Një tjetër tragjedi raportohet të ketë ndodhur në Durrës ku një 11-vjeçar është mbytur në det teksa po lahej.
“Rreth orës 10:35, në lagjen nr. 13, Durrës, gjatë kohës që po lahej në det, dyshohet se është mbytur aksidentalisht një 11-vjeçar, banues në Tiranë.
Grupi hetimor vijon punën për sqarimin dhe dokumentimin e plotë të rrethanave të ngjarjes, si dhe për përcaktimin e shkakut të mbytjes”, njofton policia.
Një 22-vjeçar ka humbur jetën pas një aksidenti të ndodhur pak para mesnatës në rrugën nacionale Mitrovicë–Prishtinë, në segmentin në zonën e Vushtrrisë.
Viktima dyshohet të jetë Drilon Meniqi.
Sipas Policisë, aksidenti ka ndodhur mes një automjeti dhe një motoçiklete, ku i riu, si drejtues i motoçikletës, nuk ka arritur të mbijetojë.
“Me urdhër të prokurorit kompetent, trupi i pajetë i viktimës është dërguar në Institutin e Mjekësisë Ligjore për obduksion.Njësitet policore dhe hetuesit e trafikut kanë dalë në vendin e ngjarjes dhe kanë nisur hetimet për të sqaruar rrethanat dhe shkaqet e aksidentit”, thotë PK./ Ekonomia Online
Ministria e Industrisë, Ndërmarrësisë, Tregtisë dhe Inovacionit, ka publikuar çmimin maksimal të lejuar për shitjen e derivateve në tregun vendor, për sot dhe nesër.
Për datat 21-22.06.2026, çmimet maksimale të lejuara janë si vijon:
• Nafta (dizel): 1.39 euro/litër;
• Benzina: 1.33 euro/litër
• Gas: 0.67 euro/litër.
Postimi i plotë:
Deputeti i zgjedhur i LDK-së, Avdullah Hoti, ka reaguar për herë të dytë brenda ditës lidhur me debatet për gazin amerikan, pasi më herët kishte bërë thirrje për mobilizim qytetar dhe protesta për këtë çështje.
Reagimi i tij vjen pasi deputeti i zgjedhur i LVV-së, Ilir Kërçeli, kritikoi qëndrimin e Hotit, duke deklaruar: “Ta mbrojmë me protestë aleancën tonë me SHBA-të, tha një deputet dhe ish-kryeministër i LDK-së. Ooo mbrojeni LDK-në, sepse po ju ndërrohet qiramarrësi. Për aleancën me SHBA-të ka kush kujdeset dhe e mbron”, shkroi Kërçeli në Facebook.
Rrjedhimisht pasoi reagimi i dytë nga Hoti, i cili tha se përfaqësuesit e pushtetit nuk i dëgjuan reagimet e zyrtarëve amerikanë dhe të Odës Ekonomike Amerikane për projektin e gazit, por reaguan menjëherë kur u përmendën qytetarët dhe protestat.
“Çuditërisht, për çështjen e gazit nuk dëgjuan reagimet e zyrtarëve të Administratës Amerikane dhe Odës Ekonomike Amerikane, por u ra në vesh menjëherë sapo u përmend zëri i qytetarëve dhe protesta. Pyetja është e thjeshtë: pse frikësoheni nga qytetarët? Partneriteti me Shtetet e Bashkuara të Amerikës nuk është politikë ditore, por është themel i shtetit tonë”, ka shkruar Hoti.
Mijëra pjesëmarrës, qindra fitues dhe shpërblimet më të mëdha të lojës shpërblyese do të gjejnë pronarët e tyre këtë të hënë në Sheshin Zahir Pajaziti.
Pas javësh emocionesh dhe pritjeje nga mijëra konsumatorë anembanë Kosovës, ka ardhur momenti më i shumëpritur i lojës shpërblyese “Viti i Ëndrrave të Mëdha”.
Të hënën, më 22 qershor, duke filluar nga ora 17:30, Sheshi Zahir Pajaziti në Prishtinë do të shndërrohet në qendrën e finales së madhe të INTEREX, ku do të përzgjidhen fituesit e shpërblimeve kryesore të një prej lojërave shpërblyese më të mëdha të organizuara ndonjëherë në Kosovë.
Që nga fillimi i saj më 30 mars, mijëra qytetarë janë bërë pjesë e kësaj loje, duke ndjekur me emocion çdo tërheqje dhe duke shpresuar që fati të jetë në anën e tyre. Gjatë gjithë periudhës së lojës janë shpërndarë mijëra shpërblime të menjëhershme, përfshirë voucherë në vlerë prej 100, 200 dhe 300 euro, me një fond total prej 30,000 euro.
Tani, pas muajsh emocionesh, surprizash dhe pritjeje, gjithçka kulmon në një ngjarje të vetme ku do të zbulohen fituesit e shpërblimeve më të mëdha të lojës shpërblyese “Viti i Ëndrrave të Mëdha”.
Në finalen e së hënës do të tërhiqen fituesit e shpërblimeve më prestigjioze të kësaj loje shpërblyese, përfshirë:
• Një banesë në Prishtinë
• Tre vetura Renault Clio 2026
• Dy voucher për blerje në DARTY në vlerë prej 5,000 euro secili
• Voucher vjetor në INTEREX në vlerë prej 3,600 euro
• Voucher vjetor në SHELL në vlerë prej 1,200 euro
• Pushime All Inclusive
Ngjarja pritet të mbledhë qytetarë nga e gjithë Kosova, të cilët do të kenë mundësinë të ndjekin nga afër momentet më emocionuese të finales dhe përzgjedhjen e fituesve të shpërblimeve kryesore. Atmosfera festive, emocionet e pjesëmarrësve dhe momentet vendimtare të lojës do ta bëjnë këtë finale një nga ngjarjet më të veçanta të verës.
Për të gjithë ata që nuk do të mund të jenë të pranishëm, tërheqja e shpërblimeve do të transmetohet drejtpërdrejt në media dhe në platformat zyrtare të INTEREX, duke u dhënë mundësinë të gjithë pjesëmarrësve ta ndjekin finalen në kohë reale.
INTEREX fton të gjithë qytetarët të bëhen pjesë e kësaj finaleje, qoftë nga afër në Sheshin Zahir Pajaziti apo përmes transmetimit të drejtpërdrejtë, për të përjetuar së bashku momentin kur do të zbulohen fituesit e “Vitit të Ëndrrave të Mëdha”.
Më 22 qershor, në zemër të Prishtinës, ëndrrat do të bëhen realitet.
Meteorologët kanë thënë që deri të dielën se temperaturat prej 39 deri në 40 gradë Celsius do të shtrihen nga jugperëndimi i Francës, ndërsa në disa zona mund të arrijnë edhe 41 gradë Celsius, njofton Reuters.
Temperaturat pritet të arrijnë kulmin të hënën, duke pasur mundësi të barazojnë rekordet historike.
Edhe Gjermania po përballet me paralajmërime për vapë pothuajse në të gjithë vendin, me temperatura që po afrohen në 38 gradë Celsius.
Shërbimi meteorologjik gjerman DWD ka paralajmëruar se kombinimi i nxehtësisë dhe lagështisë mund të shkaktojë stuhi të forta.
Përtej Alpeve, temperaturat që pritet të arrijnë 36–37 gradë Celsius po ndryshojnë jetën e përditshme dhe turizmin në disa qytete italiane, vijon artikulli i Reutersit.
Kandidati i Partisë Demokratike të Kosovës (PDK) për deputet, Qëndrim Kryeziu, ka njoftuar se ka paraqitur ankesë në Panelin Zgjedhor për Ankesa dhe Parashtresa (PZAP), duke kërkuar rinumërimin e plotë të votave të kandidatëve për deputet të kësaj partie.
Sipas Kryeziut, kërkesa e tij nuk bazohet në pakënaqësi me rezultatin zgjedhor, por në të dhënat e dala nga procesi i deritanishëm i rinumërimit të realizuar nga Komisioni Qendror i Zgjedhjeve (KQZ).
Ai ka bërë të ditur se nga rinumërimi i 185 vendvotimeve, që sipas tij përbëjnë rreth 3.52 për qind të votave të PDK-së, janë evidentuar gabime në numërimin fillestar dhe atij i janë shtuar 589 vota.
Kryeziu vlerëson se, nëse ky trend do të reflektohej në të gjithë procesin, numri i votave të tij mund të kalonte shifrën prej 22 mijë votash. Për këtë arsye, ai ka kërkuar që të rinumërohen të gjitha votat e kandidatëve të PDK-së që nuk janë përfshirë në procesin e deritanishëm të rinumërimit.
“Vetëm një verifikim i plotë mund të garantojë që mandati parlamentar t’i takojë kandidatit që ka fituar besimin e qytetarëve dhe që çdo votë të numërohet saktë”, ka theksuar ai.
Kandidati i PDK-së ka kërkuar nga PZAP që ankesa e tij të shqyrtohet në mënyrë të paanshme, duke theksuar se integriteti i procesit zgjedhor dhe respektimi i vullnetit të qytetarëve duhet të jenë prioritet.
Ai gjithashtu ka rikujtuar se edhe në proceset e mëparshme zgjedhore, sipas tij, pas rinumërimeve i janë shtuar vota në komuna të ndryshme, duke ngritur dyshime për pasaktësi në numërim.
“Më e rëndësishme se shpejtësia e publikimit të rezultatit zgjedhor është saktësia e tij. Çdo votë duhet të numërohet ashtu siç është shprehur vullneti i qytetarëve”, ka deklaruar Kryeziu.
Artistja shqiptare me famë botërore, Dua Lipa, ka ndarë për herë të parë me ndjekësit fotografi nga dasma e saj madhështore me aktorin Callum Turner.
Këngëtarja dhe partneri i saj i dhanë fund beqarisë në një ceremoni intime në Londër, përpara se të festonin dashurinë e tyre me një dasmë luksoze treditore në Sicili, e cila mblodhi pranë tyre familjarë, miq të ngushtë dhe shumë emra të njohur.
Deri më tani, detajet e ceremonisë ishin mbajtur larg syrit të publikut, por Dua ka vendosur të zbulojë disa nga momentet më të bukura të kësaj ngjarjeje të veçantë. Në fotografitë e publikuara në rrjetet sociale, artistja shfaqet për herë të parë me vellon e bardhë, duke mahnitur fansat me elegancën dhe paraqitjen e saj.
Në një sërë imazhesh romantike, Dua dhe Callum Turner shihen duke pozuar pranë njëri-tjetrit, duke shkëmbyer vështrime plot dashuri dhe momente të ëmbla para kamerës.
Çifti dukej më i lumtur se kurrë, ndërsa fotografitë pasqyronin atmosferën magjike të festës së tyre.
