Blog

Është “e habitshme” që personi i armatosur ishte në gjendje të hapte zjarr në skenë përpara se Shërbimi Sekret ta vriste, thotë agjenti special i FBI-së, duke analizuar tentimin për vrasjen e ish-presidentit amerikan, shkruan The Guardian.

Një analizë e Associated Press e më shumë se një duzinë videove dhe fotove nga skena e tubimit të Donald Trump në Butler, Pensilvani, si dhe imazhet satelitore, tregojnë se sulmuesi i dyshuar ishte në gjendje t’i afrohej çuditërisht skenës.

Çatia ku shtrihej trupi i tij ishte më pak se 150 metra nga vendi ku Trump po fliste.

I pyetur në një konferencë shtypi nëse forcat e rendit nuk e dinin që sulmuesi ishte në çati derisa ai nisi të qëllonte, Kevin Rojek, agjenti special i ngarkuar me zyrën e terrenit të FBI në Pittsburgh, u përgjigj se “ky është vlerësimi ynë në këtë moment”.

“Është e habitshme” që personi i armatosur ishte në gjendje të hapte zjarr në skenë përpara se Shërbimi Sekret ta vriste, tha ai.

Nga të shtënat, Donald Trump tha se u qëllua në pjesën e sipërme të veshit të djathtë.

Shërbimi Sekret tha se një person u vra në publik dhe dy të tjerë u plagosën rëndë.

Agjentët e vranë sulmuesin në vendngjarje.

Një person ka vdekur në Deçan, pas një incidenti në mal mëngjesin e së dielës.

Lajmin e ka bërë të ditur Policia e Kosovës përmes raportit ditor, ku mes tjerash njoftohet se viktima kishte dalë në mal për të mbledhur çaj mali.

Më pas, sipas policisë, ai kishte rrëshqitur dhe ishte rrokullisur shpatit rreth 150 metra.

“Bjeshka e Jedovës, Deçan 14.07.2024-06:20. Gjersa viktima mashkull kosovar kishte dalur në pyll për të mbledhur qaj mali, kur ka arritur në një pjesë të terrenit te rrëshqitshëm dyshohet se ka humbur kontrollin, ka rrëshqitur dhe ishte rrokullisur tatëpjetë shpatit rreth 150m dhe si pasoj ka ndrruar jetë. Me vendim të prokurorit trupi i pajetë i viktimës është dërguar në IML për autopsi”, njofton PK’ja.

Policia e Kosovës ka arrestuar dy persona, babë e bir në Rahovec.

Kjo ndodhi pasi burri e kanosi gruan e më pas djali e sulmoi fizikisht babain.

“DHUNË NË FAMILJE – Rahovec / 14.07.2024 – 13:30. Dy meshkuj kosovar (babë e bir) janë arrestuar për shkak se ishin përfshirë në një rast dhunë në familje. Fillimisht babi kishte kanosur bashkëshorten e tij më pastaj djali kishte sulmuar fizikisht babain e tij duke i shkaktuar lëndime trupore. Të dyshuarit me vendim të prokurorit janë dërguar në mbajtje.”, thuhet në raportin e policisë.

Nesër në ora 09:30 lansohet “Dritarja për Investime të Diasporës” e organizuar nga Ministria e Financave dhe Fondi Kosovar për Garanci Kreditore në partneritet me projektin e USAID’it për Promovim të Investimeve dhe Qasje në Financa.

“Ju ftojmë që të merrni pjesë në ngjarjen lansuese të “Dritares për Investime të Diasporës” organizuar nga Ministria e Financave, Punës dhe Transfereve dhe Fondi Kosovar për Garanci Kreditore në partneritet me projektin e Agjencisë për Zhvillim Ndërkombëtar të Shteteve të Bashkuara (USAID) për Promovim të Investimeve dhe Qasje në Financa. Kjo ngjarje do të mbahet të martën më datë 16 korrik, nga ora 9:30, në Sëiss Diamond Hotel, Salla Dyar.”

Në pjesën e parë të ngjarjes, pjesëmarrësve do tu adresohet kryeministri Kurti, ambasadori Hovenier, ministri Murati dhe Drejtori Menaxhues i FKGK-së, Besnik Berisha.

“Në pjesën e parë të ngjarjes, pjesëmarrësve do tu adresohet Kryeministri i Republikës së Kosovës, Z. Albin Kurti, Ambasadori i Shteteve të Bashkuara të Amerikës në Kosovë, Z. Jeffrey M. Hovenier, Ministri i Financave, Punës dhe Transfereve, Z. Hekuran Murati, dhe Drejtori Menaxhues i FKGK-së, Z. Besnik Berisha.”

Një burrë bashkë me dy djemtë e tij janë arrestuar në Fushë Kosovë, pasi që pas një mosmarrëveshje janë rrahur mes vete dhe si pasojë kanë pësuar lëndime trupore.

Policia bën me dije se të lënduarve i është ofruar tretman mjekësor. Me vendim të prokurorit të dyshuarit janë dërguar në mbajtje.

Një grua raportohet se ka vdekur në Prishtinë.

Tri vajzat e viktimës kanë raportuar rastin në Policinë e Kosovës duke dyshuar se vdekja nënës së tyre ka ardhur si pasojë e moskujdesit.

Siç thuhet në njoftimin e Policisë, me vendim të prokurorit trupi i viktimës është dërguar në IML për obduksion.

“Prishtinë / 13.07.2024 – 13:00. Tri ankueset femra kosovare kanë paraqitur rastin e vdekjes së nënës së tyre që dyshojnë se vdekja mund të ketë ardhur si pasojë e mos-kujdesit. Me vendim të prokurorit trupi i pajetë i viktimës është dërguar në IML për obduksion”, thuhet në njoftimin e PK-së.

Ndërsa, rasti është iniciuar “Hetim i vdekjes”.

FBI ka thënë se ende nuk është kuptuar motivi për tentim vrasjen e ish presidentit amerikan, Donald Trump.

Byroja ka thënë”po punon për të përcaktuar sekuencën e ngjarjeve dhe lëvizjet e sulmuesit përpara të shtënave” dhe po shqyrton provat e mbledhura.

“Ndërsa hetimet e deritanishme tregojnë se sulmuesi ka vepruar i vetëm, FBI-ja vazhdon të kryejë aktivitet logjik hetimor për të përcaktuar nëse ka pasur ndonjë bashkëpunëtor të lidhur me këtë sulm”, thuhet në deklaratë.

Crooks nuk kishte asnjë shkelje të njohur në të kaluarën dhe arma që ai përdori në të shtënat ishte blerë legalisht.

“Nuk ka shqetësime aktuale të sigurisë publike,” thotë FBI.

Një ngjarje e rëndë ka ndodhur të dielën në Spitalin Rajonal të Gjakovës, ku një fëmijë 3-vjeçar ka humbur jetën.

Lajmin për Dukagjinin e ka konfirmuar drejtori i Policisë së Kosovës për rajonin e Gjakovës, Lumni Graishta, i cili ka thënë se fëmija ka ndërruar jetë si pasojë e lëndimeve të shkaktuara nga rënia e dyerve të oborrit mbi të.

“Rasti ka ndodhur dje në Rahovec. Fëmija i moshës 3 vjeçar ka qenë duke luajtur në oborr ku disa dyer që kanë qenë jashtë përdorimit janë rrëzuar dhe i kanë rënë atij. I njëjti me urgjencë është sjellur në Spitalin e Gjakovës ku edhe ka ndërruar jetë”, ka thënë Graishta.

Ai ka shtuar se rasti është iniciuar si “shkaktim i rrezikut të përgjithshëm”.

Presidentja e vendit, Vjosa Osmani, u ka dërguar një mesazh mërgimtarëve përmes një videoje të postuar në Instagram, e cila shfaq disa pjesë të Kosovës.

Ajo thotë se ata që jetojnë në diasporë janë zemra dhe shpirti i Kosovës, e poashtu iu bëri thirrje të vijnë sa më shumë në atdheun e tyre.

“Kosova tani më shumë se kurrë ka nevojë për ju”, thotë presidentja ndër të tjera.

Ky është mesazhi i plotë i Osmanit:

Mërgatë e dashur, motra e vëllezër, sa herë të ktheheni në atdheun tuaj, ju ktheheni te familjet tuaja, të të dashurit tuaj, te kujtimet tuaja, te toka juaj. Kthimi juaj është ritakim dhe ribashkim që kapërcen distancën dhe kohën.

Bujaria dhe përkushtimi juaj për atdheun është i jashtëzakonshëm. Malli për Kosovën është një lidhje që na bashkon, kudo që të na çojë jeta. Kthimi juaj këtu forcon identitetin tonë kolektiv dhe na kujton shpirtin e qëndrueshëm të popullit tonë. Kosova tani më shumë se kurrë ka nevojë për ju. Përvojat, aftësitë dhe perspektivat tuaja janë tejet të çmueshme, ndërsa ne vazhdojmë ta ndërtojmë një të ardhme më të ndritshme për atdheun tonë të dashur. Ju ktheheni në vatrat tuaja Ju ktheheni në Kosovën tuaj, atdheun tuaj shpitëror. Dyert, zemrat dhe shtëpitë tona janë të hapura sepse ju jeni zemra dhe shpirti i Kosovës.

View this post on Instagram

A post shared by Vjosa Osmani (@vjosa.osmani)