ATV

Blog

  • Gjermania publikon listën për ndeshjet kundër Luksemburgut dhe Irlandës së Veriut

    Gjermania publikon listën për ndeshjet kundër Luksemburgut dhe Irlandës së Veriut

    Kombëtarja e Gjermanisë ka bërë publike listën për ndeshjet kualifikuese të botërorit 2026,ku do të takohen kundër Luksemburgut dhe Irlandës së Veriut.

    Selektori Julian Nagelsmann ka ftuar 24 lojtarë në grumbullim,duke përfshirë edhe yjet që luajnë në top skuadrat e mëdha evropiane.

    Përndryshe Gjermania nga këto dy ndeshje synon 6 pikë në total,në mënyrë që të mbesë në garë për pozitën e parë në grupin A e cila dërgon direkt në botëror.

    Kujtojmë që Gjermania ka 3 pikë në dy ndeshjet e para të kualifikimeve për botëror,ku pësoi nga Sllovakia e më pas shënoi fitore ndaj Irlandës së Veriut.

    May be an image of text that says 'WM-QUALIFIKATION KADER TOR Oliver Baumann MITTELFELD Karim Adeyemi Nadiem Amiri Finn Dahmen Alexander Nübel Serge Gnabry Leon Goretzka ABWEHR Robert Andrich Joshua Kimmich Jamie Leweling Waldemar Anton Ridle Baku Felix Nmecha Nathaniel Brown Aleksandar Pavlović Robin Koch Angelo Stiller David Raum Florian Wirtz Nico Schlotterbeck ANGRIFF Jonathan Tah Maximilian Beier Jonathan Burkardt Nick Woltemade'

  • Gafa e Trump bëhet shaka nga Rama, Macronit: “Duhet të na urosh paqen me Azerbajxhanin”

    Gafa e Trump bëhet shaka nga Rama, Macronit: “Duhet të na urosh paqen me Azerbajxhanin”

    Kryeministri i Shqipëri, Edi Rama, i cili po merr pjesë në takimet e Samitit të Komunitetit Politik Evropian në Kopenhagë, ka bërë shaka lidhur me një ngatërresë të bërë nga presidenti amerikan Donald Trump. Ky i fundit gjatë një konference kishte thënë se kishte arritur të shuante një konflikt mes Shqipërisë dhe Azerbajxhanit, duke e arritur paqen mes dy vendeve.

    Për këtë, Rama, gjatë një bisede me presidentin francez Emmnauel Macron, i ka thënë këtij të fundit se duhet të kërkojë falje që s’i ka uruar të dy vendet për paqen e arritur, shkruan Gazeta Express.

    “Duhet të na kërkoni falje që nuk na uruat për marrëveshjen e paqes që Presidenti Trump bëri mes Shqipërisë dhe Azerbajxhanit. Ai punoi shumë për këtë”, tha Rama.

    Në videon e ndarë në rrjetet sociale, shihen teksa qeshin Macron dhe të pranishmit e tjerë.

    Kjo ishte gafa e Presidentit Trump.

  • Osmani: Nuk mund ta trajtosh Rusinë si agresor, ndërsa Serbinë si partner të paqes

    Osmani: Nuk mund ta trajtosh Rusinë si agresor, ndërsa Serbinë si partner të paqes

    Presidentja e Kosovës, Vjosa Osmani, gjatë një adresimi për media në kuadër të Samitit të Komitetit Politik Evropian që po mbahet në Danimarkë, ka theksuar se ky samit është një mundësi e madhe për të diskutuar rreth kërcënimeve që vijnë nga Rusia.

    Ajo ka përmendur edhe Serbinë si një ndër dy kërcënimet kryesore me të cilat përballet rajoni, duke e quajtur atë “satelit të Rusisë”. Sipas saj, nuk mund të trajtohet njëri si agresor e tjetri si partner i paqes.

    “Duhet të themi se vetëm uniteti nuk mjafton, ka nevojë të vazhdueshme për konsistencë për t’u marrë me agresorë dhe diktatorë. Janë aktualisht dy rreziqe kyç të sigurisë që janë duke ardhur kundër shteteve në kontinentin tonë, një vjen nga Rusia, tjetra veçanërisht në rajonin tonë vjen nga sateliti i Rusisë, zgjatja e Rusisë në rajonin tonë, Serbia. Mendoj që është e nevojshme konsistenca nga BE-ja që të merren me të dy agresorët sepse nuk mund ta trajtosh njërin si agresor dhe tjetrin si partner të paqes”, ka thënë Osmani.

    Ajo ka akuzuar Serbinë se i ka trajtuar shtetet fqinje si vende që nuk ekzistojnë, si shtete të përkohshme dhe ka vepruar si agresor ndaj tyre.

    Duke folur para gazetarëve të huaj, presidentja ka rikujtuar edhe sulmin terrorist në Banjskë, duke theksuar se Serbia dhe Rusia përdorin metoda të ngjashme për të kërcënuar stabilitetin në rajon.

    “Natyrisht që është kopje e Rusisë. Fatkeqësisht Rusia e mbështetë Serbinë, kështu që tradicionalisht e kanë përdorur këtë koncept: Rusia flet për Rusinë e Madhe ndërkaq Serbia flet për Serbinë e Madhe dhe përdorin të dyja metodat e njëjta të kërcënimit. Ne sapo kemi shënuar dy vjet të agresionit të Serbisë në veri të vendit tonë, Bashkimi Evropian vazhdimisht ka bërë thirrje për përgjegjësi dhe kanë pasur zero përgjegjësi”, ka deklaruar ajo.

    Osmani ka akuzuar presidentin serb, Aleksandar Vuçiq, se po përpiqet të kopjojë taktikat e Vladimir Putinit përmes agresionit dhe destabilizimit të rajonit. Sipas saj, është e domosdoshme që shtetet e BE-së ta kuptojnë se shpërblimi i Serbisë që bashkëpunon me Rusinë nuk është rruga e duhur.

    “Është e rëndësishme që shtetet që janë 100 për qind të rreshtuara nga BE-ja të shpërblehen”, ka theksuar ajo.

    Duke folur për Ukrainën, presidentja ka thënë se populli ukrainas është i vendosur për liri dhe paqe.

    “Ata do ta fitojnë luftën, do ta fitojnë paqen. Për Bashkimin Evropian dua të them se historia tregon diktatorët kënaqen kur nuk çon te paqja e qëndrueshme. Thirrja jonë është që të jenë të kujdesshëm që ndikimi i Rusisë në rajonin tonë të trajtohet dhe të mos lejohen që ta vazhdojnë dhunën”, ka shtuar ajo.

    Osmani ka ritheksuar se integrimi në Bashkimin Evropian është rruga e vetme për Kosovën, duke kujtuar se 97 për qind e popullit të saj mbështet anëtarësimin në këtë union.

    Megjithatë, presidentja ka pranuar se nuk mund të japë një afat për anëtarësimin e Kosovës, pasi kjo nuk varet nga vendi ynë. Ajo ka theksuar se Kosova i ka përmbushur të gjitha kushtet dhe se do të punojë për t’i bindur të gjitha shtetet anëtare se Kosova nuk është barrë për Bashkimin Evropian.

  • Përfundon sot afati për paraqitjen e personave që nuk mund të shkojnë në vendvotim

    Përfundon sot afati për paraqitjen e personave që nuk mund të shkojnë në vendvotim

    Komisioni Qendror i Zgjedhjeve njofton se është duke vazhduar periudha për regjistrimin dhe evidentimn e Votuesve me Nevoja të Veçanta për votim në Zgjedhjet Lokale për Kryetarë të Komunave dhe për Kuvende Komunale, të cilët nuk mund të shkojnë në vendvotimin e tyre në ditën e zgjedhjeve.

    Për të mundësuar votimin e personave me nevoja të veçanta, që do të regjistrohen gjatë kësaj periudhe, KQZ do të angazhojë ekipe mobile në çdo komunë të Republikës së Kosovës, në ditën e zgjedhjeve, më 12 tetor 2025, të cilët do të shkojnë në adresat e caktuara të votuesve të regjistruar.

    Për të lehtësuar procesin e regjistirmit, KQZ ka funksionalizuar platfomën elektronike: https://vpnv.kqz-ks.org, e cila do të jetë e qasshme deri më 7 tetor 2025, ndërkohë afatet janë si në vijim:

    I. Regjistrimi dhe evidentimi i votuesve me lëvizje të kufizuar në institucione, i cili ka filluar më 15 shtator, do të përfundojë më 2 tetor 2025

    Votues në institucione konsiderohen votuesit me zotësi juridike, me lëvizje të kufizuar në ndonjë institucion: votuesit në hospitalizim, njerëzit e moshuar në shtëpitë e caktuara për të moshuarit, personat në trajtim në institucionet e shëndetit mendor, të burgosurit në burgje dhe të paraburgosurit në qendrat e paraburgimit.

    KQZ në bashkëpunim me institucione relevante bën evidentimin e këtyre votuesve.

    Votuesit me lëvizje të kufiziuar në institucione dhe të evidentuar prej tyre konsiderohen si votues të regjistruar, ndërkaq votuesit që ndodhen në institucione të hospitalizimit, shtëpitë e të moshuarëve dhe strehimoret për mbrojtjen e viktimave, mund të regjistrohen edhe individulisht përmes platformës elektornike.

    II. Regjistrimi i votuesve me nevoja të veçanta, i cili ka filluar më 7 shtator, do të përfundojë më 7 tetor 2025

    Votues me nevoja të veçanta, konsiderohen votuesit me zotësi juridike që nuk mund të dalin nga shtëpitë e tyre për të votuar personalisht në vendvotim, për shkak të paaftësisë fizike, shëndetësore ose çfarëdo paaftësie tjetër.

    Regjistrimi i këtyre votuesve mund të bëhet përmes platformës elektronike ose fizikisht në Komisionin Komunal të Zgjedhjeve në komunën ku është votuesi.

    III. Rregjistrimi i votuesve në rrethana të veçanta, i cili ka filluar më 7 shtator, do të përfundojë më 7 tetor 2025

    Votues në rrethana të veçanta konsiderohen votuesit që për shkaqe sigurie dhe votusit që janë në arrest shtëpiak nuk mund të votojnë në vendovitimin e tyre të caktuar.

    Registrimi i votuesve që për shkaqe sigurie nuk mund të votojnë në vendvotim bëhet përmes platfomës elektronike të KQZ-së si dhe duke kërkuar asistimin e Komisionit Komunal të Zgjedhjeve në komunën ku është votuesi, ndërkaq, KQZ në bashkëpunim me institucionet përkatëse bën evidentimin e qytetarëve me të drejtë vote që ndodhen nën masën e arrestit shtëpiak.

  • Sulm me thikë në një sinagogë në Manchester, katër persona të plagosur

    Sulm me thikë në një sinagogë në Manchester, katër persona të plagosur

    Një sulm i rëndë ka ndodhur sot në një sinagogë në Manchester, ku katër persona kanë mbetur të plagosur pasi një person sulmoi me veturë dhe me thikë.

    Sipas BBC, policia ka qëlluar të dyshuarin për këtë akt, i cili dyshohet se ka ndërruar jetë.

    Kryetari i Bashkisë së Manchesterit të Madh, Andy Burnham, ka konfirmuar se incidenti është trajtuar nga autoritetet dhe se hetimet për rrethanat e sulmit janë duke vazhduar.

  • Aksident me fatalitet në Rahovec, viktima vdes në QKUK disa orë më vonë

    Aksident me fatalitet në Rahovec, viktima vdes në QKUK disa orë më vonë

    Një aksident trafiku me fatalitet ka ndodhur pasditen e së mërkurës në fshatin Bërnjak të Rahovecit, ku një person ka humbur jetën. Ngjarja tragjike përfshiu një përplasje mes një veture dhe një traktori, ku lëndime fatale pësoi drejtuesi i mjetit bujqësor.

    Sipas Policisë, viktima fillimisht kishte pësuar lëndime trupore dhe ishte dërguar për tretman mjekësor pas aksidentit që ndodhi rreth orës 16:20.

    Megjithatë, disa orë më vonë, rreth orës 22:50, Qendra Klinike Universitare e Kosovës njoftoi se viktima nuk kishte arritur t’u mbijetonte plagëve të marra.

    Lidhur me rastin është njoftuar prokurori kompetent, me vendim të të cilit, trupi i pajetë është dërguar në Institutin e Mjekësisë Ligjore për obduksion, ndërsa drejtuesi i veturës është dërguar në mbajtje.

  • Kanosi tre zyrtarë policorë në detyrë, arrestohet një person në Prizren

    Kanosi tre zyrtarë policorë në detyrë, arrestohet një person në Prizren

    Një person është arrestuar nga Policia mëngjesin e së mërkurës në Prizren, nën dyshimin se ka kanosur tre zyrtarë policorë të cilët ishin në kryerje të detyrës zyrtare.

    Rasti ka ndodhur rreth orës 07:40 në rrugën “Rrust Kabashi”, gjatë kohës kur njësitet policore po kryenin veprime rutinore në atë zonë.

    Sipas njoftimit zyrtar, i dyshuari, një mashkull kosovar, ka shfaqur sjellje agresive ndaj zyrtarëve dhe u është drejtuar atyre me fjalë kërcënuese.

    Pas arrestimit, i dyshuari është shoqëruar në stacionin policor për të vazhduar me procedurat e nevojshme ligjore.

  • Tetori sjell borën e parë në Kosovë

    Tetori sjell borën e parë në Kosovë

    Mëngjesi i së enjtes ka sjellë reshjet e para të borës për sivjet në Kosovë, ku zonat e larta malore, kryesisht në rajonin e Dukagjinit, janë zbardhur nga një shtresë bore.

    Disa pamje të shpërndara në rrjetet sociale tregojnë se bora ka mbuluar Prevallën, Brezovicën, Brodin, si dhe zonën malore të Strellcit në Deçan.

    Ndërkohë, në viset e ulëta të vendit, moti po karakterizohet nga reshje shiu.

  • Gjykimi ndaj ish-krerëve të UÇK-së, Covey: Thaçi ishte vetëm një urë lidhëse

    Gjykimi ndaj ish-krerëve të UÇK-së, Covey: Thaçi ishte vetëm një urë lidhëse

    Në Dhomat e Specializuara të Kosovës në Hagë, po vazhdon dëshminë për të tretën ditë me radhë dëshmitari i katërt i mbrojtjes, James Peter Covey.

    Në seancën e sotme, ai deklaroi se Hashim Thaçi ishte një “urë lidhëse” kur kërkoi armë për disa anëtarë të UÇK-së.

    Sipas ish-zëvendësit të Bernard Kouchnerit, ndërkombëtarët e kuptuan se ai po kryente detyrën që i kërkuan të tjerët.

    James Peter Covey është dëshmitari i katërt i mbrojtjes, e cila nisi paraqitjen e provave të saj më 15 shtator.

    Dëshmisë së tij i paraprinë emra të njohur të diplomacisë ndërkombëtare, përfshirë ish-zëdhënësin e Departamentit të Shtetit, James Rubin, dhe këshilltarin e gjeneralit Wesley Clark.

  • Jules Kounde:PSG ishte skuadër më e mirë se Barcelona

    Jules Kounde:PSG ishte skuadër më e mirë se Barcelona

    Mbrojtësi i Barcelonës Jules Kounde,ka folur pas humbjes zhgënyjese ndaj PSG në Ligën e Kampionëve.

    Kounde ka deklaruar se kampioni i Evropës e meritoi fitoren,dhe se ishin shumë të fortë fizikisht.

    “PSG ishin më të fortë fizikisht. Nuk arritëm të ushtronim presionin që dëshironim, kjo është ajo që na mungoi më së shumti. Duhet të pranojmë se ata zhvilluan një ndeshje shumë të mirë. Jemi të zhgënjyer, por jo të surprizuar”

    Përndryshe Kounde shtoi se PSG është një ekip me vetëbesim të plotë,dhe se jo më kot nuk e ka fituar Ligën e Kampionëve edicionin e kaluar.

    Kujtojmë që PSG ka dy fitore në dy ndeshjet e fazës së ligës në Champions,duke u renditur në vendin e tretë me 6 pikë të grumbulluara.