Haxhiu pret në takim lamtumirës ambasadorin e Zvicrës në Kosovë

Ushtruesja e detyrës së presidentes, Albulena Haxhiu ka pritur në takim lamtumirës ambasadorin e Zvicrës në Kosovë, Jurg Sprecher.

Përmes një postimi në Facebook, Haxhiu bëri të ditur se ambasadorin e falënderoi për bashkëpunimin gjatë mandatit të tij dhe për angazhimin në forcimin e marrëdhënieve ndërmjet dy vendeve.

Kosova dhe Zvicra kanë lidhje të thella, të ndërtuara edhe nga breza të bashkatdhetarëve tanë që Zvicrën e kanë bërë shtëpinë e tyre të dytë. Ambasadorit Sprecher i urova suksese në angazhimet e ardhshme, me mirënjohje për kontributin dhe miqësinë e tij ndaj Kosovës”, ka shkruar ajo.