartësit e këtyre pasaportave, si arsyetim dha qëllimin që të gjithë qytetarët e rajonit të Ballkanit Perëndimor të gëzojnë liberalizimin e vizave, pa marrë parasysh se çfarë pasaporte posedojnë. Ky propozim i Komisionit Evropian erdhi pasi ishte e qartë se nga 1 janari shtetasit e Kosovës do të mund të udhëtojnë pa viza në vendet e Schengenit.

    Vendimi i së martës u miratua në seancën plenare të Parlamentit Evropian me 406 vota për, 97 kundër dhe 94 abstenime.

    Ky votim në Parlamentin Evropian është hapi i fundit në këtë institucion të BE-së drejt vendimit për heqjen e vizave për bartësit e këtyre pasaportave. Raportin, i cili u votua të martën në seancë plenare, e ka përpiluar deputeti nga Sllovenia Matjazh Nemec.

    Ai ka thënë se me raportin e tij nuk ka për qëllim të zgjidhë ndonjë çështje politike apo mospajtim ndërmjet Kosovës dhe Serbisë por, siç u shpreh ai, një problem praktik dhe teknik për të siguruar lëvizjen e lirë dhe për të siguruar trajtimin e barabartë.

    Ai, madje, tha se ky problem ishte krijuar nga vetë BE-ja në vitin 2009, kur u hoqën vizat për Serbinë por jo edhe për bartësit e këtyre pasaportave, dhe tash BE-ja duhet ta përmirësojë këtë gabim. Nemec theksoi në fjalimin e tij se ky vendim, i propozuar nga Komisioni Evropian, është mbështetur edhe nga Shërbimi i Veprimit të Jashtëm të BE-së dhe ka pajtimin e Këshillit.

    Qeveria e Kosovës e kishte kritikuar dhe kundërshtuar propozimin për përfshirjen e këtyre pasaportave në liberalizimin e vizave duke e quajtur si “shkelje e integritetit territorial të Kosovës”. Për më tepër, Qeveria e Kosovës kishte argumentuar se me një vendim të tillë BE-ja do të ndikojë negativisht në procesin e integrimit të serbëve të Kosovës.

    Sipas Qeverisë së Kosovës, argumenti se serbët e Kosovës nuk janë përfshirë në liberalizim nuk qëndron pasi ata, sikur të gjithë shtetasit tjerë të Kosovës mund të pajisen me pasaporta biometrike të Kosovës me procedurë të shpejtuar dhe me ato pasaporta mund të udhëtojnë pa viza në vendet evropiane.

    Për Qeverinë e Kosovës problematik është edhe fakti se në pasaportat që i lëshon Drejtoria koordinuese e Serbisë në Beograd shkruhen vendbanimet në territorin e Kosovës sikur të jenë në Serbi, që është në kundërshtim me marrëveshjet e arritura në dialog për shuarjen e strukturave paralele të Serbisë.

    Por, argumentet e Kosovës nuk ishin marrë parasysh nga institucionet e Bashkimit Evropian, as nga Komisioni Evropian, nga Parlamenti Evropian e as nga Këshilli.

    Pas votimit të sotëm në seancën plenare të Parlamentit Evropian, ka mbetur vetëm që Këshilli i BE-së ta formalizojë vendimin dhe ai të hyjë në fuqi.

    Pikërisht për shkak se seancat plenare të kësaj jave janë të fundit në këtë përbërje të Parlamentit Evropian, edhe kishte presion kohor që votimi të përmbyllet në këtë seancë, sepse pas kësaj jave do të shpërbëhet Parlamenti Evropian ndërsa seanca themeluese e përbërjes së re do të jetë në korrik, pas zgjedhjeve evropiane.

    Sikur të mos ishte votuar këtë javë, gjithçka do të shtyhej për fundin e këtij viti. Tash mbetet të përmbyllen formalitetet në Këshill në mënyrë që vendimi të hyjë në fuqi. /REL

  • Mjalti, shërues universal! Cilat sëmundje kuron dhe kush nuk duhet ta konsumojë?

    Mjalti, shërues universal! Cilat sëmundje kuron dhe kush nuk duhet ta konsumojë?

    Mjalti është një nga mjetet më të mira për forcimin e imunitetit, ka një efekt të fuqishëm kundër infeksioneve dhe ftohjes, ka efekte antioksiduese, mundëson zhvillimin e baktereve të dobishme në zorrë

    Njerëzit që kanë hyrë në dekadën e tyre të dhjetë të jetës, pothuajse si rregull, e nisin ditën me një lugë mjaltë.

    Mjalti mund të rregullojë gastritin, nivelet e larta të sheqerit në gjak, besohet se ka një efekt në arterosklerozën dhe gjithashtu mund të jetë efektiv në trajtimin e kancerit.

    Mjalti është ushqim dhe ilaç. Mjalti është një produkt specifik në të cilin nuk është shtuar asnjë substancë tjetër.

    Njerëzit e kanë përdorur atë në dietën e tyre që nga kohërat parahistorike, por ka ende substanca në mjaltë që shkenca nuk i ka zbuluar. Një lugë çaji mjaltë përmban rreth 21 kalori dhe përbëhet kryesisht nga sheqer frutash, fruktozë, glukozë dhe pak më pak maltozë dhe është e pasur me karbohidrate komplekse.

    Çdo mjaltë ka pothuajse të njëjtat veti biologjike. Para së gjithash, mjalti siguron ushqim të pasur me substanca të vlefshme biologjikisht aktive që nuk mund t’i gjeni në asnjë ushqim tjetër. Mjalti mund të reduktojë ndjeshëm ankesat gastrike, pavarësisht nëse shkaku i tyre është teprica apo mungesa e acidit. Rekomandohet edhe për diabetikët, besohet se është në gjendje të rregullojë nivelin e kolesterolit dhe triglicerideve, transmeton Telegrafi.

    Mjafton një lugë çaji mjaltë në ditë

    Enzima të shumta që bletët përfshijnë në mjaltë tregojnë një efekt të dobishëm në trupin e njeriut. Shkenca ka vërtetuar se këto enzima kanë një efekt pozitiv në mekanizmat që formojnë shtyllën kurrizore të sistemit tonë imunitar.

    -Mjalti është i pasur me përbërës me origjinë bimore që mbërrijnë nëpërmjet nektarit. Flavonoidet janë shumë të rëndësishme për efektin biologjik të mjaltit në trupin e njeriut. Farmacistët janë përpjekur të vendosin flavonoidë në kapsula dhe t’i shesin ato, por efekti i arritur nga kjo është vetëm një pjesë e asaj që përftohet kur produktet e bletëve përdoren rregullisht, qoftë edhe në sasitë më të vogla, nga vetëm një lugë çaji përzierje e tyre në ditë.

    Mjalti shëron plagët më mirë se çdo ilaç

    Çdo mjaltë ka pothuajse të njëjtat veti biologjike, me faktin se disa lloje mjalti kanë pak më shumë nga disa përbërës, ndaj rekomandohen më shumë si terapi për disa sëmundje. Apiterapia është një degë e mjekësisë plotësuese që përdor produktet e bletëve për parandalimin dhe trajtimin e shumë sëmundjeve.

    – Është një zonë e madhe, e mbuluar gjithnjë e më shumë nga kërkimi shkencor. Sukseset më të mëdha të apiterapisë janë në shërimin e plagëve, të infektuara me baktere rezistente ndaj të gjithë antibiotikëve. Këtu mjalti është i paprekshëm, por ai mjaltë duhet së pari të ekspozohet ndaj rrezatimit gama, në mënyrë që të eliminohen të gjitha sporet e mundshme të botulizmit, që gjenden në çdo produkt bujqësor, nga patatet, marulet dhe karotat, deri te mjalti, edhe pse përmban sasinë më të vogël.

    Si të reduktoni problemet e gastritit me mjaltë?

    Pelta mbretërore (qumështi i bletës) gjithashtu arrin një efekt të jashtëzakonshëm në një përgjigje më të mirë imune ndaj infeksioneve, falë proteinave aktive të pelte mbretërore. Mjalti gjithashtu redukton problemet e stomakut.

    – Shkencëtarët kanë përcaktuar se nëse shpërndani 50 g mjaltë në 100 ml ujë të ngrohtë (deri në 45 gradë) dhe e pini, niveli i aciditetit në stomak ulet në tre të katërtat e pacientëve, nëse uji është i ftohtë (deri në 15 gradë) pastaj rritet aciditeti në të njëjtat tre të katërtat e të sëmurit. Një lugë mjaltë akacieje (20-25 g), e marrë një orë para gjumit, ul nivelin e sheqerit në gjak me 6 për qind pas 15 ditësh. Mjalti ul disi nivelin e kolesterolit për 7 për qind, trigliceridet, si dhe LDL (kolesteroli i keq) me 1 për qind, me faktin se rrit kolesterolin e dobishëm, HDL me 2 për qind, të gjitha këto janë konfirmuar nga shkenca. Këto mund të jenë vlera të vogla, por gjeni ushqime të tjera që kanë të gjitha këto efekte të dobishme.

    Mjaltë kundër substancave kancerogjene dhe verdhëzës infektive

    Gjithashtu është përcaktua një varësi statistikisht domethënëse e aktivitetit antioksidues të mjaltit, përmbajtjes së polifenolit në mjaltë dhe oksidimit in vitro të lipoproteinave në serumin e njeriut.

    Shkenca ka vërtetuar se si pelta mbretërore ashtu edhe propolisi përmbajnë një substancë të ngjashme me insulinën dhe ulin nivelin e sheqerit në gjak. Propolisi e jep këtë efekt si në diabetin e varur nga insulina, ashtu edhe në diabetin e pavarur nga insulina. Mekanizmi i veprimit të propolisit, d.m.th., flavonoideve prej tij, në diabetin është zbuluar gjithashtu.

    -Propolisi parandalon grumbullimin e L-sorbitolit duke frenuar aldoza-reduktazën, enzimën që katalizon reduktimin e D-glukozës në sorbitol, akumulimi i së cilës shkakton ndryshime patologjike që lidhen me diabetin. Flavonoidet nga propolisi dhe mjalti në një masë të caktuar pengojnë gjithashtu thithjen e glukozës në zorrët dhe rithithjen në veshka. Sipas disa studimeve shkencore, përdorimi i propolisit mund të zvogëlojë edhe dozën ditore të insulinës. Këshilla, megjithatë, është që çdo gjë të kryhet nën miratimin dhe kontrollin e mjekut.

    Me të gjitha produktet e bletëve, dhe veçanërisht me përdorimin e propolisit, duhet të keni kujdes nëse përdorni ilaçe për diabetin, sepse efektet e tyre mund të sinergjizohen.

    – Propolisi gjithashtu ka një efekt të fortë në parandalimin e grumbullimit të trombociteve, ndaj duhet të keni kujdes nëse pini ilaçe për të parandaluar koagulimin. Nga ana tjetër, konsumimi i rregullt i propolisit sigurisht që mund të ndihmojë me Covid 19.

    Propolisi në terapinë e kancerit

    Njerëzit me kancer nuk duhet të përdorin asnjëherë pluhur polen, ndonëse propolisi është megjithatë i shkëlqyer për të gjitha llojet e kancerit.

    Kur mjalti ka efektin më të madh?

    Kur konsumoni mjaltë, gjëja më e rëndësishme është ta përdorni sa më të freskët. Mjalti i prodhuar në dy vitet e fundit ka efektet më të mëdha shëndetësore, edhe pse, mund të ruhet i sigurt për mijëra vjet.

    – Mjalti nuk prishet, por efektet biologjike pakësohen me kalimin e kohës. Sigurohuni që ta ruani mjaltin larg dritës, pasi ai zbërthen enzimat. Këshillohet që mjalti të përdoret kristal, sepse ka vetitë më të mira.

    Mjalti mund të dekristalizohet lehtësisht duke vendosur një kavanoz me mjaltë në ujë të ngrohur në maksimum 45 gradë. Sapo mjalti të shkrihet, hiqeni nga uji i nxehtë.

    Mjalti Manuka mund të ndihmojë në trajtimin e ekzemës

    – Është mirë që qumështit të vakët t’i shtoni mjaltë, sepse edhe pse qumështi e frenon zhvillimin e baktereve të dobishme në zorrë, kur i shtohet mjalti, bakteret e dobishme fillojnë të shumohen. Veçanërisht e dobishme për florën e zorrëve është përzierja e mjaltit dhe polenit të freskët e të pa tharë, i cili ruhet në frigorifer që nga momenti i grumbullimit në bletore deri në përzierjen me mjaltë. Mjalti i kristalizuar përdoret në mënyrë që poleni të mos grumbullohet në sipërfaqe. Këshilla është që mjalti të mbahet në frigorifer menjëherë pas përzierjes./Telegrafi/

  • Kosova dhe Çekia thellojnë bashkëpunimin në fushën e sigurisë

    Kosova dhe Çekia thellojnë bashkëpunimin në fushën e sigurisë

    Komisioni për Çështje të Sigurisë dhe Mbrojtjes ka zhvilluar takim me Komisionin e Senatit për Punë të Jashtme dhe Sigurisë nga Republika e Çekisë, raporton Ekonomia Online.

    Pas takimit në konferencën për media kryetari i komisionit për Çështje të Sigurisë dhe Mbrojtjes, Bekë Berisha tha se kanë biseduar për zhvillimin e mëtutjeshëm të të dy shteteve në aspektin e mbrojtjes dhe sigurisë. Berisha ka shtuar se Republika Çeke e ka ndihmuar Kosovën në shumë aspekte.

    “Këtë delegacion e kemi prit me kënaqësi të madhe. Kemi bisedu për shumë gjëra. E kam falënderu kryetarin për ndihmën që na ka bërë Republika Çeke e cila është shumë dimensionale si në aspektin diplomatik, në përkrahjen e Republikës se Kosovës, po ashtu në prezencën e ushtarëve të Republikës Çeke në Kosovë. Ne kemi biseduar edhe për zhvillimin e mëtutjeshëm të të dy shteteve në aspektin e mbrojtjes dhe sigurisë”, tha Berisha gjatë konferencës për media.

    Kryetari Komisionit të Senatit për Punë të Jashtme dhe Sigurisë nga Republika e Çekisë, Tomas Czernin ka thënë se marrëdhëniet mes dy shteteve janë tepër të ngushta dhe tepër të gjera që nga vitet e kaluara. Czernin ka theksuar se miqësia mes dy presidentëve tanë i ka sjellë qetësi rajonit.

    “Qëllimi i takimit ishte për adresimin e sfidave aktuale në vend dhe rajon, mundësitë e bashkëpunimit në fushën e mbrojtjes dhe sigurisë. Marrëdhëniet tona janë tepër të ngushta dhe tepër të gjera që nga vitet e kaluara. Miqësia mes dy presidentëve tanë i ka sjellë qetësi rajonit. Komisioni ynë merret me çështjen e jashtme me mbrojtjen dhe sigurinë. Me zotin kryetar kemi parë mundësi të flasim për qështje të ndryshme në fushën e sigurisë dhe fushën e mbrojtjes. Ne shikojmë që ka shumë projekte të cilat edhe mund të ndihmojmë për t’ ju dhënë atyre jetë për të ardhmen, jo vetëm në fushën e sigurisë”, ka thënë Czernin.

  • Liburn Aliu mohon akuzat për faljen e dhjetëra miliona eurove borxhe për ambalazhuesit e ujit

    Liburn Aliu mohon akuzat për faljen e dhjetëra miliona eurove borxhe për ambalazhuesit e ujit

    Ministri i Mjedisit, Planifikimit Hapësinor dhe Infrastrukturës, Liburn Aliu, në një intervistë për Ekonomia Online, i ka quajtur shpifje raportimet e mediave për shlyerjen e borxheve në forma të kundërligjshme kompanive që merren me ambalazhimin e ujit në Kosovë.

    Aliu ka thënë se të gjitha këto akuza janë politike dhe se raportimet nuk qartësojnë nëse është i përfshirë në këto akuza.

    Ai fillimisht ka kërkuar sqarime se nga kanë ardhur falja e këtyre miliona eurove, ku përfshihet edhe Naser Hafizi, zëvendësues i Drejtorit të Autoritetit Rajonal të Pellgjeve Lumore.

    “E para kjo nuk është akuzë, është shpifje. Sikur të akuzon duhet të ketë një bazë, një farë lloj lidhje logjike. Kur flasim për borxh ata do të duhej të flasin një herë sasinë. Pra thonë 90 milionë euro borxh apo si është ajo, si kanë ardhur tek ai 90 milionë euro. E dyta ku lidhet kjo me ministrin Liburn Aliu që ata dëshirojnë me thanë, në çka lidhet, si e paskam falur unë, kam pasur ndonjë vendim siç ka qenë përpara, vendim për falje apo diçka tjetër. A ka pasur ndonjë vendim të tillë ndonjëherë nga ana ime. A ka ndonjë marrëveshje me dikë, ku me kënd ajo marrëveshje, vetëm le të dalin ta thonë, krejt në rregull. Por të gjitha janë shpifje dhe nuk kuptoj cili është motivi mbrapa, mbase mund të jetë vetëm thjesht politikë, po mund të jetë edhe çka tjetër”.

    “Por kur thuhet 90 milionë euro i kanë ambalazhuesit, fillimisht e kanë thënë 90, mandej e kanë thënë, mirë 11 milion euro borxh, që 10 milionë euro borxh. Kur thua janë 11 milion euro borxh, sipas udhëzimit administrativ të 2006-ës është 0.09 cent për litër të shitur. Pastaj kjo ka ndërruar në 0.001 cent, 0, 009 dhe pastaj është zvogëluar në 00. 001 cent për litër. Kur të thuash 10 milionë euro borxh, ose 11 milionë euro borxh, kjo i bije që qenkan shitur 1 miliardë, ose një miliard e 200 milionë, nëse thua 11 milionë, diku 200 milionë litra ujë nga të cilat taksa duhet me u llogarit kaq. Ose kur ta zbret në 0.001, i bie nëntëfishi i kësaj. Pra prej nga kanë ardhur këto shifra le të dalin le të thonë ata, shumë thjeshtë kështu edhe krejt në rregull”, ka thënë Aliu për EO.

    I pyetur për publikimin e disa dokumente që e ndërlidhin me këto pretendime, Aliu tha se nuk vërtetojnë një gjë të tillë. Vendim të gabuar e ka quajtur edhe atë të ish-kryeministrit Haradinaj për një faljen e borxheve ambalazhuesve të ujit.

    “Ato nuk janë vërtetime të asaj, ato shumë thjesht nëse paska pasur hetim për këto, ku është hetimi, ku ka mbërri jemi në rregull. Unë mendoj që ai vendim i asokohshëm ku është thënë falet borxhi nuk ka një bazë të caktuar ligjore, se nuk është i definuar borxhi, pra është dashtë të definohet cilin borxh. Mbi të cilin udhëzim administrativ, mbi të cilin ligj, si është kalkuluar ai borxh. Unë mendoj që këtu ka qenë një gabim asaj kohe me ra në një farë lloj si të themi gafe ku falet një borxh i cili nuk është as i rregulluar e as i kalkuluar. Nuk mund të ketë vendime politike të cilat mbulojnë këtë fushë është tejet enjë gafe e madhe. Unë e quajta se është një daktilografim i dobët i pretendimeve të padijshme”, deklaroi Aliu.

    Aliu ka thënë se ekziston mundësia që zyrtarët të cilët janë akuzuar mund të dorëzojnë padi për shpifje, por që ai vetë si ministër nuk e ka ndërmend ta bëjë një gjë të tillë, pasi sipas tij, ai është një pretendim qesharak që do ja ulë “seriozitetin punës së tij”.

    “Me sa di unë zyrtarët përkatës që janë akuzuar mbase që është përfolur për ta mbase edhe padisin. Vet prej pozitës së ministrit me u marr me ra në këtë nivelin qesharak të kësaj padie me thanë të drejtën me duket që pak edhe ja uli edhe seriozitetin edhe vetës me u marr me një pretendim tejet jo serioz dhe qesharak. Shume thjeshte si e llogarite, si po e lidh Liburn Aliun me këtë çështje”, ka thënë Aliu.

  • ​Skuadra gjermane vë në shënjestër Albion Rrahmanin

    ​Skuadra gjermane vë në shënjestër Albion Rrahmanin

    Sipas portalit gjerman “Liga Insider”, Werder Bremen ka vënë syrin te sulmuesi i Rapid Bukureshtit, Albion Rrahmani .Rrahmani po kalon një sezon historik te “Giulesti”, pasi ka luajtur 20 ndeshje, ka shënuar 18 gola dhe katër asistime vendimtare.

    Çmimi i reprezentuesi kosovar është afërsisht 2 deri në 3 milionë euro, sipas faqeve të specializuara të internetit.

    SV Werder Bremen duket se e ka gjetur atë që kërkon në Rumani. Në kërkim të një sulmuesi të ri, Albion Rrahmani nga FC Rapid Bukuresht konsiderohet kandidat për ekipin gjerman”, shkruan mediumi gjerman, përcjellë KosovaPress.

    Skautët e Bremenit thuhet se monitoruan lojtarin në ndeshjen e tij të fundit në stadium për të marrë një pamje më të qartë të tij. Megjithatë, sipas raportit, bisedimet mes klubeve ende nuk kanë filluar.

    Bremeni do të përballet me konkurrencën nga Republika Çeke: SK Slavia Prague gjithashtu duket se është e interesuar për nënshkrimin e tij dhe madje ka dorëzuar një ofertë zyrtare, e cila u refuzua.