ATV

Blog

  • “Doja të bëhesha kampion, Evropiani im është…”, Mbappe flet pas eliminimit

    “Doja të bëhesha kampion, Evropiani im është…”, Mbappe flet pas eliminimit

    Kylian Mbappé pranoi se sezoni i tij në Euro 2024 ishte një dështim pasi Franca u eliminua të martën, duke humbur 2-1 në gjysmëfinale nga Spanja në Allianz Arena.

    Turneu i sulmuesit të Real Madridit përfundoi me vetëm një gol, një penallti kundër Polonisë në fazën e grupeve, në pesë paraqitje.

    “Konkurrenca ime ishte e vështirë,” u tha Mbappe gazetarëve. “Ishte një dështim. Ne kishim ambicie të ishim kampionë të Evropës, unë kisha ambicie të isha kampion i Evropës. Ne nuk jemi të tillë, kështu që është një dështim”, citohet të ketë thënë ai.

    “Është futboll. Ne duhet të ecim përpara. Ka qenë një vit i gjatë. Do të shkoj me pushime dhe do të pushoj pak — kjo do të më bëjë shumë mirë dhe do të përpiqem të kthehem fuqishëm”, ka thënë ai.

    Turneu i Mbappes filloi në mënyrën më të keqe të mundshme kur ai theu hundën në ndeshjen hapëse të Francës kundër Austrisë

  • Dhjetëra të vrarë nga një sulm i Izraelit në Gazë

    Dhjetëra të vrarë nga një sulm i Izraelit në Gazë

    Zyrtarët palestinezë thanë se një sulm ajror i Izraelit në jug të Gazës vrau së paku 29 njerëz.

    Sulmi goditi mbi çadrat e familjeve të zhvendosura jashtë një shkolle në qytetin Abasan.

    Shumica e viktimave ishin gra dhe fëmijë, thanë zyrtarët mjekësorë palestinezë.

    Ushtria izraelite tha se po i analizon raportet për dëmtimin e civilëve.

    Ajo tha se incidenti ka ndodhur gjatë goditjes me “municione të sakta” të një luftëtari të Hamasit, i cili ka marrë pjesë në sulmin e 7 tetorit në Izrael.

    Hamasi – grup i shpallur terrorist nga SHBA-ja dhe fuqi të tjera – ka sulmuar Izraelin vjeshtën e kaluar, duke vrarë mbi 1.200 njerëz dhe duke marrë peng qindra të tjerë.

    Në përgjigje, Izraeli është duke kryer një fushatë masive sulmesh në Gazë – enklavë e kontrolluar nga Hamasi.

    Sipas autoriteteve atje, mbi 38.000 njerëz janë vrarë prej se ka nisur lufta.

    Në të gjithë Gazën të martën, sipas mjekëve, u vranë më shumë se 40 palestinezë në sulmet ajrore izraelite.

    Shpresat e banorëve të Gazës për armëpushim janë ringjallur pasi Hamasi, javën e kaluar, ka pranuar një pjesë kyçe të një propozimi të SHBA-së për ndaljen e luftimeve.

    Ndërmjetësuesit e Katarit dhe të Egjiptit, të mbështetur nga Shtetet e Bashkuara, janë duke i vazhduar bisedimet këtë javë në Doha./REL/

  • Pse Franca nuk do të luajë në ndeshjen për vendin e tretë në Euro 2024 pas humbjes nga Spanja?

    Pse Franca nuk do të luajë në ndeshjen për vendin e tretë në Euro 2024 pas humbjes nga Spanja?

    Kombëtarja e Francës nuk do të përfshihet në ndeshjen ‘play-off’ për vendin e tretë në Euro 2024 pasi u eliminua në fazën gjysmëfinale nga Spanja.

    Skuadra e Luis de la Fuente mbetet e pamposhtur pasi golat në pjesën e parë nga Lamine Yamal dhe Dani Olmo vulosën vendin e tyre në finale, ku do të përballen me Anglinë ose Holandën.

    ‘La Roja’ mundi Kroacinë, Italinë dhe Shqipërinë në fazën e grupeve përpara se të mposhtte Gjeorgjinë, Gjermaninë dhe Francën.

    Ndërkohë, Franca do të jetë jashtëzakonisht e zhgënjyer nga edicioni i saj në Kampionatin Evropian pasi shënoi vetëm katër herë në pesë ndeshje [dy autogola, një penallti Kylian Mbappe dhe goli i së martës nga Kolo Muani].

    Ky është fundi i garës për skuadrën e Didier Deschamps, i cili nuk do të marrë pjesë në një ndeshje ‘play-off’ për vendin e tretë siç ndodh në Kupën e Botës.

    Në vitin 2022, Maroku u ndesh me Kroacinë për vendin e tretë pasi humben kundër Argjentinës dhe Francës përkatësisht në fazën gjysmëfinale.

    Megjithatë, në Kampionate Evropiane nuk ka pasur një ndeshje play-off për vendin e tretë që nga Euro 1980, e cila u mbajt në Itali.

    Mikpritësit u përfshinë në ndeshjen e fundit të ‘play-off’-it për vendin e tretë pasi humbën 9-8 kundër Çekosllovakisë në penallti pasi barazuan ndeshjen 1-1.

    Edhe pse Italia po luante, interesi për lojën ishte i ulët dhe audienca televizive ishte në rënie. Në fakt edhe frekuentimi brenda stadiumit ishte nën pritshmëritë.

    Që atëherë, ka pasur 10 kampionate evropiane pa ndeshje të ‘play-off’-it për vendin e tretë. /Telegrafi/

  • Holanda dhe Anglia përballen në Dortmund – sonte mësohet finalisti i dytë

    Holanda dhe Anglia përballen në Dortmund – sonte mësohet finalisti i dytë

    Holanda dhe Anglia do të përballen në gjysmëfinalen e dytë në Kampionatin Evropian ‘Euro 2024’.

    Spanja është finalisti i parë i Euro 2024, derisa Holanda dhe Anglia kërkojnë t’i bashkohen spanjollëve në finale.

    Dueli gjysmëfinal mes Holandës dhe Anglisë zhvillohet sonte me fillim nga ora 21:00 në Signal Iduna Park në Dortmund.

    Për herë të dytë në pesë vjet, këta dy gjigantë evropianë takohen në gjysmëfinale, me Holandën që triumfon 3:1 pas kohës shtesë në ndeshjen e Ligës së Kombeve 2019.

    Nga të gjitha llogaritë, nuk do të befasonte askënd nëse kjo ndeshje e shumëpritur do të shkonte edhe një herë në kohë shtesë, veçanërisht pasi pesë nga tetë ndeshjet e fundit mes këtyre skuadrave kanë përfunduar në barazim.

    Holandezët po luajnë gjysmëfinalen e tyre të parë në Euro që nga viti 2004, ndërsa anglezët po luftojnë për një finale të re pasi humbën nga Italia me penallti në shtëpi tre vite më parë.

    Në stadiumin Signal Iduna Park do të jetë një spektakël, pasi nuk ka më kalkulime dhe të dyja ekipet kombëtare e duan finalen e madhe.

  • Një person sulmon tre policë në Ferizaj, një tjetër i kanos në Kaçanik

    Një person sulmon tre policë në Ferizaj, një tjetër i kanos në Kaçanik

    Dy persona janë arrestuar në Ferizaj dhe Kaçanik të martën në mbrëmje (9 korrik), në raste të ndara, nën dyshimin se i kanë sulmuar dhe kanosur zyrtarët policorë.

    Sipas njoftimit në raportin 24-orësh të Policisë së Kosovës, në rastin në Ferizaj, për të dyshuarin kishte pasur një ankesë nga një qytetar që kishte thënë se i dyshuari i ka hyrë në pronën private dhe e ka kanosur. Më pas, i dyshuari ka sulmuar zyrtarët policorë. Tre policë kanë pranuar trajtim mjekësor.

    Në rastin tjetër, në Kaçanik, një i dyshuar është shoqëruar në polici pasi që kishte kanosur zyrtarin policor që i kishte shqiptuar gjobë trafiku.

    Përderisa në rastin e Ferizajt, i dyshuari është dërguar në mbajtje, në rastin e Kaçanikut rasti ka shkuar në procedurë të rregullt.

  • Ulja e numrit të turistëve nga Kosova, Kurtishaj: Në Shqipëri janë rritur çmimet, pushuesit kanë zgjedhur Greqinë dhe Bullgarinë

    Ulja e numrit të turistëve nga Kosova, Kurtishaj: Në Shqipëri janë rritur çmimet, pushuesit kanë zgjedhur Greqinë dhe Bullgarinë

    Kryetari i Shoqatës së Turizmit në Kosovë Ruzhdi Kurtishaj i ftuar në Now me Erla Mëhillin u shpreh se shumë turistë nga Kosova po braktisin Shqipërinë për të vizituar Greqinë apo Bullgarinë.

    Sipas tij faktor kryesor është liberalizimi i vizave për shqiptarët e Kosovës. Megjithatë Kurtishaj shprehet se shumë pushues nga Kosova nuk e shikojnë të arsyeshme një rritje prej 40% të çmimeve.

    “Viti 2024 ka lënë të kuptohet që nuk ka turizëm të qëndrueshëm për disa zona të Shqipërisë pa shqiptarët e Kosovës dhe liberalizimi i vizave ka bërë një ndryshim nga viti 2023. Për dy dekada ne kemi qenë të izoluar nga bota për mundësinë e lëvizjen e lirë. Ishte fat i mirë që liberalizimi u bë e janar dhe shumë shqiptarë të Kosovës plotësuar ëndrrën e tyre për të vizituar vendet e rajonit siç është Greqia për shkak se shumë prej nesh para 20 vitesh i kanë kaluar në Greqi dhe Bullgari dhe unë mendoj që kjo mungesë e pushuesve të Kosovës nuk është pa arsye. Sipas statistikave ka një rënie të dukshme të pushuesve dhe rritja e çmimeve është një prej arsyeve kryesorë, sigurisht dhe gjetja e plazheve alternative si Greqia dhe Bullgaria mund të jetë një tjetër arsye pse mungojnë turistët prej Kosovës. Megjithatë unë nuk e kuptoj pse duhet të paguaj një pije që kushton 200 lekë në Durrës dhe 700 lekë në jug”, tha ai.

  • O’Brien pas takimit me Osmanin: Folëm për nevojën urgjente për riangazhim në dialog – jemi krenarë që e mbështesim Kosovën

    O’Brien pas takimit me Osmanin: Folëm për nevojën urgjente për riangazhim në dialog – jemi krenarë që e mbështesim Kosovën

    Ndihmës Sekretari amerikan i Shtetit, James O’Brien, pas takimit që ka pasur dy ditë më parë me presidenten Vjosa Osmani, ka thënë se ShBA-të janë krenare që e mbështesin Kosovën.

    O’Brien tha se është e rëndësishme që Kosova dhe ShBA-të të qëndrojnë në hap për ta avancuar vizionin e tyre të përbashkët.

    “E mirëprita presidenten e Kosovës, Vjosa Osmani, në Uashington. Ne jemi krenarë që mbështesim shtetin sovran, multietnik dhe demokratik të Kosovës. Është e rëndësishme që ne të qëndrojmë në hap për ta avancuar vizionin tonë të përbashkët. Gjithashtu folëm edhe për nevojën urgjente për t’u riangazhuar në dialogun e lehtësuar nga BE-ja”, shkroi O’Brien.

    Dje, e para e shtetit u takua edhe me Sekretarin e Shtetit, Antony Blinken, ku tha se aleanca me ShBA-të është gurthemel për stabilitetin.

  • Rreth dy mijë kërkesa për konvertimin e patentë shoferëve ilegalë në RKS

    Rreth dy mijë kërkesa për konvertimin e patentë shoferëve ilegalë në RKS

    Qytetarët në katër komunat në veri të Kosovës vazhdojnë t’i konvertojnë patentë shoferët ilegalë të lëshuar nga strukturat paralele serbe në RKS.

    Kështu ka bërë të ditur zëvendësdrejtori i Policisë së Kosovës në veri, Veton Elshani.

    Sipas tij vetëm të martën janë bërë 121 kërkesa në gjithë vendin.

    Ndërkaq, për dy muaj janë bërë 1 mijë e 941 kërkesa për konvertimin e patentë-shoferëve vetëm në veri të vendit, ndërkaq numri i përgjithshëm është 2 mijë e 294.

    Në Leposaviq deri më tani janë 598 kërkesa, në Mitrovicën e Veriut 621, në Zubin Potok 328 dhe në Zveçan 394 kërkesa.

    Dokumentet që duhen përfshirë në aplikim, sipas MPB-së, janë letërnjoftimi, origjinali i patentë shoferit të lëshuar nga ana e autoriteteve serbe, certifikata e gjendjes shëndetësore për pajisje me patentë shofer, dëshmi të pagesës së taksës dhe origjinali i patentë shoferit të lëshuar nga UNMIK-u apo RKS “në qoftë se bëhet aplikimi për shtimin e kategorive, gjë e cila po ashtu është mundësuar përmes këtij vendimi të Ministrisë së Punëve të Brendshme”.

    Vendimi pati hyrë në fuqi me datën 9 maj dhe është i vlefshëm deri me datën 9 gusht 2024.

  • Murati dhe Vitia do të raportojnë sot në komisionin për të drejtat e njeriut

    Murati dhe Vitia do të raportojnë sot në komisionin për të drejtat e njeriut

    Ministri i Financave, Hekuran Murati dhe ai i Shëndetësisë, Arben Vitia, do të raportojnë sot në Komisionin për të Drejtat e Njeriut lidhur me plotësimin apo ndryshimin e Rregullores për Përbërjen, Funksionimin, Përgjegjësitë e Komisionit Vlerësues dhe Përcaktimin e Procedurave për Njohjen e Statusit dhe të Drejtave të Personave Praplegjik dhe Tetraplegjik, ose nxjerrjen e Rregullores së re.

    Mbledhja e komisionit do të nisë në ora 13:00.

    “Ministri i Financave, Punës dhe Transfereve, Hekuran Murati, ministri i Shëndetësisë, Arben Vitiasi dhe drejtori i Shoqatës HANDIKOS, raportojnë në Komisionin për të Drejtat e Njeriut, Barazi Gjinore, për Persona të Pagjetur, Viktimat e Dhunës Seksuale të Luftës dhe Peticione, lidhur me plotësimin apo ndryshimin e Rregullores për Përbërjen, Funksionimin, Përgjegjësitë e Komisionit Vlerësues dhe Përcaktimin e Procedurave për Njohjen e Statusit dhe të Drejtave të Personave Praplegjik dhe Tetraplegjik, ose nxjerrjen e Rregullores së re. (Kuvendi i Kosovës, salla N10)”.

  • Moti sot: Me diell e temperatura deri në 36 gradë

    Moti sot: Me diell e temperatura deri në 36 gradë

    Këtë të mërkurë pritet të mbajë mot kryesisht me diell dhe temperatura të larta.

    Temperaturat minimale pritet të lëvizin në mes 17 dhe 20 gradë Celsius, kurse maksimalet prej 33 deri në 36 gradë.

    Era do fryjë nga verilindja me shpejtësi prej 16-38 km/h.