ATV

Blog

  • A dëmton zemrën gjumi në anën e majtë?

    A dëmton zemrën gjumi në anën e majtë?

    Shumë njerëz pyesin nëse pozicioni i gjumit, sidomos të fjeturit në anën e majtë, mund të ndikojë negativisht në zemër për shkak të presionit që supozohet se krijohet. Sipas një kardiologu, kjo është më shumë mit sesa fakt.

    Gjumi dhe shëndeti i zemrës

    Gjumi është një proces thelbësor rikuperimi për trupin. Ai ndihmon në uljen e stresit, inflamacionit dhe në eliminimin e toksinave, faktorë të lidhur me sëmundje të ndryshme kronike.

    “Kualiteti i gjumit, veçanërisht gjumi i thellë dhe faza REM, është shumë i rëndësishëm për shëndetin kardiovaskular”, shpjegon Dr. Renato A. Apolito, kardiolog dhe drejtor mjekësor i laboratorit të kateterizimit kardiak në Qendrën Mjekësore të Universitetit Jersey Shore, shkruan vizionplus.tv.
    A e dëmton zemrën gjumi në anën e majtë?

    Sipas mjekut, nuk ka prova shkencore që tregojnë se fjetja në anën e majtë apo në ndonjë pozicion tjetër të caktuar dëmton zemrën.

    “Nuk ka studime të forta që tregojnë se një pozicion gjumi është më i mirë apo më i keq për zemrën. Kjo varet më shumë nga individi, rehatia e tij dhe nevojat ortopedike. Për më tepër, njerëzit ndryshojnë pozicion gjatë gjumit pa e kuptuar,” thotë ai.

    Më e rëndësishme se pozicioni është nëse ai ndikon në frymëmarrje apo shkakton shqetësime fizike, për shembull në shtyllën kurrizore. Disa pozicione, si të fjeturit përmbys, nuk rekomandohen.

    Rreziku real: apnea e gjumit

    Problemi më serioz dhe shpesh i padiagnostikuar është apnea e gjumit – një çrregullim që mund të rrisë presionin e gjakut dhe rrezikun e fibrilacionit atrial.

    Simptomat kryesore përfshijnë:

    Lodhje gjatë ditës edhe pas një gjumi të plotë.

    Përgjumje e papritur në aktivitete të përditshme.

    Dhimbje koke në mëngjes.

    Gërhitje e fortë ose ndalime të frymëmarrjes gjatë gjumit.

    Nëse këto simptoma janë të pranishme, rekomandohet konsultimi me mjekun. Diagnostikimi është i thjeshtë dhe trajtimi mund të përmirësojë ndjeshëm cilësinë e gjumit dhe shëndetin e zemrës.

    Sipas kardiologut, pozicioni i gjumit nuk duhet të jetë shqetësim për shëndetin e zemrës. Më e rëndësishmja është të flini 7–9 orë gjumë cilësor dhe të jeni të vëmendshëm ndaj shenjave të apnesë së gjumit.

    Në fund, ajo që ka më shumë rëndësi për zemrën tuaj nuk është pozicioni në të cilin flini, por cilësia e gjumit dhe kujdesi për problemet e mundshme shëndetësore.

  • 25 vjeçarja nga Kosova përfshihet në një aksident të rëndë në Austri, shoferi përball ishte i dehur dhe pa patentë

    25 vjeçarja nga Kosova përfshihet në një aksident të rëndë në Austri, shoferi përball ishte i dehur dhe pa patentë

    Një 25-vjeçare nga Kosova ka mbetur e plagosur rëndë në një aksident trafiku që ndodhi në orët e vona të së shtunës në rrugën L406, në zonën e Flattendorfit në Austri, shkruajnë mediat austriake.

    Ajo ishte duke udhëtuar me veturën e saj në drejtim të Schildbachut, kur rreth orës 23:05, në kilometrin 20.1, ndodhi një përplasje ballore me një automjet që vinte nga drejtimi i kundërt. Vetura tjetër drejtohej nga një 27-vjeçar austriak.

    Si pasojë e përplasjes, të dy shoferët pësuan lëndime të rënda. 25-vjeçarja nga Kosova u transportua në Spitalin Rajonal të Oberwartit për trajtim mjekësor.

    Shoferi austriak mbeti i bllokuar brenda automjetit dhe u nxor nga ekipet e emergjencës.

    Ai fillimisht u dërgua në Spitalin Rajonal të Hartbergut, ndërsa më pas u transportua me helikopter në Spitalin Rajonal të Gracit. Gjendja e tij raportohet kritike, transmeton albinfo.at

    Sipas autoriteteve, testi i alkoolit ndaj 25-vjeçares nga Kosova ka rezultuar negativ. Ndërkohë, 27-vjeçari austriak është gjetur në gjendje të rëndë të dehur dhe po drejtonte automjetin pa patentë të vlefshme.

    Rruga L406 u mbyll për rreth një orë e gjysmë për shkak të hetimeve dhe largimit të automjeteve nga vendi i aksidentit./albinfo.at/

  • Zjarrvënie në Podujevë – digjen rreth 42 ari me grurë

    Zjarrvënie në Podujevë – digjen rreth 42 ari me grurë

    Në orët e pasdites, rreth orës 15:52, në Podujevë është raportuar një zjarr që ka përfshirë një sipërfaqe prej rreth 42 ari të mbjellë me grurë.

    Në vendin e ngjarjes kanë dalë njësitë policore dhe ekipi i zjarrfikësve, të cilët kanë arritur ta lokalizojnë dhe shuajnë zjarrin.

    Sipas informacioneve të para, dyshohet se zjarri ka shpërthyer si pasojë e djegies së disa mbeturinave në afërsi të arës, gjë që më pas ka dalë jashtë kontrollit dhe është përhapur në të mbjellat.

    Me vendim të prokurorit kompetent është iniciuar rasti dhe hetimet lidhur me shkakun dhe rrethanat e incidentit janë duke vazhduar.

  • Shkelën rregullat, 60 gjoba dhe 30 motoçikleta të konfiskuara në Ferizaj

    Shkelën rregullat, 60 gjoba dhe 30 motoçikleta të konfiskuara në Ferizaj

    Policia Rajonale e Ferizajt ka intensifikuar kontrollet në trafik gjatë javës së kaluar, duke u fokusuar te drejtuesit e motoçikletave dhe skuterëve.

    Si rezultat i aksionit, janë shqiptuar 60 gjoba për shkelje të rregullave të komunikacionit, ndërsa janë konfiskuar 30 motoçikleta dhe skuterë.

    Sipas policisë, aktiviteti është zhvilluar në kuadër të planit operativ “Kontrolli i shtuar i qarkullimit të motoçikletave dhe skuterëve”, i realizuar në periudhën 29 qershor-5 korrik.

    Nga shkeljet e evidentuara, 29 gjoba janë shqiptuar për drejtim të motoçikletës pa patentë shoferi, 21 për qarkullim me motoçikleta të paregjistruara, tetë për mosmbajtje të helmetës mbrojtëse, ndërsa dy gjoba janë vendosur për kundërvajtje të tjera.

    Policia bëri të ditur se 30 motoçikleta janë konfiskuar kryesisht për mungesë të dokumentacionit të rregullt.

    Në të njëjtën kohë, autoritetet u kanë bërë thirrje drejtuesve të motoçikletave që të respektojnë rregullat e trafikut, të mos tejkalojnë shpejtësinë e lejuar, të përshtatin ngasjen me kushtet e rrugës dhe të përdorin gjithmonë helmetën mbrojtëse.

  • Sunny Hill Festival 2026 zbulon programin e plotë: Prishtina bëhet gati për tri ditë muzikë botërore

    Sunny Hill Festival 2026 zbulon programin e plotë: Prishtina bëhet gati për tri ditë muzikë botërore

    Këtë verë, Prishtina do të presë një prej programeve më të gjera muzikore te Sunny Hill Festival, me yje ndërkombetare, DJ të njohur botëror, artiste shqiptare dhe zëra të rinj që po i japin formë skenës lokale.

    Prishtinë, 3 Korrik 2026 – Sunny Hill Festival ka zbuluar zyrtarisht programin e plotë për edicionin e vitit 2026, i cili do të mbahet më 31 korrik, 1 dhe 2 gusht në Sunny Hill Festival Park, Prishtinë.

    Me Katy Perry, Lewis Capaldi dhe Martin Garrix në krye të programit, edicioni i këtij viti sjell në Kosovë disa nga emrat më të njohur të skenës ndërkombëtare. Zbulimi i plotë i programit shënon një nga momentet më të pritura të verës për publikun në vend, rajon dhe më gjerë.

    Në Sunny Hill Stage, festivali sjell emrat kryesorë të edicionit, përfshirë Katy Perry, Lewis Capaldi, Martin Garrix, Dhurata Dora, Blanco, Esdeekid, Tyson O’Brien dhe artistë të tjerë që përfaqësojnë energjinë kryesore të programit. Kjo skenë mbetet hapësira ku takohen yjet ndërkombëtarë, artistët më të dashur shqiptarë dhe publiku i madh i festivalit.

    Në anën tjetër, C4 Stage e forcon identitetin elektronik të Sunny Hill Festival, me emra si Seth Troxler, PAWSA, Adam Port & Rampa, Carlita, Salomé Le Chat, Tommy Gold, Gjin dhe Kamelia. Ky program sjell në Prishtinë një pjesë të rëndësishme të skenës elektronike ndërkombëtare, duke e bërë festivalin destinacion edhe për publikun që ndjek tingujt e house, techno dhe performancat e klubeve e festivaleve më të njohura.

    Një pjesë e veçantë e edicionit 2026 është edhe hapësira për skenën lokale, alternative dhe artistët në rritje. Përmes The Next Stage dhe The Satellite, Sunny Hill Festival krijon vend për emra si Asgjë Sikur Dielli, La Fazani, Sytë, Bana Zahiti, Erëza, Jolle, Rrezze, The Milk Snatchers, Anitë, Artssassin, Halfpint, Locky, Malix, Nautica, Sindicato Del Baile, Uran B dhe Us Two, duke e bërë programin jo vetëm ndërkombëtar, por edhe të lidhur ngushtë me skenën muzikore vendore dhe rajonale.

    Ky kombinim e bën edicionin e vitit 2026 një nga programet më të plota të Sunny Hill Festival deri më tani. Në të njëjtin festival, publiku do të ketë mundësi të ndjekë emra të mëdhenj botërorë, artistë të njohur shqiptarë, DJ të skenës elektronike dhe performues të rinj që po ndërtojnë identitetin e tyre muzikor.

    Me këtë program, Sunny Hill Festival vazhdon të pozicionohet si një nga ngjarjet më të rëndësishme muzikore në rajon. Për Prishtinën, festivali nuk është vetëm një ngjarje treditore, por një moment kulturor që sjell publik, media, artistë dhe vëmendje ndërkombëtare në kryeqytet.

    Përtej skenës muzikore, Sunny Hill Festival vazhdon të ketë ndikim në gjallërimin e qytetit gjatë sezonit veror, duke kontribuar në hoteleri, gastronomi, transport dhe shërbime lokale. Në të njëjtën kohë, festivali luan rol në mënyrën se si Kosova prezantohet jashtë vendit: si një destinacion i ri, energjik dhe gjithnjë e më i pranishëm në hartën kulturore të rajonit.

    Me programin tashmë të plotë, Sunny Hill Festival 2026 hyn në fazën më dinamike të përgatitjeve, ndërsa Prishtina bëhet gati për tri ditë muzikë, skena të ndryshme dhe një program që bashkon emrat globalë me energjinë e publikut vendor dhe rajonal.

  • Publikohet çmimi i naftës për sot në Kosovë

    Publikohet çmimi i naftës për sot në Kosovë

    Ministria e Industrisë, Ndërmarrësisë, Tregtisë dhe Industrisë ka publikuar çmimet e derivateve për 24 orët e ardhshme.

    Sipas MINT, çmimi për një litër naftë është 1 euro e 41 centë, ndërsa benzina 1 euro e 36 centë.

    Gasi do të shitet me çmim 0.64 euro për litër.

    Çmimet hyjnë në fuqi nga ora 10:00.

  • Tentoi vjedhjen, kapet në flagrancë 37-vjeçari në Prishtinë

    Tentoi vjedhjen, kapet në flagrancë 37-vjeçari në Prishtinë

    Këtë të hënë, Njësitet e Stacionit Policor Veriu në Prishtinë kanë realizuar një operacion të suksesshëm, i cili ka rezultuar me arrestimin në flagrancë të një personi të dyshuar për veprën penale “Vjedhje e rëndë”.

    Sipas njoftimit të policisë dhe bazuar në veprimet e ndërmarra, njësitet policore kanë identifikuar dhe arrestuar personin e dyshuar në momentin kur ai kishte hyrë në një shtëpi në Prishtinë.

    Personi i dyshuar, D.K., 37 vjeç, në koordinim me Prokurorin e Shtetit, është intervistuar dhe është dërguar në mbajtje për 48-orë.

  • Mediumi serb: Veselinoviqi po ruhet nga një snajper aktiv i njësisë speciale serbe

    Mediumi serb: Veselinoviqi po ruhet nga një snajper aktiv i njësisë speciale serbe

    Zvonko Veselinoviqi, biznesmeni kontroverz nga Serbia që dikur operonte në Kosovë, siç duket po mbrohet nga regjimi i Aleksandar Vuçiqit.

    Siç raporton mediumi serb N1, Veselinoviqi ruhet nga Negjelko Golje, pjesëtar aktiv i Njësisë Speciale Antiterroriste (SAJ) në Serbi, përcjell Insajderi.

    Ky informacion u konfirmua për N1 nga një burim i njohur me zhvillimet në SAJ, i cili pretendon se Gole është marrë me sigurinë e Veselinoviqit që kur Igor Zmiriq u bë kreu i asaj njësie në fund të vitit të kaluar në vend të komandantit në pension Spasoj Vuleviq.

    “Ai është gjithmonë në orare të rregullta ditore në bazë, ku shkruhet se orari i tij i punës është nga ora 7:30 e mëngjesit deri në orën 15:30. Megjithatë, që nga fillimi i këtij viti, është e qartë se ai nuk është i pranishëm, por është sekret i hapur se ai po i siguron Veselinoviqit jetesën”, sipas këtij burimi.

    Para se të siguronte Veselinoviqin, Gole ishte udhëheqës snajper i kësaj njësie.

    Ky medium më herët kishte njoftuar se dy pjesëtarë aktivë të detashmentit të Xhandarmërisë së Beogradit po sigurojnë Milan Radoiçiqin dhe Zvonko Veselinoviqin.

  • Arrestohet një person i dyshuar për zjarrvënie

    Arrestohet një person i dyshuar për zjarrvënie

    Hetuesit e Stacionit Policor në Lipjan kanë arrestuar një person të dyshuar lidhur me një rast të zjarrvënies, i cili kishte ndodhur më 03.07.2026 dhe si pasojë ishte përfshirë nga zjarri një veturë, njofton policia.

    Pas ndërmarrjes së veprimeve intensive hetimore dhe operative, policia ka arritur të identifikojë dhe arrestojë personin e dyshuar: “F.V., mashkull, 25 vjeç”, konfirmon policia.

    Me vendim të prokurorit të shtetit, i dyshuari është intervistuar dhe më pas është dërguar në mbajtje për 48 orë.

  • Ministri Maqedonci: FSK më 2029 do të jetë forcë e gatshme për të mbrojtur territorin

    Ministri Maqedonci: FSK më 2029 do të jetë forcë e gatshme për të mbrojtur territorin

    Ministri në detyrë i Mbrotjjes, Ejup Maqedonci, ka thënë se në vitin 2029 ushtria e Kosovës do të jetë e gatshme të mbrojë teritorin.

    Ai tha që janë në një fazë tranzicioni 10-vjeçar, e ky plan mbaron në vitin 2028.

    Maqedonci tha se kanë tejkaluar disa objektiva, jo vetëm në sasinë e mjeteve ushtarake, por edhe në llojet e armatimt.

    “Eshtë aprovuar më 14 dhjetor 2018 nga Kuvendi, gjatë kësaj faze kemi pasur një plan të tranzicionit, që tash jemi në përfundim, viti 2028 parashihet. Investimet që kemi pasur ne kemi arritur të tejkalojmë shumë nga objektivat, si në aspektin e paisjeve jo vetëm në sasi, por edhe në llojet e aramtimit sepse kemi qenë të kufizuar në atë plan. Jemi në fund të planit për arritjen e kapaciteteve operacionale. Ne planifikojmë që në vitin 2029 të kemi një forcë të gatshme për të mbrojtur territorin, të mbështesë autoritetet civile dhe të marrë pjesë në misione ndërkombëtare”, ka thënë ai në Euronews Albania.