Blog

Demonstratat e aktivistëve për klimën janë bërë shkak për ndalimin e fluturimeve në aeroportin më të ngarkuar në Gjermani, atë të Frankfurtit.

Protesta e aktivistëve u organizua pranë aeroportit duke bllokuar kështu pistat e fluturimeve. Ata mbanin në duar pankartat ‘Nafta vret’ duke i bërë thirrje qeverisë gjermane që të ndalojë ndaloj përdorimin e naftës, qymyrit dhe gazit.

Aktivistët kërkojnë që qeveria gjermane të ndjekë një marrëveshje globale për të ndaluar deri në vitin 2030 përdorimin apo tregtimin e lëndëve djegëse që shkaktojnë ndotje të mjedisit dhe kanë ndikim negativ në kushtet klimatike.

Aktivistët kanë listuar gjithashtu disa vende në të gjithë Evropën dhe Amerikën e Veriut ku janë planifikuar demonstrata të ngjashme si pjesë e një fushate që filloi të mërkurën

Ndërkaq me anë të një postimi në “X” aeroporti i Frankfurtit lajmëroi të gjithë qytetarët për ndërprerjen e fluturimeve, por më pas njoftoi se fluturimet kishin nisur gradualisht me ritme të ngadalta si pasojë e protestave.

Holanda dhe Danimarka janë gati të dorëzojnë 14 tanke Leopard 2 në Ukrainë, ka njoftuar Ministria holandeze e Mbrojtjes.

Bëhet e ditur se të dy vendet në prill të vitit të kaluar deklaruan se do t’i blinin tanket nga një palë e tretë dhe do t’i bënin gati për betejë në Ukrainë.

Tanket janë rinovuar plotësisht nga prodhuesi gjerman i armëve, Rheinmetall dhe pas muajsh testimi janë gati për t’u dorëzuar, shkruan Reuters, përcjell Telegrafi.

Megjithatë, Ministria e Mbrojtjes nuk e dha datën e dërgesës.

“Tanket Leopard mund ta ndihmojnë Ukrainën të fitojë në fushën e betejës”, thuhet në një deklaratë të saj.

“Ato kanë fuqi të madhe zjarri, ofrojnë mbrojtje të mirë për ekuipazhin dhe janë të shpejta”.

Ndryshe, Danimarka dhe Holanda së fundmi i kanë dhuruar ushtrisë ukrainase edhe aeroplanë F-16.

Ata aeroplanë pritet të fluturojnë në qiellin e Ukrainës këtë verë për t’u siguruar që ukrainasit mund të vazhdojnë të mbrohen në mënyrë efektive kundër agresionit rus.

Policia ka vazhduar afatin e konkursit për të gjitha minoritetet për Drejtorinë Rajonale në Mitrovicë të Veriut.

“VAZHDIMIN E AFATIT TË KONKURSIT – Policia e Kosovës për të gjitha minoritet shpall:

K O N K U R S

Për pranimin e zyrtarëve policorë sipas kushteve të parapara të konkurrimit për të gjitha minoritetet (serbë, boshnjakë, turq, goranë, romë, ashkalinj, egjiptianë, kroatë, malazezë, maqedonas).

Vendi i punës: Drejtoria Rajonale e Policisë Mitrovicë Veri.”

Qeveria e Maqedonisë së Veriut ka ndryshuar drejtorët e të gjitha burgjeve. Pas raportit që drejtori për zbatimin e sanksioneve, Aleksandar Pandov e dorëzoi te kryeministri, Hristijan Mickoski, organi ekzekutiv ka shkarkuar nga pozita e drejtorit në burgun e Shutkës, Filip Andovin dhe në vend të tij e ka emëruar Filip Utkovskin.

Në burgun e Idrizovës, zëvendësdrejtor për pavijonin e hapur në Veles është caktuar Ibrahim Elezi.

Në Shtip me burgun do të udhëheq Dejan¬ço Zdravkov, ndërsa zëvendës i tij do të jetë Gjorgji Hubrev. Në burgun e Prilepit për ushtrues i detyrës drejtor është emëruar Emil Janevski ndërsa zëvendës i tij Dime Naumçevski. Me burgun e Strugës do të udhëheq kuadër shqiptar. Atë do të drejtoj Ardit Mustafai ndërsa zëvendës i tij është emëruar Aleksandar Mojsov.

Me burgun e Manastirit do të udhëheq Aleksandar Jovkovski, ndërsa me burgun e Gjevgjelisë, Sllagjana Stamenkovska. Oliver Cvetkovski do të jetë drejtor i burgut të Kumanovës, ndërsa zëvendës i tij do të jetë Hamid Aliti. Kliment Sofkovski do të drejtoj burgun e Ohrit, ndërsa zëvendës i tij është emëruar Mile Kosteski. Ndërkohë Zoran Ristov do të drejtoj burgun e Strumicës, Igor Dodevski atë të Tetovës.

Vendimet e Qeverisë për ndryshimin e drejtorëve dhe zëvendësdrejtorëve nëpër burgje vjen pas vizitave të jashtëzakonshme që i nisi nëpër këto institucione ndëshkuese, drejtori i zbatimit të sanksioneve, Aleksandar Pandov. Ai ditë më parë vizitoi burgun e Shutkës nga ku konstatoi shkelje të shumta dhe mungesë të burgosurve, ndërsa sot ka vizituar burgun e Idrizovës. Raporti për vizitën e fundit pritet të jetë gati deri në fund të javës. Procesverbali nga vizitat e jashtëzakonshme do t’i dorëzohet Qeverisë, policisë dhe Prokurorisë Publike. Ministri i Brendshëm, Pançe Toshkovski sot deklaroi se ajo që po ndodh në burgjet e vendit është për të ardhur turp dhe se do të ketë përgjegjësi ligjore për të gjithë shkelësit e ligjit në strukturat e deritanishme udhëheqëse nëpër burgje. /Alsat.mk/

Një person është arrestuar në Prishtinë nga Policia e Kosovës.

I njëjti dyshohet se ka marrë me veturën e tij një të mitur dhe i ka dhënë për të konsumuar substancë narkotike.

“Ankuesja femër kosovare, ka raportuar se i dyshuari mashkull kosovar, e kishte marr me veturën e tij djalin e saj viktimën mashkull kosovar të mitur dhe i kishte dhënë për të konsumuar substancë narkotike. Viktima ka pranuar tretman mjekësor, ndërsa i dyshuari është arrestuar dhe pas intervistimit me vendim të prokurorit është dërguar në mbajtje”, thuhet në raport.

Nga 1 gushti 2024 Zvicra do të kontribuojë financiarisht në përpjekjet evropiane për të forcuar mbrojtjen e kufijve të jashtëm të zonës Shengen.

Megjithëse Zvicra nuk është anëtare e BE-së, ajo i përket zonës Shengen – jo vetëm duke përfituar nga qasja në zonën pa kufij të Evropës, por edhe duke marrë pjesë në financimin e saj.

Mbështetja financiare është veçanërisht e nevojshme në vendet e Shengenit me kufij veçanërisht të gjerë tokësor dhe detar ose aeroporte të mëdha ndërkombëtare në territoret e tyre, sepse ato mbajnë një barrë të rëndë financiare për sigurimin e kufijve të jashtëm të zonës, për të mirën e të gjithë anëtarëve të tjerë.

Si do të përdoret kontributi prej 300 milionë frangash i Zvicrës?

Gjatë shtatë vjetëve të ardhshme do të shkojë drejt programit të quajtur Instrumenti për Mbështetjen Financiare për Menaxhimin e Kufirit dhe Politikën e Vizave (BMVl), i cili është pjesë e fondit që siguron menaxhim efikas të kufijve të BE-së.

BE-ja tashmë ka ndarë 6.24 miliardë euro për BMVI-në për një periudhë shtatëvjeçare dhe 300 milionë franga është pjesa e Zvicrës.

Në mënyrë të veçantë, këto fonde do të përdoren për përmirësimin e kontrolleve të kufijve të jashtëm, investimin në sisteme të përbashkëta të TI-së në shkallë të gjerë në fushën e menaxhimit të kufijve dhe politikës së vizave, financimit të infrastrukturës dhe pajisjeve, si dhe vendosjes së oficerëve ndërlidhës të imigracionit, ndër detyra të tjera.

Pse Zvicra po kontribuon me 300 milionë franga?

Qëllimi i BMVl është të “përmirësojë mbrojtjen e kufijve të jashtëm të zonës Shengen dhe, për rrjedhojë, të rrisë efektivitetin e kontrolleve kufitare dhe të parandalojë imigracionin e paligjshëm”, tha Këshilli Federal.

Kjo, së bashku me menaxhimin efektiv dhe të integruar të kufijve të jashtëm, “është gjithashtu në interesin e Zvicrës”.

Gjithashtu, Zvicra ka të ngjarë të marrë grante nga BMVl prej rreth 50 milionë frangash që do të ndahen kryesisht për krijimin e sistemeve të reja të informacionit të BE-së (Sistemi i hyrjes dhe daljes EES, dhe Sistemi Evropian i Informacionit dhe Autorizimit të Udhëtimit ETIAS) në territorin e saj.

Për më tepër, një pjesë e këtyre burimeve është planifikuar të përdoret për të financuar zgjerimin e infrastrukturës së kontrollit kufitar në aeroportin e Cyrihut.

Përfitimet për Zvicrën

Nuk ka dyshim se qytetarët zviceranë përfitojnë shumë nga aksesi në zonën Shengen.

E thënë thjesht, ai i lejon këdo që ndodhet në Zvicër ligjërisht të shijojë udhëtimin pa probleme për në dhe nga 26 shtetet e tjera të Shengenit, nëse lejojnë limitet kohore të vizave.

Udhëtarët që mbërrijnë në Zvicër për herë të parë nga një shtet jo-Shengen si Britania e Madhe ose SHBA-ja do të duhet të qëndrojnë në radhë për të kontrolluar pasaportat e tyre, por pas kësaj ata mund të lëvizin lirshëm.

Kjo do të thotë se shtetasit zviceranë, shtetasit e BE-së, rezidentët ndërkombëtarë jashtë BE-së në Zvicër, turistët, studentët e shkëmbimit ose njerëzit që udhëtojnë për biznes mund të udhëtojnë në një shtet tjetër anëtar të Shengenit, ndoshta fqinjët e Francës ose Gjermanisë me makinë ose tren, pa pasur nevojë të tregojnë pasaportat e tyre. (Edhe pse herë pas here çeqet kthehen.)

Ky është një “plus” i caktuar për këdo që udhëton brenda Evropës. Për shkak se Zvicra ka kaq shumë kufij tokësorë me vendet e tjera të Shengenit, do të kishte qenë jashtëzakonisht problematike të mos anëtarësohej./albinfo.ch

Ka ndërruar jetë i mituri G.K. i cili u plagos aksidentalisht nga zyrtari policor Fatjon Hoti më 16 korrik në Istog.

16-vjeçari vdiq në Qendrën Klinike Universitare të Kosovës, ku po trajtohej që nga dita e plagosjes pas plagëva të rënda që i mori nga arma e zjarrit.

Lajmin për vdekjen e tij për Paparacin e ka konfirmuar zëdhënësi i Prokurorisë Themelore në Pejë, Shkodran Nikçi.

“Ka ndërruar jetë viktima. Prokurori i shtetit ka urdhëruar të bëhet obduksioni”, tha Nikçi.

Po atë ditë, zyrtari policor Fatjon Hoti ishte arrestuar dhe suspenduar nga detyra.

Inspektorati Policor i Kosovës ishte deklaruar për rastin.

“Sot (16.07.2024) pas mesnatës IPK ka pranuar një informacion nga Policia e Kosovës se ka ndodhur një incident me armë zjarri në fshatin Dubravë të Istogut ku një person ishte plagosur në kokë. Hetuesit e IPK-së menjëherë i janë përgjigjur thirrjes kurse në vendin e ngjarjes kanë dalë edhe njësitet përkatëse policore si dhe prokurori kujdestar”.

“Personi i plagosur në këtë rast (i moshës 16 vjeçare i cili ka lidhje familjare me policin) është dërguar me urgjencë për trajtim mjekësor fillimisht në Spitalin Rajonal të Pejës e pastaj është dërguar në QKUK në Prishtinë”.

“Bazuar në hetimet preliminare fillestare dyshohet se rasti ka ndodhur në shtëpinë e zyrtarit policor i cili deri në këtë fazë të hetimit dyshohet se aksidentalisht ka shkrepur armën zyrtare”.

“Personi i dyshuar në këtë rast (zyrtari policor) është arrestuar nga Inspektorati Policor me dyshimin se i njëjti ka kryer veprën penale “vrasje e mbetur në tentativë”.