Blog

Kryeministri Edi Rama ishte i vetmi lider që në samitin e NATO-s në Ankara u shfaq i veshur me kostum dhe atlete të bardha. Kjo nuk është hera e parë që kreu i qeverisë vishet me këtë stil në një samit të rëndësishëm ndërkombëtar.

Por ajo që ra në sy ishte një reagim i Sekretarit të Përgjithshëm të NATO-s, Mark Rutte, i cili i tregoi me kishte Donald Trump atletet e bardha e kryeministrit.

Nga ana e tij Presidenti amerikan hodhi një vështrim, pa e ditur se për çfarë bëhej fjalë. Më pas shfaqet tepër i ftohte dhe indiferent ndaj një stili veshje si ajo e kryeministrit Edi Rama.

Ndërsa për liderët e tjerë, Rama u shndërrua në një objekt humori.

Ushtruesja e detyrës së presidentes, Albulena Haxhiu ka pritur në takim lamtumirës ambasadorin e Zvicrës në Kosovë, Jurg Sprecher.

Përmes një postimi në Facebook, Haxhiu bëri të ditur se ambasadorin e falënderoi për bashkëpunimin gjatë mandatit të tij dhe për angazhimin në forcimin e marrëdhënieve ndërmjet dy vendeve.

Kosova dhe Zvicra kanë lidhje të thella, të ndërtuara edhe nga breza të bashkatdhetarëve tanë që Zvicrën e kanë bërë shtëpinë e tyre të dytë. Ambasadorit Sprecher i urova suksese në angazhimet e ardhshme, me mirënjohje për kontributin dhe miqësinë e tij ndaj Kosovës”, ka shkruar ajo.

Presidenti amerikan, Donald Trump, tha të mërkurën në një samit të NATO-s se i kishte urdhëruar Sekretarit të tij të Thesarit, Scott Bessent, të ndërpresë të gjithë tregtinë me Spanjën, duke e quajtur Madridin një “partner të tmerrshëm” në aleancë.

Trump, duke folur së bashku me Sekretarin e Përgjithshëm të NATO-s, Mark Rutte, në fillim të samitit në Ankara, tha se nuk donte të bënte biznes me Spanjën, raporton Reuters.

Ai ka shprehur vazhdimisht zhgënjimin me Spanjën, e cila nuk është pajtuar me objektivin e ri të shpenzimeve të mbrojtjes të NATO-s prej 5% të PBB-së dhe udhëheqja socialiste e së cilës refuzoi të lejonte SHBA-në të përdorte hapësirën e saj ajrore ose bazat në territorin e saj për luftën në Iran.

Nuk dua të bëj asnjë tregti me ta, në rregull?” tha ai, duke iu drejtuar Bessent, i cili u përgjigj: “Po, zotëri.”

Merreni menjëherë, as mos u flisni atyre. Ata janë të pashpresë. Ata janë njerëz të këqij,” shtoi ai. “Ata fitojnë kaq shumë para me ne, dhe do të shohim që ata fitojnë shumë më pak. Nuk dua të kem asnjë biznes me ta.”

Shtetet e Bashkuara kanë dy baza të rëndësishme ushtarake në Spanjë: Stacionin Detar Rota dhe Bazën Ajrore Moron.

Gjendja aktuale e rezervuarëve të ujit në Kosovë tregon se liqeneve të Batllavës dhe Badocit u nevojitet ende një rritje e nivelit të ujit për të arritur kapacitetin maksimal të mbushjes.

Sipas të dhënave të Kompanisë Rajonale Ujësjellësi “Prishtina”, Liqenit të Batllavës i mungojnë edhe 1.23 metra ujë për të arritur nivelin maksimal, ndërsa Liqenit të Badocit i mungojnë edhe 1.90 metra, transmeton Klankosova.tv.

KRU “Prishtina” ka bërë thirrje për kujdes në përdorimin e ujit dhe për mbrojtjen e burimeve ujore, duke theksuar rëndësinë e menaxhimit të qëndrueshëm të rezervave të ujit.

Kreu i Aleancës, Ardian Gjini dhe deputeti i zgjedhur i kësaj partie, Daut Haradinaj janë tërhequr nga mandati i deputetit të Kuvendit të Kosovës.

Kështu ka njoftuar kryesuesi i Komisionit Qendror të Zgjedhjeve, Kreshnik Radoniqi gjatë mbledhjes së KQZ-së, ku dhe u certifikuan rezultatet përfundimtare të zgjedhjeve të parakohshme të 7 qershorit.

Siç bëri të ditur Radoniqi, vendi i Gjinit do të zëvendësohet me Bekë Berishën, ndërsa karrigen e Haradinajt do ta zë Burim Ramadani.

Eugen Cakolli nga KDI ka thënë se pas certifikimit të rezultatit të zgjedhjeve, nis rrjedhja e afatit për krijimin e institucioneve të reja. Ai ka sqaruar procedurat për thirrjen e seancën konstituive dhe për atë se kush e drejton seancën.

Cakolli tutje ka shkruar se pas konstituimit të Kuvendit të Kosovës, mund të procedohet me zgjedhjen e Qeverisë së re apo Presidentit, meqë sipas tij, nuk përcaktohet me asnjë vendim, as të Kushtetueses, se kush duhet zgjedhur përpara.

Postimi i plotë:

Me certifikimin e rezultateve nga KQZ-ja, prej nesër fillojnë të rrjedhin afatet kushtetuese për krijimin e institucioneve të reja.

Afati 30-ditor për mbajtjen dhe përmbylljen e suksesshme të seancës konstituive të Kuvendit fillon nesër, më 9 korrik dhe përfundon më 7 gusht 2026. Seanca duhet të thirret nga Albulena Haxhiu, në cilësinë e ushtrueses së detyrës së Presidentes. Nëse kjo nuk ndodh brenda afatit, Kuvendi mblidhet vetë në ditën e tridhjetë.

Para seancës, Albulena Haxhiu, në cilësinë e Kryetares së legjislaturës paraprake, duhet ta thërrasë mbledhjen përgatitore me kryetarët e 15 subjekteve politike që kanë fituar ulëse në Kuvend. Kjo mbledhje mbahet jo më vonë se pesë ditë para seancës konstituive dhe shërben për përgatitjen e rendit të ditës dhe caktimin e vendeve ku do të ulen deputetët në sallë, sipas subjekteve politike.

Seancën konstituive, deri në zgjedhjen e Kryetarit të Kuvendit, do ta drejtojë deputeti më i vjetër, Avni Dehari nga LVV, i ndihmuar nga deputetja më e re, Fatma Taçi nga KDTP.

Rendi i punës është veçse i paracaktuar. Fillimisht formohet Komisioni i Përkohshëm për Verifikimin e Kuorumit dhe Mandateve, raporti i të cilit votohet me shumicë votash; pastaj bëhet betimi i deputetëve; më pas votohet Kryetari i Kuvendit dhe, në fund, nënkryetarët e Kuvendit.

Kryetari i Kuvendit propozohet nga LVV, si subjekti më i madh parlamentar, dhe zgjidhet me së paku 61 vota. Nëse i njëjti kandidat nuk i merr votat pas tri tentimeve, duhet të propozohet kandidat tjetër. Votimi për Kryetarin duhet të jetë i hapur, përveç nëse ka konsensus për ndryshim të mënyrës së votimit.

Pas zgjedhjes së Kryetarit, Kuvendi vazhdon me zgjedhjen e pesë nënkryetarëve. Tre propozohen nga tri subjektet më të mëdha parlamentare, LVV, PDK dhe LDK. Një propozohet nga deputetët e komunitetit serb, përkatësisht nga LS, ndërsa një nga deputetët e komuniteteve të tjera jo-shumicë. Të gjithë zgjidhen me së paku 61 vota. Parimisht, nënkryetarët duhet të votohen në pako. Së paku tre nënkryetarët e propozuar nga subjektet më të mëdha parlamentare mund të votohen në një votim, ndërsa dy nënkryetarët nga komunitetet jo-shumicë në një votim tjetër.

Kuvendi konsiderohet i konstituuar vetëm pasi të jenë zgjedhur Kryetari dhe të pesë nënkryetarët.

Vetëm pas konstituimit të plotë të Kuvendit hapen dy procedura të ndara kushtetuese, ajo për formimin e Qeverisë dhe ajo për zgjedhjen e Presidentit. Këto procedura nuk e përjashtojnë njëra-tjetrën dhe as Kushtetuta, as aktgjykimet e Gjykatës Kushtetuese, nuk e kushtëzojnë formimin e Qeverisë me zgjedhjen paraprake të Presidentit.