ATV

Blog

  • A rekomandohet vaji i ullirit për skuqje të ushqimeve?

    A rekomandohet vaji i ullirit për skuqje të ushqimeve?

    Vaji i ullirit është një nga produktet më të përdorura në kuzhinën mesdhetare, i njohur për shijen, aromën dhe përfitimet shëndetësore. Por shpesh lind pyetja: A mund të përdoret për skuqje?

    Pikat e forta të vajit të ullirit

    Vaji i ullirit ekstra i virgjër është i pasur me antioksidantë dhe acide yndyrore të shëndetshme, kryesisht acidin oleik. Këto ndihmojnë në uljen e kolesterolit të keq dhe në mbrojtjen e zemrës. Për gatime të lehta, si kaurdisje, pjekje në temperaturë të ulët ose për sallata, është zgjedhja ideale.

    Pika e tymit

    Një faktor i rëndësishëm është pika e tymit, temperatura kur vaji fillon të digjet dhe lëshon substanca të dëmshme. Vaji i ullirit ekstra i virgjër ka pikë tymi rreth 190–210°C, e cila është e mjaftueshme për shumicën e skuqjeve të zakonshme në shtëpi, si perime, vezë apo mish i lehtë.

    Megjithatë, për skuqje të thella dhe në temperatura shumë të larta, ai nuk rekomandohet, sepse digjet më shpejt se vajrat si vaji i lulediellit ose vaji i kikirikut.

    Rekomandimet e ekspertëve

    • Përdoreni pa problem për gatime të lehta dhe mesatare.

    • Për skuqje të thella, preferoni vajra me pikë tymi më të lartë.

    • Shmangni gjithmonë ngrohjen e tepërt të vajit, sepse humb vlerat ushqyese dhe mund të shndërrohet në të dëmshëm.

    Në këtë mënyrë, vaji i ullirit mbetet një zgjedhje e shëndetshme dhe e shijshme, por kërkon kujdes për temperaturat e gatimit.

  • Hansi Flick:Nuk mendoj që humbja ndaj sevillës është më e keqja

    Hansi Flick:Nuk mendoj që humbja ndaj sevillës është më e keqja

    Trajneri i Barcelonës Hansi Flick,ka folur për humbjen kundër Sevillës në La Liga.

    Tekniku gjerman ka deklaruar se humbja ndaj andaluzianëve nuk është më e keqja,dhe se disa gjëra sipas Flick duhen ndryshuar në ditët dhe javët në vazhdim.

    “Më e vështira ishte sigurisht gjysmëfinalja në Milano (kundër Interit). Duhet ta pranoj këtë humbje dhe ta shoh nga ana pozitive. Duhet të ndryshojmë gjërat që nuk po i bëjmë mirë, veçanërisht gabimet e pjesës së parë. Nuk kemi pasur kontroll në disa hapësira. Por nuk është humbja më e vështirë.”

    Përndryshe Flick pranoi gjithashtu se pushimi ndërkombëtar vjen në një kohë shumë të mirë për skuadrën e tij të Barcelonës,dhe se deri atëherë skuadra mund të këndellet nga kjo situatë që është tani.

    Kujtojmë që Barcelona humbi 4:1 ndaj Sevillës në La Liga,duke e humbur kështu edhe pozitën e parë në tabelë në La Liga.

  • Borxhi i Jugosllavisë së Titos do të shlyhet vetëm në vitin 2041, 815.86 milionë euro kredi nga koha e RSFJ-së

    Borxhi i Jugosllavisë së Titos do të shlyhet vetëm në vitin 2041, 815.86 milionë euro kredi nga koha e RSFJ-së

    Si ishte në kohën e Titos?

    Shpesh dëgjohet të thuhet se ato ishin “kohë të arta” — mund të flije në park, të gjithë mund të blinin makina, merrnin banesë, dhe pushonin në det apo në male. Por, ajo që rrallë përmendet në këtë “idilë”, është: nga vinin paratë për të gjitha këto?

    Nga kreditë! Kreditë e shtrenjta!
    Dhe kush do t’i shlyejë ato? Serbët e sotëm!

    Sipas të dhënave zyrtare të Bankës Popullore të Serbisë (NBS), do të duhen edhe 16 vite të tjera që vendi të çlirohet plotësisht nga borxhet e marra në kohën e “epokës së artë” të Republikës Socialiste Federative të Jugosllavisë (RSFJ).

    Më 30 shtator 2025, Serbia ende ka për të paguar 815,86 milionë euro ndaj kreditorëve të huaj shifra që përfaqëson pjesën e mbetur të borxhit të trashëguar nga koha e “vëllazërimit dhe unitetit”. Deri më tani, shteti ka shlyer miliarda euro nga këto borxhe të mbetura që datojnë nga periudha e Titos.

    Sipas të dhënave zyrtare, borxhi publik që Serbia trashëgoi nga RSFJ-ja ishte rreth 8,82 miliardë euro. Prej tyre: ndaj Klubit të Parisit 4,19 miliardë euro, ndaj Klubit të Londrës 2,58 miliardë euro, ndaj Bankës Botërore (IBRD) 1,81 miliardë euro, dhe ndaj Bashkimit Evropian (EIB) 223 milionë euro.

    Obligimet ndaj Klubit të Londrës janë shlyer vitin e kaluar, ndërsa, sipas NBS-së, mbetet për t’u paguar ndaj Bankës Botërore, shtetit të Kuvajtit dhe Klubit të Parisit.

    Sipas llogarive aktuale, borxhi i fundit do të shlyhet në vitin 2041.

    Të dhënat tregojnë se më e madhja pjesë e borxhit i takon Bankës Botërore 343,28 milionë euro, e ndjekur nga Klubi i Parisit me 290,35 milionë euro, ndërsa ndaj Kuvajtit mbeten edhe 144,15 milionë euro për t’u shlyer.

  • Këngëtarja Lola Young padit producentin e hitit të saj “Messy”

    Këngëtarja Lola Young padit producentin e hitit të saj “Messy”

    Këngëtarja e njohur britanike Lola Young ka ndërmarrë veprime ligjore kundër producentit të mirënjohur Carter Lang, në lidhje me një mosmarrëveshje për kreditimin e këngëve që ajo pretendon se ka shkruar.

    Rasti është regjistruar në Gjykatën e Londrës në emër të Young dhe Sony Music Publishing, vetëm një ditë pas anulimit të të gjitha shfaqjeve të saj, pas kolapsit në skenë gjatë një performance në New York.

    24-vjeçarja, e cila u bë e famshme në fund të vitit të kaluar me superhitin “Messy”, që qëndroi katër javë në krye të top-listave dhe është kënga e dytë më e dëgjuar në Mbretërinë e Bashkuar për vitin 2025, pretendon se kontributi i saj në krijimin e disa projekteve nuk është njohur siç duhet.

    Producenti Carter Lang, i cili figuron si një nga katër producentët e kredituar në “Messy”, ka bashkëpunuar me Young edhe në projekte të tjera muzikore. Ai është i njohur për punën e tij me disa prej emrave më të mëdhenj të industrisë si SZA, Post Malone, Justin Bieber, Renee Rapp dhe Rosé.

    Aktualisht, as Lola Young dhe as përfaqësuesit e Carter Lang nuk kanë dhënë një deklaratë publike mbi zhvillimet e fundit, por çështja pritet të marrë vëmendje të madhe në botën e muzikës ndërkombëtare.

  • Dogana ndalon udhëtarin me mbi 10,000 euro të padeklaruara në Vermicë

    Dogana ndalon udhëtarin me mbi 10,000 euro të padeklaruara në Vermicë

    Në Pikën Kufitare Vermicë, gjatë një kontrolli të detajuar ndaj një automjeti që po hynte në territorin e Republikës së Kosovës, janë zbuluar mjete monetare të padeklaruara.
    Pas pyetjes së zakonshme nga zyrtarët doganorë, udhëtari kishte deklaruar se nuk posedonte mjete monetare për deklarim. Megjithatë, pas kontrollit të detajuar në vijën e dytë, u konstatua se ai posedonte mjete monetare që tejkalonin kufirin e lejuar prej 10,000 eurosh, pa bërë deklarimin paraprak.
    Në përputhje me legjislacionin në fuqi, Dogana e Kosovës ka ndërmarrë masat e parapara ligjore, ku është konfiskuar 25% e shumës së padeklaruar, ndërsa pjesa tjetër e mjeteve është ndaluar përkohësisht, deri në përfundimin e procedurave të mëtejshme.
    Dogana e Kosovës rithekson rëndësinë e respektimit të obligimeve ligjore nga të gjithë qytetarët dhe udhëtarët që kalojnë përmes pikave kufitare, duke rikujtuar se çdo shumë mbi 10,000 euro, e bartur në hyrje apo dalje nga territori i vendit, duhet të deklarohet paraprakisht pranë zyrtarëve doganorë.
  • Ndahet Çmimi Nobel në Mjekësi, ja çfarë arritje kishin shkenctarët

    Ndahet Çmimi Nobel në Mjekësi, ja çfarë arritje kishin shkenctarët

    Stokholm, 6 Tetor 2025 – Çmimi Nobel në Mjekësi i këtij viti iu akordua Mary Brunkow, Fred Ramsdell (të dy nga SHBA) dhe Shimon Sakaguchi (Japoni) për zbulimet e tyre që lidhen me një formë të veçantë të tolerancës imune – aftësinë e trupit për të zvogëluar përgjigjen imune ndaj shkaktarëve të caktuar.

    Instituti Karolinska në Stokholm njoftoi se punimet e tyre kanë hapur rrugën për një fushë të re kërkimi dhe kanë nxitur zhvillimin e metodave të reja të trajtimit, përfshirë terapitë për kancerin dhe sëmundjet autoimune.

    Laureatët studiuan qelizat T rregullatore, mekanizmat natyralë të sigurisë së sistemit imunitar që parandalojnë qelizat imune të sulmojnë trupin.

    “Tani e kuptojmë më mirë se si funksionon sistemi imunitar dhe pse jo të gjithë zhvillojnë sëmundje të rënda autoimune,” tha Olle Kämpe, kryetar i Komitetit të Nobelit.

    Çmimi Nobel në Mjekësi për këtë vit vlerësohet me 11 milionë krona suedeze (rreth një milion franga zvicerane). Ky njohje shënon një hap të rëndësishëm në avancimin e njohurive mbi mbrojtjen e trupit nga sulmet e vetë-sistemit imunitar.

  • Aro Muric pjesë e formacionit të javës në Serie A

    Aro Muric pjesë e formacionit të javës në Serie A

    Portieri i Kombëtares së Kosovës Arijanet Muric,ishte protagonist në ndeshjen të cilën Sassuolo e fitoi ndaj Hellas Veronës me rezultat 1:0.

    Muric bëri paraqitje fantastike kundër Veronës,ku në këtë ndeshje kishte bërë 9 pritje duke u përshirë në formacionin e javës në Serie A.

    Përndryshe Muric mori notën 10 nga faqja e njohur Sofascore,dhe natyrisht se kjo paraqitje pozitive do t’i jepte motiv shtesë Aros para ndeshjeve të rëndësishme të Kombëtares së Kosovës kundër Sllovenisë dhe Suedisë.

    Kujtojmë që Aro Muric ka zhvilluar 560 minuta me Sassuolon,që kur është huazuar nga ekipi anglez Ipsëich Toën.

  • Vuçiq nga Shqipëria: “Sërbia mbetet e përkushtuar ndaj procesit të zgjerimit të BE-së”

    Vuçiq nga Shqipëria: “Sërbia mbetet e përkushtuar ndaj procesit të zgjerimit të BE-së”

    Presidenti i Serbisë, Aleksandar Vuçiq, gjatë qëndrimit të tij në Shqipëri, është deklaruar se pavarësisht sfidave që e presin rajonin, Sërbia do të mbetet e përkushtuar ndaj procesit të integrimit evropian dhe ndaj bashkëpunimit me vendet fqinje.

    “Edhe pse na presin shumë sfida, Sërbia mbetet e përkushtuar që zgjerimi i Bashkimit Evropian të mbetet një nga prioritetet kryesore, e jo një temë dytësore”, tha Vuçiq, duke theksuar rëndësinë e Procesit Brdo–Brioni si një platformë që mund të sjellë rezultate konkrete për rajonin.

    Ai shtoi se pret që nga ky proces të dalin konkluzione të qarta, pasi sipas tij, vetëm sinqeriteti dhe qëndrueshmëria e të gjitha palëve mund të sigurojnë besimin dhe qëndrueshmërinë afatgjatë të bashkëpunimit në Ballkanin Perëndimor.

    “Jam i bindur se zgjerimi i BE-së duhet të mbetet pjesë e rëndësishme e agjendës së rajonit, sepse perspektiva e anëtarësimit sjell reforma, investime dhe rritje ekonomike,” shtoi më tej presidenti serb.

    Në fund të fjalës së tij, Vuçiq theksoi se Sërbia do të mbetet një partner i besueshëm dhe i përgjegjshëm i Bashkimit Evropian, duke përsëritur angazhimin e Beogradit për të vazhduar rrugën drejt integrimeve evropiane.

  • Që nga menaxhimi i diabetit e deri te sistemi imunitar, të mirat e gështenjave

    Që nga menaxhimi i diabetit e deri te sistemi imunitar, të mirat e gështenjave

    Gështenjat mund të duken si diçka e zakonshme, por kanë një numër përfitimesh të rëndësishme shëndetësore, duke përfshirë aftësinë e tyre për të përmirësuar shëndetin e tretjes, për të forcuar kockat, për të menaxhuar diabetin, për të mbrojtur shëndetin kardiovaskular, për të rritur sistemin imunitar dhe për të ulur presionin e gjakut. Gështenjat gjithashtu parandalojnë sëmundjet kronike.

    PARANDALOJNË DIABETIN

    Shumë njerëz nuk janë në dijeni të rolit të rëndësishëm që mund të luajë fibra dietike në rregullimin, parandalimin dhe menaxhimin e diabetit. Ushqimet që janë të larta në fibra diete, si gështenja, konsiderohen të shëndetshme. Ato u vijnë në ndihmë të sëmurëve diabetikë dhe shpesh janë pararendës për zhvillimin e diabetit, duke e parandaluar atë.

    FORCOJNË SISTEMIN IMUNITAR

    Përqendrimi i lartë i vitaminës C dhe për bërësve të tjerë antioksidues në gështenja, i bën ato ideale për sistemin tuaj imunitar. Vitamina C jo vetëm stimulon prodhimin e qelizave të bardha të gjakut, por gjithashtu vepron si një antioksidant, duke kërkuar radikalet e lira brenda trupit dhe duke neutralizuar ato para se të mund të shkaktojnë që qelizat e shëndetshme të ndryshojnë ose të nxisin stres oksidativ pranë organeve vitale. Kjo mund të ndihmojë sistemin imunitar për parandalimin e sëmundjeve.

    PËRMIRËSOJNË FUNKSIONIN E TRURIT

    Funksioni i trurit përmirësohet ndjeshëm përmes konsumit të gështenjave. Kjo pasi ato janë të pasura me vitaminat e familjes B, të cilat janë të lidhura drejtpërdrejt me zhvillimin dhe funksionimin e duhur neurologjik. Për më tepër, kaliumi i gjetur në gështenja mund të rrisë rrjedhjen e gjakut në tru dhe të promovojë shëndet të mirë të sistemit nervor, duke rritur përqendrimin dhe kujtesën.

    PARANDALIMI I SËMUNDJEVE KRONIKE

    Sëmundjet kronike të të gjitha llojeve shkaktohen nga çlirimi i radikaleve të lira, të cilat mund të shkaktojnë ndryshimin e qelizave të shëndetshme, duke çuar në kancer, stres oksidativ dhe një numër sëmundjesh kronike. Pa antioksidantë si ato që gjenden në gështenja, trupi ynë do të luftojë betejat në shumë fronte, kështu që rritja e mbrojtjes me një grusht gështenja në ditë është një ide e mirë.

    PËRMIRËSOJNË SHËNDETIN E ZEMRËS

    Shumë njerëz mendojnë për yndyra si një gjë e keqe për t’u djegur gjatë një diete, por në fakt, trupi ynë ka nevojë për një numër të yndyrave të tjera për të funksionuar normalisht. Këto yndyra të mira, që gjenden në përqendrime të larta në gështenja, ndihmojnë në balancimin e kolesterolit, zvogëlojnë inflamacionin në të gjithë trupin dhe ulin rrezikun e krijimit të aterosklerozës dhe mpiksjes së gjakut në trup. Kjo ul rrezikun tuaj të goditjes, sulmit në zemër dhe sëmundjeve koronare të zemrës në një masë më të madhe.

     

  • “Së bashku për integrimin evropian” – në Durrës nis Samiti i Brdo-Brijunit

    “Së bashku për integrimin evropian” – në Durrës nis Samiti i Brdo-Brijunit

    Samiti 2-ditor i Brdo-Brijunit po mbahet këtë vit në Shqipëri.

    Liderët e vendeve të Ballkanit Perëndimor u mblodhën në Durrës, ndërsa në fokus pritet të jenë çështjet që prekin rajonin, si dhe proceset integruese të Ballkanit Perëndimor.

    Temat e diskutimeve lidhen me bashkëpunimin rajonal, marrëdhëniet e fqinjësisë së mirë, integrimin europian, Planin e Rritjes së BE-së, rininë dhe hartimin e politikave për mbajtjen e fuqisë së kualifikuar punëtore, sidomos të rinisë.

    Veç Seancës Plenare dhe Konferencës për Shtyp që Presidenti Begaj do të mbajë së bashku me homologët e Sllovenisë dhe Kroacisë, gjatë punimeve të këtij samiti janë parashikuar edhe takime dypalëshe mes liderëve pjesëmarrës.

    Ky samit pritet të dalë me konkluzionet përkatëse, të cilat konsiderohen si shtysë për rritjen e bashkëpunimit mes vendeve pjesëmarrëse dhe progresit të tyre.

    Shqipëria, Kosova, Mali i Zi, Maqedonia e Veriut, Bosnjë dhe Hercegovina dhe Serbia janë pjesë e Procesit të Brdo-Brijuni-t, iniciativë e vitit 2010 e Sllovenisë dhe Kroacisë, dy shtete anëtare të BE-së.