ATV

Blog

  • Haradinaj: Për “gropat e zeza buxhetore”, organet e drejtësisë herët a vonë do të kenë shumë punë

    Haradinaj: Për “gropat e zeza buxhetore”, organet e drejtësisë herët a vonë do të kenë shumë punë

    Kryetari i Aleancës për Ardhmërinë e Kosovës (AAK), Ramush Haradinaj, ka thënë se janë mbi 250 milionë euro tendera njëburimorë që janë dhënë gjatë qeverisjes së Kurtit.

    Ai ka shkruar se për “gropat e zeza buxhetore”, organet e drejtësisë herët a vonë do të kenë shumë punë.

    “Mbi 250 milionë tenderë njëburimorë (vrima të lavdishme buxhetore) për dosta e miq, janë historike por aspak për të mirë dhe organet e drejtësisë herët a vonë do të kenë shumë punë”, ka thënë Haradinaj.

    Nga ana tjetër, Haradinaj ka theksuar se sipas ASK-së qeveritare gjatë qeverisjes së Kurtit, mbi 200 mijë qytetarë e kanë braktisur Kosovën, ani se për filozofët e qeverisë, Kosovën po e braktisin gjyshet.

    Postimi i plotë:

    Gropat e zeza buxhetore dhe “arritjet historike” të Qeverisë

    • Kosova është nën sanksione të BE dhe SHBA dhe kjo është e paparë dhe historike. Dëmi deri tash, rreth 300 milionë euro, pra gropë e madhe e buxhetit dhe bajagi historike.
    • Albini e ka implementuar marrëveshjen e 2013-tës për stickersa, targa të veturave dhe sot paska thënë edhe marrëveshjen për energji dhe kjo është historike.
    • E ka marrë statusin e “Veteranit Luftëtar” pa e veshur kurrë uniformën e UÇK dhe pa prekur kurrë armë me dorë, siç e parasheh ligji. Kjo s’ka qenë e lehtë, por është historike përnjëmend edhe goxha njëfarë grope.
    • Mbi 250 milionë tenderë njëburimorë (vrima të lavdishme buxhetore) për dosta e miq, janë historike por aspak për të mirë dhe organet e drejtësisë heret a vonë do të kenë shumë punë.
    • Asnjë njohje për 4 vjet qeverisje, asnjë anëtarësim.
    • Sipas ASK-së qeveritare gjatë qeverisjes së Kurtit, mbi 200 mijë qytetarë e kanë braktisur Kosovën, ani se për filozofët e qeverisë, Kosovën po e braktisin gjyshet!

    Gropa apo vrima të mëdha këto që ky kryeministër e kjo qeveri, nuk kanë as dije, as vullnet e as kohë t’i sanojnë. Ata tash janë orientu nga zgjedhjet e radhës që janë mashtrimi i radhës.

  • Kryeministrja e Estonisë jep dorëheqje për t’u bërë kryediplomate e BE-së

    Kryeministrja e Estonisë jep dorëheqje për t’u bërë kryediplomate e BE-së

    Kryeministrja e Estonisë, Kaja Kallas, dha dorëheqje nga kjo pozitë, për t’u bërë shefe e politikës së jashtme të Bashkimit Evropian në fund të vitit.

    Kallas, kryeministrja e parë grua e Estonisë, i dorëzoi dorëheqjen zyrtare presidentit Alar Karis, gjatë një takimi në Pallatin Presidencial në Talin, të hënën.

    Duke folur për kohën e Kallasit si kryeministre, për plot tre vjet e gjysmë, Karis tha se “ishte një kohë me plot kriza, si: koronavirusi, recesioni ekonomik dhe lufta në Evropë, kur Rusia shkatërroi tablonë e mëparshme të sigurisë me agresionin e saj në Ukrainë”.

    Dorëheqja e Kallasit shkaktoi automatikisht dorëheqjen e kabinetit të saj tripartiak.

    Megjithatë, ai do të vazhdojë të shërbejë si qeveri teknike, derisa të betohet kabineti i ri – me shumë gjasa në fund të korrikut ose në fillim të gushtit.

    Në pozitën e lartë në BE, Kallas do të pasojë shefin e deritashëm të politikës së jashtme, Josep Borrell.

    Një prej detyrave të saj pritet të jetë edhe ndërmjetësimi në dialogun për normalizimin e marrëdhënieve mes Kosovës dhe Serbisë.

    Në të kaluarën, Kallas është shprehur pro integrimit evropian të Kosovës dhe ka theksuar, po ashtu, nevojën e përmirësimit të marrëdhënieve me Serbinë, duke thënë se një Ballkan Perëndimor i sigurt “është në interesin e gjithë Evropës”. /REL

  • Memli Krasniqi kujton Azem Galicën

    Memli Krasniqi kujton Azem Galicën

    Kryetari I PDK-së, Memli Krasniqi, ka kujtuar sot Azem Bejtë Galicën.

    Përmes një postimi në Facebook, Krasniqi shkruan se “qysh si 16 vjeçar, Azemi u betua për një jetë kundër pushtuesve dhepër lirinë e trojeve shqiptare”

    Lexoni më poshtë postimin e plotë të Krasniqit:

    100 vite më parë, në moshën 34 vjeçare, ra heroikisht një nga trimat më të rrallë të historisë tonë kombëtare, Azem Bejta. Edhe pse nuk jetoi gjatë, të bëmat dhe veprimtaria e Azemit tejkaluan moshën e tij të re. Ai ishte pjesë aktive e rezistencës kundër një perandorie që po shuhej dhe u bë personaliteti qendror i epokës së rezistencës së parë kundër pushtimit serb e jugosllav.

    Qysh si 16 vjeçar, kur ia vranë babain, Bejtën, Azemi u betua për një jetë kundër pushtuesve dhe për lirinë e trojeve shqiptare. Në kuadër të Lëvizjes Kaçake, ai mori pjesë në shumë luftëra e beteja, përfshirë Kryengritjen e Drenicës, atë të Dukagjinit dhe më pas atë të Junikut.

    Duke mos dashur që as i vdekur të bie në duart e çetnikëve serbë, Azemi e kishte lënë amanet që të varroset në një vend sekret, të cilin do t’ia plotësonin pas rënies, gruaja e tij Shota dhe bashkëluftëtarët e tij, duke e varrosur në shpellën “Quku që kërset”, 75 metra të thellë. Për 47 vite trupi i heroit tonë do të pushonte aty, deri në rikthimin e tij në fshatin e lindjes, në Galicë.

    Lavdi Heroit të Kombit, Azem Bejtë Galica!

  • Policia në Ferizaj: Gjatë javës së kaluar u raportuan 48 aksidente, një i vdekur

    Policia në Ferizaj: Gjatë javës së kaluar u raportuan 48 aksidente, një i vdekur

    Policia në Ferizaj ka njoftuar se gjatë javës së kaluar janë raportuar 48 aksidente trafiku, 1 prej tyre me vdekje.

    Po ashtu janë shqiptuar 1770 gjoba dhe janë hequr 23 patentë shoferë.

    “Policia Rajonale e Ferizajt ka ndërrmarrë një sërë aktivitetesh në identifikimin e kundërvajtësve të ndryshëm në komunikacion me qëllim parandalimin e aksidenteve. Në kuadër të këtyre aktiviteteve policia rajonale e Ferizajt gjatë javës që shkoi, nga data 08-14/07/2024 ka shqiptuar 1770 gjoba kundërvajtëse dhe ka hequr edhe 23 patentë shoferë për drejtuesit që kanë shkaktuar kundërvajtje më të rënda në komunikacion.”

    “Policia Rajonale e Ferizajt do të vazhdojë me aktivitete të shtuara, me synim parandalimin e aksidenteve në komunikacionin rrugor dhe apelojmë tek shoferët që të bëjnë kujdes në komunikacionin rrugor. Ndërsa, ftojmë qytetarët që të bashkëpunojnë më policinë. Për të gjitha kundërvajtjet që shkaktohen në komunikacion, të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192,0290/326-250 & 0290/322-406. Të dhënat e juaja do të ruhen në konfidencialitet të plotë.”

  • Kryetarët Idrizi e Nura bëjnë homazhe tek varrezat e heronjve Azem e Shote Galica

    Kryetarët Idrizi e Nura bëjnë homazhe tek varrezat e heronjve Azem e Shote Galica

    Kryetari i Komunës së Vushtrrisë, Ferit Idrizi, bashkë me kryetarin e Skenderajt Fadil Nura, kanë bërë homazhe tekë varrezat e heronjve Azem e Shotë Galica, me rastin e 100 vjetorit të rezistencës në Arbërinë e Vogël, të udhëhequr nga ta, raporton EO.

    Kryetari Idrizi ka thënë se duke marr parasysh betejën që është zhvilluar në këtë zonë, Arbëria e Vogël është thelbi i një Shqipërie etnike.

    Ai ka shtuar se gjithë shqiptaria ndihet krenar për këto figura të mëdha kombëtare që kanë kontribuar në lirinë që sot Kosova e gëzon.

    “Sot jemi për të bërë homazhe te kryetrimi Azem Galica, në rastin e 100 vjetorit të betejës, jemi në këtë zonë ne Arbërinë e Vogël, ku është zhvilluar beteja. Çfarë e bënë të veçantë janë këto tri fshatrat, Galica, Lubovëci dhe Mikoshnica. Do të bëjmë homazhe edhe tek lapidari në Lubovec dhe vazhdojmë me aktivitete tjera të ditës. Besoj që jo vetëm unë por të gjithë shqiptarët ndihen krenar, sepse Arbëria e Vogël është thelbi i një Shqipërie etnike dhe gjithsesi se këto figura kombëtare siç janë Shota dhe Azem Galica, duhet të përkujtuar sepse kanë qenë të lirisë që ne sot e gëzojmë në Republikën e Kosovës”, tha Idrizi.

    Përveç kësaj, kryetaret vizituan edhe lapidarin e heroit Xheladin dhe Lah Luboveci si dhe Kullën e Halit Bajrami ku ishte rrezuar tre herë dhe tre herë ishte ndërtua në kohën e rezistencës në Arbërinë e Vogël.

    Për të shënuar 100 vjetorin e rezistencës në Arbërinë e Vogël, për tri ditë me radhë do të ketë aktivitete të ndryshme, të organizuara nën patronazhin e kryetarit të Komunës së Vushtrrisë, Ferit Idrizi.

  • ​Akil Gjakova: Në Paris shkoj për ta bërë krenare Kosovën

    ​Akil Gjakova: Në Paris shkoj për ta bërë krenare Kosovën

    Në Lojërat Olimpike në Paris Kosova do të përfaqësohet nga nëntë sportistë. Pesë nga sporti i xhudos, dy nga noti, një nga boksit dhe një nga sporti i atletikës.

    Pritjet më të mëdha për të fituar medalje janë nga xhudoja, aty ku do të luftojë për medalje edhe xhudisti Akil Gjakova. Ai ka thënë se shkon ën Paris për ta bërë krenare Kosovës duke arritur rezultat sa më të mirë, përcjellë KosovaPress.

    “Hera e dytë si sportist e përfaqësimit tim të Kosovës në Lojëra Olimpike. Pas vendit të shtatë në Tokio 2020, kësaj radhe me një fokus dhe një qëllim më të qartë, ta bëjmë Kosovën krenare”, ka thënë Gjakova.

    Lojërat Olimpike në Paris do të zhvillohen nga data 26 Gusht deri më 11 Korrik.

  • ​Hyri në Kosovë edhe pse iu ndalua hyrja, arrestohet

    ​Hyri në Kosovë edhe pse iu ndalua hyrja, arrestohet

    Një shtetas i huaj është arrestuar në pikë kalimin kufitar Merdare, për arsye se i njëjti dyshohet se ka hyrë dhe qëndruar ilegalisht në Republikën e Kosovës.

    Ai është ndaluar dje në mesditë. Sipas Policisë, gjatë verifikimit ka rezultuar se të njëjtit më datë 09.07.2024, i është refuzuar hyrja në Kosovë.

    Me vendim të prokurorit i dyshuari është dërguar në mbajtje.

  • Kur do të zhvillohet përballja e madhe Argjentinë-Spanjë?

    Kur do të zhvillohet përballja e madhe Argjentinë-Spanjë?

    Finalja e madhe që njihet ndryshe si “Finalissima” do të zhvillohet në vitin e ardhshëm dhe dy rivalët tashmë janë mësuar. Fituesi i Kupës së Amerikës 2024, Argjentina dhe fituesi i Euro 2024, Spanja do të përballen për trofeun vitin e ardhshëm.

    “Finalissima” e parë ndonjëherë, ose “finalja e madhe” u luajt në vitin 2022, por tradita e skuadrave më të mira të UEFA-s dhe CONMEBOL-it që përballen ballë për ballë daton që nga viti 1985. Italia dhe Argjentina luajtën në “Finalissiman” inauguruese në stadiumin “Wembley”, me Argjentinën e Lionel Messit që fitoi me rezultat 3-0.

    Vitin e ardhshëm, Messi pritet të drejtojë sërish Argjentinën, këtë herë kundër një skuadre në rritje të Spanjës, e udhëhequr nga sensacioni 17-vjeçar Lamine Yamal , takimi tjetër i vetëm i të cilit me Yamal erdhi në një fotosesion tashmë viral në vitin 2007, përcjellë KosovaPress.

    “Shpresoj që Messi të fitojë Kupën e Amerikës dhe unë të fitoj Euron, kështu që unë mund të luaj kundër tij në “Finalissima,” kishte deklaruar pak ditë më parë talenti i Barcelonës.

    “Finalissima 2022” u luajt më 1 qershor, kështu që edicioni i ardhshëm ka të ngjarë të zhvillohet në verën e vitit 2025.

  • Liria nuk do të shuhet, 7 aksionarë marrin drejtimin e klubit prizrenas

    Liria nuk do të shuhet, 7 aksionarë marrin drejtimin e klubit prizrenas

    Pasi përjetoi një sezon zhgënjyes në Superligë duke rënë menjëherë në Ligën e Parë, tek klubi futbollistik Liria po ndodhin ndryshime të mëdha. Pas dorëheqjes së ish-pronarit Rahman Kiçe, drejtimin e klubit e kanë marrë shtatë aksionarë të rinj me në krye Valon Osmanin i cili është zgjedhur kryetar i Lirisë.

    Osmani ka folur në një intervistë për KosovaPress ku ka zbuluar planin e tij për ringjalljen e Lirisë ku ka thënë se si qëllim kryesor e ka stabilizimin e klubit në aspektin financiar.

    “Qëllimi ynë është të arrijmë t’ia kthejmë klubit atë harmoninë, atë emrin e madh që e ka Liria dhe normal që stabiliteti ynë do të jetë buxheti vjetor. Ne veç se e kemi planifikuar buxhetin vjetor, i kemi planifikuar shpenzimet mujore dhe vjetore që Liria ta këtë një stabilitet të pagave dhe të gjitha shpenzimeve…Këtë vit Liria do ta ketë një stabilitet të mirë dhe të gjitha gjërat do të ecin sipas kohës, kontratat, prandaj lojtarët e kanë parë që i kemi bërë kontratat, parapagimet dhe të gjitha janë duke shkuar siç duhet”, tha fillimisht Osmani.

    Pas ardhjes së pronarëve të rinj, Liria deri më tani ka bërë tetë përforcime, por Osmani ka zbuluar se janë në bisedime edhe me dy lojtarë nga Nigeria.

    “Deri më tani kemi marrë tetë lojtarë, kemi kryer transferimet, shumica janë nga Shqipëria dhe kemi shumë lojtarë cilësor edhe dy veta jemi duke pritur për nënshkrime, do të ketë transferime. Më datën 18 do të shkoj në Nigeri sepse kemi bërë kontratë me një klub të madh në Nigeri, kemi një turnir atje nga data 18 deri më 24 korrik, kemi dy apo tre lojtarë shumë cilësor që po i kërkon gjithë Evropa dhe ndoshta mund ta kryejmë transferimin e tyre”, bëri të ditur Osmani.

    Ndërsa në aspektin sportiv, objektivi i madh është rikthimi i menjëhershëm në Superligën e Kosovës në futboll.

    Osmani: Do japim gjithçka që Lirinë ta kthejmë në Superligë

    “Liga e Parë është bërë shumë e fortë dhe shumë emocione ka, sivjet po besoj që do të jetë luftë e madhe. Normalisht qëllimi ynë i parë është të rikthehemi ky qytet, ky klub në Superligë, nuk diskutohet. Çfarëdo që nevojitet për atë punë do të punojmë në maksimum, ne, publiku, qyteti, sponsorët…Ky qytet po të dojë e mbush arkën e Lirisë shumë dhe ndoshta të parët bëhemi në Kosovë”, theksoi Osmani.

    Në fund, i pari i KF Lirisë kishte edhe një mesazh për tifzët të cilët njihen si “Arpagjikët”

    “Ne qëllimin e kemi që t’i japim klubit një garanci dhe publikut që të jemi këtu afatgjatë për t’i drejtuar. Ka probleme shumë, në Kosovë kemi probleme shumë të mëdha, por unë do të jepja një mesazh të gjithë publikut që ky është klub i të gjithë qytetit, ky nuk është klubi im, ne e kemi hequr fjalën ‘pronar’, nuk ka këtu pronar, ne jemi të gjithë djemtë punëtorë dhe biznesmen të qytetit që kemi ardhur për ta bashkuar këtë klub përsëri aty ku e ka vendin dhe për ta bashkuar të gjithë qytetin me klubin sepse a je në Ligën e Parë, në Superligë apo në Ligën e Dytë, ne klub tjetër nuk kemi”, tha në fund Osmani.

    Osmani kërkoi gjithashtu edhe investime në renovimin e stadiumit “Përparim Thaçi” nga ana e Komunës së Prizrenit si dhe Ministria e Sportit.

  • ​Republikanët akuzojnë Biden për nxitjen e të shtënave ndaj Trump

    ​Republikanët akuzojnë Biden për nxitjen e të shtënave ndaj Trump

    Një grup ligjvënësish republikanë po fajësojnë presidentin amerikan Joe Biden, duke pretenduar se retorika e tij e fushatës çoi në tentativën për vrasjen e Donald Trump.

    Që nga e diela, gati një duzinë ligjvënës kanë drejtuar gishtin drejt Biden dhe demokratëve për të shtënat të shtunën në mbrëmje në mitingun e ish-presidentit në Butler, Pensilvani.

    Shumë po përmendin një koment nga zoti Biden gjatë një telefonate private me donatorët javën e kaluar.

    Sipas Politico, Biden tha gjatë telefonatës: “Unë kam një punë, dhe kjo është të mund Donald Trump. Jam absolutisht i sigurt se jam personi më i mirë që mund ta bëj këtë. Pra, kemi mbaruar së foluri për debatin. Është koha për ta vënë Trumpin në “target””

    Të shtunën, zoti Biden dënoi sulmin dhe u bëri thirrje amerikanëve të denoncojnë një dhunë të tillë.

    Pas atentatit, referenca specifike për telefonatën e Biden më pak se një javë më parë, ka bërë që disa republikanë t’ia vënë barrën e të shtënave pjesërisht mbi Biden./BBC/