Një grup prej 10 ambasadorësh vizituan komunën e Suharekës për të parë nga afër investimet e Bashkimit Evropian në këtë komunë, raporton ATV.
Qëllimi i vizitës ishte vlerësimi i ndikimit të investimeve evropiane, të cilat kanë dyfishuar grandin e performancës nga 500 mijë euro vitin e kaluar në 1 milion euro këtë vit. /atvlive.tv
Gluteni është pjesë përbërëse e shumë vakteve të shijshme, si p.sh. pasta, makarona dhe ëmbëlsira, dhe kjo për shkak se gjendet te gruri, thekra dhe elbi. Megjithatë, për disa njerëz mund të jetë e vështirë të tretet dhe për këtë arsye duhet ta shmangin atë në baza ditore.
Gastroenterologia Rabia De Latour nga Shkolla e Mjekësisë të NYU thekson se përveç njerëzve me sëmundje celiake (një çrregullim autoimun në të cilin konsumimi i glutenit shkakton dëmtime të përhershme në zorrën e hollë), ka edhe një numër më të vogël njerëzish që kanë zhvilluar intoleranca ndaj glutenit ose ndjeshmëri joceliake ndaj glutenit.
Sipas studimeve të publikuara në Gastroenterology dhe The Psychiatric Quarterly, ky grup përbën midis 0.5 dhe 13 për qind të popullsisë. Kanë shumicën e simptomave të celiakisë, por nuk shfaqin ndryshime fiziologjike, si dëmtim të zorrës së hollë dhe kequshqyerje.
Megjithatë, ka disa simptoma mjaft të qarta të intolerancës ndaj glutenit që nuk duhet t’i injoroni.
Nauze dhe ngërçe pas ngrënies
Të përzierat dhe ngërçet që shfaqen pas ngrënies së vakteve që përmbajnë gluten mund të tregojnë se jeni intolerant ndaj glutenit. Për këtë arsye shpesh sugjerohet që të mbani një ditar ku të shkruani se çfarë ushqimesh keni ngrënë dhe si jeni ndier pas vaktit.
Fryrje
Fryrja e barkut mund të shkaktohet nga shumë gjëra, nga hormonet e deri te ushqimet, si fasulet, por nëse nuk jeni duke e tretur glutenin siç duhet, lukthi juaj padyshim mund të ndihet i fryrë dhe i ndjeshëm.
Lëkurë të thatë
Shumë njerëz me ndjeshmëri ndaj glutenit raportojnë sëmundje të lëkurës, duke përfshirë lëkurë jashtëzakonisht të thatë, skuqje, puçrra në fytyre dhe njolla nga ekzema.
Humbje peshe
Humbja e paqëllimshme e peshës është një nga simptomat kryesore të sëmundjes celiake, sepse kur zorrët tuaja dëmtohen, ju nuk e përthithni siç duhet ushqimin që hani. Megjithëse ndjeshmëria jo-celiake ndaj glutenit nuk i dëmton zorrët, mund t’ju bëjë të hani më pak për shkak të dhimbjes që ndodh.
Nuk ndiheni mirë
Ndryshimet e disponimit ose ndjenjat e rritjes së depresionit ose ankthit pas konsumimit të ushqimeve që përmbajnë gluten është një simptomë te njerëzit me ndjeshmëri jo-celiake ndaj glutenit – njofton Women’s Health.
Keni probleme me kujtesën
Një nga simptomat kryesore neurologjike të raportuara nga pacientët me ndjeshmëri ndaj glutenit është e ashtuquajtura mjegull e trurit, ose thjesht ndjenja sikur nuk mund të mendojnë qartë dhe kanë vështirësi në kujtimin e gjërave. /Telegrafi/
Me 93 vota për, Kuvendi i Kosovës ka votuar Projektligjin për ratifikimin e Amendamentit të Marrëveshjes për Themelimin e Bankës Evropiane për Rindërtim dhe Zhvillim (“Marrëveshja”) – neni 1, raporton Ekonomia Online.
Ministri i Financave, Punës dhe Transfereve, Hekuran Murati, tha para deputetëve se ratifikimi i kësaj marrëveshje ndërkombëtare është e rëndësishme për Kosovën.
Të rëndësishme e pa edhe kryetari i Komisionit për Buxhet, Punë dhe Transfere, Armend Muja.
Kuvendi i Kosovës ka vazhduar e seancën e jashtëzakonshme ku në rend dite janë ratifikimi i tri Marrëveshjeve ndërkombëtare, raporton Ekonomia Online.
Në këtë mbledhje është miratuar për shqyrtim Projektligji nr.08/L-301 për ratifikimin e Marrëveshjes për njohjen e kualifikimeve profesionale për infermierë, kirurgë, veterinarë, farmacistë dhe mami në kontekstin e Marrëveshjes së tregtisë të lirë të Evropës Qendrore, të cilin e prezantoi ministri i shëndetësisë, Arben Vitia.
Vitia tha se më tre nëntor 2022 Kosova ka nënshkruar Marrëveshje, të cilat janë të plotfuqishme nga 1 qershori 2023, bazuar në direktiva për njohjen e kualifikimeve. Kjo Marrëveshje ua mundëson që profesioni të ushtrohet lirshëm në secilat prej 6 vendet e Ballkanit perëndimor.
Nga 95 deputetë të pranishëm, me 93 vota pro Kuvendi e miratoi këtë Marrëveshje.
Nënshkruhet memorandumi i mirëkuptimit për projektin e ri të Ambasadës Britanike, i cili ka për qëllim luftimin e krimit të organizuar, korrupsionit, e po ashtu edhe të ofrojë siguri më shumë për qytetarët e vendit.
Pjesëmarrës në ketë ceremoni ishin edhe ambasadori britanik, Jonathan Hargreaves, drejtori i Përgjithshëm i Policisë së Kosovës Gazmend Hoxha, kryesuesi i Këshillit Prokurorial Ardian Hajdaraj, të cilët u zotuan se do të punojnë bashkë për zbatimin e këtij memorandumi.
Kryesuesi i Këshillit Prokurorial, Ardian Hajdaraj derisa e ka vlerësuar të rëndësishëm këtë projekt, ka thënë se ky bashkëpunim do të forcojë kapacitetet për të hetuat veprat më komplekse.
Ndërsa, ambasadori britanik Jonathan Hargreaves është shprehur i lumtur me arritjen e këtij bashkëpunimi. Me këtë, ai tha se do të luftohet edhe shperlarja e parave dhe korrupsionit, ndërsa është shprehur se do të punojnë qe Kosova të jetë një vend i qetë për gjithë qytetarët.
Kryeprokurori i Shtetit, Besim Kelmendi po ashtu ka thënë se implementimi i këtij memorandumi do të jetë në interes për të mirën e të të gjithë qytetarëve të vendit.
Në anën tjetër, drejtori i Përgjithshëm i Policisë së Kosovës, Gazmend Hoxha është zotuar që kjo marrëveshje do të zotohet në tërësi.
Kryetari i Aleancës për Ardhmërinë e Kosovës (AAK), Ramush Haradinaj, ka folur për letrën e dërguar nga Serbia në Asamblenë Parlamentare të NATO-s. Këtë letër, Haradinaj e sheh si veprim për “shkak të gabimeve të Kosovës”, raporton EO.
Në këtë letër Serbia pretendon se dhënia e statusit për Kosovën do të ishte vendim i dëmshëm si për Asamblenë Parlamentare të NATO-s dhe veçanërisht për proceset e stabilizimit dhe integrimit euroatlantik në Ballkanin Perëndimor.
“Serbia është e inkurajuar prej gabimeve të Kosovës, prej gabimeve të Kurtit dhe ajo shkon në një hap më tutje, pra më shumë minuse t’i quaj kështu sepse një letër e tillë sepse Serbia me siguri ka përgatit, nuk sjellë letra e para, pra me siguri ata gjatë gjithë kohës kanë dërguar raporte gjoja se Kosova vepron kundër të drejtave të komunitetit serb apo edhe zhvillimeve tjera, pra e kemi paralajmëruar me kohë thellimin e humbjeve për Kosovën”, thotë Haradinaj.
Haradinaj ka folur edhe për mundësinë që ky proces të dështojë si në rastin e Këshillit të Evropës. Thotë se Serbia do t’i shfrytëzojë vendet mosnjohëse.
“Ne nuk kemi çështje tani për tu diskutuar sepse nuk ka një proces kontraktual por p.sh ka vende skeptike dhe jo njohëse do ta shfrytëzojnë edhe pozicionin e Serbisë për shkak se ju e dini se për anëtarësim në NATO ka rendësi marrëdhëniet nder fqinjësore sikurse për marrëveshje tjera”, thotë Haradinaj.
Asambleja e Përgjithshme e Kombeve të Bashkuara (OKB) sot do të votojë për rezolutën për shpalljen e 11 korrikut si Ditën Ndërkombëtare të Përkujtimit të Gjenocidit të Srebrenicës.
Që nga njoftimi e deri në momentin kur duhet të merret në konsideratë, Rezoluta shkaktoi reagime të shumta, veçanërisht të stuhishme nga Serbia, shkruan N1 e Sarajevës.
Siç ka njoftuar përfaqësuesi i Bosnjës dhe Hercegovinës në OKB, Zllatko Lagumxhija, versioni përfundimtar i rezolutës është miratuar para disa ditësh me përfshirjen e amendamentit të parë të Malit të Zi dhe një amendamenti tjetër.
Nga vetë njoftimi se Rezoluta do të shqyrtohet në OKB, pasuan reagime të shumta dhe të dhunshme nga Serbia, zyrtarët e së cilës nuk duan të lejojnë që “populli serb të shpallet gjenocid”.
Aleksandar Vuçiq, presidenti i Serbisë, ka bërë përpjekje të mëdha për të penguar miratimin e kësaj rezolute dhe ka paralajmëruar miratimin e rezolutës për Jasenovacin, sipas N1.
“Pas disa raundeve konsultimesh gjithëpërfshirëse, propozimi përfundimtar i Rezolutës për Ditën Ndërkombëtare të Reflektimit dhe Përkujtimit të Gjenocidit në Srebrenicë 1995, nga grupi kryesor ndër-rajonal, shkoi te Presidenti i Asamblesë së Përgjithshme të OKB-së dhe të gjitha misionet e përhershme në OKB”, njoftoi Lagumxhija.
Më poshtë lexoni tekstin përfundimtar të dakorduar të Rezolutës së lartpërmendur.
Dita Ndërkombëtare e Kujtimit dhe Përkujtimit të Gjenocidit të Srebrenicës në 1995.
Duke vënë në dukje se ndjekja penale e personave përgjegjës për gjenocidin dhe krimet e tjera ndërkombëtare në sistemet kombëtare të drejtësisë, duke përfshirë Gjykatën e Bosnjës dhe Hercegovinës, Tribunalin Ndërkombëtar për ish-Jugosllavinë si dhe Mekanizmin Ndërkombëtar të Mbetur për Gjykatat Penale, mbetet qendrore në procesin e pajtimin kombëtar dhe ndërtimin e besimit, si dhe për rivendosjen dhe ruajtjen e paqes në Bosnje dhe Hercegovinë, dhe duke pranuar se bashkëpunimi i fortë rajonal ndërmjet prokurorive kombëtare është thelbësor në promovimin e paqes, drejtësisë, së vërtetës dhe pajtimit midis vendeve në rajon,
Duke përsëritur angazhimin e palëkundur për ruajtjen e stabilitetit dhe promovimin e unitetit në diversitet në Bosnje dhe Hercegovinë.
Duke vënë në dukje se viti 2025 do të shënojë tridhjetë vjetorin e gjenocidit në Srebrenicë, në të cilin humbën të paktën 8,372 jetë, mijëra të zhvendosur dhe familje dhe komunitete të shkatërruara,
Vendos të caktojë 11 korrikun si Ditën Ndërkombëtare të Kujtimit dhe Përkujtimit të Gjenocidit në Srebrenicë në vitin 1995, e cila do të festohet çdo vit;
Dënon pa rezerva çdo mohim të gjenocidit në Srebrenicë si një ngjarje historike dhe u bën thirrje shteteve anëtare që të ruajnë faktet e vërtetuara, duke përfshirë edhe sistemet e tyre arsimore, duke zhvilluar programe të përshtatshme, edhe në kujtim, në drejtim të parandalimit të mohimit dhe shtrembërimit të asaj dukurie të gjenocid në të ardhmen;
Ai gjithashtu dënon pa rezerva veprimet që lavdërojnë të dënuarit për krime lufte, krime kundër njerëzimit dhe gjenocid nga gjykatat ndërkombëtare, përfshirë ata që janë përgjegjës për gjenocidin në Srebrenicë;
Thekson rëndësinë e përfundimit të procesit të gjetjes dhe identifikimit të viktimave të mbetura të gjenocidit në Srebrenicë dhe varrosjes dinjitoze të tyre, dhe bën thirrje për vazhdimin e ndjekjes penale të atyre autorëve të gjenocidit në Srebrenicë që ende nuk janë sjellë para drejtësisë;
U bën thirrje të gjitha shteteve që të respektojnë plotësisht detyrimet e tyre sipas Konventës për Parandalimin dhe Ndëshkimin e Krimit të Gjenocidit, sipas nevojes, dhe të drejtën ndërkombëtare zakonore për parandalimin dhe ndëshkimin e gjenocidit, duke respektuar vendimet përkatëse të Gjykatës Ndërkombëtare të Drejtësisë;
I kërkon Sekretarit të Përgjithshëm të krijojë një program informacioni të titulluar “Gjenocidi në Srebrenicë dhe Kombet e Bashkuara”, duke filluar aktivitetet e tij në përgatitje për përvjetorin e tridhjetë në vitin 2025, dhe gjithashtu i kërkon Sekretarit të Përgjithshëm që të sjellë këtë rezolutë në vëmendjen e të gjithë shteteve anëtare, organizatat e sistemit të Kombeve të Bashkuara dhe organizatat e shoqërisë civile për shënimin e duhur;
Fton të gjitha shtetet anëtare, organizatat e sistemit të Kombeve të Bashkuara, organizatat e tjera ndërkombëtare dhe rajonale dhe shoqërinë civile, duke përfshirë organizatat joqeveritare, institucionet akademike dhe aktorët e tjerë përkatës, për të shënuar Ditën Ndërkombëtare, duke përfshirë shënime dhe aktivitete të veçanta në kujtim dhe nderimit të viktimave të gjenocidit në Srebrenicë në vitin 1995, si dhe aktivitetet e duhura të edukimit dhe ndërgjegjësimit publik. /Danas/
Pas një rrugëtimi të gjatë, ky edicion i Superligës së Kosovës në basketboll do të përfundojë sonte në Mitrovicë. Trepça dhe Golden Eagle Ylli do të ndeshen në sfidën vendimtare, dhe fituesi i kësaj ndeshje do të shpallet kampion i Kosovës.
Seria finale është 2:2, që ishte shumë interesante, kurse interesimi për finalen e pestë të “Play-offit”, është i jashtëzakonshëm. ‘Xehetarët’ fituan 77:68 dhe 85:78, derisa therandasit fituan 80:79 dhe 75:71.
Mitrovicasit duan titullin e pestë në histori të klubit, apo të parin që nga viti 2012, kurse therandasit të tretin, ku më 2021 dhe 2022 ishin shpallur kampionë të Kosovës.
Interesimi për të siguruar një biletë për këtë ndeshje është jashtëzakonisht i madh.
Që nga ora 6 e mëngjesit të sotëm, tek palestra “Minatori” janë krijuar radhë të gjata të tifozëve për të blerë një biletë.
Atmosfera pritet të jetë e zjarrtë gjatë gjithë ndeshjes, me mitrovicasit që do t’i japin mbështetje të fuqishme skuadrës së tyre me qëllimin e vetëm për t’u shpallur kampion të Kosovës.
Tifozi Deniz Meha i cili po priste në radhë për një biletë deklaroi për KosovaPress se lojtarët e Yllit po i pret ferri në “Minatori”.
Ndërsa i bindur se Trepça do të shpallet sonte kampion është shprehur tifozi tjetër Muharrem Vojvoda.
Ballafaqimi ndërmjet Trepçës dhe Yllit do të nis nga ora 19:00.
Taylor Swift është përballur me incident në skenë.
Gjatë koncertit të saj në Stokholm, teksa ishte gati të ulej në piano, fustani blu i këngëtares u shqep dhe u hap në mes, duke i nxjerrë në pah të brendshmet. Ajo e kaloi këtë situatë me shumë sportivitet, u ul pranë pianos, tentoi ta rregullonte fustanin dhe më pas nisi të performonte.
Në një video të publikuar, ndërsa po rregullonte fustani, Swift dëgjohej duke i thënë publikut: Flisni me njëri-tjetrin” për të larguar vëmendjen.
Në Dhomat e Specializuara të Kosovës (DhSK) në Hagë po vazhdon dëshminë dëshmitari i 65-të i Zyrës së Prokurorit të Specializuar i cili mbanë kodin W04710 në procesin gjyqësor ndaj Hashim Thaçit, Kadri Veselit, Rexhep Selimit dhe Jakup Krasniqit.
Ky dëshmitar e filloi ditën e djeshme dëshminë e tij dhe sipas përmbledhjes së lexuar nga prokurorja Alexandra Insinga ai është i afërm i një viktime e cila është zhdukur dhe vrarë nga Drenoci, raporton “Betimi për Drejtësi”.
Përpara se të vazhdohet me dëgjimin e dëshmisë së këtij dëshmitari, kryetari i trupit gjykues Charles Smith III tha se do të diskutojnë lidhur me një çështje fillimisht, por që seanca kaloi në sesion privat me arsyetimin e mbrojtjes së dëshmitarit dhe informacionit konfidencial.
Megjithatë, vlen të theksohet se është bërë modifikimi për pushimet në orarin e sotëm të seancës për sesionin e paradites ndërsa, orari i pasdites mbetet i pandryshuar.
“Seanca e parë do të zgjasë deri në orën 10:30, pasuar nga një pushim prej 15 minutash. Seanca e dytë do të vazhdojë deri në orën 12:00. Pushimi i drekës do të jetë prej orës 12:00 deri në ora 14:30, ndërsa seanca e fundit do të mbahet prej orës 14:30 deri në 16:30”, thuhet gjithashtu edhe në njoftimin e DhSK-së.
Kujtojmë që gjatë fundit të seancës së djeshme, kryegjykatësi Charles Smith III tha se ZPS-ja ka propozuar që dy dëshmitarë të tjerë të dëshmojnë përmes video-lidhjes për çka tha se vendimi do të merret me vonë. Ndryshe, palët mbrojtëse nuk e kundërshtuan këtë parashtrim të ZPS-së.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020. /BetimipërDrejtësi